ଗଞ୍ଜାମ : ଆସିକା କୋଟିନାଡ଼ା ଥାନା ଅନ୍ତର୍ଗତ ଭେଟନଈ ଗାଁରେ ଛାତ୍ରୀଙ୍କ ଆତ୍ମହତ୍ୟା । ପେଟ୍ରୋଲ ଢ଼ାଳି ଛାତ୍ରୀ ଜଣଙ୍କ ଆତ୍ମହତ୍ୟା କରିଛନ୍ତି। ମୃତ ଛାତ୍ରୀ ହେଲେ ବାଲିପଦର ଅହଲ୍ୟା ଦେବୀ କଲେଜରେ ପ୍ରଥମ ବର୍ଷ ଛାତ୍ରୀ ପୂଜା ଗୌଡ଼ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଚଳାଇଛି ।
ସୂଚନା ଅନୁଯାୟୀ, ଘରେ କେହି ନଥିବା ବେଳେ ପୂଜା ଆଜି ସକାଳେ ନିଜ ଦେହରେ କିରୋସିନ ଢାଳି ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ଆତ୍ମହତ୍ୟାର କାରଣ ଅସ୍ପଷ୍ଟ ଥିବା ବେଳେ, କୋଟିନଡା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
ଭୁବନେଶ୍ବର: ରାଜଧାନୀ ଭୁବନେଶ୍ବରରେ ଏଟିଏମରୁ ଲୁଟ୍ । ଗ୍ୟାସ କଟରରେ କାଟି ନେଇଗଲେ ୧୫ ଲକ୍ଷ ଟଙ୍କା । ଗ୍ୟାସ କଟରରେ କାଟି ନେଇଗଲେ ୧୫ ଲକ୍ଷ । ଲିଙ୍ଗରାଜ ଥାନା ହାଟ ସାହିରେ ଘଟିଛି ଏଭଳି ଅଘଟଣ । ଘଟଣାସ୍ଥଳରେ କମିଶନରେଟ ପୋଲିସ ପହଞ୍ଚି ଛାନବିନ କରିଛି । ବିଳମ୍ବିତ ରାତିରେ ଏହି ଘଟଣା ଘଟିଥିବା ଜଣାପଡିଛି ।
ATMରେ ରାତି ୧୦ଟାରେ ୧୦ ଲକ୍ଷ ଟଙ୍କା ଲୋଡ଼ ହୋଇଥିଲା । ପରେ କେହି ଦୁର୍ବୃତ୍ତ ଗ୍ୟାସ କଟର ସହାୟତାରେ ଟଙ୍କା ଲୁଟି ନେଇଛନ୍ତି । ଏଟିଏମ ଲୁଟ ଘଟଣାସ୍ଥଳରେ ପହଞ୍ଚି ଛାନବିନ ଆରମ୍ଭ କରିଛନ୍ତି ଡିସିପି । ଏଟିଏମ ପାଖରେ ଥିବା ସିସିଟିଭିକୁ ଯାଞ୍ଚ କରିଛି ପୋଲିସ । ସେପଟେ ଏହି ଏଟିଏମରେ ସିକ୍ୟୁରିଟି ନଥିବାକୁ ଦାୟୀ କରିଛନ୍ତି ସ୍ଥାନୀୟ ଲୋକେ । ଏପରିକି ଆଲର୍ମ ସିଷ୍ଟମ ମଧ୍ୟ ଠିକ ନଥିବା କହିଛନ୍ତି ସ୍ଥାନୀୟ ଲୋକେ ।
ଢେଙ୍କାନାଳ: କାମାକ୍ଷାନଗର ଥାନା କାଦୁଆ ଗାଁରେ ଏଭଳି ଅଘଟଣ ଘଟିଛି । ମହୁମାଛି ଆକ୍ରମଣରେ ଦୁଇଜଣ ପ୍ରାଣ ହରାଇଛନ୍ତି । ୨ ମୃତକ ହେଲେ ଝୁମର ସେଠୀ ଏବଂ ମାୟାଧର ଦେହୁରୀ । ମାୟାଧର ନିଜ ଚାଷଜମିରୁ ଘରକୁ ଫେରୁଥିବା ବେଳେ ମହୁମାଛି ଆକ୍ରମଣର ଶିକାର ହୋଇଥିଲେ । ତାଙ୍କୁ ଗୁରୁତର ଅବସ୍ଥାରେ କାମାକ୍ଷାନଗର ଓ ପରେ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା ।
ମେଡିକାଲରେ ତାଙ୍କର ମୃତ୍ୟୁ ହୋଇଛି । ସେହିଭଳି ଝୁମର ସେଠୀ ଗାଧୋଇ ସାରି ଘରକୁ ଫେରୁଥିବା ବେଳେ ମହୁମାଛି ଆକ୍ରମଣର ଶିକାର ହୋଇଥିଲେ । ତାଙ୍କୁ କାମାକ୍ଷାନଗର ମେଡିକାଲରେ ଭର୍ତ୍ତି କରାଯାଇଥିଲା । ମାତ୍ର ସେତେବେଳେକୁ ତାଙ୍କର ମୃତ୍ୟୁ ହୋଇସାରିଥିଲା । ମହୁମାଛି ଆକ୍ରମଣରେ ଦୁଇ ଜଣଙ୍କର ମୃତ୍ୟୁ ନେଇ ଗାଁରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି।
କେନ୍ଦ୍ରାପଡା : ଆଉ ପାଦେ ଆଗକୁ ଗଲା କେନ୍ଦ୍ରାପଡ଼ା ଜିଲ୍ଲାରେ ସର୍ବବୃହତ୍ ଇସ୍ପାତ କାରଖାନା ପ୍ରତିଷ୍ଠା ପ୍ରକ୍ରିୟା। ଏଥିପାଇଁ ଆଜିଠାରୁ ଜନଶୁଣାଣି ଆରମ୍ଭ ହୋଇଛି । ମହାକାଳପଡ଼ା ବ୍ଲକର ପ୍ରସ୍ତାବିତ ୩ଟି ପଞ୍ଚାୟତରେ ଆଜିଠୁ ତିନିଦିନ ଧରି ଜନଶୁଣାଣି ଚାଲିବ। ଆର୍ସେଲର ମିତ୍ତଲ ଓ ନିପ୍ପନ ଷ୍ଟିଲ ଏଠାରେ ଇସ୍ପାତ କାରଖାନା ପ୍ରତିଷ୍ଠା କରିବ। କାରଖାନାର ସାମାଜିକ ପ୍ରଭାବ ଉପରେ କରାଯିବ ଜନଶୁଣାଣି।
ପ୍ରଥମ ଦିନରେ ରାମନଗର ପଞ୍ଚାୟତର ଲୁଣି ମାଠିଆ ଖେଳ ପଡ଼ିଆରେ ଜନଶୁଣାଣି ଶିବିର ଆୟୋଜିତ ହୋଇଛି। ରାମନଗର ଓ ବନ ବିହାରୀପୁର ମୌଜାର ସ୍ଥିତିବାନ ପଟ୍ଟା ଥିବା ବ୍ୟକ୍ତିମାନେ ଏଥିରେ ଭାଗନେଇଛନ୍ତି। କେନ୍ଦ୍ରାପଡ଼ା ଜିଲ୍ଲାପାଳ ଅମ୍ରିତ ରୁତୁରାଜ, ଜିଲ୍ଲା ବନ ଅଧିକାରୀ, ତହସିଲଦାର, ବିଡିଓ ଏବଂ ଆର୍ସେଲର ମିତ୍ତଲ ଓ ନିପ୍ପନ ଷ୍ଟିଲର ପଦାଧିକାରୀମାନେ ଜନଶୁଣାଣି ଶିବିରରେ ଯୋଗଦେଇଛନ୍ତି । ଜିଲ୍ଲା ପ୍ରଶାସନ ପକ୍ଷରୁ ସ୍ଥିତିବାନ ପଟ୍ଟା ଥିବା ବ୍ୟକ୍ତିମାନଙ୍କ ପାଇଁ ପାଞ୍ଚଟି ଷ୍ଟଲ୍ କରାଯାଇଛି। ଏଥିରେ ସେମାନେ ନାଁ ପଞ୍ଜୀକରଣ କରିବେ। ସୁବିଧାରେ ସେମାନେ ସେମାନଙ୍କ ଜମିର ଖାତା ନମ୍ବର ଓ ପ୍ଲଟ ନମ୍ବର ଦେଇ ନାମ ପଞ୍ଜୀକରଣ କରିବା ସହିତ ନିଜ ନିଜ ମତ ରଖିବେ। ଆଇନଶୃଙ୍ଖଳା ରକ୍ଷା ପାଇଁ ବ୍ୟାପକ ପୋଲିସ ମୁତୟନ କରାଯାଇଛି ।
ଖୁବଶୀଘ୍ର ଜଙ୍ଗଲ ଓ ପରିବେଶ ମଞ୍ଜୁରୀ ମିଳିବ ଓ ଜମି ଅଧିଗ୍ରହଣ ଆରମ୍ଭ ହେବ । ଏଥିପାଇଁ ରାଜ୍ୟ ସରକାର ସବୁ ପଦକ୍ଷେପ ନେଇଛନ୍ତି । ଶିଳ୍ପବିହୀନ କେନ୍ଦ୍ରାପଡ଼ା ଜିଲ୍ଲାରେ ବୃହତ୍ ଇସ୍ପାତ କାରଖାନା ପ୍ରତିଷ୍ଠା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପଦକ୍ଷେପକୁ ଜିଲ୍ଲାର ଲୋକମାନେ ସ୍ବାଗତ କରିବା ସହିତ କୃତଜ୍ଞତା ଓ ଧନ୍ୟବାଦ ଜଣାଇଛନ୍ତି ।
ପାରାଦ୍ୱୀପ : ପାରାଦ୍ୱୀପ ସମୁଦ୍ରରୁ ଧରାହେଲା ୧୭ଟି ବିରଳ ତେଲିଆ ବୋରିହା ମାଛ।। ଏହି ମାଛ ୨୫ ଲକ୍ଷ ଟଙ୍କାରେ ବିକ୍ରି ହୋଇଛି । ପାରାଦ୍ୱୀପ ସମଦ୍ର କୂଳ ଠାରୁ ୨୦ କିଲୋମିଟର ଦୂରରେ ଜାଲରେ ପଡିଥିଲା ଏହି ବିରଳ ମାଛ ।
ବର୍ତ୍ତମାନ ଅଲିଭ୍ ରିଡଲେ କଇଁଛଙ୍କ ଅଣ୍ଡାଦାନ ପାଇଁ କୂଳଠାରୁ ୨୦ କିଲୋମିଟର ମଧ୍ୟରେ ମାଛ ଧରିବା ଉପରେ କଟକଣା ଲଗାଯାଇଛି । ତେଣୁ ବୋଟଗୁଡିକ ଗଭୀର ସମୁଦ୍ରରେ ମାଛ ଧରୁଛନ୍ତି । ପାରାଦୀପ ନେହେରୁ ବଙ୍ଗଳା ମାଛଧରା ବନ୍ଦରରୁ ଯାଇଥିବା ଏକ ବୋଟ୍ ମାଛ ଧରୁଥିବା ବେଳେ ଜାଲରେ ପଡ଼ିଛନ୍ତି ଏହି ବିରଳ ମାଛ। ବୋଟଟି କୂଳରେ ପହଞ୍ଚିବା ପରେ ମାଛଗୁଡ଼ିକୁ ଅଠରବାଙ୍କି ବାଲିପ୍ଲଟକୁ ଅଣାଯାଇ ନିଲାମ କରାଯାଇଥିଲା। କୋଲକୋତାର ଜଣେ ମାଛ ବ୍ୟବସାୟୀ ୧୭ଟି ଯାକ ମାଛକୁ ୨୫ ଲକ୍ଷ ଟଙ୍କାରେ କିଣିଛନ୍ତି । ଏହି ମାଛ ଔଷଧ ପାଇଁ ବ୍ୟବହାର ହେଉଥିବାରୁ ଏହାର ଦର ଅଧିକ ଟଙ୍କା ରହିଛି ।
ନୂଆଦିଲ୍ଲୀ: ରାଜସ୍ଥାନରେ କିଏ ହେବ ମୁଖ୍ୟମନ୍ତ୍ରୀ ଏହାକୁ ନେଇ ଛିଣ୍ଡୁନି ଅଙ୍କ। ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ ନା ଆଉ କୋଉ ନୂଆ ମୁହଁ ଦେଖିବାକୁ ମିଳିବ। ମୁଖ୍ୟମନ୍ତ୍ରୀ ପଦକୁ ନେଇ ଆଶାୟୀ ଅଛନ୍ତି ବସୁନ୍ଧରା ରାଜେ । ପୂର୍ବରୁ ବସୁନ୍ଧରାଙ୍କୁ ଦିଲ୍ଲୀ ଡକାଇଥିଲେ କେନ୍ଦ୍ରୀୟ ବିଜେପି ଟିମ । ଏବେ ଏକ ଖବର ସାମନାକୁ ଆସିଛି । ବସୁନ୍ଧରା କହିଛନ୍ତି କି, ତାଙ୍କୁ ଗୋଟିଏ ବର୍ଷ ପାଇଁ ମୁଖ୍ୟମନ୍ତ୍ରୀ କରାଯାଉ । ଏହପରେ ମୁଁ ନୁହେଁ ପଦବୀ ଛାଡ଼ି ଦେବି ବୋଲି କେନ୍ଦ୍ରୀୟ ନେତାଙ୍କ ଆଗରେ କହିଥିବା ଚର୍ଚ୍ଚା ହେଉଛି ।
ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡାଙ୍କ ସହ ଆଲୋଚନ କରି ଫେରିଛନ୍ତି ବସୁନ୍ଧରା । ତେବେ ବସୁନ୍ଧରା ମୁଖ୍ୟମନ୍ତ୍ରୀ ପଦ ନେବାକୁ ଜିଦରେ ଅଡ଼ି ବସିଥିବା ଜଣାପଡିଛି । ରାଜସ୍ଥାନ ଜୟପୁରରେ ବିଜେପିର ୬୦ ବିଧାୟକଙ୍କୁ ସାକ୍ଷାତ କରିଛନ୍ତି ବସୁନ୍ଧରା ରାଜେ। ମୁଖ୍ୟମନ୍ତ୍ରୀ ପଦ ଲାଗି ବସୁନ୍ଧରା ପରେ ରାଜପରିବାରର ଦୀୟା କୁମାରୀ ମଧ୍ୟ ଅଛନ୍ତି । ଦୀୟା କୁମାରୀ ନା ଆଉ କାହାକୁ ମୁଖ୍ୟମନ୍ତ୍ରୀ କରିବେ ଏନେଇ ବିଧାୟକ ଦଳ ବୈଠକରେ ନିଷ୍ପତ୍ତି ହେବ। ମଙ୍ଗଳବାର ରାଜସ୍ଥାନରେ ବସୁଛି ରାଜସ୍ଥାନ ବିଜେପି ବିଧାୟକ ଦଳ ବୈଠକ । ଏଥିରେ ବରିଷ୍ଠ ନେତା ରାଜନାଥ ସିଂହଙ୍କ ନେତୃତ୍ବରେ ୩ ଜଣିଆ କେନ୍ଦ୍ରୀୟ ବିଜେପିର ପର୍ଯ୍ୟବେକ୍ଷକ ଦଳ ଉପସ୍ଥିତ ରହିବେ । ବୈଠକ ପରେ ମୁଖ୍ୟମନ୍ତ୍ରୀ ନାଁ ଘୋଷଣା କରାଯିବା ସମ୍ଭାବନା ରହିଛି।
ବ୍ୟୁରୋ ରିପୋର୍ଟ : ୨୦ ବର୍ଷ ପରେ ପ୍ରତ୍ୟେକଙ୍କ ଘରୁ ଜଣେ ବ୍ୟକ୍ତି ପାଗଳ ବାହାରିବେ । ଏବେ ଠୁ ହୋଇଯାନ୍ତୁ ସଜାଗ । ନଚେତ୍ ଆପଣଙ୍କୁ ବି ଭୋଗିବାକୁ ପଡିପାରେ ଏଭଳି ପରିଣାମ । ଏକାଥ ଆମେ କହୁନୁ ଏକଥା କହିଛନ୍ତି ସବଜି ଢୋଲକିଆ।
ଆଜିକାଲି ମୋବାଇଲ ବ୍ୟବହାର କରିବା ଗୋଟେ ନିଶା ପାଲଟିଯାଇଛି। ପିଲାଠୁ ବୁଢାଙ୍କ ହାତରେ ମୋବାଇଲ ଦେଖିବାକୁ ମିଳୁଛି । ମୋବାଇଲ ବିନା ବଞ୍ଚିବା ଯେମିତି ଅସମ୍ଭବ ହୋଇଗଲାଣି। ସକାଳୁ ରାତି ଯାଏଁ ମୋବାଇଲ ହାତରେ ରହିଥାଏ। ତେବେ ମୋବାଇଲର ବହୁଳ ବ୍ୟବହାର ସ୍ବାସ୍ଥ୍ୟ ପାଇଁ କ୍ଷତିକାରକ ହୋଇଥାଏ । ଖାସ୍ କରି ପିଲାଙ୍କ ଠାରୁ ମୋବାଇଲ ଦୂରରେ ରଖିବା ଉଚିତ୍। ଏହାଦ୍ୱାର ପିଲାଙ୍କ ଉପରେ ଖରାପ ପ୍ରଭାବ ପଡିଥାଏ ।
ଭୁବନେଶ୍ବର: ଶଂଖ ଭବନରେ ବିଜେଡିର ମିଶ୍ରଣ ପର୍ବ । ଅନୁଗୁଳ ବ୍ଲକର ବରିଷ୍ଠ ନେତା ଦୁର୍ଗାମାଧବ ପ୍ରଧାନଙ୍କ ଘର ବାହୁଡା । ବହୁ ସମର୍ଥକ ଓ କର୍ମୀଙ୍କୁ ଧରି ବିଜେପି ଛାଡି ବିଜେଡିର ମିଶିଛନ୍ତି ଦୁର୍ଗାମାଧବ । ତାଙ୍କୁ ଦଳକୁ ପାଛୋଟି ନେଇଛନ୍ତି ବରିଷ୍ଠ ବିଜେଡି ନେତା ତଥା ମାହାଙ୍ଗା ବିଧାୟକ ପ୍ରତାପ ଜେନା । ଦୁର୍ଗାଙ୍କ ଘର ବାହୁଡା ଦ୍ବାରା ଅନୁଗୁଳ ଜିଲ୍ଲାରେ ବିଜେଡିର ଆହୁରି ଶକ୍ତି ବୃଦ୍ଧି ପାଇବ ବୋଲି କହିଛନ୍ତି ପ୍ରତାପ । ଦୁର୍ଗା ୧୮ ବର୍ଷ ଧରି ବିଜେଡି ବ୍ଲକ ସଭାପତି ଥିଲେ । ସେ ଜଣେ ଦୃଢ଼ ସଂଗଠକ। ୩ଥର ସମିତି ସଭ୍ୟ, ଥରେ ସରପଞ୍ଚ ଥିଲେ ଦୁର୍ଗା । ୨୦୨୨ ପଂଚାୟତ ନିର୍ବାଚନରେ ଦୁର୍ଗାମାଧବ ପ୍ରଧାନ ବିଜେଡି ଛାଡି ବିଜେପିରେ ଯୋଗ ଦେଇଥିଲେ ।
ଜିଲ୍ଲା ପରିଷଦ ସଭ୍ୟ ଭାବେ ନିର୍ବାଚନ ଲଢ଼ିଥିଲେ। ଏବେ ତାଙ୍କର ଘର ବାହୁଡା ହୋଇଛି। ବିଜେପି ଛାଡି ପୁଣି ଥରେ ବିଜେଡିରେ ମିଶିଛନ୍ତି। ତାଙ୍କୁ ଦଳରେ ସ୍ୱାଗତ କରୁଛୁ ବୋଲି କହିଛନ୍ତି ପ୍ରତାପ । ସେହିପରି ଝଡ ବାତ୍ୟା ଯୋଗୁଁ ସେ କିଛି ଦିନ ଅନ୍ୟ କେଉଁଠି ରହିଯାଇଥିଲେ ବୋଲି କହିଛନ୍ତି ଦୁର୍ଗାମାଧବ । ଏବେ ସେ ବିଜେଡିକୁ ଫେରି ବହୁତ ଖୁସି ବୋଲି କହିବା ସହିତ ଆଗାମୀ ଦିନରେ ରାଜ୍ୟ ସରକାରଙ୍କ କାମକୁ ଗାଁ ଗାଁରେ ସଫଳ କରିବାକୁ ଉଦ୍ୟମ କରିବେ ବୋଲି କହିଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ କାମ କରିବେ ବୋଲି କହିଛନ୍ତି ଦୁର୍ଗାମାଧବ ।
ନୂଆଦିଲ୍ଲୀ: ଲୋକସଭା ଏଥିକ୍ସ କମିଟିର ସୁପାରିଶ କ୍ରମେ ଟିଏମସି ସାଂସଦ ମହୁଆ ମୈତ୍ରଙ୍କ ସାଂସଦ ପଦ ରଦ୍ଦ ପ୍ରସଙ୍ଗ । ସୁପ୍ରିମକୋର୍ଟରେ ପହଞ୍ଚିଲେ ମହୁଆ । ତାଙ୍କୁ ବିରୋଧ ମିଥ୍ୟ ଆରୋପ ଲଗାଇବା ସହ ଏଭଳି କରାଯାଇଥିବା ସେ ଅଭିଯୋଗ କରିଛନ୍ତି । ସେ କହିଛନ୍ତି କି, ମୁଁ ଟଙ୍କା ନେଇ ପ୍ରଶ୍ନ ପଚାରିନାହିଁ ।
ସୂଚନା ଥାଉକି, ଟଙ୍କା ନେଇ ପ୍ରଶ୍ନ ମାମଲାରେ ତ୍ରୁଣମୂଳ କଂଗ୍ରସ ସାଂସଦ ମହୁଆ ମୈତ୍ରଙ୍କୁ ସଂସଦରୁ ବହିଷ୍କାର କରାଯାଇଛି । ଲୋକସଭା ଏଥିକ୍ସ କମିଟି ସୁପାରିସ କ୍ରମେ ମହୁଆଙ୍କୁ ବହିଷ୍କୃତ କରାଯାଇଛି ।ଏନଡିଏ ତରଫରୁ ମହୁଆଙ୍କୁ ବରିଷ୍କାର କରିବା ପାଇଁ ଆଗତ ପ୍ରସ୍ତାବ ଧ୍ୱନୀମତରେ ଲୋକସଭାରେ ଗୃହିତ ହୋଇଥିଲା । ଗୃହକାର୍ଯ୍ୟ ଆରମ୍ଭ ହେବା ସହିତ ଲୋକସଭାରେ ଏଥିକ୍ସ କମିଟି ରିପୋର୍ଟ ପେସ କରାଯାଇଥିଲା ।
ରିପୋର୍ଟ ଉପରେ ଚର୍ଚ୍ଚା କାଳରେ ବିରୋଧୀ ଦଳ ସଦସ୍ୟ କକ୍ଷତ୍ୟାଗ କରିଥିଲେ। ବିରୋଧୀ ପକ୍ଷ ମହୁଆଙ୍କୁ ତାଙ୍କ ପକ୍ଷ ରଖିବାକୁ ସୁଯୋଗ ଦେବାକୁ ଦାବି କରିଥିଲେ । ଯାହାକୁ ବିଜେପି ଓ ଅନ୍ୟ ଏନଡିଏ ସଦସ୍ୟ ବିରୋଧ କରିଥିଲେ । ବାଚସ୍ପିତ ବିରୋଧୀ ଦଳର ଦାବିକୁ ଗ୍ରହଣ କରିନଥିଲେ । ପ୍ରତିବାଦରେ ବିରୋଧୀ ଦଳ କକ୍ଷ ତ୍ୟାଗ କରିଥିଲେ ।
ରିପୋର୍ଟରେ ମହୁଆଙ୍କ ବିରୋଧରେ ଥିବା ଅଭିଯୋଗ ସାଂଘାତିକ ବୋଲି କୁହାଯାଇଥିଲା ଓ କାର୍ଯ୍ୟାନୁଷ୍ଠାନ ଦାବି କରାଯାଇଥିଲା ।ସୂଚନାଯୋଗ୍ୟ ଯେ, ମହୁଆଙ୍କ ବନ୍ଧୁ ହିରାନନ୍ଦାନୀ ତାଙ୍କ ବିରୋଧରେ ଟଙ୍କା ନେଇ ସଂସଦ ଲଗଇନ୍ ପାସୱାର୍ଡ ଓ ଆଇଡି ସେୟାର କରିଥିବା ଅଭିଯୋଗ ଆଣିଥିଲେ । ଶୁକ୍ରବାର କକ୍ଷରେ ରିପୋର୍ଟ ଉପସ୍ଥାପିତ ହେବା ସହିତ ହଙ୍ଗାମା ଆରମ୍ଭ ହୋଇଥିଲା । ଫଳରେ ଗୃହକାର୍ଯ୍ୟକୁ ଦିନ ୨ଟା ପର୍ଯ୍ୟନ୍ତ ସ୍ଥଗିତ କରାଯାଇଥିଲା ।
ଅନ୍ୟପକ୍ଷରେ ମହୁଆ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନକୁ ରାଜନୈତିକ ଉଦ୍ଧେଶ୍ୟପ୍ରଣୋଦିତ ବୋଲି କହିଛନ୍ତି । ଲୋକସଭାରୁ ବହିଷ୍କୃତ ହେବା ପରେ ମହୁଆ ନିଜ ସାଥି ସାଂସଦଙ୍କ ସହିତ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ନିକଟରେ ବିକ୍ଷୋଭ କରିଥିଲେ । କଂଗ୍ରେସ ନେତ୍ରୀ ସୋନିଆ ଗାନ୍ଧି ମଧ୍ୟ ତାଙ୍କ ସହିତ ଏହି ସମୟରେ ଥିଲେ ।
ଭୁବନେଶ୍ବର: ଦେଶର ବଡ଼ ଆଇଟି ରେଡକୁ ନେଇ ଚାଲିଛି ରାଜନୀତି । ରାଜ୍ୟରେ କଂଗ୍ରେସ ଓ ବିଜେପି ମଧ୍ୟରେ ଚୋରାପିରତୀ ଚାଲିଛି । କଂଗ୍ରେସକୁ ସୁରକ୍ଷା ଦେବାକୁ ବିଜେପି ଏଠାରେ ଜାଣିଶୁଣି ବିଜେଡି ନାମ ଉଠାଉଛି ବୋଲି ବିଜେଡି ଅଭିଯୋଗ କରିଛି । ଭୁବନେଶ୍ୱରରେ ଆୟୋଜିତ ଏକ ପ୍ରେସମିଟରେ ବିଜେଡି ବିଜେପି ଟାର୍ଗେଟ କରିଥିବା ବେଳେ କିଛି ପ୍ରଶ୍ନ ଉଠାଇଠି ।
ଜାତୀୟସ୍ତରରେ ବିଜେପି ଓଡ଼ିଶାକୁ ବଦନାମ କରୁଛି ବୋଲି ବିଜେଡି ଅଭିଯୋଗ କରିଛି । ବିଜେପିର ରାଷ୍ଟ୍ରୀୟ ସଭାପତି ଜେ.ପି ନଡ୍ଡା, ସ୍ମୃତି ଇରାଣୀ,ଅନୁରାଗ ଠାକୁର ସମସ୍ତେ କଳାଟଙ୍କା ଠୁଳ ମାମଲାରେ ଗ୍ରେସକୁ ନିନ୍ଦା କରିଛନ୍ତି ଓ ଉତ୍ତର ମାଗୁଛନ୍ତି । ସଂସଦ ପରିସରରେ ଥିବା ଗାନ୍ଧୀ ମୂର୍ତି ତଳେ ପ୍ରତିବାଦ ବି କରିଛନ୍ତି। କିନ୍ତୁ ରାଜ୍ୟରେ ବିଜେପି ଅଲଗା ଆଭିମୁଖ୍ୟ ଗ୍ରହଣ କରିଛି । ଓଡିଶାରେ ବିଜେପି ନେତା, କଂଗ୍ରେସକୁ ସୁରକ୍ଷା ଦେବାରେ ଲାଗି ପଡିଛନ୍ତି। କେନ୍ଦ୍ର ବିଜେପି ନେତା କଂଗ୍ରେସ ସାଂସଦ ଧିରାଜ ସାହୁଙ୍କୁ ସମାଲୋଚନା କରୁଥିବା ବେଳେ ରାଜ୍ୟ ବିଜେପିର ଆଭିମୁଖ୍ୟ ଅଲଗା। ଓଡିଶାକୁ ବଦନାମ କରିବାକୁ ରାଜ୍ୟ ବିଜେପି ମିଛ ଅଭିଯୋଗ କରୁଛି। କେଉଁ ସ୍ୱାର୍ଥରେ ଓଡିଶା ବିଜେପି ଓଡିଶା କଂଗ୍ରେସ କୁ ସୁରକ୍ଷା ଦେଉଛନ୍ତି, ତାହା ସ୍ପଷ୍ଟ କରିବା ଦରକାର। ଏହାସହ ଓଡିଶା ବିଜେପି ଓ ଓଡିଶା କଂଗ୍ରେସ ମଧ୍ୟରେ ଚୋରା ପୀରତି ଚାଲିଛି ବୋଲି ବିଜେଡି କହିଛି । ଓଡ଼ିଶାରେ ବିଜେପି-କଂଗ୍ରେସ ମଧ୍ୟରେ ଭିତିରି ବୁଝାମଣା ରହିଛି ବୋଲି କୁହାଯାଇଛି ।
ଅନ୍ୟପକ୍ଷରେ କଂଗ୍ରେସ ନେତା ତଥା ବିଧାୟକ ସୁର ରାଉତରାୟ ବିଜେପି ବିରୋଧରେ ସାଂଘାତିକ ଅଭିଯୋଗ ଆଣିଛନ୍ତି । ସୁର ରାଉତରାୟଙ୍କ ଅନୁସାରେ ବିଜେପି ଧିରଜ ସାହୁଙ୍କୁ ତେଲେଙ୍ଗାନ ନିର୍ବାଚନ ପାଇଁ ୫୦ କୋଟି ଟଙ୍କା ମାଗିଥିଲା । ୫୦ କୋଟି ନେଦେବାରୁ ତାଙ୍କ ଉପରେ ଆଇଟି ରେଡ୍ ହୋଇଛି ।
