spot_img
Home Blog Page 2312

ଶ୍ରୀକ୍ଷେତ୍ରରେ ଶଙ୍ଖକୁ କାହିଁକି ଘୋଡ଼ାଯାଉଛି: ରାମକୃଷ୍ଣ ଦାସ ମହାପାତ୍ର

ଭୁବନେଶ୍ବର: ଶ୍ରୀକ୍ଷେତ୍ରରେ ଶଙ୍ଖକୁ କାହିଁକି ଘୋଡ଼ାଯାଉଛି ? ଏପରି କାମକୁ ତୀବ୍ର ବିରୋଧ କରିଛନ୍ତି ପୁରୀ ସେବାୟତ । ଶ୍ରୀଜଗନ୍ନାଥ ସଂସ୍କୃତିର ପବିତ୍ର ପ୍ରତୀକ ହେଉଛି ଶଙ୍ଖ । ଏହାକୁ ଅସମ୍ମାନିତ କରିବା ତଥା ଏହା ପ୍ରତି ଅଶୋଭନୀୟ ଆଚରଣ କରିବା କୋଟି କୋଟି ଶ୍ରଦ୍ଧାଳୁଙ୍କ ଭାବାବେଗକୁ ଆଘାତ ଦେଉଛି । ଏହାକୁ ରୋକିବାକୁ ରାଜ୍ଯ ମୁଖ୍ୟ ନିର୍ବାଚନ ଅଧିକାରୀଙ୍କୁ ଫେରାଦ ହୋଇଛନ୍ତି ପୁରୀ ସେବାୟତ । ବରିଷ୍ଠ ସେବାୟତ ରାମକୃଷ୍ଣ ଦାଶମହାପାତ୍ରଙ୍କ ନେତୃତ୍ୱରେ ୭ ଜଣିଆ ସେବାୟତ ଟିମ ସିଇଓଙ୍କୁ ଭେଟି ଦାବିପତ୍ର ପ୍ରଦାନ କରିଛି । ଆଗାମୀ ନିର୍ବାଚନ ପରିପ୍ରେକ୍ଷୀରେ ଶ୍ରୀକ୍ଷେତ୍ର ଶଙ୍ଖ କ୍ଷେତ୍ରରେ ଥିବା ଶଙ୍ଖକୁ ନଘୋଡାଇବାକୁ ଦାବି କରିଛନ୍ତି ସେବାୟତ । ତେବେ ଏହାକୁ ସମ୍ମାନ ଜଣାଇ ବିଚାର କରିବେ ବୋଲି ସିଇଓ ପ୍ରତିଶୃତି ଦେଇଥିବା କହିଛନ୍ତି ବରିଷ୍ଠ ସେବାୟତ ରାମକୃଷ୍ଣ ଦାସ ମହାପାତ୍ର ।

ରାଜ୍ଯର ତିନି ପ୍ରମୁଖ ଦଳ ରାଜ୍ଯ ସଭାପତିଙ୍କ ଆସନ ସ୍ପଷ୍ଟ

ଭୁବନେଶ୍ବର: ରାଜ୍ଯର ତିନି ପ୍ରମୁଖ ଦଳ ବିଜେଡି, ବିଜେପି ଓ କଂଗ୍ରେସର ରାଜ୍ଯ ସଭାପତିଙ୍କ ଆସନ ସ୍ପଷ୍ଟ ହୋଇଛି । ବିଜେଡି ସଭାପତି  ନବୀନ ପଟ୍ଟନାୟକ ହିଞ୍ଜିଳି, ବିଜେପି ରାଜ୍ଯସଭାପତି ମନମୋହନ ସାମଲ ଚାନ୍ଦବାଲି ଓ ପିସିସି ସଭାପତି ଶରତ ପଟ୍ଟନାୟକ ନୂଆପଡ଼ା ଆସନରୁ ପ୍ରାର୍ଥୀ ହୋଇଛନ୍ତି । ଗଞ୍ଜାମ ଜିଲ୍ଲାର ହିଞ୍ଜିଳି ଆସନରୁ ଲଢୁଥିବାବେଳେ ତାଙ୍କ ବିପକ୍ଷରେ ଶିଶିର ମିଶ୍ରଙ୍କୁ ପ୍ରାର୍ଥୀ କରିଛି ବିଜେପି । ଏହି ଆସନରେ କଂଗ୍ରେସ ଏଯାଏଁ ପ୍ରାର୍ଥୀ ଘୋଷଣା କରିନି । ରାଜ୍ଯ ବିଜେପି ସଭାପତି ମନମୋହନ ସାମଲ ଭଦ୍ରକ ଜିଲ୍ଲାର ଚାନ୍ଦବାଲି ଆସନରୁ ବିଧାୟକ ପ୍ରାର୍ଥୀ ହୋଇଛନ୍ତି । ତାଙ୍କ ବିପକ୍ଷରେ ବିଜେଡିର ବ୍ଯୋମକେଶ ରାୟ ପ୍ରାର୍ଥୀ ହୋଇଛନ୍ତି । କଂଗ୍ରେସ ଏଠାରେ ଏଯାଏଁ ପ୍ରାର୍ଥୀ ଘୋଷଣା କରିନାହିଁ । ଅନ୍ଯପଟେ ନୂଆପଡ଼ା ଆସନରୁ ଲଢିବେ ପିସିସି ସଭାପତି ଶରତ ପଟ୍ଟନାୟକ । ତାଙ୍କ ବିପକ୍ଷରେ ବିଜେଡି ରାଜେନ୍ଦ୍ର ଢୋଲକିଆ ଓ ବିଜେପି ଅଭିନନ୍ଦନ ପଣ୍ଡାଙ୍କୁ ପ୍ରାର୍ଥୀ କରିଛି ।

ରାତି ଅଧିଆ ଡିଲ କରି ମୋ ଟିକେଟ କାଟିଦେଲେ ଅପରାଜିତା: ଯୁଗାଂଶୁ ପଣ୍ଡା

ନନ୍ଦିଘୋଷ ବ୍ୟୁରୋ: ରାତି ଅଧିଆ ଡିଲ କରି ମୋ ଟିକେଟ କାଟିଦେଲେ ଅପରାଜିତା ଷଡ଼ଙ୍ଗୀ । ବିଜେପିର ଭୁବନେଶ୍ବର ସାଂସଦ ପ୍ରାର୍ଥୀ ଅପରାଜିତା ଷଡ଼ଙ୍ଗୀଙ୍କ ବିରୋଧରେ ଏଭଳି ସଂଗୀନ ଅଭିଯୋଗ ଆଣିଛନ୍ତି ଭୁବନେଶ୍ବର ଉତ୍ତରରୁ ଟିକେଟ ଆଶାୟୀ ଯୁଗାଂଶୁ ପଣ୍ଡା । ଦୁଇଦିନ ତଳେ ଅପରାଜିତା ଯୁଗାଂଶୁଙ୍କୁ ଟିକେଟ ଦେବାକୁ ପ୍ରତିଶୃତି ଦେଇଥିଲେ । ହେଲେ ଦୁଇଦିନ ତଳେ ବିଜେପିରେ ସାମିଲ ହୋଇଥିବା ପ୍ରିୟଦର୍ଶୀ ମିଶ୍ରଙ୍କୁ ଟିକେଟ ଦେଇଛି ଦଳ । ସାମ୍ବାଦିକ ସମ୍ମିଳନୀ କରି ଅପରାଜିତାଙ୍କ ଉପରେ ବର୍ଷିବା ସହ ଅସନ୍ତୋଷ ବଖାଣିଛନ୍ତି ଯୁଗାଂଶୁ । ସେ କହିଛନ୍ତି ସାଂସଦ ଅପରାଜିତାଙ୍କ ପ୍ରତିନିଧି ଭାବେ ସେ ଦୀର୍ଘବର୍ଷ ଧରି କାମ କରିଛନ୍ତି । ପ୍ରାର୍ଥୀ କରିବାକୁ ଅପରାଜିତା ତାଙ୍କୁ ପ୍ରତିଶୃତି ଦେଇଥିଲେ । ଏପରିକି ଗତ ୨୮ ତାରିଖରେ ଟିକେଟ ମିଳିବ ବୋଲି ସେ କହିବା ସହ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦେଇଥିଲେ । ହେଲେ ଅନ୍ଯ ଦଳରୁ ନେତାଙ୍କୁ ଆଣି ରାତିଅଧିଆ ଡିଲ୍ କରି ଟିକେଟ ଦେଇଦେଲେ ବୋଲି ସେ ଅଭିଯୋଗ କରିଛନ୍ତି ।

ବିଜେପିର ସୋର ବିଧାୟକ ପ୍ରାର୍ଥୀ ରାଜେନ୍ଦ୍ର ଦାସଙ୍କୁ ଜୋରଦାର ବିରୋଧ

ସୋର: ବିଜେପିର ସୋର ବିଧାୟକ ପ୍ରାର୍ଥୀ ଭାବେ ରାଜେନ୍ଦ୍ର ଦାସଙ୍କୁ  ଜୋରଦାର ବିରୋଧ । ସୋର ନିର୍ବାଚନମଣ୍ଡଳୀର ବିଜେପି ପ୍ରାର୍ଥୀ ଭାବେ ରାଜେନ୍ଦ୍ର ଦାସଙ୍କ ନାଁ ଘୋଷଣା ପରେ ସୋର ବିଜେପିରେ ବିସ୍ପୋରଣ । ବିଧାୟକ ପ୍ରାର୍ଥୀ ଆଶାୟୀ ଥିବା ରାକେଶ ମଲ୍ଲିକଙ୍କ ନେତୃତ୍ୱରେ ଶତାଧିକ କର୍ମକର୍ତ୍ତା ଓ କର୍ମୀଙ୍କର ରାଜୁ ଦାସ ହାଏ ହାଏ, ଛିଃ  ଛିଃ ନାରାରେ କମ୍ପିଲା ଉଠିଲା ସୋର ଭାରତୀୟ ଜନତା ପାର୍ଟି ଅଫିସ । ରାଜୁ ଦାସ ଗୋ ବ୍ଯାକ୍ । ବିଜେପିର ବଡ଼ ବଡ଼ିଆଙ୍କ ମନମୁଖୀ କାର୍ଯ୍ୟ ଚଳିବ ନାହିଁ । ଆଜି ଠୁଁ ଅଫିସ ତାଲା ପଡ଼ିବ। ଟିକେଟ ପରିବର୍ତ୍ତନ ଆମର ଦାବି । ଭଦ୍ରକିଆ ଶାସନ ଚଳିବ ନାହିଁ ବୋଲି କହି କର୍ମୀମାନେ ହୋ ହଲ୍ଲା କରିଥିଲେ ।

ରଣପୁରରୁ ବିଜେପି ପ୍ରାର୍ଥୀ ତାପସ ରଞ୍ଜନ ମାର୍ଥାଙ୍କ ପ୍ରାର୍ଥୀତ୍ବକୁ ବିରୋଧ

ରଣପୁର: ବନାଗ୍ନି ପରି ମାଡ଼ୁଛି ବିଜେପି ବିଦ୍ରୋହ ନିଆଁ । ଟିକେଟ ଘୋଷଣା ପରେ ଗୋଟିଏ ପରେ ଗୋଟିଏ ନିର୍ବାଚନମଣ୍ଡଳିରେ ଦେଖିବାକୁ ମିଳୁଥି ତୀବ୍ର ଅସନ୍ତୋଷ । ନୟାଗଡ଼ ଜିଲ୍ଲା ରଣପୁର ବିଜେପିରେ ଗୋଷ୍ଠୀକନ୍ଦଳ ଦେଖିବାକୁ ମିଳିଛି। ବିଜେପି ପ୍ରାର୍ଥୀ ତାପସ ରଞ୍ଜନ ମାର୍ଥାଙ୍କୁ ହୋଇଛି ଜୋରଦାର ବିରୋଧ । ପୂର୍ବତନ ବିଧାୟିକା ସୁରମା ପାଢୀଙ୍କ ଟିକେଟ କଟିବା ପରେ ଖଡଗହସ୍ତ ହୋଇଛନ୍ତି ଅସନ୍ତୁଷ୍ଟ ଗୋଷ୍ଠୀ । ଜାଗା ବ୍ଯବସାୟୀ ତାପସଙ୍କ ପ୍ରାର୍ଥିତ୍ବଙ୍କୁ ଜୋରଦାର ବିରୋଧ ସହ ବିଜେପି କାର୍ଯ୍ୟାଳୟ ଆଗରେ ବିକ୍ଷୋଭ କରିଛନ୍ତି ବିଜେପି କର୍ମୀ ।

ପ୍ରଦୀପ ପାଣିଗ୍ରାହୀଙ୍କ ବିରୋଧରେ ବିଷ ଉଗାରିଲେ ମୋହନା ଅଞ୍ଚଳର ଭୋଟର

ଗଜପତି: ପ୍ରଦୀପ ପାଣିଗ୍ରାହୀଙ୍କ ବିରୋଧରେ ବିଷ ଉଗାରିଲେ ମୋହନା ଅଞ୍ଚଳର ଭୋଟର । ବ୍ରହ୍ମପୁର ଲୋକସଭା ଆସନର ବିଜେପି ପ୍ରାର୍ଥୀ ପ୍ରଦୀପ ପାଣିଗ୍ରାହୀଙ୍କ ବିରୋଧରେ ଗଜପତି ଜିଲ୍ଲା ମୋହନା ଅଞ୍ଚଳର ଲୋକ ବିଷ ଉଗାରିଛନ୍ତି । ଜଣେ ଦୁର୍ନୀତିଖୋର ଓ ଜନବିରୋଧୀ ନେତାଙ୍କୁ ବିଜେପି ପ୍ରାର୍ଥୀ କରିଥିବାରୁ ଲୋକମାନେ କଡ଼ା ଭାଷାରେ ସମାଲୋଚନା କରିବା ସହ  ତୀବ୍ର ଅସନ୍ତୋଷ ପ୍ରକାଶ କରିଛନ୍ତି । ପ୍ରଦୀପ ପାଣିଗ୍ରାହୀଙ୍କ ପାଇଁ ଲୋକ ହୋଇଛନ୍ତି ହିନସ୍ଥା। ୨୦୧୭ ମସିହା ପଞ୍ଚାୟତ ନିର୍ବାଚନ ବେଳେ ବିଜେଡିର ଗଜପତି ଜିଲ୍ଲା ପର୍ଯ୍ୟବେକ୍ଷକ ଦାୟିତ୍ୱରେ ଥିଲେ ପ୍ରଦୀପ ପାଣିଗ୍ରାହୀ । ସେତେବେଳେ ସ୍ଥାନୀୟ ନେତାଙ୍କୁ ଅଣଦେଖା କରି ନିଜ ଇଚ୍ଛାରେ କାର୍ଯ୍ୟ କରିଥିଲେ । ପ୍ରଦୀପ ପାଣିଗ୍ରାହୀଙ୍କ ଯୋଗୁ ବିଜେଡି ମୋହନାରେ ପରାଜିତ ହୋଇଥିଲା । ୨୦୧୯  ସାଧାରଣ ନିର୍ବାଚନରେ ମଧ୍ୟ ନେତାଙ୍କଠାରୁ ଲାଞ୍ଚ ନେଇ ଟିକେଟ ଦେଇଥିଲେ ପ୍ରଦୀପ ପାଣିଗ୍ରାହୀ । ଯାହା ଫଳରେ ବିଜେଡି ହାତରୁ ଗଜପତି ଜିଲ୍ଲାର ୨ଟି ଆସନ  ଚାଲିଥିଲା । ଏହାପରେ ଦୁର୍ନୀତି ଅଭିଯୋଗ ବିଜେଡିରୁ ତଡ଼ା ଖାଇଥିଲେ ପ୍ରଦୀପ ପାଣିଗ୍ରାହୀ । ଏଭଳି ଦୁର୍ନୀତିଗ୍ରସ୍ତ ନେତାଙ୍କୁ ବିଜେପି ବ୍ରହ୍ମପୁର ସାଂସଦ ପ୍ରାର୍ଥୀ କରିଥିବାରୁ ଆଗାମୀ ନିର୍ବାଚନରେ ମୋହନା ଅଞ୍ଚଳବାସୀ ଉଚିତ ଜବାବ ଦେବେ ବୋଲି ଚେତାବନୀ ଦେଇଛନ୍ତି ।

 

 

ଏପ୍ରିଲ ମାସରେ ରାଜ୍ଯରେ ହେବ ଅସମ୍ଭାଳ ତାତି

ନୂଆଦିଲ୍ଲୀ: ଏପ୍ରିଲ୍‌‌ ମାସରେ ରାଜ୍ୟରେ ହେବ ଅସମ୍ଭାଳ ତାତି।  ଚଳିତ ବର୍ଷ ଏପ୍ରିଲ୍‌‌ରୁ ଜୁନ୍‌‌ ପର୍ଯ୍ୟନ୍ତ ସ୍ଵାଭାବିକ ଠାରୁ ଅଧିକ ରହିବ ଗ୍ରୀଷ୍ମ ପ୍ରବାହ ।  ଅନ୍ୟପଟେ ଏହି ୩ ମାସରେ ବର୍ଷାର ପରିମାଣ କମ୍‌‌ ରହିବ। ଆଇଏମ୍‌‌ଡି  ଡିଜି ମୃତ୍ୟୁଞ୍ଜୟ ମହାପାତ୍ରଙ୍କ ସୂଚନା । ଏହା ସହ ଚଳିତ ବର୍ଷ ଏପ୍ରିଲ୍‌‌ ମାସରେ ଗ୍ରୀଷ୍ମ ପ୍ରବାହ ଦିନ ସଂଖ୍ୟା ଅଧିକ ରହିବ। ସାଧାରଣତଃ ଏପ୍ରିଲ ମାସରେ ହାରାହାରି ୧ ରୁ ୩ ଦିନ ଗ୍ରୀଷ୍ମ ପ୍ରବାହ ରହୁଥିବା ବେଳେ ଚଳିତ ବର୍ଷ ଏହା  ୩ ରୁ ୮ ଦିନ ଅନୁଭୂତ ହେବାର ସମ୍ଭାବନା ରହିଛି। ସେହିପରି ଏପ୍ରିଲରୁ ଜୁନ୍‌‌ ମଧ୍ୟରେ ଗ୍ରୀଷ୍ମ ଲହରୀ ର ଅବଧି ୧୧ ଦିନ ରହିଲେ ଏହାକୁ ସ୍ୱାଭାବିକ କୁହାଯାଉଥିବା ବେଳେ ଚଳିତ ବର୍ଷ  ୬ ରୁ ୧୪ ଦିନ ଅଧିକ ଗ୍ରୀଷ୍ମ ପ୍ରବାହ ରହିପାରେ ବୋଲି ଆଇଏମ୍‌‌ଡି ଡିଜି କହିଛନ୍ତି ।

ବିଜେପି ପାର୍ଟି ଅଫିସରେ ଗଣ୍ଡଗୋଳ

ଭୁବନେଶ୍ବର: ପୁଣିଥରେ ପଦାରେ ପଡ଼ିଲା ବିଜେପିର ଗୋଷ୍ଠୀ କନ୍ଦଳ। ବିଜେପି ପାର୍ଟି ଅଫିସରେ ଗଣ୍ଡଗୋଳ । ଧର୍ମଶାଳା ବିଧାନସଭା ଆସନ ପାଇଁ ପ୍ରାର୍ଥୀତ୍ବକୁ ନେଇ ଗଣ୍ଡଗୋଳ । ବିଜେପି ରାଜ୍ୟ କାର୍ଯ୍ୟାଳୟରେ ହିମାଂଶୁଙ୍କ ଗୋଷ୍ଠୀର ହଙ୍ଗାମା । ଧର୍ମଶାଳାରୁ ସ୍ମୃତିରେଖା ପହିଙ୍କୁ ପ୍ରାର୍ଥୀ କରିଥିଲା ଦଳ । ଏହାକୁ ବିରୋଧ କରି ପାର୍ଟି ଅଫିସରେ ତୁମୁଳକାଣ୍ଡ ଦେଖା ଦେଇଛି ।

 

 

ନରସିଂହ ମିଶ୍ରଙ୍କ ଆସନରେ ନିର୍ବାଚନ ଲଢ଼ିବେ ପୁଅ ସମରେନ୍ଦ୍ର

ନନ୍ଦିଘୋଷ ବ୍ୟୁରୋ: ପ୍ରକାଶ ପାଇଛି କଂଗ୍ରେସର ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା । ୪୭ ବିଧାନସଭା ଏବଂ ୮ ଲୋକସଭା ଆସନ ପାଇଁ ପ୍ରାର୍ଥୀଙ୍କ ନାମ ଘୋଷଣା କରିଛି ଦଳ । ତେବେ ଏହି ତାଲିକାରେ ପ୍ରକାଶ ପାଇଛି ବରିଷ୍ଠ କଂଗ୍ରେସ ନେତା ନରସିଂହ ମିଶ୍ରଙ୍କ ପୁଅଙ୍କ ନାମ । ସମରେନ୍ଦ୍ରଙ୍କୁ ବଲାଙ୍ଗୀର ଆସନରୁ ପ୍ରାର୍ଥୀ କରିଛି କଂଗ୍ରେସ । ସେ ଏହି ଆସନରୁ ପ୍ରାର୍ଥୀ ହୋଇଥିବାବେଳେ ଲଢ଼େଇ ଜୋରଦାର ହେବ ବୋଲି କୁହାଯାଉଛି । ଏଠାରେ ବିଜେଡି କଳିକେଶ ସିଂଦେଓଙ୍କୁ ପ୍ରାର୍ଥୀ କରିଛି । ଏଣୁ ଉଭୟଙ୍କ ମଧ୍ୟରେ କଡା ଟକ୍କର ହେବ ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି । ୨୦୧୪ ଏବଂ ୨୦୧୯ରେ ଏହି ଆସନରୁ ନରସିଂହ ମିଶ୍ର ବିଜୟୀ ହୋଇଥିବାବେଳେ ପୁଅଙ୍କ ଉପରେ ଏହାର ପ୍ରଭାବ ପଡ଼ିପାରେ । ସେପଟେ କଳିକେଶଙ୍କ ସଂଗଠନ ଦୃଢ଼ ଥିବାରୁ ବାପାଙ୍କ ଆସନକୁ ପୁଅ ରଖି ପାରିବେ କି ନାହିଁ ତାକୁ ନେଇ ଖଟିରେ ଆରମ୍ଭ ହୋଇଛି ଚର୍ଚ୍ଚା ।

୫ ସଂସଦୀୟ କ୍ଷେତ୍ରରେ ସ୍ପଷ୍ଠ ହେଲା ତିନି ପ୍ରମୁଖ ରାଜନୈତିକ ଦଳର ପ୍ରାର୍ଥୀଙ୍କ ନାମ

ନନ୍ଦିଘୋଷ ବ୍ୟୁରୋ: ରାଜ୍ୟର ୪ ଲୋକସଭା ଆସନ ପାଇଁ ପ୍ରମୁଖ ତିନି ଦଳ ପ୍ରାର୍ଥୀ ଘୋଷଣା କରିଛନ୍ତି । ବିଜେଡି, ବିଜେପି ଓ କଂଗ୍ରେସ ପ୍ରାର୍ଥୀ ଘୋଷଣା କରିବା ପରେ ୫ ଆସନରେ ସାମ୍ନାକୁ ଆସିଛି ସ୍ପଷ୍ଟ ଚିତ୍ର । ସୁନ୍ଦରଗଡ଼ରେ ବିଜେଡି ଡ଼ ଦିଲୀପ ତିର୍କୀଙ୍କୁ ପ୍ରାର୍ଥୀ କରିଥିବା ବେଳେ ବର୍ତ୍ତମାନର ସାଂସଦ ଜୁଏଲ ଓରାମଙ୍କୁ ବିଜେପି ପୁଣିଥରେ ପ୍ରାର୍ଥୀ କରିଛି। କଂଗ୍ରେସ ଜନାର୍ଦ୍ଦନ ଦେହୁରୀଙ୍କୁ ଲୋକସଭା ପ୍ରାର୍ଥୀ କରିଛି। କଳାହାଣ୍ଡିରୁ ବିଜେଡିର ଲମ୍ବୋଦର ନିଆଲ, ବିଜେପିର ମାଳବିକା କେଶରୀ ଦେଓ ଓ କଂଗ୍ରେସର ଦ୍ରୌପଦୀ ମାଝୀ ଲୋକସଭା ପ୍ରାର୍ଥୀ ହୋଇଛନ୍ତି । ନବରଙ୍ଗପୁରରୁ ପ୍ରଦୀପ ମାଝୀ ବିଜେଡିର ପ୍ରାର୍ଥୀ ହୋଇଥିବାବେଳେ ବିଜେପିରୁ ବଳଭଦ୍ର ମାଝୀ ଓ କଂଗ୍ରେସରୁ ଭୁଜବଳ ମାଝୀ ପ୍ରାର୍ଥୀ ହୋଇଛନ୍ତି । ସେହିପରି କନ୍ଧମାଳରୁ ବିଜେଡିର ଅଚ୍ଯୁତ ସାମନ୍ତ, ବିଜେପିର ସୁକାନ୍ତ ପାଣିଗ୍ରାହୀ ଓ କଂଗ୍ରେସର ଅମୀରଚାନ୍ଦ ନାୟକଙ୍କ ମଧ୍ଯରେ ଟକ୍କର ହେବ। କୋରାପୁଟରୁ କାଳେରାମ ମାଝିଙ୍କୁ ବିଜେପି ପ୍ରାର୍ଥୀ କରିଥିବା ବେଳେ, କୌଶଲ୍ୟା ହିକକାଙ୍କୁ ବିଜେଡି ଏବଂ ସପ୍ତଗିରି ଉଲାକାଙ୍କୁ କଂଗ୍ରେସ ପ୍ରାର୍ଥୀ କରିଛି।