ଭୁବନେଶ୍ୱର: ଆଜି ହେଉଛି ଆନ୍ତର୍ଜାତିକ ସେଫ୍ ଦିବସ। ଛୋଟିଆ ହୋଟେଲରୁ ଆରମ୍ଭ କରି ବଡ ରେସ୍ତୋରାଁ ଯାଏଁ ସଭିଁଏ ଏହି ଦିବସକୁ ଧୁମାଧାମରେ ପାଳନ କରୁଛନ୍ତି । କ୍ଳବ ଚକଲେଟ ଦ ବେଙ୍କଙ୍ଗି ଓ ଫାଇନ ପେଷ୍ଟ୍ରି ଆର୍ଟ ପକ୍ଷରୁ ଏଦି ଦିବସକୁ ପାଳନ କରାଯାଇଛି।
ଚଳିତ ବର୍ଷ ୧୦ କିଲୋ ଓଜନରେ ଚକୋଲେଟରେ ବିଶ୍ବକପ ତିଆରି କରି ପୁରା ଟିମ ସେଲିବ୍ରେଟ କରିଛନ୍ତି। ୧୦ କେଜି ଚକୋଲେଟ, ଏଡିବୁଲ ଗୋଲ୍ଡ ଡଷ୍ଟ ଓ ସିଲଭରର ମିଶ୍ରଣରୁ ତିଆରି ହୋଇଛି ବିଶ୍ବକପ। ଟିମ ଇଣ୍ଡିଆକୁ ଚିୟର କରିବା ପାଇଁ ଖେଳ ଶେଷ ହେବା ଯାଏଁ ଏହି ବିଶ୍ବକପଟିକୁ ରଖାଯିବ।
ଭୁବନେଶ୍ୱର: ଏସିଆନ ପାରା ଗେମ୍ସର ଆଥଲେଟ୍ସଙ୍କ ପାଇଁ ଆର୍ଥିକ ସହାୟତା ଘୋଷଣା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ୭ ଜଣ ଓଡ଼ିଆ ଆଥଲେଟଙ୍କୁ ୧୦ ଲକ୍ଷ ଟଙ୍କା ଲେଖାଁଏ ସହାୟତା ଘୋଷଣା କରିଛନ୍ତି। ଆସନ୍ତା ୨୨ରୁ ଚୀନର ହାଙ୍ଗଝୌରେ ଆରମ୍ଭ ହେଉଛି ଏସିଆନ ପାରା ଗେମ୍ସ ସେଠାରେ ସଫଳତା ପାଇଁ ଶୁଭକାମନା ଜଣାଇଲେ ନବୀନ।
ଓଡ଼ିଶାରୁ ଯାଉଥିବା ପାରା ଆଥଲେଟ୍ସ ମାନେ ହେଲେ ପ୍ରମୋଦ ଭଗତ, ଜୟନ୍ତୀ ବେହେରା, ସୌନ୍ଦର୍ଯ୍ୟ କୁମାର ପ୍ରଧାନ, ରଖଲ କୁମାର ସେଠୀ, ଭି ରମେଶ ରାଓ, ପ୍ରଫୁଲ୍ଲ କୁମାର ଖଣ୍ଡାୟତରାୟ, ପୁଜାସ୍ବିନୀ ନାୟକ। ସେମାନେ ଏସିଆନ ପାରା ଗେମ୍ସକୁ ମନୋନିତ ହେବା ପାଇଁ କଠିନ ପରିଶ୍ରମ କରିଛନ୍ତି। ଗେମ୍ସରେ ମଧ୍ୟ ଭଲ ପ୍ରଦର୍ଶନ କରିବେ ବୋଲି ଆଶା ରଖିଛନ୍ତି ।
ଗାଜା: ଇସ୍ରାଏଲ-ଗାଜା ଯୁଦ୍ଧର ଆଜି ୧୪ତମ ଦିନ। ଏବେବି ଚାଲିଛି ଘମାଘୋଟ ସଂଘର୍ଷ। ଗାଜାର ଏକ ଚର୍ଚ୍ଚ ଉପରେ ଇସ୍ରାଏଲ ପକ୍ଷରୁ ଏୟାର ଷ୍ଟ୍ରାଇକ୍ ହୋଇଥିବା ଜଣାପଡିଛି। ଆକ୍ରମଣରେ ୮ ପାଲେଷ୍ଟିନୀୟ ନାଗରିକଙ୍କ ମୃତ୍ୟୁ ହୋଇଛି। ୧୦ରୁ ଅଧିକ ଗୁରୁତର ଆହତ ହୋଇଛନ୍ତି।
ଗାଜା ସୀମାନ୍ତ ଅଲଜେଟନରେ ଥିବା ଏକ ଚର୍ଚ୍ଚ ଉପରେ ହୋଇଥିଲା ଏହି ହମଲା। ପାଲେଷ୍ଟାଇନ ଗଣମାଧ୍ୟମ ସଂସ୍ଥା ପକ୍ଷରୁ ଏହି ଆକ୍ରମଣ ନେଇ ସୂଚନା ଦିଆଯାଇଛି। ଗତକାଲି ରାତିରେ ହୋଇଥିଲା ଏହି ଆକ୍ରମଣ। ମୃତକଙ୍କ ମଧ୍ୟରେ ମହିଳା ଓ ଶିଶୁ ଅଛନ୍ତି। ଆକ୍ରମଣରେ ମୃତ୍ୟୁସଂଖ୍ୟା ବୃଦ୍ଧି ପାଇବା ଆଶଙ୍କା କରାଯାଉଛି।
ଗାଜା ଉପରେ ଇସ୍ରାଏଲର ଆକ୍ରମଣ ଜାରି ରହିଥିବାରୁ ଚର୍ଚ୍ଚରେ ଅନେକ ଆଶ୍ରୟ ନେଇଥିଲେ। ଚର୍ଚ୍ଚ ଉପରେ ଆକ୍ରମଣକୁ ନେଇ ଇସ୍ରାଏଲକୁ ନିନ୍ଦା କରିଛି ପାଲେଷ୍ଟାଇନ୍।
ଗଞ୍ଜାମ: ଗଞ୍ଜାମ ଜିଲ୍ଲା ଖଲ୍ଲିକୋଟ ଲୋଙ୍ଘର ଗାଁରେ ଅଭାବନୀୟ ଘଟଣା । ବିଦ୍ୟୁତ ଆଘାତରେ ମାଆ-ପୁଅ ମୃତ । ମୃତକ ହେଲେ ନିବାସୀ ପାହାନ ଓ ପୁଅ ଜିତେନ୍ଦ୍ର ପାହାନ। ନିବାସୀଙ୍କ ବାପା ଭାଗି ନାହାକଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି।
ଘରେ କାମ କରୁଥିବାବେଳେ ତିନି ଜଣଙ୍କୁ ବିଦ୍ୟୁତ ଆଘାତ ଲାଗିଥିଲା। ସମସ୍ତଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ମାଆ, ପୁଅଙ୍କୁ ଡାକ୍ତର ମୃତ ଘୋଷଣା କରିଛନ୍ତି।
ବାଲେଶ୍ବର: ବାଲେଶ୍ବର ଜିଲ୍ଲା ଭୋଗରାଇ ବ୍ଲକ ଗୁଣସାର୍ଥାରେ ବାଘ ଆତଙ୍କ। ବାଘ ବୁଲୁଥିବା ନେଇ ପ୍ରଚାର ପରେ ଆତଙ୍କିତ ହୋଇପଡ଼ିଛନ୍ତି ଲୋକ। ଘଟଣାସ୍ଥଳରେ ବନ ବିଭାଗର ପହଞ୍ଚି ଅନୁଧ୍ଯାନ କରିବା ସହିତ ଏହା ବାଘ ନୁହେଁ ବରଂ ଫିସିଂ କ୍ୟାଟ୍ ବୋଲି ସୂଚନା ଦେଇଛି।
ଲୋକଙ୍କୁ ସଚେତନ କରାଯାଇଥିବା ବେଳେ ଭୟଭୀତ ନହେବାକୁ ପରାମର୍ଶ ଦିଆଯାଇଛି। ସୋସିଆଲ ମିଡିଆରେ କରାଯାଉଥିବା ମିଛ ପ୍ରଚାର ଓ ଗୁଜବକୁ ବିଶ୍ବାସ ନକରିବାକୁ କୁହାଯାଇଛି।
ନୂଆଦିଲ୍ଲୀ: ଆମେରିକା ଏବଂ କାନାଡାରେ ଦେଶର ନାମିଦାମି କମ୍ପାନୀ ଡାବରକୁ ବଡ଼ ଝଟକା। ଆମେରିକା ଏବଂ କାନାଡାରେ ଡାବର ଇଣ୍ଡିଆ ଏବଂ କିଛି ସହଯୋଗୀ କମ୍ପାନୀ ନାଁରେ ଏକାଧିକ ମାମଲା ରୁଜୁ ହୋଇଛି। ଡାବରର ସହଯୋଗୀ କମ୍ପାନୀ ଦ୍ବାରା ପ୍ରସ୍ତୁତ ହେୟାର ରିଲେକ୍ସର ସାମଗ୍ରୀ ଦ୍ବାରା କ୍ୟାନସର ଦେଖାଦେଉଥିବା ଅଭିଯୋଗ ହୋଇଛି।
ମହିଳାଙ୍କୁ ଗର୍ଭାଶୟ ଏବଂ ଅଣ୍ଡକୋଷରେ କ୍ୟାନସର ସହ ଅନେକ ସ୍ବାସ୍ଥ୍ୟ ସମସ୍ୟା ଦେଖାଦେଉଥିବା ଅଭିଯୋଗ ହୋଇଛି। ସହଯୋଗୀ କମ୍ପାନୀ ନମସ୍ତେ ଲାବୋରେଟୋରୀ, ଡର୍ମୋ ବିବା ସ୍କିନ ଏସେନସିଆଲ ଏବଂ ଡାବର ଇଣ୍ଟରନାସନାଲ ଭଳି କମ୍ପାନୀ ନାଁରେ ଏହି ମାମଲା ରୁଜୁ ହୋଇଛି। ତେବେ ଏହି ମାମଲାକୁ ନେଇ ଡାବର ଇଣ୍ଟରନ୍ୟାସନାଲ ପକ୍ଷରୁ ପ୍ରତିକ୍ରିୟା ରଖାଯାଇଛି।
ଆମେରିକା ଏବଂ କାନାଡାରେ ଏଭଳି ୫ ହଜାର ୪ଶହ ମାମଲା ରହିଛି। ଏହି ମାମଲାକୁ ନେଇ ଡାବରର ସେୟାର ତଳକୁ ଖସିଛି। ବିଗତ ୫ ଦିନ ମଧ୍ୟରେ ଡାବର ଇଣ୍ଡିଆ ଲିମିଟେଡର ସେୟାର ପାଖାପାଖି ୪ ପ୍ରତିଶତ ହ୍ରାସ ପାଇଛି। ସେୟାର ବଜାରରେ ୯୧ ହଜାର ୭୯୦ କୋଟି ଟଙ୍କାର ଅଂଶଧନ ଥିବା ଏହି କମ୍ପାନୀର ସେୟାର ୬୧୦ ଟଙ୍କା ହ୍ରାସ ପାଇଛି। ଏହା ଗତ ୫୨ ସପ୍ତାହ ମଧ୍ୟରେ ସର୍ବନିମ୍ନ ବୋଲି ଜଣାପଡିଛି। ସେପଟେ ମାସକ ମଧ୍ୟରେ ଡାବର ଇଣ୍ଡିଆ ଲିମିଟେଡରୁ ପ୍ରାୟ ୮ ପ୍ରତିଶତ ନିବେଶକ ସେମାନଙ୍କ ଅଂଶଧନ ପ୍ରତ୍ୟାହାର କରି ନେଇଛନ୍ତି।
ଅଟାୱା: କାନାଡା ସରକାର ଭାରତରୁ ୪୧ କୁଟନୀତିଜ୍ଞଙ୍କୁ ପୁଣିଥରେ ଡାକିନେଲେ । ବିବାଦ ପରେ ଭାରତ ଦେଇଥିଲା ଦେଶ ଛାଡିବାର ଆଦେଶ । କାନାଡର ବିଦେଶ ମନ୍ତ୍ରୀ ମେଲାନୀ ଜୋଲି ଗୁରୁବାର ଦିନ ଜଣାଇଛନ୍ତି । ଭାରତ କୁଟନୀତିଜ୍ଞ ମାନଙ୍କୁ ଶୁକ୍ରବାର ଦେଶ ଛାଡିବାକୁ ଆଦେଶ ଦେଇଥିଲେ । ନଚେତ ସେମାନଙ୍କ କୁଟନୀତିଜ୍ଞଙ୍କ ପଦ ରଦ୍ଦ କରିଦିଆଯିବ ।
ଭାରତ ୨୦ ଅକ୍ଟୋବରରେ ଦିଲ୍ଲୀର ୨୧ କୁଟନୀତିଜ୍ଞଙ୍କୁ ଭାରତ ଛାଡି ଯିବାକୁ ନିର୍ଦ୍ଦେଶ ଦେଇଥିଲେ । ଏଥି ସହିତ ଇମିଗ୍ରେସନ ଏବଂ ଭିସା ବ୍ୟବସ୍ଥାକୁ ମଧ୍ୟ କଡାକଡି କରାଯିବ । ଖାଲିସ୍ତାନୀ ଆତଙ୍କୀ ହରଦ୍ୱୀପ ସିଂଙ୍କ ମୃତ୍ୟୁ ପରେ କାନାଡା ଓ ଭାରତ ମଧ୍ୟରେ ବିବାଦ ବଢିବାରେ ଲାଗିଛି । ପ୍ରଧାନମନ୍ତ୍ରୀ ଜଷ୍ଟିସ ଟ୍ରୁଡୋଙ୍କ ଦ୍ୱାରା ସାର୍ବଜନିକ ଭାବରେ ଭାରତୀୟ ଏଜେନ୍ସିଙ୍କୁ କାନାଡାର ନାଗରିକ ହରଦ୍ୱୀପ ସିଂ ହତ୍ୟା ମାମଲାରେ ଯୋଡିବା ପରେ ଭାରତ ଓ କାନାଡା ମଧ୍ୟରେ ସଂପର୍କ ଖରାପ ହେବାରେ ଲାଗିଛି ।
କାନାଡା ଅନ୍ତରାଷ୍ଟ୍ରୀୟ କାନୁନର ପାଳନ କରୁଛି । ଏଥିସହିତ ଭାରତ ସହିତ ସମ୍ବନ୍ଧ ବଜାୟ ରଖିବୁ । ସେ କହିଛନ୍ତି ଏବେ ବହୁତ ମାତ୍ରାରେ ନିଜ ଦେଶରେ କୁଟନୀତିଜ୍ଞଙ୍କ ଆବଶ୍ୟକତା ଅଛି । ହେଲେ ଭାରତ ସଫା ମନା କରିଦେଇଛି କାନାଡାରେ ଖାଲିସ୍ତାନୀ ଆତଙ୍କୀଙ୍କ ମୃତ୍ୟୁ ମାମଲାରେ ଭାରତର କୌଣସି ହାତ ନାହିଁ । ଏଥି ସହିତ କାନାଡା ପାଖରେ ଯଦି କିଛି ତଥ୍ୟ ମହଜୁଦ ଅଛି ତାହଲେ ତାହା ପ୍ରମାଣ ଦେଖାନ୍ତୁ ବୋଲି ଭାରତ ଦାବି କରିଛି । କାନାଡା ପକ୍ଷରୁ କୌଣସି ପ୍ରକାର ବାଧ୍ୟତାମୂଳକ ଯୋଜନା କରାଯାଇନାହିଁ ଯାହା ଫଳରେ ଭାରତ ଓ କାନାଡା ମଧ୍ୟରେ ସ୍ଥିତି ଖରାପ ନହେଉ ।
ଭୁବନେଶ୍ବର: ଦଶହରା ପୂର୍ବରୁ ରାଜ୍ୟ ସରକାରଙ୍କ ୪ ଲକ୍ଷ ୫୦ ହଜାର ସରକାରୀ କର୍ମଚାରୀ ବଡ଼ ଉପହାର ପାଇଛନ୍ତି । କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ମହଙ୍ଗା ଭତ୍ତା (ଡିଏ) ଚାରି ପ୍ରତିଶତ ବୃଦ୍ଧି କରିବାକୁ ନିଷ୍ପତ୍ତି ହୋଇଛି । ଭତ୍ତା ବୃଦ୍ଧି ପରେ କର୍ମଚାରୀଙ୍କ ଡିଏ ୪୨ ରୁ ୪୬ ପ୍ରତିଶତକୁ ବୃଦ୍ଧି ପାଇଛି ।
ଜୁଲାଇ ୧ରୁ ପିଛିଲା ଭାବେ ଲାଗୁ ହେବ ବର୍ଦ୍ଧିତ DA । ଏହାର ଅର୍ଥ ହେଉଛି ନଭେମ୍ବରରେ ବର୍ଦ୍ଧିତ ଦରମା ସହିତ କେନ୍ଦ୍ରୀୟ କର୍ମଚାରୀମାନେ ଜୁଲାଇରୁ ଅକ୍ଟୋବର ପର୍ଯ୍ୟନ୍ତ ଚାରିମାସ ବକେୟା ଟଙ୍କା ପାଇବେ। ପେନସନଭୋଗୀଙ୍କୁ ମଧ୍ୟ ମିଳିବ ଡିୟରନେସ୍ ରିଲିଫ । ଉପକୃତ ହେବେ ୩ ଲକ୍ଷ ୫୦ ହଜାର ପେନସନଭୋଗୀ ।
ଭୁବନେଶ୍ବର: ରାଜ୍ୟର ବିକାଶରେ ନୂଆ ଅଧ୍ୟାୟ । ଗଜପତି ଜିଲ୍ଲାରେ ଗଡ଼ିଲା ଲକ୍ଷ୍ମୀ ବସ୍ । ଆଜି ଗଜପତି ଜିଲ୍ଲାରେ ଚଳାଚଳ ଆରମ୍ଭ କରିଛି ଲକ୍ଷ୍ମୀ ଯୋଜନା ବସ୍ । ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀ କହିଛନ୍ତି- ଆଜି ଗଜପତି ଲାଗି ଗୌରବର ଦିନ । କିଛି ଦିନ ପୂର୍ବରୁ ଏହି ଯୋଜନା ମାଲକାନଗିରିରେ ଆରମ୍ଭ ହୋଇଥିଲା । ଏହି ଯୋଜନା ଜନଗଣଙ୍କର ଯୋଜନା । ଏହି ଯୋଜନାରେ ଗାଁକୁ ଗାଁକୁ ଯୋଡିହେବ ।
ଲୋକଙ୍କ ସାମାଜିକ ସମ୍ପର୍କ ମଜଭୁତ ହେବ । ଅର୍ଥନୀତି ସଶକ୍ତ ହେବ । ୧ ହଜାରରୁ ଅଧିକ ବସ୍ ଚାଲିବ । ପଞ୍ଚାୟତରେ ବିକାଶର ଧାରା ଜାରି ରହିଛି । ଯୋଗାଯୋଗ ବିକାଶର ଆଧାର । ଲକ୍ଷ୍ମୀ ଯୋଜନା ସମସ୍ତଙ୍କୁ ବିକାଶ ସହିତ ଯୋଡିବ । ଏହି ଯୋଜନା ଘରେ ଘରେ ଖୁସି ଆଣିବ । ବ୍ୟାଙ୍କିଙ୍ଗ, ଇଣ୍ଟରନେଟ, ଡିଜିଟାଲର ବିକାଶ ହେବ । ସଂସ୍କୃତିର ମଧ୍ୟ ବିକାଶ ହେବ । ଗଜପତିର ବିକାଶ ଆହୁରି ଉଜ୍ବଳ ହେବ ବୋଲି କହିଛନ୍ତି ମୁଖ୍ୟମନ୍ତ୍ରୀ ।
ପ୍ରଥମ ପର୍ଯ୍ୟାୟରେ ଗଜପତି ଜିଲ୍ଲାକୁ ରାଜ୍ୟ ସରକାର ଲକ୍ଷ୍ମୀ ଯୋଜନାରେ ୩୬ଟି ବସ୍ ଯୋଗାଇଛନ୍ତି । ଗଜପତି ଜିଲ୍ଲାର ସାତଟି ବ୍ଲକର ଉପାନ୍ତ ପଞ୍ଚାୟତଗୁଡ଼ିକରୁ ବ୍ଲକ୍ ସଦର ମହକୁମାକୁ ଲକ୍ଷ୍ମୀ ବସ୍ ଚଳାଚଳ ଆରମ୍ଭ ହୋଇଛି । ଯାତାୟାତର ସୁବିଧା ପାଇବେ ଗ୍ରାମାଞ୍ଚଳର ଜନସାଧାରଣ। ବିକାଶରେ ସହଯୋଗ କରିବ ଲକ୍ଷ୍ମୀ ଯୋଜନାର ବସ୍ ସେବା । ବାଣିଜ୍ୟ ଓ ପରିବହନ କ୍ଷେତ୍ରରେ ଲୋକଙ୍କ ନିକଟରେ ଧନଲକ୍ଷ୍ମୀ ପହଞ୍ଚାଇବ ରାଜ୍ୟ ସରକାରଙ୍କ ଲକ୍ଷ୍ମୀ ବସ୍ ଯୋଜନା । ବାଣିଜ୍ୟ ବ୍ୟବସାୟ ବୃଦ୍ଧି ପାଇବ । ସୁଗମ ହେବ ଗମନାଗମନ ।
ଭୁବନେଶ୍ବର: କୋଭିଡ୍-୧୯ ମହାମାରୀ ରୋଗପ୍ରତିରୋଧକାରୀ ଶକ୍ତି ଡେଙ୍ଗୁ ଆକ୍ରାନ୍ତଙ୍କ ଉପରେ ପଡିପାରେ ଗମ୍ଭୀର ପ୍ରଭାବ । ସରକାରଙ୍କ ଟ୍ରାନ୍ସନେସନାଲ ହେଲଥ୍ ସାଇନ୍ସ ଆଣ୍ଡ ଟେକନୋଲଜି ପକ୍ଷରୁ କରାଯାଇଥିବା ଏକ ଗୁରୁତ୍ବପୂର୍ଣ୍ଣ ଗବେଷଣାରୁ ଏହି ତଥ୍ୟ ସାମନାକୁ ଆସିଛି । କୋଭିଡ୍ ରୋଗପ୍ରତିରୋଧକାରୀ ଶକ୍ତି ଡେଙ୍ଗୁ ରୋଗ ଭାଇରସ ସିରୋଟାଇପ ସହ ପାର୍ଶ୍ବପ୍ରତିକ୍ରିୟା ସୃଷ୍ଟି କରୁଛି ।
ଯାହାକୁ ସମ୍ଭାବିତ ଡେଙ୍ଗୁ ସଂକ୍ରମଣକୁ ବୃଦ୍ଧି କରୁଥିବା ଜଣାପଡିଛି । ଡେଙ୍ଗୁ ଆକ୍ରାନ୍ତ ପ୍ରଥମଥର କରି ୧୯୯୬ରେ ଚିହ୍ନଟ ହେବା ପରେ ୨୦୦୨ ସୁ୍ଦଧା ଏହା ୧୩୧୨ ପ୍ରତିଶତ ବୃଦ୍ଧି ପାଇଛି । ଗତବର୍ଷ ଦେଶରେ ୩୦୩ ଡେଙ୍ଗୁ ଆକ୍ରାନ୍ତଙ୍କ ମୃତ୍ୟୁ ହୋଇଥିବା ରିପୋର୍ଟ ଦର୍ଶାଉଛି । ବୈଜ୍ଞାନିକଙ୍କ ଗବେଷଣା ଅନୁସାରେ କୋଭିଡ୍ ବିରୋଧରେ ଶରୀରରେ ସୃଷ୍ଟି ହୋଇଥିବା ରୋଗପ୍ରତିରୋଧକାରୀ ଶକ୍ତି ଡେଙ୍ଗୁ ସୃଷ୍ଟି କରୁଥିବା ଭାଇରସ ସିରୋଟାଇପ୍ DENV-2 ସହ ମିଶି ପାର୍ଶ୍ବପ୍ରତିକ୍ରିୟା ସୃଷ୍ଟି ହେଉଥିବା ଦେଖିବାକୁ ମିଳିଛି ।
ଏହାଦ୍ବାରା ଡେଙ୍ଗୁ ରୋଗୀଙ୍କ ଠାରେ ସଂକ୍ରମଣ ବୃଦ୍ଧି ପାଉଥିବା ଦେଖିବାକୁ ମିଳିଛି । ଗତ କିଛି ଦଶନ୍ଧି ମଧ୍ୟରେ ଭାରତରେ ଡେଙ୍ଗୁ ଭୂତାଣରେ ଅନେକ ପରିବର୍ତ୍ତନ ଘଟିଛି । ବିଭିନ୍ନ ସ୍ଥିତି ଦେଇ ଯିବା ସହ ଏହି ଭୂତାଣୁ ନୂଆ ଭାରିଆଣ୍ଟର ରୂପ ନେଉଛି । ୨୦୧୨ ପୂର୍ବରୁ ଡେଙ୍ଗୁର ଭୂତାଣୁ DENv 1 ଥିଲା । କିନ୍ତୁ ଏବେ DENv 2, DENv3 ଏବଂ DENv4 ଭାରିଆଣ୍ଟ ଆସିଛି । ପୂର୍ବରୁ DENv4 ଭାରିଆଣ୍ଟ କମ ସଂକ୍ରାମକ ଥିଲା କିନ୍ତୁ ଏବେ ଦକ୍ଷିଣ ଭାରତରେ ଏହି ଡେଙ୍ଗୁ ଭୂତାଣୁର ଏହି ଭାରିଆଣ୍ଟ ଘାତକ ସାଜିଛି ।.
