କଟକ: ଅପେକ୍ଷାର ଅନ୍ତ, ଉତ୍ସାହର ଆଗମନ । ମେଲିସାରିଛି ବାଣିଜ୍ୟ ପସରା । ସୋମବାରଠୁ ଆରମ୍ଭ ହେଉଛି କଟକର ଐତିହାସିକ ବାଲିଯାତ୍ରା । କିଲ୍ଲା ପଡିଆ ଓ ମହାନଦୀର ବିସ୍ତୀର୍ଣ୍ଣ ବାଲୁକା ଶଯ୍ୟାରେ ଆରମ୍ଭ ହୋଇଛି ମହାମେଳା । ଡିସେମ୍ବର ୪ ତାରିଖ ପର୍ଯ୍ୟନ୍ତ ମହାନଦୀ ପଠାର ତଳ ଓ ଉପର ବାଲିଯାତ୍ରା ପଡିଆରେ ୮ ଦିନ ଧରି ହେବ ଲୋକାରଣ୍ୟ । ସଂଧ୍ୟାରେ ଆନୁଷ୍ଠାନିକ ଭାବେ ମେଳାକୁ ଉଦଘାଟନ କରାଯିବ । ବାଲିଯାତ୍ରାରେ ଏଥର ପ୍ରମୁଖ ଆକର୍ଷଣ ସାଜିବ ଗ୍ରାମୀଣ ପ୍ରତିଛବି ଓ ଫିସ୍ ଟନେଲ୍ । ଦୋଳି, ମୀନା ବଜାର ସାଙ୍ଗକୁ ଜାତୀୟ ସ୍ତରୀୟ ପଲ୍ଲୀଶ୍ରୀ ମେଳା ବି ଆକର୍ଷଣ ସାଜିବ । ୧୨୦୦ରୁ ଅଧିକ ଷ୍ଟଲ୍ ଖୋଲାଯିବାକୁ ଥିବାବେଳେ ଓରମାସର ୪୨୦ଟି ଷ୍ଟଲ ଏସଏଚଜି ମାଆମାନେ ଖୋଲୁଛନ୍ତି । ଭିଡ଼ ନିୟନ୍ତ୍ରଣ ପାଇଁ ୪ଟି ପ୍ରବେଶ ଓ ପ୍ରସ୍ଥାନ ସ୍ଥାନ ରହିଛି । ସବୁଦିନ ସକାଳେ ପଥୋତ୍ସବ ଆୟୋଜିତ ହେବ । ୨୫୦ଟି ଅସ୍ଥାୟୀ ଟଏଲେଟ୍ ବ୍ୟବସ୍ଥା ହୋଇଛି ।ବଲିଉଡ୍ ସିଙ୍ଗର ଅନୁ ମଲିକ ସାଂସ୍କୃତିକ କାର୍ଯ୍ୟକ୍ରମରେ ଯୋଗଦେବେ। ସୁରକ୍ଷାକୁ ଦୃଷ୍ଟିରେ ରଖି କମିଶନରେଟ ପୋଲିସ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ସିସିଟିଭି ଲଗାଯିବା ସହ ବିଭିନ୍ନ ସ୍ଥାନରେ ସ୍ବତନ୍ତ୍ର ନଜର ରଖିଛି ପୋଲିସ ।
କାର୍ତ୍ତିକ ପୂର୍ଣ୍ଣିମାରେ ଶ୍ରୀକ୍ଷେତ୍ର ଯାଇ ପରିକ୍ରମା ପ୍ରକଳ୍ପ କାର୍ଯ୍ୟର ସମୀକ୍ଷା କଲେ 5T ଅଧ୍ୟକ୍ଷ
ପୁରୀ: କାର୍ତ୍ତିକ ପୂର୍ଣ୍ଣମୀରେ ପୁରୀ ଯାଇ ପରିକ୍ରମା ପ୍ରକଳ୍ପ ନିର୍ମାଣ କାର୍ଯ୍ୟର ସମୀକ୍ଷା କରିଛନ୍ତି 5T ଅଧ୍ୟକ୍ଷ ଭି.କେ ପାଣ୍ଡିଆନ । ପ୍ରକଳ୍ପ ନିର୍ମାଣ ଅଞ୍ଚଳ ବୁଲି ଦେଖିବା ସହିତ ଶ୍ରୀମନ୍ଦିର କାର୍ଯ୍ୟାଳୟରେ ବୈଠକ କରି ସମୀକ୍ଷା କରିଛନ୍ତି । ଭକ୍ତ ଓ ଶ୍ରଦ୍ଧାଳୁଙ୍କ ସୁବିଧା ପାଇଁ ସରକାରଙ୍କ ପକ୍ଷରୁ କରାଯାଉଥିବା ଏହି ପ୍ରକଳ୍ପ କାର୍ଯ୍ୟ ଓ ରାସ୍ତା ନିର୍ମାଣ ସମ୍ପର୍କରେ ବିଭାଗୀୟ ଅଧିକାରୀଙ୍କ ଠାରୁ ପଚାରି ବୁଝିଥିଲେ । ପୁରୀ ଜିଲ୍ଲାପାଳ, କେନ୍ଦ୍ରାଞ୍ଚଳ ଆଇଜିଙ୍କ ସମେତ ପୁରୀ ଏସପି ଓ ନିର୍ମାଣକାରୀ ସଂସ୍ଥାର ଅଧିକାରୀମାନେ ବୈଠକରେ ସାମିଲ ହୋଇଥିଲେ । ଯାଜପୁର ବିଧାୟକ ତଥା ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ମଧ୍ୟ ଏହି ସମୀକ୍ଷା ବୈଠକରେ ସାମିଲ ହୋଇଥିଲେ ।
ଆଜି ପବିତ୍ର କାର୍ତ୍ତିକ ପୂର୍ଣ୍ଣିମା, ଡଙ୍ଗା ଭସାଇବାକୁ ସବୁଠି ଭିଡ଼
ଭୁବନେଶ୍ବର: ଆ କା ମା ବୈ ପାନଗୁଆ ଥୋଇ… ପାନ ଗୁଆ ତୋ’ର.. ମାସକ ଧରମ ମୋର । ଆଜି କାର୍ତ୍ତିକ ମାସର ଶେଷ ଦିନରେ ପୁସ୍କରିଣୀରେ ଡଙ୍ଗା ଭସାଇଛନ୍ତି ଶ୍ରଦ୍ଧାଳୁ । ଓଡିଶା ସଂସ୍କୃତି ଓ ପରମ୍ପରାକୁ ମନେପକାଇ ଡଙ୍ଗା ଭସାଯାଇଛି । ଭୋରରୁ ଜଳାଶୟରେ ପରମ୍ପରା ପାଳନ କରାଯାଇଛି । ପୁରୀ ମହୋଦଧୀ, ତୀର୍ଥ ପୁଷ୍କରିଣୀ, ଭୁବନେଶ୍ବର ବିନ୍ଦୁସାଗର, କଟକ ନଈପଠା ଓ ଯାଜପୁର ଦଶ୍ବାଶମେଧ ଘାଟ ପରି ଅନେକ ତୀର୍ଥ ସ୍ଥାନରେ ଡଙ୍ଗା ଭସାଇଛନ୍ତି ଶ୍ରଦ୍ଧାଳୁ । ସେପଟେ ପବିତ୍ର କାର୍ତ୍ତିକ ପୂର୍ଣ୍ଣିମା ଅବସରରେ ମହାପ୍ରଭୁଙ୍କ ଦର୍ଶନ ପାଇଁ ପୁରୀରେ ଶ୍ରଦ୍ଧାଳୁଙ୍କ ପ୍ରବଳ ଭିଡ଼ । ରାଜରାଜେଶ୍ବର ବେଶରେ ଭକ୍ତଙ୍କୁ ଦର୍ଶନ ଦେଉଛନ୍ତି ମହାପ୍ରଭୁ ।
ଦ୍ବାର ଫିଟିବା ପରେ ମଙ୍ଗଳଆଳତି, ମଇଲମ, ଅବକାଶ ଆଦି ନୀତି କରାଯାଇ ମହାପ୍ରଭୁଙ୍କ ସୁନାବେଶ ସମ୍ପନ୍ନ କରାଯାଇଛି । ବିବିଧ ସ୍ବର୍ଣ୍ଣ ଅଳଙ୍କାରରେ ସଜେଇ ହୋଇ ଭକ୍ତଙ୍କୁ ଦର୍ଶନ ଦେଉଛନ୍ତି ମହାବାହୁ । ହରିଡ଼ା ମାଳି, ବାହାଡା ମାଳି, ଶ୍ରୀପୟର, ଶ୍ରୀଭୁଜ, କିରିଟ, କୁଣ୍ଡଳ, ଘାଗଡା ମାଳି, ବାଘ ନଖ ମାଳି, ଆଦି ସ୍ୱର୍ଣ୍ଣ ଅଳଙ୍କାରରେ ବିଭୂଷିତ ସାଆନ୍ତେଙ୍କ ଦୁର୍ଲଭ ଦର୍ଶନ କରି କୃତାର୍ଥ ହେଉଛନ୍ତି ଭକ୍ତ । ରାଜରାଜେଶ୍ୱର ବେଶରେ ଶ୍ରୀଜିଉଙ୍କୁ ଦର୍ଶନ କଲେ ଜନ୍ମଜନ୍ମାନ୍ତର ପାପରୁ ମୁକ୍ତି ମିଳିବା ସହ ଐଶ୍ବର୍ଯ୍ୟ ପ୍ରାପ୍ତି ହେବାର ବିଶ୍ବାସ ରହିଛି । ଜନସମାଗମକୁ ଦୃଷ୍ଟିରେ ରଖି ସ୍ବତନ୍ତ୍ର ବ୍ୟବସ୍ଥା କରାଯାଇଛି ।
ଗହଳି ନିୟନ୍ତ୍ରଣ ପାଇଁ ମାର୍କେଟ ଛକଠାରୁ ଶ୍ରୀମନ୍ଦିର ପର୍ଯ୍ୟନ୍ତ ନୋ ଭେଇକିଲ ଜୋନ କରାଯାଇଛି। ଧାର୍ଯ୍ୟ ସ୍ଥାନ ବ୍ୟତୀତ ସମୁଦ୍ରକୂଳ ପୋଲିସ ଷ୍ଟେସନଠାରୁ ସ୍ୱର୍ଗଦ୍ୱାର ପର୍ଯ୍ୟନ୍ତ କୌଣସି ସ୍ଥାନରେ ଗାଡ଼ି ପାର୍କିଂ କରାଯିବ ନାହିଁ। ରାସ୍ତାରେ ଉଠା ଦୋକାନ ପୂର୍ବ ଭଳି ବନ୍ଦ ରହିଛି । ସୁରକ୍ଷା ଦାୟିତ୍ବରେ ୫୦ପ୍ଲାଟୁନ ପୋଲିସ ଫୋର୍ସ ମୁତୟନ ରହିଥିବା ବେଳେ ସମୁଦ୍ରକୂଳରେ ଅଗ୍ନିଶମ ବାହିନୀ, ଲାଇଫ ଗାର୍ଡ, ସ୍ବେଛାସେବୀ ଓ ପୋଲିସ ପ୍ରଶାସନ ସ୍ବତନ୍ତ୍ର ନଜର ରଖିଛନ୍ତି ।
ଭାରତ ୪୪ ରନରେ ଅଷ୍ଟ୍ରେଲିଆକୁ ପରାସ୍ତ କଲା
ନନ୍ଦିଘୋଷ ବ୍ୟୁରୋ : ଭାରତୀୟ ବ୍ୟାଟ୍ସମ୍ୟାନଙ୍କ ପରେ ବୋଲରଙ୍କ ଦମଦାର ପ୍ରଦର୍ଶନରେ ଟିମ୍ ଇଣ୍ଡିଆ ଦ୍ୱିତୀୟ ଟି -20 ମ୍ୟାଚ୍ ରେ ଅଷ୍ଟ୍ରେଲିଆକୁ ୪୪ ରନରେ ପରାସ୍ତ କରିଛି। ଦଳ ପ୍ରଥମେ ବ୍ୟାଟିଂ କରି ଯଶସ୍ୱୀ ଜସୱାଲ, ଇଶାନ କିଶନ ଏବଂ ରିତୁରାଜ ଗାଇକୱାଡଙ୍କ ଅର୍ଦ୍ଧଶତକ ହେତୁ ୨୦ ଓଭରରେ ଚାରି ୱିକେଟ୍ ହରାଇ ୨୩୫ ରନ୍ ସଂଗ୍ରହ କରିଥିଲେ। ଏହି ବିଶାଳ ସ୍କୋର ସାମ୍ନାରେ ଅଷ୍ଟ୍ରେଲିଆ ଦଳ ୨୦ ଓଭର ଖେଳିବା ପରେ ମାତ୍ର ୧୯୧ ରନ୍ ସ୍କୋର କରି ନଅ ୱିକେଟ୍ ହରାଇଥିଲା । ରବି ବିଷ୍ଣୁ ଭାରତ ପାଇଁ ତିନୋଟି ୱିକେଟ୍ ନେଇଥିଲେ। ଏହା ସହ ଭାରତ ପାଞ୍ଚଟି ମ୍ୟାଚ୍ ବିଶିଷ୍ଟ ଟି -20 ସିରିଜରେ ୨-୦ ଅଗ୍ରଣୀ ହାସଲ କରିଛି। ଯଶସ୍ୱୀ ଜସୱାଲ ୫୩ ରନ, ଗାଇକୱାଡ ୫୮ ରନ ଏବଂ ଇଶାନ କିଶନ ୫୨ ରନ ସ୍କୋର କରିଥିଲେ। ଶେଷରେ, ରିଙ୍କୁ ସିଂ ପୁଣିଥରେ ନିଜର ଶେଷ ଦକ୍ଷତା ପ୍ରଦର୍ଶନ କରିଥିଲେ ଏବଂ ନଅ ବଲରେ ଅପରାଜିତ ୩୧ ରନ୍ ସ୍କୋର କରିଥିଲେ | ଅଷ୍ଟ୍ରେଲିଆ ପାଇଁ ମାର୍କସ୍ ଷ୍ଟୋନିସ୍ ସର୍ବାଧିକ ୪୫ ରନ୍ ସ୍କୋର କରିଥିଲେ ଏବଂ ମାଥ୍ୟୁ ସର୍ଟ ଅଷ୍ଟ୍ରେଲିଆ ଦଳକୁ ୨୩୬ ରନର ଲକ୍ଷ୍ୟ ପଛରେ ଗୋଡ଼ାଇ ଭଲ ପ୍ରଦର୍ଶନ ଆରମ୍ଭ କରିବାକୁ ଚେଷ୍ଟା କରିଥିଲେ। ଉଭୟ ପ୍ରଥମ ଓଭରରେ ସଫଳ ହୋଇଥିଲେ ମଧ୍ୟ ଏହି ସିରିଜରେ ଟିମ୍ ଇଣ୍ଡିଆର ଅଧିନାୟକ ଥିବା ସୂର୍ଯ୍ୟକୁମାର ଯାଦବ ତୃତୀୟ ଓଭରରେ ରବି ବିଷ୍ଣୁଙ୍କୁ ବଲ ଦେଇଥିଲେ। 
ରବି ପଞ୍ଚମ ବଲରେ ସର୍ଟଙ୍କୁ ପାଭିଲିୟନ ଫେରାଇଥିଲେ | ଗତ ମ୍ୟାଚରେ ଏକ ଶତକ ହାସଲ କରିଥିବା ବ୍ୟାଟ୍ସମ୍ୟାନ୍ ଜୋଶ ମଧ୍ୟ ଏହି ମ୍ୟାଚରେ ବିଶେଷ କିଛି କରିପାରି ନଥିଲେ। ପଞ୍ଚମ ଓଭରର ଦ୍ୱିତୀୟ ବଲରେ ରବି ତାଙ୍କୁ ପାଭିଲିୟନକୁ ପଠାଇ ଦେଇଥିଲେ। ସେ ମାତ୍ର ଦୁଇ ରନ୍ ସ୍କୋର କରିଥିଲେ। ଗ୍ଲେନ୍ ମ୍ୟାକ୍ସୱେଲ ୧୨ ରନ କରିଥିଲେ ବିପଦ ହୋଇଥାଇ ପାରନ୍ତେ କିନ୍ତୁ ଆକ୍ସାର ପଟେଲ ତାଙ୍କୁ ପରାସ୍ତ କରିଥିଲେ। ପ୍ରସାଦ କୃଷ୍ଣ ମଧ୍ୟ ଅଷ୍ଟମ ଓଭରର ଦ୍ୱିତୀୟ ବଲରେ ଷ୍ଟିଭ ସ୍ମିଥଙ୍କୁ ପାଭିଲିୟନକୁ ପଠାଇଥିଲେ। ସ୍ମିଥ୍ ୧୯ ରନ୍ ସଂଗ୍ରହ କରିଥିଲେ। ଅଷ୍ଟ୍ରେଲିଆ ମାତ୍ର ୫୮ ରନ୍ ପାଇଁ ଚାରିଟି ୱିକେଟ୍ ହରାଇଥିଲା। ଏହା ପରେ ଟିମ୍ ଡେଭିଡ୍ ଏବଂ ମାର୍କସ୍ ଷ୍ଟୋଇନିସ୍ ଭଲ ସ୍କୋର କରିଥିଲେ ଏବଂ ପଞ୍ଚମ ୱିକେଟ୍ ଜିବାପୂର୍ବରୁ ୩୮ ବଲରେ ୮୧ ରନ୍ ଭାଗିଦାରୀ କରିଥିଲେ।
ଆସନ୍ତାକାଲି ଠାରୁ କଟକ ଐତିହାସିକ ବାଲିଯାତ୍ରା
କଟକ : ଆସନ୍ତାକାଲିଠାରୁ ଆରମ୍ଭ ହେବ କଟକ ଐତିହାସିକ ବାଲିଯାତ୍ରା । ୨୭ ରେ ବାଲିଯାତ୍ରା ଉଦଘାଟନ ପରେ ଏହା ୪ ତାରିଖ ଯାଏଁ ଚାଲିବ । ବାଲିଯାତ୍ରାର ମୁଖ୍ୟ ଆକର୍ଷଣ ସାଜିବ କଟକ ଇନ୍ କଟକ୍ ଓ ଫିସ୍ ଟନେଲ । ଯାତ୍ରାରେ ୧୨ ଶହରୁ ଅଧିକ ଷ୍ଟଲ୍ ଖୋଲାଯିବ । ପାର୍କିଂ ସ୍ଥାନରୁ ଯାତ୍ରୀ ଯିବା ଆସିବା ପାଇଁ ସ୍ବତନ୍ତ୍ର ଇ-ରିକ୍ସା ବନ୍ଦୋବସ୍ତ କରାଯାଇଛି । ଭିଡ ନିୟନ୍ତ୍ରଣ ପାଇଁ ୪ ଟି ପ୍ରବେଶ ଓ ପ୍ରସ୍ଥାନ ବ୍ୟବସ୍ଥା କରାଯାଇଛି । ସବୁଦିନ ସକାଳେ ଆୟୋଜିତ ହେବ ପଥଉତ୍ସବ । ଯାତ୍ରୀଙ୍କ ସୁବିଧା ପାଇଁ ପଡିଆ ମଧ୍ୟରେ ୨୫୦ ଟି ଅସ୍ଥାୟୀ ଟଏଲେଟ୍ ବ୍ୟବସ୍ଥା କରାଯାଇଛି । ବଲିଉଡ୍ ସିଙ୍ଗର ଅନୁ ମଲ୍ଲିକ ସାଂସ୍କୃତିକ କାର୍ଯ୍ୟକ୍ରମରେ ଯୋଗ ଦେବେ ।
ମହିଳା ସ୍ବୟଂ ସହାୟକ ଗୋଷ୍ଠୀକୁ ଚଳିତବର୍ଷ ଅଧିକ ପ୍ରଧାନ୍ୟ ଦିଆଯାଇ ଓରମାସ 420ଟି ଷ୍ଟଲ ଦିଆଯାଇଛି । ଚଳିତବର୍ଷ 35 କୋଟି ଟଙ୍କାର ବ୍ୟବସାୟ ପାଇଁ ଲକ୍ଷ୍ୟ ରଖାଯାଇଛି । ଏନେଇ ପ୍ରେସମିଟ ଜରିଆରେ ସୂଚନା ଦେଇଛନ୍ତି କଟକ ଜିଲ୍ଲାପାଳ ।
ଅଷ୍ଟ୍ରେଲିଆ ଆଗରେ ୨୩୬ ଟାର୍ଗେଟ୍
ନନ୍ଦିଘୋଷ ବ୍ୟୁରୋ : ଭାରତ ଓ ଅଷ୍ଟ୍ରେଲିଆ ମଧ୍ୟରେ ୫ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ର ଦ୍ୱିତୀୟ ମୁକାବିଲାରେ ଭାରତର ଦମ୍ଦାର ପଦର୍ଶନ ଦେଖିବାକୁ ମିଳିଛି । ଭାରତୀୟ ବ୍ୟାଟରଙ୍କ ଛକା-ଚୌକା ବର୍ଷା ଫଳରେ ଭାରତ ୨୦ ଓଭର ଖେଳି ୪ ୱିକେଟ ହରାଇ ୨୩୫ ରନ୍ କରିଛି। ଯାହା ଫଳରେ ଦ୍ୱିତୀୟ ଟି-୨୦ ବିଜୟ ପାଇଁ ଭ୍ରମଣକାରୀ ଅଷ୍ଟ୍ରେଲିଆ ଆଗରେ ଭାରତ ୨୩୬ ରନ୍ର ଟାର୍ଗେଟ ରଖିଛି । ଆଜିର ମ୍ୟାଚରେ ଅଷ୍ଟ୍ରେଲିଆର ଟସ୍ ଜିତି ବୋଲିଂ ନିଷ୍ପତ୍ତି ନେଇଥିଲା। ଯାହା ଫଳରେ ପ୍ରଥମେ ବ୍ୟାଟିଂ କରିଥିଲା ଭାରତ। ତେବେ ପ୍ରଥମରୁ ଓପନିଂ କରିବାକୁ ଆସିଥିବା ଯଶସ୍ବୀ ଜୟସ୍ବାଲ ଓ ଋତୁରାଜ ଗାଏକ୍ବାଡ ବିସ୍ଫୋରକ ପାଳି ଖେଳିଥିଲେ ।
ଜିଲ୍ଲାପାଳଙ୍କୁ ନିର୍ଦ୍ଦେଶ ମିଶନ ଶକ୍ତି ଗୋଷ୍ଠୀକୁ କର ବ୍ୟାଙ୍କ ଲିଙ୍କ୍
ଭୁବନେଶ୍ୱର : ମିଶନ ଶକ୍ତି ଗୋଷ୍ଠୀ ପାଇଁ ୫ଲକ୍ଷ ପର୍ଯ୍ୟନ୍ତ ସୁଧମୁକ୍ତ ଋଣ ମାଧ୍ୟମରେ ରାଜ୍ୟ ସରକାର ମହିଳା SHG ର ସାମାଜିକ-ଅର୍ଥନୈତିକ ସଶକ୍ତିକରଣକୁ ବୃଦ୍ଧି କରୁଛନ୍ତି। ୨୦୨୩-୨୪ ରେ MUKTA ପ୍ରକଳ୍ପର କାର୍ଯ୍ୟକାରିତାକୁ ଶୃଙ୍ଖଳିତ କରିବା ପାଇଁ ଗୃହ ଏବଂ ନଗର ଉନ୍ନୟନ ବିଭାଗ କଲେକ୍ଟର, ମ୍ୟୁନିସିପାଲିଟି କମିଶନର ଏବଂ ସହରାଞ୍ଚଳ ସ୍ଥାନୀୟ ସଂସ୍ଥାର କାର୍ଯ୍ୟନିର୍ବାହୀ ଅଧିକାରୀମାନଙ୍କୁ ଅନୁରୋଧ କରିଛି ଯେ କାର୍ଯ୍ୟ ନିର୍ଦ୍ଦେଶ ସହିତ ମିଶନ ଶକ୍ତି ଗୋଷ୍ଠୀ ଗୁଡ଼ିକ ପାଇଁ ବ୍ୟାଙ୍କ ଲିଙ୍କେଜ୍ ସୁନିଶ୍ଚିତ କରନ୍ତୁ | ଏମଏସଜି ଏବଂ ବ୍ୟାଙ୍କର୍ସଙ୍କ ସହ ଜଡିତ ସ୍ୱତନ୍ତ୍ର ଡ୍ରାଇଭ ମାଧ୍ୟମରେ ଋଣ ମଞ୍ଜୁର ତ୍ୱରାନ୍ୱିତ କରିବାକୁ ବିଭାଗ ସଂଗ୍ରହକାରୀଙ୍କୁ ଗୁରୁତ୍ୱ ଦେବାକୁ କହିଛି। ଲକ୍ଷ୍ୟ ହେଉଛି SHG ସଦସ୍ୟମାନଙ୍କ ମଧ୍ୟରେ ମାନ୍ୟବର ମୁଖ୍ୟମନ୍ତ୍ରୀଙ୍କ ଦ୍ୱାରା ଘୋଷିତ ସୁଧ ଉପକାରିତା ବିଷୟରେ ସଚେତନତା ସୃଷ୍ଟି କରିବା | ଅତିରିକ୍ତ ଭାବରେ, ଏକ ଗୁରୁତ୍ପୂର୍ଣ ସର୍ତ୍ତ ରହିଛି ଯେ MUKTA ପ୍ରକଳ୍ପଗୁଡିକ କାର୍ଯ୍ୟକାରୀ କରୁଥିବା ମନୋନୀତ ମିଶନ୍ ଶକ୍ତି ଗୋଷ୍ଠୀଗୁଡିକ ବ୍ୟାଙ୍କ ଡିଫଲ୍ଟର୍ ହେବା ଉଚିତ୍ ନୁହେଁ | 
ଏହି ଅବସ୍ଥା ଯାଞ୍ଚ କମିଟି ଦ୍ୱାରା ପୁଙ୍ଖାନୁପୁଙ୍ଖ ଯାଞ୍ଚ ଏବଂ ULB ସ୍ତରରେ ଅଧିକ ଯାଞ୍ଚ ଆବଶ୍ୟକ କରେ | ୨୦୨୩-୨୪ ରେ କାର୍ଯ୍ୟ ଅର୍ଡର ଧରିଥିବା MSG ଗୁଡ଼ିକ ପାଇଁ ସକ୍ରିୟ ଭାବରେ ବ୍ୟାଙ୍କ ଲିଙ୍କେଜ୍ ସୁନିଶ୍ଚିତ କରିବା ପାଇଁ ବିଭାଗ ୧୧୫ ULB ମଧ୍ୟରେ ସମ୍ପୃକ୍ତ ଅଧିକାରୀ, CO, CMM, ଏବଂ MUKTA ଦଳର ସାମୂହିକ ଦାୟିତ୍ .କୁ ସୂଚିତ କରିଛି | ସଂଗ୍ରହକାରୀମାନଙ୍କୁ ଏମଏସଜି ଏବଂ ବ୍ୟାଙ୍କର୍ସ ସହିତ ଜଡିତ ସ୍ୱତନ୍ତ୍ର ଡ୍ରାଇଭ ସହିତ ଏକ ମିଳିତ ପ୍ରୟାସ କରିବାକୁ ନିର୍ଦ୍ଦେଶ ଦିଆଯାଇଛି, ଯେଉଁଠାରେ ଋଣ ଉପରେ ପ୍ରତିବନ୍ଧକ ଲଗାଇବା ସହ SHG ସଦସ୍ୟମାନଙ୍କ ମଧ୍ୟରେ ସୁଧ ଉପକାରିତା ବିଷୟରେ ସଚେତନତା ସୃଷ୍ଟି କରାଯିବ।
ନାଫେଡ଼ ଦ୍ୱାରା ବିକ୍ରି ହେଉଥିବା ବୁଟ ଡାଲିର ଚୋରା ଚାଲାଣ
ଭୁବନେଶ୍ୱର : ଭୁବନେଶ୍ୱର କେନ୍ଦ୍ର ସରକାରଙ୍କ ପକ୍ଷରୁ ନେଫେଡ଼ ଦ୍ୱାରା ବିକ୍ରି ହେଉଥିବା ବୁଟ ଡାଲିକୁ ଲୋକଙ୍କୁ ବିକ୍ରି ନ କରି ଶୈଳେଶ୍ରୀ ବିହାର ରେ ଥିବା ଏକ ଗ୍ରୋସରି ଦୋକାନରେ ବିକ୍ରି କରିଦେଉଥିବା ଅଭିଯୋଗ ହୋଇଛି। ସ୍ଥାନୀୟ ଲୋକେ ବିକ୍ରି ପାଇଁ ଆସିଥିବା ଗାଡି ସହ ବୁଟ ଡାଲି ଓ ଗାଡ଼ି ଡ୍ରାଇଭରକୁ ଅଟକ ରଖିଥିଲେ । ଯାହାକୁ ଜନ ସାଧାରଣ ଙ୍କୁ ବିକ୍ରି କରିବା କଥା ତାକୁ ଦୋକାନ ରେ ବିକ୍ରି କରିଦେଉଥିଲେ ମାଫିଆ । ଘଟଣା ସ୍ଥଳରେ କିଛି ସମୟ ପାଇଁ ଉତ୍ତେଜନା ପ୍ରକାଶ ପାଇଛି। ଘଟଣା ସ୍ଥଳରେ ଜଣେ ବ୍ୟକ୍ତି ପହଞ୍ଚି ବୁଟ ଡାଲି ତାଙ୍କର ବୋଲି ଦାବି କରିଛନ୍ତି। କିନ୍ତୁ ବୁଟ ଡାଲିର ବିଲ୍, GST ବିଲ୍ ମଧ ଦେଖାଇ ପାରି ନାହାଁନ୍ତି। ଫଳରେ କେନ୍ଦ୍ର ସରକାରଙ୍କ ବୁଟ ଡାଲିକୁ କିଏ କିପରି ବିକ୍ରି କରୁଥିଲେ ତାହାକୁ ନେଇ ଅନେକ ପ୍ରଶ୍ନ ସୃଷ୍ଟି ହୋଇଛି ? ଯଦି ଡାଲି ଗୁଡିକ କୌଣସି ବ୍ୟକ୍ତିଙ୍କର ତେବେ ତାହା ନାଫେଡ ଗାଡ଼ିରେ କିଭଳି ଚାଲାଣ ହେଉଥିଲା ତାହା ବଡ଼ ପ୍ରଶ୍ନ ସୃଷ୍ଟି କରିଛି ?
ସେପଟେ କଳା ବଜାରି ହେଉଥିବା ଲୋକେ ଅଭିଯୋଗ କରିଛନ୍ତି। କମ୍ ଦରରେ ନାଫେଡ ଡାଲି ବିକ୍ରି ଚୋରା ଚାଲାଣ କରି ବିକ୍ରି କରୁଥିବା ଅଭିଯୋଗ କରିଛନ୍ତି। ଖବର ପାଇ ଚନ୍ଦ୍ରଶେଖରପୁର ପୋଲିସ ଘଟଣାସ୍ଥଳରେ ପହଞ୍ଚି ।ଗାଡ଼ି ସହ ବୁଟ ଡାଲି ଓ ଡ୍ରାଇଭର କୁ ଥାନାକୁ ନେଇ ଅଟକ ରଖି ପଚରାଉଚରା କରୁଛି ପୋଲିସ। ନାଫେଡ ଡାଲି ଗାଡ଼ିର ଡ଼୍ରାଇଭର ସନ୍ତୋଷଜନକ ଉତ୍ତର ଦେଇ ପାରି ନାଥିବାରୁ ସନ୍ଦେହ ବଢ଼ିଛି।
ପର ସ୍ତ୍ରୀକୁ ନିଜର କରିଥିଲେ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ୍
ନନ୍ଦିଘୋଷ ବ୍ୟୁରୋ : ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ ଏବଂ ତାଙ୍କ ପତ୍ନୀ ବୁଶ୍ରା ବିବିଙ୍କ ବିରୋଧରେ ଠକେଇ ମାମଲା ରୁଜୁ ହୋଇଛି। ତାଙ୍କ ବିରୋଧରେ ଏହି ମାମଲା ନଭେମ୍ବର ୨୫ ରେ ବୁଶ୍ରା ବିବିଙ୍କ ପୂର୍ବତନ ସ୍ୱାମୀ ଖାୱାର ଫରିଦ ମାନେକା ଦାଖଲ କରିଛନ୍ତି। ଫରିଦ ମାନେକା ଇମ୍ରାନ ଏବଂ ବୁଶ୍ରାଙ୍କୁ ଜାଲିଆତି କରି ବିବାହ କରିଥିବା ଅଭିଯୋଗ କରିଛନ୍ତି। ଯାହା ବିରୋଧରେ ସେ କୋର୍ଟଙ୍କ ନିକଟକୁ ଯାଇଛନ୍ତି। ଫରିଦ ମାନେକା ଇସଲାମାବାଦ ପୂର୍ବ ସିନିୟର ସିଭିଲ ଜଜ୍ କୁଦ୍ରତୁଲ୍ଲା କୋର୍ଟରେ ଧାରା ୩୪ , ୪୯୬ (ବୈଦ୍ଧ ବିବାହ ବିନା ଜାଲିଆତି) ଏବଂ ଧାରା ୪୯୬ ଅନୁଯାୟୀ ଏକ ଅଭିଯୋଗ ଦାଖଲ କରିଛନ୍ତି। ଏଥି ସହିତ, ମାମଲାର ଶୁଣାଣି ସମୟରେ ମାନେକା କ୍ରାଇମବ୍ରାଞ୍ଚ ପ୍ରକ୍ରିୟାର ଧାରା ୨୦୦ ଅନୁଯାୟୀ ରେକର୍ଡ ମଧ୍ୟ କରିଛନ୍ତି ଯେଉଁଥିରେ ଇମ୍ରାନଙ୍କ କାରଣରୁ ତାଙ୍କ ବିବାହିତ ଜୀବନ ନଷ୍ଟ ହୋଇଯାଇଛି। ସେ ଇମ୍ରାନଙ୍କୁ ତାଙ୍କ ବୈବାହିକ ଜୀବନ ନଷ୍ଟ କରିଥିବା ଅଭିଯୋଗ କରିଛନ୍ତି । ଫରିଦ ମାନେକାଙ୍କ ଅଭିଯୋଗ ଉପରେ କୋର୍ଟ ଏହି ମାମଲାରେ ତିନିଜଣ ସାକ୍ଷୀ, ଇସ୍ତିକାମ-ଇ-ପାକିସ୍ତାନ ପାର୍ଟିର ସଦସ୍ୟ ଆୱାନ ଚୌଧୁରୀ, ଇମ୍ରାନ ଏବଂ ବୁଶ୍ରାଙ୍କ ବିବାହ କରିଥିବା ମୁଫତି ମହମ୍ମଦ ସୟିଦ ଏବଂ ମନେକାଙ୍କ ଘର କର୍ମଚାରୀ ଲତିଫଙ୍କୁ ନୋଟିସ ଜାରି କରିଛନ୍ତି। ନଭେମ୍ବର ୨୮ ରେ କୋର୍ଟ ଏହି ତିନିଜଣଙ୍କୁ ହାଜର ହେବାକୁ ନିର୍ଦ୍ଦେଶ ଦେଇଛନ୍ତି। ତାଙ୍କ ଅଭିଯୋଗରେ ଖୱାର ମାନେକା ଇମ୍ରାନ ଖାନ ଏବଂ ବୁଶ୍ରା ବିବିଙ୍କୁ ଡକାଇବାକୁ କୋର୍ଟଙ୍କୁ ଅନୁରୋଧ କରିଛନ୍ତି ଏବଂ ଆଇନ ଅନୁଯାୟୀ ଉଭୟଙ୍କୁ କଠୋର ଦଣ୍ଡ ଦିଆଯିବା ଉଚିତ। 
ଆମେ ଆପଣଙ୍କୁ କହିରଖୁଛୁ ଯେ କିଛି ଦିନ ପୂର୍ବରୁ ଏକ ସାକ୍ଷାତକାରରେ ଫରିଦ ଖୱାର ମାନେକା ଇମ୍ରାନଙ୍କ ବିରୋଧରେ ଅନେକ ଗୁରୁତର ଅଭିଯୋଗ ଆଣିଥିଲେ। ସେ କହିଥିଲେ ଯେ ତାଙ୍କ ବିବାହିତ ଜୀବନ ଭଲରେ ଚାଲିଛି, କିନ୍ତୁ ଇମ୍ରାନ ଖାନଙ୍କ ଯୋଗୁଁ ଏହା ନଷ୍ଟ ହୋଇଯାଇଛି। ସେ କହିଥିଲେ ଯେ ପିଟିଆଇ ମୁଖ୍ୟ ଇମ୍ରାନ ଖାନ ପ୍ରାୟତ ଆଧ୍ୟାତ୍ମିକ ଆରୋଗ୍ୟ ନାମରେ ତାଙ୍କ ଘରକୁ ଯାଇଥିଲେ ଏବଂ ତାଙ୍କ ଅନୁପସ୍ଥିତିରେ ସେ ତାଙ୍କ ପତ୍ନୀ ବୁଶ୍ରାଙ୍କୁ ଘଣ୍ଟା ଘଣ୍ଟା ଧରି ଭେଟିଥିଲେ। ସେ ଏହା ମଧ୍ୟ କହିଛନ୍ତି ଯେ ଇମ୍ରାନ ଏବଂ ବୁଶ୍ରା ରାତିରେ ଘଣ୍ଟା ଘଣ୍ଟା ଧରି ଫୋନରେ ଗୁପ୍ତ କଥା ହେଉଥିଲେ। ତେବେ ଇମ୍ରାନ ଖାନଙ୍କ ଦଳର ପାକିସ୍ତାନ ତେହେରିକ-ଇ-ଇନସାଫର ନେତାମାନେ ଅସନ୍ତୋଷ ବ୍ୟକ୍ତ କରିଛନ୍ତି ଏବଂ ମାନେକାଙ୍କ ଅଭିଯୋଗକୁ କଡ଼ା ସମାଲୋଚନା କରିଛନ୍ତି।
ଯୁବତୀଙ୍କୁ ହତ୍ୟା ପରେ ୩୧ ଖଣ୍ଡ କରି ପୋତିବା ଘଟଣା, ଦମ୍ପତି ଗିରଫ
ଉମରକୋଟ: ନବରଙ୍ଗପୁର ମୁରୁମଡିହି ଜଙ୍ଗଲରେ ଯୁବତୀଙ୍କୁ ହତ୍ୟା କରି ପୋତିବା ଘଟଣାରେ ତନାଘନା । ଘଟଣାରେ ପ୍ରେମିକ ଚନ୍ଦ୍ର ରାଉତ ଏବଂ ତାଙ୍କ ପତ୍ନୀକୁ ଗିରଫ କଲା ପୋଲିସ । ଯୁବତୀଙ୍କୁ ହତ୍ୟା ପରେ ମୃତଦେହକୁ ୩୧ ଖଣ୍ଡ କରି ଜଙ୍ଗଲରେ ପୋତି ଦେଇଥିଲା ସୈତାନ ଚନ୍ଦ୍ର । ଘଟଣାରେ ରାଇଘର ପୋଲିସ ଓ ସାଇଣ୍ଟିଫିକ୍ ଟିମ ତଦନ୍ତ କରୁଛି । ଆଜି ଅଭିଯୁକ୍ତ ଦମ୍ପତିଙ୍କୁ କୋର୍ଟ ଚାଲାଣ କରାଯାଇଛି ।
ଅନ୍ୟପଟେ ଶବ ସତ୍କାରକୁ ନେଇ ମୁରୁମଡିହି ଗ୍ରାମରେ କିଛି ସମୟ ପାଇଁ ଉତ୍ତେଜନା ପ୍ରକାଶ ପାଇଥିଲା । ମୃତ ଯୁବତୀଙ୍କ ପରିବାର ଶବକୁ ଅଭିଯୁକ୍ତ ପ୍ରେମିକର ଘର ସାମ୍ନାରେ ସତ୍କାର କରିବାକୁ ଜିଦ୍ ଧରି ବସିଥିଲେ । ପୋଲିସ ବୁଝାସୁଝା ପରେ ଶବକୁ ପ୍ରେମିକର ଘର ସାମ୍ନାରେ ସତ୍କାର ନକରି ଅନ୍ୟ ସ୍ଥାନରେ କରାଯାଇଥିଲା ।
ତେବେ ପ୍ରେମିକାକୁ ସ୍ତ୍ରୀ ସହ ମିଶି ଚନ୍ଦ୍ର କାହିଁକି ମାରିଲା ତାହା ସ୍ପଷ୍ଟ ହୋଇନାହିଁ । ପୋଲିସ ଘଟଣାର ତଦନ୍ତ ଚଲାଇଛି । ଶୀଘ୍ର ହତ୍ୟାର କାରଣ ସ୍ପଷ୍ଟ ହେବ ବୋଲି ପୋଲିସ କହିଛି ।