ନୂଆଦିଲ୍ଲୀ : ଚାଲିଛି ବାଘଙ୍କର ସ୍ଥାନାନ୍ତରଣ । ବାଘ ଏବେ ଉଚ୍ଚା ପାହାଡ ଥିବା ଏରିଆ କୁ ବଢୁଛନ୍ତି । ଏହି ଭଳି ଦୃଶ୍ଯ ଏବେ ନିକଟରେ ଉତ୍ତରାଖଣ୍ଡରେ ନଜର ଆସିଛି । ଏହି ବାଘ ସାଧାରଣତଃ ୧୨୬୩ ଫୁଟ୍ ଉଚ୍ଚ ରେ ଥିବା ସମତଳ ଜାଗା ଏବଂ ଜଙ୍ଗଲରେ ଦେଖାଯାଆନ୍ତି । କିନ୍ତୁ ପୂର୍ବ କିଛି ଦିନ ମାନଙ୍କରେ ଉତରାଖଣ୍ଡରେ ୭୦୦୦ ଫୁଟ୍ ରୁ ଅଧିକ ଉଚ୍ଚତା ବିଶିଷ୍ଟ ଜାଗା ଗୁଡିକରେ ବି ସେମାନଙ୍କୁ ଦେଖାଯାଇଛି ।
ପୁରୀ: ସୋମବାର ବଡ଼ଦିନ । ପଲ୍ଲୀରୁ ଦିଲ୍ଲୀ ଉତ୍ସବର ମାହୋଲ । ଏହି ଅବସରରେ ପୁରୀ ବ୍ଲୁ ଫ୍ଲାଗ ବିଚରେ ବାଲୁକା କଳା ମାଧ୍ୟମରେ ଓନିଅନ ସାନ୍ତାକ୍ଲଜ ନିର୍ମାଣ ହୋଇଛି । ନିଆରା ଢଙ୍ଗରେ ସାରା ବିଶ୍ୱକୁ ବଡଦିନର ହାର୍ଦ୍ଧିକ ଅଭିନନ୍ଦନ ଜଣାଇଛନ୍ତି ଆନ୍ତର୍ଜାତୀୟ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ତେବେ ଏହି କଳାକୃତିରେ ଦୁଇ ଟନ ପିଆଜର ବ୍ୟବହାର କରାଯାଇଛି । ଏହି ଅବସରରେ ସେ ଗିଫ୍ଟ ଏ ପ୍ଲାଣ୍ଟ, ଗ୍ରୀନ ଦ ଆର୍ଥର ବାର୍ତ୍ତା ଦେଇଛନ୍ତି । ପିଆଜରେ ମେରୀ ଖ୍ରୀଷ୍ଟ ମାସ ଲେଖାଯାଇଥିବା ବେଳେ ବିଭିନ୍ନ ପ୍ରକାରର ବୃକ୍ଷକୁ ସେ ଏଥିରେ ସ୍ଥାନିତ କରିଛନ୍ତି । ଯାହାକୁ ପର୍ଯ୍ୟଟକ ମାନେ ଅତି ଆନନ୍ଦର ସହ ଉପଭୋଗ କରିଛନ୍ତି ।
ଟିଟିଲାଗଡ଼: ଟିଟିଲାଗଡରେ ବିଜେଡିର ମିଶ୍ରଣ ପର୍ବ । ଟିଟିଲାଗଡ଼ ବ୍ଲକ ବିଜୁ ଜନତା ଦଳ ଅଫିସରେ ସାମିଲ ହୋଇଛନ୍ତି ଶତାଧିକ ସଂଖ୍ୟାରେ ସଦସ୍ୟ । ବିଜେଡିରେ ସାମିଲ ହୋଇଥିବା ସଦସ୍ୟ ବିରୋଧୀ ବିଜେପି ଓ କଂଗ୍ରେସ ଦଳର। ବିଜୁ ଜନତା ଦଳର୍ ଜନମଙ୍ଗଳ କାର୍ଯ୍ୟରେ ଅନୁପ୍ରାଣିତ ହୋଇ ଶତାଧିକ ସଂଖ୍ୟାରେ ପୁରୁଷ ଓ ମହିଳା ମନ୍ତ୍ରୀ ଟୁକୁନି ସାହୁଙ୍କ ଉପସ୍ଥିତିରେ ଦଳରେ ଯୋଗ ଦେଇଛନ୍ତି। ମନ୍ତ୍ରୀ ଟୁକୁନି ସାହୁ ବିଜୁ ଜନତା ଦଳର ଉତ୍ତରୀୟ ଦେଇ ଦଳକୁ ସ୍ୱାଗତ୍ କରିଥିଲେ । ଦଳରେ ଶୃଙ୍ଖଳିତ କର୍ମୀ ଭାବରେ କାର୍ଯ୍ୟକରି ମୁଖ୍ୟମନ୍ତ୍ରୀଙ୍କ ହାତକୁ ସୁଦୃଢ କରିବା ସହ ଗାଁ ଗଣ୍ଡାର ବିକାଶ କରିବାକୁ ଆହ୍ଵାନ ଦେଇଥିଲେ । ଏହି ମିଶ୍ରଣ ପର୍ବରେ ପୂର୍ବତନ କଂଗ୍ରେସ କର୍ମୀ ଲଲିତ ସାହୁ ଓ କୁଶକେଳା ପଞ୍ଚାୟତର ପୂର୍ବତନ ସରପଞ୍ଚ ବିଶୁ ମାଝୀ ଓ ତାଙ୍କ ସମର୍ଥକ ମାନେ ଦଳରେ ଯୋଗ ଦେଇଛନ୍ତି୍ । ଦଳ ଓ ନେତୃତ୍ୱର ଦିଗଦର୍ଶନରେ କାର୍ଯ୍ୟ କରିବେ ବୋଲି ସମସ୍ତେ କହିଛନ୍ତି।
ମୁମ୍ବାଇ: ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ବଲିଉଡ ଅଭିନେତା ଅରବାଜ ଖାନ । ୫୭ ବର୍ଷ ବୟସରେ ଦ୍ବିତୀୟ ବିବାହ କରିବାକୁ ଯାଉଥିବା ସଲମାନ ଖାନଙ୍କ ବଡ଼ଭାଇ ଏବେ ତାଙ୍କ ଭଉଣୀ ଅର୍ପିତାଙ୍କ ଘରେ ପହଞ୍ଚିଛନ୍ତି । ସେଠାରେ ବିବାହ ଉତ୍ସବ ଅନୁଷ୍ଠିତ ହେବାକୁ ଥିବାବେଳେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ଏହି ବିବାହରେ କେବଳ ପରିବାର ଲୋକେ ଏବଂ ଖାସ୍ ଅତିଥୀମାନେ ଯୋଗଦେବେ । ଅରବାଜ ଅର୍ପିତାଙ୍କ ଘରକୁ ଯାଉଥିବାର ଏକ ଭିଡିଓ ନଜରକୁ ଆସିଛି ।
ଅରବାଜ ମେକପ ଆର୍ଟିଷ୍ଟ ଶେରା ଖାନଙ୍କୁ ବିବାହ କରିବାକୁ ଯାଉଛନ୍ତି । ଉଭୟ ଦୀର୍ଘଦିନ ଧରି ଡେଟିଂ କରିଥିବାବେଳେ ଏବେ ବିବାହ ପାଇଁ ନିଷ୍ପତ୍ତି ନେଇଛନ୍ତି । ସେପଟେ ଅରବାଜ ପ୍ରଥମେ ଅଭିନେତ୍ରୀ ମଲାଇକାଙ୍କୁ ବିବାହ କରିଥିବାବେଳେ ତାଙ୍କର ୨୧ ବର୍ଷର ପୁଅ ଅଛନ୍ତି । ମଲାଇକା ଅର୍ଜୁନ କପୁରଙ୍କୁ ଡେଟ୍ କରୁଥିବାବେଳେ ସେମାନେ ସବୁବେଳେ ଚର୍ଚ୍ଚାରେ ରହିଥାନ୍ତି । କିନ୍ତୁ ଏବେ ଅରବାଜଙ୍କ ବିବାହକୁ ନେଇ ଚର୍ଚ୍ଚା ଆରମ୍ଭ ହୋଇଛି ।
ନୂଆଦିଲ୍ଲୀ: ଭାରତୀୟ କୁସ୍ତି ସଂଘର ନବନିର୍ବାଚିତ ଟିମ ସସପେଣ୍ଡ । ଟିମକୁ ସସପେଣ୍ଡ କରିଛି କେନ୍ଦ୍ର କ୍ରୀଡ଼ା ମନ୍ତ୍ରାଳୟ । ବ୍ରିଜଭୂଷଣ ସିଂଙ୍କ ଇସ୍ତଫା ପରେ ସଞ୍ଜୟ ସିଂ ହୋଇଥିଲେ ସଭାପତି । ତେବେ ବ୍ରିଜଭୂଷଣଙ୍କ ନିକଟତମ ବ୍ୟକ୍ତି କୁହାଯାଉଥିବା ସଞ୍ଜୟ ସିଂ ସଭାପତି ନିର୍ବାଚିତ ହେବା ପରେ କ୍ଷୁବ୍ଧ ହୋଇଥିଲେ ପୂର୍ବତନ କ୍ରୀଡ଼ାବିତ । ଯାହାକୁ ନେଇ ବିବାଦ ଲାଗି ରହିଥିଲା । ତେବେ ନବନିର୍ବାଚିନ ଟିମ ସସପେଣ୍ଡ ହେବା ପରେ ପ୍ରତିକ୍ରିୟା ରଖିଛନ୍ତି ସଭାପତି ସଞ୍ଜୟ ସିଂ ସେ କହିଛନ୍ତି କି, ଏପର୍ଯ୍ୟନ୍ତ ପୁରା ଅର୍ଡର ପଢ଼ିନାହାନ୍ତି । ପ୍ରଥମେ ଏହାକୁ ପଢ଼ିବେ ଏବଂ ପରେ କହିବେ । ଏହସହ କହିଛନ୍ତି କି, ମୁଁ ଏସମ୍ପର୍କରେ ଏବେ କିଛି କହିବାକୁ ଚାହୁଁନାହିଁ ।
ସୂଚନା ଥାଉକି, ନୂଆ ସଭାପତି ସଞ୍ଜୟ ସିଂଙ୍କ ସମସ୍ତ ନିଷ୍ପତ୍ତି ଉପରେ ବି ରୋକ ଲଗାଇଛି କେନ୍ଦ୍ର କ୍ରୀଡ଼ାମନ୍ତ୍ରାଳୟ । ସଞ୍ଜୟଙ୍କ ନିର୍ବାଚନକୁ ବିରୋଧ କରି ପଦ୍ମଶ୍ରୀ ଫେରାଇଥିଲେ ବଜରଙ୍ଗ ପୁନିଆ । ସାକ୍ଷୀ ମଲ୍ଲିକ ବି କୁସ୍ତି ଜଗତରୁ ନେଇଛନ୍ତି ସନ୍ନ୍ୟାସ । ନବନିର୍ବାଚିତ ଟିମକୁ ସସପେଣ୍ଡ ପ୍ରସଙ୍ଗରେ କ୍ରୀଡ଼ା ମନ୍ତ୍ରାଳୟ କହିଛି-ବର୍ତ୍ତମାନ ନିୟମାବଳୀକୁ ଅବମାନନା କରିଛି ନୂଆ ସଂଘ । ନିର୍ବାଚନ ପ୍ରକ୍ରିୟାରେ ନିୟମ ଉଲ୍ଲଂଘନ ହୋଇଥିବା କହିଛି ମନ୍ତ୍ରାଳୟ । ଗତ ଗୁରୁବାର ହୋଇଥିବା ନିର୍ବାଚନରେ ପୂର୍ବତନ ସଭାପତି ବ୍ରିଜ ଭୂଷଣଙ୍କ ସମର୍ଥକ ସଞ୍ଜୟ ସିଂ ବିଜୟୀ ହୋଇଥିଲେ । ୪୭ ଭୋଟରୁ ୪୦ ଭୋଟ ପାଇଥିଲେ ସଞ୍ଜୟ । ମାତ୍ର ୭ଟି ଭୋଟ ପାଇଥିଲେ ପ୍ରତିଦ୍ବନ୍ଦ୍ବୀ ଅନିତା ଶେଓରାନ । ଅନିତା ହେଉଛନ୍ତି କମନଓ୍ବେଲଥ ଗେମସର ଗୋଲ୍ଡ ମେଡାଲିଷ୍ଟ । ପୂର୍ବରୁ ସଞ୍ଜୟ ସିଂ ଉତ୍ତରପ୍ରଦେଶ ରେସଲିଂ ସଂଘର ଉପସଭାପତି ଥିଲେ ।
ନୂଆଦିଲ୍ଲୀ: ଭାରତୀୟ ପ୍ରଂଶସକଙ୍କ ପାଇଁ ଖୁସି ଖବର । ଦଳକୁ ଫେରିବେ ହାର୍ଦ୍ଦିକ ପାଣ୍ଡ୍ୟା । ଆଫଗାନିସ୍ତାନ ବିପକ୍ଷ ସିରିଜରେ ଖେଳିବେ ହାର୍ଦ୍ଦିକ । କେବଳ ଖେଳିବେ ନାହିଁ ଦଳର ଅଧିନାୟକ ପଦ ମଧ୍ୟ ସମ୍ଭାଳିବେ ବୋଲି ସୂଚନା ମିଳୁଛି । ଗୋଡ଼ରେ ଆଘାତ ଲାଗିଥିବାରୁ ସେ ଆହତ ରହିଛନ୍ତି । ତେବେ ୨୦୨୪ ଆଇପିଏଲ ଖେଳିବେ ନାହିଁ ବୋଲି ଚର୍ଚ୍ଚା ହେଉଥିଲା । କିନ୍ତୁ ଏବେ ସୂଚନା ମିଳିଛି କି, ଦଳକୁ ଫେରିବେ ହାର୍ଦ୍ଦିକ । ଜାନୁଆରୀ ୧୧ ତାରିଖରୁ ୩ଟି ଟି-୨୦ ସିରିଜ ଖେଳାଯିବାକୁ ଥିବାବେଳେ ପାଣ୍ଡ୍ୟାଙ୍କ ଅଧିନାୟକତ୍ବରେ ଖେଳିବ ଭାରତ । ସୂର୍ଯ୍ୟକୁମାର ଯାଦବ ଆହତ କାରଣରୁ ଦଳରୁ ବାଦ ପଡ଼ିଥିବାବେଳେ ଫ୍ୟାନ୍ସମାନେ ପାଣ୍ଡ୍ୟା ଦଳକୁ ଫେରିବା ଖବର ଖୁସି ଦେଇଛି । ସେପଟେ ସୂର୍ଯ୍ୟକୁମାର ଯାଦବ ଅଷ୍ଟ୍ରେଲିଆ ଏବଂ ଦକ୍ଷିଣଆଫ୍ରିକା ସିରିଜରେ ଭାରତର ଅଧିନାୟକ ଭାବେ ଦାୟିତ୍ବ ନେଇ ଦଳକୁ ସଫଳତା ଦେଇଛନ୍ତି ।
କେନ୍ଦୁଝର: ଜନ୍ମକଲା ମାଆ ଉପରେ ସଇତାନ ପୁଅର ଅତ୍ୟାଚାର । ସ୍ତ୍ରୀ ସହ ମିଶି ବିଦ୍ୟୁତ ଖୁଣ୍ଟରେ ବାନ୍ଧି ଜନ୍ମ କଲା ମାଆକୁ ନିସ୍ତୁକ ପିଟିଲା । ଏପରିକି ଡାକ୍ତରଖାନାରେ ପଶି ବୃଦ୍ଧାଙ୍କୁ ବୋହୂ ମାଡ଼ ମାରିଥିବା ଅଭିଯୋଗ । ତାହା ପୁଣି ଏକ କୋବ ଚୋରି ସନ୍ଦେହରେ ।
ସୂଚନାଯୋଗ୍ୟ, । କେନ୍ଦୁଝର ଜିଲ୍ଲା ଚମ୍ପୁଆ ସରାସପଶି ଗାଁର ଶତ୍ରୁଘ୍ନଙ୍କ ବାଡିରୁ ଏକ କୋବି କିଏ କାଟି ନେଇଥିଲା । ତେବେ ମାଆ କୋବି ଚୋରି କରିଥିବା ଶତ୍ରୁଘ୍ନ ଏବଂ ତାଙ୍କ ପତ୍ନୀ ସନ୍ଦେହ କରିଥିଲେ । ଏହାକୁ ନେଉ ଉଭୟ ମାଆକୁ ନିସ୍ତୁକ ମାଡ଼ ମାରିଥିଲେ । କଥା ସେତିକିରେ ସରି ନଥିଲା । ଘର ବାହାରେ ଥିବା ଏକ ବିଦ୍ୟୁତ୍ ଖୁଣ୍ଟରେ ବାନ୍ଧି ପୁଣି ମାଡ଼ ମାରିଥିଲେ ।
ଗାଁ ଲୋକ ଏହାକୁ ବିରୋଧ କରିବା ସହ ପୋଲିସକୁ ଖବର ଦେଇଥିଲେ । ସ୍ଥାନୀୟ ଲୋକଙ୍କ ସହାୟତାରେ ବୃଦ୍ଧାଙ୍କୁ ଉଦ୍ଧାର କରି ବାସୁଦେବପୁର ମେଡିକାଲରେ ଭର୍ତ୍ତି କରିଥିଲା ପୋଲିସ । ପୁଅବୋହୂ ମାଆକୁ ମାଡ଼ ମାରିବା ଘଟଣାର ଏକ ଫଟୋ ଭାଇରାଲ ହେବା ପରେ ଘଟଣା ପଦାକୁ ଆସିଛି ।
ଗତ ବୁଧବାର ଘଟଣା ଘଟିଥିବା ବେଳେ ଦୁଇଦିନ ଧରି ପୁଅବୋହୂ ମାଆକୁ ମାଡ଼ ମାରିଥିବା ଅଭିଯୋଗ ହୋଇଛି । ଏପରିକି ମେଡିକାଲରେ ବୃଦ୍ଧା ଭର୍ତ୍ତି ହେବା ପରେ ବି ସେଠାରେ ବୋହୂ ମାଡ଼ ମାରିଥିବା ଅଭିଯୋଗ ହୋଇଛି । ଘଟଣା ନେଇ ଥାନାରେ କୌଣସି ଅଭିଯୋଗ ହୋଇ ନଥିବା ବେଳେ ମାମଲା ରୁଜୁ ହୋଇ ନଥିବା ଜଣାପଡ଼ିଛି ।
ଦେବଗଡ଼: ଶିଶୁ କନ୍ୟା ପିହୁ ଅଗ୍ରୱାଲ ଅପହରଣ ଘଟଣାରେ ୪ ଗିରଫ । ମାଷ୍ଟରମାଇଣ୍ଡ ସମେତ ୪ ଅଭିଯୁକ୍ତକୁ ଗିରଫ କଲା ଦେବଗଡ଼ ପୋଲିସ । ମାଷ୍ଟରମାଇଣ୍ଡ ଦେବଗଡ଼ ଥାନା ଅନ୍ତର୍ଗତ ନୂଆଗାଁର ହିମାଂଶୁ ନାରଙ୍ଗ ବୋଲି ଜଣାପଡିଛି ।
ସହଯୋଗୀ ଅଭିଯୁକ୍ତମାନେ କୁଣ୍ଢେଇଗୋଳା ମେଣ୍ଢିପାଲି ସାଧୁବାହାଳ ଗାଁର ଦୀପକ ନାଏକ, ଦେବଗଡ଼ ବଲଣ୍ଡା ଗ୍ରାମର ରୋହିତ ପାତ୍ର ଓ ଜରେଇକେଳାର ମହେଶ୍ୱର ଶଗଡିଆ । ସେମାନଙ୍କଠାରୁ ଅପହରଣରେ ବ୍ୟବହୃତ କାର, ଦୁଇଟି ବାଇକ ଓ ୪ଟି ମୋବାଇଲ ଫୋନ ଜବତ କରିଛି ପୋଲିସ ।
ଗତ ୧୮ ତାରିଖ ସନ୍ଧ୍ୟାରେ ଟ୍ୟୁସନ ସାରି ଆଈ ସହ ଘରକୁ ଫେରୁଥିବା ବେଳେ ଜନଗହଳିପୂର୍ଣ୍ଣ ମୁଖ୍ୟରାସ୍ତାରୁ ପିହୁକୁ ଝାମ୍ପି ନେଇଥିଲେ ଅପହରଣକାରୀ । ବିଳାସପୂର୍ଣ୍ଣ ଜୀବନ ଅତିବାହିତ କରିବା ଉଦ୍ଦେଶ୍ୟରେ ମୋଟା ଅଙ୍କର ଟଙ୍କା ରୋଜଗାର ପାଇଁ ଅପହରଣ ଯୋଜନା କରିଥିଲେ ଅଭିଯୁକ୍ତ । ଅପହରଣର ୧୨ ଘଣ୍ଟା ପରେ ସୁନ୍ଦରଗଡ଼ ଜିଲ୍ଲା ବଡ଼ଗାଁ ଥାନା ଅଞ୍ଚଳରୁ ଅପହୃତ ଶିଶୁ ପିହୁକୁ ଉଦ୍ଧାର କରିଥିଲା ପୋଲିସ ।
ବାଲିଗୁଡ଼ା: କମ୍ବିଂ ଅପରେସନ ବେଳେ ଅଘଟଣ । ମାଓବାଦୀ ବିଛାଇ ଥିବା ଲ୍ୟାଣ୍ଡମାଇନ ବିସ୍ଫୋରଣରେ ୨ ଏସ୍ଓଜି ଯବାନ୍ ଆହତ । କନ୍ଧମାଳ ଜିଲ୍ଲା ତୁମୁଡ଼ିବନ୍ଧ ଥାନା ସିର୍ଲା ନିକଟସ୍ଥ ଟେକେଲାମିଲା ଜଙ୍ଗଲରେ କୁମ୍ବିଂ ଅପରେସନ ଘଟିଛି ଏଭଳି ଅଘଟଣ ।
ଏସଓଜି ଯବାନ୍ ଜଙ୍ଗଲରେ କୁମ୍ବିଂ କରୁଥିବା ବେଳେ ମାଓବାଦୀମାନେ ପୂର୍ବରୁ ବିଛାଇଥିବା ଲ୍ୟାଣ୍ଡମାଇନ ବିସ୍ଫୋରଣ ହୋଇଥିଲା । ଫଳରେ ଜଣେ ଏସଓଜି ଯବାନଙ୍କର ଆଖିରେ ଆଘାତ ଲାଗିଥିବା ବେଳେ, ଅନ୍ୟ ଜଣେ ସାମାନ୍ୟ ଆହତ ହୋଇଛନ୍ତି । ଏହି ଘଟଣା ପରେ ସମ୍ପୃକ୍ତ ଅଞ୍ଚଳରେ ଅପରେସନକୁ ଜୋରଦାର କରାଯାଇଛି ।
ନୂଆଦିଲ୍ଲୀ: ବ୍ଯାଙ୍କ୍ ଆକାଉଣ୍ଟ ଖୋଲିବା ହେଉ ଅବା କୌଣସି ସରକାରୀ ଯୋଜନାର ଲାଭ ଉଠେଇବା ହେଉ ଆପଣଙ୍କ ପରିଚୟ ପତ୍ରର ସବୁ ଜାଗାରେ ଦରକାର ପଡିଥାଏ । ଆଧାର କାର୍ଡ ଆଜିକା ସମୟର ଆପଣଙ୍କ ପରିଚୟର ଗୁରୁତ୍ବପୂର୍ଣ୍ଣ ଦସ୍ତାବିଜ୍ । ଏହି କାଗଜଟି ସବୁ ଅର୍ଥନୈତିକ କାମ ପାଇଁ ନିହାତି ଦରକାର । କିନ୍ତୁ ଆପଣ କଣ ଏବେ ବି ସେହି ପୁରୁଣା ଲିମିଟେଡ୍ ଆଧାର କାର୍ଡ ବ୍ଯବହାର କରୁଛନ୍ତି କି , ଆଉ ପୁଣି ସେହି ଆଧାର କାର୍ଡ ପର୍ସରେ ରଖିଲେ ମୋଡି କିମ୍ବା ଫାଟି ଯାଉଛି । ଯାହା ଦ୍ବାରା କେଉଁଠି ଦରକାର ପଡିଲେ ଆଧାର କାର୍ଡ ମୋଡି କିମ୍ବା ଫାଟି ଯାଇଥିବା କାରଣରୁ ଆପଣଙ୍କୁ ହଇରାଣ ହେବାକୁ ପଡୁଛି । ବହୁତ ଥର ଏମିତି ଦେଖିବାକୁ ମିଳେ ଯେ , ଏହି ମୋଡି ଏବଂ ଫାଟିଯାଇଥିବା କାରଣରୁ ଲୋକଙ୍କୁ ବହୁ ଗୁରୁତ୍ବପୂର୍ଣ୍ଣ ଜାଗାରେ ଅସୁବିଧାର ସମ୍ମୁଖୀନ ହେବାକୁ ପଡିଥାଏ । ଏହି ଅସୁବିଧାରୁ ବର୍ତିବା ପାଇଁ ଆପଣ ପିଭିସି ଆଧାର କାର୍ଡ ତିଆରି କରିପାରିବେ । ଆଉ ଏଥିପାଇଁ ଆପଣଙ୍କୁ ମୋଟ୍ ୫୦ ଟଙ୍କା ଖର୍ଚ୍ଚ କରିବାକୁ ପଡିବ ।
ଭାରତର ବିଶିଷ୍ଟ ପରିଚୟ ପ୍ରାଧିକରଣ ବା (ୟୁଆଇଡିଆଇ) ଆଧାରକାର୍ଡ ବ୍ଯବହାର କାରୀ ମାନଙ୍କୁ ପିଭିସି ଆଧାରକାର୍ଡ ବନେଇବା ପାଇଁ ପରାମର୍ଶ ଦେଇଛନ୍ତି । ଆପଣ ଘରେ ବସି ପିଭିସି ଆଧାର କାର୍ଡ ଆବେଦନ କରିପାରିବେ । ଯାହାକି ନାଁ ଚିରିବ , ଫାଟିବ ପୁରା ଆପଣଙ୍କ ଜୀବନ କାଳ ଯାଏଁ ଚାଲିବ । ମାତ୍ର ୫୦ ଟଙ୍କା ଖର୍ଚ୍ଚ କରି ଆପଣ ସବୁ ସମସ୍ଯାର ସମାଧାନ କରିପାରିବେ । ଏହା ଲିମିଟେଡ୍ ଆଧାର କାର୍ଡ ପରି ନୁହେଁ ଏହା ପଲିଭିନାଇଲ୍ କ୍ଲୋରାଇଡ୍ (ପିଭିସି ) ଏଟିଏମ୍ ଏବଂ କ୍ରେଡିଟ୍ କାର୍ଡ ପରି ମଜବୁତ୍ । ଏହାକୁ ଆପଣ ନିଜର ପର୍ସରେ ଆରାମରେ ରଖିପାରିବେ ।
