ଜୟପୁର: ରାଜ୍ୟରେ ଜାରି ରହିଛି ବିକାଶ କାର୍ଯ୍ୟ । ହେଲେ କିଛି ବନ୍ଧୁ ଅପପ୍ରଚାରରେ ଲାଗିଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କାମରେ ବିଶ୍ବାସ କରନ୍ତି । ଲୋକମାନଙ୍କୁ ସଶକ୍ତ କରିବାକୁ ବିଶ୍ବାସ କରନ୍ତି । ସଭିଙ୍କ ମୁହଁରେ ହସ ଫୁଟାଇବାକୁ ଚେଷ୍ଟା କରିଥାନ୍ତି । ଜୟପୁରରେ ରୂପାନ୍ତରଣ ସମୀକ୍ଷା ଅବସରରେ ବିକାଶ ବିରୋଧୀଙ୍କୁ ଟାର୍ଗେଟ କରି ଏପରି କହିଛନ୍ତି 5T ଅଧ୍ଯକ୍ଷ କାର୍ତ୍ତିକ ପାଣ୍ଡିଆନ ।

ସେ କହିଛନ୍ତି, କିଛି ଲୋକ ଅପପ୍ରଚାର କରି ବିକାଶର ରଥକୁ ଅଟକାଇବାକୁ ଉଦ୍ୟମ କରୁଛନ୍ତି । ବିକାଶର ରଥକୁ ଅଟକାଇବା ସହ ଓଡ଼ିଶାର ନାଁକୁ ବଦନାମ କରିବାକୁ ଚେଷ୍ଟା କରୁଛନ୍ତି ଅପପ୍ରଚାରକାରୀ । ସେମାନଙ୍କୁ ଉଚିତ ଜବାବ ଦିଅନ୍ତୁ ।

ଆଗକୁ ସେ କହିଛନ୍ତି, ଅପପ୍ରଚାରକାରୀଙ୍କ ପାଖରେ କିଛି ପ୍ରସଙ୍ଗ ନାହିଁ । ସେମାନେ କେବଳ ଅପପ୍ରଚାର କରିବେ । ହେଲେ ତାଙ୍କୁ ଅପପ୍ରଚାର କରିବାକୁ ଦେବା ନାହିଁ । ଆମେ କାମ କରି ରାଜ୍ୟର ବିକାଶ କରିବା । ଲୋକଙ୍କୁ ଉଦବୋଦନ ଦେବ ସହ ଜୟପୁରବାସୀଙ୍କ ପ୍ରତି ମୁଖ୍ୟମନ୍ତ୍ରୀଙ୍କ ଭଲ ପାଇବା କଥାକୁ ବଖାଣିଥିଲେ 5T ଅଧ୍ୟକ୍ଷ ।

ରାଜ୍ୟ ସରକାର ଯେଉଁସବୁ ଲୋକାଭିମୂଖୀ ଯୋଜନା ପ୍ରଣୟନ କରିଛନ୍ତି ତାହା କୋରାପୁଟରୁ ହିଁ ଆରମ୍ଭ ହୋଇଛି । ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା, ଲକ୍ଷ୍ମୀ ଯୋଜନା, ଚାଉଳ ଯୋଜନା, ମିଶନଶକ୍ତି ଓ 5Tରେ ସ୍କୁଲ ରୂପାନ୍ତରଣର ସଫଳତା ବିଷୟରେ ଲୋକଙ୍କ କହିଥିଲେ 5T ଅଧ୍ୟକ୍ଷ । ସପ୍ତଧାରା ଜଳସେଚନ ପାଇଁ ମୁଖ୍ୟମନ୍ତ୍ରୀ ଅର୍ଥ ମଞ୍ଜୁର କରିଛନ୍ତି । ବିକ୍ରମ ଦେବ କଲେଜକୁ ବିଶ୍ବବିଦ୍ୟାଳୟର ମାନ୍ୟତା ମିଳିଛି । କୋରାପୁଟରେ କେନ୍ଦ୍ରୀୟ ବିଶ୍ବବିଦ୍ୟାଳୟ କରିବାକୁ ମୁଖ୍ୟମନ୍ତ୍ରୀ ଚେଷ୍ଟା କରିଥିଲେ । କିଛି ଲୋକ ଏହି ବିଶ୍ବବିଦ୍ୟାଳୟକୁ ଅଲଗା ଜାଗାକୁ ନେବାକୁ ଚେଷ୍ଟା କରିଥିଲେ । ହେଲେ ମୁଖ୍ୟମନ୍ତ୍ରୀ ଏହାକୁ ଅନ୍ୟତ୍ର ସ୍ଥାନାନ୍ତର କରିବାକୁ ସୁଯୋଗ ଦେଇନଥିଲେ । କୋରାପୁଟରେ କେନ୍ଦ୍ରୀୟ ବିଶ୍ବବିଦ୍ୟାଳୟ ପାଇଁ ମୁଖ୍ୟମନ୍ତ୍ରୀ ଉଦ୍ୟମ କରିଥିଲେ ।

ଲୋକଙ୍କୁ ସେବା ଦେବା ପାଇଁ ମୁଖ୍ୟମନ୍ତ୍ରୀ କଠିନ ପରିଶ୍ରମ କରୁଛନ୍ତି ବୋଲି କହିଛନ୍ତି 5T ଅଧ୍ୟକ୍ଷ । ପ୍ରତି ପଞ୍ଚାୟତରେ ବ୍ୟାଙ୍କ ସୁବିଧା, ବସ ସୁବିଧା, ମନ୍ଦିର, ମସଜିଦ୍, ଚର୍ଚ୍ଚ ଭଳି କମ୍ୟୁନିଟି ହଲର ସୁବିଧା କରିଛନ୍ତି ମୁଖ୍ୟମନ୍ତ୍ରୀ । ଏହି ସରକାର ନବୀନ ପଟ୍ଟନାୟକଙ୍କର ନୁହେଁ କି ବିଜୁ ଜନତା ଦଳର ନୁହେଁ । ଏହା ଆପଣଙ୍କ ସରକାର, ଲୋକଙ୍କ ସରକାର ବୋଲି କହିଛନ୍ତି 5T ଅଧ୍ୟକ୍ଷ । ଏହି ଅବସରରେ କୋରାପୁଟବାସୀଙ୍କୁ ନୂଆବର୍ଷ ଓ ଖ୍ରୀଷ୍ଟମାସର ଅଭିନନ୍ଦନ ଜଣାଇଛଥିଲେ କାର୍ତ୍ତିକ ପାଣ୍ଡିଆନ ।

ଜୟପୁର: କୋରାପୁଟ ଗସ୍ତରେ ଯାଇ ବିକାଶ କାର୍ଯ୍ୟର ସମୀକ୍ଷା କରିଛନ୍ତି 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ । ଲାଣ୍ଡିଗୁଡ଼ା ପରେ ଜୟପୁର ଦଶହରା ପଡ଼ିଆରେ ଆୟୋଜିତ ସାଧାରଣ ସଭାରେ ଯୋଗ ଦେଇ କାର୍ତ୍ତିକ ପାଣ୍ଡିଆନ କହିଛନ୍ତି ଜିଲ୍ଲାରେ ଥିବା ମନ୍ଦିର, ମସଜିଦ, ଚର୍ଚ୍ଚ ଆଦିର ରୂପାନ୍ତରଣ ପାଇଁ ଦରଖାସ୍ତ ଦେଇଛନ୍ତି କୋରାପୁଟବାସୀ । ଆସନ୍ତା ୭ ଦିନ ମଧ୍ୟରେ ଏନେଇ ମୁଖ୍ୟମନ୍ତ୍ରୀଙ୍କ ପାଖରୁ ଖୁସି ଖବର ମିଳିବ । ମୁଖ୍ୟମନ୍ତ୍ରୀ ଯେଉଁ ଟଙ୍କା ମଞ୍ଜୁର କରିବେ, ତାହା ଲୋକଙ୍କ ଟଙ୍କା । ପ୍ରତ୍ୟେକ ଟଙ୍କାକୁ ନିଜର ଭାବି ସ୍ବଚ୍ଛତା ସହକାରେ କାମ କରିବେ । ପ୍ରଥମ ପର୍ଯ୍ୟାୟରେ ଭଲ କାମ କଲେ ଦ୍ବିତୀୟ ପର୍ଯ୍ୟାୟ ଟଙ୍କା ମିଳିବ ବୋଲି ସେ କହିଛନ୍ତି ।

5T ଅଧ୍ୟକ୍ଷ କହିଥିଲେ ଯେ ପୂର୍ବରୁ ଉଚ୍ଚଶିକ୍ଷା ପାଇଁ କୋରାପୁଟବାସୀଙ୍କୁ ବ୍ରହ୍ମପୁରକୁ ଯିବାକୁ ପଡୁଥିଲା । ଛାତ୍ରଛାତ୍ରୀ ବହୁତ ଖର୍ଚ୍ଚାନ୍ତ ହେଉଥିଲେ । କିନ୍ତୁ ଏବେ ବିକ୍ରମଦେବ କଲେଜକୁ ବିଶ୍ବବିଦ୍ୟାଳୟରେ ପରିଣତ କରିଛନ୍ତି ମୁଖ୍ୟମନ୍ତ୍ରୀ । ଜିଲ୍ଲାକୁ ଲକ୍ଷ୍ମୀ ବସ ଯୋଜନା, ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ସମେତ ସବୁ ଯୋଜନାରେ ଯୋଡ଼ାଯାଇଛି । ମାତ୍ର ୫ ଟଙ୍କାରେ ମହିଳାମାନେ ବସ ଯୋଗେ ଯାଉଛନ୍ତି । ଆଗକୁ ପ୍ରତି ପଞ୍ଚାୟତରେ ବ୍ୟାଙ୍କ ସୁବିଧା ଖୋଲାଯିବ । ମିଶନଶକ୍ତି ମାଆମାନେ ଏହି ବ୍ୟାଙ୍କ ସେବା ଦ୍ବାରା ବହୁତ ଉପକୃତ ହେବେ । ଏଥିସହ କୋରାପୁଟରେ ଜଗନ୍ନାଥ ମନ୍ଦିର, କାଳୀ ମନ୍ଦିର, ମସଜିଦ, ଚର୍ଚ୍ଚ ପାଇଁ ଅର୍ଥ ମଞ୍ଜୁର ହୋଇଛି । ଏନେଇ କାମ ଚାଲୁ ରହିଛି । ଜଗନ୍ନାଥ ସାଗର ପାଇଁ ୨୦ କୋଟି ଟଙ୍କା ମଞ୍ଜୁର କରିଛନ୍ତି ମୁଖ୍ୟମନ୍ତ୍ରୀ । ଭଲ କାମ କଲେ ଶୀଘ୍ର ଦ୍ବିତୀୟ ପର୍ଯ୍ୟାୟ ଅର୍ଥ ମଞ୍ଜୁର ହେବ ବୋଲି ସେ କହିଥିଲେ । ଯେଉଁ ଜିଲ୍ଲା ସଦର ମହକୁମାରେ ହସ୍ପିଟାଲ ଥିଲା ସେସବୁ ସିଟି ହସ୍ପିଟାଲରେ ପରିଣତ ହୋଇଛି । କିନ୍ତୁ କୋରାପୁଟ ଜିଲ୍ଲା ସଦର ମହକୁମା ଡାକ୍ତରଖାନାକୁ ଜୟପୁରକୁ ସ୍ଥାନାନ୍ତର କରାଯାଇଛି । ୨ ବର୍ଷ ତଳେ ସେ କୋରାପୁଟ ଗସ୍ତରେ ଯାଇଥିବା ବେଳେ ଜିଲ୍ଲା ମୁଖ୍ୟ ଡାକ୍ତରଖାନାକୁ ଉନ୍ନତି କରିବା ନିମନ୍ତେ ଜିଲ୍ଲାବାସୀ ଅନୁରୋଧ କରିଥିଲେ । ଇତିମଧ୍ୟରେ ଜିଲ୍ଲା ମୁଖ୍ୟ ଡାକ୍ତରଖାନାକୁ 5T ହସ୍ପିଟାଲରେ ସାମିଲ କରାଯାଇଛି । ଏବେ ମୁଖ୍ୟ ଡାକ୍ତରଖାନାରେ ୧୦୦ କୋଟି ଟଙ୍କାରେ କାମ ଚାଲିଛି । ଶେଷରେ ଜିଲ୍ଲାବାସୀଙ୍କୁ ଖ୍ରୀଷ୍ଟମାସର ଶୁଭେଛା ଜଣାଇଥିଲେ 5T ଅଧ୍ୟକ୍ଷ ।