ହାଇଦ୍ରାବାଦ: ତେଲେଙ୍ଗାନା ବିଧାନସଭା ନିର୍ବାଚନରେ କଂଗ୍ରେସ ବିଆରଏସକୁ ହରାଇ ସରକାର ଗଢିବାକୁ ଯାଉଛି । ଏହି ବିଜୟ ପରେ କଂଗ୍ରେସ କର୍ମକର୍ତ୍ତାଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳୁଥିବା ବେଳେ ଭୋଟ ସମୟରେ ରାଜ୍ୟ କଂଗ୍ରେସ ଅଧ୍ୟକ୍ଷଙ୍କୁ ଭେଟିଥିବା ଘଟଣାକୁ ନେଇ ଡିଜିପିଙ୍କୁ ମହଙ୍ଗା ପଡ଼ିଛି । ନିର୍ବାଚନ ଆୟୋଗ ଆଦର୍ଶ ଆଚରଣ ସଂହିତା ନିୟମ ଉଲଂଘନ କରିଥିବାକୁ କେନ୍ଦ୍ର କରି ପୋଲିସ ଡିଜି ଅଞ୍ଜନି କୁମାରଙ୍କୁ ନିଳମ୍ବିତ କରିଛନ୍ତି । ରବିବାର ସକାଳେ ଡିଜିପି ରାଜ୍ୟ ପୋଲିସର ନୋଡାଲ ଅଧିକାରୀ ସଞ୍ଜୟ ଜୈନ ଓ ମହେଶ ଭାଗବତଙ୍କ ସହିତ ଭେଟ ଗଣତି ସମୟରେ ହାଇଦ୍ରାବଦରେ ରାଜ୍ୟ କଂଗ୍ରେସ ଅଧ୍ୟକ୍ଷ ରେଭନ୍ତ ରେଡ୍ଡୀଙ୍କୁ ଭେଟିବା ସହିତ ଫୁଲତୋଡ଼ା ଦେଇଥିଲେ । ଏହି ସାକ୍ଷାତକାର ସମୟ ଫଟୋ ଓ ଭିଡିଓ ସୋସିଆଲ ମିଡିଆରେ ପୋଷ୍ଟ ହୋଇଥିଲା । ଏହାପରେ ନିର୍ବାଚନ ଆୟୋଗ ଡିଜିପି କୁମାରଙ୍କୁ ନିଲମ୍ବିତ କରିବା ପାଇଁ ଆଦେଶ ଦେଇଥିଲେ । ଚର୍ଚ୍ଚା ହେଉଛି ରେଭନ୍ତ ରେଡ୍ଡି ତେଲେଙ୍ଗାନାରେ ମୁଖ୍ୟମନ୍ତ୍ରୀ ହେବେ ।
ତିନି ରାଜ୍ୟରେ କଂଗ୍ରେସର ପରାଜୟ ପରେ ଭାଇରାଲ ହେଉଛି ରାହୁଲ ଗାନ୍ଧୀଙ୍କ ଏହି ଭିଡିଓ
ନୂଆଦିଲ୍ଲୀ: ସୋସିଆଲ ମିଡିଆ ଏକ୍ସରେ ଭାଇରାଲ ହେଇଛି ରାହୁଲ ଗାନ୍ଧୀଙ୍କ ଭିଡିଓ । କେନ୍ଦ୍ରମନ୍ତ୍ରୀ ପିୟୁସ ଗୋଏଲ ରାହୁଲ ଗାନ୍ଧୀଙ୍କ ଏକ ଭିଡିଓ ପୋଷ୍ଟ କରିଥିବାବେଳେ ଏହା ଏବେ ସୋସିଆଲ ମିଡିଆରେ ବେଶ ଭାଇରାଲ ହେବା ସହ ବିଭିନ୍ନ କମେଣ୍ଟମାନ ଦେଖିବାକୁ ମିଳୁଛି । ଏକ ପ୍ରେସମିଟରେ ରାହୁଲ ଗାନ୍ଧୀଙ୍କ ପାଟିରୁ ଭୁଲରେ ବାହାରି ଯାଇଥିଲା କି, ରାଜସ୍ଥାନ ଏବଂ ଛିତଶଗଡ଼ରୁ ସରକାର ଯାଉଛି । ଯେଉଁ ଭିଡିଓଟିକୁ ପିୟୂସ ଗୋଏଲ ସେୟାର କରିଛନ୍ତି । ତିନି ରାଜ୍ୟରେ କଂଗ୍ରେସର ପରାଜୟ ପରେ ରାଜନୀତି ଟ୍ରେଣ୍ଡରେ ରହିଥିବାବେଳେ ବିଜେପି ସମର୍ଥକମାନେ ଏହାକୁ ବହୁ ମାତ୍ରାରେ ସେୟାର କରୁଥିବା ମଧ୍ୟ ଦେଖିବାକୁ ମିଳୁଛି ।
सच हुई राहुल जी की भविष्यवाणी pic.twitter.com/lXQJCmdHG4
— Piyush Goyal (@PiyushGoyal) December 3, 2023
ପିୟୂସ ଗୋଏଲ ଏହି ଭିଡିଓରେ କ୍ୟାପସନ ଦେଇଛନ୍ତି କି, ସତ ହେଲା ରାହୁଲଙ୍କ ଭବିଷ୍ୟବାଣୀ । ତେବେ ରାଜସ୍ଥାନରେ କଂଗ୍ରେସ ସରକାର ରହିଥିବାବେଳେ ଶେଷ ଖବର ସୁଦ୍ଧା ଆଗରେ ରହିଛି ବିଜେପି । ୧୧୫ ଆସନରେ ବିଜେପି ଆଗରେ ରହିଥିବାବେଳେ କଂଗ୍ରେସ ୬୯ଟି ଆସନରେ ଆଗୁଆ ରହିଛି । ସେପଟେ ଛତିଶଗଡ଼ ଏବଂ ମଧ୍ୟପ୍ରଦେଶରେ ମଧ୍ୟ ପୁଣିଥରେ ବିଜେପି ସରକାର ଗଢ଼ିବାକୁ ଯାଉଛି । କେବଳ ତେଲେଙ୍ଗାନାରେ BRS ହାତରୁ କ୍ଷମତା ଛଡ଼ାଇବାରେ ସକ୍ଷମ ହୋଇଛି କଂଗ୍ରେସ । କଂଗ୍ରେସର ପରାଜୟ ପରେ ବହୁ ଭିଡିଓ ମଧ୍ୟ ଭାଇରାଲ ହେବାରେ ଲାଗିଛି ।
https://twitter.com/RashtrawadiVeer/status/1731197156399395318?ref_src=twsrc%5Etfw%7Ctwcamp%5Etweetembed%7Ctwterm%5E1731197156399395318%7Ctwgr%5E47821243ab5e359b8424b1efe7f80149f0d7a878%7Ctwcon%5Es1_&ref_url=https%3A%2F%2Fhindi.news18.com%2Fnews%2Fnation%2Fassembly-election-result-2023-piyush-goal-other-bjp-supporters-trolled-rahul-gandhi-congress-on-big-defeat-in-rajasthan-chhattisgarh-7873418.html
ମୁଖ୍ୟମନ୍ତ୍ରୀ କେସିଆର ଏବଂ ଭାବି ମୁଖ୍ୟମନ୍ତ୍ରୀ ରେବନ୍ତଙ୍କୁ ହରାଇଥିବା କଟିପଲ୍ଲୀ ରେଡ୍ଡି କିଏ ? ଜାଣନ୍ତୁ ବିଜୟ ପଛର ମୁଖ୍ୟ କାରଣ
ହାଇଦ୍ରାବାଦ: ସାମନାକୁ ଆସିଛି ତେଲେଙ୍ଗାନା ନିର୍ବାଚନ ଫଳାଫଳ । BRSକୁ ହରାଇ କଂଗ୍ରେସ ସରକାର ଗଢ଼ିବାକୁ ଯାଉଛି । ତେବେ ତେଲେଙ୍ଗାନାର ମୁଖ୍ୟମନ୍ତ୍ରୀ କେସିଆର ଏବଂ ଭାବି ମୁଖ୍ୟମନ୍ତ୍ରୀ ରେବନ୍ତ ରେଡ୍ଡିଙ୍କୁ ପରାସ୍ତା କରିଛନ୍ତି ବିଜେପି ପ୍ରାର୍ଥୀ କଟିପଲ୍ଲୀ ରେଡ୍ଡ୍ଡି । ଯାହାକି ଏବେ ରାଜେନୖତିକ ମହଲରେ ଏକ ବଡ଼ ଚର୍ଚ୍ଚାର ବିଷୟ ପାଲଟିଛି । ତେଲେଙ୍ଗାନା ରାଜନୀତିର ଦୁଇ ବଡ଼ ଚେହେରା ଗୋଟିଏ ଆସନରେ ଲଢ଼ୁଥିବାବେଳେ ଫଇଦା ଉଠାଇଛି ବିଜେପି । କଟିପଲ୍ଲୀ ରେଡ୍ଡି କାମାରେଡ୍ଡି ଆସନରେ ଉଭୟ ହେବିଓ୍ବେଟଙ୍କୁ ହରାଇ ବିଜୟ ବାନା ଉଡ଼ାଇଛନ୍ତି । ଯାହାକୁ ନେଇ କେନ୍ଦ୍ର ଆଇନ ମନ୍ତ୍ରୀ ସୋସିଆଲ ମିଡିଆରେ କଟିପଲ୍ଲୀଙ୍କ ଫଟୋକୁ ପୋଷ୍ଟ କରି ଲେଖିଛନ୍ତି କି, ତାଙ୍କ ସମ୍ପର୍କରେ ଆଲୋଚନା କରାଯିବା ଉଚିତ ।
ଉତ୍ତର ତେଲେଙ୍ଗାନାର ଏହି ଆସନରେ ଦୁଇ ମୁଖ୍ୟମନ୍ତ୍ରୀ ଚେହେରାର ଫାଇଦା ଉଠାଇଛନ୍ତି କଟିପଲ୍ଲୀ । ମୁଖ୍ୟମନ୍ତ୍ରୀ କେସିଆରଙ୍କୁ ସେ ୩ ହଜାର ଭୋଟରେ ପରାସ୍ତ କରିଥିବାବେଳେ କଂଗ୍ରେସ ପ୍ରାର୍ଥୀ ହୋଇଥିବା ରେବନ୍ତ ତୃତୀୟ ସ୍ଥାନରେ ରହିଛନ୍ତି । ୨୦୧୪ ଏବଂ ୨୦୧୮ରେ ଏହି ଆସନ କଂଗ୍ରେସ ହାତରେ ରହିଥିଲା । ତେବେ ଦୁଇ ହେବିଓ୍ବେଟ ତଥା ମୁଖ୍ୟମନ୍ତ୍ରୀ ଚେହେରାଙ୍କୁ ପରାସ୍ତ କରିଥିବା କଟିପଲ୍ଲୀ ରେଡ୍ଡିକୁ ଛୁଟୁଛି ଶୁଭେଚ୍ଛାର ସୁଅ ।
କଟିପଲ୍ଲୀ ରେଡ୍ଡି କିଏ?
କିଏ ଏହି କଟିପଲ୍ଲୀ ରେଡ୍ଡି? ଯିଏକି ଦୁଇ ହେବିଓ୍ବେଟଙ୍କୁ ହରାଇ ବିଜୟର ଧ୍ବଜା ଉଡ଼ାଇଛନ୍ତି । ତେବେ କଟିପଲ୍ଲୀଙ୍କ ପ୍ରକୃତ ନାମ ହେଉଛି କଟିପଲ୍ଲୀ ଭେଙ୍କଟ ରମଣ ରେଡ୍ଡି । ତାଙ୍କ ବୟସ ଏବେ ୫୩ ବର୍ଷ ହୋଇଥିବାବେଳେ ସେ ଜଣେ ବ୍ୟବସାୟୀ । ସେ ଦ୍ବାଦଶ ଶ୍ରେଣୀ ପର୍ଯ୍ୟନ୍ତ ପଢ଼ିଥିବାବେଳେ ସାଧାରଣ ଲୋକଙ୍କ ପାଇଁ ବହୁ କାମ କରି ଚର୍ଚ୍ଚାକୁ ଆସିଥିଲେ । ସେ ଏହି ଆସନରେ ଲଢ଼ିଥିବାବେଳେ ଦୁଇ ହେବିଓ୍ବେଟଙ୍କ ଅପେକ୍ଷା ତାଙ୍କ ପଲ୍ଲା ଭାରି ରହିବା ପଛର ମୁଖ୍ୟ କାରଣ ହେଉଛି ସେ ସେଠାକାର ମୂଳ ବାସିନ୍ଦା । ଡାକ୍ତରଖାନା, ମନ୍ଦିର ଏବଂ ବିଦ୍ୟାଳୟ ଭଳି ଅନେକ ଜନମଙ୍ଗଳ କାର୍ଯ୍ୟ ନିଜ ଟଙ୍କା ଖର୍ଚ୍ଚ କରି ଲୋକଙ୍କ ପାଇଁ କରିଥିବାବେଳେ ଏହା ତାଙ୍କ ପାଇଦା ସାବ୍ୟସ୍ତ ହୋଇଛି ।
ତେଲେଙ୍ଗାନାରେ BRSକୁ ହରାଇ କଂଗ୍ରେସକୁ କ୍ଷମତାକୁ ଆଣୁଥିବା ରେବନ୍ତ ରେଡ୍ଡିଙ୍କ ସମ୍ପର୍କରେ ଜାଣନ୍ତୁ ଅଜଣା କଥା
ହାଇଦ୍ରାବାଦ: ତିନି ରାଜ୍ୟରେ ପରାଜୟ ପରେ ମଧ୍ୟ କଂଗ୍ରେସକୁ ଖୁସି ଦେଇଛି ତେଲେଙ୍ଗାନା ବିଜୟ । ତେଲେଙ୍ଗାନାରେ BRSକୁ ଗାଦିଚ୍ୟୁତ କରି କଂଗ୍ରେସ କ୍ଷମତାକୁ ଫେରୁଛି । ଦଳର ମଙ୍ଗ ସମ୍ଭାଳିଥିବା ରେଭାନ୍ତ ରେଡ୍ଡିଙ୍କ ନେତୃତ୍ବକୁ ନେଇ ଛୁଟୁଛି ଶୁଭେଚ୍ଚଶର ସୁଅ । ତେବେ ରେଭାନ୍ତ ରେଡ୍ଡି କିଏ? ଯିଏକି BRS ଭଳି ଶକ୍ତିଶାଳି ଦଳକୁ ହରାଇ ଗାଦି ହାତେଇବାକୁ ଯାଉଛନ୍ତି । କଂଗ୍ରେସ ୬୪ ଆସନରେ ଆଗୁଆ ରହିଥିବାବେଳେ BRS ୪୦ ଆସନରେ ଆଗୁଆ ରହିଛି । ଦଳ ଏଠାରେ ସରକାର ଗଠନ କରିବାକୁ ଯାଉଥିବାବେଳେ ମୁଖ୍ୟମନ୍ତ୍ରୀ କିଏ ହେବ? ଏଭଳି ପ୍ରଶ୍ନ ଉଠିଥିବାବେଳେ ରେସରେ ଆଗରେ ରହିଛନ୍ତି ପିସିସି ସଭାପତି ରେଭାନ୍ତ ରେଡ୍ଡି ।
୧୯୬୯ ମସିହାରେ ଆନ୍ଧ୍ରପ୍ରଦେଶରେ ଜନ୍ମ ଗ୍ରହଣ କରିଥିବା ରେଭାନ୍ତ ଛାତ୍ର ରାଜନୀତିରୁ ବେଶ ସକ୍ରିୟ ରହିଥିଲେ । ଗ୍ରାଜୁଏସନ କରୁଥିବାବେଳୁ ସେ ରାଜନୀତି ମଇଦାନରେ ପାଦ ଦେବା ସହ ସକ୍ରିୟ ରାଜନୀତିରେ ପ୍ରବେଶ କରିଥିଲେ । ଏବିଭିପିରୁ ନିଜର ରାଜନୈତିକ କ୍ୟାରିୟର ଆରମ୍ଭ କରିଥିବା ରେଭାନ୍ତ ଟିଡିପିରେ ସାମିଲ ହୋଇଥିଲେ ।
୨୦୦୯ ମସିହାରେ ପ୍ରଥମ କରି ଟିଡିପି ଟିକେଟରୁ ନିର୍ବାଚନ ଲଢିଥିଲେ ଏ ରେଭାନ୍ତ ରେଡ୍ଡୀ । ଏହି ନିର୍ବାଚନରେ ସେ ବିଜୟ ହାସଲ କରିବା ସହ ପ୍ରଥମ ଥର ବିଧାନସଭା ଯାଇଥିଲେ । ଏହାପରେ ୨୦୧୪ ମସିହାରେ ଟିଡିପି ତାଙ୍କୁ ବିଧାନସଭାର ନେତା ଭାବେ ଚୟନ କରିଥିଲା । କିନ୍ତୁ ୨୦୧୭ ମସିହାରେ ସେ ଟିଡିପି ଛାଡ଼ି କଂଗ୍ରେସରେ ଯୋଗ ଦେଇଥିଲେ । ଦଳକୁ ତୃଣମୂଳ ସ୍ତରରେ ଦୃଢ଼ କରିବା ପାଇଁ ନିଜର ଉଦ୍ୟମ ଜାରି ରଖିଥିଲେ ।
ଟିଡିପି ଛାଡି କଂଗ୍ରେସରେ ଯୋଗ ଦେବା ପରେ ୨୦୧୮ରେ ପୁଣି ଥରେ କୋଡାଙ୍ଗଲ ସିଟରୁ ନିର୍ବାଚନ ଲଢିଥିଲେ ରେଭାନ୍ତ ରେଡ୍ଡୀ । ରାଜ୍ୟରେ କଂଗ୍ରେସର ସ୍ଥିତି ଠିକ ନଥିବାରୁ ଏଥର କିନ୍ତୁ ତାଙ୍କୁ ପରାଜୟ ବରଣ କରିବାକୁ ପଡ଼ିଥିଲା । ହେଲେ ବିଧାନସଭା ନିର୍ବାଚନ ପରାଜୟର କ୍ଷତି, ସେ ଲୋକସଭା ନିର୍ବାଚନରେ ପୂରଣ କରିଥିଲେ । ୨୦୧୯ ଲୋକସଭା ନିର୍ବାଚନରେ ସେ ସାଂସଦ ପଦ ପାଇଁ ଲଢିବା ସହିତ ୧୦ ହଜାରରୁ ଅଧିକ ଭୋଟରେ ଜିତି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ । ଏହାପରେ ୨୦୨୧ରେ କଂଗ୍ରେସ ତାଙ୍କୁ ପ୍ରଦେଶ ଅଧ୍ୟକ୍ଷ ଭାବେ ଦାୟିତ୍ୱ ଦେଇଥିଲା । ଆଉ ଏବେ ରେଭାନ୍ତଙ୍କ ନେତୃତ୍ୱରେ ତେଲେଙ୍ଗାନା ବିଜୟ ହାସଲ କରିଛି ହାତ । ଏଣୁ ସେ ମୁଖ୍ୟମନ୍ତ୍ରୀ ହେବେ ବୋଲି କୁହାଯାଉଛି ।
ଘଟଗାଁରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟଣା, ଗିରଫ ହେଲେ ଦୁଇ NHAI ପାଟ୍ରୋଲିଂ ଇନଚାର୍ଜ
କେନ୍ଦୁଝର: ଗତ ଶୁକ୍ରବାର ଘଟଗାଁରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟଣା । ଗିରଫ ହେଲେ ଦୁଇ NHAI ପାଟ୍ରୋଲିଂ ଇନଚାର୍ଜ । ଭାଗିରଥୀ ଦାସ ଓ ଆଲୋକ ଜେନାଙ୍କୁ ଗିରଫ କରିବା ପରେସିଆରପିସିର ୪୧(A) ଧାରାରେ ନୋଟିସ ଦେଇ ପୋଲିସ ଉଭୟଙ୍କୁଛାଡ଼ିଛି । ସଂପୃକ୍ତ ଇନଚାର୍ଜ ଅଧିକାରୀ ଦରଖଳାଠୁ ନେଙ୍କଡ଼ାଘର ଯାଏ ପାଟ୍ରୋଲିଂ ଦାୟିତ୍ବରେ ରହିଥିଲେ । ଦୁର୍ଘଟଣାରେ ୮ ଜଣଙ୍କର ଜୀବନ ଯାଇଥିବାବେଳେ NHAI ବିରୋଧରେ ମାମଲା ରୁଜୁ କରିଥିଲା ଘଟଗାଁ ପୋଲିସ । NHAIର ଅବହେଳା ଯୋଗୁ ଏଭଳି ଦୁର୍ଘଟଣା ଘଟିଥିବା ଅଭିଯୋଗରେ ମାମଲା ରୁଜୁ ହୋଇଥିଲା ।
କାହିଁକି ହାରୁଛି କଂଗ୍ରେସ, ଜାଣନ୍ତୁ ପରାଜୟର ମୁଖ୍ୟ ୫ କାରଣ
ନୂଆଦିଲ୍ଲୀ: ୪ ରାଜ୍ୟର ନିର୍ବାଚନ ଫଳାଫଳ କଂଗ୍ରେସକୁ ୩-୧ରେ ପରାସ୍ତ କରିଛି । ୪ ରାଜ୍ୟ ମଧ୍ୟରୁ କଂଗ୍ରେସ କେବଳ ତେଲେଙ୍ଗାନାରେ BRS ହାତରୁ କ୍ଷମତା ଛଡ଼ାଇ ଆଣିଥିବାବେଳେ ରାଜସ୍ଥାନ ଏବଂ ଛତିଶଗଡ଼ କଂଗ୍ରେସ ହାତରୁ ବିଜେପି ହାତକୁ ଯାଉଛି । ଯଦିଓ ନିର୍ବାଚନର ସମ୍ପୂର୍ଣ୍ଣ ଫଳାଫଳ ପ୍ରକାଶ ପାଇନି । ତଥାପି ଯଦି ଆମେ ଟ୍ରେଣ୍ଡକୁ ଦେଖିବା ତାହେଲେ ୩ ରାଜ୍ୟରେ ଆଗରେ ରହିଛି ବିଜେପି । ରାଜସ୍ଥାନ,ଛତିଶଗଡ଼ ଏବଂ ମଧ୍ୟପ୍ରଦେଶରରେ ବିଜେପି ବହୁମତ ପାଉଥିବାବେଳେ କଂଗ୍ରେସର ପରାଜୟକୁ ନେଇ କାରଣ ଖୋଜାଯାଉଛି । କଂଗ୍ରେସ ପରାଜୟର ୫ କାରଣ ।
୧- ଦୁର୍ବଳ ସଂଗଠନ: ତୃଣମୂଳ ସ୍ତରରେ କଂଗ୍ରେସର ସଂଗଠନ ଅତ୍ୟନ୍ତ ଦୁର୍ବଳ ମନେହୁଏ । ଏକଦା ଛାତ୍ର, ମହିଳା, ଯୁବ ଏବଂ ତୃଣମୂଳ ସ୍ତରରେ ଦୃଢ଼ ରହିଥିଲା । କିନ୍ତୁ ଏବେ ସାଧାରଣ ଲୋକଙ୍କ ପାଖରେ ସଂଗଠନ ପହଞ୍ଚନଥିବା କୁହାଯାଏ । ପୂର୍ବ ଅପେକ୍ଷା ଦଳର ସଂଗଠନ ଦିନକୁ ଦିନ ଦୁର୍ବଳ ହେବାରେ ଲାଗିଛି ।
୨- ନେତୃତ୍ୱ ଉପରେ ଆତ୍ମବିଶ୍ୱାସର ଅଭାବ: ସବୁଠାରୁ ବଡ କାରଣ ହେଉଛି କଂଗ୍ରେସର ନେତୃତ୍ବ ଦୁର୍ବଳ ଦେଖାଯିବା ଆରମ୍ଭ କରିଛି | ତେବେ ’ଭାରତ ଯୋଡ’ ଯାତ୍ରା ମାଧ୍ୟମରେ ରାହୁଲ ଗାନ୍ଧୀଙ୍କୁ ଜନ ନେତା ଭାବରେ ପ୍ରତିଷ୍ଠିତ କରିବାକୁ ଚେଷ୍ଟା କରାଯାଇଥିଲା। ବାସ୍ତବରେ ରାହୁଲ ସାଧାରଣ ଲୋକଙ୍କ ପାଖରେ ପହଞ୍ଚିବାକୁ ଚେଷ୍ଟା କରିଥିଲେ । ମାତ୍ର ନେତାଙ୍କ ଦୁର୍ବଳ ସଂଗଠନ ଏବଂ ଜନତାଙ୍କ ସହ ସମ୍ପର୍କ ରହିନାହିଁ । ଦଳର ପରାଜୟ ନେତାଙ୍କ ଆତ୍ମବିଶ୍ବାସ କମାଇଛି ।
୩- ଗୋଷ୍ଠୀ କନ୍ଦଳ : କଂଗ୍ରେସର ସଂଗଠନ ଠିକ ନଥିଲେ ସୁଦ୍ଧା ଦଳରେ ଗୋଷ୍ଠୀ କନ୍ଦଳ ସବୁବେଳେ ଚର୍ଚ୍ଚାର ବିଷୟ ପାଲଟିଥାଏ । କ୍ଷମତା ପାଇଁ ଦଳର ନେତାଙ୍କ ମଧ୍ୟ ପ୍ରତିଯୋଗିତା ପରାଜୟର ଏକ ମୁଖ୍ୟ କାରଣ । ରାଜସ୍ଥାନରେ ଅଶୋକ ଗେହଲଟ ଏବଂ ସଚିନ ପାଇଲଟଙ୍କ ଗୋଷ୍ଠୀ କନ୍ଦଳ ସରକାର ପତନର କାରଣ । ସେପଟେ ମଧ୍ୟପ୍ରଦେଶରେ କଂଗ୍ରେସର ଦଳୀୟ କନ୍ଦଳ ପରେ ବିଜେପିରେ ଯୋଗ ଦେଇଥିବା ଜ୍ୟୋତିରାଦିତ୍ୟ ସିନ୍ଧିଆ ବଡ଼ ଉଦାହରଣ ବୋଲି କହିପାରିବା ।
୪- ଦୁର୍ବଳ ଯୋଗାଯୋଗ: କଂଗ୍ରେସର ସଂଗଠନ ଦୁର୍ବଳ ରହିଛି। ମାତ୍ର ତୃଶମୂଳ ସ୍ତରରେ ଲୋକଙ୍କ ପହଞ୍ଚି ନପାରିବାର ମୁଖ୍ୟ କାରଣ ହେଉଛି ହେଉଛି ଦୁର୍ବଳ ଯୋଗାଯୋଗ । ପ୍ରଚାର ପ୍ରସାର ସହ ବିଜେପି ଯେଭଳି ଲୋକଙ୍କୁ ବୁଝାଇଥାଏ ଏବଂ ପହଞ୍ଚୁଛି କଂଗ୍ରେସ ସେଭଳି ଲୋକଙ୍କ ପାଖରେ ପହଞ୍ଚିପାରୁନାହିଁ। ଯାହାକି ପରାଜୟର ଏକ ମୁଖ୍ୟ କାରଣ ବୋଲି କୁହାଯାଇପାରେ।
୫-ବିରୋଧୀଙ୍କୁ କରୁଥିବା କାଉଣ୍ଟର ଆଟାକ ବିଫଳ: ବିଜେପିର ବଡ଼ ବଡ଼ ନେତାମାନେ ଲୋକଙ୍କ ମନମୋହିବା ଭଳି କଥା କହୁଥିବାବେଳେ କଂଗ୍ରେସ ନେତାଙ୍କ ପ୍ରତିଶୃତି ଏବଂ କାଉଣ୍ଟର ଆଟାକ ମାକ ଦେଉନି । ବିଶ୍ବକପରେ ଭାରତର ପରାଜୟ ପରେ ମୋଦିଙ୍କୁ ଟାର୍ଗେଟ କରି ରାହୁଏ ପନୌତି ଭଳି ଶବ୍ଦ ବ୍ୟବହାର କରି ଟାର୍ଗେଟ କରିଥିଲେ । ମାତ୍ର ଏହା ଫଳପ୍ରଦ ହୋଇନଥିଲା । ଓଲଟା ଏହି ବିବୃତ୍ତି ଦଳ ପାଇଁ ମହଙ୍ଗା ସାବ୍ୟସ୍ତ ହେଲା ।
ହିନ୍ଦି ବେଲ୍ଟକୁ ପସନ୍ଦ ଆସିଲାନି ରାହୁଲଙ୍କ ‘ପ୍ରେମ ଦୋକାନ’
ନୂଆଦିଲ୍ଲୀ: ଚାଲିଛି ଗଣତି, ଆରମ୍ଭ ହେଲାଣି ଉତ୍ସାହର ମାହୋଲ । ୪ ରାଜ୍ୟର ଆଜି ନିର୍ବାଚନ ଫଳାଫଳ ବାହାରୁଥିବାବେଳେ ୩ ରାଜ୍ୟରେ ପଛରେ ରହିଛି କଂଗ୍ରେସ । ୨୦୧୪ ନିର୍ବାଚନ ପୂର୍ବରୁ ସେମିଫାଇନାଲ କୁହାଯାଉଥିବା ଏହି ନିର୍ବାଚନ ଫଳାଫଳ କଂଗ୍ରେସକୁ ନିରାଶ କରିଛି । ରାଜସ୍ଥାନ ଏବଂ ଛତିଶଗଡ଼ରେ କଂଗ୍ରେସ ହାତରୁ କ୍ଷମତା ଛଡ଼ାଇ ନେଇଛି ବିଜେପି । ସେପଟେ ମଧ୍ୟପ୍ରଦେଶରେ ମଧ୍ୟ ପୁଣିଥରେ ବିଜେପି ସରକାର ଗଢ଼ିବାକୁ ଯାଉଛି । ବହୁ ଆସନରେ ଆଗୁଆ ରହିଛି ବିଜେପି । ଏଗଜିଟ ପୋଲ କଂଗ୍ରେସ ସପକ୍ଷରେ ଯାଇଥିବାବେଳେ ଫଳଫଳ କିନ୍ତୁ ବିଜେପି ସପକ୍ଷରେ ଯାଇଛି । ଯାହାକୁ ନେଇ ଏବେ ଆରମ୍ଭ ହୋଇଛି ଚର୍ଚ୍ଚା । କଂଗ୍ରେସ ପରାଜୟର କାରଣ କ’ଣ? । ଏଭଳି ଚର୍ଚ୍ଚା ହେଉଥିବାବେଳେ କୁହାଯାଉଛି କି, ହିନ୍ଦୀ ବେଲ୍ଟ ଲୋକଙ୍କୁ ପସନ୍ଦ ଆସିଲାନି ରାହୁଲ ଗାନ୍ଧୀଙ୍କ ’ପ୍ରେମ ଦୋକାନ’ । ତେଲେଙ୍ଗାନାରେ ସାଉଥ ବେଲ୍ଟ ହୋଇଥିବାବେଳେ କଂଗ୍ରେସର ବିଜୟ ହୋଇଛି ।
କର୍ଣ୍ଣାଟକ ପରେ ତେଲେଙ୍ଗାନାରେ କଂଗ୍ରେସ ନିଜର ଆଧିପତ୍ୟ ବିସ୍ତାର କରିଛି । BRSକୁ ହରାଇ କଂଗ୍ରେସ ବଡ଼ ବିଜୟ ହାସଲ କରିଛି । କିନ୍ତୁ ବାକି ତିନି ରାଜ୍ୟ ହିନ୍ଦୀ ବେଲ୍ଟରେ କଂଗ୍ରେସକୁ ବହୁମତ ମିଳିନାହିଁ । ’ମୋହବତ କି ଦୁକାନ’ ଏବଂ ’ପନୋତି’ ଭଳି ଶବ୍ଦ ବ୍ୟବହାର କରି ବିଜେପି ଏବଂ ପ୍ରଧାନମନ୍ତ୍ରୀଙ୍କୁ ଟାର୍ଗେଟ କରିଥିବା ରାହୁଲଙ୍କ ପାଇଁ ମହଙ୍ଗା ପଡ଼ିଛି ବୋଲି ଚର୍ଚ୍ଚା ହେଉଛି । ବିଶ୍ବକପରେ ଭାରତ ପରାଜୟକୁ ନେଇ ଆକ୍ଷେପ କରି ପନୌତି ପାଇଁ ପରାଜୟ ହୋଇଛି ବୋଲି କହିଥିଲେ ରାହୁଲ । ଯାହାକି ଗ୍ରହଣୀୟ ହୋଇନଥିବା ଚର୍ଚ୍ଚା ହେଉଛି । ବ୍ୟକ୍ତିଗତଭାବେ ଆକ୍ଷେପ କରିବାକୁ ସହଜରେ ଗ୍ରହଣୀୟ ହୋଇନଥିବା କୁହାଯାଉଛି । କାମ ଦେଲାନି କଂଗ୍ରେସର ଜାତି ଗଣନା କାର୍ଡ । କୁହାଯାଉଥିଲା କି, ଏହା କଂଗ୍ରେସ ପାଇଁ ଏକ ବଡ଼ ପ୍ଲସ ପଏଣ୍ଟ ହେବ ମାତ୍ର ଏହା ଫଳପ୍ରଦ ହୋଇନଥିଲା ।
ନିର୍ବାଚନ ମଇଦାନରେ କାମ ଦେଲାନି ଅଭିନେତ୍ରୀଙ୍କ ଯାଦୁ, ଏହି ସ୍ଥାନରେ ଅଛନ୍ତି..
ଭୋପାଳ: ମଧ୍ୟପ୍ରଦେଶର ରାଜନୀତି ଚିତ୍ର ଧିରେ ଧିରେ ସ୍ପଷ୍ଟ ହେଉଛି । ବିଜେପି ସରକାର ଗଢ଼ିବାକୁ ଯାଉଥିବାବେଳେ କଂଗ୍ରେସ ସହ ଅନ୍ୟ ଦଳର ବହୁ ବଡ଼ ବଡ଼ ବରିଷ୍ଠ ନେତାମାନେ ହାରିଛନ୍ତି । ଆପ ପକ୍ଷରୁ ପ୍ରାର୍ଥୀ ହୋଇଥିବା ଟିଭି ଅଭିନେତ୍ରୀ ଚାହତ ପାଣ୍ଡେ ବଡ଼ ବ୍ୟବଧାନରେ ହାରିବାକୁ ଯାଉଛନ୍ତି । ନିର୍ମାଚନରେ ଆପ ପକ୍ଷରୁ ପ୍ରାର୍ଥୀ ହୋଇଥିବାବେଳେ ପ୍ରଚାର ଜୋରଦାର କରିଥିଲେ । ଆଶା ଥିଲା କି, ସେ କଡ଼ା ଟକ୍କର ଦେବେ । କିନ୍ତୁ ସେ ଚତୁର୍ଥ ସ୍ଥାନରେ ରହିଛନ୍ତି । ଜୟନ୍ତ ଏହି ଆସନରେ ଆଗୁଆ ରହିଥିବାବେଳେ ଚାହତ ବହୁ ପଛରେ ରହିଛନ୍ତି ।
ନିର୍ବାଚନ ପୂର୍ବରୁ ଆପରେ ଯୋଗ ଦେଇଥିବା ଚାହତଙ୍କୁ ନେଇ ଅନେକ ଚର୍ଚ୍ଚା ହୋଇଥିଲା । ସେ ବିଜୟୀ ହେବେ ଏପରିକି ତାଙ୍କର ପ୍ରଚାର ଏବଂ ଭାଷଣ ମଧ୍ୟ ବହୁମାତ୍ରାରେ ଭାଇରାଲ ହୋଇଥିଲା । ୧୭ ବର୍ଷ ବୟସରୁ ଅଭିନୟ ଆରମ୍ଭ କରିଥିବା ଚାହତଙ୍କ ବହୁ ପ୍ରଂଶସକମାନେ ରହିଛନ୍ତି । ଏଣୁ ଆଶା କରାଯାଉଥିଲା କି, ସେ କଡା ଟକ୍କର ଦେବେ । କିନ୍ତୁ ରେଜଲ୍ଟ ସମୟରେ ଏଭଳି କିଛି ପ୍ରତିଫଳିତ ହୋଇନାହିଁ । ମଧ୍ୟପ୍ରଦେଶରେ କଂଗ୍ରେସ ପଛରେ ରହିଥିବାବେଳେ ବିଜେପିର ପଲ୍ଲା ଭାରି ରହିଛି ।
ଓଡିଶା ୱମେନ୍ ଇନ୍ ମିଡିଆ ଓ କମିଶନରେଟ୍ ପୋଲିସ ପକ୍ଷରୁ ସବୁଜ ଅଭିଯାନ
ଭୁବନେଶ୍ୱର : ପରିବେଶ ସହ ଜଡିତ ସମସ୍ୟାଗୁଡିକର ସମାଧାନ ପାଇଁ ଏକ ଉଲ୍ଲେଖନୀୟ ପ୍ରୟାସ ଅନ୍ତର୍ଗତ ପ୍ରାୟ ୧୮୦ ଜଣ ମହିଳା ସାମ୍ବାଦିକାଙ୍କୁ ନେଇ ଗଠିତ ଓଡିଶା ୱମେନ୍ ଇନ୍ ମିଡିଆ (ଓଡବ୍ଲ୍ୟୁଏମ୍) ଏବଂ କମିଶନରେଟ୍ ପୁଲିସ୍ ପକ୍ଷରୁ ମିଳିତ ଭାବେ ଚନ୍ଦକା ପୋଲିସ୍ ଷ୍ଟେସନରେ ସିଡ୍ ବଲ୍ ପ୍ରସ୍ତୁତି ଏବଂ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପୋଲିସ୍ ବିଭାଗ ଏବଂ ଓଡବ୍ଲ୍ୟୁଏମ୍ର ସଦସ୍ୟମାନେ ଏହି କାର୍ଯ୍ୟକ୍ରମରେ ସକ୍ରିୟ ଭାବେ ଅଂଶଗ୍ରହଣ କରିଥିଲେ । ପୋଲିସ୍ କମିଶନର, ସୌମେନ୍ଦ୍ର ପ୍ରିୟଦର୍ଶୀ ଓ ଡେପୁଟି କମିଶନର, ପ୍ରତିକ୍ ସିଂହ ଏହି ଅଭିଯାନର ନେତୃତ୍ୱ ନେଇଥିଲେ ଏବଂ ସବୁଜିମାର ଅବକ୍ଷୟ ଓ ଅଙ୍ଗାରକାମ୍ଳର ପରିମାଣ ବୃଦ୍ଧି ପାଇବା ଭଳି ସମସ୍ୟାଗୁଡିକର ମୁକାବିଲା କ୍ଷେତ୍ରରେ ସାମଗ୍ରିକ କାର୍ଯ୍ୟାନୁଷ୍ଠାନର ମହତ୍ୱକୁ ଗୁରୁତ୍ୱ ଦେଇଥିଲେ ।
ଏକ ସୁସ୍ଥ ଜୀବନ ଉପଯୋଗୀ ପରିବେଶ ସୃଷ୍ଟି କରିବା କ୍ଷେତ୍ରରେ ଛୋଟ ଛୋଟ ପଦକ୍ଷେପଗୁଡିକର ମହତ୍ୱକୁ ଚିହ୍ନଟ କରି ସିପି, ଡିସିପି ଓ ଅନ୍ୟାନ୍ୟ ପୋଲିସ୍ ଅଧିକାରୀଙ୍କ ସମେତ ଅଂଶଗ୍ରହଣକାରୀମାନେ କାର୍ଯ୍ୟକ୍ରମ ସମୟରେ ସିଡ୍ ବଲ୍ ବା ବିହନର ବଲ୍ ପ୍ରସ୍ତୁତ କରିଥିଲେ । ଏହାସହ ସେମାନେ ଚନ୍ଦକା ପୋଲିସ୍ ଷ୍ଟେସନ ପରିସର ମଧ୍ୟରେ ବିଭିନ୍ନ ସ୍ଥାନରେ ଚାରା ରୋପଣ କରିଥିଲେ ।
ଏହି ଗ୍ରୀନ୍ ଆମ୍ବାସାଡର୍ମାନେ ଆମ୍ବ, ପଣସ, ପିଜୁଳି, ଲିଚୁ ଓ ବକୁଳ ଗଛର ଚାରା ସମେତ ବିଭିନ୍ନ ପ୍ରକାରର ଚାରା ରୋପଣ କରିଥିଲେ । ସେମାନେ ସଜନା, ରାଧାଚୁଡା, ଆତ ଏବଂ ବିଭିନ୍ନ ପ୍ରକାରର ଫୁଲ ଗଛର ମଞ୍ଜିରୁ ସିଡ୍ ବଲ୍ ପ୍ରସ୍ତୁତ କରିଥିଲେ ।
ଡିସିପି ପ୍ରତୀକ ସିଂହ ଏହି ଅଭିଯାନକୁ ପ୍ରଶଂସା କରିଥିଲେ ଏବଂ ପରିବେଶ ଉପରେ ଏହାର ସକାରାତ୍ମକ ପ୍ରଭାବକୁ ଆଲୋକପାତ କରିଥିଲେ । ସେ ଏହି ସିଡ୍ ବଲଗୁଡିକୁ ଶୁଖାଇବା ଏବଂ ସବୁଜ କ୍ଷେତ୍ରରେ ବିକଶିତ ହେବା ପାଇଁ ସମ୍ଭାବନା ଥିବା ଅଂଚଳଗୁଡିକରେ ସେଗୁଡିକୁ ରଣନୈତିକ ଭାବେ ବିକ୍ଷେପ ଏବଂ ସ୍ଥାନୀତ କରିବାରେ ସହଯୋଗ କରିବା ପାଇଁ ଆଶ୍ୱାସନା ଦେଇଥିଲେ ।
ଓଡିଶା ୱମେନ୍ ଇନ୍ ମିଡିଆ ସଚେତନତା କାର୍ଯ୍ୟକ୍ରମ, ବୃକ୍ଷରୋପଣ ଏବଂ ଉଦୀୟମାନ ମହିଳା ସାମ୍ବାଦିକାଙ୍କ ପାଇଁ ପ୍ରଶିକ୍ଷଣ କାର୍ଯ୍ୟକ୍ରମ ସମେତ ବିଭିନ୍ନ ସମୁଦାୟ-ଭିତିକ ଅଭିଯାନଗୁଡିକରେ ସକ୍ରିୟ ଭାବେ ଜଡିତ ରହିଛି । କମିଶନରେଟ୍ ପୋଲିସ୍ ସହ ଏହି ସହଭାଗିତା କେବଳ ପରିବେଶ ସ୍ଥାୟିତ୍ୱ ପ୍ରତି ଏକ ଯୁଗ୍ମ ପ୍ରତିବଦ୍ଧତାକୁ ସୂଚିତ କରୁନାହିଁ ବରଂ ସମୁଦାୟ ଉପରେ ଏକ ଦୀର୍ଘସ୍ଥାୟୀ ପ୍ରଭାବ ସୃଷ୍ଟି କରିବାରେ ସାମଗ୍ରିକ ପ୍ରୟାସର ଶକ୍ତିକୁ ପ୍ରଦର୍ଶିତ କରୁଛି ।
ତିନି ରାଜ୍ୟରେ ପରାଜୟ ବିଗାଡ଼ିଲା କଂଗ୍ରେସ ଖେଳ, INDIA ମେଣ୍ଟକୁ ନେଇ ଉଠିଲା ପ୍ରଶ୍ନ
ଭୁବନେଶ୍ବର: ରାଜସ୍ଥାନ, ଛତିଶଗଡ଼ ଓ ମଧ୍ୟପ୍ରଦେଶ ନିର୍ବାଚନ ବିଗାଡ଼ି ଦେଲା କଂଗ୍ରେସର ସବୁ ଅଙ୍କ । ୨୦୨୪ ସାଧାରଣ ନିର୍ବାଚନ ପୂର୍ବରୁ ସେମିଫାଇନାଲ କୁହାଯାଉଥିବା ୫ ରାଜ୍ୟର ବିଧାନସଭା ନିର୍ବାଚନରେ କଂଗ୍ରେସର ପ୍ରଦର୍ଶନ ଏବେ ଅନେକ ପ୍ରଶ୍ନ ଛିଡ଼ା କରିଛି । ବିଶେଷ କରି INDIA ମେଣ୍ଟର ଲଗାମ ଏବେ କାହା ହାତରେ ରହିବ ତାକୁ ନେଇ ପ୍ରଶ୍ନ ଉଠିବାରେ ଲାଗିଛି ।
ତେଲେଙ୍ଗାନାରେ ବିଆରଏସକୁ ପଛରେ ପକାଇ କଂଗ୍ରେସ କ୍ଷମତାକୁ ଫେରୁଛି । ହେଲେ ଛତିଶଗଡ଼, ରାଜସ୍ଥାନ ଓ ମଧ୍ୟପ୍ରଦେଶରେ ଭୋଟ ଗଣତି ଯେତେ ଯେତେ ଆଗଉଛି, କଂଗ୍ରେସ ସେତେ ସେତେ ପଛେଇବାରେ ଲାଗିଛି । ଏହି ୩ ରାଜ୍ୟରେ ବିଜେପି ସ୍ପଷ୍ଟ ବହୁମତ ଆଡକୁ ଯାଉଥିବା ବେଳେ INDIA ମେଣ୍ଟକୁ ନେଇ ଜେଡିୟୁ ନେତା କଂଗ୍ରେସକୁ ଟାର୍ଗେଟ୍ କରିଦେଇଛନ୍ତି ।
୩ ରାଜ୍ୟରେ ଖରାପ ପ୍ରଦର୍ଶନ ପରେ ଜେଡିୟୁ କଂଗ୍ରେସ ଉପରେ ଚାପ ପକାଇବା ଆରମ୍ଭ କରି ଦେଇଛି । ଜେଡିୟୁ ପ୍ରଦେଶ ମହାସଚିବ ନିଖିଲ ମଣ୍ଡଳ ସୋସିଆଲ ମିଡିଆ ଏକ୍ସରେ ଏକ ପୋଷ୍ଟ କରିଛନ୍ତି । ଏଥିରେ ସେ INDIA ମେଣ୍ଟକୁ ନୀତୀଶ କୁମାରଙ୍କ ଅନୁସାରେ ଚାଲିବାର ଆବଶ୍ୟକତା ରହିଛି ବୋଲି ଉଲ୍ଲେଖ କରିଛନ୍ତି ।
କଂଗ୍ରେସକୁ ଟାର୍ଗେଟ କରି ନିଖିଲ କହିଛନ୍ତି, ‘କିଛିଦିନ ହେବ କଂଗ୍ରେସ ୫ଟି ରାଜ୍ୟର ନିର୍ବାଚନକୁ ନେଇ ବ୍ୟସ୍ତ ରହିଲା । ଏହି କାରଣରୁ INDIA ମେଣ୍ଟ ପ୍ରତି ଧ୍ୟାନ ଦେଇ ପାରୁନଥିଲା । ଏବେ କଂଗ୍ରେସ ନିର୍ବାଚନ ଲଢ଼ି ସାରିଛି ଓ ଫଳାଫଳ ବି ଆପଣଙ୍କ ଆଗରେ ଅଛି । ନୀତୀଶ କୁମାର INDIA ମେଣ୍ଟର ସୂତ୍ରଧାର ଓ ଏହି ଡଙ୍ଗାକୁ ସେ ହିଁ କୂଳରେ ଲଗାଇବେ ।’
ଏପଟେ ଭୋଟ ଗଣତି ଚାଲିଥିବା ବେଳେ INDIA ମେଣ୍ଟର ବୈଠକ ଡାକିଛନ୍ତି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ । ଆସନ୍ତା ୬ ତାରିଖରେ ଦିଲ୍ଲୀରେ ବସିବ ଏହି ବୈଠକ । ବିପକ୍ଷ ଦଳର ନେତାଙ୍କୁ ଫୋନ କରି ବୈଠକ ପାଇଁ ଆମନ୍ତ୍ରଣ କରିଛନ୍ତି ଖଡଗେ ।