ନନ୍ଦିଘୋଷ ବ୍ୟୁରୋ: ନିର୍ବାଚନରେ ଶିଶୁଙ୍କ ବ୍ୟବହାରକୁ ନେଇ ନିର୍ବାଚନ କମିଶନ ଗାଇଡଲାଇନ୍ ଜାରି କରିଛନ୍ତି । ଏ ଦିଗରେ କମିଶନ ଶୁନ୍ୟ ସହନଶିଳତା ନୀତି ଆପଣାଇବା ସହ ଗାଇଡଲାଇନର ଉଲଂଘନ କରାଗଲେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ନିଆଯିବ । ନିର୍ବାଚନ ସମୟରେ କୈଣସି ପ୍ରକାର ସ୍ଲୋଗାନ, କ୍ୟାମ୍ପେନ ରାଲି କିମ୍ବା ନିର୍ବାଚନୀ ସଭାରେ ଶିଶୁଙ୍କୁ ବ୍ୟବହାର କରାଯାଇ ପାରିବ ନାହିଁ । ଏନେଇ ରାଜନୈତିକ ଦଳ, ନେତୃତ୍ବ ଓ ପ୍ରାର୍ଥୀମାନେ ସର୍ତକ ରହିବାକୁ କମିଶନ ନିର୍ଦ୍ଦେଶ ଦେଇଛନ୍ତି । ପ୍ରଚାର ସମୟରେ ପ୍ରାର୍ଥୀମାନେ କୋଳରେ କିମ୍ବା ନିଜ ଗାଡିରେ ପିଲାଙ୍କୁ ନେଇପାରିବେ ନାହିଁ । କୌଣସି ରାଜନୈତିକ କ୍ୟାମ୍ପେନରେ ଶିଶୁଙ୍କୁ ପ୍ରତିକ ଭାବେ ବ୍ୟବହାର କରାଯାଇ ପାରିବ ନାହିଁ । ଗତ ୨୦୧୪ ଅଗଷ୍ଠ ମାସରେ ବମ୍ବେ ହାଇକୋର୍ଟ ଦେଇଥିବା ଏକ ରାୟ ଆଧାରରେ ନାବାଳକ ଶିଶୁଙ୍କୁ ରାଜନୈତିକ କ୍ୟାମ୍ପେନରେ ବ୍ୟବହାର କରିବା ନେଇ ଏଭଳି କଟକଣା ଜାରି କରାଯାଇଛି । କମିଶନ ସବୁ ନିର୍ବାଚନ ଅଧିକାରୀଙ୍କୁ ସଚେତନ ରହିବାକୁ ନିର୍ଦ୍ଦେଶ ଦେଇଛନ୍ତି । ଜିଲ୍ଲା ନିର୍ବାଚନ ଅଧିକାରୀ ଓ ରିଟର୍ଣ୍ଣି ଅଫିସର ମାନେ ବ୍ୟକ୍ତିଗତ ଭାବେ ଏହି ଗାଇଡଲାଇର ଅନୁପାଳନକୁ ସୁନିଶ୍ଚିତ କରିବେ ।
ଢେଙ୍କାନାଳ ଜିଲ୍ଲା ଭୁବନ ବ୍ଲକରେ ନିର୍ମାଣ ହେବ ୩ଟି ବିଜୁସେତୁ
ଢ଼େଙ୍କାନାଳ: ଦୀର୍ଘଦିନ ପ୍ରତୀକ୍ଷାର ଅନ୍ତ ହେବାକୁ ଯାଉଛି । ଢେଙ୍କାନାଳ ଜିଲ୍ଲା ଭୁବନ ବ୍ଲକରେ ନିର୍ମାଣ ହେବ ୩ଟି ବିଜୁସେତୁ । ୧୧ କୋଟି ଟଙ୍କା ବ୍ୟୟରେ ୩ଟି ପଞ୍ଚାୟତରେ ଏସବୁ ସେତୁ ନିର୍ମାଣ ହେବ। ଏଥିପାଇଁ ଶିଳାନ୍ଯାସ କରାଯାଇଛି। ସେତୁ ନିର୍ମାଣ ଫଳରେ ଗମନାଗମନରେ ସୁବିଧା ହେବ । ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଅଞ୍ଚଳବାସୀ ଧନ୍ୟବାଦ ଜଣାଇଛନ୍ତି ।
ପ୍ରତିଶ୍ରୁତି ପୂରଣ କଲେ ରାଜ୍ୟ ସରକାର । ଢେଙ୍କାନାଳ ଜିଲ୍ଲା ଭୁବନ ବ୍ଲକର ୩ଟି ପଞ୍ଚାୟତରେ ନିର୍ମାଣ ହେବ ୩ଟି ବିଜୁସେତୁ। ବାରୁଆ ପଞ୍ଚାୟତର ଧନେଇନାଳୀ ନାଳ, ଗଡ଼ ନୃସିଂହପ୍ରସାଦ ପଞ୍ଚାୟତର ମୁରୁଗା ନାଳ ଏବଂ ମହୁଲପାଳ ପଞ୍ଚାୟତର ରଙ୍ଗମାଟିଆ ନାଳ ଉପରେ ବିଜୁୃସେତୁ ନିର୍ମାଣ ହେବ । ଏଥିପାଇଁ ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ୍ଲ କୁମାର ମଲ୍ଲିକ ଶିଳାନ୍ଯାସ କରିଛନ୍ତି । ୩ଟି ସେତୁ ପାଇଁ ୧୧ କୋଟି ଟଙ୍କା ବ୍ଯୟ ଅଟକଳ କରାଯାଇଛି ।
୧ ବର୍ଷ ମଧ୍ଯରେ ସେତୁ ନିର୍ମାଣ ଶେଷ କରିବାକୁ ଲକ୍ଷ୍ଯ ରଖାଯାଇଛି। ପୂର୍ବରୁ ସେତୁ ନଥିବାରୁ ଗମନାଗମନ ପାଇଁ ଲୋକ ବହୁ ଅସୁବିଧାର ସମ୍ମୁଖୀନ ହେଉଥିଲେ । ଅଧିକାଂଶ ଚାଷୀଙ୍କ ଚାଷଜମି ନାଳ ଆରପଟେ ଥିବାରୁ ବର୍ଷାଦିନେ ନାଳରେ ପାଣି ଆସିଲେ ଜମିକୁ ଯିବା ଆସିବା ପାଇଁ ଅସୁବିଧା ହେଉଥିଲା । ଏବେ ସମସ୍ଯା ସମାଧାନ ହେବାକୁ ଯାଉଛି । ସେତୁ ନିର୍ମାଣ ହେଲେ ଗମନାଗମନ ସୁଗମ ହେବା ସହ ଅଞ୍ଚଳର ବିକାଶ ବିକାଶ ହେବ। ଏଥିପାଇଁ ମୁଖ୍ଯମନ୍ତ୍ରୀ ନବୀନ ପଟ୍ଟନାୟକ ଓ ମନ୍ତ୍ରୀ ପ୍ରଫୁଲ୍ଲ ମଲ୍ଲିକଙ୍କୁ ଅଞ୍ଚଳବାସୀ କୃୃତଜ୍ଞତା ଓ ଧନ୍ଯବାଦ ଜଣାଇଛନ୍ତି ।
ବିଜେଡିର ବିଧାୟକ ଦଳ ବୈଠକ ଅନୁଷ୍ଠିତ
ଭୁବନେଶ୍ବର: ଆରମ୍ଭ ହୋଇଛି ଷୋଡ଼ଶ ବିଧାନସଭାର ଶେଷ ଅଧିବେଶନ । ଏହାପୂର୍ବରୁ ବିଜେଡିର ବିଧାୟକ ବୈଠକ ଅନୁଷ୍ଠିତ ହୋଇଛି । ସକାଳ ସାଢେ ୧୦ଟାରେ ବିଜେଡି ସୁପ୍ରିମୋ ତଥା ମୁଖ୍ଯମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବୈଠକ ଅନୁଷ୍ଠିତ ହୋଇଥିଲା । ଏହା ସ୍ବଳ୍ପ ଓ ଗୁରୁତ୍ବପୂର୍ଣଣ ଅଧିବେଶନ ହୋଇଥିବାରୁ ଏଥିରେ ସମସ୍ତେ ଉପସ୍ଥିତ ରହିାକୁ ମୁଖ୍ଯମନ୍ତ୍ରୀ ନିର୍ଦ୍ଦେଶ ଦେଇଥିଲେ । ଏଥିସହ ଓଡ଼ିଶାର ବିକାଶ, ବିଶ୍ବ ଓଡ଼ିଆ ସମ୍ମିଳନୀକୁ ଦୃଷ୍ଟିରେ ରଖି ବିଭିନ୍ନ ପ୍ରସଙ୍ଗରେ ଭାଗ ନେବା ଏବଂ ବିରୋଧୀଙ୍କ ପ୍ରଶ୍ନର ସଠିକ ଢଙ୍ଗରେ ମୁକାବିଲା କରାଯିବାକୁ ବୈଠକରେ ଆଲୋଚନା କରିଯାଇଛି ।

