ଅନୁଗୁଳ: ପାର୍ବଣ ଋତୁ ପୂର୍ବରୁ ଅନୁଗୁଳ ପୋଲିସକୁ ବଡ ସଫଳତା । ମାସେ ଭିତରେ ୧୦ରୁ ଅଧିକ ଲୁଟ ଘଟଣାରେ ସଂପୃକ୍ତ ଥିବା ଆଉ ପୁଲିସର ନିଦ ହଜେଇ ଦେଇଥିବା ଏକ ଲୁଟେରା ଗ୍ୟାଙ୍ଗକୁ କାବୁ କରିଛି ଅନୁଗୁଳ ପୁଲିସ । ଯେଉଁମାନଙ୍କ ଟାର୍ଗେଟରେ ଅଧିକାଂଶ ସମୟରେ ରହୁଥିଲେ ଫାଇନାନ୍ସ କର୍ମଚାରୀ । ପାର୍ବଣ ପାଇଁ ଆକ୍ଟିଭ୍ ଅନୁଗୁଳ ପୋଲିସ । ସହର ସହ ଉପଖଣ୍ଡ ଅଞ୍ଚଳରେ ରାତିଦିନ ମାରୁଛି ପଇଁତରା । ପୂରୂଣା ଅପରାଧୀଙ୍କ ଉପରେ ରହିଛି ତୀକ୍ଷ୍ଣ ନଜର । ମାସେ ଭିତରେ ୧୦ଟି ଲୁଟ ମାମଲାରେ ସମ୍ପୃକ୍ତ ଅଭିଯୁକ୍ତ ଗିରଫ। ଏହି ଲୁଟେରାଙ୍କ ଟାର୍ଗେଟରେ ଥିଲେ ଫାଇନାନ୍ସ ସଂସ୍ଥାର କର୍ମଚାରୀ ।
କିଛି ଦିନ ତଳେ ଗ୍ରାହକ ସେବା କେନ୍ଦ୍ରର ମାଲିକ ଓ ମେଡ଼ିସିନ ହୋଲସେଲରଙ୍କ ଠାରୁ ଲକ୍ଷାଧିକ ଟଙ୍କାର ଲୁଟ କରିଥିଲେ ଅଭିଯୁକ୍ତ । ଲଗାତାର ଜିଲ୍ଲାରେ ଏଭଳି ଲୁଟ ଅଭିଯୋଗ ପୁଲିସର ଚିନ୍ତା ବଢ଼ାଇ ଦେଇଥିଲା । ଏଥିପାଇଁ ଦକ୍ଷ ଅଫିସରଙ୍କୁ ନେଇ ଏକ ସ୍ବତନ୍ତ୍ର ଟିମ ଗଠନ କରାଯାଇ ତଦନ୍ତ କରା ଯାଇଥିଲା । ତଦନ୍ତ ପରେ ମାମାଲରେ ସମ୍ପୃକ୍ତ ୮ ଜଣଙ୍କୁ ଧରିବାରେ ସଫଳ ହୋଇଛି ପୁଲିସ । ଅଭିଯୁକ୍ତଙ୍କ ଠାରୁ ୬ ଟି ମୋଟରସାଇକେଲ , ୪୩ ହଜାର ଟଙ୍କା , ମୋବାଇଲ , ଭୁଜାଲି ଓ ପଞ୍ଚ ଭଳି ଅସ୍ତ୍ର ଜବତ ହୋଇଛି । ଫାଇନାନ୍ସ କର୍ମଚାରୀ ମାନେ କେଉଁଦିନ କେଉଁ ବାଟ ଦେଇ ଯିବେ ତାହାର ଟିକ ନିଖ ଖବର ରଖୁଥିଲେ ଲୁଟେରା । ପରେ ନିଛାଟିଆ ରାସ୍ତା ଦେଖି ଲୁଟତରାଜ କରୁଥିଲେ । ମାରଣାସ୍ତ୍ରରେ ଆକ୍ରମଣ କରି ସବୁ ଟଙ୍କା , ସୁନା ଛଡାଇ ନେଉଥିଲେ । ଧରାପଡିଯିବା ଭୟରେ ଲୁଟ ହୋଇଥିବା ମୋବାଇଲ ଓ ଟ୍ୟାବ ସବୁ ନଦୀ ନାଳରେ ଫୋପାଡି ଦେଉଥିଲେ ଅଭିଯୁକ୍ତ ।
