ନନ୍ଦିଘୋଷ ବ୍ୟୁରୋ: ଗୋଆର ଏକ ନାଇଟ୍ କ୍ଲବରେ ଭୟଙ୍କର ବିସ୍ଫୋରଣ । ବିସ୍ଫୋରଣରେ ୨୫ ଜଣଙ୍କ ମୃତ୍ୟୁ ହୋଇଥିବା ବେଳେ, ୫୦ରୁ ଅଧିକ ଆହତ ହୋଇଛନ୍ତି । ମୃତକଙ୍କ ମଧ୍ୟରେ ଅଧିକ କ୍ଲବ କର୍ମଚାରୀ ରହିଥିବା ବେଳେ, ୩ ମହିଳା ଓ ୪ ବିଦେଶୀ ପର୍ଯ୍ୟଟକ ଥିବା ସୂଚନା ମିଳିଛି । ଗତକାଲି ବିଳମ୍ବିତ ରାତିରେ ଆର ପୋରାର ନାଇଟ କ୍ଲବରେ ଭୟଙ୍କର ବିସ୍ଫୋରଣ ଘଟିଥିଲା। ସିଲିଣ୍ଡର ବ୍ଲାଷ୍ଟରୁ ନିଆଁ ଲାଗିଥିବା ସନ୍ଦେହ କରାଯାଉଛି । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟକୁ ଜୋରଦାର କରିଥିଲା। ଏଭଳି ଘଟଣା ଜଣାପଡ଼ିବା ପରେ ଗୋଆ ମୁଖ୍ୟମନ୍ତ୍ରୀ ପ୍ରମୋଦ ସାଓ୍ବନ୍ତ ପହଞ୍ଚି ସ୍ଥିତି ସମୀକ୍ଷା କରିଛନ୍ତି । ଏହାସହ ଘଟଣାର ତଦନ୍ତ କରିବାକୁ ନିର୍ଦ୍ଦେଶ ଦେଇଛନ୍ତି । ମୃତକଙ୍କ ପରିବାରକୁ ୨ ଲକ୍ଷ ଟଙ୍କା ଲେଖାଏଁ ସହାୟତା ରାଶି ଘୋଷଣା କରାଯାଇଥିବା ବେଳେ, ଆହତଙ୍କ ପରିବାକୁ ୫୦ ହଜାର ଟଙ୍କା ଲେଖାଏଁ ସହାୟତା ଘୋଷଣା କରାଯାଇଛି । ଘଟଣାକୁ ନେଇ ଦୁଃଖ ପ୍ରକାଶ କରିଛନ୍ତିି ରାଷ୍ଟ୍ରପତି ଓ ପ୍ରଧାନମନ୍ତ୍ରୀ ।
ଆଜି ଲଦାଖ ଗସ୍ତରେ ଯିବେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ
ନନ୍ଦିଘୋଷ ବ୍ୟୁରୋ: ଆଜି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ଲଦାଖ ଗସ୍ତ । ପୂର୍ବ ଲଦାଖ ଅନ୍ତର୍ଗତ ପ୍ରକୃତ ନିୟନ୍ତ୍ରଣ ରେଖା ବା ଏଲଓସିରେ ନିରାପତ୍ତା ବ୍ୟବସ୍ଥାର ସମୀକ୍ଷା କରିବେ ରାଜନାଥ । ଚୀନ ସହ ଭାରତର ରହିଥିବା ସୀମା ଅର୍ଥାତ ଏଲଓସିରେ ରାଜନାଥ ବରିଷ୍ଠ ସେନା ଅଧିକାରୀଙ୍କ ସହ ନିରାପତ୍ତା ପ୍ରସଙ୍ଗରେ ଆଲୋଚନା କରିବେ । ସୀମା ଭିତ୍ତିଭୂମିକୁ ସୁଦଢ଼ କରିବା ଏବଂ ସୀମାର ସ୍ପର୍ଶକାତର ଅଞ୍ଚଳଗୁଡ଼ିକରେ ନିରାପତ୍ତା ସମୀକ୍ଷା କରିବା ଲାଗି ରାଜନାଥଙ୍କ ଏହି ଗସ୍ତ ଉଦ୍ଦିଷ୍ଟ । ଏହା ସହ ଆଜି ଉଦଘାଟନ ହେବ ଜାମ୍ମୁ ଓ କାଶ୍ମୀର ଓ ଲଦାଖ ସମେତ ବିଭିନ୍ନ ଭିତ୍ତିଭୂମି ଓ ପ୍ରକଳ୍ପ । ଲେହର ସିଙ୍କୁ ଟନେଲ ପ୍ରକଳ୍ପକୁ ବି ଉଦଘାଟନ କରାଯିବ । ଏହି ପ୍ରକଳ୍ପ ଜରିଆରେ ଲେହର ବହୁ ଅଞ୍ଚଳ ସହ ଯୋଗାଯୋଗ ସମ୍ଭବ ହେବ । ଏହି ଟନେଲ ଯୋଗୁ ବିଭିନ୍ନ ସାମରିକ ଘାଟି ସହ ଯୋଗାଯୋଗ ସହ ସାମାଜିକ-ଅର୍ଥନୈତିକ ବିକଶ ସମ୍ଭବ ହେବ ।
କୂଅରେ ପଡ଼ି ଯାଇଥିଲା ହାତୀ, ଉଦ୍ଧାର କଲା ବନ ବିଭାଗ
ନନ୍ଦିଘୋଷ ବ୍ୟୁରୋ: ଖୋଲା କୂଅରୁ ଉଦ୍ଧାର ହେଲା ହାତୀ । ଏକ ଘଣ୍ଟା ଅକ୍ଲାନ୍ତ ପରିଶ୍ରମ ପରେ ହାତୀକୁ ଉଦ୍ଧାର କଲା ବନବିଭାଗ । ଅନୁଗୋଳ ଜିଲ୍ଲା ବଅଁରପାଳ ପଞ୍ଚାୟତ ନରେନ୍ଦ୍ରପୁର ଗ୍ରାମରେ ଏକ ୮ ବର୍ଷର ହାତୀ ଛୁଆ କୂଅରେ ପଡି ଯାଇଥିଲା । ହାତୀ ଛୁଆକୁ ବନବିଭାଗ ଉଦ୍ଧାର କରିଛି । ନୂଆହତା ପଞ୍ଚାୟତ ଗଣ୍ଠିଗାଡ଼ିଆ ଗ୍ରାମ ଜଙ୍ଗଲରୁ ପ୍ରାୟ ୩୦ଟି ହାତୀ ଆସିଥିଲେ । ସେଥି ମଧ୍ୟରୁ ଏକ ୮ ବର୍ଷର ହାତୀ ଛୁଆ ନରେନ୍ଦ୍ରପୁର ଗ୍ରାମରେ ଥିବା ଏକ କୂଅରେ ପଡିଯାଇଥିଲା । ଗ୍ରାମବାସୀ ବନବିଭାଗକୁ ସୂଚନା ଦେଇଥିଲେ । ଘଟଣାସ୍ଥଳରେ ସ୍ଥାନୀୟ ସରପଞ୍ଚ, ରେଞ୍ଜର, ଫରେଷ୍ଟର, ଆର ଆର ଟି ଫରେଷ୍ଟର , ହାତି ସ୍କ୍ୱାର୍ଡ ରାପିଡ୍ ଅକ୍ସନ ଟିମ, ଗଜ ମିତ୍ରଙ୍କ ସହ ଅନ୍ୟ କର୍ମଚାରୀ ପହଞ୍ଚି ଥିଲେ। ବନବିଭାଗ ପକ୍ଷରୁ ଏକ ଜେସିବି ମେସିନ ଡକାଇ କୂଅର ଏକ ପାର୍ଶ୍ଵରୁ ଖନନ କରି ହାତୀ ଛୁଆକୁ ଉଦ୍ଧାର କରିଥିଲେ । ତେବେ ହାତୀ ଗ୍ରାମକୁ ପ୍ରବେଶ ନେଇ ସରପଞ୍ଚ ଓ ଗ୍ରାମବାସୀଙ୍କ ପକ୍ଷରୁ ବନବିଭାଗ ଅଧିକାରୀଙ୍କ ସହ କିଛି ସମୟ ଉତେଜନା ଦେଖାଦେଇଥିଲା । ପରେ ବନବିଭାଗ ଅଧିକାରୀ ଗ୍ରାମରେ ଆଲୋକୀକରଣ ଓ ସୋଲାର ତାର ବିଛାଇବାର ପ୍ରତିଶ୍ରୁତି ପରେ ଉତ୍ତେଜନା ଶାନ୍ତ ପଡିଥିଲା ।
ବାରବାଟୀ ଟକ୍କର : ଆଜି ଆସିବେ ଖେଳାଳି
ନନ୍ଦିଘୋଷ ବ୍ୟୁରୋ: ଦିନକ ପରେ ବାରବାଟିରେ ହାଇଭୋଲଟେଡ ଟକ୍କର। ୯ରେ ହେବ ଚୌକା ଛକା ବର୍ଷା । ସିରିଜର ପ୍ରଥମ ଟି-ଟ୍ବେଣ୍ଟିରେ ମୁହାଁମୁହିଁ ହେବେ ଭାରତ ଓ ଦକ୍ଷିଣ ଆଫ୍ରିକା । ଆସନ୍ତାକାଲି ରହିଛି ଉଭୟ ଦଳର ଅଭ୍ଯାସ । ସୁରକ୍ଷା ପାଇଁ ଭୁବନେଶ୍ବରରୁ କଟକ ଯାଏଁ କାରକେଡ୍ ରିହର୍ସାଲ । ହାତରେ ଟିକେଟ ଧରି ଉତ୍କଣ୍ଠାର ସହ ଅପେକ୍ଷା କରିଛନ୍ତି କ୍ରିକେଟ ପ୍ରେମୀ । ଦେଶ ବିଦେଶରୁ ଦର୍ଶକ କଟକ ଆସିବେ । ଏଥିପାଇଁ ଷ୍ଟାଡିୟମ ଠାରୁ ହୋଟେଲ ଚାରିଆଡେ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ତେଣୁ ସୁରକ୍ଷାକୁ ନେଇ ସଜାଗ ପୋଲିସ ଓ ଅଗ୍ନିଶମ ବାହିନୀ । ଅଧିକାରୀଙ୍କ ସହ ଷ୍ଟାଡିୟମ ବୁଲି ସ୍ଥିତି ଅନୁଧ୍ଯାନ କରିଛନ୍ତି ଅଗ୍ନିଶମ ଡିଜି । ଷ୍ଟାଡିୟମର ଭିଭିଆଇପି ଷ୍ଟାଣ୍ଡ, ଓସିଏ ବକ୍ସ, ବିଭିନ୍ନ ଗ୍ୟାଲେରୀ ଓ ପଡିଆ ବୁଲି ତନ୍ନତନ୍ନ ଯାଞ୍ଚ କରିଛନ୍ତି । ସୁରକ୍ଷା ବଳୟରେ ରହିବ କଟକ ବାରବାଟି ଷ୍ଟାଡିୟମ । ଦୁଇଦଳର ଅଭ୍ଯାସ ଦେଖିବାକୁ ଦର୍ଶକଙ୍କ ପାଇଁ ଖୋଲା ରହିବ ୭ ନମ୍ବର ଫାଟକ ଓ ୬ ନମ୍ବର ଗ୍ୟାଲେରି। ସେପଟେ ଗତକାଲି ଭୁବନେଶ୍ବରରେ ପହଞ୍ଚିଥିଲେ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା।
ବାରବାଟୀ ଟି-ଟ୍ଵେଣ୍ଟି ପାଇଁ ଭୁବନେଶ୍ଵରରେ ପହଞ୍ଚିଲେ କ୍ରିକେଟର ହାର୍ଦ୍ଦିକ ପାଣ୍ଡ୍ଯା। ଗତକାଲି ରାତିରେ ଭୁବନେଶ୍ଵର ବିମାନ ବନ୍ଦରରେ ପହଞ୍ଚିବା ପରେ ସିଧା ହୋଟେଲକୁ ଯାଇଥିଲେ। କ୍ରିକେଟର ଆସୁଥିବାରୁ କଡ଼ା ସୁରକ୍ଷା ବ୍ୟବସ୍ଥା କରାଯାଇଥିଲା। କ୍ରିକେଟରଙ୍କୁ ଦେଖିବାକୁ ବହୁ ଫ୍ୟାନ ଜମା ହୋଇଥିଲେ। … ଆସନ୍ତା ମଙ୍ଗଳବାର ୯ ତାରିଖରେ ବାରବାଟୀରେ ହେବ ଭାରତ-ଦକ୍ଷିଣ ଆଫ୍ରିକା ଟି-ଟ୍ଵେଣ୍ଟି। ଆଜି ବାକି ଖେଳାଳି ଆସିବେ ବୋଲି ଜଣାପଡ଼ିଛି। ମ୍ୟାଚ ପାଇଁ ବାରବାଟୀ ପ୍ରସ୍ତୁତ ହୋଇ ରହିଛି।
ଦକ୍ଷିଣ ଆଫ୍ରିକାକୁ ୯ ଓ୍ବିକେଟରେ ହରାଇ ୨-୧ରେ ଦିନିକିଆ ସିରିଜ କବଜା କଲା ଭାରତ
ଦକ୍ଷିଣ ଆଫ୍ରିକାକୁ ୯ ଓ୍ବିକେଟରେ ହରାଇ ଦିନିକିଆ ସିରିଜ କବଜା କଲା ଭାରତ
ନନ୍ଦିଘୋଷ ବ୍ୟୁରୋ: ବିଶାଖାପାଟନମରେ ଚାଲିଥିବା ତୃତୀୟ ଦିନିକିଆରେ ଭାରତର ଦମଦାର ବିଜୟ । ଦକ୍ଷିଣ ଆଫ୍ରିକାକୁ ୯ ଓ୍ବିକେଟରେ ହରାଇଲା ଭାରତ । ଏହାସହ ୨-୧ରେ ଦିନିକିଆ କଲା କବଜା । ୨୭୧ ରନର ବିଜଳ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିଲା ଟିମ୍ ଇଣ୍ଡିଆ ।
ଗୋଟିଏ ଓ୍ବିକେଟ ହରାଇ ଦଳ ବିଜୟ ଲକ୍ଷ୍ୟ ହାସଲ କରି ନେଇଥିଲା । ଏକମାତ୍ର ଓ୍ବିକେଟ ଭାବେ ହିଟ୍ ମ୍ୟାନ ରୋହିତ ଶର୍ମା ଆଉଟ ହୋଇଥିଲେ । ତେବେ ରୋହିତ ଆଉଟ୍ ହେବା ପୂର୍ବରୁ ଧୂଆଁଧାର ୭୫ ରନ୍ କରିଥିଲେ । ଏଥରେ ୭ଟି ଚୌକା ଓ ୩ଟି ଛକା ସାମିଲ ଥିଲା । ଆଜିର ମ୍ୟାଚରେ ଶତକୀୟ ପାରି ଖେଳିଥିଲେ ଜୟସଓ୍ବାଲ । ସେ ୧୨୧ ବଲ ଖେଳି ୧୨ ଚୌକା ଓ ୨ ଛକା ସହାୟତାରେ ୧୧୬ ରନ୍ କରିଥିଲେ । ତେବେ ହିଟମ୍ୟାନ ଆଉଟ୍ ହେବା ପରେ ପଡ଼ିଆକୁ ଆସିଥିବା ବିରାଟଙ୍କ ବ୍ୟାଟରୁ ଧୂଆଁଧାର ୬୫ ରନ୍ ବାହାରିଥିଲା । ମାତ୍ର ୪୫ ବଲର ସାମ୍ନା କରି ବିରାଟ ୬ ଚୌକା ଓ ୩ ଛକା ସହାୟତାରେ ଏହି ପାରି ଖେଳିଥିଲେ । ଦକ୍ଷିଣ ଆଫ୍ରିକା ତରଫରୁ କେଶବ ମହାରାଜ ରୋହିତଙ୍କୁ ଆଉଟ କରିଥିଲେ ।
ସେପଟେ ଟସ୍ ହାରି ପ୍ରଥମେ ବ୍ୟାଟିଂ କରିଥିବା ଦକ୍ଷିଣ ଆଫ୍ୟିକା ଦଳ ୪୭.୫ ଓଭରରେ ସମସ୍ତ ଓ୍ବିକେଟ ହରାଇ ୨୭୦ ରନ୍ କରିଥିଲା । ଦଳୀୟ ସ୍କୋର ମାତ୍ର ୧ ରନ୍ ଥିବା ବେଳେ ରିକଲଟନ୍ ଖାତା ଖୋଲିବା ପୂର୍ବରୁ ଅର୍ଶଦୀପଙ୍କ ଶିକାର ହୋଇଥିଲେ । ଏହାପରେ ଅଧିନାୟକ ଟି. ବାଭୁମା ବ୍ୟାଟି କରିବାକୁ ଆସିଥିଲେ । ଅନ୍ୟତମ ଓପ୍ନର ଡି କକଙ୍କ ସହ ଭଲ ପାର୍ଓନରସିପ କରିଥିଲେ । ବାଭୁମା ୪୮ ରନ୍ କରି ଆଉଟ ହୋଇଥିବା ବେଳେ ଡି କକ୍ ୮୯ ବଲରୁ ୮ ଚୌକା ଓ ୬ ଛକା ସହାୟତାରେ ୧୦୬ ରନର ଧୂଆଁଧାର ଇଂନିସ୍ ଖେଳିଥିଲେ । ଅନ୍ୟମାନଙ୍କ ମଧ୍ୟରେ ମାଥ୍ୟୁ ୨୪, ମାର୍କରାମ ୧, ବ୍ରେଭିସ ୨୯, ଜନସନ ୧୭, ବୋଚ ୯, ମହାରାଜା ୨୦ ନିଗିଡି ୧ ଏବଂ ବାର୍ଥମ୍ୟାନ ୩ ରନ୍ କରିଥିଲେ ।
ଭାରତ ପକ୍ଷରୁ ପ୍ରସିଦ୍ଧ କ୍ରିଷ୍ଣା ଏବଂ କୁଲଦୀପ ଯାଦବ ୪ଟି ଲେଖାଏଁ ଓ୍ବିକେଟ ନେଇଥିବା ବେଳେ ଅର୍ଶଦୀପ ସିଂ ଏବଂ ରବୀନ୍ଦ୍ର ଜାଡେଜା ଗୋଟିଏ ଲେଖାଏଁ ଓ୍ବିକେଟ ନେଇଛନ୍ତି ।
ପ୍ରସ୍ତୁତ କଟକ ବାରବାଟୀ: ୯ରେ ହେବ ଚୌକା, ଛକା ବର୍ଷା
ପ୍ରସ୍ତୁତ କଟକ ବାରବାଟୀ । ୯ରେ ହେବ ଚୌକା ଛକା ବର୍ଷା । ସିରିଜର ପ୍ରଥମ ଟି-ଟ୍ବେଣ୍ଟିରେ ମୁହାଁମୁହିଁ ହେବେ ଭାରତ ଓ ଦକ୍ଷିଣ ଆଫ୍ରିକା । ରେଡ ସଏଲ ଫିଲ୍ଡରେ ହାଇସ୍କୋର ମ୍ୟାଚ ଦେଖିବେ ଦର୍ଶକ । ୮ରେ ଉଭୟ ଦଳର ଅଭ୍ଯାସ । ସୁରକ୍ଷା ପାଇଁ ଭୁବନେଶ୍ବରରୁ କଟକ ଯାଏଁ କାରକେଡ୍ ରିହର୍ସାଲ । ଆଉ ଦୁଇଦିନ ପରେ କଟକରେ ଖେଳାଯିବ ଅନ୍ତର୍ଜାତୀୟ କ୍ରିକେଟ ଟି-ଟ୍ବେଣ୍ଟି ମ୍ୟାଚ । ହାତରେ ଟିକେଟ ଧରି ଉତ୍କଣ୍ଠାର ସହ ଅପେକ୍ଷା କରିଛନ୍ତି କ୍ରିକେଟ ପ୍ରେମୀ । ଦେଶ ବିଦେଶରୁ ଦର୍ଶକ କଟକ ଆସିବେ । ଏଥିପାଇଁ ଷ୍ଟାଡିୟମ ଠାରୁ ହୋଟେଲ ଚାରିଆଡେ ପ୍ରସ୍ତୁତି ଶେଷ ପର୍ଯ୍ୟାୟରେ ପଞ୍ଚିଛି । ତେଣୁ ସୁରକ୍ଷାକୁ ନେଇ ସଜାଗ ପୋଲିସ ଓ ଅଗ୍ନିଶମ ବାହିନୀ । ଅଧିକାରୀଙ୍କ ସହ ଷ୍ଟାଡିୟମ ବୁଲି ସ୍ଥିତି ଅନୁଧ୍ଯାନ କରିଛନ୍ତି ଅଗ୍ନୀଶମ ଡିଜି । ଷ୍ଟାଡିୟମର ଭିଭିଆଇପି ଷ୍ଟାଣ୍ଡ, ଓସିଏ ବକ୍ସ, ବିଭିନ୍ନ ଗ୍ୟାଲେରୀ ଓ ପଡିଆ ବୁଲି ତନ୍ନତନ୍ନ ଯାଞ୍ଚ କରିଛନ୍ତି । ସୁରକ୍ଷା ବଳୟରେ ରହିବ କଟକ ବାରବାଟୀ ଷ୍ଟାଡିୟମ ।
ଦକ୍ଷିଣ ଆଫ୍ରିକାର ୫ ଜଣିଆ ଟିମ୍ ଭୁବନେଶ୍ବର ପହଞ୍ଚି ସାରିଛନ୍ତି । ୭ ତାରିଖରେ ଉଭୟ ଟିମର ଖେଳାଳି ପହଞ୍ଚିବା ପରେ ୮ ତାରିଖରେ ଅଭ୍ୟାସ କରିବେ । ପ୍ରଥମେ ଭାରତ ଏବଂ ସନ୍ଧ୍ୟାରେ ଦକ୍ଷିଣ ଆଫ୍ରିକା ଟିମ୍ ପ୍ରାକ୍ଟିସ କରିବେ । ଖେଳାଳିଙ୍କ ଯିବା ଆସିବା ପାଇଁ ଭୁବନେଶ୍ଵର ମେ ଫେୟାର ହୋଟେଲରୁ ବାରବାଟୀ ଷ୍ଟାଡିୟମ ପର୍ଯ୍ୟନ୍ତ କାରକେଟ୍ ରିହର୍ସାଲ କରାଯାଇଛି । ଅପରାହ୍ନ ଦୁଇଟାରୁ ଏହି କାରକେଟ୍ ହୋଟେଲରୁ ବାହାରି ଦୁଇଟା ୪୫ ମିନିଟରେ ଷ୍ଟାଡିୟମ ଭିତରେ ପ୍ରବେଶ କରିଥିଲା । ଠିକ ଏକ ଘଣ୍ଟା ପରେ କାରକେଟ ଭୁବନେଶ୍ବର ଫେରିଥିଲା । ରାସ୍ତାସାରା ପୋଲିସ ଓ ଟ୍ରାଫିକ ପୋଲିସ ମୁତୟନ ହୋଇଥିଲେ । ୯ ତାରିଖରେ ସିରିଜର ପ୍ରଥମ ମ୍ୟାଚ ଖେଳାଯିବ । ଦୁଇଦଳର ଅଭ୍ୟାସ ଦେଖିବାକୁ ଦର୍ଶକଙ୍କ ପାଇଁ ଖୋଲା ରହିବ ୭ ନମ୍ବର ଫାଟକ ଓ ୬ ନମ୍ବର ଗ୍ୟାଲେରି ଖୋଲା ରଖାଯିବ।
ଅନ୍ନଦାତାଙ୍କୁ ଅଣଦେଖା: ଟୋକନ ଆସୁ ନଥିବାରୁ ଅପେକ୍ଷାରେ ଚାଷୀ
ଅନ୍ନଦାତାଙ୍କୁ ଅଣଦେଖା । ଚାଷୀଙ୍କୁ ଭୁଆଁ ବୁଲାଉଛନ୍ତି ଚାଷୀ । ୮ଶହ ଟଙ୍କାର ସବସିଡି ଦେଇ ଠକିଥିବା ଅଭିଯୋଗ । ଟୋକନ ଆସୁ ନଥିବାରୁ ଅପେକ୍ଷାରେ ଚାଷୀ । ଯୁଦ୍ଧଂଦେହୀ ଡାକରା ଦେଲା ପଶ୍ଚିମ ଓଡ଼ିଶା କୃଷକ ସଂଗଠନ ସମନ୍ବୟ ସମିତି । ମଣ୍ଡି ଖୋଲିବା ପୂର୍ବରୁ ଟୋକନ ସମସ୍ୟା ହେବ ନାହିଁ ବୋଲି ପ୍ରତିଶ୍ରୁତି ଦେଇଥିଲେ ସରକାର । ଧାନ କାଟି ଖଳାରେ ରାତି କାଟୁଛନ୍ତି ଚାଷୀ । ହେଲେ ଟୋକନ ମିଳି ନଥିବାରୁ ଗଦା ହୋଇ ରହିଛି ଧାନ । ୮ ଶହ ଟଙ୍କା ସବସିଡି ଦେଇ ଚାଷୀଙ୍କୁ ସମସ୍ୟା ଭିତରକୁ ଠେଲି ଦିଆଯାଇଥିବା ଅଭିଯୋଗ କରିଛି ପଶ୍ଚିମ ଓଡ଼ିଶା କୃଷକ ସଂଗଠନ ସମନ୍ବୟ ସମିତି । ସମ୍ବଲପୁରରେ ତୁରନ୍ତ ଚାଷୀଙ୍କ ସମସ୍ଯାର ସମାଧାନ ନହେଲେ ସରକାର ଏକ ବଡ଼ ଧରଣର ଆନ୍ଦୋଳନ ଦେଖିବେ ବୋଲି ଚେତାବନୀ ଦେଇଛି ।
ମଣ୍ଡି ଖୋଲିଛି, ହେଲେ ବଢ଼ିଛି ସମସ୍ୟା । କେବଳ ଏତିକିରେ ସରିନି ଚାଷୀଙ୍କ ଦୁଃଖ । ଧାନ କିଣାରେ ଟାର୍ଗେଟ ସମସ୍ୟାଠୁ ଆରମ୍ଭ କରି ମିଲରଙ୍କ ମନମାନି ଓ କଟନୀ ଛଟନୀ ପାଇଁ ସମସ୍ୟାରେ ଚାଷୀକୂଳ । ସମ୍ବଲପୁର ସମେତ ବିଭିନ୍ନ ଜିଲ୍ଲାରେ ଧାନକିଣା ବିଳମ୍ବ ହୋଇଛି । ତେଣୁ ସମ୍ବଲପୁର ବରଗଡ ଝାରସୁଗୁଡ଼ା ସୋନପୁର ଚାଷୀ ଏକତ୍ରିତ ହୋଇ ସରକାର ନ ଶୁଣିଲେ ଆଗକୁ ଚାଷୀ ମଧ୍ୟ ସହଯୋଗ କରିବେ ନାହିଁ ବୋଲି ଚେତାବନୀ ଦେଇଛନ୍ତି ।
ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ ଉପରେ ୧୦୮୦ କୋଟି ଟଙ୍କାର ଜରିମାନା
ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ ଉପରେ ୧୦୮୦ କୋଟି ଟଙ୍କାର ଜରିମାନା
ନନ୍ଦିଘୋଷ ବ୍ୟୁରୋ: ଏଲନ ମସ୍କଙ୍କ ସୋସିଆଲ ମିଡିଆ ସାଇଟ୍ ‘ଏକ୍ସ’ ଉପରେ ୧୦୮୦ କୋଟି ଟଙ୍କାର ଜରିମାନା । ୟୁରୋପିୟ ସଂଘ ଏକ୍ସ ଉପରେ ୧୨୦ ମିଳିୟନ ୟୁରୋ ଅର୍ଥାତ ଭାରତୀୟ ମୁଦ୍ରାରେ ୧୦୮୦ କୋଟି ଟଙ୍କାର ଜରିମାନା ଲଗାଇଛି । ଇୟୁର ଡିଜିଟାଲ ସର୍ଭିସେସ ଆକ୍ଟ (ଡିଏସଏ) ନିୟମ ଭଙ୍ଗ ଅଭିଯୋଗରେ ଏହି ଜରିମାନା ଲାଗିଛି । ୟୁରୋପୀୟ ଆୟୋଗ ଅନୁସାରେ ଏକ୍ସ ପାରଦର୍ଶିତା ଓ ୟୁଜର୍ସ ସୁରକ୍ଷା ସହ ଜଡ଼ିତ ତିନୋଟି ନିୟମ ଉଲ୍ଲଂଘନ କରିଛି । ଯାହାଦ୍ବାରା ୟୁଜର୍ସ ବ୍ଲ୍ୟୁ ଟିକ୍ ମାର୍କ ଓ ବିଜ୍ଞାପନ ଡାଟାବେସକୁ ନେଇ z୍ରମିତ ହୋଇପାରନ୍ତି ।
କଠୋର କାର୍ଯ୍ୟାନୁଷ୍ଠାନ
ୟୁଇ ପକ୍ଷରୁ କୁହାଯାଇଛି ଏକ୍ସ ଡିଏସଏ ଦ୍ବାରା ନିର୍ଦ୍ଧାରିତ ପାରଦର୍ଶିତା ମାନକକୁ ପାଳନ କରିନାହିଁ । ଏହି ଆଇନ ୟୁଜର୍ସଙ୍କ ସୁରକ୍ଷା ଓ ଭୁଲ କଣ୍ଟେଣ୍ଟ କିମ୍ବା ସ୍କାମରୁ ସୁରକ୍ଷା ପାଇଁ ସୋସିଆଲ ମିଡିଆ ପ୍ଲାଟଫର୍ମଙ୍କୁ ସୁନିଶ୍ଚିତ କରିବାକୁ କହିଥାଏ । ଆୟୋଗ ଏହା ବି ସ୍ପଷ୍ଟ କରିଛି ଯେ, ନିୟମ ଭଙ୍ଗକାରୀଙ୍କ ବିରୋଧରେ ଅଧିକ ଜରିମାନା ଲଗାଯାଇପାରେ ।
ବ୍ଲ୍ୟୁ-ଟିକ୍ ଡିଜାଇନ୍
ଇୟୁ ଅନୁସାରେ ଏକ୍ସର ବ୍ଲ୍ୟୁ ଚେକମାର୍କ ଏମିତି ଭାବେ ଡିଜାଇନ କରାଯାଇଛି ଯେ, ଏହା ୟୁଜର୍ସଙ୍କୁ ଭ୍ରମିତ କରିପାରେ । ଏହାଦ୍ବାରା ସ୍କାମ୍, ନକଲି ଖାତା ଓ ମେନିପୁଲେଶନର ଆଶଙ୍କା ବଢ଼ିଯାଇଥାଏ । ଆୟୋଗ ଏହାକୁ ଡିଜାଇନରେ ଠକେଇ ଓ ଏହା ଇୟୁର ଅନଲାଇନ୍ ସୁରକ୍ଷା ମାନକ ବିରୋଧୀ ବୋଲି କହିଛି ।
ବିଜ୍ଞାପନ ଡାଟାବେଶରେ ପାରଦର୍ଶିତା କମ
ଇୟୁ ନିୟମ ଅନୁସାରେ ସୋସିଆଲ ମିଡିଆ ପ୍ଲାଟଫର୍ମଙ୍କୁ ନିଜର ସମସ୍ତ ବିଜ୍ଞାପନ ଡାଟାବେସ ଉପଲବ୍ଧ କରାଇବା ଜରୁରୀ । ଯେଉଁଥିରେ ବିଜ୍ଞାପନ କିଏ ଦେଇଛି, ଟାର୍ଗେଟ ଅଡିଆନ୍ସ କିଏ ଓ ଏହାର ଉଦ୍ଦେଶ୍ୟ କ’ଣ ସ୍ପଷ୍ଟ ରହିବା ଜରୁରୀ । ହେଲେ ଡାଟାବେସ ଆକ୍ସେସ କରିବାରେ ଡେରି ହେଉଥିବା ଓ ଏହା ଅଧା ଥିବା ଆୟୋଗ ଜାଣିବାକୁ ପାଇଥିଲା । ଏମିତି ଡିଜାଇନ ଫଚର୍ସରୁ ଅଧିକାରୀଙ୍କୁ ନକଲି ବିଜ୍ଞାପନ ଓ ପ୍ରୋପଗେଣ୍ଡା ଚିହ୍ନଟ କରିବା କଷ୍ଟକର ହୋଇଥାଏ ।
ଡାଟା ଆକ୍ସେସରେ ସମସ୍ୟା
ଯଞ୍ଚରୁ ଏହା ମଧ୍ୟ ଜଣାପଡ଼ିଥିଲା ରିସର୍ଚର୍ସଙ୍କୁ ଡାଟା ଆକ୍ସେସ କରିବାରେ ଏକ୍ସ ଅନାବଶ୍ୟକ ବାଧା ସୃଷ୍ଟି କରୁଛି । ଏହା ସର୍ବସାଧାରଣ ହିତ ଓ ପାରଦର୍ଶିତାର ବିରୋଧ ବୋଲି ଇୟୁ କହିଛି । ଇୟୁ କାର୍ଯ୍ୟକାରୀ ଉପାଧ୍ୟକ୍ଷ ବୟାନ ଜାରି କରି କହିଛନ୍ତି, ଠକେଇ, ବିଜ୍ଞାପନ ଛାପିବା ଓ ରିସର୍ଚ୍ଚରେ ବାଧା ସୃଷ୍ଟି କରିବା ୟୁରୋପୀୟ ଡିଜିଟାଲ ଆଇନରେ ସ୍ବୀକାର କରାଯିବନାହିଁ ।
ନୃତ୍ୟ, ସଙ୍ଗୀତର ମହାକୁମ୍ଭ କୋଣାର୍କ ଉତ୍ସବ ଉଦଯାପିତ
ସରିଲା ନୃତ୍ୟ, ସଙ୍ଗୀତର ମହାକୁମ୍ଭ କୋଣାର୍କ ଉତ୍ସବ । ପାଞ୍ଚ ଦିନ ଧରି ଚାଲିଥିବା ମୁକ୍ତାକାଶ ରଙ୍ଗମଞ୍ଚ ଉଦଯାପିତ ହୋଇଛି। ଅନ୍ତିମ ସନ୍ଧ୍ୟାରେ ଓଡିଶୀ ଓ କଥକ ନୃତ୍ୟରେ ବିଭୋର ହେଲେ ଦର୍ଶକ । ପ୍ରଥମ ଉପସ୍ଥାପନ ଥିଲା ତ୍ରିପଥଗା ବା ପବିତ୍ର ଗଙ୍ଗାନଦୀ। ଏହି ନୃତ୍ୟାଭିନୟଟିର ନୃତ୍ୟ ସଂରଚନା କରିଥିଲେ ଗୁରୁ ରମେଶ ଚନ୍ଦ୍ର ଜେନା ଓ ଆରତୀ କର । ତାଙ୍କର ପରବର୍ତ୍ତୀ ପ୍ରସ୍ତୁତି ଥିଲା ନିୟତି । କୋଣାର୍କ ଉତ୍ସବର ଅନ୍ତିମ ପର୍ଯ୍ୟାୟରେ ସଞ୍ଜୁକ୍ତା ସିହ୍ନା ଓ ତାଙ୍କ ଡ୍ୟାନ୍ସ କମ୍ପାନୀର ଶିଳ୍ପୀବୃନ୍ଦଙ୍କ ଦ୍ଵାରା କଥକ ନୃତ୍ୟ ପରିବେଷଣ ହୋଇଥିଲା । ଯାହାକୁ ମନଭରି ଉପଭୋଗ କରିଥିଲେ ଉପସ୍ଥିତ ଦର୍ଶକ। ୩୬ତମ କୋଣାର୍କ ଉତ୍ସବର ଶେଷ ସନ୍ଧ୍ୟାରେ ରାଜ୍ୟପାଳ ହରିବାବୁ କମ୍ଭମପତି ଉପସ୍ଥିତ ଥିଲେ।
ସେହିଭଳି ଚନ୍ଦ୍ରଭାଗା ସ୍ଵର୍ଣ୍ଣାଭ ବେଳାଭୂମିରେ ପାଞ୍ଚ ଦିନ ଧରି ଚାଲିଥିବା ୧୫ତମ ଅନ୍ତର୍ଜାତୀୟ ବାଲୁକା କଳା ମହୋତ୍ସବ ଉଦଯାପିତ ହୋଇଛି। ଶିଳ୍ପୀଙ୍କ ହାତରେ ବାଲି ମାଧ୍ୟମରେ ପ୍ରସ୍ତୁତ ଚିତ୍ରକଳା ଦର୍ଶକଙ୍କୁ ବିମୋହିତ କରିଥିଲା । ଅନ୍ତିମ ଦିନରେ ଆତ୍ମ ନିର୍ଭରଶୀଳ ଓ ବିକଶିତ ଭାରତ ଥିମ ରହିଥିଲା । ବାଲୁକା ଉତ୍ସବକୁ ଦେଖିବାକୁ ଲକ୍ଷାଧିକ ଦର୍ଶକଙ୍କ ଭିଡ଼ ହୋଇଥିବା ବେଳେ ରାଜ୍ୟପାଳ ବାଲୁକା କଳା ବୁଲି ଦେଖିଥିଲେ। ଏହି ବାଲୁକା କଳାରେ ଦେଶ ବିଦେଶ ସମେତ ରାଜ୍ୟର କୋଣ ଅନୁକୋଣରୁ ୧୪୦ଜଣ ବାଲୁକା ଶିଳ୍ପୀ ଅଂଶଗ୍ରହଣ କରିଥିଲେ। ସୂର୍ଯ୍ୟମନ୍ଦିର ପାଦ ଦେଶରେ ଏକ ମନୋରମ ପରିବେଶ ସାଙ୍ଗକୁ ନୃତ୍ୟ ଓ ସଂଙ୍ଗୀତରେ ରଙ୍ଗମୟ ହୋଇଥିଲା ମୁକ୍ତାକାଶ ରଙ୍ଗମଞ୍ଚ ।
ତୃତୀୟ ଦିନିକିଆ: ଭାରତ ଆଗରେ ୨୭୧ ରନ ବିଜୟ ଲକ୍ଷ୍ୟ
ତୃତୀୟ ଦିନିକିଆ: ଭାରତ ଆଗରେ ୨୭୧ ରନ ବିଜୟ ଲକ୍ଷ୍ୟ
ନନ୍ଦିଘୋଷ ବ୍ୟୁରୋ: ବିଶାଖାପାଟନମରେ ଖେଳା ଯାଉଥିବା ତୃତୀୟ ଦିନିକିଆରେ ଭାରତ ଆଗରେ ୨୭୧ ରନର ବିଜୟ ଲକ୍ଷ୍ୟ ଦେଇଛି ଦକ୍ଷିଣ ଆଫ୍ରିକା । ଟସ୍ ହାରି ବ୍ୟାଟିଂ ଆମନ୍ତ୍ରଣ ପାଇଥିବା ଦକ୍ଷିଣ ଆଫ୍ରିକା ଦଳ ୪୭.୫ ଓଭରରେ ସମସ୍ତ ଓ୍ବିକେଟ ହରାଇ ୨୭୦ ରନ୍ କରିଛି । ଭାରତ ପକ୍ଷରୁ ପ୍ରସିଦ୍ଧ କ୍ରିଷ୍ଣା ଏବଂ କୁଲଦୀପ ଯାଦବ ୪ଟି ଲେଖାଏଁ ଓ୍ବିକେଟ ନେଇଥିବା ବେଳେ ଅର୍ଶଦୀପ ସିଂ ଏବଂ ରବୀନ୍ଦ୍ର ଜାଡେଜା ଗୋଟିଏ ଲେଖାଏଁ ଓ୍ବିକେଟ ନେଇଛନ୍ତି ।
ଟସ୍ ହାରି ବ୍ୟାଟିଂ କରିବାକୁ ଆସିଥିବା ଦକ୍ଷିଣ ଆଫ୍ରିକାର ଆରମ୍ଭ ଭଲ ହୋଇ ନଥିଲା । ଦଳୀୟ ସ୍କୋର ମାତ୍ର ୧ ରନ୍ ଥିବା ବେଳେ ରିକlଲଟନ୍ ଖାତା ଖୋଲିବା ପୂର୍ବରୁ ଅର୍ଶଦୀପଙ୍କ ଶିକାର ହୋଇଥିଲେ । ଏହାପରେ ଅଓିନାୟକ ଟି. ବାଭୁମା ବ୍ୟାଟି କରିବାକୁ ଆସିଥିଲେ । ଅନ୍ୟତମ ଓପ୍ନର ଡି କକଙ୍କ ସହ ଭଲ ପାର୍ଓନରସିପ କରିଥିଲେ । ବାଭୁମା ୪୮ ରନ୍ କରି ଆଉଟ ହୋଇଥିବା ବେଳେ ଡି କକ୍ ୮୯ ବଲରୁ ୮ ଚୌକା ଓ ୬ ଛକା ସହାୟତାରେ ୧୦୬ ରନର ଧୂଆଁଧାର ଇଂନିସ୍ ଖେଳିଥିଲେ । ଅନ୍ୟମାନଙ୍କ ମଧ୍ୟରେ ମାଥ୍ୟୁ ୨୪, ମାର୍କରାମ ୧, ବ୍ରେଭିସ ୨୯, ଜନସନ ୧୭, ବୋଚ ୯, ମହାରାଜା ୨୦ ନିଗିଡି ୧ ଏବଂ ବାର୍ଥମ୍ୟାନ ୩ ରନ୍ କରିଥିଲେ ।