spot_img
Home Blog Page 2862

କୃଷି ଓ କୃଷକ ସଶକ୍ତିକରଣ ବିଭାଗରେ ୪୦୬ଜଣଙ୍କୁ ମିଳିଲା ନୂଆ ନିଯୁକ୍ତି

ଭୁବନେଶ୍ୱର: କୃଷି କ୍ଷେତ୍ରରେ ନୂଆ ଅଧ୍ୟାୟ । ରାଜ୍ୟ ସରକାରଙ୍କ କୃଷି ଓ କୃଷକ ସଶକ୍ତିକରଣ ବିଭାଗରେ ୪୦୬ ନୂଆ ନିଯୁକ୍ତି । ଏଥିମଧ୍ୟରୁ ୨୬୧ ଜଣ ସହକାରୀ କୃଷି ଅଧିକାରୀ, ୧୦୨ଜଣ ସହକାରୀ କୃଷି ଇଞ୍ଜିନିୟର ଭାବରେ ଯୋଗ ଦେଇଛନ୍ତି । ସେହିପରି ୪୩ ଜଣ ରାଜ୍ୟ ବିହନ ନିଗମରେ ନିଯୁକ୍ତି ପାଇଛନ୍ତି । ଲୋକସେବା ଭବନଠାରେ ନିଯୁକ୍ତି ପର୍ବ ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟମନ୍ତ୍ରୀ ଉପସ୍ଥିତ ରହି ନିଯୁକ୍ତିପତ୍ର ପ୍ରଦାନ କରିଥିଲେ । ଏଥିସହିତ ମୁଖ୍ୟମନ୍ତ୍ରୀ କହିଥିଲେ, ଏହି ବଡ଼ ନିଯୁକ୍ତି କୃଷି ବିଭାଗକୁ ଉତ୍ସ ଯୋଗାଇବ ।  ସେ ଆଗକୁ କହିଥିଲେ, କୃଷି ଏବଂ ସହଯୋଗୀ କ୍ଷେତ୍ର ତାଙ୍କ ସରକାରଙ୍କ ପ୍ରମୁଖ ପ୍ରାଥମିକତା ।
             କ୍ରମାଗତ ଭାବେ କୃଷକଙ୍କ ଆୟ ବଢ଼ାଇବାକୁ ଏବଂ ସେମାନଙ୍କୁ ସଶକ୍ତ କରିବାକୁ ରାଜ୍ୟ ସରକାର ଚେଷ୍ଟା କରୁଛନ୍ତି । କୃଷି କାର୍ଯ୍ୟକଳାପ ଏବଂ ଉତ୍ପାଦର ବିଭିଦତାକୁ ସମର୍ଥନ କରିବା ପାଇଁ ଅନେକ ଯୋଜନା ପ୍ରସ୍ତୁତ କରାଯାଇଛି । କାଳିଆ ଏବଂ ବଳରାମ ଭଳି ୟୋଜନା କୃଷକମାନଙ୍କ ମଧ୍ୟରେ ଆତ୍ମବିଶ୍ୱାସ ଏବଂ ବିଶ୍ୱାସ ସୃଷ୍ଟି କରିପାରିଛି । ଏହା ବ୍ୟତୀତ ଉତ୍ପାଦନ ବୃଦ୍ଧି ଏବଂ ଆମର ଅଭାବୀ ପ୍ରାକୃତିକ ସମ୍ପଦର ନ୍ୟାୟପୂର୍ଣ୍ଣ ବ୍ୟବହାରକୁ ସୁଗମ କରିବା ପାଇଁ ଫାର୍ମ ମେକାନାଇଜେସନ ଉପରେ ସ୍ପତନ୍ତ୍ର ଧ୍ୟାନ ଦିଆଯାଇଛି । ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ଯୋଜନା ଅଧୀନରେ ଆମେ ସ୍ଥାନୀୟ ଯୁବକମାନଙ୍କୁ କୃଷିକ୍ଷେତ୍ରରେ ଉଦ୍ୟୋଗୀକରଣରେ ଭାଗନେବାକୁ ଉତ୍ସାହିତ କରୁଛୁ ।
               କୃଷକମାନଙ୍କୁ ଗୁଣାତ୍ମକ ବିହନ ଯୋଗାଇବାରେ ଓଡ଼ିଶା ରାଜ୍ୟ ବିହନ ନିଗମର ଗୁରୁତ୍ୱପୂର୍ଣ୍ଣ ଭୂମିକା ରହିଛି । କୃଷକମାନେ ଠିକ୍ ସମୟରେ ଗୁଣାତ୍ମକ ବିହନ ପାଇବା ନେଇ ସୁନିଶ୍ଚିତ କରିବାକୁ ସେ ବିଭାଗକୁ ପରାମର୍ଶ ଦେଇଛନ୍ତି । ନବ ନିଯୁକ୍ତଙ୍କୁ ସ୍ୱାଗତ କରି ମୁଖ୍ୟମନ୍ତ୍ରୀ କହିଛନ୍ତି ଆସନ୍ତା ତିନି ଦଶନ୍ଧି ମଧ୍ୟରେ ସେମାନେ ଆମର କୃଷି କ୍ଷେତ୍ରରେ ମହତ ଯୋଗଦାନ କରିବେ । ନୂତନ ଅଧିକାରୀମାନଙ୍କର କୃଷକମାନଙ୍କୁ ସେବା ଯୋଗାଇବା ପାଇଁ ଆବଶ୍ୟକ ଜ୍ଞାନ, ଦକ୍ଷତା ଏବଂ ଅଭିଜ୍ଞତା ରହିଛି ।
          5T ନୀତି ଅନୁସରଣ କରିବାକୁ ଏବଂ କୃଷି କ୍ଷେତ୍ରର ପରିବର୍ତ୍ତନରେ ସହଯୋଗ କରିବାକୁ ନବନିଯୁକ୍ତଙ୍କୁ ପରାମର୍ଶ ଦେଇଛନ୍ତି ମୁଖ୍ୟମନ୍ତ୍ରୀ । ଆପଣମାନଙ୍କର ସମସ୍ତ କାର୍ଯ୍ୟ କୃଷକମାନଙ୍କ ସଶକ୍ତିକରଣ ଦିଗରେ ନିର୍ଦ୍ଦେଶିତ ହେବା ଉଚିତ ବୋଲି ମୁଖ୍ୟମନ୍ତ୍ରୀ କହିଛନ୍ତି । ଏହି ନିଯୁକ୍ତ କାର୍ଯ୍ୟକ୍ରମରେ କୃଷି ଓ କୃଷକ ସଶକ୍ତିକରଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ, ମୁଖ୍ୟ ଶାସନ ସଚିବ ପ୍ରଦୀପ ଜେନା, ପ୍ରମୁଖ ସଚିବ ଅରବିନ୍ଦ ପାଢୀ, କୃଷି ନିର୍ଦ୍ଦେଶକ ପ୍ରେମଚାନ୍ଦ ଚୌଧୁରୀ, ରାଜ୍ୟ ବିହନ ନିଗମ ଅଧ୍ୟକ୍ଷ ବିଜୟ ନାୟକ, ଡେଭେଲପମେଣ୍ଟ କମିଶନର ଅନୁ ଗର୍ଗ ପ୍ରମୁଖ ଉପସ୍ଥିତ ଥିଲେ ।

ହକି ଓ ଜିମ୍ନାଷ୍ଟିକ୍ସ ହାଇ ପରଫରମାନ୍ସ ସେଣ୍ଟର ଉଦଘାଟନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ଉଦଘାଟିତ ହେଲା ହକି ଓ ଜିମ୍ନାଷ୍ଟିକ୍ସ ହାଇ ପରଫରମାନ୍ସ ସେଣ୍ଟର । ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ନବ ନିର୍ମିତ ସେଣ୍ଟରକୁ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପୂର୍ବରୁ ହକି ଷ୍ଟାଡିୟମ ପାଖରେ ଗୋଟିଏ ହକି ଅଭ୍ୟାସ ଗ୍ରାଉଣ୍ଡ ଥିଲା । ଯେଉଁଠି ଖେଳାଳି ମାନେ ରହିବା, ଟ୍ରେନିଂ ସହ ବିଭିନ୍ନ ସୁବିଧା ରହିଥିଲା । ଏହି ଅଭ୍ୟାସ ଗ୍ରାଉଣ୍ଡ ନିକଟରେ ହକି ହାଇ ପରଫରମାନ୍ସ ସେଣ୍ଟରର 5 ମହଲା ବିଶିଷ୍ଟ କୋଠାକୁ ଉଦଘାଟନ କରାଯାଇଛି ।

ରାଜ୍ୟ ସରକାର କ୍ରୀଡ଼ାର ବିକାଶ ପାଇଁ ହଜାର ହଜାର କୋଟି ଟଙ୍କା ଖର୍ଚ୍ଚ କରୁଛନ୍ତି । ବିଶେଷ କରି କଳିଙ୍ଗ ଷ୍ଟାଡିୟମ ପରିସରରେ କ୍ରୀଡ଼ାର ବିକାଶ ପାଇଁ ଅନେକ ହାଇ ପରଫରମାନ୍ସ ସେଣ୍ଟର ନିର୍ମାଣ ହୋଇଛି । ସେହିଭଳି ପ୍ରେମ ତରୁ ପ୍ଲାଣ୍ଟେସନର ଶୁଭ ଉଦ୍ଘାଟନ କରିଛନ୍ତି ମୁଖ୍ୟମନ୍ତ୍ରୀ । କଳିଙ୍ଗ ଷ୍ଟାଡିୟମ ଟେନିସ ଅଡିଟୋରୟମରେ ସତ୍ୟ ସାଇ ସେବା ଅନୁଷ୍ଠାନ ପକ୍ଷରୁ ପ୍ରେମ ତରୁ ପ୍ଲାଣ୍ଟେସନର ଉଦଘାଟନ କରାଯାଇଛି । ସତ୍ୟ ସାଇ ସେବା ଅନୁଷ୍ଠାନ ରାଜ୍ୟରେ ଦଶ ଲକ୍ଷ ଗଛ ଲଗାଇବାର ଲକ୍ଷ୍ୟ ରଖିଛି ।

ସାମ୍ବାଦିକଙ୍କ ସ୍ବାସ୍ଥ୍ୟ ବୀମା ଦୁଇ ଲକ୍ଷରୁ ୫ ଲକ୍ଷ ଟଙ୍କାକୁ ବୃଦ୍ଧି ଘୋଷଣା କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ସାମ୍ବାଦିକଙ୍କ ପାଇଁ ବଡ଼ ଘୋଷଣା । ସାମ୍ବାଦିକଙ୍କ ସ୍ବାସ୍ଥ୍ୟ ବୀମା ଦୁଇ ଲକ୍ଷରୁ ୫ ଲକ୍ଷ ଟଙ୍କାକୁ ବୃଦ୍ଧି ଘୋଷଣା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କାର୍ଯ୍ୟରତ ସାମ୍ବାଦିକମାନଙ୍କ ପାଇଁ କାର୍ଯ୍ୟକାରୀ ହୋଇଥିବା ଗୋପବନ୍ଧୁ ସ୍ବାସ୍ଥ୍ୟ ବୀମା ଯୋଜନାରେ ବୀମା ରାଶିର ପରିମାଣ ଦୁଇ ଲକ୍ଷ ଟଙ୍କାରୁ ୫ ଲକ୍ଷ ଟଙ୍କାକୁ ବୃଦ୍ଧି କରାଯିବା ନେଇ ଘୋଷଣା କରାଯାଇଛି । ଏହା ଦ୍ବାରା ରାଜ୍ୟର ୮ ହଜାର ୭୧୭ କାର୍ଯ୍ୟରତ ସାମ୍ବାଦିକ ଓ ତାଙ୍କ ପରିବାର ଉପକାର ପାଇବେ । ଗୋପବନ୍ଧୁ ସ୍ବାସ୍ଥ୍ୟ ବୀମା ଯୋଜନାରେ କାର୍ଯ୍ୟରତ ସାମ୍ବାଦିକ ଓ ତାଙ୍କ ପରିବାରକୁ ଦୁଇ ଲକ୍ଷ ଟଙ୍କା ପର୍ଯ୍ୟନ୍ତ ଚିକିତ୍ସା ସୁବିଧା ମିଳୁଥିଲା । ବର୍ତ୍ତମାନ ଏହା ପାଞ୍ଚ ଲକ୍ଷ ଟଙ୍କାକୁ ବୃଦ୍ଧି ପାଇବା ଦ୍ୱାରା ସାମ୍ବାଦିକ ଓ ତାଙ୍କ ପରିବାର ଉନ୍ନତ ଚିକିତ୍ସା ସେବା ପାଇ ପାରିବେ।

ଲୋନ ଆପ ଇନଷ୍ଟଲ କରି ଠକେଇର ଶିକାର ହେଲେ ବ୍ୟାଙ୍କ କର୍ମଚାରୀ

ଭୁବନେଶ୍ୱର: ଲୋନ ଆପ ଡାଉନଲୋଡ୍ କରି ନିଜେ ଫସିଗଲେ ବ୍ୟାଙ୍କ କର୍ମଚାରୀ । ଲୋନ ଆପ ଇନଷ୍ଟଲ କରି ଠକେଇର ଶିକାର ହୋଇଛନ୍ତି ମହିଳା ବ୍ୟାଙ୍କ ଅଧିକାରୀ । ଅଭିଯୋଗ ଅନୁସାରେ ଆପ ମୋବାଇଲକୁ ଆସିବା ପରେ ବିନା କୌଣସି କନମ୍ଫରମେସନରେ ହଠାତ୍ ତିନୋଟି ପର୍ଯ୍ୟାୟରେ ଆକାଉଣ୍ଟକୁ ଟଙ୍କା ଆସିଲା । ଏହାର କିଛିଦିନ ପରେ ବ୍ଲାକମେଲିଂ କରିଥିଲେ ସାଇବର ଠକ । ଆକାଉଣ୍ଟକୁ ଯାଇଥିବା ଅର୍ଥର ତିନି ଗୁଣା ଅର୍ଥ ପୈଠ କରିବାକୁ ଫୋନ ଆସିଥିଲା । ଶେଷରେ ଯୁବତୀଙ୍କ ଫୋନ ହ୍ୟାକ୍ କରି ଗୁରୁତ୍ବପୂର୍ଣ୍ଣ ଡାଟା ଚୋରାଇ ନେଇଥିଲେ ଅଭିଯୁକ୍ତ । ନ୍ୟୁଡ ଫଟୋ ଏଡିଟ୍ କରି ବ୍ଲାକମେଲିଂ କରିଥିଲେ ସାଇବର ଠକ । ଏନେଇ ସାଇବର ଥାନାରେ ଯୁବତୀଙ୍କ ଅଭିଯୋଗ ପରେ ତଦନ୍ତ ଆରମ୍ଭ ହୋଇଛି ।

୧୧ ଜଣିଆ ଆନ୍ତଃରାଜ୍ୟ ଲୁଟେରା ଗ୍ୟାଙ୍ଗକୁ ଗିରଫ କଲା କମିଶନରେଟ ପୋଲିସ

ଭୁବନେଶ୍ୱର: ଭୁବନେଶ୍ବରରେ ମାତିଛନ୍ତି ଆନ୍ତଃରାଜ୍ୟ ଲୁଟେରା ଗ୍ୟାଙ୍ଗ । ରାଜଧାନୀରେ ଟ୍ରାଫିକ ପୋଷ୍ଟରେ ବଂଜାରାଙ୍କୁ ଦେଖିଲେ ହୋଇଯାଆନ୍ତୁ ସାବଧାନ । ସ୍ତ୍ରୀ ଦିନରେ ଛୁଆ ଧରି ଟ୍ରାଫିକରେ ବୁଲୁଥିବାବେଳେ ଲୁଟ୍ ପାଇଁ ଟାର୍ଗେଟ କରୁଛି ସ୍ବାମୀ । ଆନ୍ତଃରାଜ୍ୟ ଲୁଟେରା ଗ୍ୟାଙ୍ଗକୁ ଗିରଫ କରିଛି କମିଶନରେଟ ପୋଲିସର ସ୍ପେଶାଲ ସ୍କ୍ବାଡ୍ । ୧୧ ଜଣିଆ ଲୁଟେରା ଗ୍ୟାଙ୍ଗକୁ ଗିରଫ କରାଯାଇଛି । ସେମାନଙ୍କ ନାଁରେ ଧଉଳି, ବଡ଼ଗଡ଼, ଲକ୍ଷ୍ମୀସାଗର, ଏୟାରପୋର୍ଟ,ଏୟାରଫିଲଡ଼, ତମାଣ୍ଡୋ ଥାନାରେ ୧୬ଟି ମାମଲା ରହିଛି । ଅଭିଯୁକ୍ତଙ୍କ ନିକଟରୁ ସୁନା, ରୁପା, ଅଳଙ୍କାର, ମୂର୍ତ୍ତି, ହତିଆର ଜବତ କରାଯାଇଛି ।

ଚଡ଼ି, ଗଞ୍ଜି ଡ୍ରେସକୋଡରେ ଦୀର୍ଘଦିନ ଧରି ଘରେ ପଶି ଲୁଟୁଥିଲେ ଅଭିଯୁକ୍ତ । ପୋଲିସକୁ ଚକମା ଦେବାକୁ ଡ୍ରେସ ଖୋଲି କରୁଥିଲେ ଅପରେସନ । ଗୋଟିଏ ରାତିରେ ଦୁଇରୁ ତିନୋଟି ଘରେ ବୁଲାଉଥିଲେ କଳାକନା । ଦିନରେ ରେକି କରି ରାତିରେ ଗ୍ରୀଲ କାଟି ଘରୁ ଲୁଟ୍ କରୁଥିଲେ । ଲୋକ ଶୋଇଥିବା ସମୟରେ ଶୋଇବା ଘର ଆଗରୁ ଲକ୍ କରି ଅନ୍ୟ ରୁମରୁ ଚୋରି କରୁଥିଲେ । ସାରା ଦେଶରେ ଏହି ଗ୍ୟାଙ୍ଗ ସକ୍ରିୟ ଥିବାବେଳେ ଜାମସେଦପୁର ଓ ଦିଲ୍ଲୀରୁ ଆସି ଭୁବନେଶ୍ବରକୁ ଆସି ଲୁଟ ଚଳାଇଛନ୍ତି । ଗ୍ୟାଙ୍ଗର ମୂଳରେ ପହଞ୍ଚିବାକୁ ରାଜସ୍ଥାନ, ଛତିଶଗଡ଼ ଓ ଝାଡ଼ଖଣ୍ଡ ପୋଲିସ ସହ ଆଲୋଚନା କରିବ କମିଶନରେଟ ପୋଲିସ ।

ଶ୍ରେଷ୍ଠ ରାଜ୍ୟ ଭାବେ ଓଡ଼ିଶାକୁ ମିଳିଲା ‘ଭୂମି-ସମ୍ମାନ’ ପୁରସ୍କାର

ନନ୍ଦିଘୋଷ ବ୍ୟୁରୋ: ପୁଣି ଜାତୀୟ ସ୍ତରରେ ଓଡ଼ିଶା ସମ୍ମାନୀତ । ଡିଜିଟାଲ୍‌ ଇଣ୍ଡିଆ ଲ୍ୟାଣ୍ଡ ରେକର୍ଡ ଆଧୁନିକୀକରଣ କାର୍ଯ୍ୟକ୍ରମ (ଡିଆଇଏଲ୍‌ଆର୍‌ଏମ୍‌ପି)ର ଲକ୍ଷ୍ୟଗୁଡ଼ିକୁ ପୂରଣ କରିବା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଓଡ଼ିଶାକୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଭାରତର ଶ୍ରେଷ୍ଠ ରାଜ୍ୟ ଭାବେ ‘ଭୂମି ସମ୍ମାନ’ ପୁରସ୍କାର ପ୍ରଦାନ କରିଛନ୍ତି । ନୂଆଦିଲ୍ଲୀସ୍ଥିତ ବିଜ୍ଞାନ ଭବନଠାରେ ଅନୁଷ୍ଠିତ ଏକ ବର୍ଣ୍ଣାଢ଼୍ୟ କାର୍ଯ୍ୟକ୍ରମରେ ଓଡ଼ିଶାକୁ ଏହି ପୁରସ୍କାର ପ୍ରଦାନ କରାଯାଇଛି । ଦେଶର ସମୁଦାୟ ୭୬୬ ଜିଲ୍ଲା ମଧ୍ୟରୁ ୬୮ଟି ଜିଲ୍ଲାକୁ ଡିଆଇଏଲ୍‌ଆର୍‌ଏମ୍‌ପି ଅନ୍ତର୍ଗତ ଛଅଗୋଟି ବର୍ଗରେ ପ୍ଲାଟିନମ୍‌ ପୁରସ୍କାର ମିଳିଛି । ତନ୍ମଧ୍ୟରୁ ଓଡ଼ିଶାର ୧୯ଟି ଜିଲ୍ଲା ଏହି ପୁରସ୍କାର ପାଇବା ସମଗ୍ର ଓଡ଼ିଶାବାସୀଙ୍କ ପାଇଁ ଗୌରବର ବିଷୟ ।

ଓଡ଼ିଶାର ଅନୁଗୁଳ, ବୌଦ୍ଧ, ବରଗଡ, ଭଦ୍ରକ, ଦେଓଗଡ, ଢେଙ୍କାନାଳ, ଗଜପତି, ଗଂଜାମ, ଜଗତସିଂହପୁର, ଯାଜପୁର, କେନ୍ଦ୍ରାପଡା, କେନ୍ଦୁଝର, ଖୋର୍ଦ୍ଧା, କୋରାପୁଟ, ନବରଙ୍ଗପୁର, ନୟାଗଡ, ନୂଆପଡା, ରାୟଗଡା ଓ ସମ୍ବଲପୁର ଆଦି ୧୯ଟି ଜିଲ୍ଲା ଏହି ପ୍ଲାଟିନମ ପୁରସ୍କାର ନିମନ୍ତେ ବିବେଚିତ ହୋଇଥିଲେ । ରାଷ୍ଟ୍ରପତି ଏହି ଜିଲ୍ଲାମାନଙ୍କର ଜିଲ୍ଲାପାଳ ବା ଅତିରିକ୍ତ ଜିଲ୍ଲାପାଳମାନଙ୍କୁ ‘ଭୂମି ସମ୍ମାନ’ ପୁରସ୍କାର ପ୍ରଦାନ କରିଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦିଗଦର୍ଶନରେ 5T କାର୍ଯ୍ୟାନ୍ୱୟନ ତଥା ‘ମୋ ସରକାର’ ନିୟମାବଳୀ ମାଧ୍ୟମରେ ଜମିଜମା ରେକର୍ଡ ଏବଂ ଜନସେବାକୁ ଡିଜିଟାଇଜେସନ୍‌ କରିବାରେ ଓଡିଶା ଏକ ଅଗ୍ରଣୀ ରାଜ୍ୟ ହୋଇପାରିଛି ।

ରାଜସ୍ୱ କାର୍ଯ୍ୟାଳୟମାନଙ୍କରେ ନାଗରିକମାନଙ୍କ ବ୍ୟକ୍ତିଗତ ଉପସ୍ଥିତିକୁ ଯଥାସମ୍ଭବ କମ କରିବା ସହ ମଧ୍ୟସ୍ଥିମାନଙ୍କ ଭୂମିକାକୁ ନ୍ୟìନ କରିବା ପାଇଁ ବିଭିନ୍ନ ପଦକ୍ଷେପ ନିଆଯାଇଛି । ବିଭାଗ ଦ୍ୱାରା ନାଗରିକମାନଙ୍କୁ ଯୋଗାଇ ଦିଆଯାଉଥିବା ୩୪ଟି ପ୍ରମୁଖ ସେବାକୁ ଅନ୍‌ଲାଇନ୍‌ କରାଯିବା ଦ୍ୱାରା ଲୋକମାନେ ଅନଲାଇନ ମାଧ୍ୟମରେ ଆବେଦନ ଏବଂ ସ୍ଥିତି ଜାଣିପାରୁଛନ୍ତି । ଭର୍ଚୁଆଲ୍‌ କୋର୍ଟ ମାଧ୍ୟମରେ ୧୩ ହଜାରରୁ ଉର୍ଦ୍ଧ୍ୱ ମାମଲାର ଫଇସଲା ହୋଇଛି ।

୨୦୨୪ ମାର୍ଚ୍ଚ ମାସ ସୁଦ୍ଧା ରାଜ୍ୟର ଅନ୍ୟ ସମସ୍ତ ଜିଲ୍ଲା ଡିଆଇଏଲ୍‌ଆର୍‌ଏମ୍‌ପିର ମାନଦଣ୍ଡ ଯଥା: ଜମି ରେକର୍ଡର କମ୍ପୁଟରୀକରଣ, ଜମି ନକ୍ସାର କମ୍ପୁଟରୀକରଣ, ଜମି ରେକର୍ଡ ଏବଂ ନକ୍ସାର ସଂଯୋଗୀକରଣ, ନିବନ୍ଧନ ଓ ଉପନିବନ୍ଧନ କାର୍ଯ୍ୟାଳୟର କମ୍ପୁଟରୀକରଣ, ତହସିଲ ଏବଂ ନିବନ୍ଧନ କାର୍ଯ୍ୟାଳୟର ସଂଯୋଗୀକରଣ ଏବଂ ଆଧୁନିକ ରେକର୍ଡ କକ୍ଷ ନିର୍ମାଣ କ୍ଷେତ୍ରରେ ଶତପ୍ରତିଶତ ଲକ୍ଷ୍ୟ ହାସଲ କରିବା ପାଇଁ ପଦକ୍ଷେପ ନିଆଯିବ । 5T ଆଧାରରେ ଦଳଗତ କାର୍ଯ୍ୟ ଏବଂ ‘ମୋ ସରକାର’ ମାଧ୍ୟମରେ ଜନସାଧାରଣଙ୍କ ଠାରୁ ମତାମତ ଗ୍ରହଣ କରାଯିବା ଫଳରେ ଉତ୍ତମ ସେବା ଯୋଗାଇବା ସମ୍ଭବ ହୋଇପାରିଛି ।

ଭଦ୍ରକ ଆରଡି ଛକ ନିକଟ ଜାତୀୟ ରାଜପଥ-୧୬ ଓଭବ୍ରିଜରେ ବିରାଟ ଗର୍ତ୍ତ

ଭଦ୍ରକ: ଭଦ୍ରକ ଆରଡି ଛକ ଓଭରବ୍ରିଜରେ ଗାତ । NH-16 ଓଭରବ୍ରିଜରେ ବିରାଟ ଗର୍ତ୍ତ ସୃଷ୍ଟି । ଓଭରବ୍ରିଜରେ ଗାତ ଥିବା ଜଣାପଡିବା ପରେ ଯାନବାହନ ଚଳାଚଳ ବାଧାପ୍ରାପ୍ତ ହୋଇଛି । ଗତ କିଛି ମାସ ତଳେ ଏକ ଠିକା କମ୍ପାନୀ ଜାତୀୟ ରାଜପଥ ନିର୍ମାଣ କାର୍ଯ୍ୟ ସାରିଥିବା ବେଳେ, ଏତେ କମ ଦିନରେ ରାସ୍ତା ଭୁଶୁଡିବା ଏକ ପ୍ରଶ୍ନବାଚୀ ସୃଷ୍ଟି କରିଛି । ହଜାର ହଜାର କୋଟି ଟଙ୍କା ବ୍ୟୟରେ ନିର୍ମିତ ରାସ୍ତାକାମ ନିମ୍ନମାନର ହୋଇଥିବା ଅଭିଯୋଗ ହୋଇଛି ।

୨୦୨୪ ସାଧାରଣ ନିର୍ବାଚନ ପାଇଁ ୨୬ଟି ବିପକ୍ଷ ଦଳ ଏକଜୁଟ, ବିରୋଧୀ ମେଣ୍ଟର ନାଁ ‘INDIA’

ନୂଆଦିଲ୍ଲୀ: ବେଙ୍ଗାଲୁରୁରେ ଚାଲିଥିବା ୨୬ ବିରୋଧୀ ଦଳର ବୈଠକରେ ବଡ଼ ନିଷ୍ପତ୍ତି । ବୈଠକରେ ବିରୋଧୀ ମେଣ୍ଟକୁ ନୂଆ ନାଁ ମିଳିଛି । ଆଜି ୨୬ ଦଳର ବୈଠକ ସମୟରେ ମେଣ୍ଟ ନାଁ ଉପରେ ମୋହର ଲାଗିଛି । କୁହାଯାଉଥିଲା ଯେ ବିରୋଧୀ ମେଣ୍ଟର ନାଁ ପୂର୍ବଭଳି ୟୁପିଏ ହିଁ ରହିପାରେ । ହେଲେ ଅପରାହ୍ନ ୩ଟା ସୁଦ୍ଧା ସ୍ପଷ୍ଟ ହୋଇଯାଇଛି ଯେ ବିଜେପି ନେତୃତ୍ୱାଧୀନ ଏନଡିଏ ମେଣ୍ଟକୁ ବିରୋଧୀଙ୍କ ଇଣ୍ଡିଆ (INDIA) ଟକ୍କର ଦେବ । INDIA ର ଫୁଲଫର୍ମ ହେଉଛି ନ୍ୟାସନାଲ ଡେଭେଲପମେଣ୍ଟାଲ ଇନକ୍ଲୁସିଭ ଆଲାୟନ୍ସ । ଇଣ୍ଡିଆ ନାଁକୁ କଂଗ୍ରେସ ନେତା ରାହୁଲ ଗାନ୍ଧୀ ଦେଇଥିବା ସୂଚନା ମିଳିଛି । ଆଜିର ବୈଠକରେ ୬ଟି ପ୍ରସଙ୍ଗରେ ଆଲୋଚନା ହେଉଥିବା ଜଣାପଡିଛି । ୨୦୨୪ ସାଧାରଣ ନିର୍ବାଚନ ପାଇଁ କମନ ମିନିମମ ପ୍ରୋଗ୍ରାମ ଚିଠା ପ୍ରସ୍ତୁତି ଓ ବିପକ୍ଷ ଗୋଷ୍ଠୀ ମେଣ୍ଟ ପାଇଁ ଆବଶ୍ୟକୀୟ ଯୋଗସୂତ୍ର ତିଆରି କରିବା ପାଇଁ ସବ କମିଟି କରାଯିବ।

ସେହିପରି ଦଳଗୁଡ଼ିକର ସମ୍ମେଳନ, ରାଲି ଓ ଦୁଇ ଦଳ ମଧ୍ୟରେ ବିରୋଧାଭାସ ଦୂର କରିବା ପାଇଁ ସବ କମିଟି ଗଠନ କରାଯିବ। ରାଜ୍ୟ ଆଧାରରେ ସିଟ୍ ସେୟାରିଂ ନେଇ ମଧ୍ଯ ବୈଠକରେ ଆଲୋଚନା ହେଉଛି । ଇଭିଏମ୍ ପ୍ରସଙ୍ଗରେ ଚର୍ଚ୍ଚା କରି ନିର୍ବାଚନ କମିଶନଙ୍କୁ ପ୍ରସ୍ତାବ ଦେବା । ୨୦୨୪ ସାଧାରଣ ନିର୍ବାଚନରେ ବିଜେପିକୁ କ୍ଷମତାରୁ ଆଉଟ କରିବାକୁ ପ୍ରସ୍ତୁତ ହେଉଛି ରୋଡମ୍ୟାପ୍ । କଂଗ୍ରେସ, ଟିଏମସି, ଶିବସେନା, ସମାଜବାଦୀ ପାର୍ଟି ଭଳି ୨୫ଟି ଦଳର ନେତା ଗତକାଲିଠାରୁ ବେଙ୍ଗାଳୁରୁରେ ଡେରା ପକାଇଥିବା ବେଳେ ଆଜି ପହଞ୍ଚିଛନ୍ତି ଏନସିପି ସୁପ୍ରିମୋ ଶରଦ ପାଓ୍ବାର। ସେପଟେ ବିରୋଧୀ ମହାମେଳିର ସଫଳତା ଦେଖି ବିଜେପି ବିଚଳିତ । ବିଜେପି ନେତୃତ୍ବାଧୀନ ଏନଡିଏ ମେଣ୍ଟକୁ ନ୍ୟାସନାଲ ଡିଜାଷ୍ଟର ଆଲାଆନ୍ସ କହି ସମାଲୋଚନା କରିଛି କଂଗ୍ରେସ । ଇଣ୍ଡିଆ ନାମକରଣ ପଛରେ ଅନେକ କାରଣ ରହିଥିବା କୁହାଯାଉଛି ।

ଏହି ନାମକରଣ ପରେ ବିରୋଧୀ ନେତାମାନେ ଧଡ଼ାଧଡ଼ ‘ଚକ ଦେ ଇଣ୍ଡିଆ’ ଟ୍ୱିଟ୍ କରୁଛନ୍ତି । ଏଥିରୁ ଏକ ପ୍ରକାର ସ୍ପଷ୍ଟ ଯେ ସେମାନେ କେଉଁ ପ୍ରକାରର ଚାଲ ଖେଲିଛନ୍ତି । ଏବେ ନିର୍ବାଚନରେ ବାରମ୍ବାର ଇଣ୍ଡିଆ ନାଁ ଶୁଣାଯିବ, ଯାହା ରାଷ୍ଟ୍ରବାଦ ଭାବନାରେ ପ୍ରେରିତ ହେବ । ବିଜେପି ନେତୃତ୍ୱାଧୀନ ଏନଡିଏ ସବୁବେଳେ ରାଷ୍ଟ୍ରବାଦ କଥା କହିଥାଏ । ତେବେ ବିଜେପିର ଏହି ରାଷ୍ଟ୍ରବାଦକୁ ଟକ୍କର ଦେବା ପାଇଁ ବିରୋଧୀ ଇଣ୍ଡିଆ ଚାଲ୍ ଚାଲିଛନ୍ତି । ବୁଝାପଡ଼ୁଛି ଯେ ଏକ ନୂଆ ମୁଭମେଣ୍ଟ ସୃଷ୍ଟି କରିବା ଏବଂ ମୋଦି-ଶାହଙ୍କ ଯୋଡି ବିରୋଧରେ ମାହୋଲ ସୃଷ୍ଟି କରିବା ପାଇଁ ବହୁତ ବିଚାର ବିମାର୍ଶ କରି ଏହି ନାଁ ବଛାଯାଇଛି ।

ତେବେ ବିରୋଧୀ ମେଣ୍ଟର ଏହି ନୂଆ ନାଁକୁ ନେଇ ଔପଚାରିକ ଘୋଷଣା ହୋଇନାହିଁ । ଉଦ୍ଧବ ଠାକରେ ଗୋଷ୍ଠୀର ଶିବସେନା ନେତା ପ୍ରିୟଙ୍କା ଚତୁର୍ବେଦୀ ଟ୍ୱିଟ କରି କହିଛନ୍ତି ତେବେ ଏଥର ୨୦୨୪ ହେବ ‘ଟିମ୍ ଇଣ୍ଡିଆ ବନାମ ଟିମ୍ ଏନଡିଏ’ ଚକ ଦେ ଇଣ୍ଡିଆ । ସେହିପରି ରାଷ୍ଟ୍ରୀୟ ଜନତା ଦଳ (ଆରଜେଡି) ମଧ୍ୟ ଟ୍ୱିଟ କରିଛି ଯେ ବିରୋଧୀ ଦଳର ମେଣ୍ଟ ଭାରତର ପ୍ରତିନିଧିତ୍ୱ ଅଟନ୍ତି । ଏବେ ବିଜେପିକୁ ଇଣ୍ଡିଆ କହିବାରେ ମଧ୍ୟ କଷ୍ଟ ହେବ । ଅବଶ୍ୟ କିଛି ସମୟ ପରେ ଏହି ଟ୍ୱିଟ୍ ଡିଲେଟ କରାଯାଇଥିଲା । ସେହିପରି ଅନେକ କଂଗ୍ରେସ ନେତାମାନେ ମଧ୍ୟ ଇଣ୍ଡିଆ ନାମକରଣକୁ ନେଇ ଟ୍ୱିଟ୍ କରିଛନ୍ତି । ଏହି ନାଁରୁ ଅନୁମାନ କରାଯାଇପାରେ ଯେ ୨୦୨୪ ଲଢେଇ ବହୁତ ଜୋରଦାର ହେବ ।

ଦୁର୍ଘଟଣାରୁ ଅଳ୍ପକେ ବର୍ତ୍ତିଲା ମେମୁ ଟ୍ରେନ୍

ବାଲେଶ୍ବର : ବାଲେଶ୍ବରରେ ଦୁର୍ଘଟଣାରୁ ଅଳ୍ପକେ ବର୍ତ୍ତିଲା ମେମୁ । ଲୁପ୍ ଲାଇନରେ ପଶିଗଲା ମେମୁ ଟ୍ରେନ୍ । ଭଦ୍ରକରୁ ବାଲେଶ୍ୱର ଯାଉଥିଲା ମେମୁ ଟ୍ରେନ୍ । ନୀଳଗିରି ରେଡରେ ଦୁର୍ଘଟଣାରୁ ବର୍ତ୍ତିଲା ଟ୍ରେନ୍ । ଲୋକେ ପାଇଲଟଙ୍କ ଉପସ୍ଥିତ ବୁଦ୍ଧି ଯୋଗୁ ଟଳିଲା ଦୁର୍ଘଟଣା । ନୀଳଗିରି ରୋଡ଼ରେ ଦୁଇ ଘଣ୍ଟାରୁ ଅଧିକ ସମୟ ରହିଥିବା ବେଳେ ଲୋକପାଇଲଟ ଗାଡିକୁ ପଛକୁ ବ୍ରେକ କରି ପୁଣି ବାଲେଶ୍ୱର ଅଭିମୁଖେ ଯାଇଥିବା ଜଣାପଡ଼ିଛି । ବାଲେଶ୍ୱରଠାରେ ଯାତ୍ରୀମାନେ ୪ନମ୍ବର ଟ୍ରାକରେ ଗାଡି ପହଞ୍ଚିବା ପରେ ଯାତ୍ରମାନେ ଲୋକପାଇଲଟକୁ ଧନ୍ୟବାଦ ଜଣାଇଛନ୍ତି  ।

ସ୍ପାଏ ନୁହେଁ ତ ସୀମା ହାଇଦର, ଦୁଇ ଦିନ ଧରି ଏଟିଏସର ମାରାଥନ୍ ଜେରା

ନୁଆଦିଲ୍ଲୀ : ସୀମା ହାଇଦରର ସତ କଣ ? ସୀମା ଶତ୍ରୁ ରାଷ୍ଟ୍ର ପାକିସ୍ତାନର ସ୍ପାଏ ନୁହେଁ ତ ? ସୀମା ପାକ ଆର୍ମି କିମ୍ବା ଆଇଏସଆଇ ସହ ଲିଙ୍କରେ ନାହିଁ ତ ? ଏପରି ଅନେକ ପ୍ରଶ୍ନର ଉତ୍ତର ଖୋଜୁଛି ୟୁପି ଏଟିଏସ । ସୋମବାରଠାରୁ ଚାଲିଥିବା ପାକିସ୍ତାନୀ ସୀମା ହାଇଦର ଏବଂ ତାର ପ୍ରେମୀ ସଚିନକୁ ଉତ୍ତର ପ୍ରଦେଶ ଏଟିଏସର ଜେରା ଆଜି ବି ଜାରି ରହିଛି । ସୋମବାର ସୀମା, ସଚିନ ଓ ସଚିନର ବାପାଙ୍କୁ ଏଟିଏସ ୮ ଘଣ୍ଚା ଜେରା କରିଛି ।

ସୀମା ଓ ସଚିନକୁ ଏଟିଏସ ଅଲଗା ଅଲଗା ଜେରା କରୁଛି । ପଚରାଉଚରାରୁ ଏଟିଏସ ଅନେକ ରହସ୍ୟ ଉଗାରିବାରେ ସଫଳ ହୋଇଛି । ସଚିନ ପୂର୍ବରୁ ସୀମା ଅନେକ ଭାରତୀୟ ଯୁବକଙ୍କ ସହ ପବଜି ଜରିଆରେ ସଂପର୍କ ରଖିପାରିଥିଲା । ସେ ସବୁ ଯୁବକ ଦିଲ୍ଲୀ ଏନସିଆରର ଥିଲେ ବୋଲି ସୀମା ଏଟିଏସକୁ କହିଛି । ସୀମାକୁ ଏଟିଏସ ଏକ ଇଂରାଜୀ ଲାଇନ ପଢିବାକୁ କହିଥିଲା । ସୀମା ତାକୁ ବେଶ ପ୍ରଭାବଶାଳୀ ଢଙ୍ଗରେ ପଢି ସମସ୍ତଙ୍କୁ ଚମକାଇ ଦେଇଥିଲା । ଚିନ୍ତାର ବିଷୟ ହେଲା, ସୀମାର ଉତ୍ତର ଏତେ ସ୍ମାର୍ଟ ଯେ ଏଟିଏସ ବେଶ ସତର୍କ ହୋଇଉଠିଛି । ସୀମାକୁ କେହି କେଉଁଠୁ ଗାଇଡ କରୁଛି କି ନାହିଁ ତାହା ଜାଣିବାକୁ ଏଟିଏସ ଉଦ୍ୟମ କରୁଛି ।

ସୀମାର ପାକିସ୍ତାନୀ ଶ୍ବଶୁରଘର ଓ ବାପାଘର ଲୋକ କଣ କରନ୍ତି । କେଉଁଠି ରହୁଛନ୍ତି ସେ ନେଇ ଜାଣିବାକୁ ଚେଷ୍ଟା କରିଛି ଏଟିଏସ । କାରଣ ସୀମାର ଭାଇ ଓ ଦାଦା ପାକ ଆର୍ମିରେ ନିୟୋଜିତ ଥିବାରୁ ଏଟିଏସର ସନ୍ଦେହ ବୃଦ୍ଧି ପାଇଛି । ସେହିପରି ଭିସା, ପାସପୋର୍ଟ, ଆଧାରକାର୍ଡ ଏବଂ ପିଲାଙ୍କ ସଂପର୍କୀତ କାଗଜପତ୍ର ଯାଞ୍ଚ କରିଛି । ଏଟିଏସ ଗ୍ରେଟର ନୋଇଡା ରବୁପୂରା ଥାନା ପ୍ରଭାରୀଙ୍କୁ ମଧ୍ୟ ଡକା ଯାଇଥିଲା । ଯାଞ୍ଚ ବେଳେ ମିଳିଥିବା ତଥ୍ୟକୁ ଥାନା ପ୍ରଭାରୀ ଏଟିଏସକୁ ହସ୍ତାନ୍ତର କରିଛନ୍ତି । ସୀମାର ପାକିସ୍ତାନୀ ସ୍ବାମୀ ଗୁଲାମ ହାଇଦର ସହ ମଧ୍ୟ କଥା ହେବ ଏଟିଏସ୍।