ପୁରୀ: ପୁଣି ପୁରୀରେ ଫୁଟିଲା ଗୁଳି । ବାଶେଳୀ ସାହି ପୋଲିସର ଏନକାଉଣ୍ଟର । ଦୁର୍ଦ୍ଦାନ୍ତ ଅପରାଧୀ ପିନୁ ବରାଳକୁ ଏନକାଉଣ୍ଟର କରାଯାଇଥିବାବେଳେ ସେ ଆହତ ହୋଇଛନ୍ତି । ଲୋକନାଥ ରୋଡ ଶଙ୍ଖେଶ୍ୱର ଜଙ୍ଗଲରେ ଏନକାଉଣ୍ଟର ପୁଲିସ ଏନକାଉଣ୍ଟର କରିଥିବାବେଳେ ଅଭିଯୁକ୍ତ ପିନୁର ଗୋଡରେ ଗୁଳି ବାଜିଥିବା ସୂଚନା ମିଳିଛି । ତେବେ ପୁଲିସ ଅଭିଯୁକ୍ତଠାରୁ ଅଭିଯୁକ୍ତଠୁ ଗୋଟିଏ ପିସ୍ତଲ, ୨ଟି ଗୁଳି ଜବତ କରିଛି । ଅଭିଯୁକ୍ତ ପିନୁ ନାଁରେ ବିଭିନ୍ନ ଥାନାରେ ରହିଛି ୧୧ଟି ମାମଲା ରହିଛି ।
ଚନ୍ଦ୍ରଯାନର ସଫଳତାରେ ଦୁଇ ଓଡ଼ିଆ ବୈଜ୍ଞାନିକ, ୧୪ ବର୍ଷରୁ ଅଧିକ ସମୟ ଇସ୍ରୋରେ ଅଛନ୍ତି
ନନ୍ଦିଘୋଷ ବ୍ୟୁରୋ: ଚନ୍ଦ୍ରଯାନର ସଫଳତାରେ ଓଡ଼ିଆ ବୈଜ୍ଞାନିକଙ୍କ କାହାଣୀ । କେନ୍ଦ୍ରାପଡାର ଗୌରବ ପାଲଟିଛନ୍ତି ପଟ୍ଟାମୁଣ୍ଡାଇ ବାଲିଆର ମୂରଲୀଧର ନାୟକଙ୍କ ପୁଅ ସୁଶୀଲ କୁମାର ନାୟକ । ଇସ୍ରୋରେ ଫ୍ଲାଇଙ୍ଗ ଜୋନରେ କାର୍ଯ୍ୟ ଭାର ନେଇଥିଲେ ସୁଶୀଲ । ଚନ୍ଦ୍ରଯାନ-୩ର ସଫଳତା ପରେ କେନ୍ଦ୍ରାପଡ଼ା ତଥା ଓଡିଶାକୁ ଗର୍ବ ଆଣି ଦେଇଛନ୍ତି । ୨୦୦୯ରୁ ଦୀର୍ଘ ୧୪ ବର୍ଷ ଧରି ଇସ୍ରୋ, ଶ୍ରୀହରିକୋଟାରେ କାର୍ଯ୍ୟ କରି ପ୍ରଶଂସିତ ହୋଇଥିଲେ।
ତାଙ୍କର ପ୍ରମୋସନ ପରେ ସେ ଯାନ ତିଆରି ଯୋଜନାରେ ହେଡ୍ ଭାବେ କାର୍ଯ୍ୟ କରୁଛନ୍ତି । ଜଣେ ମଧ୍ୟବିତ ପରିବାରର ସୁଶୀଲ ଆଜି ତାଙ୍କ କାମ ଦ୍ବାରା ସୁନାମ ଅର୍ଜନ କରିଛନ୍ତି ।
ସେହିପରି ବ୍ରହ୍ମପୁର ଗୋଦାବରୀଶ ନଗର ପ୍ରଥମ ଲାଇନର ଦେବାଶିଷ ମହାପାତ୍ର । ଦେବାଶିଷ ଗତ ୨୦୦୬ ମସିହାରେ ଇସ୍ରୋରେ ଯୋଗ ଦେଇଥିଲେ । ୨୦୦୮ ମସିହାରେ ଜଣେ ଭଲ ବୈଜ୍ଞାନିକ ଭାବେ ଇସ୍ରୋ ପକ୍ଷରୁ ସେ ସମ୍ମାନିତ ହୋଇଥିଲେ । ଗତକାଲି ଚନ୍ଦ୍ରଯାନ-୩ ସଫଳତା ହେବା ପରେ ଦେବାଶିଷଙ୍କ ପରିବାର ଲୋକେ ତାଙ୍କ ସହ କଥା ହେବା ସହ ସଫଳତା ପାଇଁ ଶୁଭେଚ୍ଛା ମଧ୍ୟ ଜ୍ଞାପନ କରିଛନ୍ତି।
୩ କୋଟି ହେରଫେର କରିଛନ୍ତି DFO ! ରାୟଗଡ଼ା ଓ ଭୁବନେଶ୍ବର ସହ ୭ଟି ସ୍ଥାନରେ ରେଡ୍
ରାୟଗଡା: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗ । ରାୟଗଡ଼ା ଡିଏଫଓ ବିଜୟ କୁମାର ପରିଡ଼ାଙ୍କ ଘରେ ଭିଜିଲାନ୍ସ ରେଡ୍ । ପୂର୍ବରୁ ତାଙ୍କ ନାଁରେ ଲୋକାୟୁକ୍ତଙ୍କ ନିକଟରେ ଅଭିଯୋଗ ହୋଇଥିଲା । ରାୟଗଡ଼ା, ଭୁବନେଶ୍ବର, କଟକ ଓ ଯାଜପୁରର ୭ଟି ସ୍ଥାନରେ ଚାଲିଛି ମାରାଥନ ରେଡ୍ । ରାୟଗଡ଼ା ସମେତ ରାଜ୍ୟର ଅନ୍ୟ ସ୍ଥାନରେ ମଧ୍ୟ ଚଢ଼ାଉ ହୋଇଛି।
ରାୟଗଡ଼ା କାଳୀପୂଜା ପଡ଼ିଆରେ ଥିବା ସରକାରୀ କ୍ବାର୍ଟର୍ସ, ରାଣୀଗୁଡ଼ା ଫାର୍ମରେ ଥିବା ଅଫିସରେ ଚାଲିଛି ଚଢ଼ାଉ । ସେହିପରି ଭୁବନେଶ୍ବର ପଟିଆ କଳାରାହାଙ୍ଗରେ ଥିବା ଆଶୀର୍ବାଦ ପ୍ଲାଜାର ବ୍ଲକ୍-ଏ ତୃତୀୟ ମହଲାରେ ଚାଲିଛି ଭିଜିଲାନ୍ସ ରେଡ୍ । ସମ୍ପର୍କୀୟଙ୍କ ଶିଶୁବିହାରରେ ଥିବା ଭଡ଼ା ଘର, ଯାଜପୁର କଳିଙ୍ଗନଗର ଦାମୋଦରପୁରରେ ଥିବା ପୈତୃକ ଗାଁରେ ଚାଲିଛି ରେଡ୍ ।
ଡିଏଫଓଙ୍କ କଟକ ସଦର ଥାନା ଶ୍ରୀକୋରୁଆଁ ସ୍ଥିତ ସମ୍ପର୍କୀୟଙ୍କ ଘରେ ଚାଲିଛି ଛାନବିନ୍ । ଡିଏଫଓଙ୍କ ସମ୍ପର୍କୀୟ ସାରଦା ବେହେରାଙ୍କ ବାସଭବନ ଓ ବିବାହ ମଣ୍ଡପରେ ରେଡ୍ ଚାଲିଛି । ଚଢ଼ାଉ ସମୟରେ ବୀମା ରସିଦ ଓ ବଣ୍ଡ୍ ସମେତ ବ୍ୟାଙ୍କ ଡିପୋଜିଟ କାଗଜପତ୍ର ଠାବ କରିଛି ଭିଜିଲାନ୍ସ ଟିମ୍।ଚଢ଼ାଉ ବେଳେ ୮ଡିଏସପି, ୬ ଇନସପେକ୍ଟର ସାମିଲ ଅଛନ୍ତି । ମୁନିଗୁଡା ରେଞ୍ଜରେ 3କୋଟି ଟଙ୍କା ଦୁର୍ନୀତି ସମ୍ପର୍କରରେ ସିବିଆଇ ଲଣ୍ଡା ପାହାଡ଼ରେ ବୃକ୍ଷରୋପଣ ନାମରେ 3କୋଟି ଟଙ୍କାର ହେରଫେରକୁ ଲୋକାୟୁକ୍ତକୁ ଦୃଷ୍ଟି ଆକର୍ଷଣ କରାଯାଇଛି।
ଏହି ୩ଦିନ ପାଇଁ ଛୁଟି ଘୋଷଣା କଲେ ସରକାର
ନୂଆଦିଲ୍ଲୀ: ସରକାରୀ ଚାକିରିଆଙ୍କ ପାଇଁ ଖୁସି ଖବର । ୩ଦିନର ଛୁଟି ଘୋଷଣା କଲେ କେନ୍ଦ୍ର ସରକାର । ଦେଶର ରାଜଧାନୀ ଦିଲ୍ଲୀରେ କାମ କରୁଥିବା ସରକାରୀ କର୍ମଚାରୀଙ୍କ ପାଇଁ ୩ଦିନର ଛୁଟି ଘୋଷଣା କରାଯାଇଛି । ସେପ୍ଟେମ୍ବର ୮ ତାରିଖରୁ ୧୦ ତାରିଖ ପର୍ଯ୍ୟନ୍ତ ୩ଦିନର ଛୁଟି ଘୋଷଣା କରିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ । ଦିଲ୍ଲୀରେ ଜି-୨୦ ବୈଠକ ଅନୁଷ୍ଠିତ ହେବାକୁ ଥିବାବେଳେ ସରକାରୀ ଏବଂ ବେସରକାରୀ କାର୍ଯ୍ୟାଳୟକୁ ଛୁଟି ଘୋଷଣା କରାଯାଇଛି ।
ଦିଲ୍ଲୀ ସରକାରଙ୍କ ସର୍କୁଲାର ଅନୁଯାୟୀ ସହରର ସମସ୍ତ ସ୍କୁଲ, କଲେଜ ଏବଂ ଦିଲ୍ଲୀର ମ୍ୟୁନିସିପାଲିଟି କର୍ପୋରେସନ୍ (ଏମସିଡି)ର କାର୍ଯ୍ୟାଳୟ ମଧ୍ୟ ଏହି ତିନି ଦିନ ପାଇଁ ବନ୍ଦ ରହିବ। ଏହି ତିନି ଦିନିଆ ଛୁଟିଦିନରେ ସୁରକ୍ଷା କାରଣରୁ ସୁପ୍ରିମକୋର୍ଟ ଏବଂ କେନ୍ଦ୍ରୀୟ ସଚିବାଳୟ ସମେତ କେତେକ ମେଟ୍ରୋ ଷ୍ଟେସନ ମଧ୍ୟ ବନ୍ଦ ହେବାର ସମ୍ଭାବନା ରହିଛି। ଛୁଟିଦିନରେ ଅତ୍ୟାବଶ୍ୟକ ସେବା ବ୍ୟତୀତ ଭାରୀ ଯାନଗୁଡିକ ମଧ୍ୟ ୮ ରୁ ୧୦ ସେପ୍ଟେମ୍ବର ମଧ୍ୟରେ ଦିଲ୍ଲୀ ପ୍ରବେଶ କରିବାକୁ ଅନୁମତି ଦିଆଯିବ ନାହିଁ ଜ୍ଝ ନୂଆଦିଲ୍ଲୀ ଜିଲ୍ଲାର ସମସ୍ତ ମଲ୍ ମଧ୍ୟ ବନ୍ଦ ରହିବ। ସାମଗ୍ରୀ ଯାନ ଏବଂ ବସ୍ ବ୍ୟତୀତ ସମସ୍ତ ଯାନକୁ ରାଜୋକ୍ରି ସୀମାରୁ ଦିଲ୍ଲୀ ପ୍ରବେଶ କରିବାକୁ ଅନୁମତି ଦିଆଯିବ ।
ଆସିଲା ରିପୋର୍ଟ, କରୋନା ଏବଂ ମୁଦ୍ରାସ୍ଫୀତି ଲୋକଙ୍କ ଗରିବୀର ମୁଖ୍ୟ କାରଣ
ନନ୍ଦିଘୋଷ ବ୍ୟୁରୋ: ମହାମାରୀ କରୋନା ଓ ମୁଦ୍ରାସ୍ଫୀତି ଏସିଆର କୋଟି କୋଟି ଲୋକଙ୍କୁ ଦୁର୍ବିସହ ମଧ୍ୟକୁ ଠେଲିଦେଇଛି । ଗତବର୍ଷ ସୁଦ୍ଧା ଏସିଆର ୬ କୋଟି ୮୦ ଲକ୍ଷ ଲୋକ ଦାରିଦ୍ର୍ୟ ମଧ୍ୟକୁ ଚାଲିଯାଇଛନ୍ତି । କରିଛି ଏସିଆନ ଡେଭଲେପମେଣ୍ଟ ବ୍ୟାଙ୍କ ବା ଏଡିବି ଏନେଇ ରିପୋର୍ଟ ପ୍ରଦାନ କରିଛି । ଏଡିବିର ନୂଆ ରିପୋର୍ଟ ଅନୁସାରେ ଏସିଆର ୧୫୫.୨ ନିୟୁତ ଲୋକ ଅର୍ଥାତ ଏସିଆର ମୋଟ ଜନସଂଖ୍ୟାର ୩.୯ ପ୍ରତିଶତ ସମ୍ପର୍ଣ୍ଣ ଦାରିଦ୍ର୍ୟ ମଧ୍ୟକୁ ଠେଲି ହୋଇଯାଇଛନ୍ତି । ୬୭.୮ ନିୟୁତ ଲୋକ ସ୍ବାସ୍ଥ୍ୟ ସେବାରୁ ବଞ୍ଚିତ ହେବା ସହ ସେମାନଙ୍କ ଜୀବନ ଦୁର୍ବିସହ ହୋଇଛି । ଏସୀୟ-ପ୍ରଶାନ୍ତ ଅଞ୍ଚଳର ୪୬ଟି ରାଷ୍ଟ୍ରକୁ ନେଇ ଏଡିବିର ଏହି ରିପୋର୍ଟ ଚିନ୍ତା ସୃଷ୍ଟି କରିଛି । ଏସିଆ ଓ ପ୍ରଶାନ୍ତ ମହାସାଗରୀୟ ଅଞ୍ଚଳ ବର୍ତ୍ତମାନ ପୂର୍ବସ୍ଥିତିକୁ ଫେରିଆସିବାରେ ଲାଗିଛି । କିନ୍ତୁ ଜୀବନ ଧାରଣଜନିତ ଖର୍ଚ୍ଚ ବୃଦ୍ଧି ଯୋଗୁ ବିକାଶ ବାଧାପ୍ରାପ୍ତ ହୋଇଛି । ଏହା ସହ ଦାରିଦ୍ର୍ୟ ଦୂରୀକରଣ ଦିଗରେ ଅଭିଯାନ ବାଧାପ୍ରାପ୍ତ ହୋଇଛି ବୋଲି କହିଛନ୍ତି ଏଡିବି ମୁଖ୍ୟ ଅର୍ଥନୀତିଜ୍ଞ ଆଲବର୍ଟ ପାର୍କ । ଯେଉଁମାନେ ଦୈନିକ ୨ ଦଶମିକ ୧୫ ଡଲାରରୁ କମ୍ ଖର୍ଚ୍ଚରେ ଜୀବନ ଧାରଣ କରିଥାନ୍ତି ସେମାନଙ୍କୁ ଅତ୍ୟଧିକ ଦରିଦ୍ର ବୋଲି କୁହାଯାଇଥାଏ । ଯୋଗାଣ ଶୃଙ୍ଖଳରେ ବାଧା ଏବଂ ଅର୍ଥନୈତିକ କାର୍ଯ୍ୟକଳାପରେ ସଂକଟ ଅଧିକାଂଶ ଦେଶରେ ମୁଦ୍ରାସ୍ଫୀତି ଗତବର୍ଷ ଆକାଶ ଛୁଆଁ ହୋଇଥିଲା । ସମସ୍ତଙ୍କୁ ଦରବୃଦ୍ଧି ଘାଣ୍ଟିଥିଲା ମାତ୍ର ଗରିବମାନେ ସବୁଠାରୁ ଅଧିକ ଶିକାର ହୋଇଥିଲେ । ସେମାନେ ଖାଦ୍ୟ ଓ ଇନ୍ଧନ ଲାଗି ଅଧିକ ବ୍ୟୟ କରିବାକୁ ବାଧ୍ୟ ହୋଇଥିଲେ ଏବଂ ଏଥିଲାଗି ସେମାନେ ଶିକ୍ଷା ଓ ସ୍ବାସ୍ଥ୍ୟ ସେବା ଲାଗି ବିଶେଷ କିଛି ଖର୍ଚ୍ଚ କରିପାରି ନଥିଲେ ବୋଲି ରିପୋର୍ଟରେ କୁହାଯାଇଛି । ସ୍ଥିତି ଏପରି ହୋଇଛି ଯେ ୨୦୩୦ ସୁଦ୍ଧା ଏହି ଅଞ୍ଚଳର ପ୍ରାୟ ୧୨୬ କୋଟି ଲୋକ ଅର୍ଥନୈତିକ ଭାବେ ଦୁର୍ବଳ ରହିବେ ।
ଅକ୍ଷୟ କୁମାର ଏବଂ ରବିନାଙ୍କ ମଧ୍ୟରେ କାହିଁକି ହୋଇଥିଲା ବ୍ରେକଅପ୍?
ମୁମ୍ବାଇ: ବଲିଉଡର ଖିଲାଡ଼ି ଷ୍ଟାର ଅକ୍ଷୟ କୁମାର ଏବଂ ରବିନା ଟଣ୍ଡନଙ୍କ ପ୍ରେମ ଗଣମାଧ୍ୟମରେ ଚର୍ଚ୍ଚାର ବିଷୟ ପାଲଟିଥିଲା । ଫିଲ୍ମ ମୋହରାରୁ ଆରମ୍ଭ ହୋଇଥିବା ଏହି ପ୍ରେମ ବିବାହର ରୂପ ନେବାକୁ ଯାଉଥିଲା । ତେବେ କେଉଁ କାରଣରୁ ସେମାନଙ୍କ ମଧ୍ୟରେ ବ୍ରେକଅପ ହେଲା ଏହାର ଏକ ଗୁମର ଲୁଚି ରହିଛି । ଏମାନଙ୍କ ବିଚ୍ଛେଦ ପଛରେ ଅନ୍ୟଜଣେ ନାୟିକାଙ୍କ ଭୂମିକା ରହିଛି । ଯିଏକି ଅକ୍ଷୟ କୁମାରଙ୍କଠାରୁ ବୟସ୍କ । ବଲିଉଡର ଜଣାଶୁଣା ଅଭିନେତ୍ରୀ ରେଖାଙ୍କ ପାଇଁ ରବିନା ଏବଂ ଅକ୍ଷୟଙ୍କ ଯୋଡ଼ି ଭାଙ୍ଗିଥିବା କୁହାଯାଏ । ଅନସ୍କ୍ରିନ ରୋମାନ୍ସରୁ ଆରମ୍ଭ ହୋଇଥିବା ପ୍ରେମ ବିଚ୍ଛେଦର ମୁଖ୍ୟ କାରଣ ରେଖା ବୋଲି ଏକ ଇଣ୍ଟରଭିୟୁରେ ନିଜେ କହିଛନ୍ତି ରବିନା । ସେ କହିଛନ୍ତି କି, ଆମର ବିବାହ ହେବାକୁ ଯାଉଥିଲା । କିନ୍ତୁ ସେହି ସମୟ ମଧ୍ୟରେ ଖିଲାଡ଼ି ଓ୍ବୋକା ଖିଲାଡ଼ି ଫିଲ୍ମ ରିଲିଜ ହୋଇଥିଲା । ଏହାପରେ ଏକ ପାର୍ଟିର ଆେୟାଜନ କରିଥିଲା ପ୍ରଯୋଜନା ସଂସ୍ଥା । ଯେଉଁ ପାର୍ଟିରେ ରବିନା ମଧ୍ୟ ଯୋଗ ଦେଇଥିଲେ । କିନ୍ତୁ ଅକ୍ଷୟ କୁମାର ଏହି ପାର୍ଟିରେ ରେଖାଙ୍କୁ ଅଧିକ ପ୍ରାଧାନ୍ୟ ଦେଇଥିଲେ । ପାର୍ଟି ଶେଷ ହେବା ପର୍ଯ୍ୟନ୍ତ ଉଭୟ ଏକାଠି ନଜର ଆସିଥିଲେ । ଯାହାକି ରବିନାଙ୍କୁ ଅତ୍ୟନ୍ତ ଦୁଃଖ ଦେଇଥିଲା । ଏମିତିକି ରେଖା ଏବଂ ଅକ୍ଷୟଙ୍କ ମଧ୍ୟରେ ରିଲେସନ ଥିବା ଯୁକ୍ତି ବାଢ଼ିଛନ୍ତି ରବିନା । ଶେଷରେ ରବିନା ଅକ୍ଷୟଙ୍କ ସହ ବ୍ରେକଅପ କରିବା ସହ ୨୦୦୪ ମସହାରେ ଅନୀଲ ଥଣ୍ଡାନିଙ୍କୁ ବିବାହ କରିଥିଲେ ।
ଜିନ୍ନା ହାଉସ ଉପରେ ଆକ୍ରମଣ ଅଭିଯୋଗ, ତଦନ୍ତ ସହ ଗିରଫ ଲାଗି ଲାହୋର ପୋଲିସକୁ ନିର୍ଦ୍ଦେଶ
ଇସଲାମାବାଦ: ବଢିଲା ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଅଡୁଆ । ତୋଷଖାନା ମାମଲାରେ ଜେଲରେ ଥିବା ଇମ୍ରାନଙ୍କ ବିରୋଧରେ ଅନ୍ୟ ଏକ ଘଟଣାର ତଦନ୍ତ କରିବା ସହ ତାଙ୍କୁ ଗିରଫ କରିବା ଲାଗି ଲାହୋର ପୋଲିସକୁ ଅନୁମତି ଦେଇଛନ୍ତି ଆତଙ୍କବାଦୀ ବିରୋଧୀ କୋର୍ଟ । ଗତ ମେ ୯ ତାରିଖରେ ଘଟିଥିବା ହିଂସା ତଥା ଜିନ୍ନା ହାଉସ ଉପରେ ଆକ୍ରମଣ ଅଭିଯୋଗରେ ଇମ୍ରାନଙ୍କ ବିରୋଧରେ ମାମଲା ରୁଜୁ ହୋଇଥିଲା । ତୋଷଖାନା ମାମଲାରେ ବର୍ତ୍ତମାନ ଆତୋକ ଜେଲରେ ଅଛନ୍ତି ଇମ୍ରାନ ।
ସେପଟେ ଜିନ୍ନା ହାଉସ ଆକ୍ରମଣ ମାମଲାରେ ପୋଲିସ କାର୍ଯ୍ୟାନୁଷ୍ଠାନ ଇମ୍ରାନଙ୍କ ଲାଗି ଅଧିକ ସଙ୍କଟ ସୃଷ୍ଟି କରିଛି । ଅଲକାଦିର ଟ୍ରଷ୍ଟ ମାମଲାରେ ଦୋଷୀ ସାବ୍ୟସ୍ତ ହେବା ପରେ ଗତ ମେ ୯ ତାରିଖରେ ବିଭିନ୍ନ ସ୍ଥାନରେ ହୋଇଥିଲା ହିଂସା । ସେପଟେ ତୋଷଖାନା ମାମଲାରେ ଇମ୍ରାନଙ୍କୁ ସୁରକ୍ଷା ଦେବା ଲାଗି ପାକିସ୍ତାନ ସୁପ୍ରିମକୋର୍ଟ ପ୍ରଧାନ ବିଚାରପତି ଉମର ଆଟା ବନ୍ଦିଆଲ ଉଦ୍ୟମ କରୁଛନ୍ତି ବୋଲି ଅଭିଯୋଗ କରିଛନ୍ତି ପୂର୍ବତନ ପ୍ରଧାନମନ୍ତ୍ରୀ ତଥା ପିଏମଏଲ ନେତା ନଓ୍ବାଜ ସରିଫ ।
ଅର୍ଥ ହେରଫେର ମାମଲା, ଝାଡ଼ଖଣ୍ଡ ମୁଖ୍ୟମନ୍ତ୍ରୀଙ୍କୁ ଇଡି ସମନ
ରାଞ୍ଚି: ଅର୍ଥ ହେରଫେର ମାମଲା । ବଢ଼ିଲା ଝାଡଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ଅଡୁଆ । ଝାଡଖଣ୍ଡ ମୁଖ୍ୟମନ୍ତ୍ରୀଙ୍କୁ ସମନ କରିଛି ଇଡି। ମନି ଲଣ୍ଡରିଂ ମାମଲାରେ ସମନ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ । ଆଜି ଇଡି କାର୍ଯ୍ୟାଳୟରେ ହାଜର ହୋଇପାରନ୍ତି ସୋରେନ । ଗତ ୧୪ ତାରିଖରେ ସୋରେନଙ୍କୁ ସମନ ହୋଇଥିଲେ ବି ସେ ହାଜର ହେବାକୁ ଅଧିକ ସମୟ ମିଗିଥିଲେ । ମୁଖ୍ୟମନ୍ତ୍ରୀଙ୍କୁ ସମନ ନେଇ କେନ୍ଦ୍ରକୁ ଟାର୍ଗେଟ କରିଛି କଂଗ୍ରେସ । ଇଡି, ସିବିଆଇ ଭଳି ସଂସ୍ଥା କେନ୍ଦ୍ର ସରକାରଙ୍କ ଇଙ୍ଗୀତରେ କାର୍ଯ୍ୟ କରୁଛନ୍ତି । କେନ୍ଦ୍ରୀୟ ସଂସ୍ଥାର ଦୁରୂପଯୋଗ କରାଯାଇ ରାଜନୈତିକ ପ୍ରତିପକ୍ଷଙ୍କଠାରୁ ପ୍ରତିଶୋଧ ନିଆଯାଇଛି ବୋଲି କଂଗ୍ରେସ ନେତା ରାକେଶ ସିହ୍ନା କହିଛନ୍ତି । ରାଜନୈତିକ ଫାଇଦା ପାଇଁ ତଦନ୍ତକାରୀ Eସଂସ୍ଥାଗୁଡ଼ିକର ଦୁରୂପଯୋଗ କରାଯାଉଛି ବୋଲି ସିହ୍ନା କହିଛନ୍ତି । ଅର୍ଥ ହେରଫେର ମାମଲାରେ ଇଡି ହେମନ୍ତ ସୋରେନଙ୍କୁ ଗତ ନଭେମ୍ବରରେ ପାଖାପାଖି ୧୦ ଘଣ୍ଟା ଜେରା କରିଥିଲା । ୧ ହଜାର କୋଟିରୁ ଅଧିକ ଟଙ୍କାର ବେଆଇନ ଖଣି ଖନନ ହୋଇଥିବା ଇଡି ଅଭିଯୋଗ ହୋଇଛି ।
ହିମାଚଳ ଜଳ ପ୍ରଳୟର ୫ ଛାତିଥରା ଘଟଣା
ସିମଲା: ହିମାଚଳ ପ୍ରଦେଶରେ ଜଳ ପ୍ରଳୟ । ଲୋକେ ବିପଦ ସଙ୍କେତ ଅବସ୍ଥାରେ ରହିଥିବାବେଳେ ଅନେକଙ୍କ ଜୀବନ ଯାଇଛି । ଗୋଟିଏ ମାସ ମଧ୍ୟରେ ୩ଟି ଛାତିଥରା ଘଟଣା ସାମନାକୁ ଆସିଛି । ଭୂସ୍ଖଳନ ଧନ ଜୀବନ ବିପଦରେ ପକାଇଛି । ଆଖି ପିଛୁଳାକେ ଘର ଭୁଶୁଡ଼ିଛି ଏବଂ ଜଳ ପ୍ରଳୟ ବିପଦ ଆଣିଛି । ଯାହାର ଭିଡିଓ ସୋସିଆଲ ମିଡିଆରେ ମଧ୍ୟ ଭାଇରାଲ ହୋଇଥିବା ନଜରକୁ ଆସିଛି । ତେବେ ଆସନ୍ତୁ ନଜର ପକାଇବା ହିମାଚଳର ୫ଟି ଘଟଣା ଉପରେ..
କୁଲ୍ଲୁରେ ଆଖି ପିଛୁଳାକେ ଭୁଶୁଡ଼ିଲା କୋଠା
ହିମାଚଳ ପ୍ରଦେଶର କୁଲ୍ଲୁ ଜିଲ୍ଲାର କୋଠା ଭୁଶୁଡ଼ୁଥିବାର ଏକ ଛାତିଥରା ଦୃଶ୍ୟ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ଯାହାକି ଆନି ବସଷ୍ଟାଣ୍ଡର । ୪ ମହଲା ବିଶିଷ୍ଟ ଏହି କୋଠା ଭୁଶୁଡ଼ିଥିବାବେଳେ କାହାରି ମୃତ୍ୟୁ ହୋଇନାହିଁ ।
ଆଇଜିଏମସିରେ ବର୍ଷାର ବିତ୍ପାତ
ହିମାଚଳର ରାଜଧାନୀ ସିମଲାରେ ଥିବା ବଡ଼ ହସ୍ପିଟାଲ ଆଇଜିଏମସି ମେଡ଼ିକାଲରେ ବର୍ଷା ଗଳିଛି । ବର୍ଷାର ପରିମାଣ ଏତେ ଅଧିକ ହୋଇଥିଲା କି, ସ୍ପେଶାଲ ଓ୍ବାର୍ଡରୁ ପାଣି ଗଳିବା ସହ ଜଳମୟ ହୋଇଯାଇଥିଲା ।
ଚଣ୍ଡିଗଡ଼-ମନାଲିର ଫ୍ଲୋରଲେନର ଟନେଲରେ ପାଣି
ଚଣ୍ଡିଗଡ଼-ମନାଲିର ଫ୍ଲୋରଲେନର ଟନେଲରେ ପାଣି । ପ୍ରବଳ ବର୍ଷାରେ ବ୍ରିଜ୍ ଉପରେ ଜଳ ପ୍ରବାହିତ ହୋଇଥିଲା ।
ମଣ୍ଡି ଠାରୁ ମନାଲି ପର୍ଯ୍ୟନ୍ତ ରାସ୍ତାରେ ଆବର୍ଜନା
ହିମାଚଳ ପ୍ରଦେଶରେ ପ୍ରବଳ ବର୍ଷା ହେତୁ ଅନେକ ଜିଲ୍ଲାର ଆବର୍ଜନା ଓ ପଥର ଦ୍ୱାରା ଅନେକ ରାସ୍ତା ଅବରୋଧ କରାଯାଇଛି। ବର୍ଷା ହେତୁ ରାଜ୍ୟର ଅନେକ NH ମଧ୍ୟ ବନ୍ଦ ରହିଛି। ବିଭାଗୀୟ ଦିଗରୁ ରୁଟ ଖୋଲିବାର ପ୍ରକ୍ରିୟା ଚାଲିଛି। ମଣ୍ଡି ଜିଲ୍ଲାର ଏକ ଭିଡିଓ ଭାଇରାଲ ହେବାରେ ଲାଗିଛି। ଏହି ଭିଡିଓରେ ରାସ୍ତାରେ ଜଳର ବନ୍ୟା ପରିସ୍ଥିତି ଦେଖାଯାଉଛି।
ସୁପ୍ରିୟାଙ୍କ ବଡ଼ ଖୁଲାସା, NCPରେ କୌଣସି ଫାଟ ନାହିଁ
ମହାରାଷ୍ଟ୍ର: ଘଡ଼ିକେ ଘୋଡ଼ା ଛୁଟୁଥିବା ମହାରାଷ୍ଟ୍ର ରାଜନୀତି ବୁଝିବା କାଠିକର ପାଠ । କିଏ କେତେବେଳେ କାହା ସହ ମେଣ୍ଟ କରୁଛି ତ ଆଉ କିଏ ଦଳ ଛାଡ଼ୁଛି । ତେବେ କିଛିଦିନ ତଳେ ଏନସିପି ନେତା ଅଜିତ ପାଓ୍ବାର ମହାରାଷ୍ଟ୍ରର ଏକନାଥ ସିନ୍ଧେଙ୍କ ସରକାରରେ ଯୋଗ ଦେବା ସହ ଉପମୁଖ୍ୟମନ୍ତ୍ରୀ ହୋଇଛନ୍ତି । ତେବେ ଏନସିପିରେ ଫାଟ ହୋଇଛି ଏବଂ ଦାଦା ଶରଦ ପାଓ୍ବାରଙ୍କୁ ଧୋକା ଦେଇଥିବା ଭଳି ଖବର ଗଣମାଧ୍ୟମରେ ପ୍ରସାରିତ ହେଉଛି । କିନ୍ତୁ ଏହାକୁ ଖଣ୍ଡନ କରିଛନ୍ତି ଶରଦ ପାଓ୍ବାରଙ୍କ ଝିଅ ସୁପ୍ରିୟା ସୁଲେ । ପୁଣେରେ ଅନୁଷ୍ଠିତ ଏକ କାର୍ଯ୍ୟକ୍ରମରେ ଯୋଗଦେବା ସହ କହିଛନ୍ତି କି, ଏନସିପିରେ କୌଣସି ଫାଟ ନାହିଁ । ଅଜିତ ପାଓ୍ବାର ହେଉଛନ୍ତି ଆମ ଦଳର ଜଣେ ବରିଷ୍ଠ ନେତା । ଯିଏକି ଭିନ୍ନ ଆଭିମୁଖ୍ୟ ଗ୍ରହଣ କରିଛନ୍ତି ।