ଲକ୍ଷ୍ନୌ: ଉତ୍ତର ପ୍ରଦେଶର ରାଜଧାନୀ ଲକ୍ଷ୍ନୌର ୱାଜିର ହାସନ ରୋଡରେ ଥିବା ଗୋଟିଏ ୫ ମହଲା ବିଶିଷ୍ଟ ବିଲଡିଂ ହଠାତ୍ ଭୁଶୁଡ଼ି ପଡ଼ିଛି । ଘଟଣାରେ ୩ ଜଣଙ୍କ ମୃତ୍ୟୁ ହୋଇଛି । ଆଉ ୩ ଜଣଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି । କିଛି ଲୋକ ଭଗ୍ନାଂଶ ତଳେ ଚାପି ହୋଇ ରହିଥିବା ଆଶଙ୍କା କରାଯାଉଛି । ଦିଲ୍ଲୀ ସମେତ ଉତ୍ତର ଭାରତର ଅଧିକାଂଶ ସ୍ଥାନରେ ଭୂକମ୍ପ ଝଟକା ଅନୁଭତ ହୋଇଥିଲା ।

ଏହି ବିଲଡିଂ ଉପରେ ଭୂକମ୍ପ ଝଟକାର ପ୍ରଭାବ ପଡ଼ିଥିବା କୁହାଯାଉଛି । ପ୍ରଶାସନ ପକ୍ଷରୁ କୌଣସି ସ୍ପଷ୍ଟୀକରଣ ଦିଆଯାଇନି । ବିଲଡିଂ ଭୁଶୁଡ଼ିବା ଯୋଗୁ ୪ଟି ପରିବାର ଲୋକ ପ୍ରଭାବିତ ହୋଇଛନ୍ତି । ପରିବାରରେ ରହୁଥିବା କିଛି ଲୋକ ଧ୍ୱଂସାବଶେଷ ତଳେ ଚାପି ହୋଇଯାଇଥିଲେ । ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ତୁରନ୍ତ ଘଟଣା ସ୍ଥଳରେ ପହଞ୍ଚିଥିଲେ । ମାଟି ଅତଡ଼ା ତଳକୁ ୬ ଜଣଙ୍କୁ ଉଦ୍ଧାର କରି ହସ୍ପିଟାଲ ନିଆଯାଇଥିଲା । ଏସଡିଆରଏଫ, ଏନଡିଆରଏଫ ଏବଂ ୧୨ ଜେସିବି ଉଦ୍ଧାର କାର୍ଯ୍ୟରେ ଲାଗିଛନ୍ତି ।

ଉଦ୍ଧାର କାର୍ଯ୍ୟ ପାଇଁ ସେନା ମଧ୍ୟ ଘଟଣା ସ୍ଥଳରେ ପହଞ୍ଚିଛି । ୩୦ରୁ ୪୦ ଜଣ ଭଗ୍ନାଂଶ ତଳେ ଚାପି ହୋଇ ରହିଥିବା ଆଶଙ୍କା କରାଯାଉଛି । ଦୁର୍ଘଟଣା ଟି ସହରର ହସନଗଞ୍ଜ ରୋଡ ସ୍ଥିତ ଅଳାୟା ଆପାର୍ଟମେଣ୍ଟରେ ହୋଇଛି । କୁହାଯାଉଛି ୟେ ବିଲ୍ଡିଂ ଭିତରେ ବେସମେଣ୍ଟରେ ଖୋଳା କାର୍ଯ୍ୟ ଚାଲିଥିଲା, ଯେଉଁ କାରଣରୁ ଏହି ଦୁର୍ଘଟଣା ହୋଇଛି । କିଛି ଲୋକଙ୍କ କହିବା ଅନୁସାରେ ଭୂମିକମ୍ପ କାରଣରୁ ବିଲ୍ଡିଂରେ ଫାଟ ଆସିଥିଲା ଏବଂ ଏହା ଭୁଶୁଡ଼ି ପଡ଼ିଥିଲା । ଦୁର୍ଘଟଣାରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଦୁଃଖବ୍ୟକ୍ତି କରିଛନ୍ତି ।