ଲାହୋର: ଗତବର୍ଷ ଇମ୍ରାନ ଖାନଙ୍କ ଉପରେ ହୋଇଥିବା ଆକ୍ରମଣ ମାମଲାରେ ହୋଇଛି ବଡ଼ ଖୁଲାସା । ଗତ ନଭେମ୍ବରରେ ବଜୀରାବାଦ ଅଂଚଳରେ ବାହାରିଥିବା ଏକ ନିର୍ବାଚନୀ ପ୍ରଚାର ରାଲିରେ ତାଙ୍କ ଉପରେ ଆକ୍ରମଣ ହୋଇଥିଲା । ଏହି ଆକ୍ରମଣରେ ସେ ଗୁରୁତର ଆହତ ହୋଇଥିଲେ । ଦୁଇ ବନ୍ଧୁକଧାରୀ ତାଙ୍କ ଉପରେ ଆକ୍ରମଣ କରିଥିଲେ । ତେବେ ଏହି ମାମଲାକୁ ଯାଂଚ କରୁଥିବା ଜିଆଇଟି ଏକ ବଡ଼ ଖୁଲାସା କରିଛନ୍ତି । ଯାଂଚ କରିଥିବା ଦଳ ପ୍ରକାଶ କରିଛନ୍ତି ଯେ, ଇମ୍ରାନ ଖାନଙ୍କ ଉପରେ ଆକ୍ରମଣ କରିଥିବା ମୋଟ ୪ଜଣ ବନ୍ଧୁକଧାରୀ ସେଠାରେ ଉପସ୍ଥିତ ଥିଲେ ଓ ସେମାନେ ଇମ୍ରାନ ଖାନଙ୍କୁ ଚାରିପଟୁ ଆକ୍ରମଣ କରିଥିଲେ । ଏହି ମାମଲାରେ ଗିରଫ ହୋଇଥିବା ଅଭିଯୁକ୍ତ ସମେତ ଆହୁରି ୩ଜଣ ସୁଟର ସେଠାରେ ଉପସ୍ଥିତ ଥିଲେ ବୋଲି ଯାଞ୍ଚ କରୁଥିବା ଦଳ କହିଛନ୍ତି ।
ପାକିସ୍ତାନର ତହରୀକ-ଏ-ଇନସାଫର ଅଧ୍ୟକ୍ଷ ଇମ୍ରାନ୍ ଖାନଙ୍କୁ ୩ ନଭେମ୍ବରରେ ଡାହାଣ ପାଦରେ ଗୁଳି ବାଜିଥିଲା । ଦୁଇ ଅଭିଯୁକ୍ତ ବଜୀରାବାଦ ଅଂଚଳରେ ଏକ କଂଟେନର ମାଉଂଟେଡ ଟ୍ରକ ଉପରେ ଛଡ଼ା ହୋଇ ଇମ୍ରାନ ଖାନଙ୍କ ଉପରେ ଗୁଳି କରିଥିବା ବେଳେ ଅନ୍ୟମାନେ ମଧ୍ୟ ତାଙ୍କୁ ଚାରିପଟୁ ଗୁଳି ବର୍ଷା କରିଥିଲେ । ଇମ୍ରାନଙ୍କ ଉପରେ ଏହି ଆକ୍ରମଣ ସେତେବେଳେ ହୋଇଥିଲା ଯେତେବେଳେ ସେ ଲାହୋରଠାରୁ ପାଖାପାଖି ୧୫୦ କିମି ଦୂରରେ ବଜୀରାବାଦ ଅଂଚଳରେ ନିର୍ବାଚନ ପାଇଁ ଏକ ପ୍ରଚାର ରାଲିର ନେତୃତ୍ୱ କରୁଥିଲେ ।
ଡନ୍ ଅଖବାର୍ ମଙ୍ଗଳବାର ଦିନ ଜିଆଇଟିର ଜଣେ ସଦସ୍ୟଙ୍କୁ ବୟାନ ଦେଇଥିବା ବେଳେ କହିଛନ୍ତି ଯେ, ଗିରଫ ହୋଇଥିବା ନବିଦ ମେହେର ଗୁଳି ଚଳାଇଥିବା ବେଳେ ଅନ୍ୟ ତିନିଜଣ ମଧ୍ୟ ବହୁ ଉପରୁ ରହି ଗୁଳି ଚଳାଇଥିଲେ । ଏଥି ସହିତ ଜିଆଇଟି ମାମଲାର ତଦନ୍ତ ପାଇଁ ସେଠାରେ ଉପସ୍ଥିତ ଥିବା ପୋଲିସ କର୍ମଚାରୀ ଓ କାର୍ଯ୍ୟକର୍ତ୍ତାଙ୍କର ବୟାନ ରେକର୍ଡ କରିଛି ।
ଲାହୋରର ପୋଲିସ ପ୍ରମୁଖ ଗୁଲାମ ମହମୁଦ କହିଛନ୍ତି କି ବିରୋଧୀ ରାଲି ସମୟରେ ଇମ୍ରାନ ଖାନଙ୍କୁ ଟ୍ରକ ଉପରୁ ୩ଟି ଗୁଳି ଲାଗିଥିଲା । ଏବଂ ଏହି ଆକ୍ରମଣ ସମୟରେ ସେଠାରେ ଉପସ୍ଥିତ ଥିବା ମୋଟ ୧୩ ଜଣଙ୍କ ଦେହରେ ଗୁଳି ବାଜି ସେମାନେ ଆହତ ହୋଇଥିଲେ । ଏହା ସହିତ ରାଲିରେ ସୁରକ୍ଷା ବ୍ୟବସ୍ଥାରେ ଅବହେଳା ଥିବା ମଧ୍ୟ ଜିଆଇଟି ଅଧ୍ୟକ୍ଷ ସୂଚନା ଦେଇଛନ୍ତି ।
ଏହା ପୂର୍ବରୁ ପଂଜାବ ଗୃହ ମନ୍ତ୍ରୀ ଉମର ସରଫାଜ ଚୀମା କହିଥିଲେ ଯେ, ଇମ୍ରାନ ଖାନଙ୍କ ଉପରେ ହୋଇଥିବା ଆକ୍ରମଣ ଏକ ସଂଗଠିତ ଯୋଜନା ଥିଲା । ଏବଂ ସେ ଏହା ମଧ୍ୟ କହିଥିଲେ ଯେ, ଗିରଫ ଅଭିଯୁକ୍ତ ଜଣେ ଟ୍ରେଣ୍ଡ କିଲର ଯିଏ ତା’ର ସାଥୀମାନଙ୍କ ସହିତ ସେଠାରେ ଉପସ୍ଥିତ ଥିଲା । ଅଭିଯୁକ୍ତ ନବୀଦ ପଲିଗ୍ରାଫ୍ ଟେଷ୍ଟରେ ମଧ୍ୟ ଫେଲ୍ ହୋଇଯାଇଥିଲା ଏବଂ ସେ ପୋଲିସକୁ କହିଥିଲା ଯେ, ସେ ଇମ୍ରାନ ଖାନଙ୍କୁ ମାରିବାକୁ ଚାହୁଁଥିଲା କାରଣ ସେ ଆଜାନ ସମୟରେ ଗୀତ ବଜାଉଥିଲେ ।
ପଞ୍ଜାବ ପୋଲିସ କହିଛନ୍ତି ଯେ, ସେମାନେ ଅପରାଧୀକୁ ଘଟଣାସ୍ଥଳରେ ଗିରଫ କରିଥିଲେ ଓ ଅପରାଧୀ ନିଜର ଅପରାଧୀକୁ ତୁରନ୍ତ ମାନିନେଇଥିଲା । ଇମ୍ରାନ ଖାନ ଦାବି କରିଛନ୍ତି ଯେ, ନବୀଦ ଏକ ପ୍ରଶୀକ୍ଷିତ ଶୁଟର ଥିଲା ଓ ଅନ୍ୟ ଶୁଟରମାନେ ମଧ୍ୟ ଥିଲେ ଯିଏ କି ଅନ୍ୟ ପଟୁ ଗୁଳି ଚଳାଇଥିଲେ ।
ତେବେ ୭୦ ବର୍ଷୀୟ ଇମ୍ରାନ ଖାନ ନିଜ ହତ୍ୟା ଷଡଯନ୍ତ୍ର ପାଇଁ ପ୍ରଧାନମନ୍ତ୍ରୀ ଶହବାଜ ଶରୀଫ, ଗୃହମନ୍ତ୍ରୀ ରାଣା ସନାଉଲ୍ଲାହ ଓ ଆଇଏସଆଇର ମେଜର ଜେନେରାଲ ଫେସଲ ନସୀରକୁ ଦାୟୀ କରିଛନ୍ତି । ପଂଜାବ ପୋଲିସ ଇମ୍ରାନ ଖାନଙ୍କ ଆକ୍ରମଣ ମାମଲାରେ ୠଓଜ ଦର୍ଜ କରିଥିବା ବେଳେ ସେଥିରେ କୌଣସି ହାଇପ୍ରୋଫାଇଲ ଲୋକଙ୍କର ନାଁ ନେଇନଥିଲା । ତେବେ ପ୍ରାଥମିକ ତଦନ୍ତ ସମୟରେ ଇମ୍ରାନ ଖାନ କହିଥିଲେ ଯେ, ଶରୀଫ, ସନାଉଲ୍ଲାହ ଏବଂ ଫେଜଲଙ୍କ ବିନା ଏସବୁ “କଚରେ କା ଟୁକଡା ହେ” ।