ଭୁବନେଶ୍ଗୁର: ଗୁରୁବାର ବାଜିଲା ହକି ବିଶ୍ବକପର ବିଗୁଲ । ଆସନ୍ତା କାଲି ଅର୍ଥାତ ଶୁକ୍ରବାର ଓଡିଶାରେ ଆରମ୍ଭ ହେବାକୁ ଯାଉଛି ହକି ବିଶ୍ବକପ୍। ଆରମ୍ଭ ହୋଇସାରିଲାଣି କାଉଣ୍ଟଡାଉନ। ପୁରୁଷ ବିଶ୍ବକପ୍ ୨୦୨୩ ଓଡିଶାରେ ଅନୁଷ୍ଠିତ ହେବାକୁ ଥିବାବେଳେ ବର୍ତ୍ତମାନ ବେଶ ଚଳଚଂଚଳ ହୋଇପଡିଛି ରାଉରକେଲା ସହର ସହିତ ରାଜଧାନୀ ଭୁବନେଶ୍ବର। ଗୁରବାର କଟକ ବାରବାଟୀ ଷ୍ଟାଡିୟମରେ ବିଶ୍ବକପ ହକିର ଉଦଘାଟନୀ ଉତ୍ସବ ରାଜ୍ୟବାସୀଙ୍କ ମନ ମୋହିଥିଲା। ଶୁକ୍ରବାର ଦିନ ହକି ବିଶ୍ବକପ ୨୦୨୩ର ଶୁଭାରମ୍ଭ ହେବାକୁ ଯାଉଛି। ଚଳିତ ବର୍ଷର ହକି ଟୁର୍ଣ୍ଣାମେଣ୍ଟ ଭାରତରେ ଖେଳାଯିବ । ଯାହାକି ନିଶ୍ଚିତଭାବେ ଭାରତ ପାଇଁ ଏକ ସୁବର୍ଣ୍ଣ ସୁଯୋଗ କହିଲେ କିଛି ଭୁଲ ହେବ ନାହିଁ।

ପୂର୍ବରୁ ଦଳ ୧୯୭୫ ମସିହାରେ ଏହି ଟ୍ରଫିକୁ ହାତେଇ ସାରିଥିଲେ। ଏଥର ମଧ୍ୟ ଭାରତ ପାଖରେ ଆଉ ଏକ ସୁଯୋଗ ଆସି ପହଂଚିଛି । ନିଜ ମାଟିରେ ଖେଳି ଦଳ ଟ୍ରଫିକୁ ବେଶ ସହଜରେ ହାତେଇ ପାରିବା ନେଇ ଆଶା କରାଯାଉଛି। ଯେହେତୁ ମ୍ୟାଚ ନିଜ ଦେଶରେ ଖେଳିବାକୁ ଯାଉଛନ୍ତି ,ଦ୍ବିତୀୟଥର ମଧ୍ୟ ଭାରତ ଟ୍ରଫିକୁ ନିଜ ନାଁରେ କରିପାରିବ। କଳ୍ପନା ଜଳ୍ପନା ମଧ୍ୟରେ ଆରମ୍ଭ ହେବାକୁ ଯାଉଛି ହକି ବିଶ୍ବକପ୍। ଭାରତୀୟ ହକି ଦଳରେ ଏଭଳି ୫ ଜଣ ଷ୍ଟାର ଖେଳାଳି ରହିଛନ୍ତି। ଯେଉଁମାନଙ୍କ ପ୍ରଦର୍ଶନ ହିଁ ଭାରତକୁ ଏଥର ବିଶ୍ବକପରେ ଚମ୍ପିୟାନ କରିପାରିବ।

ଏଥର ଅଧିନାୟକ ହରମନପ୍ରିତଙ୍କର ସହ ଏମିତି ୫ ଜଣ ଷ୍ଟାର ଖେଳାଳି ଦଳରେ ରହିଛନ୍ତି। ପୂରା ମ୍ୟାଚକୁ ଏକ ଅଲଗା ସ୍ତରକୁ ନେଇ ଯିଵାର କ୍ଷମତା ରହିଛି ସେମାନଙ୍କ ପାଖରେ ରହିଛି। ଏହି ଷ୍ଟାର ଖେଳାଳିମାନେ ହେଉଛନ୍ତି, ହରମନପ୍ରିତଙ୍କ ସହ ଆକାଶଦୀପ ସିଂ, ମନପ୍ରୀତ ସିଂ, ମନଦୀପ ସିଂ ଏବଂ ପିଆର ଶ୍ରୀଜେଶ । ଜାଣି ରଖନ୍ତୁ ଏହି ଷ୍ଟାର ପ୍ଲେୟାରଙ୍କର ଖାସ ଷ୍ଟାଇଲ ସଂପର୍କରେ।

ଜାଣନ୍ତୁ ,ଭାରତୀୟ ହକି ଦଳର ଷ୍ଟାର ଡିଫେଣ୍ଡର ହେଉଛନ୍ତି ହରମନପ୍ରିତ ସିଂ। ଯିଏ କି ୨୦୧୮ ହକି ବିଶ୍ବକପରେ ମଧ୍ୟ ଖେଳି ସାରିଛନ୍ତି। ଏମିତିରେ ବର୍ତ୍ତମାନ ଦଳର ଅଧିନାୟକ ପଦ ଭାର ସମ୍ଭାଳୁଛନ୍ତି। ନିଜର ହକି କ୍ୟାରିୟର ମଧ୍ୟରେ ହରମନପ୍ରିତ ଅଲମ୍ପିକରେ ବ୍ରୋଂଚ ପଦକ ସହ ଜୁନିୟର ବିଶ୍ବକପ ଏବଂ ଏସିଆ କପ ଭଳି ଅନେକ ପୁରସ୍କାର ନିଜ ନାଁରେ କରିସାରିଛନ୍ତି।

ଭାରତୀୟ ଟିମ ପାଇଁ ୨୦୦ରୁ ଅଧିକ ମ୍ୟାଚ ଖେଳିସାରିଲେଣି ଆକାଶଦୀପ ସିଂ। ଫ୍ୟାନ୍ସଙ୍କୁ ତାଙ୍କ ଅଧିକଆଶା ରହିଛି।  ୨୦୧୨ରେ ସେ ତାଙ୍କର ପ୍ରଥମ ହକି ମ୍ୟାଚ ଖେଳିଥିଲେ। ବର୍ତ୍ତମାନ ପର୍ଯ୍ୟନ୍ତ ଆକାଶ ୮୦ରୁ ଅଧିକ ଗୋଲ କରିଛନ୍ତି। ତାଙ୍କୁ ଗୋଲ ମେସିନ ମଧ୍ୟ କୁହାଯାଇଥାଏ। ନିକଟରେ ଅଷ୍ଟ୍ରେଲିଆ ବିପକ୍ଷରେ ନିଜର ହାଟ୍ରିକ କରିଥିବା ଆକାଶ ଏବେ ନିଜର ତୃତୀୟ ବିଶ୍ବକପ ଖେଳିବେ।

ଭାରତୀୟ ଫିଲ୍ଡ ହକି ଖେଳାଳି ମନପ୍ରୀତ ସିଂ। ଯିଏ କି ପୂର୍ବ ବିଶ୍ବକପରେ ଅଧିନାୟକ ରହିଥିଲେ। ଚଳିତ ବର୍ଷ ତାଙ୍କ ଉପରେ ଆଉ ଅଧିନାୟକ ପଦର ଭାର ରହିବନାହି। ଯାହା ଫଳରେ ସେ ନିଜର ବେଷ୍ଟ ଦେବେ ବୋଲି ଆଶା କରାଯାଉଛି। ଅଧିନାୟକ ଥିବା ସମୟରେ ସେ ଭାରତକୁ ଅଲମ୍ପିକରେ ବ୍ରୋଂଚ ପଦକରେ ଜିତାଇଥିଲେ। ଏମିତିରେ ତାଙ୍କର ମିଡଫିଲ୍ଡକୁ ଅନୁଭବ ଏବଂ ଶେଷ ତୃତୀୟ ଭାଗରେ ତାଙ୍କର କ୍ରିସ୍ପ ପାସ ଭାରତକୁ ଗୋଲ ଦେବାରେ ଅନେକ ସାହାଯ୍ୟ କରିବ।

 ଭାରତୀୟ ଷ୍ଟାର ଫରଓ୍ବଡ ହେଉଛନ୍ତି ମନଦୀପ ସିଂ। ଯିଏ କି ୨୦୨୨ରେ ଭାରତକୁ ସବୁଠାରୁ ଅଧିକ ୧୩ଟି ଗୋଲ ଦେଇଥିଲେ। ତାଙ୍କ ଖେଳର ଖାସିଓ୍ବତ ହେଉଛି, ଅନ୍ୟ ଟିମକୁ ଧୋକା ଦେବା ସହ ସେ ପେନାଲ୍ଟି କର୍ଣ୍ଣର ପାଇଁ ସୁଯୋଗ ଦେଇ ନଥାନ୍ତି।  ଏମିତିରେ ତାଙ୍କ ଅନୁଭବ ଏଥରର ବିଶ୍ବକପ ପାଇଁ ଖୁବ ଜରୁରୀ ରହିବ।

ଅନ୍ୟପଟେ ଟିମର ଷ୍ଟାର ଗୋଲକିପର ପିଆର ଶ୍ରୀଜେଶ ଏଥର ପୁରା ପ୍ରସ୍ତୁତ । ମେନ୍ସ ପ୍ରି ଲିଗରେ ତାଙ୍କ ପ୍ରଦର୍ଶନ ସେତେଟା ଭଲ ନଥିବାବେଳେ ଖୁବ ଆଲୋଚନାର ଶିକାର ହୋଇଥିଲେ ଶ୍ରୀଜେଶ । କିନ୍ତୁ ଅଷ୍ଟ୍ରେଲିଆ ବିପକ୍ଷରେ ସେ ନିଜର ବେଷ୍ଟ ଦେଇ କମବ୍ୟାକ କରିଥିଲେ। ଶ୍ରୀଜେଶ ସମସ୍ତ ବଡ ମ୍ୟାଚ ପୂର୍ବରୁ ପୀକରେ ଥାଆନ୍ତି ଏବଂ ଟିମ ପାଇଁ ପୁରା ଦମ ଲଗାଇ ଦେଇଥାନ୍ତି।