ୱାଶିଂଟନ: ଆମେରିକା ଟେଲିଭିଜନ ଦୁନିଆରେ ଦୁଃଖର ଛାୟା ଖେଳିଯାଇଛି । ଟେଲିଭିଜନର ବରିଷ୍ଠ ସାମ୍ୱାଦିକା ବାରବରା ୱାଲ୍ଟର୍ସଙ୍କ ପରଲୋକ ହୋଇଛି । ସେ ୯୩ ବର୍ଷ ବୟରେ ଶେଷ ନିଶ୍ବାସ ତ୍ୟାଗ କରିଛନ୍ତି । ମିଳିଥିବା ସୂଚନା ମୁତାବକ ବାରବରାଙ୍କ ଦେହାନ୍ତ ତାଙ୍କ ବାସଭବନରେ ହୋଇଛି । କିନ୍ତୁ ତାଙ୍କ ମୃତ୍ୟୁର କାରଣ ସ୍ପଷ୍ଟ ହୋଇନାହିଁ । ପାଞ୍ଚ ଦଶନ୍ଧି ଧରି ବାରବରା ଟିଭି କ୍ୟାରିୟରେ ସକ୍ରିୟ ଥିଲେ । ଆମେରୀକା ଟେଲିଭିଜନର ସେ ଜଣେ ଦକ୍ଷ ସାକ୍ଷାତକାର ଆଙ୍କର ଭାବେ ପ୍ରତିଷ୍ଠା ଲାଭ କରିଥିଲେ । ଏମିତିକି ଆମେରିକା ରାଷ୍ଟ୍ରପତିଙ୍କ ସହ ସେ ସାକ୍ଷାତକାର ମଧ୍ୟ ନେଉଥିଲେ ।
ସେ ଟିଭି ନ୍ୟୁଜ ସୁପରଷ୍ଟାର ହେବାର ପ୍ରଥମ ମହିଳା ଭାବରେ ରାସ୍ତା ଦେଖାଇଥିଲେ । ତାଙ୍କର ନିଷ୍ଠାପର କାର୍ଯ୍ୟ ପାଇଁ ସେ ଅନେକ ସ୍ଥାନରେ ସମ୍ମାନିତ ହୋଇଥିଲେ । ବାରବରା ୱାଲ୍ଟର୍ସଙ୍କ ଜନ୍ମ ୧୯୨୯ ସେପ୍ଟମ୍ବର ୨୫ରେ ବୋଷ୍ଟନରେ ହୋଇଥିଲା । ବାରବରା ବିଶ୍ୱର ସବୁଠାରୁ ଅଧିକ ଦରମା ପ୍ରାପ୍ତ ସାମ୍ବାଦିକା ରହିଥିଲେ । ଯିଏ ବାର୍ଷିକ ୧୨ ବିଲିୟନ ଡଲାର ଦରମା ପ୍ରାପ୍ୟ ଭାବେ ନ୍ୟୁଜ ଚ୍ୟାନଲରୁ ନେଉଥିଲେ ।
