ଢାକା: ଆଜି ମହିଳା ଏସିଆ କପ୍ ଫାଇନାଲ ମ୍ୟାଚ୍ । ବାଂଲାଦେଶ ସିଲେଟରେ ଟାଇଟଲ ପାଇଁ ମୁହାଁମୁହିଁ ହେବେ ଭାରତ ଓ ଶ୍ରୀଲଙ୍କା। ସେମିଫାଇନାଲରେ ଥାଇଲାଣ୍ଡକୁ ହରାଇ ଫାଇନାଲକୁ ଯାଇଛି ଟିମ୍ ଇଣ୍ଡିଆ ।
ସେହିପରି ପାକିସ୍ତାନକୁ ୧ ରନରେ ପରାସ୍ତ କରି ଫାଇନାଲକୁ ଯାଇଛି ଶ୍ରୀଲଙ୍କା । ଦମଦାର ଫର୍ମରେ ଥିବା ଉଭୟ ଭାରତ ଓ ଶ୍ରୀଲଙ୍କା ଆଜି ଫାଇନାଲ ମ୍ୟାଚରେ ଟାଇଟଲ ପାଇଁ କଡ଼ା ଫାଇଟ୍ କରିବେ ।
ଭାରତ ପକ୍ଷରୁ ଦମଦାର ଫର୍ମରେ ଶେଫାଳି ବର୍ମା, ସ୍ମୃତି ମନ୍ଦନା ଓ କ୍ୟାପଟେନ୍ ହରମିନ୍ ପ୍ରୀତକୌର । ସେହିପରି ବୋଲିଂର କମାଣ ସମ୍ଭାଳିବେ ରାଧା ଯାଦବ, ରେଣୁକା ସିଂ ଓ ଦିପ୍ତୀ ଶର୍ମା । ଅନ୍ୟପଟେ ଶ୍ରୀଲଙ୍କା ପକ୍ଷରୁ ଅଧିନାୟକ ଚମାରି ଆଟ୍ଟାପଟ୍ଟୁ, ହସିଥା ମାଧବୀ, ନିଲାକ୍ଷୀ ଡିସିଲଭାଙ୍କ ଉପରେ ନିର୍ଭର କରୁଛି ବ୍ୟାଟିଂ ଲାଇନ୍ ।
