କେନ୍ଦ୍ରାପଡ଼ା: ସଂଜୀବନୀ ସାଜିଲା ବିଜୁ ସ୍ୱାସ୍ଥ୍ୟ କଲ୍ୟାଣ କାର୍ଡ । ନୂଆ ଜୀବନ ପାଇଲେ ମହିଳା । କ୍ୟାନ୍ସର ରୋଗରୁ ରୋଗମୁକ୍ତ ହେଲେ କେନ୍ଦ୍ରାପଡ଼ା ଜିଲ୍ଲା ଗରଦପୁର ନଡ଼ିଅବରେଇ ପଂଚାୟତ ଓଉପଡା ଗ୍ରାମ ର ସସ୍ମିତା ଦାସ  । ଅଭାବୀ ପରିବାର ରେ ରୋଗ ଯନ୍ତ୍ରଣାର ବୋଝ କୁ ମୁଣ୍ଡେଇ ଥିଲେ କିନ୍ତୁ ବିଜୁ ସ୍ୱାସ୍ଥ୍ୟ କଲ୍ୟାଣ କାର୍ଡ ବିନା ଖର୍ଚ୍ଚ ରେ ରୋଗ ମୁକ୍ତି ରେ ସହାୟକ ହେଲା । କିଛି ମାସ ତଳେ ସସ୍ମିତା ଙ୍କ ବେକରେ ଏକ ଆବୁ ବାହାରିଲା । ଡାକ୍ତର ଙ୍କୁ ଦେଖାଇ ବାରୁ ଡାକ୍ତର ଏହାକୁ କର୍କଟ (କ୍ୟାନ୍ସର ) ରୋଗ ର ଏକ ସ୍ଥର ବୋଲି କହିଥିଲେ ।

ଗାଁର ଜଣେ ଯୁବକଙ୍କ ସହାୟତାରେ ୫୦ ବର୍ଷୀୟା ସସ୍ମିତା ଭୁବନେଶ୍ୱର ସମ ହସ୍ପିଟାଲ ଯାଇଥିଲେ । ସେଠାରେ ସସ୍ମିତାଙ୍କ ବିଜୁ ସ୍ଵାସ୍ଥ୍ୟ କାର୍ଡ ମାଧ୍ୟମ ରେ ଚିକିତ୍ସା କରାଯାଇଥିଲା । ପ୍ରଥମେ ମହିଳା ଙ୍କ ବେକ ଆବୁ ର ଏଫ.ଏ. ନେ. ସି କରାଯାଇଥିଲା  ।  ଆବୁ ଟି କ୍ୟାନ୍ସର ବୋଲି ସ୍ପଷ୍ଟ ହୋଇଥିଲା  । ସସ୍ମିତାଙ୍କର  ୬ଟି କେମୋ ନେବା ବାଧ୍ୟତା ମୂଳକ ହୋଇପଡ଼ିଥିଲ  । ପ୍ରଥମେ ପେଡ ସ୍କାନ କରାଯାଇ ପରେ କେମୋ ଦିଆ ଯାଇଥିଲା । ତେବେ ଏହି ସବୁ ଚିକିତ୍ସା ପଦ୍ଧତି ବ୍ୟୟ ବହୁଳ ହୋଇଥିଲେ ମଧ୍ୟ୍ୟ ବିଜୁ ସ୍ୱାସ୍ଥ୍ୟ କଲ୍ୟାଣ କାର୍ଡ ରେ ମହିଳା ଙ୍କ ପାଇଁ ଦଶ ଲକ୍ଷ୍ୟ ଟଙ୍କା ପର୍ଯ୍ୟନ୍ତ ସହାୟତା ରାଶି କାର୍ଯ୍ୟକ୍ଷମ ହୋଇଥିଲ ।

ଫଳରେ ସସ୍ମିତା ଙ୍କ ମାଗଣା ଚିକିତ୍ସା ହୋଇଥିଲା । କେମୋ ନେବା ପରେ ସସ୍ମିତା ଦାସ ଙ୍କ ର ପୁଣି ଥରେ ସ୍କାନ କରାଯିବା ପରେ ତାଙ୍କୁ ଡାକ୍ତର ସମ୍ପୂର୍ଣ ଆରୋଗ୍ୟ ଘୋଷଣା କରିଥିଲେ. । ରୋଗ ମୁକ୍ତ ହେବା ପରେ ସସ୍ମିତା ଙ୍କ ର ତିନି ମାସକୁ ଥରେ ଚେକପ କରାଯିବ ବୋଲି ଡାକ୍ତର କହିଛନ୍ତି  । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଚିନ୍ତା ଧାରାରୁ ସୃଷ୍ଟ ତଥା ରାଜ୍ୟ ସରକାର ଙ୍କ ଦ୍ୱାରା ପ୍ରଦତ୍ତ ବିଜୁ ସ୍ୱାସ୍ଥ୍ୟ କଲ୍ୟାଣ କାର୍ଡ ପାଇଥିବା ହିତାଧିକାରୀ ମନେ  ମାଗଣା ରେ ସମ୍ପୂର୍ଣ ଚିକିତ୍ସା ସୁବିଧା ପାଇ ରୋଗ ମୁକ୍ତ ହେଉଥିବା ଦେଖିବାକୁ ମିଳୁଛି  । ରୋଗ କବଳ ରେ ପଡି ଛଟପଟ ହେଉଥିବା ସସ୍ମିତା ଦାସ ବର୍ତ୍ତମାନ ସୁସ୍ଥ ଓ ଆରୋଗ୍ୟ ହେବାପରେ  ନୂଆ ଜୀବନ ପାଇଛନ୍ତି  । ଏଥି ନିମନ୍ତେ ସେ ମାନ୍ୟବର ମୁଖ୍ୟମନ୍ତ୍ରୀ ଙ୍କୁ ଧନ୍ୟବାଦ ଦେଇ କୃତଜ୍ଞତା ଜ୍ଞାପନ କରିଛନ୍ତି  ।