ଏବେ ଦେଶରେ ଅଧିକାଂଶ ଅଭିଯୋଗ ଲୋକଙ୍କ ଦୃଷ୍ଟି ଶକ୍ତି ହ୍ରାସକୁ ନେଇ ଆସୁଛି । ଆଉ ଏହାର ମୁଖ୍ୟ କାରଣ ହେଉଛି ଖରାପ ଜୀବନଶୈଳୀ । ଅଧିକାଂଶ ଲୋକ କମ୍ପ୍ୟୁଟର ଆଗରେ ବସି ଦିନକୁ ୮ ରୁ ୧୦ ଘଣ୍ଟା ବିତାନ୍ତି । ଏହା ବ୍ୟତୀତ, ଆଖି ଉପରେ କ୍ରମାଗତ ଭାବେ ପ୍ରଭାବ ସେତେବେଳେ ପଡେ, ଯେତେବେଳେ ଆପଣ ଅତ୍ୟଧିକମାତ୍ରାରେ ମୋବାଇଲର ବ୍ୟବହାର କରନ୍ତି । ଏହାସହ କମ୍ ଆଲୋକରେ କାମ କରିବା, ଆଖିର ଯତ୍ନ ନ ନେବା, ଉପଯୁକ୍ତ ଖାଦ୍ୟ ଗ୍ରହଣ ନକରିବା ହେତୁ ଆଖି ଧୀରେ ଧୀରେ ଦୁର୍ବଳ ହେବାକୁ ଲାଗେ ଏବଂ ତା’ପରେ ଆଖିର ଦୃଷ୍ଟି ଶକ୍ତି କମିବା ଆରମ୍ଭ କରେ ।
ବିଶେଷଜ୍ଞମାନେ କହିଛନ୍ତି ଯେ, ବୟସ ବଢିବା ସହିତ ଆମର ଦୃଷ୍ଟି ଶକ୍ତି ଦୁର୍ବଳ ହୋଇଯାଏ । ଏହାସହ ଖ୍ୟାଦ୍ୟପାନିୟ ଠିକ୍ ନରହିଲେ ମଧ୍ୟ ଦୃଷ୍ଟି ଶକ୍ତି ଶୀଘ୍ର କମିବା ଆରମ୍ଭ କରେ । ଆଉ ଜଣେ ବିଶେଷଜ୍ଞ କହିଛନ୍ତି ଯେ ଚାରୋଟି ଜିନିଷ ଆଖିକୁ ଦୁର୍ବଳ କରିପାରେ ଏବଂ କେତେକ କ୍ଷେତ୍ରରେ ଅନ୍ଧ ମଧ୍ୟ କରିପାରେ । ଆସନ୍ତୁ ସେହି ଜିନିଷ ବିଷୟରେ ଜାଣିବା
ଏହି ଜିନିଷଗୁଡିକ ଖାଇବା ଦ୍ୱାରା ଦୃଷ୍ଟି ଶକ୍ତି ହ୍ରାସ ହୋଇପାରେ
ସାଧାରଣ ଭାବେ ଏକ୍ସପର୍ଟମାନେ କୁହନ୍ତି ଯେ, ବୟସ ବଢିବା ସହ ଦୃଷ୍ଟି ଶକ୍ତି କମିବା ,ସାଧାରଣ କଥା କିନ୍ତୁ ଏମିତି କିଛି ଖାଦ୍ୟ ପଦାର୍ଥ ଯାହାକୁ ଖାଇବା ଦ୍ୱାରା ଆପଣ ବୟସ ପୁର୍ବରୁ ହିଁ ଦୃଷ୍ଟି ଶକ୍ତିକମିବାର ସମ୍ଭାବନା ରହିଛି । ସେଥିଲେ ଅତ୍ୟଧିକ ମିଠା ଜିନିଷ ଏବଂ ପ୍ରକ୍ରିୟାକୃତ କାର୍ବୋହାଇଡ୍ରେଟ୍ ଖାଇବା ଦ୍ୱାରା ଦୃଷ୍ଟି ଶକ୍ତି ନଷ୍ଟ ହୋଇପାରେ । ଏହି ଖରାପ ପ୍ରକ୍ରିୟାକୃତ କାର୍ବୋହାଇଡ୍ରେଟ୍ ଖାଦ୍ୟ ହେଉଛି ଧଳା ପାଉଁରୁଟି ଏବଂ ପାସ୍ତା । ଏହାସହ, ଟମାଟୋ କେଚପ୍ ଏବଂ କୋଲ୍ଡ ଡ୍ରିଙ୍କସ ମଧ୍ୟ ଏହି ଶ୍ରେଣୀର ଅନ୍ତର୍ଭୁକ୍ତ । ଏହାର କାରଣ ହେଉଛି ଖାଦ୍ୟଗୁଡ଼ିକ ଶୀଘ୍ର ହଜମ ହେବା । ଯେଉଁ କାରଣରୁ ରକ୍ତରେ ଶର୍କରାର ସ୍ତର ବଢିଥାଏ ଏବଂ ରକ୍ତରେ ଶର୍କରା ବୃଦ୍ଧି ହେତୁ ‘ବୟସ ସମ୍ବନ୍ଧୀୟ ମାକୁଲାର ଡାଜେନେରେସନ୍’ (AMD) ର କାରଣ ହୋଇଥାଏ । AMD ହେଉଛି ଏକ ଚକ୍ଷୁ ରୋଗ ଯାହା ଦୃଷ୍ଟିଶକ୍ତିକୁ ଦୁର୍ବଳ କରିଥାଏ, ଦୃଷ୍ଟି ଶକ୍ତି ହରାଇବା ସହ ଶେଷରେ ଆପଣଙ୍କୁ ସମ୍ପୂର୍ଣ୍ଣ ଅନ୍ଧ ମଧ୍ୟ କରିପାରେ ।
ରକ୍ତରେ ଉଚ୍ଚ ଶର୍କରା ସ୍ତର ଟାଇପ୍-୨ ମଧୁମେହ ସୃଷ୍ଟି କରେ । ମଧୁମେହ ରୋଗୀମାନଙ୍କର ଆଖିରେ ସମସ୍ୟା ସୃଷ୍ଟି କରିଥାଏ । ମଧୁମେହ ରୋଗୀଙ୍କଠାରେ ଅଧିକ ସମୟ ରକ୍ତରେ ଶର୍କରା ଅନିୟନ୍ତ୍ରିତ ରହିଲେ ଆଖିରେ ସମସ୍ୟା ହେବାର ସମ୍ଭାବନା ଅଧିକ ରହିଥାଏ । ଯେଉଁମାନେ ପାଶ୍ଚାତ୍ୟ ଖାଦ୍ୟ ବା ଜଙ୍କଫୁଡ୍ ଖାଆନ୍ତି, ସେମାନଙ୍କ ଆଖିରେ ଅଧିକ ସମସ୍ୟା ଦେଖା ଦିଏ କାରଣ ଏହି ଖାଦ୍ୟଗୁଡ଼ିକ ଆଖିକୁ ନଷ୍ଟ କରିଦିଏ।
ଏକ ରିପୋର୍ଟ ଅନୁଯାୟୀ, ଗୋଟିଏ ବାଳକ ଜଙ୍କ୍ ଫୁଡ୍ ଖାଇବା ପରେ ଅନ୍ଧ ହୋଇଯାଇଛି । ଏହି ଅନୁସନ୍ଧାନ ଜଙ୍କ ଫୁଡ ଖାଇବାର କ୍ଷତି ବିଷୟରେ ଚକ୍ଷୁ ବିଶେଷଜ୍ଞମାନେ ମଧ୍ୟ ଚେତାବନୀ ଦେଇଛନ୍ତି । ବାସ୍ତବରେ, ବ୍ରିଟେନର ଅନୁସନ୍ଧାନକାରୀମାନେ ଚକ୍ଷୁ ଡାକ୍ତରଖାନାରେ ଜଣେ ୧୪ ବର୍ଷର ବାଳକର ଥକାପଣ ବିଷୟରେ ଅଭିଯୋଗ ଆସିଥିଲା । ତାଙ୍କର BMI ସ୍ୱାଭାବିକ ଥିଲା କିନ୍ତୁ ସେ ଖାଦ୍ୟରେ ଫ୍ରେଞ୍ଚ୍ ଫ୍ରାଏ, ପ୍ରିଙ୍ଗଲେସ୍, ଧଳା ପାଉଁରୁଟି ଏବଂ ପ୍ରକ୍ରିୟାକୃତ ମାଂସ ଖାଉଥିଲେ । ଯେତେବେଳେ ତାଙ୍କୁ ପରୀକ୍ଷା କରାଯାଇଥିଲା, ଏହା ଦେଖାଗଲା ଯେ ଶରୀରରେ ଭିଟାମିନ୍ B12 ର ସ୍ତର ବହୁତ କମ୍ ଥିଲା ଏବଂ ମାକ୍ରୋସାଇଟିକ୍ ରକ୍ତହୀନତା ସହିତ ଅନେକ ଭିଟାମିନ୍ ର ଅଭାବ ଥିଲା ।
ଡାକ୍ତରୀ ରିପୋର୍ଟରେ କୁହାଯାଇଛି ଯେ ବାଳକକୁ B12 ଇଞ୍ଜେକ୍ସନ ଦିଆଯାଇଥିଲା, ସପ୍ଲିମେଣ୍ଟ ଦିଆଯାଇଥିଲା ଏବଂ ଭଲ ଖାଦ୍ୟ ଗ୍ରହଣ କରିବାକୁ ପରାମର୍ଶ ଦିଆଯାଇଥିଲା। କିନ୍ତୁ ଗୋଟିଏ ବର୍ଷ ପରେ ଯେତେବେଳେ ବାଳକଟି ପୁଣି ଥରେ ହସ୍ପିଟାଲକୁ ଆସିଥିଲା ସେତେବେଳେ ସେ ସମ୍ପୂର୍ଣ୍ଣ ଦୃଷ୍ଟିଶକ୍ତି ହରାଇଥିବା ଦେଖିବାକୁ ମିଳିଥିଲା ।
