ଭୁବନେଶ୍ୱର: ପେଟ ପାଇଁ କାଖରେ କଅଁଳ ଛୁଆକୁ ଧରି ସୁଦୂର କର୍ଣ୍ଣାଟକ ଯାଇଥିଲେ । ଭଲ ଟଙ୍କା ମିଳିବାର ପ୍ରତିଶ୍ରୁତି ବି ମିଳିଥିଲା । ଏମିତି କିଛି ଆଶା ଓ ଆଖିରେ ଆଖିଏ ସ୍ୱପ୍ନ ନେଇ ବରଗଡ଼ ଜିଲ୍ଲା ପାଇକମାଲର ୯ ଶ୍ରମିକ ଦାଦନ ଖଟିବାକୁ ଯାଇଥିଲେ କର୍ଣ୍ଣାଟକ । ପ୍ରଥମେ କିଛିଦିନ ଭଲରେ ଗଲା ପରେ ଇଟାଭାଟି ମାଲିକ ଦେଉଛନ୍ତି ନିର୍ଯାତନା ।
9 Migrant workers of Paikmal block are trapped & tortured by the owner of brick kiln in Kurubahalli village under Krishnarajpet taluka of Mandya dist in Karnataka .Please take necessary steps to rescue them @Karmika_Sahaya @MandyaPolice @112Mandya @CMO_Odisha @NandighoshaTV 1/2 pic.twitter.com/n1jtgCdArx
— DEEPA BARIK (@CharubalaB) January 11, 2022
ଇଟାଭାଟି ମାଲିକଙ୍କ ଦ୍ୱାରା ନିର୍ଯାତିତ ହେବା ପରେ ୯ ଶ୍ରମିକ ସେମାନଙ୍କୁ ଉଦ୍ଧାର ପାଇଁ ନିବେଦନ କରିଛନ୍ତି । କାଖରେ କୁନି ଝିଅକୁ ଧରି ବାପା ମାଗୁଛି ଉଦ୍ଧାର ପାଇଁ ସାହାଯ୍ୟ । ମିଳିଥିବା ସୂଚନା ଅନୁସାରେ, ଶ୍ରମିକ ମାନେ କର୍ଣ୍ଣାଟକର ମଣ୍ଡ୍ୟା ଜିଲ୍ଲା କ୍ରିଷ୍ଣାରାଜପେଟ ତହସିଲ୍ ଅନ୍ତର୍ଗତ କୁରୁବାହାଲି ଗାଁ ଇଟାଭାଟିରେ ବନ୍ଧକ ଅଛନ୍ତି ।
କାମ ବଦଳରେ ଇଟାଭାଟି ମାଲିକ ଶ୍ରମିକଙ୍କୁ ଟଙ୍କା ଦେଇନାହିଁ । ବରଂ ଟଙ୍କା ମାଗିଲେ ମାଡ଼ ମାରୁଥିବା ଅଭିଯୋଗ ହୋଇଛି । ଏପରିକି ଏକ ମିଥ୍ୟା ମାମଲାରେ ଶ୍ରମିକମାନଙ୍କୁ ଫସାଇ ଦେଇଥିବା ଅଭିଯୋଗ ହୋଇଛି । ତୁରନ୍ତ କର୍ଣ୍ଣାଟକରୁ ସେମାନଙ୍କୁ ଉଦ୍ଧାର ପାଇଁ ଭିଡିଓ ମାଧ୍ୟମରେ ନିବେଦନ କରିଛନ୍ତି ନିର୍ଯାତିତ ଶ୍ରମିକ ।
