ଲକ୍ଷ୍ନୌ: ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶରେ ଆକ୍ଟିଭ୍ ମୋଡରେ ଆୟକର ବିଭାଗ । ୟୁପିରେ ସପ୍ତାହେ ଧରି ଚାଲିଛି ମାରାଥନ୍ ରେଡ୍ । କୁବେର ଅତର ବ୍ୟବସାୟୀ ପୀୟୂଷ ଜୈନଙ୍କ ପରେ କନ୍ନୌଜର ଆଉ ଜଣେ ଅତର ବ୍ୟବସାୟୀଙ୍କ ଘରେ ଚଢ଼ାଉ କରିଛି ଆୟକର ବିଭାଗ । ଟ୍ୟାକ୍ସ ଚୋରି ଅଭିଯୋଗରେ ଅତର ବ୍ୟବସାୟୀ ପୁଷ୍ପରାଜ ଜୈନ୍ଙ୍କ ଘର ଓ ଅଫିସରେ ଚାଲିଛି ରେଡ୍ । ସମାଜବାଦୀ ପାର୍ଟିର MLC ବା ବିଧାନ ପରିଷଦ ସଦସ୍ୟ ହେଉଛନ୍ତି ପୁଷ୍ପରାଜ ଜୈନ୍। ଆଜି ସକାଳ ୭ଟାରୁ ଆୟକର ବିଭାଗର ଏକାଧିକ ଟିମ୍ ପୁଷ୍ପରାଜଙ୍କ ଘର ଓ ଅନ୍ୟସ୍ଥାନରେ ପହଞ୍ଚି ଚଢ଼ାଉ ଆରମ୍ଭ କରିଛନ୍ତି ।
IT Dept conducting searches at perfume businessman Pushpraj Jain 'Pampi' & one more perfume company on intelligence of tax evasion. Searches underway since early morning today at 8 premises including Kanpur, Kannauj, Bombay, Surat, Dindigul (TN). More details awaited: Sources
— ANI UP/Uttarakhand (@ANINewsUP) December 31, 2021
ଗତମାସରେ ପୁଷ୍ପରାଜ ଜୈନ୍ ‘ସମାଜବାଦୀ ପାର୍ଟି’ ଅତର ଲଞ୍ଚ କରିଥିଲେ । ସମାଜବାଦୀ ପାର୍ଟି ସୁପ୍ରିମୋ ଅଖିଳେଶ ଯାଦବଙ୍କ ଉପସ୍ଥିତିରେ ଅତର ଲଞ୍ଚ କରାଯାଇଥିଲା । ଉତ୍ତରପ୍ରଦେଶ, ଦିଲ୍ଲୀ, NCR ଓ ମୁମ୍ବାଇ ସମେତ ପ୍ରାୟ ୫୦ଟି ସ୍ଥାନରେ ରେଡ୍ ଜାରି ରହିଛି । ଅତର ବ୍ୟବସାୟରେ ସମ୍ପୃକ୍ତ ଅନେକ ବ୍ୟବସାୟୀ ଟ୍ୟାକ୍ସ ଚୋରି କରୁଥିବା ନେଇ ଅଭିଯୋଗ ପରେ ଚାଲିଛି ରେଡ୍ । ପୂର୍ବରୁ କନ୍ନୌଜର ଅତର ବ୍ୟବସାୟୀ ପୀୟୂଷ ଜୈନଙ୍କ ଘରେ ଚଢ଼ାଉ କରି ପ୍ରାୟ ୨ଶହ କୋଟିର ନଗଦ ଟଙ୍କା, ସୁନା ବିସ୍କୁଟ ଆଦି ଜବତ କରିଥିଲା ଆୟକର ବିଭାଗ । ନିର୍ବାଚନର କିଛି ମାସ ପୂର୍ବରୁ ୟୁପିରେ ଆୟକର ବିଭାଗର ରେଡକୁ ନେଇ ରାଜନୈତିକ ମହଲରେ ବେଶ୍ ଚର୍ଚ୍ଚା ହେଉଛି ।
