ନନ୍ଦିଘୋଷ ବ୍ୟୁରୋ: ଆସନ୍ତା ୧୧ରେ ବିହାର ବିଧାନସଭା ଦ୍ବିତୀୟ ପର୍ଯ୍ୟାୟ ନିର୍ବାଚନ। ୧୨୨ ଆସନରେ ହେବ ଭୋଟ। ଦ୍ଵିତୀୟ ପର୍ଯ୍ୟାୟ ଭୋଟ ଲାଗି ଆଜି ସରୁଛି ପ୍ରଚାର। ଅପରାହ୍ନ ୫ଟାରେ ଶେଷ ହୋଇଯିବ ପ୍ରଚାର। ଶେଷ ଦିନରେ ଆରଜେଡି ପ୍ରାର୍ଥୀ ତେଜସ୍ଵୀ ଯାଦବଙ୍କ ୩ଟି ରୋଡ ସୋ କାର୍ଯ୍ୟକ୍ରମ ରହିଛି। ସେପଟେ ଏନଡିଏ ପ୍ରାର୍ଥୀଙ୍କ ଲାଗି କେନ୍ଦ୍ରମନ୍ତ୍ରୀ ଅମିତ ଶାହ ମଧ୍ୟ ଆଜି କରିବେ ପ୍ରଚାର। ୨୦ ଜିଲ୍ଲାର ୧୨୨ ଆସନ ଲାଗି ମଇଦାନରେ ଅଛନ୍ତି ୧ ହଜାର ୩୦୨ ପ୍ରାର୍ଥୀ। ମୋଟ ୧ ହଜାର ୩୭୨ ପ୍ରାର୍ଥୀ ନିଜର ପ୍ରାର୍ଥିପତ୍ର ଦାଖଲ କରିଥିବାବେଳେ ସେମାନଙ୍କ ମଧ୍ୟରୁ ପ୍ରାର୍ଥିପତ୍ର ପ୍ରତ୍ୟାହାର କରିଥିଲେ ୭୦ଜଣ। ଗୟା ଟାଉନ, ସାସାରାମ ଓ ଚଇନପୁରରେ ସର୍ବାଧିକ ୨୨ ଲେଖାଏ ପ୍ରାର୍ଥୀ ଲଢୁଛନ୍ତି। ତ୍ରିବେଣୀଗଞ୍ଜ, ଲଉରିଆ ଓ ସୁଗାଉଲିରେ ସର୍ବନିମ୍ନ ୫ ଜଣ ଲେଖାଏ ପ୍ରାର୍ଥୀ ଅଛନ୍ତି। ଗତ ୬ ତାରିଖରେ ପ୍ରଥମ ପର୍ଯ୍ଯାୟରେ ୧୨୧ ଆସନରେ ଭୋଟଗ୍ରହଣ ହୋଇଥିଲା
ନୂଆପଡ଼ା ଉପନିର୍ବାଚନରେ ଆଜି ସରୁଛି ପ୍ରଚାର
ନନ୍ଦିଘୋଷ ବ୍ୟୁରୋ: ନୂଆପଡ଼ା ଉପନିର୍ବାଚନରେ ଆଜି ସରୁଛି ପ୍ରଚାର। ଆଜି ଉପନିର୍ବାଚନରେ ପ୍ରଚାରର ଶେଷ ଦିନ। ପ୍ରଚାର ସରୁଥିବାରୁ ଶେଷ ସ୍ପର୍ଶ ଦେବା ପାଇଁ ସବୁ ପ୍ରମୁଖ ଦଳର ପ୍ରାର୍ଥୀ ଓ ନେତା ଲାଗି ପଡ଼ିଛନ୍ତି। ବିଭିନ୍ନ ଗାଁ ଗାଁ ବୁଲି ପ୍ରଚାର କରୁଛନ୍ତି ପ୍ରାର୍ଥୀ। ନବୀନଙ୍କ ରୋଡ଼ ଶୋ ପରେ ବିଜେଡି କର୍ମୀଙ୍କ ମଧ୍ୟରେ ଭିନ୍ନ ପ୍ରକାର ଉତ୍ସାହ ଦେଖିବାକୁ ମିଳିଛି। ସେପଟେ ମୁଖ୍ୟମନ୍ତ୍ରୀ ମଧ୍ୟ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିଥିବା ବେଳେ କଂଗ୍ରେସ ପ୍ରାର୍ଥୀ କୋମନା ଓ ନୂଆପଡ଼ା ଅଞ୍ଚଳରେ ଜୋରଦାର ପ୍ରଚାର କରିଛନ୍ତି। ପ୍ରଚାର ଶେଷ ଦିନରେ ଫୁଲ ଦମରେ ଲାଗି ପଡ଼ିଛନ୍ତି ୩ ପ୍ରମୁଖ ଦଳର ପ୍ରାର୍ଥୀ ଓ ନେତା। ବିଜେଡି ପ୍ରାର୍ଥୀ ସ୍ନେହାଙ୍ଗିନୀ ଛୁରିଆ ଓ ଦଳୀୟ ନେତା ଜୋରଦାର ପ୍ରଚାର ଚଳାଇଛନ୍ତି। ନୂଆପଡ଼ା ଓ କୋମନା ବ୍ଲକର ବିଭିନ୍ନ ଗାଁ ଓ ପଂଚାୟତ ବୁଲି ପ୍ରଚାର କରୁଛନ୍ତି। ସ୍ନେହାଙ୍ଗିନୀଙ୍କ ସହ ବରିଷ୍ଠ ବିଜେଡି ନେତା, ବିଧାୟକ ତଥା ଦଳୀୟ କର୍ମୀମାନେ ଗାଁ ଗାଁ ବୁଲୁଥିବା ଦେଖିବାକୁ ମିଳିଛି। ବିଜେପି ପ୍ରାର୍ଥୀ ଜୟ ଢୋଲକିଆଙ୍କ ପାଇଁ ମୁଖ୍ୟମନ୍ତ୍ରୀ ମୋହନ ମାଝୀ ଗତକାଲି ପ୍ରଚାର କରିଥିଲେ। ସାଧାରଣ ସଭା ସହ ରୋଡ଼ ଶୋ ବି କରିଥିଲେ ମୋହନ। ଦଳୀୟ ପ୍ରାର୍ଥୀ ଓ ନେତାମାନେ ମଧ୍ୟ ପ୍ରଚାରରେ ସାମିଲ ହୋଇଛନ୍ତି। ସେପଟେ କଂଗ୍ରେସ ପ୍ରାର୍ଥୀ ଘାସିରାମ ମାଝୀ କୋମନା ଅଞ୍ଚଳରେ ବ୍ୟାପକ ପ୍ରଚାର କରିଥିବା ଦେଖିବାକୁ ମିଳିଥିଲା। ଆଜି ଶେଷ ଦିନ ଥିବାରୁ ୩ ପ୍ରମୁଖ ଦଳର ପ୍ରାର୍ଥୀଙ୍କ ପକ୍ଷରୁ ଜୋରଦାର ପ୍ରଚାର ଚାଲିଛି
ମୁଖ୍ୟମନ୍ତ୍ରୀଙ୍କ ରୋଡ ଶୋ ପାଇଁ ରାସ୍ତାରେ ଷ୍ଟେଜ୍ କରାଯିବାକୁ ନେଇ ବର୍ଷିଲା ବିଜେଡି
ମୁଖ୍ୟମନ୍ତ୍ରୀଙ୍କ ରୋଡ ଶୋ’ ପାଇଁ ରାସ୍ତାରେ ଷ୍ଟେଜ୍ କରାଯିବାକୁ ନେଇ ବର୍ଷିଲା ବିଜେଡି
ନନ୍ଦିଘୋଷ ବ୍ୟୁରୋ: ମୁଖ୍ୟମନ୍ତ୍ରୀ ମୋହନ ମାଝୀଙ୍କ ରୋଡ ଶୋ’ ପାଇଁ ରାସ୍ତାରେ ବିଜେପିର ଷ୍ଟେଜ କରାଯିବା ପ୍ରସଙ୍ଗକୁ ନେଇ ବର୍ଷିଲା ବିଜେଡି । ଗତକାଲି ନବୀନ ପଟ୍ଟନାୟକଙ୍କ ବିଶାଳ ରୋଡ ଶୋରେ ହଜାର ହଜାର ଲୋକଙ୍କୁ ଦେଖି ଭୟଭୀତ ହୋଇ ତରବରିଆ ଭାବେ ରୋଡ ଶୋ କରୁଛନ୍ତି । ଶାସନ ପ୍ରଶାସନର ସହାୟତାରେ ରାସ୍ତା ମଝିରେ ଷ୍ଟେଜ କରିଛନ୍ତି । ୯୦ ଭାଗ ରାସ୍ତା ବନ୍ଦ କରି ଷ୍ଟେଜ କରିଛନ୍ତି । ୱାର୍କିଂ ଡେ’ ରେ ଏଭଳି କରିବା ଦ୍ୱାରା ଲୋକେ ବହୁ ହଇରାଣ ହେଉଛନ୍ତି । ପ୍ରଶାସନକୁ ଜଣାଇବା ପରେ ବି ସେମାନେ ଶୁଣିବାକୁ ନାରାଜ। ଜିଲ୍ଲାପାଳଙ୍କୁ ବାରମ୍ବାର ଫୋନ କରିବା ପରେ ବି ସେ ଫୋନ ଉଠାଉନାହାନ୍ତି । ନିର୍ବାଚନ ପର୍ଯ୍ୟବେକ୍ଷକମାନେ ମଧ୍ୟ ଫୋନ ରିସିଭ କରୁ ନାହାନ୍ତି । ଯଦି ପ୍ରତିନିଧିଙ୍କୁ ନ ଭେଟିବେ ତା’ହେଲେ କାହିଁକି ପର୍ଯ୍ୟବେକ୍ଷକ ଅଛନ୍ତି ବୋଲି ପ୍ରଶ୍ନ କରିଛି ଦଳ ।
ବେଆଇନ କାମ କରି ରାସ୍ତାକୁ ବନ୍ଦ କରି ମିଟିଂ କରୁଛନ୍ତି । ଜିଲ୍ଲାପାଳ, ଏସପି ଶାସକ ଦଳର ଏଜେଣ୍ଟ ଭଳି କାମ କରୁଛନ୍ତି । ଏଭଳି ପରିସ୍ଥିତି କେବେ ଦେଖାଯାଇ ନଥିଲା । ଅଭିଯୋଗ ନ ଶୁଣିବା କେବେ ଦେଖିବାକୁ ମିଳି ନଥିଲା । ଏକତରଫା ନିର୍ବାଚନ କରିବାକୁ ଉଦ୍ୟମ ହେଉଛି । ଭୟର ବାତାବରଣ ସୃଷ୍ଟି ପାଇଁ ଉଦ୍ୟମ ହେଉଛି । ବିଜେଡି ପୋଷ୍ଟର ବ୍ୟାନର ହଟାଯାଇ ବିଜେପି ପୋଷ୍ଟର ଲଗାଯାଉଛି । ପ୍ରଶାସନ ବ୍ୟାନର ପୋଷ୍ଟର ଲଗାଉଛି । ଯାହାକୁ କଡା ନିନ୍ଦା କରିଛି ବିଜେଡି ।
ଦଳ ପକ୍ଷରୁ କୁହାଯାଇଛି, ସେମାନେ ଜାଣିସାରିଲେଣି ସେମାନଙ୍କ ଲୋକପ୍ରିୟତା ନାହିଁ । ମୋହନ ମାଝୀଙ୍କ ସଭାରେ ଲୋକ ହେଉ ନାହାଁନ୍ତି । ରାସ୍ତା ବ୍ଲକ କରି ଭିଡ଼ ଦେଖାଇବାକୁ ଉଦ୍ୟମ କରାଯାଉଛି । ବିଜେପି ନେତା ମନ୍ତ୍ରୀଙ୍କୁ ଲୋକେ ଚିହ୍ନୁ ନାହାଁନ୍ତି । ସେଥିପାଇଁ ଜବରଦସ୍ତ ଅନ୍ୟ ଜିଲ୍ଲାରୁ ପ୍ରଶାସନକୁ ଲଗାଇ ଲୋକଙ୍କୁ ଅଣାଯାଉଛି । ଜବରଦସ୍ତ ଲୋକପ୍ରିୟତା ଆସେ ନାହିଁ ବୋଲି କଟାକ୍ଷ କରିଛି ବିଜେଡି ।
ଶାସକ ଦଳ ନିର୍ବାଚନ ଆଚରଣ ବିଧି ଭାଙ୍ଗୁ ଥିବା ଅଭିଯୋଗ, ମୁଖ୍ୟ ନିର୍ବାଚନ ଅଧିକାରୀଙ୍କୁ ଫେରାଦ ହେଲା ବିଜେଡି
ଶାସକ ଦଳ ନିର୍ବାଚନ ଆଚରଣ ବିଧି ଭାଙ୍ଗୁ ଥିବା ଅଭିଯୋଗ, ମୁଖ୍ୟ ନିର୍ବାଚନ ଅଧିକାରୀଙ୍କୁ ଫେରାଦ ହେଲା ବିଜେଡି
ନନ୍ଦିଘୋଷ ବ୍ୟୁରୋ: ବିଜେଡିର ସଂଗୀନ ଅଭିଯୋଗ । ଶାସକ ଦଳ ଭାଙ୍ଗୁଛି ଆଦର୍ଶ ଆଚରଣ ବିଧି । ଏହି ଅଭିଯୋଗ ଆଣି ମୁଖ୍ୟ ନିର୍ବାଚନ ଅଧିକାରୀଙ୍କ ପାଖରେ ଫେରାଦ ହେଲା ବିଜୁ ଜନତା ଦଳ । ଗତକାଲି ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ପ୍ରଚାରରେ ଭୟଭୀତ ହୋଇ ଆଜି ମୁଖ୍ୟମନ୍ତ୍ରୀ ନୂଆପଡା ଯାଇଛନ୍ତି । ହେଲେ ଏହି ଗସ୍ତ ପାଇଁ ଖରିଆର ରୋଡ଼କୁ କାହିଁକି ବ୍ଲକ କରାଗଲା ବୋଲି ବିଜେଡି ପ୍ରଶ୍ନ କରିଛି ।
ନୂଆପଡାରେ ଜିଲ୍ଲାପାଳ, ଏସପି ଓ ଆଇଜି ହିମାଂଶୁ ଲାଲ ସରକାରୀ ଦଳ ବିଜେପିର ଗୁମାସ୍ତା ସାଜିଥିବା ନେଇ ଅଭିଯୋଗ କରିଛି ବିଜେଡି । ଗତକାଲି ମଧ୍ୟ ଜାଣିଶୁଣି ବିନା କାରଣରେ ବିମାନ ବନ୍ଦରରେ ନବୀନ ପଟ୍ଟନାୟକଙ୍କୁ ବ୍ଲକ କରାଗଲା । ଯେଉଁଥି ପାଇଁ ତାଙ୍କ ଗୋଡ଼ରେ ଆଘାତ ଲାଗିଲା । ତାଙ୍କ ସଭାରୁ ଲୋକ ପଳାନ୍ତୁ ବୋଲି ଏହି ଚକ୍ରାନ୍ତ କରାଯାଇଥିଲା । ହେଲେ ନୂଆପଡାବାସୀ ନବୀନଙ୍କୁ ନିଜ ଭଲ ପାଇବା ଅଜାଡି ଦେଇଥିଲେ । ସେହିପରି ଗଞ୍ଜାମର ଏକ ସ୍କୁଲ କିରାଣୀ ରଂଜିତ ପାତ୍ର ନୂଆପଡା ଯାଇ ବିଜେପି ପାଇଁ ପ୍ରଚାର କରୁଛନ୍ତି । ରଂଜିତ ଜଣେ ବିଜେପି ବିଧାୟକଙ୍କ ସମ୍ପର୍କୀୟ ବୋଲି ଶୁଣିବାକୁ ମିଳିଛି । ଯଦି ଏହା ସତ, ଏହା ସାଙ୍ଘାତିକ । ନିଜ ପରିବାର ଲୋକ ଓ ସରକାରୀ କଳକୁ ଲଗାଇ ଭୋଟ ହାତେଇବାକୁ ବିଜେପି ଚେଷ୍ଟା କରୁଛି । ଏହା ବିରୋଧରେ କାର୍ଯ୍ୟାନୁଷ୍ଠାନ ନେବା ସହ ସରକାରୀ ଅଧିକାରୀ ଯେପରି ବିଜେପି ନେତାଙ୍କ ସହ ଏହି ଉପନିର୍ବାଚନ ସମୟରେ ନ ମିଶନ୍ତି, ସେ ନେଇ ପଦକ୍ଷେପ ନେବାକୁ ମୁଖ୍ୟ ନିର୍ବାଚନ ଅଧିକାରୀଙ୍କୁ ଅନୁରୋଧ କରିଛି ବିଜେଡି ।
କାଲି ସରିବ ନୂଆପଡ଼ା ପ୍ରଚାର: ଭୋଟରଙ୍କୁ ମନାଇବାକୁ ସବୁ ଦଳର ପ୍ରୟାସ, ନବୀନଙ୍କ ରୋଡ ଶୋ’ ପରେ ବିଜେଡି କର୍ମୀଙ୍କ ମଧ୍ୟରେ ଉତ୍ସାହ
କାଲି ସରିବ ନୂଆପଡ଼ା ପ୍ରଚାର: ଭୋଟରଙ୍କୁ ମନାଇବାକୁ ସବୁ ଦଳର ପ୍ରୟାସ, ନବୀନଙ୍କ ରୋଡ ଶୋ’ ପରେ ବିଜେଡି କର୍ମୀଙ୍କ ମଧ୍ୟରେ ଉତ୍ସାହ
ନନ୍ଦିଘୋଷ ବ୍ୟୁରୋ: ଶେଷ ପର୍ଯ୍ୟାୟରେ ପହଞ୍ଚିଛି ନୂଆପଡ଼ା ଉପନିର୍ବାଚନ ପ୍ରଚାର । ପ୍ରଚାରରେ ଶେଷ ସ୍ପର୍ଶ ଦେବା ପାଇଁ ସବୁ ପ୍ରମୁଖ ଦଳର ପ୍ରାର୍ଥୀ ଓ ନେତା ଲାଗି ପଡ଼ିଛନ୍ତି । ବିଭିନ୍ନ ଗାଁ ଗାଁ ବୁଲି ପ୍ରଚାର କରୁଛନ୍ତି ପ୍ରାର୍ଥୀ । ନବୀନଙ୍କ ରୋଡ଼ ଶୋ’ ପରେ ବିଜେଡି କର୍ମୀଙ୍କ ମଧ୍ୟରେ ଭିନ୍ନ ପ୍ରକାର ଉତ୍ସାହ । ସେପଟେ ମୁଖ୍ୟମନ୍ତ୍ରୀ ମଧ୍ୟ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିଥିବା ବେଳେ କଂଗ୍ରେସ ପ୍ରାର୍ଥୀ କୋମନା ଓ ନୂଆପଡ଼ା ଅଞ୍ଚଳରେ ଜୋରଦାର ପ୍ରଚାର କରିଛନ୍ତି ।
ହୃଦୟରେ ଘର କରିଥିଲେ, ଏବେ ମନ ଜିଣିଲେ ନବୀନ । ଭୋଟରଙ୍କୁ କିମିଆ କଲା ନୂଆପଡ଼ା ପ୍ରଚାର । ଚାରିଆଡେ ଛାଇଗଲା ବିଜେଡି । ଏବେ ଫୁଲ ଯୋଶରେ କର୍ମୀ । ପରକୋଡ଼ ସଭା ମଞ୍ଚରୁ ବିକାଶ ପୁରୁଷଙ୍କ ଟାର୍ଗେଟରେ ପଲଟି ଗଲା ବିରୋଧୀଙ୍କ ବାଜି । ପ୍ରଚାରର ଶେଷ ପର୍ଯ୍ୟାୟରେ ଫୁଲ ଦମରେ ଲାଗି ପଡ଼ିଛନ୍ତି ବିଜେଡି ପ୍ରାର୍ଥୀ ସ୍ନେହାଙ୍ଗିନୀ ଛୁରିଆ ଓ ଦଳୀୟ ନେତା । ପ୍ରତ୍ୟେକ ପଂଚାୟତ, ୱାର୍ଡ ଓ ଗାଁକୁ ଆଗରୁ ଯାଇଥିଲେ ମଧ୍ୟ ଏବେ ଶେଷ ପର୍ଯ୍ୟାୟରେ ଆଉ ଥରେ ଲୋକଙ୍କ ପାଖକୁ ଯାଇ ନିଜ କଥା ମନେ ପକାଇ ଦେଉଛନ୍ତି । ଆଜି ସ୍ନେହାଙ୍ଗିନୀ ଛୁରିଆ ନୂଆପଡ଼ା ଓ କୋମନା ବ୍ଲକର ବିଭିନ୍ନ ଗାଁ ଓ ପଂଚାୟତ ବୁଲି ପ୍ରଚାର କରିଛନ୍ତି । ନବୀନଙ୍କ ନୂଆପଡ଼ା, କୋମନା ଓ ଖରିଆର ପ୍ରଚାର ଲୋକଙ୍କ ମନରେ ଉତ୍ସାହ ଭରିଥିବା ଦେଖିବାକୁ ମିଳିଛି । ସ୍ନେହାଙ୍ଗିନୀଙ୍କ ସହ ବରିଷ୍ଠ ବିଜେଡି ନେତା, ବିଧାୟକ ତଥା ଦଳୀୟ କର୍ମୀମାନେ ଗାଁ ଗାଁ ବୁଲୁଥିବା ଦେଖିବାକୁ ମିଳିଛି । ବିଜେଡିର ବିଜୟକୁ ଲୋକେ ସୁନିଶ୍ଚିତ କରିଥିବା କୁହାଯାଇଛି ।
ଆସନ୍ତାକାଲି ସଂଧ୍ୟାରେ ନୂଆପଡ଼ା ହାଇପ୍ରୋଫାଇଲ ପ୍ରଚାର ଶେଷ ହେବ । ତେଣୁ ଆଜି ପ୍ରଚାରରେ ଶେଷ ସ୍ପର୍ଶ ଦେବାକୁ ଉଦ୍ୟମ କରିଛନ୍ତି ପ୍ରମୁଖ ଦଳର ପ୍ରାର୍ଥୀ । ବିଜେପି ପ୍ରାର୍ଥୀ ଜୟ ଢୋଲକିଆଙ୍କ ପାଇଁ ମୁଖ୍ୟମନ୍ତ୍ରୀ ମୋହନ ମାଝୀ ପ୍ରଚାର କରିଛନ୍ତି । ସାଧାରଣ ସଭା ସହ ରୋଡ଼ ଶୋ’ ବି କରିଛନ୍ତି ମୋହନ । ଦଳୀୟ ପ୍ରାର୍ଥୀ ଓ ନେତାମାନେ ମଧ୍ୟ ପ୍ରଚାରରେ ସାମିଲ ହୋଇଛନ୍ତି । ସେପଟେ କଂଗ୍ରେସ ପ୍ରାର୍ଥୀ ଘାସିରାମ ମାଝୀ କୋମନା ଅଞ୍ଚଳରେ ବ୍ୟାପକ ପ୍ରଚାର କରିଥିବା ଦେଖିବାକୁ ମିଳିଛି । ଦୁଆର ଦୁଆର ବୁଲି ଲୋକଙ୍କ ସୁଖ ଦୁଃଖରେ ସାଥୀ ହେବାକୁ ଦେଇଛନ୍ତି ପ୍ରତିଶୃତି ।
ବିଜେଡି ସଭାପତି ନବୀନ ପଟ୍ଟନାୟକଙ୍କ ନୂଆପଡ଼ା ଗସ୍ତ ପରେ ଅନ୍ୟ ଦଳର ନେତାମାନଙ୍କ ମଧ୍ୟରେ ଭାଳେଣି ପଡ଼ିଥିବା ଚର୍ଚ୍ଚା ହେଉଛି । ତେବେ ଭୋଟର କାହା ମୁଣ୍ଡରେ ବିଜୟ ବିଜୟ ମୁକୁଟ ପିନ୍ଧାଇବେ ତାହା ଦେଖିବାକୁ ବାକି ରହିଛି ।
କଟକରେ ବିଲ୍ଡିଂର ବାଲକୋନୀ ଭୁଶୁଡ଼ି ତିନି ମୃତ, ଜଣେ ଗୁରୁତର
କଟକରେ ବିଲ୍ଡିଂର ବାଲକୋନୀ ଭୁଶୁଡ଼ି ତିନି ମୃତ, ଜଣେ ଗୁରୁତର
ନନ୍ଦିଘୋଷ ବ୍ୟୁରୋ: କଟକରେ ଭୁଶୁଡ଼ିଲା କୋଠାର ବାଲକୋନୀ । ଚାଲିଗଲା ତିନି ଜଣଙ୍କ ଜୀବନ । ଅନ୍ୟ ଜଣେ ଗୁରୁତର ।
ବାଲିଯାତ୍ରାକୁ ନେଇ କଟକ ଉତ୍ସବମୁଖର ଥିବା ବେଳେ କଟକରୁ ଆସିଛି ଏହି ଦୁଃଖଦ ଖବର । ବକ୍ସିବଜାର ପୋଲିସ ଲାଇନ ସ୍ଥିତ ହାଡ଼ିବନ୍ଧୁ ସ୍କୁଲ ନିକଟ ମଣି ସାହୁ ଛକରେ ଫ୍ଲାଟର ବାଲକୋନୀ ଭାଙ୍ଗି ଏକ ଆଜବେଷ୍ଟସ୍ ଘର ଉପରେ ପଡ଼ିଥିଲା । ଫଳରେ ଘର ଭିତରେ ଥିବା ତିନି ଜଣଙ୍କ ମୃତ୍ୟୁ ଘଟିଥିବା ବେଳେ ଜଣେ ଆହତ ହୋଇଛନ୍ତି । ଘଟଣାସ୍ଥଳରେ ଅଗ୍ନିଶମ ବାହିନୀ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି । ଆହତମାନଙ୍କୁ ଉଦ୍ଧାର କରି ଚିକିତ୍ସା ପାଇଁ କଟକ ଏସସିବି ମେଡିକାଲକୁ ସ୍ଥାନାନ୍ତର କରାଯାଇଛି । ତେବେ ବାଲକୋନୀ କେମିତି ଭାଙ୍ଗିଲା ତାହା ସ୍ପଷ୍ଟ ହୋଇନି । ଘଟଣା ସମ୍ପର୍କରେ ଅଧିକ ତଦନ୍ତ ଜାରି ରହିଛି ।
ଲୋକଙ୍କ ଘରେ ଘରେ ଶୋଭା ପାଏ ଦୟାଲ ମଉସାଙ୍କ ହାତଗଢ଼ା ମହାପ୍ରଭୁଙ୍କ ପ୍ରତିମୂର୍ତ୍ତି
ଲୋକଙ୍କ ଘରେ ଘରେ ଶୋଭା ପାଏ ଦୟାଲ ମଉସାଙ୍କ ହାତଗଢ଼ା ମହାପ୍ରଭୁଙ୍କ ପ୍ରତିମୂର୍ତ୍ତି
ନନ୍ଦିଘୋଷ ବ୍ୟୁରୋ: ବୟସର ଅପରାହ୍ଣ ଥିଲେ ସୁଦ୍ଧା ଥକିନି ହାତ । କାର୍ଡବୋର୍ଡ, କାଗଜ ଓ ଅଦରକାରୀ ପ୍ଲାଷ୍ଟିକ ସାମଗ୍ରୀକୁ ବ୍ୟବହାର କରି ତିଆରି କରୁଛନ୍ତି ଜଗନ୍ନାଥଙ୍କ ପ୍ରତିମୂର୍ତ୍ତି । ବ୍ୟବସାୟ ପାଇଁ ନୁହେଁ ବରଂ ସମସ୍ତଙ୍କୁ ଦାନ କରିବା ପାଇଁ କରିଛନ୍ତି ପଣ । ବାଲେଶ୍ବର ରେମୁଣା ଅଞ୍ଚଳରେ ପ୍ରତ୍ୟେକ ଘରେ ଶୋଭା ପାଏ ଦୟାଲ ଚନ୍ଦ୍ରଙ୍କ ହାତଗଢ଼ା ମହାପ୍ରଭୁଙ୍କ ପ୍ରତିମୂର୍ତ୍ତି ।
ଅଦରକାରୀ ବର୍ଜ୍ୟବସ୍ତୁ ବ୍ୟବହାର କରି ଦୟାଲ ମଉସା ତିଆରି କରୁଛନ୍ତି ଜଗନ୍ନାଥଙ୍କ ପ୍ରତିମୂର୍ତ୍ତି । ବୟସ ଅଣାଅସି, ଚମ ଧୁଡୁ ଧୁଡୁ ଦେହ । ହେଲେ ଥକି ନାହିଁ ହାତ କି ଥକି ନାହିଁ ଆଖି । ବୃଦ୍ଧ ବୟସରେ ତାଙ୍କ ଜୀବନ ଜଗତର ନାଥଙ୍କ ପାଇଁ ଉତ୍ସର୍ଗୀକୃତ । ବର୍ଜ୍ୟବସ୍ତୁରୁ ତିଆରୁ କରିଛନ୍ତି ଜଗନ୍ନାଥଙ୍କ ପ୍ରତିମୂର୍ତ୍ତି । କାର୍ଡ ବୋର୍ଡ, ପ୍ଲାଷ୍ଟିକ ବୋତଲ, ଖବର କାଗଜ ଓ ବ୍ୟବହାର ହୋଇଥିବା ଖାତା ଇତ୍ୟାଦିକୁ ସେ ସମ୍ବଳ କରିଛନ୍ତି । ଚାକିରିରୁ ଅବସର ପରେ ଆଦରି ନେଇଛନ୍ତି ତ୍ୟାଗଭାବ ।
ସେବା ମନୋଭାବ ରଖି ବେଶ ଖୁସି ଅନୁଭବ କରନ୍ତି ଦୟାଲ । ରେମୁଣା ଅଞ୍ଚଳରେ ଘରେ ଘରେ ଦୟାଲଙ୍କ ହାତ ତିଆରି ମୂର୍ତ୍ତି ପୂଜା ପାଇଥାଏ । ପେନସନ ଟଙ୍କାରେ ସେ ରଙ୍ଗ ଓ ତୂଳୀ କିଣି ଏହି ମୂର୍ତ୍ତି ସବୁ ତିଆରି କରନ୍ତି । ବିଭିନ୍ନ ମନ୍ଦିର ଅନୁଷ୍ଠାନ ଓ ଲୋକଙ୍କୁ ମୂର୍ତ୍ତି ଦାନ କରି ପାଆନ୍ତି ଆନନ୍ଦ ।
ଗୁଣ୍ଡିଚା ମନ୍ଦିର ଦଳାଚକଟା ଘଟଣା: ଅବହେଳା ପାଇଁ ୭ ପୋଲିସ ଅଧିକାରୀଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ
ଗୁଣ୍ଡିଚା ମନ୍ଦିର ଦଳାଚକଟା ଘଟଣା: ଅବହେଳା ପାଇଁ ୭ ପୋଲିସ ଅଧିକାରୀଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ
ନନ୍ଦିଘୋଷ ବ୍ୟୁରୋ: ମହାପ୍ରଭୁଙ୍କ ବିଶ୍ବ ପ୍ରସିଦ୍ଧ ରଥଯାତ୍ରା ସମୟରେ ଗୁଣ୍ଡିଚା ମନ୍ଦିର ସମ୍ମୁଖରେ ହୋଇଥିବା ଦଳାଚକଟା ପାଇଁ ୭ ପୋଲିସ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ । କାର୍ଯ୍ୟରେ ଅବହେଳା ପାଇଁ ଏହି ପୋଲିସ ଅଧିକାରୀଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ନେବାକୁ ଗୃହ ବିଭାଗ ପୋଲିସ ଡିଜିଙ୍କୁ ନିର୍ଦ୍ଦେଶ ଦେଇଛି । ଏହି ପୋଲିସ ଅଧିକାରୀମାନେ ହେଲେ କମାଣ୍ଡାଣ୍ଟ ଅଜୟ କୁମାର ପାଢ଼ୀ, ତତ୍କାଳୀନ ଡିସିପି ବିଷ୍ଣୁପ୍ରସାଦ ପତି, କମାଣ୍ଡାଣ୍ଟ ତାପସ ରଂଜନ ଦାସ, କମାଣ୍ଡାଣ୍ଟ କେ. କେ. ନାୟକ, ସିଟି ଡିଏସପି ପ୍ରଶାନ୍ତ କୁମାର ସାହୁ, କୁମ୍ଭାରପଡ଼ା ଆଇଆଇସି ସୁଶାନ୍ତ କୁମାର ସାହୁ ଏବଂ କମାଣ୍ଡାଣ୍ଟ ଶାରଦା ପ୍ରସାଦ ଦାଶ ।
ଏମାନେଙ୍କ ମଧ୍ୟରୁ କମାଣ୍ଡାଣ୍ଟ ଅଜୟ କୁମାର ପାଢ଼ୀ ଏବଂ ଡିସିପି ବିଷ୍ଣୁପ୍ରସାଦ ପତିଙ୍କୁ ସରକାର ନିଲମ୍ବିତ କରିଛନ୍ତି । ଅଥଚ ଏଇ ଘଟଣାରେ ଅନେକ ବଡ଼ବଡ଼ିଆ ଅଧିକାରୀଙ୍କ ଦାୟିତ୍ଵରେ ଅବହେଳା ନେଇ ଅଭିଯୋଗ ଉଠିଛି । ଉନ୍ନୟନ କମିଶନର ଅନୁ ଗର୍ଗଙ୍କ ଅଧ୍ୟକ୍ଷତାରେ ଏହି ଘଟଣାର ହୋଇଥିବା ପ୍ରାଶାସନିକ ତଦନ୍ତ ରିପୋର୍ଟରେ ବିସ୍ତୃତ ଭାବେ କାହାକୁ ଦାୟୀ କରାଯାଇଛି ତାହା ଏପର୍ଯ୍ୟନ୍ତ ଜଣାନାହିଁ । କିନ୍ତୁ ଗୃହ ବିଭାଗର ଚିଠିକୁ ନେଇ ବୁଦ୍ଧିଜୀବୀ ପ୍ରଶ୍ନ ଉଠାଇବା ସହ ଏହି ଦଳାଚକଟା ଘଟଣା ପାଇଁ ଅନେକ ବଡ଼ ବଡ଼ ଅଧିକାରୀ ଦାୟୀ ବୋଲି କହିଛନ୍ତି । ସେମାନଙ୍କୁ ସରକାର ଏକ ପ୍ରକାର କ୍ଲିନଚିଟ୍ ଦେଇଥିବା ଅଭିଯୋଗ ହୋଇଛି ।
ଜୁନ୍ ୨୯ରେ ଗୁଣ୍ଡିଚା ମନ୍ଦିର ସାମ୍ନାରେ ହୋଇଥିଲା ଦଳାଚକଟା । ଦଳାଚକଟାରେ ୩ ଶ୍ରଦ୍ଧାଳୁଙ୍କ ମୃତ୍ୟୁ ଘଟିଥିଲା । ଗୃହ ବିଭାଗର ଚିଠିରୁ ଜଣାପଡିଛି, ଅଘଟଣ ଦିନ ଭିଡ଼ ନିୟନ୍ତ୍ରଣ ପାଇଁ ଏ ସମସ୍ତ ଅଧିକାରୀ ରଥ ଆଗରେ ଉପସ୍ଥିତ ରହିବାକୁ ଦାୟିତ୍ଵ ଦିଆଯାଇଥିଲା, କିନ୍ତୁ ସେମାନେ ଅନୁପସ୍ଥିତ ଥିଲେ । ସେଣ୍ଟ୍ରାଲ କଣ୍ଟ୍ରୋଲ ରୁମରେ ଲାଗିଥିବା ୨୭୫ଟି ସିସିଟିଭିରୁ ୧୨୩ ନମ୍ବରରୁ ୨୩୨ ନମ୍ବର ସିସିଟିଭିର ଫିଡ୍ କଣ୍ଟ୍ରୋଲ ରୁମକୁ ମିଳୁ ନଥିଲା । ଏହା ସହିତ ଲାଗିଥିବା ଏଲଇଡି ପ୍ୟାନେଲ ମଧ୍ୟ କାମ କରୁ ନଥିଲା। ଏ ସମସ୍ତ ଅବହେଳା ପାଇଁ କ’ଣ ଏହି ୭ ପୋଲିସ ଅଧିକାରୀ ଦାୟୀ ବୋଲି ପ୍ରଶ୍ନ ଉଠିବାରେ ଲାଗିଛି ।
ପୁଣି ସରକାରୀ ପରୀକ୍ଷାରେ ବିଭ୍ରାଟ; ଗୋଟିଏ ଦିନରେ ଦୁଇଟି ପରୀକ୍ଷାକୁ ନେଇ ଅସନ୍ତୋଷ
ପୁଣି ସରକାରୀ ପରୀକ୍ଷାରେ ବିଭ୍ରାଟ; ଗୋଟିଏ ଦିନରେ ଦୁଇଟି ପରୀକ୍ଷାକୁ ନେଇ ଅସନ୍ତୋଷ
ନନ୍ଦିଘୋଷ ବ୍ୟୁରୋ: ୧୬ ମାସର ବିଜେପି ସରକାର ଯେମିତି ଓଡ଼ିଶାରେ କାହାରିଙ୍କୁ ନିଯୁକ୍ତି ନଦେବାକୁ ପଣ କରିଛି । ସରକାରୀ କଳର କାର୍ଯ୍ୟଦକ୍ଷତା ଏପରି ପ୍ରଶ୍ନ ଉଠାଇବାରେ ଲାଗିଛି । କାରଣ ୧୬ ମାସର ବିଜେପି ସରକାରରେ ୧୬ଟି ସରକାରୀ ପରୀକ୍ଷାରେ ବିଭ୍ରାଟ ଘଟିଛି । ଆଉ ଏତିରୁ ସରକାର ଶିକ୍ଷା ନେବେ କ’ଣ ପୁଣି ସମାନ ଘଟଣା । ୯ ତାରିଖରେ ଦୁଇ ଦୁଇଟି ସରକାରୀ ଚାକିରି ପାଇଁ ପରୀକ୍ଷା ହେବାକୁ ଯାଉଛି । ଏପରି ବିଭ୍ରାଟକୁ ନେଇ ଆଶାୟୀଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଛି ।
ଗୋଟିଏ ଦିନରେ ଦୁଇ ଦୁଇଟି ବର୍ଗରେ ଖାଲି ଥିବା ପଦବୀ ପାଇଁ ସରକାରୀ ପରୀକ୍ଷାକୁ ନେଇ ଦ୍ୱନ୍ଦ୍ୱ ସୃଷ୍ଟି ହୋଇଛି । ଆସନ୍ତାକାଲି OPSC କରିବାକୁ ଯାଉଛି ASO ଲାଗି ପରୀକ୍ଷା । ସକାଳ ୯ଟାରୁ ସାଢେ ୧୦ଟା ଯାଏଁ ହେବ ପେପର-୧ ପରୀକ୍ଷା । ସେପଟେ ସମାନ ସମୟରେ OSSSC କରିବାକୁ ଯାଉଛି RI, ଅମିନ ଲାଗି ପରୀକ୍ଷା । ଯେଉଁ ଆଶାୟୀ ଉଭୟ ପରୀକ୍ଷା ପାଇଁ ଆବେଦନ କରିଥିବେ ସେମାନେ କେମିତି ଦୁଇଟି ଯାକ ପରୀକ୍ଷା ଦେବେ ତାକୁ ନେଇ ଚିନ୍ତାରେ ପଡିଛନ୍ତି ପରୀକ୍ଷାର୍ଥୀ । ଯାହାକୁ ନେଇ ଆଶାୟୀଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଛି ।
ରାସ୍ତା ମଝିରେ ବିଜେପି କରିଛି ଷ୍ଟେଜ, ଅଫିସରମାନେ ଅଭିଯୋଗ ଶୁଣୁନାହାଁନ୍ତି : ବିଜେଡ଼ି
ଭୁବନେଶ୍ବର : ମୁଖ୍ୟମନ୍ତ୍ରୀଙ୍କ ରୋଡ଼ ଶୋ ପାଇଁ ରାସ୍ତାରେ ବିଜେପିର ଷ୍ଟେଜ କରାଯିବା ପ୍ରସଙ୍ଗକୁ ନେଇ ବର୍ଷିଲା ବିଜେଡି। ଗତକାଲି ନବୀନ ପଟ୍ଟନାୟକଙ୍କ ବିଶାଳ ରୋଡ଼ ଶୋ, ହଜାର ହଜାର ସଂଖ୍ୟାରେ ଓଲ୍ହାଇଲେ ଏହାକୁ ଦେଖି ଭୟଭୀତ ହୋଇ ତରବରିଆ ଭାବେ ଯେଉଁ ରୋଡ଼ ଶୋ କରୁଛନ୍ତି। ଶାସନ ପ୍ରଶାସନର ସହାୟତାରେ ରାସ୍ତା ମଝିରେ ଷ୍ଟେଜ କରିଛନ୍ତି। ୯୦ ଭାଗ ରାସ୍ତା ବନ୍ଦ କରି ଷ୍ଟେଜ କରିଛନ୍ତି। ୱାର୍କିଂ ଡେ ରେ ଏଭଳି କରିବା ଦ୍ୱାରା ଲୋକେ ବହୁ ହଇରାଣ ହେଉଛନ୍ତି। ପ୍ରଶାସନକୁ ଜଣାଇବା ପରେ ବି ସେମାନେ ଶୁଣିବାକୁ ନାରାଜ। ଜିଲ୍ଲାପାଳଙ୍କୁ ବାରମ୍ବାର ଫୋନ କରିବା ପରେ ବି ସେ ଫୋନ ଉଠାଉନାହାନ୍ତି। ନିର୍ବାଚନ ପର୍ଯ୍ୟବେକ୍ଷକ ମାନେ ମଧ୍ୟ ଫୋନ ରିସିଭ କରୁ ନାହାନ୍ତି। ଯଦି ପ୍ରତିନିଧିଙ୍କୁ ନ ଭେଟିବେ ତାହେଲେ କାହିଁକି ଅଛନ୍ତି ପର୍ଯ୍ୟବେକ୍ଷକ ବୋଲି ପ୍ରଶ୍ନ କଲା ଦଳ।
ବେଆଇନ କାମ କରିକି ରାସ୍ତାକୁ ବନ୍ଦ କରି ମିଟିଂ କରୁଛନ୍ତି। ଜିଲ୍ଲାପାଳ ଏସପି ଶାସକ ଦଳର ଏଜେଣ୍ଟ ଭଳି କାମ କରୁଛନ୍ତି। ଏଭଳି ପରିସ୍ଥିତି କେବେ ଦେଖାଯାଇ ନ ଥିଲା। ଅଭିଯୋଗ ନ ଶୁଣିବା କେବେ ଦେଖିବାକୁ ମିଳି ନ ଥିଲା। ଏକତରଫା ନିର୍ବାଚନ କରିବାକୁ ଉଦ୍ୟମ ହେଉଛି। ଭୟର ବାତାବରଣ ସୃଷ୍ଟି ପାଇଁ ଉଦ୍ୟମ ହେଉଛି। ବିଜେଡି ପୋଷ୍ଟର ବ୍ୟାନର ହଟାଯାଇ ବିଜେପି ପୋଷ୍ଟର ଲଗାଯାଉଛି। ପ୍ରଶାସନ ବ୍ୟାନର ପୋଷ୍ଟର ଲଗାଉଛି। ଯାହାକୁ କଡା ନିନ୍ଦା କଲା ବିଜେଡି। କାଲି ଯେଭଳି ଜନସମର୍ଥନ ରହିଲା ଓ ଜନସମୁଦ୍ର ପାଲଟିଲା ଏଥିରେ ବିଜେପି ଭୟଭୀତ। ସେମାନେ ଜାଣିସରିଲେଣି ସେମାନଙ୍କ ଲୋକପ୍ରିୟତା ନାହିଁ। ମୋହନ ମାଝୀଙ୍କ ସଭାରେ ଲୋକ ହେଉ ନାହାଁନ୍ତ। ରାସ୍ତା ବ୍ଲକ କରି ଭିଡ଼ ଦେଖାଇବାକୁ ଉଦ୍ୟମ। ବିଜେପିର ଲୋକପ୍ରିୟତା ନାହିଁ। ବିଜେପି ନେତା ମନ୍ତ୍ରୀଙ୍କୁ ଲୋକେ ଚିହ୍ନୁ ନାହାନ୍ତି। ସେଥିପାଇଁ ଜବରଦସ୍ତି ଅନ୍ୟ ଜିଲ୍ଲାରୁ ପ୍ରଶାସନକୁ ଲଗାଇ ଲୋକଙ୍କୁ ଅଣାଯାଉଛି। ଜବରଦସ୍ତି ଲୋକପ୍ରିୟତା ଆସେନାହିଁ ବୋଲି କହିଲା ବିଜେଡି।