କଟକ: ଦଳୀୟ ଅସନ୍ତୋଷରେ ଅତିଷ୍ଠ ହୋଇ କଂଗ୍ରେସ ଛାଡ଼ିଲେ ଶତାଧିକ କର୍ମୀ । ଦଳ ଛାଡ଼ିବା ପରେ ସାହିଲ ହେଲେ ବିଜେଡିରେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶମୂଳକ ଯୋଜନାରେ ଅନୁପ୍ରାଣିତ ହୋଇ ବିଜେଡି ଯୋଗ ଦେଇଥିବା କହିଥିବା କଂଗ୍ରେସ କର୍ମୀ ।
ଶିକ୍ଷା, ସ୍ବାସ୍ଥ୍ୟ ଆଦି ପ୍ରତ୍ୟେକ କ୍ଷେତ୍ରରେ ରାଜ୍ୟକୁ ଏକ ନମ୍ବର କରିବାକୁ ମୁଖ୍ୟମନ୍ତ୍ରୀ ପ୍ରୟାସ ଜାରି ରଖିଛନ୍ତି । ବିଜେଡି ରାଜ୍ୟର ବିକାଶ ପାଇଁ କାମ କରୁଥିବାରୁ ଲୋକଙ୍କର ପ୍ରଥମ ପସନ୍ଦ ପାଲଟିଛି ବିଜୁ ଜନତା ଦଳ । ମିଶ୍ରଣ କାର୍ଯ୍ୟକ୍ରମରେ ଜିଲ୍ଲା ବିଜେଡି ସଭାପତିଙ୍କ ସମେତ ଦଳର ବରିଷ୍ଠ ନେତାମାନେ ଉପସ୍ଥିତ ରହିଥିଲେ ।
ଜୟପୁର: ସାରା ଦେଶରେ ଅତ୍ୟାବଶକ ସାମଗ୍ରୀର ଦର ଦିନକୁ ଦିନ ବଢ଼ିବାରେ ଲାଗିଛି । ଦରବୃଦ୍ଧି ଫଳରେ ପ୍ରତ୍ୟେକ ଭାରତୀୟ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଦରବୃଦ୍ଧିକୁ ନେଇ କେନ୍ଦ୍ର ସରକାରଙ୍କୁ ଘେରିଛି କଂଗ୍ରେସ । ରବିବାର କଂଗ୍ରେସ ଜୟପୁରରେ ଦରଦାମ ହ୍ରାସ ଦାବିରେ ଏକ ରାଲି କରିଛି । ଏହି ରାଲିରେ କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧୀଙ୍କ ସମେତ ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀ ସାମିଲ ହୋଇଥିଲେ । ଏହି ରାଲିରେ ରାହୁଲ ଗାନ୍ଧୀ କହିଥିଲେ କି ଦେଶରେ ବର୍ତ୍ତମାନ ଦୁଇଟି ଶବ୍ଦକୁ ନେଇ ରାଜନୀତି କରାଯାଉଛି । ସେଥିମଧ୍ୟରୁ ଗୋଟିଏ ଶବ୍ଦ ହେଉଛି ହିନ୍ଦୁ ଓ ଅନ୍ୟଟି ହେଉଛି ହିନ୍ଦୁତ୍ୱବାଦୀ । ମୁଁ ହିନ୍ଦୁ କିନ୍ତୁ ହିନ୍ଦୁତ୍ୱବାଦୀ ନୁହେଁ ବୋଲି କହିଛନ୍ତି ରାହୁଲ ଗାନ୍ଧୀ । ମହାତ୍ମା ଗାନ୍ଧୀ ଥିଲେ ହିନ୍ଦୁ ଓ ଗଡସେ ଥିଲେ ହିନ୍ଦୁତ୍ୱବାଦୀ ।
देश की राजनीति में दो शब्दों की टक्कर है। एक है हिंदू और दूसरी हिंदुत्ववादी; यह एक चीज नहीं है, यह दो अलग-अलग शब्द हैं: श्री @RahulGandhi #हिन्दू_हूँ_हिंदुत्ववादी_नहीं pic.twitter.com/NmWbf75xvo
— Congress (@INCIndia) December 12, 2021
ଏହି ରାଲିରେ ଉଦବୋଧନ ଦେବା ସମୟରେ ରାହୁଲ ଗାନ୍ଧୀ କହିଥିଲେ କି ଦୁଇଟି ଜୀବ ମଧ୍ୟରେ ଗୋଟିଏ ଆତ୍ମା ରହି ପାରିବନି । ସେହିପରି ଭାବରେ ଦୁଇଟି ଶବ୍ଦର ଗୋଟିଏ ଅର୍ଥ ହୋଇ ପାରିବ ନାହିଁ । ପ୍ରତିଟି ଶବ୍ଦର ଭିନ୍ନ ଭିନ୍ନ ଅର୍ଥ ଥାଏ । ବର୍ତ୍ତମାନ ଦେଶରେ ଦୁଇଟି ଶବ୍ଦକୁ ନେଇ ରାଜନୀତି ହେଉଛି । ସେଥିମଧ୍ୟରୁ ଗୋଟିଏ ଶବ୍ଦ ହେଉଛି ହିନ୍ଦୁ ଏବଂ ଦ୍ୱିତୀୟ ଶବ୍ଦ ହେଉଛି ହିନ୍ଦୁତ୍ୱବାଦୀ । ଏହି ଦୁଇଟି ଶବ୍ଦର ଅର୍ଥ ଭିନ୍ନ ଅଟେ ।
मैं यह आपके बीच इसलिए बता रहा हूं क्योंकि आप हिंदू हो, हिंदुत्ववादी नहीं।
ये देश हिंदुओं का देश है, हिंदुत्ववादियों का नहीं: श्री @RahulGandhi #हिन्दू_हूँ_हिंदुत्ववादी_नहीं pic.twitter.com/yUlUUXBxbn
— Congress (@INCIndia) December 12, 2021
ରାହୁଲ ଆହୁରି କହିଛନ୍ତି କି ମୁଁ ହିନ୍ଦୁ କିନ୍ତୁ ହିନ୍ଦୁତ୍ୱବାଦୀ ନୁହେଁ । ଏମାନେ ସବୁ ହିନ୍ଦୁ କିନ୍ତୁ ହିନ୍ଦୁତ୍ୱବାଦୀ ନୁହଁନ୍ତି । ଆଜି ମୁଁ ଆପଣଙ୍କୁ ହିନ୍ଦୁ ଓ ହିନ୍ଦୁତ୍ୱବାଦୀ ମଧ୍ୟରେ କ’ଣ ଭିନ୍ନ ରହିଛି ତାହା କହିବାକୁ ଚାହୁଁଛି ବୋଲି କହିଥିଲେ ରାହୁଲ ଗାନ୍ଧୀ । ମହାତ୍ମା ଗାନ୍ଧୀ ହିନ୍ଦୁ ଓ ନାଥୁରାମ୍ ଗଡସେ ହିନ୍ଦୁତ୍ୱବାଦୀ ଥିଲେ ବୋଲି କହିଛନ୍ତି ରାହୁଲ ଗାନ୍ଧୀ । ହିନ୍ଦୁର ରାସ୍ତା ସତ୍ୟାଗ୍ରହ ଅଟେ । ସେ ଯାହା ବି ହେଉ ନା କାହିଁକି ହିନ୍ଦୁ ସବୁ ସମୟରେ ସତ୍ୟକୁ ସନ୍ଧାନ କରିଥାଏ । ମହାତ୍ମା ଗାନ୍ଧୀ ତାଙ୍କ ଜୀବନୀରେ ଲେଖିଥିଲେ କି ସେ ପୂରା ଜୀବନ ସତ୍ୟକୁ ବୁଝିବା ପାଇଁ ଅତିବାହିତ କରିଥିଲେ । କିନ୍ତୁ ଶେଷରେ ତାଙ୍କୁ ଜଣେ ହିନ୍ଦୁତ୍ୱବାଦୀ ଗୁଳି କରି ହତ୍ୟା କଲେ ବୋଲି କହିଛନ୍ତି ରାହୁଲ ଗାନ୍ଧୀ ।
ସେ ଆହୁରି କହିଛନ୍ତି କି ହିନ୍ଦୁତ୍ୱବାଦୀ କ୍ଷମତା ପାଇବା ପାଇଁ ପୂରା ଜୀବନ ବିତାଇ ଦିଅନ୍ତି । ସେମାନଙ୍କର ସତ୍ୟ ସନ୍ଧାନରେ କିଛି ସମ୍ପର୍କ ନାହିଁ । ସେମାନଙ୍କୁ କେବଳ କ୍ଷମତା ଦରକାର ଓ କ୍ଷମତା ପାଇଁ ସେମାନେ କିଛି ବି କରିପାରନ୍ତି ବୋଲି କହିଛନ୍ତି ରାହୁଲ ଗାନ୍ଧୀ । ହିନ୍ଦୁ ସାମ୍ନାରେ ଛିଡା ହୋଇ ଭୟର ସାମ୍ନା କରିଥାଏ ଏବଂ ଗୋଟିଏ ବି ଇଞ୍ଚ ପଛକୁ ଫେରିନଥାଏ । କିନ୍ତୁ ହିନ୍ଦୁତ୍ୱବାଦୀ ଭୟରେ ନତମସ୍ତକ କରିଥାଏ । ଏହା ହେଉଛି ହିନ୍ଦୁ ଓ ହିନ୍ଦୁତ୍ୱବାଦୀ ମଧ୍ୟରେ ଫରକ ।
ରାହୁଲ ଏହି ରାଲିକୁ ସମ୍ବୋଧିତ କରିବା ସମୟରେ କହିଥିଲେ କି ମୁଁ କାହିଁକି ଆପଣଙ୍କୁ ଏହି ଭାଷଣ ଦେଉଛି? କାରଣ ଆପଣମାନେ ସବୁ ହେଉଛନ୍ତି ହିନ୍ଦୁ, ହିନ୍ଦୁତ୍ୱବାଦୀ ନୁହଁନ୍ତି । ଏ ଦେଶ ହିନ୍ଦୁଙ୍କର ହିନ୍ଦୁତ୍ୱବାଦୀଙ୍କର ନୁହେଁ । ଆଜି ଯଦି ଏହି ଦେଶରେ ଦରଦାମ ବୃଦ୍ଧି ହୋଇଛି ତାହାଲେ ଏଥି ପାଇଁ ଦାୟୀ ହେଉଛନ୍ତି ହିନ୍ଦୁତ୍ୱବାଦୀ । ହିନ୍ଦୁତ୍ୱବାଦୀଙ୍କୁ କେବଳ କ୍ଷମତା ଦରକାର ବୋଲି କହିଛନ୍ତି ରାହୁଲ ଗାନ୍ଧୀ ।
କୁପଓ୍ବାଡା: ଭାରତରେ ମୁସଲମାନମାନେ ନିର୍ଯାତିତ ହେଉଥିବା, ହିନ୍ଦୁମାନେ ସେମାନଙ୍କୁ ଦବାଇ ରଖିଥିବା ଅଭିଯୋଗ ପାକିସ୍ତାନ ବାରମ୍ବାର କରି ଆସିଛି । ପାକିସ୍ତାନ ଏମିତି ଯେତେବେଳେ ଭୁକିଛି, ଭାରତୀୟ ମୁସଲିମ ଭାଇଭୋଉଣୀଙ୍କ ପାଖରୁ ସେମିତି କଡା ଜବାବ ପାଇଛି । ହଁ, ଦେଶ ଭିତରେ କିଛି ପାକିସ୍ତାନୀ ପ୍ରେମୀ ଅଛନ୍ତି ଯେଉଁମାନେ ପଡୋଶୀ ଶତ୍ରୁରାଷ୍ଟ୍ରର ଗୁଣଗାନ କରି ରାଜନୈତିକ ରୁଟି ସେକୁଛନ୍ତି । ହେଲେ ସେମାନଙ୍କ ଅନ୍ତରଆତ୍ମା ଜାଣିଛି ଭାରତରେ ହିନ୍ଦୁ ଓ ମୁସଲମାନଙ୍କ ସମ୍ପର୍କ କେତେ ସୌହାର୍ଦ୍ଦ୍ୟପୂର୍ଣ୍ଣ । ଏମିତି ପାକିସ୍ତାନୀ ପ୍ରେମୀଙ୍କ ଗାଲରେ ଜମ୍ମୁ ଓ କାଶ୍ମୀରର ମୁସଲମାନ ପୁଣି ଥରେ ଦେଇଛନ୍ତି ଶକ୍ତ ଚାପୁଡ଼ା । ହିନ୍ଦୁ ଦେବୀଙ୍କ ମନ୍ଦିର ନିର୍ମାଣ ପାଇଁ ମୁସଲମାନ ଦେଇଛନ୍ତି ଜମି । ଯାହା ପୁଣି ଥରେ ଭାରତୀୟଙ୍କ ଭାଇଚାରାକୁ ପ୍ରତିପାଦିତ କରୁଛି ।
ଜମ୍ମୁ ଓ କାଶ୍ମୀରରେ କାଶ୍ମୀର ପଣ୍ଡିତଙ୍କ ସ୍ଥିତି କେମିତି ତାହା ସମସ୍ତେ ଜାଣିଛନ୍ତି । ଏଠାରୁ ପଣ୍ଡିତଙ୍କୁ ଯେମିତି ବିତାଡ଼ିତ କରାଯାଇଥିଲା ତାହା ପ୍ରତ୍ୟେକ ଭାରତୀୟଙ୍କ ହୃଦୟକୁ ଆଜି ପର୍ଯ୍ୟନ୍ତ ଆନ୍ଦୋଳିତ କରୁଛି । ଏବେ ସ୍ଥିତି ବଦଳିଛି । ଧାରା ୩୭୦ ହଟିବା ପରେ ଉପତ୍ୟାକାରେ ଶାନ୍ତି ଫେରିଛି । ନୂଆ ଆଶା ନେଇ ଦେଶର ବିଭିନ୍ନ ସ୍ଥାନରେ ରହୁଥିବା ପଣ୍ଡିତ ପରିବାର ମଧ୍ୟ ଫେରିବା ଆରମ୍ଭ କରିଛନ୍ତି । ସ୍ଥାନୀୟ ମୁସଲିମ ଭାଇଭଉଣୀଙ୍କ ପକ୍ଷରୁ ସେମାନଙ୍କୁ ସ୍ବାଗତ କରାଯାଉଛି ଓ ଦୁଇ ସମ୍ପ୍ରଦାୟ ପୁଣି ଥରେ ଏକାଠି ନୂଆ କାଶ୍ମୀର ଗଢ଼ିବା ଦିଗରେ ଆଗଉଛନ୍ତି ।
ଏହାରି ଭିତରେ ଆତଙ୍କବାଦୀ ପ୍ରବଣ କୁପଓ୍ବାଡ଼ାରୁ ଆସିଛି ଭାଇଚାରାର ଏକ ଜ୍ବଳନ୍ତ ଉଦାହରଣ । ଏଲଓସି ନିକଟରେ ଥିବା ତିତଓ୍ବାଲ ଅଞ୍ଚଳରେ କାଶ୍ମୀର ପଣ୍ଡିତଙ୍କ ସହ ମିଶି ମୁସଲମାନ ସମ୍ପ୍ରଦାୟର ଲୋକେ ମାଆ ଶାରଦା ଦେବୀଙ୍କ ମନ୍ଦିର ନିର୍ମାଣ କରୁଛନ୍ତି ।
କାଶ୍ମୀର ପଣ୍ଡିତଙ୍କ ପାଇଁ ମାଆ ଶାରଦା ହେଉଛନ୍ତି ପ୍ରତ୍ୟକ୍ଷ ଠାକୁରାଣୀ । ହେଲେ ଏବେ ଶାରଦା ପିଠ ପାକିସ୍ତାନ ଅଧିକୃତ କାଶ୍ମୀରରେ ରହିଛି । ୧୯୪୭ରେ ଦେଶ ବିଭାଜନ ଓ ପାକିସ୍ତାନ ଗଠନ ପୂର୍ବରୁ ତିତଓ୍ବାଲ ରାସ୍ତାରେ ଲୋକେ ମାଆଙ୍କ ଦର୍ଶନ ପାଇଁ ଯାଉଥିଲେ । ହେଲେ ଭାରତୀୟ ହିନ୍ଦୁଙ୍କ ପାଇଁ ମାଆଙ୍କ ଦର୍ଶନ ବନ୍ଦ ହୋଇଯାଇଛି । ବିଶେଷ କରି କାଶ୍ମୀର ପଣ୍ଡିତ ନିଜର ଏହି ପବିତ୍ର ତୀର୍ଥସ୍ଥଳକୁ ଯାଇ ମାଆଙ୍କ ଦର୍ଶନର ସ୍ବୌଭାଗ୍ୟରୁ ବଞ୍ଚିତ ହେଉଛନ୍ତି ।
ଏମିତି ସ୍ଥିତିରେ କୁପଓ୍ବାଡାରେ ଶାରଦା ଦେବୀଙ୍କ ମନ୍ଦିର ନିର୍ମାଣ ପାଇଁ କାଶ୍ମୀର ପଣ୍ଡିତ ଦୀର୍ଘଦିନରୁ ଦାବି କରିଆସୁଥିଲେ । ଯାହା ଏବେ ପୂରଣ ହେବାକୁ ଯାଉଛି । ଭଲ ଖବର ହେଲା କୁପଓ୍ବାଡ଼ାରେ ମନ୍ଦିରର ପୁର୍ନନିର୍ମାଣ କାମ ଆରମ୍ଭ ହୋଇଯାଇଛି । ସେବା ଶାରଦା କମିଟି ମନ୍ଦିରର ପୁର୍ନନିର୍ମାଣ ସହ ଧର୍ମଶାଳାର ନିର୍ମାଣ କରୁଛି । ଏଥିପାଇଁ ସ୍ଥାନୀୟ ମୁସଲମାନ ଜମି ଯୋଗାଇ ଦେଇଛନ୍ତି ।
ସେବା ଶାରଦା କମିଟିର ପ୍ରମୁଖ ରବିନ୍ଦ୍ର ପଣ୍ଡିତ କହିଛନ୍ତି, ‘ତିତଓ୍ବାଲର ମନ୍ଦିରରେ ମନ୍ଦିର ନିର୍ମାଣ ସ୍ଥଳ ରାସ୍ତାରେ ପ୍ରତିବର୍ଷ ଛଡ଼ି ମୁବାରକ୍ ଦିଆଯାଇଥାଏ ।’ ସେ ଆଗକୁ କହିଛନ୍ତି ‘ସ୍ଥାନୀୟ ମୁସଲମାନ ଏହି ମନ୍ଦିର ନିର୍ମାଣ ପାଇଁ ଜମି ପ୍ରଦାନ କରିଛନ୍ତି । ମନ୍ଦିର ଶିଳାନ୍ୟାସ ସମାରୋହ ପରେ କିଶନଗଙ୍ଗା ନଦୀର ଜିରୋ ଲାଇନରେ ଥିବା ପୋଲରୁ ପବିତ୍ର ଜଳ ବିସର୍ଜନ କରାଯାଇଛି ।’
ଭଞ୍ଜନଗର: ଡକାୟତି ଉଦ୍ୟମ ବେଳେ ଡକାୟତ ଓ ଗ୍ରାମବାସୀ ମୁହାଁମୁହିଁ ହୋଇଛନ୍ତି । ଘଟଣା ଘଟିଛି ଗଞ୍ଜାମ ଜିଲ୍ଲା ଗାଲେରୀ ଫାଣ୍ଡି ଅନ୍ତର୍ଗତ ବଦାଙ୍ଗି-ଚକାପାଦୁ ସୀମାନ୍ତବର୍ତ୍ତୀ ଅଞ୍ଚଳରେ । ଶେଷରେ ଡକାୟତଙ୍କୁ କାବୁ କରି ପୋଲିସର ଜିମା ଦେଇଛନ୍ତି ଗ୍ରାମବାସୀ । ଡକାୟତଙ୍କୁ କାବୁ କରିବାକୁ ଲୋକମାନେ ଉଦ୍ୟମ କରିବା ବେଳେ ଜଣେ ଡକାୟତର ଗୁଳିରେ ଆଉ ଜଣେ ଡକାୟତ ଆହାତ ହୋଇଛି ।
୨ ଜଣ ଡକାୟତିଙ୍କୁ ଧରି ପୋଲିସ ଜିମା ଦେଇଛନ୍ତି ଗ୍ରାମବାସୀ । ଆହାତ ଡକାୟତକୁ ଆମ୍ବୁଲାନ୍ସ ଯୋଗେ ଟିକାବାଲି ମେଡିକାଲକୁ ସ୍ଥାନାନ୍ତର କରାଯାଇଛି । ଘଟଣାସ୍ଥଳରୁ ପୋଲିସ ୨ଟି ବନ୍ଧୁକ ସହ ୨ଟି ବାଇକ୍ ଜବତ କରି ତଦନ୍ତ କରୁଛି । ୩ରୁ ୪ ଜଣ ଡକାୟତ ଫେରାର ହୋଇଛନ୍ତି । ଘଟଣାସ୍ଥଳରେ ଜି. ଉଦୟଗିରି ଏସଡିପିଓ ପହଞ୍ଚି ତଦନ୍ତ କରୁଛନ୍ତି ।
ହାଇଦ୍ରାବାଦ: ଦକ୍ଷିଣ ଆଫ୍ରିକାରେ ନଭେମ୍ବର ୨୪ରେ ଚିହ୍ନଟ ହୋଇଥିବା ଓମିକ୍ରନର ନୂଆ ଭାରିଆଣ୍ଟ ସାରା ବିଶ୍ୱରେ ଆତଙ୍କ ଖେଳାଇଛି । ଭାରତରେ ମଧ୍ୟ କରୋନାର ନୂଆ ଭାରିଆଣ୍ଟ ଓମିକ୍ରନ୍ ଦିନକୁ ଦିନ ବଢ଼ିବାରେ ଲାଗିଛି । ରବିବାର ଆନ୍ଧ୍ରପ୍ରଦେଶ ଓ ଚଣ୍ଡିଗଡରେ ଗୋଟିଏ ଲେଖାଏଁ ଓମିକ୍ରନ ମାମଲା ସାମ୍ନାକୁ ଆସିଛି । ଏହି ଦୁଇଟି ମାମଲା ସହ ଭାରତରେ ଏପର୍ଯ୍ୟନ୍ତ ମୋଟ ୩୫ଟି ଓମିକ୍ରନ ମାମଲା ସାମ୍ନାକୁ ଆସିଛି ।
A 20-year-old man from Italy, who landed in India on Nov 22 & was diagnosed with COVID on Dec 1, has tested positive for #Omicron variant. He is fully vaccinated with Pfizer vaccine. He has been tested for COVID-19 again today & the report is awaited: Chandigarh Health department
— ANI (@ANI) December 12, 2021
ସୂଚନା ଅନୁସାରେ ଚଣ୍ଡିଗଡରେ ୨୦ ବର୍ଷିୟ ଜଣେ ଯୁବକ ଓମିକ୍ରନ୍ ଭାରିଆଣ୍ଟରେ ଆକ୍ରାନ୍ତ ହୋଇଛନ୍ତି । ଚଣ୍ଡିଗଡରେ ଚିହ୍ନଟ ହୋଇଥିବା ବ୍ୟକ୍ତି ଜଣଙ୍କ ୨୨ ନଭେମ୍ବରରେ ଇଟାଲୀରୁ ଫେରିଥିଲେ । ଇଟାଲୀରୁ ଫେରିବା ପରେ ସେ ହୋମ କ୍ୱାରେଣ୍ଟାଇନରେ ଥିଲେ । ତାଙ୍କର କରୋନା ରିପୋର୍ଟ ୧ ଡିସେମ୍ବରରେ ପଜିଟିଭ୍ ଆସିଥିଲା । ଯାହା ଫଳରେ ତାଙ୍କ ସାମ୍ପ୍ୟୁଲ ଜିନୋମ ସିକ୍ବେନ୍ସିଂ ପାଇଁ ପଠାଯାଇଥିଲା । ତେବେ ଏହି ଯୁବକ ଓମିକ୍ରନରେ ଆକ୍ରାନ୍ତ ହୋଇଥିବା ଶନିବାର ସ୍ପଷ୍ଟ ହୋଇଛି ।
First case of #Omicron variant of coronavirus detected in Andhra Pradesh pic.twitter.com/qiV9F4CtPg
— ANI (@ANI) December 12, 2021
ସେହିପରି ଭାବରେ ଆନ୍ଧ୍ରପ୍ରଦେଶରେ ମଧ୍ୟ ଚିହ୍ନଟ ହୋଇଛି ଓମିକ୍ରନର ପ୍ରଥମ ମାମଲା । ୩୪ ବର୍ଷିୟ ଏହି ବ୍ୟକ୍ତି ଆର୍ୟଲାଣ୍ଡରୁ ପ୍ରଥମେ ମୁମ୍ବାଇ ଏୟାରପୋର୍ଟ ଫେରିଥିଲେ ଏବଂ ଏହା ପରେ ୨୭ ନଭେମ୍ବରରେ ବିଶାଖାପାଟନମ ଫେରିଥିଲେ । ବିଶାଖାପାଟନମରେ ଟେଷ୍ଟ କରିବା ପରେ ପଜିଟିଭ୍ ଚିହ୍ନଟ ହୋଇଥିଲେ ସେ । କରୋନା ପଜିଟିଭ୍ ଚିହ୍ନଟ ହେବା ପରେ ତାଙ୍କ ସାମ୍ପ୍ୟୁଲ ଜିନୋମ ସିକ୍ବେନ୍ସିଂ ପାଇଁ ପଠାଯାଇଥିଲା । ଜିନୋମ ସିକ୍ବେନ୍ସିଂରେ ତାଙ୍କ ରିପୋର୍ଟ ପଜିଟିଭ୍ ଆସିଥିଲା ।
ଭାରତରେ ପ୍ରଥମ ଥର ପାଇଁ ୨ ଡିସେମ୍ବରରେ ଓମିକ୍ରନର ପ୍ରଥମ କେସ୍ ଚିହ୍ନଟ ହୋଇଥିଲା । ୧୦ ଦିନ ମଧ୍ୟରେ ଭାରତରେ ୬ ରାଜ୍ୟ ଓ ଏକ କେନ୍ଦ୍ର ଶାସିତ ଅଞ୍ଚଳ ପର୍ଯ୍ୟନ୍ତ ଓମିକ୍ରନ ମାଡି ଯାଇଛି । ଏପର୍ଯ୍ୟନ୍ତ ଓମିକ୍ରନର ସବୁଠାରୁ ଅଧିକ କେସ୍ ମହାରାଷ୍ଟ୍ରରେ ଚିହ୍ନଟ ହୋଇଛନ୍ତି । ମହାରାଷ୍ଟ୍ରରେ ୧୭ଟି ଓମିକ୍ରନ ଚିହ୍ନଟ ହୋଇଥିବାବେଳେ ରାଜସ୍ଥାନରେ ୯ଟି, ଗୁଜୁରାଟରେ ୩ଟି, କର୍ଣ୍ଣାଟକ ଓ ଦିଲ୍ଲୀରେ ୨ଟି ଏବଂ ଆନ୍ଧ୍ର ପ୍ରଦେଶ ଓ ଚଣ୍ଡିଗଡରେ ଗୋଟିଏ ଲେଖାଏଁ ଓମିକ୍ରନ ମାମଲା ଚିହ୍ନଟ ହୋଇଛି ।
ମାଲକାନଗିରି/କୋରାପୁଟ: ଲାଲଗଡ଼ରେ ପୋଲିସ ଡିଜି ଅଭୟ । ଦିନିକିଆ କୋରାପୁଟ ଓ ମାଲକାନଗିରି ଗସ୍ତରେ ଯାଇ ମାଓ ମୁକାବିଲା ରଣନୀତିର ସମୀକ୍ଷା କରିଛନ୍ତି ଡିଜିପି ଅଭୟ । ପ୍ରଥମେ ସେ ମାଲକାନଗିରି ଜିଲ୍ଲାର ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳ ଘନବେଡ଼ାରେ ହୋଇଥିବା ନୂତନ ବିଏଏଫ୍ କ୍ୟାମ୍ପରେ ପହଞ୍ଚିଥିଲେ । ସେଠାରେ ମାଓ ଗତିବିଧି ସମ୍ପର୍କରେ ସମୀକ୍ଷା କରିଥିଲେ ଡିଜିପି । ସ୍ୱାଭିମାନ ଅଞ୍ଚଳରେ ମାଓ ମୁକାବିଲାକୁ ଆହୁରି ଜୋରଦାର କରିବା ପାଇଁ ବ୍ଲୁ ପ୍ରିଣ୍ଟ ପ୍ରସ୍ତୁତ ହୋଇଛି ।
ଡିଜିପିଙ୍କ ଗସ୍ତ ବେଳେ ଏଡିଜି ଲଳିତ ଦାସ, ଏସଆଇଡବ୍ଲୁ ଆଇଜି ଅମିତାଭ ଠାକୁର, ଏସଆଇଡବ୍ଲୁ ଡିଆଇଜି ଅନିରୁଦ୍ଧ ସିଂ, ମାଲକାନଗିରି ଏସପି ପ୍ରହଲ୍ଲାଦ ମୀନା ପ୍ରମୁଖ ସମୀକ୍ଷା ବୈଠକରେ ଉପସ୍ଥିତ ଥିଲେ । ସ୍ଥାନୀୟ ଲୋକଙ୍କ ସହ ମଧ୍ୟ କଥା ହୋଇଥିଲେ ଡିଜିପି ଅଭୟ ।
ସ୍ୱାଭିମାନ ଅଞ୍ଚଳରେ ସମୀକ୍ଷା ବୈଠକ ସାରି ଡିଜିପି କୋରାପୁଟ ଗସ୍ତରେ ଅଛନ୍ତି । ସୁନାବେଡା ଏଚଏଏଲ ପଡିଆରେ ପହଞ୍ଚିବା ପରେ ସେଠାରୁ ପଟ୍ଟାଙ୍ଗୀ ଯାଇ ନୂତନ ଥାନା ଉଦଘାଟନ କରିଛନ୍ତି ଡିଜିପି ଅଭୟ । ଏହାପରେ ମାଓ ଗତିବିଧି ଉପରେ ସମୀକ୍ଷା ଓ ହାଲ ଅଡିଟୋରିୟମରେ ଡିଜିପି ସାମ୍ବାଦିକ ସମ୍ମିଳନୀ କରିବାର କାର୍ଯ୍ୟକ୍ରମ ରହିଛି ।
ଚେନ୍ନାଇ: ୭୧ ବର୍ଷରେ ସୁପରଷ୍ଟାର ରଜନୀକାନ୍ତ । ଶତାଧିକ ଚଳଚ୍ଚିତ୍ରରେ ଅଭିନୟ କରି କୋଟି କୋଟି ଦର୍ଶକଙ୍କ ହୃଦୟ ଛୁଇଁଥିବା ସୁପରଷ୍ଟାରଙ୍କ ଜନ୍ମଦିନ ଅବସରରେ ଆସିଛି ଅନେକ ଶୁଭେଚ୍ଛା । ୧୯୫୦ ଡିସେମ୍ବର ୧୨ ତାରିଖରେ ଜନ୍ମ ନେଇଥିଲେ ରଜନୀକାନ୍ତ । ତାଙ୍କର ପିଲାଦିନର ନାଁ ଥିଲା ଶିବାଜୀ ରାଓ ଗାଏକଓ୍ବାଡ । କେବଳ ତାମିଲ ସିନେମା ନୁହେଁ ବିଭିନ୍ନ ଭାଷାରେ ସେ ଅଭିନୟ କରି ସାଉଁଟିଛନ୍ତି ପ୍ରଶଂସା ।
ସେ ଫିଲ୍ମଫେୟାର ପୁରସ୍କାର, ତାମିଲନାଡୁ ରାଜ୍ୟ ଚଳଚ୍ଚିତ୍ର ସମ୍ମାନରେ ସମ୍ମାନିତ ହୋଇଥିଲେ । ୨୦୦୦ରେ ସେ ପଦ୍ମଭୂଷଣ ଓ ୨୦୧୬ରେ ପଦ୍ମବିଭୂଷଣ ଉପାଧି ପାଇଥିଲେ । ଚଳଚ୍ଚିତ୍ର କ୍ଷେତ୍ରରେ ଉଲ୍ଲେଖନୀୟ ଅବଦାନ ଲାଗି ତାଙ୍କୁ ଦାଦା ସାହେବ ଫାଲକେ ସମ୍ମାନରେ ସମ୍ମାନିତ କରାଯାଇଥିଲା । ତାମିଲ ଫିଲ୍ମ ଅପୂର୍ବା ରାଗାଙ୍ଗଳରେ ପ୍ରଥମ ଥର ଲାଗି ସେ ୧୯୭୫ରେ ଅଭିନୟ ଜଗତରେ ପାଦ ଥାପିଥିଲେ । ପରେ ପରେ ଶତାଧିକ ଫିଲ୍ମରେ ଅଭିନୟ କରି ଦର୍ଶକଙ୍କ ମନ ଛୁଇଁଥିଲେ । ଜନ୍ମଦିନ ଅବସରରେ ଶହ ଶହ ପ୍ରଶଂସକ ତାଙ୍କ ବାସଭବନକୁ ଯାଇ ଶୁଭେଚ୍ଛା ଜଣାଇଥିଲେ ।
ବ୍ରହ୍ମପୁର: ସ୍ମାର୍ଟ କ୍ଲାସରେ ବସିଲେ, ପିଲାଙ୍କ ସହ କଥା ହେଲେ । ଦିନିକିଆ ଗଞ୍ଜାମ ଗସ୍ତରେ ଯାଇଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରୂପାନ୍ତରିତ ସ୍କୁଲ ବୁଲି ଦେଖିଛନ୍ତି । ହିଞ୍ଜିଳିକାଟୁ ସରକାରୀ ହାଇସ୍କୁଲ ବୁଲି ଦେଖିବା ସହ ଶ୍ରେଣୀ ଗୃହରେ ଛାତ୍ରଛାତ୍ରୀଙ୍କ ସହ ସମୟ ଅତିବାହିତ କରିଛନ୍ତି ମୁଖ୍ୟମନ୍ତ୍ରୀ । ପିଲାଙ୍କ ସହ ବାର୍ତ୍ତାଳାପ କରିଛନ୍ତି । କିଭଳି ପାଠପଢ଼ା ହେଉଛି ପଚାରି ବୁଝିଛନ୍ତି ସେ ।
କ୍ଲାସରୁମରେ ଜଣେ ଛାତ୍ର ମୁଖ୍ୟମନ୍ତ୍ରୀଙ୍କ ତାଙ୍କର ଫଟୋ ଚିତ୍ର ଉପହାର ଦେଇଥିଲେ । ଫଟୋ ଚିତ୍ର ଉପହାର ପାଇ ମୁଖ୍ୟମନ୍ତ୍ରୀ କହିଥିଲେ ବହୁତ ବଢ଼ିଆ (ଭେରି ନାଇସ୍) ହୋଇଛି । କ୍ଲାସରୁମରେ ପିଲାଙ୍କ ସହ କିଛି ସମୟ ବସିବା ପରେ ମୁଖ୍ୟମନ୍ତ୍ରୀ ଅତ୍ୟାଧୁନିକ ବିଜ୍ଞାନାଗାର ଓ ଲାଇବ୍ରେରୀ ବୁଲି ଦେଖିଥିଲେ ।
ସ୍କୁଲ ରୂପାନ୍ତରଣ ପରେ କିଭଳି ପିଲା ଉନ୍ନତ ସୁବିଧା ପାଉଛନ୍ତି ତାହା ପଚାରି ବୁଝିଥିଲେ । ଲାଇବ୍ରେରୀରେ ବସି ଛାତ୍ରଛାତ୍ରୀଙ୍କ ସହ କଥା ହୋଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନିଜ ମତାମତ ମଧ୍ୟ ଦେଇଥିଲେ । ଏହି ଅବସରରେ ମୁଖ୍ୟମନ୍ତ୍ରୀଙ୍କ ସହ 5T ସଚିବ ଭି.କେ. ପାଣ୍ଡିଆନ୍ ଉପସ୍ଥିତ ଥିଲେ । ପ୍ରଥମ ପର୍ଯ୍ୟାୟରେ ହିଞ୍ଜିଳି ହାଇସ୍କୁଲ ରୂପାନ୍ତରିତ ହୋଇଥିଲା ।
ନୂଆଦିଲ୍ଲୀ: ସାରା ବିଶ୍ୱରେ କରୋନା ଆତଙ୍କ ଖେଳାଇଛି । କରୋନାର ଡେଲାଟା ଭାରିଆଣ୍ଟ ଭାରତ ସହ ବିଶ୍ବର ଅନେକ ରାଷ୍ଟ୍ରରେ ଆତଙ୍କ ଖେଳାଇଥିଲା । ଡେଲଟା ଭାରିଆଣ୍ଟରେ ସଂକ୍ରମିତଙ୍କ ସଂଖ୍ୟା ବେଶ୍ ବଢ଼ିଯାଇଥିଲା । ଡେଲଟା ଭାରିଆଣ୍ଟରେ ଲୋକ ଗୁରୁତର ଭାବରେ ସଂକ୍ରମିତ ହେଉଥିଲେ । ଏହି ଭାରିଆଣ୍ଟରେ ଆକ୍ରାନ୍ତ ହେବା ପରେ ଲୋକମାନଙ୍କ ମଧ୍ୟରେ ଭୀଷଣ ଜ୍ୱର, ଲଗାତର କାଶ, ନିଶ୍ୱାସ ନେବାରେ କଷ୍ଟ, ଛାତିରେ କଷ୍ଟ ଅନୁଭବ ଏବଂ ଅକ୍ସିଜେନ କମ୍ ହେବା ଆଦି ସମସ୍ୟା ଦେଖାଯାଉଥିଲା ।
ଡେଲଟା ପରେ ଏବେ କରୋନାର ନୂଆ ଭାରିଆଣ୍ଟ ଓମିକ୍ରନ ବିଶ୍ୱରେ ଭୟର ବାତାବରଣ ଖେଳାଇ ଦେଇଛି । ଓମିକ୍ରନକୁ ନେଇ ପ୍ରତିଦିନ କିଛି ନା କିଛି ନୂଆ କଥା ସାମ୍ନାକୁ ଆସୁଛି । ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି କି ଯେଉଁମାନେ ପୂର୍ବରୁ କରୋନାରେ ଆକ୍ରାନ୍ତ ହୋଇଛନ୍ତି ସେମାନେ ମଧ୍ୟ ଓମିକ୍ରନ ଭାରିଆଣ୍ଟରେ ସଂକ୍ରମିତ ହୋଇପାରିବେ । ଏଥିସହ କରୋନାର ଦୁଇଟି ଡୋଜ ଟିକା ନେଇଥିଲେ ମଧ୍ୟ ଓମିକ୍ରନରେ ସୁରକ୍ଷିତ ନୁହଁନ୍ତି । ଆଗାମୀ କିଛି ଦିନରେ ଜଣାପଡ଼ିବ କି କରୋନାର ନୂଆ ଭାରିଆଣ୍ଟ ଓମିକ୍ରନ କେତେ ଭୟଙ୍କର ।
ଦକ୍ଷିଣ ଆଫ୍ରିକାର ସ୍ୱାସ୍ଥ୍ୟ ବିଭାଗର ସାଧାରଣ ଚିକିତ୍ସକ ଡକ୍ଟର ଉନ୍ବେନ୍ ପିଲ୍ଲେ କହିଛନ୍ତି ଯେ ଓମିକ୍ରନ୍ ସଂକ୍ରମିତ ରୋଗୀମାନଙ୍କର ରାତିର ପ୍ରବଳ ଝାଳ ବୋହିପାରେ । ଏତେ ଅଧିକ ଝାଳ ବାହାରିବ ଯେ ରୋଗୀଙ୍କର ପୋଷାକ ସହ ଶେଯ ଓଦା ହୋଇପାରେ ବୋଲି ସେ କହିଛନ୍ତି । ଏହା ବ୍ୟତୀତ ରୋଗୀଙ୍କ ଶରୀରରେ କଷ୍ଟ ଅନୁଭବ ହେବ । ଡକ୍ଟର ଉନ୍ବେନ୍ ପିଲ୍ଲେ କହିଛନ୍ତି ଯେ ଓମିକ୍ରନରେ ସଂକ୍ରମିତ ଲୋକଙ୍କ ପାଖରେ ଶୁଖିଲା କାଶର ଲକ୍ଷଣ ମଧ୍ୟ ଦେଖାଯାଉଛି । ଏହା ବ୍ୟତୀତ ଜ୍ୱର ଓ ମାଂସପେଶୀରେ କଷ୍ଟ ମଧ୍ୟ ଏହି ଭାରିଆଣ୍ଟରେ ଦେଖାଯାଉଛି ।
ବ୍ରହ୍ମପୁର: ଗଞ୍ଜାମରେ ଲେଖା ହେଲା ସେବା ଆଉ ବିକାଶର ନୂଆ କାହାଣୀ । ସ୍ମାର୍ଟ ସ୍ୱାସ୍ଥ୍ୟସେବା ସହ ଯୋଡ଼ି ହେଲା ଗଞ୍ଜାମ । ଦିନିକିଆ ଗସ୍ତରେ ଯାଇ ଜିଲ୍ଲାବାସୀଙ୍କୁ ବିକାଶର ଭେଟି ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଜିଲ୍ଲାର ୨୬ ଲକ୍ଷ ୭୬ ହଜାର ଲୋକ ସ୍ମାର୍ଟକାର୍ଡ ଦ୍ୱାରା ଉପକୃତ ହେବେ । ଏହି ଅବସରରେ ମୁଖ୍ୟମନ୍ତ୍ରୀ ୭ ଜଣ ହିତାଧିକାରୀଙ୍କୁ ସ୍ମାର୍ଟ ହେଲଥ୍ କାର୍ଡ ବଣ୍ଟନ କରିଥିଲେ । ଏହାସହ ବିଭିନ୍ନ ପ୍ରକଳ୍ପ ଯୋଗେ ୨୧୪୦ କୋଟିରୁ ଅଧିକ ଟଙ୍କାର ଭେଟି ଦେଇଛନ୍ତି ମୁଖ୍ୟମନ୍ତ୍ରୀ । ଜିଲ୍ଲା ପାଇଁ ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଉଦ୍ଘାଟନ କରିଛନ୍ତି ।
୫୭୧ କୋଟି ଟଙ୍କା ବ୍ୟୟରେ ହୋଇଥିବା ୬୫୧ଟି ପ୍ରକଳ୍ପର ଉଦଘାଟନ, ୧୫୮୩ କୋଟି ଟଙ୍କା ବ୍ୟୟରେ ହେବାକୁ ଥିବା ୬୪୫ଟି ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ ଏବଂ ୧୨୭ କୋଟି ଟଙ୍କାର ନୂଆ ଯୋଜନାର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ । କରୋନା ବେଳେ ଗଞ୍ଜାମ ଜିଲ୍ଲା ଭଲ କାମ କରିଥିବାରୁ ମୁଖ୍ୟମନ୍ତ୍ରୀ ପ୍ରଶଂସା କରିଛନ୍ତି । ଗଞ୍ଜାମର ୨୫ ହଜାର ମିଶନ ଶକ୍ତି ଗ୍ରୁପ୍ର ମାଆ ୫ ଶହ କୋଟିର ଲୋନ୍ ନେଇ ଭଲ କାମ କରିଥିବାରୁ ଖୁସି ବ୍ୟକ୍ତ କରିଛନ୍ତି ମୁଖ୍ୟମନ୍ତ୍ରୀ ।
ଏହି ଅବସରରେ ଉଦବୋଧନ ଦେଇ ମୁଖ୍ୟମନ୍ତ୍ରୀ କହିଥିଲେ, ସାଧାରଣ ଲୋକଙ୍କୁ ଉତ୍ତମ ଚିକିତ୍ସା ସୁବିଧା ଯୋଗାଇ ଦେବା ହେଉଛି ସରକାରଙ୍କ ପ୍ରତିବଦ୍ଧତା । ଏ ଦିଗରେ ବିଜୁ ସ୍ୱାସ୍ଥ୍ୟ କଲ୍ୟାଣ ସ୍ମାର୍ଟ କାର୍ଡ ରାଜ୍ୟ ବାସୀଙ୍କ ପାଇଁ ସରକାରଙ୍କର ଶ୍ରେଷ୍ଠ ଉପହାର ବୋଲି ମୁଖ୍ୟମନ୍ତ୍ରୀ କହିଥିଲେ । ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ସ୍ମାର୍ଟ ହେଲଥ୍ କାର୍ଡ ଦ୍ୱାରା ରାଜ୍ୟର ୯୬ ଲକ୍ଷ ପରିବାରର ସାଢେ ତିନି କୋଟି ଲୋକ ଉପକୃତ ହେବେ । ଗରିବ ଲୋକମାନେ ସ୍ୱାସ୍ଥ୍ୟ ସେବା ପାଇଁ ଅନେକ ସମସ୍ୟାରୁ, ବିଶେଷକରି ଚିକିତ୍ସା ଖର୍ଚ୍ଚ ଜନିତ ଆର୍ଥିକ ସମସ୍ୟାରୁ ମୁକ୍ତ ହୋଇପାରିବେ ।
ଲୋକମାନେ ସ୍ୱାସ୍ଥ୍ୟ ସମସ୍ୟାରେ ପଡିଲେ ଚିକିତ୍ସା ପାଇଁ କିପରି ଜମିବାଡି ବିକିବାକୁ ବାଧ୍ୟ ହୁଅନ୍ତି, ପିଲାଙ୍କ ପାଠପଢା ବନ୍ଦ କରନ୍ତି, ସେ ସବୁ ବିଷୟରେ ଆଲୋକପାତ କରି ମୁଖ୍ୟମନ୍ତ୍ରୀ କହିଲେ ଯେ ଏହା ତାଙ୍କୁ ବହୁତ ଦୁଃଖ ଦେଇଥାଏ। ବର୍ତ୍ତମାନ ଲୋକମାନେ ବିନା କୌଣସି ଅସୁବିଧାରେ କାର୍ଡ ଖଣ୍ଡିଏ ଧରି ଦେଶର ୨୦୦ ବଡ ବଡ ହସ୍ପିଟାଲରେ ଭଲ ଚିକିତ୍ସା ପାଇପାରିବେ । ଏଥିପାଇଁ ଟଙ୍କାଟିଏ ବି ଖର୍ଚ୍ଚ କରିବାକୁ ପଡିବ ନାହିଁ ବୋଲି ସେ କହିଥିଲେ। ମୁଖ୍ୟମନ୍ତ୍ରୀ କହିଥିଲେ ଯେ ତାଙ୍କ ପାଇଁ ପ୍ରତିଟି ଜୀବନ ମୂଲ୍ୟବାନ। ଚାଷୀ ହେଉ ବା ମୂଲିଆ ବା ରିକ୍ସା ବାଲା – ସମସ୍ତେ ସମ୍ମାନର ସହ ବଞ୍ଚନ୍ତୁ । ଏହା ତାଙ୍କର ବିଭିନ୍ନ କଲ୍ୟାଣ କାର୍ଯ୍ୟକ୍ରମର ମୁଖ୍ୟ ଲକ୍ଷ୍ୟ ।
ଏଥିସହ ପଢ଼ନ୍ତୁ: ତାରାତାରିଣୀ ପୀଠରେ ଉନ୍ନୟନ କାର୍ଯ୍ୟର ସମୀକ୍ଷା କଲେ ମୁଖ୍ୟମନ୍ତ୍ରୀ
କାର୍ଯ୍ୟକ୍ରମ ଆରମ୍ଭରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାରାତାରିଣୀ ମନ୍ଦିର ଯାଇ ମାଙ୍କ ଦର୍ଶନ କରି ଆଶୀର୍ବାଦ ଭିକ୍ଷା କରିଥିଲେ । ପରେ ସେଠାରେ ମନ୍ଦିର ବିକାଶ କାମର ସମୀକ୍ଷା କରି ୨୦୨୩ ସୁଦ୍ଧା କାମ ସମ୍ପୂର୍ଣ୍ଣ ହେବ ବୋଲି ଘୋଷଣା କରିଥିଲେ । ତାରାତରିଣୀ ପୀଠରୁ ମୁଖ୍ୟମନ୍ତ୍ରୀ ହିଞ୍ଜିଳି ଯାଇ ସେଠାରେ ବିଭିନ୍ନ କାର୍ଯ୍ୟକ୍ରମ ରେ ଭାଗ ନେଇଥିଲେ । ଗଞ୍ଜାମରେ ମିଶନ ଶକ୍ତି ମା ମାନଙ୍କ କାମର ମୁଖ୍ୟମନ୍ତ୍ରୀ ଉଚ୍ଚ ପ୍ରଶଂସା କରିବା ସହ ବିଭିନ୍ନ ମିଶନ ଶକ୍ତି ଗୋଷ୍ଠୀ ଙ୍କୁ ଶହେ କୋଟି ଟଙ୍କାର ଋଣ ବଣ୍ଟନ କରିଥିଲେ । 5T ସ୍କୁଲ ରୂପାନ୍ତର କାର୍ଯ୍ୟକ୍ରମରେ ରୂପାନ୍ତରିତ ବୃନ୍ଦାବନ ବିଦ୍ୟାପୀଠର ସ୍ମାର୍ଟ କ୍ଲାସରୁମ୍ ଓ ଇ-ଲାଇବ୍ରେରୀ ମୁଖ୍ୟମନ୍ତ୍ରୀ ବୁଲି ଦେଖି ଥିଲେ ଓ ଛାତ୍ରଛାତ୍ରୀଙ୍କୁ ମଧ୍ୟ ଭେଟି ସେମାନଙ୍କ ସହ କିଛି ସମୟ ବିତାଇ ଥିଲେ । ହିଞିଳିରୁ ମୁଖ୍ୟମନ୍ତ୍ରୀ ପତାକା ଦେଖାଇ ଗଞ୍ଜାମ ଦର୍ଶନ ବସ୍ ର ଶୁଭ ଯାତ୍ରା ଆରମ୍ଭ କରିଥିଲେ ।
ଏଥିସହ ପଢ଼ନ୍ତୁ: ସ୍ମାର୍ଟସ୍କୁଲର ଶ୍ରେଣୀଗୃହରେ ନବୀନ, ବୁଲି ଦେଖିଲେ ଅତ୍ୟାଧୁନିକ ବିଜ୍ଞାନାଗାର
