ଭୁବନେଶ୍ୱର: ପର୍ଯ୍ୟଟକଙ୍କ ପାଇଁ ଖୁସି ଖବର। ନନ୍ଦନକାନରରେ ପୁଣି ମିଳିବ ଟୟ ଟ୍ରେନ୍‌ର ମଜା। ଦୀର୍ଘ ଏକ ମାସ ପରେ ଆଜିଠୁ ପୁଣି ଗଡ଼ିବ ଟଏ ଟ୍ରେନ୍। ଯାନ୍ତ୍ରିକ ଟ୍ରୁଟି କାରଣରୁ ଗତ ମାସ ୧୫ତାରିଖରୁ ଏହା ବନ୍ଦ ରହିଥିଲା। କୌଣସି ତୃଟି କାରଣରୁ ଟଏ ଟ୍ରେନ୍‌ରୁ ଧୂଆ ବାହାରୁଥିବାରୁ  ଆବଶ୍ୟକ ମରାମତି ପରେ ଏହାକୁ ଆଜିଠୁ ପୁଣି କାର୍ଯ୍ୟକ୍ଷମ କରାଯାଉଛି। ଏନେଇ ନନ୍ଦନକାନନ କର୍ତ୍ତୁପକ୍ଷଙ୍କ ତରଫରୁ ସୂଚନା ଦିଆଯାଇଛି।

ପୂର୍ବରୁ ଗତ ୧୫ ତାରିଖରେ ଚାଲିଥିବା ସମୟରେ ସର୍ଟସର୍କିଟ ହୋଇ ଅଚଳ ହୋଇ ପଡିଥିଲା ଟଏ ଟ୍ରେନ୍। ନିଆଁ ଲାଗିବା ପରେ RITES ଟିମ୍ ଦ୍ୱାରା ମରାମତି କରାଯାଇ ଏହାକୁ ସଜଡା ଯାଇଛି। ରେଳ ଇଣ୍ଡିଆ ଟେକନିକାଲ ଓ ଇକୋନୋମିକ୍ ସେବା ପକ୍ଷରୁ ମରାମତି କାମ ସରିଛି। ମରାମତି ପରେ ଟୟ ଟ୍ରେନର ଡ୍ରାଏରନ ମଧ୍ୟ କରାଯାଇଛି। ତେବେ ଆଗକୁ ଶୀତଦିନ କାରଣୁ ପର୍ଯ୍ୟଟକଙ୍କ ଗହଳି ଜମିବ। ତେବେ ମରାମତି ପରେ ଏବେ ପର୍ଯ୍ୟଟକ ମାନେ ଟଏ ଟ୍ରେନ୍‌ରେ ତାର ମଜା ଉଠାଇପାରିବେ।

ବଲାଙ୍ଗୀର: ସ୍ତ୍ରୀକୁ ସ୍ୱାମୀର ମରଣାନ୍ତକ ଆକ୍ରମଣର ଅଭିଯୋଗ। ଟାଙ୍ଗିଆରେ ସ୍ତ୍ରୀକୁ ହାଣି ଲହୁଲହାଣ କଲା ମଦ୍ୟପ ସ୍ୱାମୀ। ବଲାଙ୍ଗୀର ଜିଲ୍ଲା ତୁରେକେଲା ଥାନା ରାଉତମୁଣ୍ଡା ଗାଁରେ ଏପରି ଏକ ଅଭାବନୀୟ ଘଟଣା ଘଟିଛି। ଗତକାଲି ରାତିରେ ମଦ୍ୟପ ସ୍ୱାମୀ ନିଜ ସ୍ତ୍ରୀକୁ ମାରିଦେବାକୁ ଉଦ୍ୟମ କରିଥିବା ଥାନାରେ ଅଭିଯୋଗ ହୋଇଛି। ସୂଚନା ମୁତାବକ ଖଜୁରୀ ଗାଁର ନରସିଂହ ନାଗ ରାଉତମୁଣ୍ଡା ଗାଁର ତ୍ରିପୁରାକୁ ବିବାହ କରିଥିଲେ। ବିବାହକୁ ପ୍ରାୟ ୭ ବର୍ଷ ହୋଇଥିଲେ ମଧ୍ୟ କୌଣସି କରଣକୁ ନେଇ ସବୁବେଳେ ବଚସା ଲାଗି ରହୁଥିଲା। ପରେ ଉତ୍ତ୍ୟକ୍ତ ସ୍ୱାମୀ ସ୍ତ୍ରୀଙ୍କୁ ଟାଙ୍କିଆରେ ମରଣାନ୍ତକ ଆକ୍ରମଣ କରିଥିଲେ। ଫଳରେ ସ୍ତ୍ରୀ ତ୍ରିପୁରା ଗୁରୁତର ହୋଇଥିଲେ। ଗୁରୁତର ଅବସ୍ଥାରେ ତ୍ରିପୁରାଙ୍କୁ ମେଡିକାଲରେ ଭର୍ତ୍ତି କରାଯାଇଛି। ଏନେଇ ତ୍ରିପୁରାଙ୍କ ପରିବାର ତୁରେକେଲା ଥାନାରେ ଅଭିଯୋଗ କରିଛନ୍ତି। ଅଭିଯୋଗ ଆଧାରରେ ପୋଲିସ ଘଟଣାର ତଦନ୍ତ କରିବା ସହ ଅଭିଯୁକ୍ତ ସ୍ୱାମୀକୁ ଖୋଜାଖୋଜି କରୁଛି।

ଭୁବନେଶ୍ୱର: ସାରା ରାଜ୍ୟରେ ଲାଗି ରହିଛି କୋହଲା ପାଗ। ଆଜି ବି ଉପକୂଳ ଓଡ଼ିଶା ତଥା କିଛି ଆଭ୍ୟନ୍ତରୀଣ ଜିଲ୍ଲାରେ  କୋହଲା ପାଗ ଲାଗିରହିବ। ପାଗରେ ପରିବର୍ତ୍ତନ କାରଣରୁ ବାୟୁମଣ୍ଡଳରେ ଅହେତୁକ ଜଳୀୟବାଷ୍ପ ର ପରିମାଣରେ ବୃଦ୍ଧି ପାଇଛି। ବିଭିନ୍ନ ସ୍ଥାନରେ ପାଗ ମେଘୁଆ ରହିଥିବାବେଳେ କେତେକ ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ହେଉଛି। ଆଣ୍ଡାମାନରେ ସୃଷ୍ଟି ହୋଇଥିବା ଲଘୁଚାପ ଆସନ୍ତାକାଲି ଅବପାତରେ ପରିଣତ ହେବ, ଏହାପରେ ଧିରେ ଧିରେ ଦୁର୍ବଳ ହେବାର ସମ୍ଭାବନା ରହିଛି। ଏହା ଦକ୍ଷିଣ ଆନ୍ଧ୍ରପ୍ରଦେଶ ଏବଂ ଉତ୍ତର ତାମିଲନାଡ଼ୁ ଦେଇ ସ୍ଥଳଭାଗ ଆଡ଼କୁ ଆସନ୍ତା ୧୮ ତାରିଖ ବେଳକୁ ଅତିକ୍ରମ କରିବା ନେଇ ସମ୍ଭାବନା ରହିଛି। ହେଲେ ଏହାର ପ୍ରଭାବ ଓଡ଼ିଶା ଉପରେ କୌଣସି ପ୍ରଭାବ ପଡ଼ିବ ନାହିଁ।

ଆସନ୍ତାକାଲିଠୁ ଦକ୍ଷିଣ ଓଡ଼ିଶାରେ ପ୍ରବଳରୁ ଅତି ପ୍ରବଳ ବର୍ଷା ହେବାର ପୂର୍ବାନୁମାନ କରାଯାଇଥିଲା, ହେଲେ ଏବେ ମଧ୍ୟମରୁ ସାମାନ୍ୟ ଧରଣର ବର୍ଷା ହେବ ବୋଲି ପାଣିପାଗକେନ୍ଦ୍ର ପୂର୍ବାନୁମାନ କରିଛି। ଏହି କାରଣରୁ ଉକୂଳବର୍ତ୍ତି ଅଞ୍ଚଳ ଗୁଡ଼ିଗରେ ପାଗ କୋହଲା ରହିବ ଏବଂ ପବନର ବେଗ ମଧ୍ୟ ୨୦ରୁ ୩୦ କମି ପ୍ରତିଘଣ୍ଟାରେ ବହିବ। ସେହିପରି ଦକ୍ଷିଣ ଓଡ଼ିଶାରେ ସାମାନ୍ୟ ଠାରୁ ମଧ୍ୟମ ଧରଣର ଘଡ଼ଘଡ଼ି ବିଜୁଳି ସହ ବର୍ଷା ହେବାର ସମ୍ଭାବନା ରହିଛି। ଦକ୍ଷିଣ ଓଡ଼ିଶା ପାଇଁ ଯେଉଁ ୟେଲୋ ଆର୍ଲଟ ଜାରି କରାଯାଇଥିଲା ତାହାକୁ ଏବେ ପ୍ରତ୍ୟାହାର କରିନିଆଯାଇଛି।

ବିଶେଷ କରି ସମୁଦ୍ର ଅଞ୍ଚଳରେ ପବନର ବେଗ ୫୦ରୁ ୬୦ ଏବଂ ଝଟକା ପବନ ୬୫ କମି ରହିବ ବୋଲି ପାରିପାଗ ବିଭାଗ ସୂଚନା ଦେଇଛି। ସେଥିପାଇଁ ଆସନ୍ତା ୧୮ ତାରିଖ ପର୍ଯ୍ୟନ୍ତ ମର୍ସ୍ୟଜୀବୀ ମାନଙ୍କୁ ସମୁଦ୍ର ମଧ୍ୟକୁ ଜିବାକୁ ବାରଣ କରାଯାଇଛି। ସେପଟେ ଯଦି ଦେଖିବା ରାଜ୍ୟରେ ରାତିର ତାପମାତ୍ରା ବୃଦ୍ଧି ହୋଇଛି। ପାଗରେ ପରିବର୍ତ୍ତନ କାରଣରୁ ବାୟୁମଣ୍ଡଳରେ ଅହେତୁକ ଜଳୀୟବାଷ୍ପ ର ପରିମାଣରେ ବୃଦ୍ଧି ପାଇଛି। ସ୍ୱାଭାବିକ ଠାରୁ ୨ର ୫ ଡିଗ୍ରି ପର୍ଯ୍ୟନ୍ତ ରାତ୍ରିରେ ତାପମାତ୍ରା ବୃଦ୍ଧି ପାଇଛି । ତେବେ ଆସନ୍ତା ୧୮ ତାରିଖ ପର୍ଯ୍ୟନ୍ତ ରାତିରେ ଶୀତ ପଡ଼ିବନାହିଁ ବୋଲି ସୂଚନା ମିଳିଛି। ଓଡ଼ିଶା ଉପରେ ବର୍ଷାର ପ୍ରଭାବ ଅଧିକ ରହିନଥିଲେ ମଧ୍ୟ ବର୍ଷା ପରବର୍ତ୍ତୀ କୋହଲା ପାଗ ପାଇଁ ବ୍ୟାପକ ଫସଲ ନଷ୍ଟ ହେବାର ସମ୍ଭାବନା ରହିଛି। ପାଣି ଛାଡିବା ଏବଂ ପାଗ କୋହଲା ରହିବା ଦ୍ୱାରା ଧାନ ଏବଂ ପନିପରିବାରେ ପୋକ ଲାଗିବ। ଏହାକୁ ଦୃଷ୍ଟିରେ ରଖି ପ୍ରତିକାର ବ୍ୟବସ୍ଥା କରିବାକୁ ଆଞ୍ଚଳିକ ପାଣିପାଗ କେନ୍ଦ୍ର କହିଛି।