spot_img
Home Blog Page 5078

ଦିଲ୍ଲୀ ସରକାର ବୃଦ୍ଧି କଲା ଶ୍ରମିକଙ୍କ ବେତନ ରାଶି

0

ଦିଲ୍ଲୀ : ଦିଲ୍ଲୀ ସରକାରଙ୍କର ବଡ଼ ଘୋଷଣା । ଅକୁଶଳ, ଅର୍ଦ୍ଧକୁଶଳ, କୁଶଳ ଶ୍ରମିକଙ୍କୁ ନ୍ୟୁନତମ ବେତନ ରାଶି ବଢ଼ିବା ନେଇ ଘୋଷଣା କଲେ ଦିଲ୍ଲୀ ସରକାର । କରୋନା କାଳରେ ସମସ୍ତେ ଅର୍ଥନୈତିକ ଅଭାବର ସମ୍ମୁଖୀନ ହେଉଥିବା ବେଳେ ଏହାକୁ ଦୃଷ୍ଟିରେ ରଖି ଦିଲ୍ଲୀ ସରକାର ଏଭଳି ନିଷ୍ପତ୍ତି ନେଇଥିବା କୁହାଯାଉଛି । ଅକୁଶଳ ଶ୍ରମିକଙ୍କ ମାସିକ ବେତନ ୧୫ ହଜାର ୯ ଶହ ୮ ଟଙ୍କାରୁ ବଢ଼ି ୧୬ ହଜାର ୧୪ ଟଙ୍କା ହୋଇଥିବା ବେଳେ ଅର୍ଦ୍ଧକୁଶଳ ଶ୍ରମିକଙ୍କର ୧୭ ହଜାର ୫ ଶହ ୩୭ ଟଙ୍କାରୁ ୧୭ ହଜାର ୬ ଶହ ୯୩ ଟଙ୍କା ସେହିଭଳି କୁଶଳ ଶ୍ରମିକଙ୍କ ମାସିକ ବେତନ ୧୯ ହଜାର ୨ ଶହ ୯୧ ଟଙ୍କାରୁ ୧୯ ହଜାର ୭ ଶହ ୭୩ ଟଙ୍କାକୁ ବୃଦ୍ଧି କରାଯାଇଛି । ଦିଲ୍ଲୀ ସରକାର ଗତକାଲି ଏହି ନିଷ୍ପତ୍ତି ନେଇଥିବା ବେଳେ ଏହା ଡିସେମ୍ୱର ୧ରୁ ଲାଗୁ କରାଯିବ ।

ଏହି ରାଜ୍ୟମାନଙ୍କରେ ବି ବଢ଼ିପାରେ ବେତନ ରାଶି :

ଦିଲ୍ଲୀ ସରକାର ଶ୍ରମିକଙ୍କ ବେତନ ରାଶି ବୃଦ୍ଧି କରିଥିବା ବେଳେ ଖୁବ୍ ଶୀଘ୍ର ଉତ୍ତରପ୍ରଦେଶ, ହରିୟାଣା ସରକାରଙ୍କୁ ଶ୍ରମିକଙ୍କ ବେତନ ରାଶି ବୃଦ୍ଧି କରିବାକୁ ପଡ଼ିପାରେ । ଉତ୍ତରପ୍ରଦେଶରେ ଆସନ୍ତା ବର୍ଷ ନିର୍ବାଚନ ହେବାକୁ ଥିବାବେଳେ ଏହି କାରଣରୁ ଶ୍ରମିକଙ୍କ ବେତନ ରାଶି ବୃଦ୍ଧି କରାଯାଇପାରେ । ଉତ୍ତରପ୍ରଦେଶରେ ନ୍ୟୁନସମ ବେତନ ରାଶି ବଢ଼ିଲେ ହରିୟାଣାରେ ମଧ୍ୟ ଏହା ଲାଗୁ ହେବାର ସମ୍ଭାବନା ରହିଛି ।

ନୟାପଲ୍ଲୀ ବ୍ରିଟ୍ କଲୋନୀରେ ପେଟ୍ରୋଲ ବୋମା ମାଡ଼

ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ପୁଣି ଫୁଟିଲା ବୋମା । ନୟାପଲ୍ଲୀ ବ୍ରିଟ୍ କଲୋନୀରେ ପେଟ୍ରୋଲ ବୋମାମାଡ଼ । ବିଳମ୍ବିତ ରାତିରେ ବୋମାମାଡ଼ ହୋଇଛି । ବୋମାମାଡରେ ଜଳିଯାଇଛି କାର୍ । ପୂର୍ବ ଶତ୍ରୁତାରୁ ବୋମାମାଡ଼ ହୋଇଥିବା ସନ୍ଦେହ କରାଯାଉଥିବା ବେଳେ, ନୟାପଲ୍ଲୀ ଥାନା ପୋଲିସର ଘଟଣାର ଛାନଭିନ୍ କରୁଛି । ଗାଡ଼ି ଉପରେ ପେଟ୍ରୋଲ ବୋମା ପକାଇ ଦୁର୍ବୃତ୍ତ ଜାଳି ଦେଇଥିବା ଥାନାରେ ଅଭିଯୋଗ ହୋଇଛି । ସିସିଟିଭି ଫୁଟେଜ ଯାଞ୍ଚ ସହ ତନାଘନା କରୁଛି ପୁଲିସ । ଗତକାଲି ବିଳମ୍ବିତ ରାତିରେ ବୋମା ମାଡ଼ ହୋଇଛି ।

ଏଥିସହିତ ପଢ଼ନ୍ତୁ: ରାଜ୍ୟରେ ବଡ଼ ଧରଣର ଜିଏସ୍‌ଟି ରେଡ୍: ୧୧ଟି ଜିଲ୍ଲାରେ ୧୩୬ଜଣ ଅଫିସର କରୁଛନ୍ତି ରେଡ୍

 

ଟିଭି ଡିବେଟରୁ ବାହାରିବନି ସମାଧାନ, ସରକାରଙ୍କୁ ହିଁ ଉପାୟ ବାହାର କରିବାକୁ ପଡିବ: CJI

0

ନୂଆଦିଲ୍ଲୀ: ଦିଲ୍ଲୀ ଏବଂ ଏନସିଆରରେ ବାୟୁ ପ୍ରଦୂଷଣର ସ୍ଥିତିକୁ ନେଇ ଆଜି ସୁପ୍ରିମକୋର୍ଟରେ ଶୁଣାଣି ହୋଇଛି। ଏହି ସମୟରେ କୋର୍ଟର କାର୍ଯ୍ୟ ପ୍ରକ୍ରିୟାକୁ ନେଇ ଟିଭିରେ ଯେଭଳି ପ୍ରଦର୍ଶିତ କରାଯାଉଛି, ତାକୁ ନେଇ ସୁପ୍ରିମକୋର୍ଟ ତୀବ୍ର ଅସନ୍ତୋଷ ବ୍ୟକ୍ତ କରିଛନ୍ତି। ଏଥିସହିତ କୋର୍ଟ କହିଛନ୍ତି ଯେ ଟିଭି ବିତର୍କ ଦ୍ୱାରା ଅଧିକା ପ୍ରଦୂଷଣ ବ୍ୟାପୁଛି । ଟିଭି ଚ୍ୟାନେଲଗୁଡ଼ିକ ସୀମା ଟପୁଛନ୍ତି । ଏଠି କିଛି କୁହାଯାଉଛି ଆଉ ତାକୁ ସେମାନେ ବନେଇ ଚୁନେଇ ଅଲଗା ଅର୍ଥ ବାହାର କରୁଛନ୍ତି । ଏଥିରୁ ଜଣାପଡୁଛି ସେମାନେ ଆଦୗେ ଘଟଣା ବୁଝନ୍ତି ନାହିଁ କେବଳ ନିଜର ଏଜେଣ୍ଡା ବୃଦ୍ଧି କରିବାକୁ ଚେଷ୍ଟା କରୁଛନ୍ତି।

ଟେଲିଭିଜନରେ ବେଶୀ ବିତର୍କ ହିଁ ଅଧିକ ପ୍ରଦୂଷଣ ସୃଷ୍ଟି କରୁଛି । ପ୍ରତ୍ୟେକ ପକ୍ଷ ନିଜ ନିଜ ଯୁକ୍ତିରେ ଅଟଳ ରହୁଛନ୍ତି । କିନ୍ତୁ ପ୍ରଦୂଷଣ ପ୍ରତି ବିଶେଷ ଧ୍ୟାନ ହେଉନାହାନ୍ତି ବୋଲି ପ୍ରଧାନ ବିଚାରପତି କହିଛନ୍ତି । ସୁପ୍ରିମକୋର୍ଟ ଦିଲ୍ଲୀ ସରକାରଙ୍କ ଓକିଲ ଅଭିଷେକ ମନୁ ସିଂଘବିଙ୍କୁ କହିଛନ୍ତି ଯେ, ଆପଣ ଯଦି ଏଭଳି କଥା କହିବେ ତାହେଲେ ମୂଳ ସମସ୍ୟା କେବେ ସମାଧାନ ହେବନାହିଁ । ଆମେ କୃଷକଙ୍କୁ ଦଣ୍ଡିତ କରିବାକୁ ଚାହୁଁନାହୁଁ ।

ସୁପ୍ରିମକୋର୍ଟ ଆହୁରି ମଧ୍ୟ କହିଛନ୍ତି ଯେ ପ୍ରଦୂଷଣର ଅନେକ କାରଣ ଅଛି, କିନ୍ତୁ ଟିଭିରେ ଚାଲିଥିବା ବିତର୍କ ସବୁଠୁ ଅଧିକ ପ୍ରଦୂଷଣ ସୃଷ୍ଟି କରୁଛି | ଏହାକୁ ନେଇ ତୁଷାର ମେହେଟ୍ଟା କହିଛନ୍ତି ଯେ ମୁଁ ନଡା ଜଳାଇବା ନେଇ ଭୁଲ୍ ସୂଚନା ଦେଇଛି ବୋଲି ଗଣମାଧ୍ୟମରେ କୁହାଯାଇଛି। ଏହା ଉପରେ ପ୍ରଧାନ ବିଚାରପତି କହିଛନ୍ତି ଯେ ଏଭଳି ସମାଲୋଚନା ସରକାରୀ କାର୍ଯ୍ୟାଳୟରେ ଘଟିଥାଏ, ଏହାକୁ ଭୁଲିଯିବା ଦରକାର।

ତେବେ ଏହି ମାମଲାର ଆଗାମୀ ଶୁଣାଣି ନଭେମ୍ବର ୨୩ ତାରିଖରେ ହେବ । ଏଥିସହିତ ଯାନବାହନରୁ ହେଉଥିବା ପ୍ରଦୂଷଣକୁ ନେଇ ଆୟୋଗ ପକ୍ଷରୁ ରାଜ୍ୟ ସରକାରଙ୍କୁ କୁହାଯାଇଛି ଯେ ୧୦ ବର୍ଷରୁ ଅଧିକ ପୁରୁଣା ଡିଜେଲ ଗାଡି ଓ ୧୫ ବର୍ଷରୁ ଅଧିକ ପୁରୁଣା ପେଟ୍ରୋଲ ଗାଡିର ଚଳାଚଳକୁ ଅନୁମତି ନଦିଆଯିବା ଉଚିତ୍।

ବୟଫ୍ରେଣ୍ଡ ପାଇଁ ଦୁଇ ଦଳ ମଧ୍ୟରେ ରାସ୍ତା ଉପରେ ଗ୍ୟାଙ୍ଗୱର

ରାୟପୁର: ଛତିଶଗଡ଼ର ସୁରଗୁଜ ଜିଲ୍ଲା ଅମ୍ବିକାପୁରରେ ଦେଖିବାକୁ ମିଳିଛି ଏକ ଅଭାବନୀୟ ଦୃଶ୍ୟ । ସୁରଗୁଜ ଜିଲ୍ଲାର ଅମ୍ବିକାପୁରଠାରେ ଦୁଇ ଦଳ ଝିଅ ପରସ୍ପର ମୁଁହାମୁହିଁ ହୋଇଛନ୍ତି । ଏହି ସମୟରେ ଉଭୟ ଦଳ ମଧ୍ୟରେ ବିଧା ଗୋଇଠା ମାରିବାର ମଧ୍ୟ ଦେଖିବାକୁ ମିଳିଥିଲା । କିଛି ଝିଅ ମଧ୍ୟ ଠେଙ୍ଗା ଓ ବାଡ଼ିରେ ଆକ୍ରମଣ କରୁଥିବା ଦେଖିବାକୁ ମିଳିଥିଲା । ବିଚ୍ ରାସ୍ତାରେ ଏପରି ଦୃଶ୍ୟ ଦେଖି ସାଧରଣ ଲୋକଙ୍କର ମଧ୍ୟ ଭିଡ଼ ଜମିଥିଲା । କିନ୍ତୁ ଲୋକମାନେ କେବଳ ଦର୍ଶକ ହୋଇରହିଲେ ।  କେହି ବି ଏହି ଝଗଡା ଅଟକାଇବାକୁ ସାହାସ କଲେ ନାହିଁ । ସେଠାରେ ଉପସ୍ଥିତି କିଛି ଲୋକ ଏହି ଦୃଶ୍ୟକୁ ଭିଡିଓ ରେକର୍ଡିଂ କରୁଥିଲେ ମାତ୍ର ଏହି ଝଗଡାକୁ ଅଟକାଇ ନଥିଲେ ।

ଝିଅଙ୍କର ଏହି ଦୁଇ ଗ୍ରୁପ ମଧ୍ୟରେ ହୋଇଥିବା ଝଗଡା ଦେଖି ଲାଗୁଥିଲା କି ଦୁଇଟି ଗ୍ୟାଙ୍ଗ ମଧ୍ୟରେ ଗ୍ୟାଙ୍ଗଓ୍ବାର ଆରମ୍ଭ ହୋଇଯାଇଛି । ପ୍ରାୟ ୧୫ ମିନିଟ ଧରି ୧୨ରୁ ଅଧିକ ସଂଖ୍ୟକ ଝିଅଙ୍କ ମଧ୍ୟରେ ଠେଙ୍ଗା ଓ ବାଡିରେ ମାରପିଟ୍ ହେଉଥିଲେ । ଏହି ଘଟଣା ପାଇଁ ସେହି ଅଞ୍ଚଳରେ ଏକ ପ୍ରକାର ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିଲା ।

ତେବେ ଦୁଇ ଝିଅଙ୍କର ଦଳ ମଧ୍ୟରେ ହୋଇଥିବା ମାରପିଟର କାରଣ ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ସୂଚନା ଅନୁଯାୟୀ ଝିଅମାନଙ୍କର ଗୋଟିଏ ଦଳ ଅମ୍ବିକାପୁରର ବ୍ରହ୍ମପାରା ଅଞ୍ଚଳର ଅଟନ୍ତି । ସେହିପରି ଅନ୍ୟ ଗ୍ରୁପଟି ସତ୍ତୀପୁର ଅଞ୍ଚଳର ଅଟନ୍ତି । ଖବର ଅନୁଯାୟୀ ଗୋଟିଏ ଦଳର ଜଣେ ଯୁବତୀଙ୍କ ବୟଫ୍ରେଣ୍ଡ ଅନ୍ୟଜଣେ ଯୁବତୀଙ୍କ ସହ ବୁଲୁଥିବାର କିମ୍ବା କଥା ହେଉଥିବାର ଦେଖିଥିଲେ । ଯାହା ଫଳରେ ଏହା ପରେ ଦୁଇ ଯୁବତୀଙ୍କ ଦଳ ମଧ୍ୟରେ ବିଚ୍ ରାସ୍ତାରେ ମାରପିଟ୍ କରିଥିଲେ ।

ଭାରତ ବିରୋଧୀ ମନ୍ତବ୍ୟ ଦେଇ ଅଡ଼ୁଆରେ କମେଡିଆନ ବୀର ଦାସ

ମୁମ୍ୱାଇ : କମେଡିଆନ ବୀର ଦାସ ଆମେରିକାରେ ଭାରତ ବିରୋଧୀ ମନ୍ତବ୍ୟ ଦେଇ ଏବେ ଅଡ଼ୁଆରେ । ସୋସିଆଲ ମିଡିଆରେ ଲୋକେ ତାଙ୍କ ମନ୍ତବ୍ୟକୁ ଘୋର ବିରୋଧ କରୁଥିବା ବେଳେ ମୁମ୍ୱାଇରେ ତାଙ୍କ ବିରୁଦ୍ଧରେ ମାମଲା ରୁଜ୍ଜୁ ହୋଇଛି । ବୀର ଦାସ ୱାଶିଂଟନ ଡିସିରେ ‘ଜନ୍ ଅଫ୍ କେନେଡ଼ି ସେଣ୍ଟର ଫର୍ ଦ ପଫରମିଂ ଆର୍ଟସ’ ସୋରେ ନିଜେ କରିଥିବା ଏକ ପଫରମନ୍ସକୁ ୟୁଟୁବରେ ସେୟାର କରିବା ପରେ ଏହି ବିବାଦ ଉପୁଜିଥିଲା । ବୀର ଛାଡ଼ିଥିବା ଏହି ଭିଡିଓରେ  ଆମେରିକା ବାସୀଙ୍କୁ କହିଥିଲେ ଯେ ମୁଁ ଦୁଇଟି ଭାରତ ସହ ସମ୍ପୃକ୍ତ । ଏହି ଭିଡିଓ ଭାଇରାଲ ହେବା ପରେ ଲୋକେ ବୀରଙ୍କୁ ବିରୋଧ କରିବା ସହ ଏହା ଭାରତର ପାଇଁ ଏକ ଅପମାନ ବୋଲି କହିଥିଲେ ।

ବୀରଙ୍କ ବରୁଦ୍ଧରେ ରୁଜ୍ଜୁ ହେଲା ମାମଲା :

ବମ୍ୱେ ହାଇ କୋର୍ଟ ଆଡଭୋକେଟ ଆଶୁତୋଷ ଜେ ଦୁବେ କମେଡିଆନ ବୀରଙ୍କ ବିରୁଦ୍ଧରେ ମାମଲା ରୁଜ୍ଜୁ କରିଛନ୍ତି । ଯାହାର ଏକ କପି ସେ ନିଜ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି । କମେଡିଆନ ବୀର ଦାସ ଆମେରିକାରେ ଭାରତକୁ ଅପମାନ କରିବା ଭଳି କଥା କହିବାରୁ ମୁମ୍ୱାଇ ପୋଲିସ ନିକଟରେ ତାଙ୍କ ବିରୁଦ୍ଧରେ ମାମଲା ରୁଜ୍ଜୁ କରିଛି ବୋଲି ଆଡଭୋକେଟ ଆଶୁତୋଷ ଏହାର କ୍ୟାପସନରେ ଲେଖିଥିଲେ । ବୀର ଜାଣିଶୁଣି ଭାରତ, ଭାରତୀୟ ମହିଳା ଏବଂ ଭାରତର ପ୍ରଧାନମନ୍ତ୍ରୀଙ୍କ ବିରୁଦ୍ଧରେ ଅପମାନଜନକ ବୟାନ ଦେଇଥିଲେ ବୋଲି ସେ କହିଥିଲେ ।

ବର୍ତ୍ତମାନ ବୀର ଦାସ ଆମେରିକାରେ ଥିବା ବେଳେ କିଛି ଦିନ ତଳେ ସେ ଭାରତ ଉପରେ ଲେଖିଥିବା ‘ଆଇ କମ୍ ଫ୍ରମ୍ ଟୁ ଇଣ୍ଡିଆଜ’ ନାମକ ଏକ କବିତା ନିଜ ୟୁଟ୍ୟୁବ୍ ଚ୍ୟାନେଲରେ ଛାଡ଼ିଥିଲେ । ଏଥିରେ ଭାରତ ବିରୋଧୀ କିଛି ଶବ୍ଦ କହିଥିବାରୁ ଲୋକେ ତାଙ୍କୁ ଦେଶଦ୍ରୋହୀର ଆଖ୍ୟା ଦେଉଛନ୍ତି । କେବଳ ଏତିକି ନୁହେଁ ବିଜେପି କର୍ମୀ ପ୍ରୀତି ଗାନ୍ଧୀ ଏହି ଭିଡିଓକୁ ସେୟାର କରି ଏହା ବିରୁଦ୍ଧରେ ନିଜ ମତ ପ୍ରକାଶ କରିଛନ୍ତି । ଘଟଣାଟି ଏତେ ପରିମାଣରେ ବଢ଼ିଯାଇଥିବାରୁ ଏହାକୁ ନେଇ ବୀର ଦାସ ନିଜ ମତରେ କହିଛନ୍ତିଯେ ଦେଶକୁ ଅପମାନ କରିବାର ତାଙ୍କର କୈାଣସି ଉଦ୍ଦେଶ୍ୟ ନଥିଲା । ବିଭିନ୍ନତା ଭିତରେ ମଧ୍ୟ ମୋ ଭାରତ ମହାନ । ମୋ ଦେଶ ଉପରେ ମୁଁ ଗର୍ବ କରେ ।

ଭୂତ ଭୟରେ ପୂରା ଗାଁ ହୋଇଗଲା ଖାଲି, ଆଉ ଅଛନ୍ତି ମାତ୍ର ୪ ଜଣ

0

ଭୋପାଳ: ଏକବିଂଶ ଶତାଦ୍ଦୀରେ ବି ଲୋକମାନେ ଭୁତପ୍ରେତ ଭଳି ଅନ୍ଧବିଶ୍ୱାସ ରଖୁଛନ୍ତି ତାହା ଦେଖିଲେ ଆଶ୍ଚର୍ଯ୍ୟ ଲାଗେ। ଆଉ ଏହି ଅନ୍ଧବିଶ୍ୱାସ ପାଇଁ ଯଦି କିଏ ନିଜ ପୈତୃକ ଘର ଓ ଗାଁ ଛାଡ଼ିଦିଏ ତେବେ ତାହା ଆହୁରି ଅବାକ ଲାଗେ। ଏମିତି ହିଁ ଏକ ଘଟଣା ନିକଟରେ ଦେଖିବାକୁ ମିଳିଛି  ମଧ୍ଯପ୍ରଦେଶର ଛତ୍ରପୁର ଜିଲ୍ଲାରେ।

ଜିଲ୍ଲାର ଏକ ଗାଁ ଏହି ଭୁତ ପ୍ରେତ ପାଇଁ ସମ୍ପୂର୍ଣ୍ଣ ଖାଲି ହୋଇଯାଇଛି। ଗାଁରେ ଲଗାତାର ଭାବେ ଏମିତ କିଛି ଅପ୍ରିୟ ଘଟଣା ସବୁ ଘଟିଲା ଯେ ଗ୍ରାମବାସୀମାନେ ଗାଁଏ ଛାଡ଼ି ପଳାଇଛନ୍ତି । ଅବଶ୍ୟ ଏ କଥା କେତେଦୂର ସତ ତାହା ଆମେ ପ୍ରମାଣ କରିପାରିବୁ ନାହିଁ। କିନ୍ତୁ ଗାଁ ଲୋକମାନଙ୍କ କହିବା କଥା ଯେ ଗାଁରେ ଭୁତପ୍ରତେ ଓ ଅତୃପ୍ତ ଆତ୍ମା ଘୁରି ବୁଲନ୍ତି।  ଏହି ଗାଁର ନାଁ ହେଉଛି ‘ଚୌକା ‘ ଜିଲ୍ଲାର ମୁଖ୍ୟାଳୟରୁ ପ୍ରାୟ ୪୦ କିମି ଦୂରେ ଅବସ୍ଥିତ। ୧୫ ବର୍ଷ ପୂର୍ବରୁ ଏହି ଗାଁରେ ପାଖାପାଖି ୪୦୦ ଲୋକ ରହୁଥିଲେ ଯାହାକି ଆଜି ୪ରେ ପହଞ୍ଚିଯାଇଛି। ୧୫ ବର୍ଷ ତଳେ ସବୁକିଛି ବହୁତ ଭଲ ଥିଲା, ହେଲେ ହଠାତ ଗାଁଲୋକମାନଙ୍କୁ ଗାଁରେ ବହୁତ ପ୍ରେତାତ୍ମା ଦେଖାଦେଲା । ଲୋକମାନେ ଅସୁସ୍ଥ ହେବାକୁ ଲାଗିଲେ, ବହୁତ ଲୋକଙ୍କର ଏଥିରେ ମୃତ୍ୟୁ ବି ହୋଇଗଲା। ଏହାପରେ ଧିରେ ଧିରେ ଗାଁ ଖାଲି ହେବାରେ ଲାଗିଲା ।

ଗାଁରେ ରହୁଥିବା ଅତ୍ମରାମ ପାଣ୍ଡେ ଏବଂ ବାଚୁ ଯାଦବଙ୍କ କହିବା କଥା ଯେ ୧୫ବର୍ଷ ପୂର୍ବେ ଗାଁରେ ସବୁକିଛି ଠିକ୍ ଥିଲା। କିନ୍ତୁ ହଠାତ ପିଲାଠାରୁ ଆରମ୍ଭ କରି ଗାଁରେ ରହୁଥିବା ଯୁବକମାନେ ବି ଅସୁସ୍ଥ ହୋଇପଡୁଥିଲେ। ଅନେକ ଲୋକଙ୍କ ପ୍ରାଣ ବି ଚାଲିଗଲା  ଗାଁର ମହିଳାମାନେ ମଧ୍ୟ ଅଜବ ଅଜବ କାମ କରିବା ଆରମ୍ଭ କଲେ। ଗାଁ ଭିତରେ ଲୋକମାନଙ୍କୁ ଅଜ ଅଜବ ପ୍ରେତାତ୍ମା ଦେଖାଦେଲା। ହଠାତ୍ ଗାଁ ଲୋକଙ୍କ ସହିତ ଏମିତି ସବୁ କାହିଁକି ଘଟୁଛି ତାହା କେହି ବୁଝିପାରିଲେ ନାହିଁ । ଆଉ ଧାରେ ଧୀରେ ସମଗ୍ର ଗାଁ ଖାଲି ହୋଇଗଲା । ଆଜି ବି ଗ୍ରାମବାସୀ ଗାଁକୁ ଆସିବାକୁ ଡରୁଛନ୍ତି। ଏବେ ବି ସେମାନଙ୍କ ମନରୁ ଡର ଯାଇନାହିଁ। ତାଙ୍କ କହିବା କଥା ଯେ ଏବେ ଏହି ଗାଁରେ ମାତ୍ର ୪ ଜଣ ଲୋକ ରହୁଛନ୍ତି। ସେ ବି ଯାହାଙ୍କର ବୟସ ୭୦ରୁ ଅଧିକ ହେବ।

ଜଣେ ଜଣେ କରି ସମସ୍ତେ ଗାଁ ଛାଡ଼ି ପଳେଇଲେ। ହେଲେ ନା ଗାଁ ଭିତରକୁ କେହି ପ୍ରଶାସନିକ ଅଧିକାରୀ ଆସିଲେ ନାଁ କେହି ଏହା ଜଣିବକୁ ଚେଷ୍ଟା କଲେ ଯେ କାହିଁକି ସମସ୍ତେ ଗାଁ ଛାଡ଼ି ପଳଉଛନ୍ତି। ଯେଉଁ ଗାଁ ଦିନେ ୪୦୦ ଲୋକରେ ଭରପୁର ଥିଲା ଆଜି ସେହି ଗାଁରେ ମାତ୍ର ୪ ଜଣ ରହିଛନ୍ତି।

ନିର୍ବାଚନ ପୂର୍ବରୁ ସମାଜବାଦୀ ପାର୍ଟିକୁ ବଡ଼ ଝଟକା; ଦଳ ଛାଡି ବିଜେପିରେ ମିଶିଲେ ୪ ନେତା

ଲକ୍ଷ୍ନୗେ: ଉତ୍ତରପ୍ରଦେଶ ବିଧାନ ପରିଷଦ (ଏମଏଲସି) ନିର୍ବାଚନ ପୂର୍ବରୁ ସମାଜବାଦୀ ପାର୍ଟିକୁ ଲାଗିଛି ବଡ଼ ଝଟକା । ଦଳ ଛାଡି ବୁଧବାର ଦିନ ବିଜେପିରେ ମିଶିଛନ୍ତି ୪ ବିଧାନ ପରିଷଦ ସଦସ୍ୟ । ସେମାନଙ୍କ ମଧ୍ୟରେ ରହିଛନ୍ତି- ରବିଶଙ୍କର ସିଂହ ପପ୍ପୁ, ସିପି ଚନ୍ଦ, ରମା ନିରଞ୍ଜନ ଓ ନରେନ୍ଦ୍ର ଭଟ୍ଟି ।

ଏମାନେ ଜଣେଜଣେ ପୁରୁଖା ଓ ଦମଦାର୍ ନେତା ହୋଇଥିବାରୁ ଆଗାମୀ ୨୦୨୨ ନିର୍ବାଚନରେ ବିଜେପି ସେମାନଙ୍କୁ ମଇଦାନକୁ ଓହ୍ଲାଇବ ବୋଲି ଚର୍ଚ୍ଚା ହେଉଛି। ଅପରପକ୍ଷେ ନୋଏଡାରୁ ସମାଜବାଦୀ ପାର୍ଟିର ଏମଏଲସି ଥିବା ନରେନ୍ଦ୍ର ଭଟ୍ଟି ମଧ୍ୟ ବିଜେପିରେ ଯୋଗ ଦେଇଛନ୍ତି । ଯିଏକି ପୂର୍ବତନ ମୁଖ୍ୟମନ୍ତ୍ରୀ ମୁଲାୟମ ସିଂହ ଯାଦବଙ୍କ ଅତି ଘନିଷ୍ଠ ରହିଥିଲେ।

କେବଳ ଏତିକି ନୁହେଁ ଅବୈଧ ଖନନ ମାମଲାରେ ନୋଏଡାର ଏସଡିଏମ୍ ଦୁର୍ଗାଶକ୍ତି ନାଗପାଳଙ୍କ ଦ୍ୱାରା ଯାଞ୍ଚ ବେଳେ ନରେନ୍ଦ୍ର ଭଟ୍ଟି ଚର୍ଚ୍ଚାରେ ଆସିଥିଲେ । ବିଜେପି ମଧ୍ୟ ଏହି ମାମଲାକୁ ଏକ ବଡ଼ ମୁଦ୍ଦା କରିବା ସହ ଅଖିଳେଶ ସରକାରକୁ ଘେରିଥିଲା । ଆଉ ଏବେ ସେହି ନରେନ୍ଦ୍ରଙ୍କୁ ବିଜେପି ନିଜ ଦଳରେ ସାମିଲ କରିଛି ।

ଏହାବ୍ୟତୀତ ଝାନ୍ସି-ଜାଲୌନ-ଲଲିତପୁର ସିଟରୁ ଏମଏଲସି ରମା ନିରଞ୍ଜନ ମଧ୍ୟ ସମାଜବାଦୀ ପାର୍ଟିକୁ ଅଲବିଦା କହିବା ସହ ବିଜେପିରେ ସାମିଲ ହୋଇଛନ୍ତି ।

 

ରାଜ୍ୟରେ ବଡ଼ ଧରଣର ଜିଏସ୍‌ଟି ରେଡ୍: ୧୧ଟି ଜିଲ୍ଲାରେ ୧୩୬ଜଣ ଅଫିସର କରୁଛନ୍ତି ରେଡ୍

ଭୁବନେଶ୍ୱର: ଜିଏସ୍‌ଟି ଫାଙ୍କି ଅଭିଯୋଗରେ ରାଜ୍ୟରେ ବଡ଼ ଧରଣର ଚଢ଼ାଉ । ୧୧ଟି ଜିଲ୍ଲାର ୧୪ ହୋଲସେଲର ଓ ୩୨ ସୋରୁମରେ ଏକକାଳୀନ ଜିଏସଟି ଚଢାଉ । ଭୁବନେଶ୍ୱରରେ ତିନିଟି ସ୍ଥାନରେ ଏକକାଳୀନ ଚଢ଼ାଉ ହେଉଛି । ବାସୁଦେବ ଉଡସ୍, ଫର୍ଣ୍ଣିଚର ଗୋଡାଉନ ଓ ଚିରାଗ ଇଣ୍ଡଷ୍ଟ୍ରିରେ ରେଡ୍‌ ଚାଲିଛି । ୧୩୬ ଜଣ ଅଫିସର ରେଡ୍‌ରେ ସାମିଲ ହୋଇଛନ୍ତି ।

କଟକ, ଭୁବନେଶ୍ୱର, ବାଲେଶ୍ୱର, ବ୍ରହ୍ମପୁର, ଭଦ୍ରକ, କେନ୍ଦ୍ରାପଡା, ସମ୍ବଲପୁର, ବରଗଡ,ରାଉରକେଲା, ଭବାନୀପାଟଣା, କଣ୍ଟାବାଞ୍ଜିରେ ଚାଲିଛି ଏକକାଳୀନ ରେଡ୍ । କଟକ ଜଗତପୁର ଶିଳ୍ପାଞ୍ଚଳରେ ଜିଏସଟି ଚଢାଉ କରୁଛି । ରାଉରକେଲା ସହରର ଦୁଇଟି ସ୍ଥାନରେ ଜି ଏସ ଟି ଚଢାଉ ହେଉଛି । ଡେଲି ମାର୍କେଟ ଓ ମେନ ରୋଡରେ ଥିବା ଫର୍ଣ୍ଣିଚର ସୋରୁମରେ ଚଢ଼ାଉ ଚାଲିଛି ।

ସେପଟେ ସମ୍ବଲପୁରର ୫ଟି ସ୍ଥାନରେ ରେଡ୍ ହେଉଛି । ଗୋଏଲ ଫର୍ଣ୍ଣିଚର୍‌ରେ ଜିଏସଟି ରେଡ୍ ହୋଇଥିବା ବେଳେ ସହରର ତିନିଟି ସ୍ଥାନରେ ଏକକାଳୀନ ରେଡ୍ ଚାଲିଛି । ସେପଟେ ବଲାଙ୍ଗୀର କଣ୍ଟାବାଞ୍ଜିର ରାଜୀବ ଅଗ୍ରୱାଲଙ୍କ ଆରକେ ଟ୍ରେଡର୍ସର ପ୍ଲାଏଉଡ ଦୋକାନ ଓ ଗୋଦାମରେ ଚଢ଼ାଉ ଚାଲିଛି । କିଛି ଗୁରୁତ୍ୱପୂର୍ଣ କାଗଜ ପତ୍ର ଜବତ କରି ଯାଞ୍ଚ ଜାରି ରହିଛି ।

ଏଥିସହିତ ପଢ଼ନ୍ତୁ: ଆସନ୍ତା ୨୧ରୁ ଭୋଟର ତାଲିକା ନେଇ ସ୍ୱତନ୍ତ୍ର ଡ୍ରାଇଭ: ଜାଣନ୍ତୁ କିଭଳି ଯୋଡ଼ିବେ ନାଁ ଓ କରିବେ ସଂଶୋଧନ

ଆତଙ୍କବାଦୀ କାର୍ଯ୍ୟକଳାପ ପାଇଁ ଜାମ୍ମୁ କାଶ୍ମୀର ଯାତ୍ରାରୁ ଦୂରେଇ ରୁହନ୍ତୁ: ଆମେରିକା ଦୂତାବାସ

ନୂଆଦିଲ୍ଲୀ: ଯୁକ୍ତରାଷ୍ଟ୍ର ଆମେରିକା ରୋଗ ନିୟନ୍ତ୍ରଣ କେନ୍ଦ୍ର ନଭେମ୍ବର ୧୪ ମଙ୍ଗଳବାର ଏକ ସ୍ବାସ୍ଥ୍ୟ ବିଜ୍ଞପ୍ତି ଜାରି କରିଛି । ଯେଉଁ ଆମେରିକୀୟମାନେ ଭାରତ ଯାତ୍ରା କରୁଥିବେ ସେମାନଙ୍କ ପାଇଁ ଏହି ବିଜ୍ଞପ୍ତ ଜାରି କରିଛନ୍ତି । ଭାରତକୁ ଯାତ୍ରା କରିବା ପୂର୍ବରୁ ସେମାନେ ସମ୍ପୂର୍ଣ୍ଣ ଟିକାକରଣ କରିବାକୁ ପରାମର୍ଶ ଦେଇଛି ଯୁକ୍ତରାଷ୍ଟ୍ର ଆମେରିକା ରୋଗ ନିୟନ୍ତ୍ରଣ କେନ୍ଦ୍ର । ଯଦି ଆପଣ FDA ଦ୍ବାରା ଆଧିକୃତ ଭ୍ୟାକସିନର ସମ୍ପୂର୍ଣ୍ଣ ଟିକାକରଣ କରିଥିବେ ତେବେ ଭାରତରେ କୋଭିଡ-୧୯ରେ ଗଭୀର ଭାବରେ ଆକ୍ରାନ୍ତର ଶିକାର ହେବେ ନାହିଁ ।

ଆମେରିକା ବୈଦେଶିକ ବ୍ୟୁରୋ ଅଫ କନସୁଲାର ବ୍ୟାପାର ଦ୍ବାରା ଜାରି କରାଯାଇଥିବା ବିଜ୍ଞପ୍ତିରେ କହୁଯାଇଛି କି ଜାମ୍ମୁ କାଶ୍ମୀରରେ ନାଗରିକ ଅଶାନ୍ତି ପାଇଁ ଯାତ୍ରୀମାନେ ଜାମ୍ମୁ କାଶ୍ମୀର ଗସ୍ତଠାରୁ ଦୂରେଇ ରହିବା ଉଚିତ୍ ବୋଲି ବିଜ୍ଞପ୍ତିରେ ଦର୍ଶାଇଛନ୍ତି । ଆତଙ୍କବାଦୀ କାର୍ଯ୍ୟକଳାପ ଓ ନାଗରିକ ଅଶାନ୍ତ ହେତୁ ଜାମ୍ମୁ କାଶ୍ମୀର ଯାତ୍ରା ନକରିବାକୁ କହିଛନ୍ତି । କିନ୍ତୁ ଏହି ବିଜ୍ଞପ୍ତିରେ ଲେହ ଲଦାଖ ଯାତ୍ରା ଉପରେ କୌଣସି ବିଜ୍ଞପ୍ତି ଜାରି କରିନାହାନ୍ତି ଆମେରିକା ଦୂତାବାସ । ଭାରତରେ ହେଉଥିବା ଅପରାଧିକ କାର୍ଯ୍ୟକଳାପ ବିଶେଷ କରି ଯୌନ ନିର୍ଯାତନା ବିରୋଧରେ ଯାତ୍ରୀମାନଙ୍କୁ ଚେତାବନୀ ଦେଇଛନ୍ତି ଯାହାକି ଭାରତରେ ଦୃତ ଗତିରେ ବୃଦ୍ଧି ପାଉଛି । ଏପରିକି ମହିଳାମାନେ ଏକାକି ଭ୍ରମଣ କରିବାକୁ ନଯିବାକୁ ମଧ୍ୟ କହିଛି ଆମେରିକା ଦୂତାବାସ ।

ଏହି ବିଜ୍ଞପ୍ତିରେ କୁହାଯାଇଛି କି ଯେ ପର୍ଯ୍ୟଟନ ସଂସ୍ଥା, ପରିବହନ, ମାର୍କେଟ/ ସପିଂ ମଲ ଓ ସରକାରୀ ସୁବିଧାକୁ ଟାର୍ଗେଟ କରି ଆତଙ୍କବାଦୀମାନେ କୌଣସି ଚେତାବନୀ ନଦେଇ ଆକ୍ରମଣ କରିପାରିବେ । ଅପରାଧ ଓ ଆତଙ୍କବାଦ ଯୋଗୁଁ ଭାରତ ପ୍ରତି ସତର୍କତା ଅବଲମ୍ବନ କରି ପରାମର୍ଶଦାତା ଲେଭଲ-୨ ସତର୍କ ଅବଲମ୍ବନ କରିବାକୁ ଆମେରକୀୟ ଯାତ୍ରୀମାନଙ୍କ ପରାମର୍ଶ ଦେଇଛନ୍ତି ।

 

 

 

ଆସନ୍ତା ୨୧ରୁ ଭୋଟର ତାଲିକା ନେଇ ସ୍ୱତନ୍ତ୍ର ଡ୍ରାଇଭ: ଜାଣନ୍ତୁ କିଭଳି ଯୋଡ଼ିବେ ନାଁ ଓ କରିବେ ସଂଶୋଧନ

ଭୁବନେଶ୍ୱର: ରାଜ୍ୟରେ ଏବେ ଭୋଟର ତାଲିକା ସଂଶୋଧନ କ୍ୟାମ୍ପେନ ଚାଲିଛି । ଆସନ୍ତା ୨୧ ତାରିଖରୁ ଏ ନେଇ ସ୍ୱତନ୍ତ୍ର ଡ୍ରାଇଭ ମଧ୍ୟ ଆରମ୍ଭ ହେବ । ଏହି ସମୟରେ ସମସ୍ତେ ନିଜ ନିଜର ଭୋଟର ଆଇଡି ସଂଶୋଧନ ବାତିଲ ଆଦି କାର୍ଯ୍ୟ ନେଇ ଆବେଦନ କରିପାରିବେ ।  ଏହି ସମୟରେ ପ୍ରାଥମିକତା ଭିତ୍ତିରେ ଏହି ସବୁ ଆବେଦନକୁ ଗ୍ରହଣ କରାଯିବା ସହ ଆବଶ୍ୟକୀୟ ପରିବର୍ତ୍ତନ କରାଯିବ ବୋଲି କହିଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁଶୀଲ କୁମାର ଲୋହାନୀ । ବୁଧବାର ଏଠାରେ ଅନୁଷ୍ଠିତ ସାମ୍ୱାଦିକ ସମ୍ମିଳନୀରେ ସେ ଏହି ସୂଚନା ଦେଇଛନ୍ତି ।

ଜାଣନ୍ତୁ କେଉଁ କାର୍ଯ୍ୟ ପାଇଁ କେଉଁ ଫର୍ମର କରିବେ ବ୍ୟବହାର

ଫର୍ମ ୬ ଜରିଆରେ ଭୋଟର ତାଲିକାରେ ନୂଆ ନାମ ଯୋଡ଼ିବା ପାଇଁ ଆବେଦନ କରିପାରିବେ
ଫର୍ମ ୭ ନାମ କାଟିବା ପାଇଁ ଯୋଡ଼ିପାରିବେ
ଫର୍ମ ୮ ଜରିଆରେ ନାମ ସଂଶୋଧନ କରିପାରିବେ
ଫର୍ମ ୮ (କ) ଜରିଆରେ ସ୍ଥାନାନ୍ତର ହୋଇଥିଲେ ଏହି ଫର୍ମ ଜରିଆରେ ଆବେଦନ କରିପାରିବେ

ବିଏଲଓମାନଙ୍କ ନିକଟରେ ଆବଶ୍ୟକୀୟ ସଂଶୋଧନ କରିପାରିବେ । ଉଭୟ ଅନ ଲାଇନ ଓ ଅଫ ଲାଇନ ମାଧମରେ କରି ପାରିବେ । ଭୋଟର ହେଲ୍ପ ଲାଇନକୁ ଯାଇ ମଧ୍ୟ ଏହି ସଂଶୋଧନ କରି ପାରିବେ । ଏପିକି ନମ୍ବର ସ୍ପିଡ୍ ପୋଷ୍ଟରେ ଯିବ ତେଣୁ ସଠିକ ଠିକଣା ଦେବାକୁ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ପକ୍ଷରୁ କୁହାଯାଇଛି । ଆମେ କୋଭିଡ କାରଣରୁ ଅନଲାଇନ ବ୍ୟବସ୍ଥାକୁ ଅଧିକ ଗୁରୁତ୍ୱ ଦେଉଛୁ । ବର୍ତ୍ତମାନ ସୁଦ୍ଧା ୪ଲକ୍ଷ୨୦ ହଜାର ଫର୍ମ ଆସିଛି । ସେ ମଧ୍ୟରୁ ୮୦ ପ୍ରତିଶତ ଆମେ ଅନ ଲାଇନ ମାଧ୍ୟମରେ ପାଇଛୁ । ଗତ ବର୍ଷ ଏହା ୮ ପ୍ରତିଶତ ରହିଥିଲା । ବର୍ତ୍ତମାନ ସୁଦ୍ଧା ୧ ଲକ୍ଷ ଡବଲ ଆଇଡି ଡିଲିଟ କରାଯାଇଥିବା ଶ୍ରୀ ଲୋହାନୀ ସୂଚନା ଦେଇଛନ୍ତି । ଆଗକୁ ଯଦି ସେମିତି ନଜର ଆସିବ ତାକୁ ବି ଡିଲିଟ କରାଯିବ । ତେବେ ଏହି ( https://www.nvsp.in/) ଲିଙ୍କ ସହାୟତାରେ ଭୋଟର ତାଲିକା ନେଇ ଆବଶ୍ୟକୀୟ କାର୍ଯ୍ୟ କରିପାରିବେ ।