spot_img
Home Blog Page 5077

ପୁନିତଙ୍କ ପାଇଁ ଚିଠି ଲେଖିଲେ ପତ୍ନୀ ଅଶ୍ୱିନୀ ରେବନାଥ

କନ୍ନଡ ସିନେମାର କିମ୍ବଦନ୍ତୀ ଚଳଚ୍ଚିତ୍ର ବ୍ୟକ୍ତିତ୍ୱ ପୁନିତ  ରାଜକୁମାର ଅକ୍ଟୋବର ୨୯, ୨୦୨୧ରେ ହୃଦଘାତରେ ଆକ୍ରାନ୍ତ ହୋଇଥିଲେ। ତାଙ୍କର ହଠାତ୍ ମୃତ୍ୟୁ ସାରା ଦେଶରେ ଚହଳ ସୃଷ୍ଟି କରିଥିଲା, ଅନେକ ରାଜନୈତିକ ନେତା ତଥା ସେଲିବ୍ରିଟି ତାଙ୍କ ଦେହାନ୍ତରେ ଶୋକ ପ୍ରକାଶ କରିଥିଲେ। କନ୍ନଡ଼ ଇଣ୍ଡଷ୍ଟ୍ରିର ଏତେ ଭଲ ଅଭିନେତାଙ୍କ ସ୍ଥାନ କେହି ବା ପୂରଣ କରିପାରିବେନି ବୋଲି ପୁନିତଙ୍କ ଫ୍ୟାନ୍ସ କହିଛନ୍ତି । ସୁପରଷ୍ଟାର ପୁନିତ୍ ରାଜକୁମାରଙ୍କ ବିୟୋଗ ସମସ୍ତଙ୍କୁ ହତଚକିତ କରିଥିଲା । ପୁନିତଙ୍କ ଫ୍ୟାନ୍ସ ଏହା ଆଦୈା ଗ୍ରହଣ କରିପାରିନଥିଲେ । କିନ୍ତୁ, ଏଯାଏ ତାଙ୍କ ପତ୍ନୀ ଅଶ୍ୱିନୀ ରେବନାଥଙ୍କର ଏନେଇ କୈାଣସି ପ୍ରତିକ୍ରିୟା ଆସିନଥିଲା । ସ୍ୱାମୀଙ୍କ ମୃତ୍ୟୁ ପରେ ତାଙ୍କ ପତ୍ନୀ ଇନଷ୍ଟାଗ୍ରାମ ଆକାଉଣ୍ଟରେ ପ୍ରଶଂସକଙ୍କୁ ଏକ ଭାବପ୍ରବଣ ଚିଠି ଲେଖିଥିଲେ। ସେ ଲେଖିଛନ୍ତି : ପୁନିତଙ୍କ ଅକାଳ ମୃତ୍ୟୁ କେବଳ ପରିବାର ନୁହେଁ ସମଗ୍ର କର୍ଣ୍ଣାଟକ ରାଜ୍ୟକୁ ମଧ୍ୟ ଚକିତ କରିଛି। ଏହି କ୍ଷତିର ପରିମାଣ ଆପଣଙ୍କୁ କଳ୍ପନା କରିବା କଷ୍ଟକର, ତାଙ୍କୁ  ‘ପାଓ୍ୱାର ଷ୍ଟାର୍’ କରିଥିବା ପ୍ରଶଂସକମାନେ ତାଙ୍କୁ ଆଜି ବି ଝୁରୁଛନ୍ତି ।

ପୁନିତଙ୍କ ମୃତ୍ୟୁବେଳେ ତାଙ୍କୁ ୪୬ ବର୍ଷ ହୋଇଥିଲା । ପୁନିତଙ୍କ ଛାତିରେ କଷ୍ଟ ହେବାପରେ ତାଙ୍କୁ ବାଙ୍ଗାଲୋରର ବିକ୍ରମ ହସ୍ପିଟାଲରେ ଭର୍ତ୍ତି କରାଯାଇଥିଲା । ମାତ୍ର ପରେ ତାଙ୍କର ହୃଦଘାତରେ ମୃତ୍ୟୁ ହୋଇଥିବା ଜଣାପଡ଼ିଥିଲା ।  ବଡ଼ ବଡ଼ ମନ୍ତ୍ରୀ ଯଥା ନରେନ୍ଦ୍ର ମୋଦି, ଏମ କେ ଷ୍ଟାଲିନ, ଅର୍ଥମନ୍ତ୍ରୀ ନିର୍ମଳା ସୀତାରମଣ, ଫିଲ୍ମ ତାରକା ସୋନୁ ସୁଧ, ଜୁନିୟର ଏନଟିଆର, ସୁଧିର ବାବୁ ଆଦି ପୁନିତଙ୍କ ଶେଷ ଦର୍ଶନରେ ଉପସ୍ଥିତ ଥିଲେ ।

କମିଲାନି LPG ଦାମ୍, RDC ସ୍ତରୀୟ ଆନ୍ଦୋଳନ କରିବ BJD

ଭୁବନେଶ୍ୱର: ଦଶ ଦିନର ମହଲତ ପରେ ପୁଣି ଥରେ ରାସ୍ତାକୁ ଓହ୍ଲାଇବ ବିଜୁ ଜନତା ଦଳ  ।  ଦରଦାମ ବୃଦ୍ଧି, ବେଲଗାମ LPG ଦର ବୃଦ୍ଧି ପ୍ରତିବାଦରେ ବିଜେଡ଼ି ପୁନର୍ବାର ଆନ୍ଦୋଳନ ଓ ପ୍ରତିବାଦ ଜାରି ରଖିବ ।  ଆଜି ବିଜୁ ଜନତା ଦଳ ରାଜ୍ୟ କାର୍ଯ୍ୟାଳାୟରେ ଏନେଇ ସାମ୍ବାଦିକ ସମ୍ମିଳନୀ ଜରିଆରେ ଘୋଷଣା କରିଛନ୍ତି ବିଧାୟିକା ତଥା ମହିଳା ଜନତା ଦଳର  ସଭାନେତ୍ରୀ ପ୍ରମିଳା ମଲ୍ଲିକ, ଯୁବ ବିଜେଡ଼ି ସଭାପତି ବ୍ୟୋମକେଶ ରାୟ, ଧର୍ମଶାଳା ବିଧାୟକ ପ୍ରଣବ ବଳବନ୍ତ ରାୟ ଏବଂ ଛାତ୍ର ଜନତା ଦଳ ସଭାପତି ଦେବୀ ରଞ୍ଜନ ତ୍ରିପାଠୀ  ।

ବିଜେଡ଼ି ଏହି ଆନ୍ଦୋଳନକୁ RDC ସ୍ତରୀୟ କରିବ  । ଅର୍ଥାତ ରାଜ୍ୟରେ ତିନୋଟି ଆରଡ଼ିସି କଟକ, ସମ୍ବଲପୁର ଏବଂ ବ୍ରହ୍ମପୁରରେ ପ୍ରତିବାଦ କରିବ ବିଜେଡ଼ି  । ସେହିପରି ଆରଡ଼ିସି ଜରିଆରେ ଆସୁଥିବା ସମସ୍ତ ବ୍ଲକରେ ମଧ୍ୟ ପ୍ରତିବାଦ ଓ ଆନ୍ଦୋଳନ କରିବ ବିଜେଡ଼ି  । ପୂର୍ବରୁ ଅହେତୁକ ଦରଦାମ ବୃଦ୍ଧି, ପେଟ୍ରୋଲ-ଡିଜେଲ ଓ ଗ୍ୟାସ ଦର ବୃଦ୍ଧି ପ୍ରତିବାଦରେ ବିଜେଡି ବ୍ଲକ ସ୍ତରୀୟ ପ୍ରତିବାଦ ଜାରି ରଖିଥିଲା  ।

କେନ୍ଦ୍ର ସରକାର ପେଟ୍ରୋଲ ଓ ଡିଜେଲ ଦର ହ୍ରାସ କରିବା ପରେ ଏହି ଆନ୍ଦୋଳନକୁ ୧୦ ଦିନ ପାଇଁ ସ୍ଥଗିତ ରଖିଥିଲା ଦଳ  । ଅର୍ଥାତ କେନ୍ଦ୍ର ସରକାରଙ୍କୁ ୧୦ ଦିନର ମହଲତ ଦିଆଯାଇଥିଲା  । ଯେଉଁଥିରେ ଉଲ୍ଲେଖ ରହିଥିଲା କି, ଗ୍ୟାସ ଦର ହ୍ରାସ କରିବା ସହ ଦରଦାମ ବୃଦ୍ଧି ଉପରେ ଅଙ୍କୁଶ ଲଗାଯାଉ । ରାଜ୍ୟପାଳକୁ ଏନେଇ ଏକ ଦାବି ପତ୍ର ପ୍ରଦାନ କରିଥିଲେ ବିଜେଡ଼ିର ଶୀର୍ଷ ନେତୃତ୍ୱ  ।

ଆଜିର ଏହି ସାମ୍ବାଦିକ ସମ୍ମିଳନୀ ଜରିଆରେ ବିଜେଡି କେଇଠି ମୁଖ୍ୟ ମୁଦ୍ଦା ଉଲ୍ଲେଖ କରିଛି  । ଯେଉଁଥିରେ ରନ୍ଧନ ଗ୍ୟାସର ଅହେତୁକ ମୂଲ୍ୟ ବୃଦ୍ଧି – ଓଡ଼ିଶାର ମା, ଭଉଣି ତଥା ସାଢେ ଚାରିକୋଟି ଲୋକଙ୍କୁ ମାତ୍ରାଧିକ ଭାବେ ପ୍ରଭାବିତ କରିଛି  ।  ବିଗତ ସାଢେ ତିନି ବର୍ଷରେ ରନ୍ଧନ ଗ୍ୟାସର ମୂଲ୍ୟ ୭୦% ବୃଦ୍ଧି ପାଇଛି । ୨୦୧୬-୧୭ ରେ ୧୪.୨ କିଲୋ ସିଲିଣ୍ଡରର ଦାମ୍ ଥିଲା ଟ. ୫୪୯.୬୯ ଏବେ ଏହା ମାତ୍ରାଧିକ ଦର ବୃଦ୍ଧି ପାଇ ୯୨୬ ଟଙ୍କା ସିଲିଣ୍ଡର ଗୋଟା ପହଁଚିଥିବା କହିଛି ବିଜେଡ଼ି  ।

ତେଣୁ ୨୨ ନଭେମ୍ବର ୨୦୨୧ରେ ବିଜେଡ଼ି ପ୍ରଥମେ କଟକ ଆରଡିସି କାର୍ଯ୍ୟାଳୟ ସମ୍ମୁଖରେ ପ୍ରତିବାଦ କରିବ , ଏହା ପରେ ୨୩ ନଭେମ୍ବର ୨୦୨୧ରେ ସମ୍ବଲପୁର ଆରଡିସି କାର୍ଯ୍ୟାଳୟ ସମ୍ମୁଖରେ ଏବଂ ୨୪ ନଭେମ୍ବର ୨୦୨୧ରେ ବ୍ରହ୍ମପୁର ଆରଡିସି କାର୍ଯ୍ୟାଳୟ ସମ୍ମୁଖରେ ଆନ୍ଦୋଳନ କରାଯିବ  ।  ଏଲପିଜି ରନ୍ଧନ ଗ୍ୟାସର ମୂଲ୍ୟ ହ୍ରାସ କରିବାକୁ ଦାବି କରିବା ସହିତ ଉଜ୍ଜ୍ୱଳା ଯୋଜନା ବିଫଳତାକୁ ନେଇ ଲୋକମାନଙ୍କ ସମ୍ମୁଖକୁ ନେବ ବୋଲି କହିଛି ବିଜେଡ଼ି  ।

ଦୀର୍ଘ ୭ଦିନ ପରେ ମାଓବାଦୀଙ୍କ କବଳରୁ ମୁକୁଳିଲେ ଇଞ୍ଜିନିୟର, ଖୋଜିବାକୁ ଯାଇଥିଲେ ପତ୍ନୀ

ମାଲକାନଗିରି: ଲାଲବାହିନୀ କବଳରୁ ଦୀର୍ଘ ୭ ଦିନ ପରେ ମୁକୁଳିଛନ୍ତି ଇଞ୍ଜିନିୟର ଅଜୟ ରୋଶନ। ପ୍ରଜାକୋର୍ଟରେ ହାଜର ପରେ ଅଜୟଙ୍କୁ ଛାଡିବାକୁ ନିଷ୍ପତ୍ତି ନେଇଥିଲା ମାଓ ସଙ୍ଗଠନ। ସେପଟେ ସ୍ୱାମୀଙ୍କ ଫେରିବା ବାଟକୁ ଜଙ୍ଗଲ ନିକଟରେ ଅପେକ୍ଷା କରି ରହିଥିଲେ ପତ୍ନୀ ଅର୍ପିତା। ଶେଷରେ ଅଜୟ ରୋଶନ ଫେରିବା ପରେ ପରିବାରରେ ଖୁସିର ଲହରୀ ଖେଳିଯାଇଛି।

ଇଞ୍ଜିନିୟରଙ୍କୁ ଅପହରଣ କରିବା ପରେ ନିସର୍ତ୍ତ ମୁକୁଳାଇବାକୁ ପତ୍ନୀ ନିବେଦନ କରିଥିଲେ । ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡର ବିଜାପୁର ଜିଲ୍ଲାର କୁରନା ଏବଂ ମକେଲି ଠାରେ ଗ୍ରାମ୍ୟ ସଡକ ଯୋଜନାର କାମ ଦେଖିବାକୁ ଯାଇଥିବା ବେଳେ କନିଷ୍ଠ ଯନ୍ତ୍ରୀ ଅଜୟ ରୋଷନ ଲାକ୍ରା ଏବଂ ପିଅନ ସରଜା ଲକ୍ଷ୍ମଣ ପରିତଗିରିଙ୍କୁ ନକ୍ସଲ ମାନେ ଅପହରଣ କରିଥିଲେ।

ଅଧିକ ପଢନ୍ତୁ:- ଇଞ୍ଜିନିୟର ସ୍ୱାମୀଙ୍କୁ ଅପହରଣ କରିନେଲେ ନକ୍ସଲ, ପିଲାଙ୍କୁ ଧରି ଖୋଜିବାକୁ ଜଙ୍ଗଲ ଆଡ଼େ ବାହାରିଲେ ପତ୍ନୀ

ଉଲ୍ଲେଖଯୋଗ୍ୟ, ସବ୍ ଇଞ୍ଜିନିୟର ଅଜୟ ରୋଶନ ନିକଟ ଅତୀତରେ ଲକ୍ଷ୍ମଣଙ୍କ ସହ ପରତାଗିରି ଗୋରନା ମନକେଲି କ୍ଷେତ୍ରରେ ଚାଲିଥିବା ରାସ୍ତାକାମର ନିରିକ୍ଷଣ କରିବାକୁ ଯାଇଥିଲେ। ହେଲେ ଅନେକ ସମୟ ପର୍ଯ୍ୟନ୍ତ ମୁଖ୍ୟାଳୟକୁ ଫେରିନଥିଲେ। ବିଭାଗର ଅଧିକାରୀ ଓ କର୍ମଚାରୀମାନେ ତାଙ୍କୁ ବହୁତ ଖୋଜିଥିଲେ ହେଲେ କିଛି ବି ସୁରାକ ମିଳିନଥିଲା। ଏହାପରେ ଗାଁ ଲୋକମାନେ ଖବର ଦେଇଥିଲେ ଯେ ସବ୍ ଇଞ୍ଜିନିୟର ଓ ଚପରାସୀଙ୍କୁ କିଛି ଲୋକ ଜଙ୍ଗଲ ଭିତରକୁ ନେଇଯାଇଛନ୍ତି। ତତପରେ ନକ୍ସଲମାନେ ଉଭୟଙ୍କୁ ଅପହରଣ କରିନେଇଥିବା ଜଣାପଡ଼ିଥିଲା। ପରର୍ବତ୍ତୀ ସମୟରେ ସ୍ୱାମୀଙ୍କୁ ସକୁଶଳ ଛାଡ଼ିବାକୁ ମାଓବାଦୀଙ୍କ ନିବେଦନ କରିଥିଲେ ଇଞ୍ଜିନିୟରଙ୍କ ପତ୍ନୀ ଅର୍ପିତା।

ଗାନ୍ଧିଜୀ ଓ ନେତାଜୀଙ୍କ ସମ୍ପର୍କକୁ ନେଇ କ’ଣ କହିଲେ ଝିଅ ଅନିତା ବୋଷ ଜାଣନ୍ତୁ

0

ନୂଆଦିଲ୍ଲୀ: ବଲିଉଡ ଅଭିନେତ୍ରୀ କଙ୍ଗନା ରାନାୱତ ତାଙ୍କ ବୟାନ ହେତୁ ଅନେକ ସମୟରେ ଚର୍ଚ୍ଚାରେ ରୁହନ୍ତି ।  ଏବେ ସେ ଜାତୀୟ ପିତା ମହାତ୍ମା ଗାନ୍ଧୀଙ୍କ ବିଷୟରେ ବିବାଦୀୟ ମନ୍ତବ୍ୟ ଦେଇଛନ୍ତି। ଗୋଟିଏ ଗାଲରେ ଚାପୁଡା ଖାଇ ଆର ଗାଲ ଦେଖାଇଲେ ସ୍ୱାଧିନତା ନୁହେଁ ଭିକ ମିଳେ ବୋଲି କହିଛନ୍ତି ଆତ୍ମବିମୁଗ୍ଧ କଙ୍ଗନା ରନାୱତ।

ମଙ୍ଗଳବାର ଇନଷ୍ଟା ଷ୍ଟୋରି ପୋଷ୍ଟ୍ କରି କଙ୍ଗାନ ପୁଣି ଇନଷ୍ଟାଣ୍ଟ୍ କଣ୍ଟ୍ରୋଭର୍ସି କ୍ରିଏଟ୍ କରିଛନ୍ତି। କଙ୍ଗନାଙ୍କ ଅନୁସାରେ ଖାଲି ଗାନ୍ଧୀଙ୍କ ପାଇଁ ସ୍ୱାଧିନତା ମିଳିନଥିଲା.. ନେତାଜୀ ଓ ଭଗତ ସିଂହଙ୍କୁ ଗାନ୍ଧୀଙ୍କ ସମର୍ଥନ ମିଳିନଥିଲା.. ସେ ଗାନ୍ଧିଙ୍କ ଗୋଟିଏ ଗାଲରେ ଚାପୁଡା ବଦଳରେ ଆର ଗାଲ ଦେଖାଇବା ନୀତିକୁ ମଧ୍ୟ ବିଦ୍ରୁପ କରିଥିଲେ… ସ୍ୱାଧୀନତା ପରେ ନେତାଜୀଙ୍କୁ ବ୍ରିଟିଶ ସରକାର ହାତରେ ସମର୍ପଣ କରିବାକୁ ଗାନ୍ଧୀ ଓ ନେହେରୁ ରାଜିଥିଲେ ବୋଲି କଙ୍ଗନା କହିଛନ୍ତି ।

କଙ୍ଗନାଙ୍କ ଇନଷ୍ଟା ଷ୍ଟୋରି ଭାଇରାଲ ହେବା ପରେ ଗାନ୍ଧୀ ଓ ନେତାଜୀଙ୍କ ସମ୍ପର୍କକୁ ନେଇ ନେତାଜୀଙ୍କ ଝିଅ ଅନିତା ବୋଷ ମଧ୍ୟ ଆଶ୍ଟର୍ଯ୍ୟକର ବୟାନ ଦେଇଛନ୍ତି । ନେତାଜୀ ଓ ଗାନ୍ଧୀଙ୍କ ମଧ୍ୟରେ ଥିବା ସମ୍ପର୍କକୁ ନେଇ ସେ ବେବାକ ନିଜ ବୟାନ ରଖିଛନ୍ତି । ଅନୀତା ସ୍ପଷ୍ଟ ଭାବେ କହିଛନ୍ତି ଯେ, ଗାନ୍ଧୀ ଓ ନେତାଜୀଙ୍କ ମଧ୍ୟରେ ସୌହାର୍ଦ୍ଦ୍ୟପୂର୍ଣ୍ଣ ନଥିଲା । ଅନୀତାଙ୍କ ଅନୁସାରେ ଗାନ୍ଧୀ ଜାଣିପାରିଥିଲେ ଯେ, ନେତାଜୀ ଅନ୍ୟମାନଙ୍କ ଭଳି ତାଙ୍କ ନିୟନ୍ତ୍ରଣରେ ରହିବେ ନାହିଁ । ତେଣୁ ଉଭୟଙ୍କ ମଧ୍ୟରେ ସଂପର୍କ ସୌହାର୍ଦ୍ଦ୍ୟପୂର୍ଣ୍ଣ ନଥିଲା। ଏହା ସହିତ ଅନୀତା ଏହାମଧ୍ୟ କହିଛନ୍ତି ଯେ, ଉଭୟଙ୍କ ମଧ୍ୟରେ ସଂପର୍କରେ ଉଷ୍ମତା ନଥିଲେ ମଧ୍ୟ ତାଙ୍କ ପିତାଙ୍କର ଗାନ୍ଧୀଙ୍କ ପ୍ରତି ସମ୍ମାନ  ଯଥେଷ୍ଟ ଥିଲା ।

ଏମିତିରେ ଗାନ୍ଧୀ ଓ ନେତାଜୀଙ୍କ ମଧ୍ୟରେ ରାଜନୈତିକ ମତଭିନ୍ନତା ଐତିହାସିକ ସତ । ନେତାଜୀ କଂଗ୍ରେସ ସଭାପତି ଭାବେ ପଟ୍ଟଭି ସୀତାରମେୟାଙ୍କୁ ହରାଇ ନିର୍ବାଚିତ ହୋଇଥିଲେ । ଏଥିରେ କ୍ଷୁବ୍ଧ ଗାନ୍ଧୀ କହିଥିଲେ ପଟ୍ଟଭିଙ୍କ ପରାଜୟ ମୋ ପରାଜୟ । ଏହା ସତ୍ୱେ ନେତାଜୀଙ୍କର ଗାନ୍ଧୀଙ୍କ ପ୍ରତି ସମ୍ମାନ କମ ହୋଇନଥିଲା ।

କଙ୍ଗନା ଯେଉଁ କଥା କହିଛନ୍ତି ଆଗରୁ ମଧ୍ୟ ଅନେକ ରାଜନୈତିକ ବିଶ୍ଲେଷକ ସେଇକଥା କହିଛନ୍ତି । ଭାରତକୁ ସ୍ୱାଧୀନତା କ’ଣ କେବଳ ଅହିଂସା ଆନ୍ଦୋଳନ ଦ୍ୱାରା ମିଳିଥିଲା କି ବୋଲି ପ୍ରଶ୍ନ ଆଗରୁ ମଧ୍ୟ ଉଠିଛି । ଅନିତା ସେହି କଥା ମଧ୍ୟ ଉଠାଇଛନ୍ତି । ସେ କହିଛନ୍ତି ଯେ, କେବଳ ଗାନ୍ଧୀଙ୍କ ଅହିଂସା ଆନ୍ଦୋଳନ ଦ୍ୱାରା ସ୍ୱାଧିନତା ମିଳିଥିଲା ବୋଲି କଂଗ୍ରେସର ନେତା ମାନେ ଯେଉଁ ଦାବି କରନ୍ତି ତାହା ଠିକ ନୁହେଁ । ଆଜାଦ୍ ହିନ୍ଦ୍ ଫୌଜ୍ ଓ ଗାନ୍ଧୀଙ୍କ ଆନ୍ଦୋଳନ ପାଇଁ ସ୍ୱାଧିନତା ମିଳିଥିଲା । କେବଳ ଗାନ୍ଧୀଙ୍କ ପାଇଁ ସ୍ୱାଧିନତା ମିଳିଥିଲା ବୋଲି କହିବା ଠିକ୍ ନୁହେଁ । ଏହା ସହିତ ସେ ଗାନ୍ଧୀ ବନାମ ନେତାଜୀ ତୁଳନାକୁ ମଧ୍ୟ ନାପସନ୍ଦ କରିଛନ୍ତି । ଅନୀତାଙ୍କ ଅନୁସାରେ ଜଣଙ୍କ ବିନା ଅନ୍ୟଜଣେ ସ୍ୱାଧିନତା ହାସଲ କରି ପାରିନଥାନ୍ତେ । ଦୁହିଙ୍କ ତ୍ୟାଗ ଓ ଆନ୍ଦୋଳନର ସମୀଶ୍ରଣ ସ୍ୱାଧିନତା ଥିଲା ବୋଲି ସେ କହିଛନ୍ତି ।

‘ଗାନ୍ଧୀ ବନାମ ନେତାଜୀ’ଏହି ପ୍ରସଙ୍ଗ ଏବେର ନୁହେଁ । ସ୍ୱାଧିନତା ପ୍ରାପ୍ତି ପରଠାରୁ ଏହି ପ୍ରଶ୍ନ ଉଠି ଆସିଛି । ଏହାର ଗୋଟିଏ ବଡ଼ କାରଣ ହେଉଛି ଯେଉଁଭଳି ଭାବେ ଗଲା ୭୦ ବର୍ଷ ମଧ୍ୟରେ ସ୍ୱାଧିନତା ସଂଗ୍ରାମରେ ସାମିଲ ଥିବା ଅନ୍ୟ ସଂଗ୍ରାମୀଙ୍କ ଅବଦାନକୁ ଗୁରୁତ୍ୱ ନଦେଇ କେବଳ ଅଳ୍ପ କିଛି ନିର୍ଦ୍ଦିଷ୍ଟ ବ୍ୟକ୍ତି ବିଶେଷଙ୍କୁ ଗୁରୁତ୍ୱ ଦିଆଯାଇଛି । ଏହା ମଧ୍ୟ ସତ ଯେ, ନେତାଜୀଙ୍କ ଆଜାଦ ହିନ୍ଦ ଫୌଜ୍ ହାରିଥିଲା ସତ କିନ୍ତୁ ଏହା ବିଦ୍ରୋହ ପାଇଁ ରାସ୍ତା ସଫା କରିଥିଲା । ଏହର ଏକ ବଡ଼ ଉଦାହରଣ ହେଉଛିବେ ମୁମ୍ବାଇରେ ବ୍ରିଟିସ ରୟାନ ନେଭିର ବିଦ୍ରୋହ । ଯେଉଁଭଳି ଭାବେ ନୌସେନା ବିଦ୍ରୋହ କରିଥିଲା ତାହା ବ୍ରିଟିଶ ସରକାରକୁ ଡରାଇ ଦେଇଥିଲା । ଗାନ୍ଧିଙ୍କ ସବିନୟ ଆନ୍ଦୋଳନ ସହିତ ନେତାଜୀଙ୍କ ଶସସ୍ତ୍ର ସଂଗ୍ରାମ ସ୍ୱାଧିନତାର ରାସ୍ତା ସଫା କରିଥିଲା ।

ଆଇସିସି କ୍ରିକେଟ କମିଟି ଅଧ୍ୟକ୍ଷ ହେଲେ ସୌରଭ ଗାଙ୍ଗୁଲି

ନୂଆଦିଲ୍ଲୀ: ଆଇସିସି କ୍ରିକେଟ କାଉନସିଲର ଚେୟାରମ୍ୟାନ ହେଲେ ସୌରଭ ଗାଙ୍ଗୁଲି । ଅନିଲ କୁମ୍ଭଲେଙ୍କ ସ୍ଥାନରେ ଗାଙ୍ଗୁଲିଙ୍କୁ ମିଳିଛି ଏହି ପଦ । ବିସିସିଆଇ ସଭାପତି ସହ ସୌରଭ ଗାଙ୍ଗୁଲି ଆଇସିସି କ୍ରିକେଟ କାଉନସିଲର ଚେୟାରମ୍ୟାନ ପଦ ମଧ୍ୟ ସମ୍ଭାଳିବେ । ଆଇସିସି ଗଭର୍ଣ୍ଣିଂ ବଡି ଆଜି ଏନେଇ ସୂଚନା ଦେଇଛି । ୨୦୧୨ରେ ଏହି ପଦରେ ନିଯୁକ୍ତି ହୋଇଥିବା କୁମ୍ଭଲେ ଲଗାତର ତିନି ବର୍ଷ ଧରି ତିନି ତିନି ଥର ଏହି ପଦରେ ରହିଛନ୍ତି । ତେବେ ୯ ବର୍ଷ ଧରି ଅନିଲ କୁମ୍ଭଲେ ଏହି ପଦରେ ରହିଥିଲେ । ତେବେ ଅନିଲ କୁମ୍ଭଲେ ଏହି ପଦରୁ ଇସ୍ତଫା ଦେବାରେ ଗାଙ୍ଗୁଲିଙ୍କୁ ମିଳିଛି ଏହି ପଦ । ଗାଙ୍ଗୁଲି ଏହି ପଦରେ ନିଯୁକ୍ତି ହେବା ପରେ ଆଇସିସି ଚେୟାରମ୍ୟାନ ଗ୍ରେଗ୍ ବାରକ୍ଲେ କହିଛନ୍ତି କି ଆଇସିସି ପୁରଷ କ୍ରିକେଟ କମିଟିର ଚେୟାରମ୍ୟାନ ଭାବରେ ନିଯୁକ୍ତି ହୋଇଥିବା ନିଷ୍ପତିକୁ ମୁଁ ସ୍ବାଗତ କରୁଛି । ସେ ଦୁନିଆର ସର୍ବଶ୍ରେଷ୍ଠ ଖେଳାଳି ଅଟନ୍ତି । ଏବଂ ଏହା ପରେ ପ୍ରଶସକ ଭାବରେ ମଧ୍ୟରେ ତାଙ୍କ ବେଶ୍ ଅନୁଭବ ରହିଛି । ତେବେ ଗାଙ୍ଗୁଲିଙ୍କ ଏହି ଅଭିଜ୍ଞତା ଆମକୁ ଆଗକୁ ବଢ଼ିବାରେ ଏବଂ କ୍ରିକେଟକୁ କିପରି ଆହୁର ଭଲ କରାଯାଇପାରିବ ସେ ଉପରେ ଗାଙ୍ଗୁଲି ସାହାର୍ଯ୍ୟ କରିବେ ବୋଲି କହିଛନ୍ତି ଆଇସିସି ଚେୟାରମ୍ୟାନ ଗ୍ରେଗ୍ ବାରକ୍ଲେ ।

ଏହା ସହ ଅନିଲ କୁମ୍ଭଲେ ଯେପରି ବିଗତ ୯ ବର୍ଷ ଧରି ନେତୃତ୍ବ ନେଉଥିଲେ । ତାଙ୍କ କାର୍ଯ୍ୟକାଳ ମଧ୍ୟରେ ଯେଉଁଭଳି ଭାବରେ କ୍ରିକେଟର ଉନ୍ନତି ପାଇଁ କାର୍ଯ୍ୟ କରିଥିଲେ । ଡିଆରଏସକୁ ଯେପରି ନିୟମିତ ଭାବରେ କ୍ରିକେଟରେ ବ୍ୟବହାର ହେଉଛି ଏବଂ ଲଗାତର ଭାବରେ ଅନ୍ତର୍ଜାତୀୟ କ୍ରିକେଟରେ ସୁଧାର ଆସିଛି ସେଥିରେ ଏକ ବଡ଼ ଭୂମିକା ତୁଲାଇଛନ୍ତି ଅନିଲ କୁମ୍ଭଲେ ବୋଲି କହିଛନ୍ତି ଆଇସିସି ଚେୟାରମ୍ୟାନ ଗ୍ରେଗ୍ ବାରକ୍ଲେ ।

 

 

‘Jai Bhim’କୁ ନେଇ ବଢୁଛି ବିବାଦ, ଧମକ ପରେ ସୁରିୟାଙ୍କ ଘରେ ପୋଲିସ ସୁରକ୍ଷା

ଚେନ୍ନାଇ: ତାମିଲ ଅଭିନେତା ସୁରିଆ ତେଜଙ୍କ ‘ଜୟ ଭୀମ’ ରିଲିଜ ହେବା ପରଠାରୁ ଲଗାତାର ବିବାଦ ଘେରରେ ରହିଛି। ନଭେମ୍ବର ୨ରେ ଆମାଜନ ପ୍ରାଇମ ଭିଡିଓରେ ଏହି ଫିଲ୍ମ ମୁକ୍ତିଲାଭ କରିଥିଲା। ଦର୍ଶକ ମାନେ ‘ଜୟ ଭୀମ’କୁ ଖୁବ୍ ପସନ୍ଦ କରୁଥିବାବେଳେ ଗୋଟିଏ ସମ୍ପ୍ରଦାୟ ଏହାର ବିରୋଧ କରିଛି। ଫିଲ୍ମର ଦୃଶ୍ୟକୁ ନେଇ ଆରମ୍ଭ ହୋଇଥିବା ବିବାଦ ଚଳଚ୍ଚିତ୍ର ରିଲିଜ୍ ହେବାର ୨ସପ୍ତାହ ପରେ ଥମୁନାହିଁ। ଫିଲ୍ମକୁ ନେଇ ଅଭିନେତା ସୁରିଆଙ୍କୁ ମଧ୍ୟ ଧମକ ମିଳିବାରେ ଲାଗିଛି। ଫଳରେ ସୁରକ୍ଷାକୁ ନେଇ ପାଞ୍ଚ ଜଣ ପୋଲିସ ଅଧିକାରୀ ଟି ନଗରସ୍ଥିତ ସୂରିୟାଙ୍କ ବାସଭବନ ବାହାରେ ମୁତୟନ ହୋଇଛନ୍ତି।

ଫିଲ୍ମକୁ ନେଇ ସୂରିୟା ଓ ତାଙ୍କ ଟିମକୁ ଏକ ନିର୍ଦ୍ଦିଷ୍ଟ ଗୋଷ୍ଠୀ ପକ୍ଷରୁ ଲଗାତାର ଧମକ ଦିଆଯାଉଛି। ନିକଟରେ ବନିୟର୍ ସଙ୍ଗମଙ୍କ ଦ୍ୱାରା ପଠାଯାଇଥିବା ନାେଟିସରେ ଫିଲ୍ମର କିଛି ଦୃଶ୍ୟ ହଟାଇବା ଓ ଇରୁଲାର ସମ୍ପ୍ରଦାୟର ଲୋକଙ୍କୁ କ୍ଷମା ମାଗିବା ସହ ସାତ ଦିନ ମଧ୍ୟରେ ୫କୋଟି ଟଙ୍କାର କ୍ଷତିପୂରଣ ଦେବାକୁ କୁହାଯାଇଛି। ଏହି ନୋଟିସ୍ ବନିୟାର ସଙ୍ଗମର ପ୍ରଦେଶ ଅଧ୍ୟକ୍ଷଙ୍କ ପକ୍ଷରୁ ଫିଲ୍ମର ଅଭିନେତା ସୂରିୟାଙ୍କ ସହିତ ଜ୍ୟୋତିିକା, ଆମାଜନ୍ ପ୍ରାଇମ୍ ଭିଡିଓ ଏବଂ ‘ଜୟ ଭୀମ’ର ନିର୍ଦ୍ଦେଶକ ଟିଜେ ଗ୍ନାନୱେଲଙ୍କୁ ପଠାଯାଇଛି |

ହେଲେ ଏଭଳି କରିବାକୁ ସୂରିୟା ସଫାସଫା ମନା କରି ଦେଇଛନ୍ତି । ସେ କହିଛନ୍ତି ଯେ ଚଳଚ୍ଚିତ୍ର ନିର୍ମାତାମାନେ ଚଳଚ୍ଚିତ୍ର ମାଧ୍ୟମରେ ଯେକୗେଣସି ବାର୍ତ୍ତା ଦେବାକୁ ସ୍ୱାଧୀନତା ପାଇଛନ୍ତି। ତେବ ଚଳଚ୍ଚିତ୍ରରେ କୗେଣସି ବ୍ୟକ୍ତି କିମ୍ବା ସମ୍ପ୍ରଦାୟକୁ ଅପମାନିତ କରିବାର ମୋର ଉଦ୍ଦେଶ୍ୟ ନାହିଁ ବୋଲି ସୂରିଆ ଏକ ବିବୃତ୍ତି ଜାରି କରି କହିଛନ୍ତି। ତାଙ୍କ ଟୁଇଟ୍ ପରେ ‘ଜୟ ଭୀମ’ ଟିମକୁ ସମର୍ଥନ କରିବା ପାଇଁ ଅନେକ ସେଲିବ୍ରିଟି ଓ ପ୍ରଶଂସକମାନେ ସୋସିଆଲ୍ ମିଡିଆରେ ସମର୍ଥନ ଜଣାଇଛନ୍ତି ।

 

ଆନ୍ଧ୍ର ରାଜ୍ୟପାଳଙ୍କ ସୁସ୍ଥତା କାମନା କଲେ ଓଡ଼ିଶା ମୁଖ୍ୟମନ୍ତ୍ରୀ

ଭୁବନେଶ୍ୱର: ଆନ୍ଧ୍ରପ୍ରଦେଶର ରାଜ୍ୟପାଳଙ୍କ ଆଶୁ ଆଜରୋଗ୍ୟ କାମନା କଲେ ମୁଖ୍ୟମନ୍ତ୍ରୀ  । ଆନ୍ଧ୍ରପ୍ରଦେଶ ରାଜ୍ୟପାଳ ତଥା ବରିଷ୍ଠ ରାଜନେତା ବିଶ୍ଵଭୂଷଣ ହରିଚନ୍ଦନ ଅସୁସ୍ଥ ଅଛନ୍ତି  । କୋଭିଡ ସଂକ୍ରମିତ ହୋଇ ଡାକ୍ତରଖାନାରେ ଚିକିତ୍ସିତ ହେଉଥିବା ଜଣାପଡ଼ିଛି  । ଏନେଇ ଖବର ପାଇବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଶ୍ୱ ଭୂଷଣଙ୍କ ଆଶୁ ଆରୋଗ୍ୟ କାମନା କରିଛନ୍ତି  । ଏଥି ସହିତ ତାଙ୍କର ଉତ୍ତମ ସ୍ୱାସ୍ଥ୍ୟ କାମନା କରିଛନ୍ତି ନବୀନ ପଟ୍ଟନାୟକ ।

ସ୍ତ୍ରୀ ହାତ କାମ କରୁନଥିଲା,ସ୍ୱାମୀ ସୁପାରି ଦେଇ କଲା ହତ୍ୟା

ମୁଙ୍ଗେର: ୩୬ ଘଣ୍ଟାରେ ହତ୍ୟାକାରୀକୁ ଧରିଲା ପୋଲିସ । ବିହାରର ମୁଙ୍ଗେରରେ ନଭେମ୍ବର ୧୫ରେ ହୋଇଥିବାଦୀପିକା ଶର୍ମା ହତ୍ୟାକାଣ୍ଡରେ ପୋଲିସକୁ ମିଳିଛି ବଡ଼ ସଫଳତା । ୩୬ ଘଣ୍ଟା ମଧ୍ୟରେ ଏହି ହତ୍ୟାକାଣ୍ଡରେ ଦୋଷୀକୁ ଗିରଫ କରିଛି ବିହାର ପୋଲିସ । ହତ୍ୟାର  ଷଡ଼ଯନ୍ତ୍ର ରଚିବା ମାମଲାରେ CISFରେ କାର୍ଯ୍ୟରତ ଦୀପିକା ଶର୍ମାଙ୍କ ପତିଙ୍କ ସହ ପାଞ୍ଚ ଜଣଙ୍କୁ ଗିରଫ କରିଛି ପୋଲିସ । ଏକ ଦୁର୍ଘଟଣାରେ ମୃତକ ଦୀପିକା ଶର୍ମାଙ୍କ ହାତରେ ଗୁଳି ବାଜିବାରୁ ତାଙ୍କ ହାତ ଆଉ କାମ କରିନଥିଲା । ହାତ କାମ ନକରିବାରୁ ତାଙ୍କ ସ୍ବାମୀ ରଗିଯାଇ ଏକ ଲକ୍ଷ ୨୦ ହଜାର ଦେଇ ତାଙ୍କ ସ୍ତ୍ରୀର ହତ୍ୟା କରିଥିଲେ । କାସିମ ବଜାର ଥାନାରେ ହୋଇଥିବା ମହିଳାଙ୍କ ହତ୍ୟାକାଣ୍ଡ ମାମଲାରେ ପୋଲିସ ଅଧୀକ୍ଷକ ଜଗନ୍ନାଥରେଡୀ ଜଲା ରେଡ୍ଡୀ କହିଛନ୍ତି କି ସୋମବାର ସକାଳେ ଦୀପିକା ଶର୍ମାଙ୍କୁ ଅପରାଧୀ ଗୁଳି କରି ହତ୍ୟା କରିଥିଲେ । ଯାହାକୁ ନେଇ ମୃତକ ଦୀପିକା ଶର୍ମାଙ୍କ ଭାଇ କୁମାର ଭାନୁଙ୍କ ବୟାନକୁ ନେଇ ପୋଲିସ କେସ୍ ରଖିଥିଲା ଏବଂ ତଦନ୍ତ କରିଥିଲା ।

ଏହି ହତ୍ୟାକାଣ୍ଡ ମାମଲାରେ ଏସଡିପିଓଙ୍କ ନେତୃତ୍ବରେ ଏକ ଟିମ୍ ଗଠନ ହୋଇଥିଲା । ଟିମ୍ ତଦନ୍ତ ଆରମ୍ଭରେ ଏହି ହତ୍ୟାକାଣ୍ଡରେ ପରିବାରର ହାତ ଥିବା ଜାଣିବାକୁ ପାଇଥିଲା । ଏହା ପରେ ପୋଲିସ  ମୃତକ ଛୋଟୁ ଶର୍ମା, ସସୁର ରାଜୀବ କୁମାର ଓ ଦିଅର ସୁମିତ କୁମାରଙ୍କ କଲ୍‌ ଡିଟେଲ୍ସ ଯାଞ୍ଚ କରିଥିଲେ । କାହିଁକି ନା ହତ୍ୟାକାଣ୍ଡ ଦିନ ଛୋଟୁ ଓ ସୁମିତ  ଘରେ ଥିଲେ । କଲ ଡିଟେଲ୍ସ ଆଧାରରେ କୋଟଓ୍ବାଲୀ ଥାନା ଅଞ୍ଚଳରେ ରହୁଥିବା ଶୁଟର ଗୌତମ କୁମାର, ସଞ୍ଜୀବ କୁମାର ଏବଂ ପତଲୁଙ୍କ ବିଷୟରେ ହୋଇଥିବା କଥାବର୍ତ୍ତା ସାମ୍ନାକୁ ଆସିଥିଲା । ଏହା ପରେ ପୋଲିସ ସେହି ତିନି ଜଣଙ୍କ ଘରେ ରେଡ କରିଥିଲା ଏବଂ ଗୌତମ ଓ ସଞ୍ଜୀବଙ୍କ ଘରୁ ଗିରଫ କରିଥିଲା । କିନ୍ତୁ ପତଲୁ ଏବେ ବି ଫେରାର ରହିଛି ।

ଗିରଫ ହୋଇଥିବା ଶୁଟର ଗୌତମ କୁମାରଙ୍କୁ ଯେତେବେଳେ ପୋଲିସ ପଚରା ଉଚରା କରିଥିଲା କି ସେତେବେଳେ ସେ ଏହି ହତ୍ୟାକାଣ୍ଡରେ ତା’ର ସଂପୃକ୍ତି ଥିବା ସ୍ବୀକାର କରିଥିଲା । ଗୌତମ କହିଥିଲା କି ସୁମିତ କୁମାର ଏକ ମାସ ପୂର୍ବେ ଫୋନ କରି କହିଥିଲେ କି ମୋର ଭାଇ ରବି କୁମାର CISFରେ କାର୍ଯ୍ୟ କରନ୍ତି । ସେ ତାଙ୍କ ପତ୍ନୀଙ୍କ ହତ୍ୟା କରିବାକୁ ଚାହୁଁଥିଲେ । ତେବେ ଏହି ହତ୍ୟାକାଣ୍ଡ ପାଇଁ ୧ ଲକ୍ଷ ୨୦ ହଜାର ଟଙ୍କା ସ୍ଥିର ହୋଇଥିଲା । ଏହା ପରେ ସୁମିତ ତାଙ୍କ ଫୋନରେ ଗୌତମ ସହ ରବି କୁମାର ସହ କଥା ମଧ୍ୟ କରିଥିଲା ଏବଂ ଆଡଭାନ୍ସ ୨୦ ହଜାର ଦେଇଥିଲେ । ମୁଙ୍ଗେର ଏସପି ଜଗନ୍ନାଥରେଡୀ ଜଲା ରେଡ୍ଡୀ କହିଛନ୍ତି କି ୨୦୧୭ ମସିହାରେ ମୃତକ ଦୀପିକା ଶର୍ମାଙ୍କ ବାପ ଘରେ ଗୁଳିକାଣ୍ଡ ହୋଇଥିଲା । ଏହି ଗୁଳିକାଣ୍ଡରେ ମୃତକ ମାଆଙ୍କ ମୃତ୍ୟୁ ହୋଇଥିବାବେଳେ ଦୀପିକାଙ୍କ ବାମ ହାତରେ ଗୁଳି ବାଜିଥିଲା । ଯେଉଁଥି ପାଇଁ ତାଙ୍କ ବାମ ହାତ କାମ କରିବା ବନ୍ଦ କରିଦେଇଥିଲା । ଯେଉଁଥି ପାଇଁ ଦୀପିକାଙ୍କ ଶାଶୁଘରେ ତାଙ୍କ ପସନ୍ଦ କରିନଥିଲେ । ଏଥିପାଇଁ ଦୀପିକାଙ୍କ ସ୍ବାମୀ ଓ ତାଙ୍କ ପରିବାର ଲୋକ ଦୀପିକାଙ୍କୁ ମାରିବା ପାଇଁ ଷଡଯନ୍ତ୍ର କରିଥିଲେ । ତେବେ ସୋମବାର ଦୀପିକାଙ୍କ ଉପରେ ଭାରୀ ଗୁଳିବର୍ଷା କରିଥିଲେ । ଯାହା ଫଳରେ ଘଟଣା ସ୍ଥଳରେ ତାଙ୍କ ମୃତ୍ୟୁ ହୋଇଯାଇଥିଲା । ତେବେ ଏହି ଘଟଣାରେ ଦୀପିକାଙ୍କ ପତି, ତାଙ୍କ ଦୁଇ ଭାଇ ଓ ଦୁଇ ଜଣ ଶୁଟରଙ୍କୁ ଗିରଫ କରିଛି ପୋଲିସ ।

 

 

୮ଟି ବୌଦ୍ଧ ସ୍ତୁପ ଓ ୫୦ରୁ ଊର୍ଦ୍ଧ୍ୱ ପ୍ରାଚୀନ ମାଟିପାତ୍ର ଉଦ୍ଧାର

0

ଭଦ୍ରକ: ପ୍ରାଚୀନ ବୌଦ୍ଧ ଅର୍ଘ ସ୍ତୁପ ସମେତ ୫୦ରୁ ଊର୍ଦ୍ଧ୍ୱ ମାଟି ପାତ୍ର ଉଦ୍ଧାର  । ଭଣ୍ଡାରିପୋଖରୀ ବ୍ଲକ ଅନ୍ତର୍ଗତ ଷୋଳମପୁର ପଞ୍ଚାୟତର ମଣିନାଥପୁର ଗ୍ରାମ ନିକଟ ବୈତରଣୀ ନଦୀ କୂଳରୁ ଏହି ସାମଗ୍ରୀ ଉଦ୍ଧାର ହୋଇଛି । ଏହା ଅଷ୍ଟମ- ନବମ ଶତାବ୍ଦୀ ବେଳର ହୋଇଥିବା ଅନୁମାନ କରାଯାଉଛି । ଉଦ୍ଧାର ସାମଗ୍ରୀ ଏବଂ ସ୍ତୁପକୁ ସ୍ଥାନୀୟ ଗବେଷକ ବିଶ୍ୱମ୍ଭର ରାଉତଙ୍କ ଉଦ୍ୟମ କ୍ରମେ ଷୋଳମପୁର ବୋୖୖଦ୍ଧ ବିହାର ସଂଗ୍ରହାଳୟକୁ ସ୍ଥାନାନ୍ତର କରାଯାଇଛି।

ମଣିନାଥପୁର ଗ୍ରାମର ସମାଜସେବୀ ସୁଧାଂଶୁ ବେହୁରିଆ ସକାଳେ ନଦୀ ପଠାକୁ ବୁଲିବାକୁ ଯାଇଥିବା ବେଳେ ଏକ ମୂର୍ତ୍ତି ଥିବା ପଥର ଦେଖି ସ୍ଥାନୀୟ ଗବେଷକ ବିଶ୍ୱମ୍ୱର ରାଉତଙ୍କୁ ସୂଚନା ଦେଇଥିଲେ। ଇନଟାକ ସଦସ୍ୟ ଶ୍ରୀ ରାଉତ ଉକ୍ତ ସ୍ଥାନରେ ପହଞ୍ଚି ଅନୁଧ୍ୟାନ କରି ୮ ଟି ବୌଦ୍ଧ ଅର୍ଘ୍ୟ ସ୍ତୁପ ସମେତ ୫୦ ରୁ ଉର୍ଦ୍ଧ୍ୱ ପ୍ରାଚୀନ ପୋଡ଼ା ମାଟିରେ ତିଆରି ମାଟି ପାତ୍ର ଉଦ୍ଧାର କରିବା ସହିତ ସ୍ଥାନୀୟ ଯୁବକ ମାନଙ୍କ ସହଯୋଗରେ ଷୋଳମପୁର ବୌଦ୍ଧ ବିହାର ସଂଗ୍ରହାଳୟକୁ ଅଣାଯାଇ ସୁରକ୍ଷିତ ଭାବେ ରଖାଯାଇଥିଲା।

ତେବେ ଏହି ବିରଳ କୀର୍ତ୍ତିରାଜିଗୁଡ଼ିକୁ ଦେଖିବାକୁ ଷୋଳମପୁର ବୌଦ୍ଧ ବିହାରକୁ ସ୍ଥାନୀୟ ଲୋକଙ୍କ ଭିଡ଼ ଦେଖିବାକୁ ମିଳିଛି । ଐତିହାସିକ ପ୍ରତ୍ନତାତ୍ତ୍ଵିକ ଦୃଷ୍ଟିକୋଣରୁ ଉଦ୍ଧାର ହୋଇଥିବା ସମସ୍ତ ସ୍ତୁପ ଓ ପ୍ରାଚୀନ ମାଟି ପାତ୍ର ପ୍ରାୟ ଅଷ୍ଟମ ନବମ ଶତାବ୍ଦୀର ବୋଲି ଜଣାପଡ଼ିଛି । ଉଦ୍ଧାର ହୋଇଥିବା ଏହି ପ୍ରାଚୀନ କୀର୍ତ୍ତିରାଜି ଗୁଡ଼ିକ ଷୋଳମପୁର ବୌଦ୍ଧ ବିହାରରେ ଭୌମକର ଶାସନ ସମୟର ବୋଲି ଗବେଷକ ମାନେ ଦାବି କରିଛନ୍ତି।ଏଭଳି ମହାନ୍ କାର୍ଯ୍ୟ ପାଇଁ ଷୋଳମପୁର ବୌଦ୍ଧ ବିହାର ଟ୍ରଷ୍ଟି କମଳାକାନ୍ତ ନାୟକ ସମସ୍ତଙ୍କୁ ଧନ୍ୟବାଦ ଅର୍ପଣ କରିଛନ୍ତ।

କର୍ତ୍ତାରପୁର ସାହିବ କରିଡରକୁ ଛୁଟୁଛି ଶ୍ରଦ୍ଧାଳୁଙ୍କ ଭିଡ଼

କର୍ତ୍ତାରପୁର: ଶିଖ୍‌ ଶ୍ରଦ୍ଧାଳୁଙ୍କ ପଇଁ ବୁଧବାର ଠୁ ଖୋଲିଛି କର୍ତ୍ତାରପୁର ସାହିବ କରିଡର । ଗୁରୁ ନାନକ ଦେବ ଜୀ ଙ୍କ ଜନ୍ମତିଥି ପୂର୍ବରୁ ଶ୍ରଦ୍ଧାଳୁଙ୍କ ପାଇଁ ପାକିସ୍ତାନରେ ଥିବା ଗୁରୁଦ୍ବାରକୁ ଯାତ୍ରା ପାଇଁ ଶିଖ୍‌ ଶ୍ରଦ୍ଧାଳୁଙ୍କୁ ଅନୁମତି ଦିଆଯାଇଛି। କରୋନା ପାଇଁ ୨୦ ମାସ ଧରି ବନ୍ଦ ଥିବା କରାତାରପୁର କରିଡରକୁ ଖୋଲାଯାଇଛି । କରୋନା କଟକଣାରେ ଗୁରୁଦ୍ବାରରେ ଦର୍ଶନ କରିପାରିବେ ଶ୍ରଦ୍ଧାଳୁ ।

କରୋନା ଟିକାର ଦୁଇଟି ଡୋଜ୍ ନେଇଥିବା ଶ୍ରଦ୍ଧାଳୁଙ୍କୁ ଯାତ୍ରା ଅନୁମତି ଦିଆଯିବ । ଗତକାଲି କରତାରପୁର ଖୋଲିବା ନେଇ ଗୃହ ବିଭାଗର ନିଷ୍ପତ୍ତି ପରେ ଆଜି ସକାଳୁ ଶୀଖ୍‌ ତୀର୍ଥଯାତ୍ରୀଙ୍କ ଏକ ଗୋଷ୍ଠୀ ଗୁରୁଦ୍ବାରା ଅଭିମୁଖେ ଯାତ୍ରା ଆରମ୍ଭ କରିଛନ୍ତି । କରିଡରରେ ପ୍ରବେଶ ଲାଗି ଆଜିଠୁ ପଞ୍ଜିକରଣ ଆରମ୍ଭ ହୋଇଛି।

ତେବେ ପାକିସ୍ତାନରେ ଅବସ୍ଥିତ ଏହି ଐତିହାସିକ ଗୁରୁଦ୍ବାର ଭାରତର ସୀମାଠାରୁ ମାତ୍ର ୪.୭ କିଲୋମିଟର ଦୂରରେ ରହିଛି। ଗତବର୍ଷ କୋଭିଡ ଯୋଗୁ ଏହି ଭିସାମୁକ୍ତ କରିଡର ବନ୍ଦ ରହିଥିଲା । ଏହା ଶିଖ ଧର୍ମଗୁରୁ ନାନକଙ୍କ ଦ୍ବାରା ୧୫୦୪ ମସିହାରେ ପ୍ରତିଷ୍ଠିତ ହୋଇଥିଲା । ୨୦୧୯ ନଭେମ୍ବର ୯ରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁ ଏହି କରିଡରକୁ ଉଦଘାଟନ କରିଥିଲେ।