ପ୍ରୟାଗରାଜ: ବିଜେପି ସାଂସଦ ବରୁଣ ଗାନ୍ଧୀ କୃଷକଙ୍କ ସମସ୍ୟାକୁ ନେଇ ଲଗାତାର ଭାବେ ନିଜ ଦଳକୁ ଟାର୍ଗେଟ୍ କରିବାରେ ଲାଗିଛନ୍ତି । ଏଭଳି ସମୟରେ କଂଗ୍ରେସ ନେତା ମାନେ ତାଙ୍କର ‘ସ୍ୱାଗତ’ ପୋଷ୍ଟର ଲଗାଇଛନ୍ତି । ଯାହାକୁ ନେଇ ବରୁଣ କଂଗ୍ରେସରେ ଯୋଗଦେବା ନେଇ ଚର୍ଚ୍ଚା ହେଉଛି ।
ବରୁଣଙ୍କ ସ୍ୱାଗତ ପୋଷ୍ଟରରେ କିଛି ଏଭଳି ଲେଖାଯାଇଛି- ଦୁଃଖ ଭରେ ଦିନ ବିତେରେ ଭୟା ଅବ ସୁଖ ଆୟୋ ରେ । କେବଳ ଏତିକି ନୁହେଁ ବରୁଣଙ୍କ ସହ ପୋଷ୍ଟରରେ କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧୀଙ୍କ ଫଟୋ ମଧ୍ୟ ରହିଛି । ସେହିପରି ତଳେ ଇରଶାଦ ଉଲ୍ଲା ଓ ବାବା ଅଭୟ ଅବସ୍ତୀଙ୍କ ଫଟୋ ରହିଛି। ଆଉ ଏହି ଦୁଇ ଜଣଙ୍କୁ କଂଗ୍ରେସର ବରିଷ୍ଠ ନେତା କୁହାଯାଉଛି ।
କୃଷକଙ୍କ ପ୍ରସଙ୍ଗକୁ ନେଇ ବରୁର ଗାନ୍ଧୀ ଲଗାତାର ଭାବେ ଦଳଠୁ ଅଲଗା ବୟାନ ଦେଇଥାନ୍ତି । ଏହାବ୍ୟତୀତ ସେ ଲଖିମପୁର ଖେରି ମାମଲାରେ ମୁଖ୍ୟମନ୍ତ୍ରୀ ଯୋଗୀଙ୍କୁ ଚିଠି ଲେଖି ସିବିଆଇ ଯାଞ୍ଚ କରିବାକୁ ଦାବି କରିଥିଲେ । ଏହା ବ୍ୟତୀତ ଘଟଣାର ଭିଡ଼ିଓ ଶେୟାର କରି କ୍ରୋଧ ପ୍ରକାଶ କରିଥିଲେ ।
