ଆବୁଧାବି: ଆଶାରେ ରହିଗଲା ହ୍ୟାଟ୍ରିକ୍ ସ୍ୱପ୍ନ । ପ୍ଲେ ଅଫ୍ରୁ ବାଦ୍ ପଡ଼ିଲା ମୁମ୍ବାଇ ଇଣ୍ଡିଆନ୍ସ । ଆବୁଧାବିରେ ଆଇପିଏଲର ଖେଳା ଯାଇଥିବା ୫୫ ନମ୍ବର ମ୍ୟାଚରେ ବିଜୟ ସତ୍ତ୍ୱେ ନରାଶ ହୋଇଛି ମୁମ୍ବାଇ । ଚଳିତ ଆଇପିଏଲ୍ ସିଜିନରେ ଖରାପ ସ୍କୋର ଦଳ ପାଇଁ ମହଙ୍ଗା ସାବ୍ୟସ୍ତ ହୋଇଛି । ପ୍ଲେ ଅଫରୁ ବାହାର ହେବା ସହ ମୁମ୍ବାଇ ହ୍ରାଟ୍ରିକ୍ ଆଇପିଏଲ୍ ଚାମ୍ପିଆନ୍ ହେବା ସ୍ୱପ୍ନ ଧୂଳିସାତ୍ ହୋଇଯାଇଛି ।
ସନରାଇଜର୍ସ ହାଇଦ୍ରାବାଦ ବିପକ୍ଷରେ ରୋହିତଙ୍କ ଟିମ୍ ଚମତ୍କାର କରିପାରି ନାହିଁ । ଚଳିତ ଆଇପିଏଲ୍ ସିଜିନରେ ମୁମ୍ବାଇ ଇଣ୍ଡିଆନ୍ସ ୭ଟି ମ୍ୟାଚ୍ ହାରିଥିବା ବେଳେ ପ୍ଲେ ଅଫରେ ସାମିଲ୍ ହୋଇ ପାରିନାହିଁ । ୨୦୧୮ ପରେ ପ୍ରଥମଥର ପାଇଁ ମୁମ୍ବାଇ ପ୍ଲେ ଅଫରେ ସ୍ଥାନିତ ହୋଇ ନାହିଁ ।
ହାଇଦ୍ରାବାଦ ବିପକ୍ଷ ମ୍ୟାଚ୍ ଆରମ୍ଭରୁ ପ୍ଲେ ଅଫ୍ ରେସରେ ରହିଥିଲା ମୁମ୍ବାଇ ଇଣ୍ଡିଆନ୍ସ । ପ୍ରଥମରୁ ଦଳର ବଡ଼ ସ୍କୋର ଫ୍ୟାନଙ୍କୁ ମଧ୍ୟ ଉତ୍ସାହିତ କରିଥିଲା । ମୁମ୍ବାଇ ୧୭୧ କିମ୍ବା ତା’ ଠାରୁ ଅଧିକ ରନରେ ହାଇଦ୍ରାବାଦକୁ ହରାଇବା ଆବଶ୍ୟକତା ଥିଲା । ପ୍ରଥମେ ମୁମ୍ବାଇ ବ୍ୟାଟିଂ କରି ୨୩୫ ରନର ବଡ଼ ସ୍କୋର ତ କଲା କିନ୍ତୁ ବିଜୟ ମଧ୍ୟରେ ବଡ଼ ରନ୍ ବ୍ୟବଧ୍ୟାନ ରଖି ପାରିଲା ନାହିଁ ।
