ବିଏସଏନଏଲ ଏକ ନୂଆ ରିଚାର୍ଜ ପ୍ଲାନ ଲଞ୍ଚ କରିଛି, ଯାହାକି ସୀମିତ ସମୟ ପାଇଁ ରହିଛି । ସରକାରୀ ଟେଲିକମ କମ୍ପାନୀ ନିଜର ସୋସିଆଲ ମିଡ଼ିଆ ହ୍ୟାଣ୍ଡେଲରେ ଏହି ପ୍ଲାନ ବାବଦରେ ସୂଚନା ଶେୟାର କରିଛି । ସ୍ବାଧିନତା ଦିବସ ଉପଲକ୍ଷେ କମ୍ପାନୀ ଏହି ପ୍ଲାନ ଲଞ୍ଚ କରିଛି । ଫ୍ରିଡମ ଅଫର ଅନୁସାରେ କମ୍ପାନୀ ଏହି ପ୍ଲାନ ଆଣିଛି । ଏଥିରେ ଗ୍ରାହକଙ୍କୁ ଡାଟା, କଲିଂ ସାଙ୍ଗକୁ ଅନ୍ୟ ବେନିଫିଟସ୍ ମିଳିବ । ଏଥିରେ ଆପଣମାନେ ଦୈନିକ ୨ ଜିବି ଡାଟା ଓ ଅସୀମିତ କଲିଂର ସୁବିଧା ପାଇ ପାରିବେ ।
ବିଏସଏନଏଲ ଫ୍ରିଡମ ଅଫରର ମୂଲ୍ୟ ୧ ଟଙ୍କା ରହିଛି ଓ ଏହା ୩୦ ଦିନ ଭାଲିଡିଟି ସହିତ ଆସୁଛି । ୧ ଅଗଷ୍ଟରୁ ୩୧ ମଧ୍ୟରେ ଏହି ଫାଇଦା ମିଳିପାରିବ । ଏଥିପାଇଁ ଆପଣଙ୍କୁ ବିଏସଏନଏଲ କମନ ସର୍ଭିସ ସେଣ୍ଟରକୁ ଯିବାକୁ ପଡ଼ିବ । ଏଥିରେ ଗ୍ରାହକଙ୍କୁ ୨ ଜିଡି ଦୈନିକ ଡାଟା ମିଳିବ, ଯାହା ୪ ଜି ରହିବ । ଏହାଛଡ଼ା କମ୍ପାନୀ ଅନଲିମିଟେଡ ଭଏସ୍ କଲିଂ ଓ ଡେଲି ୧୦୦ ଏସଏମଏସ ମଧ୍ୟ ଅଫର କରୁଛି ।
