ବାଲିଗୁଡା : ଗଣେଶ ପୂଜା ଭସାଣୀ ଦେଖିବାକୁ ଆସି ଫେରିବା ବେଳେ ନବମ ଶ୍ରେଣୀ ଛାତ୍ରୀଙ୍କୁ କାର ଭିତରେ ଜବରଦସ୍ତ ଦୁଷ୍କର୍ମ ଅଭିଯୋଗ । କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ଥାନା ଅଞ୍ଚଳରେ ଘଟିଛି ଲଜ୍ଜାଜନକ ଘଟଣା। ଅଭିଯୁକ୍ତ ଯୁବକ ବିବାହିତ ହୋଇଥିବା ବେଳେ ଘଟଣା ଘଟାଇବା ପରେ ଫେରାର ହୋଇଥିବା ସୂଚନା ମିଳିଛି । ନାବାଳିକା ଜଣକ ଏ ନେଇ ପରିବାର ଲୋକଙ୍କୁ ଜଣାଇବା ପରେ ଦାରିଙ୍ଗବାଡ଼ି ଥାନାରେ ଲିଖିତ ଅଭିଯୋଗ ହୋଇଛି । ଅଭିଯୋଗ ଅନୁସାରେ ଦାରିଙ୍ଗବାଡ଼ି ପୋଲିସ୍ ଏକ ମାମଲା ରୁଜୁ କରି ତଦନ୍ତ ଚଳାଇଛି । ନାବାଳିକା ଛାତ୍ରୀଜଣକ କିଛି ଦିନ ପୂର୍ବେ ଦାରିଙ୍ଗବାଡ଼ି ଅଞ୍ଚଳରେ ରହୁଥିବା ନିଜ ବଡ଼ ଭଉଣୀ ଘରକୁ ବୁଲିବାକୁ ଆସିଥିଲେ । ହେଲେ ଗତ ୫ ତାରିଖ ସନ୍ଧ୍ୟାରେ ନାବାଳିକା ଛାତ୍ରୀ ଜଣକ ଗଣେଶ ପୂଜା ବିସର୍ଜନ ଭସାଣୀ ଦେଖିବାକୁ ଆସି ଘରକୁ ଫେରୁଥିବା ସମୟରେ ଅଭିଯୁକ୍ତ ଯୁବକ ଜଣକ ଜବରଦସ୍ତ ତାଙ୍କୁ କାର୍ ଭିତରକୁ ଟେକି ନେଇଥିଲା ଏବଂ ଯୋର୍ ଜବରଦସ୍ତ ଦୁଷ୍କର୍ମ କରିବା ସହ ମାଡ଼ ମାରି ନାବାଳିକାଙ୍କ ଭଉଣୀ ଘର ନିକଟରେ ଛାଡ଼ି ଚାଲିଯାଇଥିଲା ।
ଭଣଜା ପ୍ରେମରେ ମାମୁଁଙ୍କୁ ମାରି ପୋତିଦେଲା ମାଇଁ
ନନ୍ଦିଘୋଷ ବ୍ୟୁରୋ : ଉତ୍ତର ପ୍ରଦେଶ କାନପୁରର ଏକ ଆଶ୍ଚର୍ଯ୍ୟ କଲା ଭଳି ଘଟଣା ଘଟିଛି । ପ୍ରେମ ବିବାହର ୨୦ ବର୍ଷ ପରେ ୩ ଛୁଆର ମାଆକୁ ଭଣଜା ସହ ପ୍ରେମ ହୋଇଗଲା । ସ୍ବାମୀଙ୍କୁ ସ୍ତ୍ରୀର ପ୍ରେମ ସମ୍ପର୍କ ବିଷୟକୁ ନେଇ ସନ୍ଦେହ କରିବାକୁ ଲାଗିଲା । ପତ୍ନୀ ଏକଥଶ ଜାଣିବା ପରେ ପ୍ରେମିକ ସହ ମିଶି ସ୍ବାମୀଙ୍କୁ ନିଶା ବଟିକା ଦେଇ ମାରିବା ପରେ ବାରିପଟେ ପୋତି ଦେଲା । ସମ୍ପର୍କୀୟ ଓ ଘର ଲୋକ ପଚାରିବାରୁ ସ୍ବାମୀ ଗୁଜୁରାଟ କାମ କରିବାକୁ ଯାଇଥିବା କହିଥିଲେ । ମୃତକଙ୍କ ମାଆଙ୍କୁ ଏଭଳି ମିଛ କଥା କହି ୧୦ ମାସ ପର୍ଯ୍ୟନ୍ତ ଭଣ୍ଡାଇ ଚାଲିଥିଲେ ।
ମାଓ୍ବାଇ ଚୋହରାର ଶିବବୀର ସିଂ ୨୦ ବର୍ଷ ପୂର୍ବେ ବାରଣାସୀର ଜଣେ ଯୁବତୀଙ୍କୁ ବିବାହ କରିଥିଲେ । ୬ ବର୍ଷ ହେଲା ଶିବବୀର ମାଆ ସାବିତ୍ରୀ, ସ୍ତ୍ରୀ ଲକ୍ଷ୍ମୀ ଓ ତିନି ଛୁଆଙ୍କୁ ନେଇ ସଚେଣ୍ଡି ଥାନା ଅଞ୍ଚଳରେ ଭଡାରେ ରହୁଥିଲେ । ମାଆଙ୍କ ସାବିତ୍ରୀଙ୍କ କହିବାନୁଯାୟୀ, ଶିବବୀର ଗୁଜରାଟର ଏକ କମ୍ପାନୀରେ କାମ କରୁଥିଲେ । ୨୦୨୪ ଅକ୍ଟୋବର ୩୦ ତାରିଖ ଦିନ ଶିବବୀର ଗାଁକୁ ଆସିଥିଲେ । ନଭେମ୍ବର ମାସରେ ବୋହୂ ଶିବବୀର ଗୁଜୁରାଟ ଚାଲିଯାଇଥିବା କଥା କହିଥିଲେ ।
ଏହି ସମୟରେ ପଡୋଶୀ ଘରେ ରହୁଥିବା ଜଣେ ଭଣଜା ଘରକୁ ବହୁବାର ଯିବା ଆସିବା କାରୁଥିଲେ । ଶାଶୂଙ୍କୁ ସନ୍ଦେହ ହେବାରୁ ସେ ପୋଲିସକୁ ଖବର ଦେଇଥିଲେ । ବୋହୂ ନମ୍ବରର ସିଡିଆର ପୋଲିସ ବାହାର କରିଥିଲା । ଦୀର୍ଘ ୧୦ ବର୍ଷ ହେଲା ବୋହୂର ଶିବବୀର ସହ ସମ୍ପର୍କ ନଥିବା ଜାଣିବାକୁ ପାଇଲା । ଆଉ ଭଣଜା ସହ ସବୁବେଳେ କଥା ହେଉଥିବା ଜାଣିବାକୁ ପାଇଲା । ପୋଲିସ ଭଣଜାଙ୍କୁ ଗିରଫ କରିଥିଲା । ଅନ୍ୟପଟେ ଘର ବାରିପଟେ ଏକ ବ୍ରେସଲେଟ ମିଳିଲା, ଯାହା ଶିବୀରର ବୋଲି ଘର ଲୋକ ଚିହ୍ନଟ କରିଥିଲେ ।
ଭଣଜାକୁ ଗିରଫ କରିବ ପଚରାଉଚରା କରିବା ପରେ ସତ ଜଣାପଡିଥିଲା । ଭଣଜା କହିବାନୁଯାୟୀ, ତାଙ୍କର ପ୍ରେମ ସମ୍ପର୍କ ବିଷୟରେ ମାମୁଁ ସନ୍ଦେହ କରୁଥିଲା । ଏହା ମାଇଁ ଜାଣିବା ପରେ ମିଦରେ ନିଶା ବଟିକା ଦେଇଥିଲା । ଫଳରେ ମାମୁଁର ମୃତ୍ୟୁ ହେବାରୁ ତାକୁ ମାରିପଟେ ପୋତି ଦେଇଥିଲା । ଶରୀର ଶୀଘ୍ର ପଚିଯିବା ପାଇଁ ଗାତରେ ୧୨ କିଲୋ ଲୁଣ ରଖାଯାଇଥିଲା। ଶିବବୀରଙ୍କ ସ୍ତ୍ରୀ ପ୍ରଥମେ ପିଲାମାନଙ୍କୁ ନିଶା ମିଶ୍ରିତ ଚା ପିଆଇଥିଲେ ଯାହା ଦ୍ୱାରା ସେମାନେ ଶୋଇପାରିବେ, କିନ୍ତୁ ବଡ଼ ପୁଅ ଚା ପିଇ ନଥିଲା, ତାକୁ ଏହାର ସ୍ୱାଦ ପସନ୍ଦ ଆସି ନଥିଲା ଏବଂ ସେ ଏହାକୁ ଫିଙ୍ଗି ଦେଇଥିଲା। ଏହା ପରେ ସେ ଶୋଇପଡ଼ିଲା। ସମସ୍ତଙ୍କୁ ଶୋଇ ପକାଇ ଅପରାଧକୁ କାର୍ଯ୍ୟକାରୀ କରିବାକୁ ଚାହୁଁଥିଲା ଲକ୍ଷ୍ମୀ।
ଏନକାଉଣ୍ଟରରେ ଟପ୍ କ୍ୟାଡର ନକ୍ସଲ ନିହତ
ନନ୍ଦିଘୋଷ ବ୍ୟୁରୋ : ଟପ୍ କ୍ୟାଡର ନକ୍ସଲ ନିହତ। ସେ ହେଲା ଅମିତ ହାଁସଦା ଓରଫ ଆପ୍ତାନ। ଝାଡ଼ଖଣ୍ଡର ଚାଇବାସାରେ ହୋଇଥିବା ଏନକାଉଣ୍ଟରରେ ସେ ନିହତ ହୋଇଛି। ଅମିତ ନାଁରେ ୧୦ ଲକ୍ଷ ଟଙ୍କାର ପୁରସ୍କାର ଥିଲା। ପଶ୍ଚିମ ସିଂହଭୂମି ଜିଲ୍ଲାର ସରଣ୍ଡା ଜଙ୍ଗଲରେ ସୁରକ୍ଷା ବାହିନୀ ସହିତ ହୋଇଥିଲା ଏନକାଉଣ୍ଟର। ଏସପି ପାରସ ରାଣା କହିଛନ୍ତି ଯେ ପଶ୍ଚିମ ସିଂହଭୂମି ଜିଲ୍ଲାର ଗୋଇଲକେରା ପୋଲିସ ଷ୍ଟେସନ ଅନ୍ତର୍ଗତ ସରଣ୍ଡା ଜଙ୍ଗଲରେ ଏହି ଏନକାଉଣ୍ଟର ହୋଇଥିଲା। ଘଟଣାସ୍ଥଳରୁ ଏକ SLR ରାଇଫଲ୍, ବିସ୍ଫୋରକ ଏବଂ ଅନ୍ୟାନ୍ୟ ଅସ୍ତ୍ରଶସ୍ତ୍ର ଜବତ କରାଯାଇଛି। ଏନକାଉଣ୍ଟର ପରେ ସୁରକ୍ଷା କର୍ମୀମାନେ ଅନ୍ୟ ମାଓବାଦୀ ଆଡ୍ଡା ଠାବ କରିବା ପାଇଁ ଜଙ୍ଗଲ ଅଞ୍ଚଳରେ ତଲାସୀ ଅଭିଯାନ ଚଳାଇଛନ୍ତି। କିଛି ଦିନ ତଳେ ଝାଡ଼ଖଣ୍ଡର ପାଲାମୁ ଜିଲ୍ଲାରେ ହୋଇଥିବା ନକ୍ସଲ ଏନକାଉଣ୍ଟରରେ ଦୁଇ ଜଣ ପୋଲିସ କର୍ମଚାରୀଙ୍କ ମୃତ୍ୟୁ ହୋଇଥିଲା। ଅନ୍ୟ ଜଣେ ଗୁରୁତର ଆହତ ହୋଇଥିଲେ।
ୟୁକ୍ରେନ ଉପରେ ଋଷର ବଡ଼ ଆକ୍ରମଣ, ୮୦୦ରୁ ଅଧିକ ଡ୍ରୋନ ମାଡ଼…
ନନ୍ଦିଘୋଷ ବ୍ୟୁରୋ: ଥମିବାର ନାଁ ନେଉନି ଋଷିଆ-ୟୁକ୍ରେନ ଯୁଦ୍ଧ । ୟୁକ୍ରେନର ରାଜଧାନୀ କିଭରେ ଋଷର ବଡ଼ ଧରଣର ଆକ୍ରମଣ । ପ୍ରଥମଥର ଲାଗି କ୍ୟାବିନେଟ କୋଠା ଉପରେ ଆକ୍ରମଣ କରାଯାଇଥିବା କୁହାଯାଉଛି । ଏନେଇ ୟୁକ୍ରେନ ସାମରିକ ବିଭାଗ ପକ୍ଷରୁ ସୋସିଆଲ ମିଡିଆରେ ସୂଚନା ଦିଆଯାଇଛି । ସେପଟେ ପ୍ରତ୍ୟକ୍ଷଦର୍ଶୀମାନେ ମଧ୍ୟ କ୍ୟାବିନେଟ ବିଲ୍ଡିରୁ ଧୂଆଁ ବାହାରୁଥିବା ନେଇ କହିଛନ୍ତି ।
ୟୁକ୍ରେନର ଅଧିକାରୀମାନେ କହିଛନ୍ତି କି, ରାତି ଅଧରେ ଋଷିଆ ପକ୍ଷରୁ ଆକ୍ରମଣ କରାଯାଇଛି । ଯେଉଁଥିରେ ଜଣେ ଶିଶୁଙ୍କ ସହ ୩ ଜଣଙ୍କ ମୃତ୍ୟୁ ହୋଇଛି । ଏହାସହ ୧୮ ଜଣ ଆହତ ହୋଇଛନ୍ତି । ସରକାରୀ ମୁଖ୍ୟାଳୟ ସାଙ୍ଗକୁ କିଭର ଅନେକ କୋଠାରେ ନିଆଁ ଲାଗିଛି । ପ୍ରଥମେ ଡ୍ରୋନ ଏବଂ କ୍ଷେପଣାସ୍ତ୍ର ମଧ୍ୟ ମାଡ଼ କରାଯାଇଥିବା ଦାବି କରାଯାଇଛି । ତେବେ କୁହାଯାଉଛି କି, ୮୦୫ ଡ୍ରୋନ ଏବଂ ଏବଂ ୧୩ଟି କ୍ଷେପଣାସ୍ତ୍ର ମାଡ଼ କରାଯାଇଛି । ତେବେ ଆାବାସିକ କୋଠା ଗୁଡ଼ିକ ଏଥିରେ ବ୍ୟାପକ କ୍ଷତି ହୋଇଥିବା ସୂଚନା ମିଳିଛି ।
ରୋଗୀ ଆଣିବାକୁ ଯାଇ ଅଚଳ ହୋଇଗଲା ୧୦୮ ଆମ୍ବୁଲାନ୍ସ
ନନ୍ଦିଘୋଷ ବ୍ୟୁରୋ: ପୁଣି ସାମ୍ନାକୁ ଆସିଲା ୧୦୮ ଆମ୍ବୁଲାନ୍ସ ସେବାର ବିକଳଚିତ୍ର । ରୋଗୀ ଆଣିବାକୁ ଯାଇ ଅଚଳ ହୋଇଗଲା ୧୦୮ ଆମ୍ବୁଲାନ୍ସ । ଏପରି ଘଟଣା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକ ଗେଙ୍ଗୁଟିଆ ଗାଁରେ । ଗେଙ୍ଗୁଟିଆ ଗ୍ରାମର ବାସନ୍ତୀବେହେରାଙ୍କ ସ୍ୱାସ୍ଥ୍ୟବସ୍ଥା ଗୁରୁତର ହେବାରୁ ପରିବାର ଲୋକ ବାସନ୍ତୀଙ୍କୁ ପରଜଙ୍ଗ ମେଡିକାଲରେ ଭର୍ତ୍ତି କରିବା ପାଇଁ ୧୦୮ ଆମ୍ବୁଲାନ୍ସ କୁ ଯୋଗାଯୋଗ କରିଥିଲେ । ଖବର ପାଇ ୧୦୮ କର୍ମଚାରୀ ମାନେ ଆମ୍ବୁଲାନ୍ସକୁ ଧରି ଗେଙ୍ଗୁଟିଆ ଗାଁରେ ପହଞ୍ଚିଥିବା ବେଳେ ରୋଗୀଙ୍କୁ ଆମ୍ବୁଲାନ୍ସରେ ଭର୍ତ୍ତି କରୁଥିବା ବେଳେ ହଠାତ ଆମ୍ବୁଲାନ୍ସଟି ଷ୍ଟାର୍ଟ ହୋଇ ନଥିଲା । ଫଳରେ ଗ୍ରାମବାସୀ ମାନେ ଆମ୍ବୁଲାନ୍ସକୁ ଧକ୍କା ମାରି ଷ୍ଟାର୍ଟ କରିବାକୁ ଉଦ୍ୟମ କରୁଥିବା ବେଳେ, ଆମ୍ବୁଲାନ୍ସ ଇଂଜିନରେ ଧୂଆଁ ଦେଖିବାକୁ ମିଳିଥିଲା। ଫଳରେ ଗୁରୁତର ରୋଗୀଙ୍କୁ ପରିବାର ଲୋକ ଅନ୍ୟ ଏକ ଗାଡି ସାହାଯ୍ୟରେ ମେଡିକାଲରେ ଭର୍ତ୍ତି କରିଥିଲୋ।
କୁଶପଙ୍ଗି ନିକଟସ୍ଥ ମହାନଦୀ ପଠାରେ ଫସି ରହିଥିବା ଗାଇ ପଲଙ୍କୁ ଉଦ୍ଧାର ପାଇଁ ଚାଲିଛି ପ୍ରୟାସ
ନନ୍ଦିଘୋଷ ବ୍ୟୁରୋ: ବାଙ୍କୀ କୁଶପଙ୍ଗି ନିକଟସ୍ଥ ମହାନଦୀ ପଠାରେ ଫସି ରହି ଛନ୍ତି ଗାଈପଲ। ମହାନଦୀ ରେ ବନ୍ୟା ଜଳ ବୃଦ୍ଧି ପାଇବାରୁ ଗାଇପଲ ଫସି ରହିଛନ୍ତି। ଗତ କାଲିଠୁ କୁଶପଙ୍ଗି ଅଞ୍ଚଳକୁ ଘାସ ଖାଇବା ପାଇଁ ଯାଇଥିବାବେଳେ ଫସି ରହିଥିଲୋ। ୧୫ରୁ ଉର୍ଦ୍ଧ ଗାଈ ସେଠାରେ ରହି ଥିବାର ଅନୁମାନ କରାଯାଉଛି। ଖବର ପାଇ ଡମପଡ଼ା ଅଗ୍ନିଶମ ବିଭାଗ କର୍ମଚାରୀ ପାୱାର ବୋଟ ଯୋଗେ ଗାଈ ଗୁଡ଼ିକୁ ଉଦ୍ଧାର କରିବା ପାଇଁ ମହାନଦୀ ପାଣିକୁ ଯାଇଛନ୍ତି।
ମହାନଦୀରେ ମଧ୍ୟମ ଧରଣର ବନ୍ୟା ଆଶଙ୍କା
ନନ୍ଦିଘୋଷ ବ୍ୟୁରୋ: ଫୁଲୁଛି ମହାନଦୀ। ମୁଣ୍ଡଳୀରେ ୬ ଲକ୍ଷ କ୍ୟୁସେକ ଟପିଲା ବନ୍ୟା ଜଳ ପ୍ରବାହର ମାତ୍ରା। ପାଣି ବଢୁଥିବାରୁ ମହାନଦୀରେ ମଧ୍ୟମ ଧରଣର ବନ୍ୟା ଆଶଙ୍କା ରହିଛି। ମୁଣ୍ଡଳୀ ବ୍ରିଜର ଉପର ଭାଗରେ ଜଳସ୍ତର ୮୯.୨୦ ଫୁଟ ଥିବା ବେଳେ, ତଳ ଭାଗରେ ୮୭.୨୦ ଫୁଟ ଜଳସ୍ତର ରହିଛି । ମହାନଦୀରେ ଜଳସ୍ତର କ୍ରମାଗତ ଭାବେ ବୃଦ୍ଧି ପାଉଥିବାରୁ ବାଙ୍କୀର ତଳିଆ ଅଞ୍ଚଳରେ ବନ୍ୟା ଆଶଙ୍କା କରାଯାଉଛି । ମହାନଦୀରେ ଜଳସ୍ତର ବୃଦ୍ଧି ପାଉଥିବାରୁ ମୁଣ୍ଡଳୀରେ ପହଞ୍ଚି ବନ୍ୟା ସ୍ଥିତି ଅନୁଧ୍ୟାନ କରିଛନ୍ତି ଜଳ ସମ୍ପଦ ବିଭାଗର ସର୍ବୋଚ୍ଚ ଯନ୍ତ୍ରୀ ଚନ୍ଦ୍ରଶେଖର ପାଢ଼ୀ।
ଜାଣନ୍ତୁ ବାଙ୍କ୍ରୋ ଟେଷ୍ଟରେ ଟିମ ଇଣ୍ଡିଆର କେଉଁ ଖେଳାଳି ପାସ୍ ଏବଂ କିଏ ଫେଲ୍ ?
ନନ୍ଦିଘୋଷ ବ୍ୟୁରୋ: ଆସନ୍ତା ୯ ତାରିଖରୁ ୟୁଏଇରେ ଆରମ୍ଭ ହେବାକୁ ଯାଉଛି ଏସିଆ କପ୍ । ଭରତ ନିଜର ପ୍ରଥମ ମ୍ୟାଚ ୧୦ ତାରିଖରେ ୟୁଏଇ ବିପକ୍ଷରେ ଆରମ୍ଭ କରିବ । ୧୪ ତାରିଖରେ ପାକିସ୍ତାନକୁ ସାମ୍ନା କରିବ ଟିମ ଇଣ୍ଡିଆ । ତେବେ ଏସୀଆ କପ ଲାଗି ୟୁଏଇ ଯିବା ପୂର୍ବରୁ ଖେଳାଳିଙ୍କ ବାଙ୍କ୍ରୋ ଟେଷ୍ଟ ନ୍ୟାସନାଲ ଏକାଡେମୀରେ ହେବାର ଥିଲା । ମାତ୍ର ଏହା ହୋଇନଥିଲା । ତେବେ ICC ଏକାଡେମୀରେ ଏହି ପରୀକ୍ଷା କରାଯାଇଛି । ତେବେ ଏଥିରେ କିଏ ଫେଲ୍ ଏବଂ କିଏ ପାସ କରିଛନ୍ତି ତାହା ଜଣା ପଡ଼ିନାହିଁ । ସେପଟେ ବାଙ୍କ୍ରୋ ଟେଷ୍ଟ ସହ ଟିମର ଖେଳାଳିଙ୍କ କୌଣସି ସମ୍ପର୍କ ନାହିଁ । ଏହା କେବଳ ପରୀକ୍ଷା କରାଯାଇଥାଏ । ମାତ୍ର କୌଣସି ପ୍ରଭାବ ପକାଇନଥାଏ । ତେବେ ଏହି ଟେଷ୍ଟ ଦେଉଥିବାର ଭାରତୀୟ ଦଳର ଦ୍ରୁତ ବୋଲର ଜସପ୍ରୀତ ବୁମରାହ, ବରୁଣ ଚକ୍ରବର୍ତ୍ତୀ, ରିଙ୍କୁ ସିଂହ, ଅର୍ଶଦୀପ ସିଂହଙ୍କ ସମେତ ଅନେକ ଖେଳାଳିଙ୍କୁ ଦୁବାଇର ICC ଏକାଡେମୀରେ ବ୍ରୋଙ୍କୋ ଟେଷ୍ଟ ଦେବାର ଦେଖାଯାଇଥିଲା।
୪ ଦିନିଆ ଦିଲ୍ଲୀ ଗସ୍ତରେ ବିରୋଧୀ ଦଳ ନେତା ନବୀନ ପଟ୍ଟନାୟକ
ନନ୍ଦିଘୋଷ ବ୍ୟୁରୋ: ୪ ଦିନିଆ ଦିଲ୍ଲୀ ଗସ୍ତରେ ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ। ଉପରାଷ୍ଟ୍ରପତି ନିର୍ବାଚନ ନେଇ ଦଳୀୟ ସାଂସଦଙ୍କ ସହିତ କରିବେ ଆଲୋଚନା। ସୁସ୍ଥ ହେବା ପରେ ପ୍ରଥମ ଥର ଦିଲ୍ଲୀ ଗସ୍ତରେ ଯାଉଛନ୍ତି ନବୀନ ପଟ୍ଟନାୟକ।
ଜାଣନ୍ତୁ ବିସିସିଆଇ ପାଖରେ ରହିଛି କେତେ ଟଙ୍କା ?
ନନ୍ଦିଘୋଷ ବ୍ୟୁରୋ: ଭାରତୀୟ କ୍ରିକେଟ ବୋର୍ଡ ଅଫ୍ ଇଣ୍ଡିଆ । ବିସିସିଆଇ ବିଶ୍ବର ସବୁଠାରୁ ଧନୀ ବୋର୍ଡ ଭାବେ ଜଣାଶୁଣା । ତେବେ ବିସିସିଆଇ ପାଖରେ ରହିଛି କେତେ ଟଙ୍କା ? ଏମିତି ଏକ ପ୍ରଶ୍ନ ସମସ୍ତଙ୍କ ମନରେ ଉଠୁଥିବା ୫ ବର୍ଷରେ ଢ଼େର ବଢ଼ି ଯାଇଛି ବିସିସିଆଇର ବ୍ୟାଙ୍କ ବାଲାନ୍ସ । ୨୦୧୯ରେ ବିସିସିଆଇର ବ୍ୟାଙ୍କ ବାଲାନ୍ସ ୬୦୫୯ କୋଟି ଟଙ୍କା ରହିଥିଲା । ମାତ୍ର ଏବେ ବିସିସିଆଇ ପାଖରେ ରହିଛି ୨୦୬୮୬ କୋଟି ଟଙ୍କା । କେବଳ ଗତ ଆର୍ଥିକ ବର୍ଷରେ ବିସିସିଆଇ ରୋଜଗାର କରିଛି ୪୧୯୩ କୋଟି ଟଙ୍କା । ବିଶ୍ବର ଅନ୍ୟ କୌଣସି କ୍ରିକେଟ ବୋର୍ଡ ଏତେ ଟଙ୍କା ରୋଜଗାର କରିନାହାନ୍ତି ।
କ୍ରିକବଜର ରିପୋର୍ଟକୁ ଯଦି ବିଶ୍ବାସ କରିବା ତାହେଲେ ୫ ବର୍ଷରେ ବିସିସିଆଇ ବ୍ୟାଙ୍କ ବାଲାନ୍ସ ୧୪୬୨୭ କୋଟି ଟଙ୍କା ବୃଦ୍ଧି ପାଇଛି । ତେବେ ଏନେଇ ସଠିକ ତଥ୍ୟ ଆସନ୍ତା ୨୮ ସେପ୍ଟେମ୍ବରରେ ମିଳିପାରେ । କାରଣ ସେହିଦିନ ଏଜିଏମ ବୈଠକରେ ଏନେଇ ସୂଚନା ପ୍ରଦାନ କରାଯାଇପାରେ । 2024 ବର୍ଷର AGM ବୈଠକରେ କୁହାଯାଇଥିଲା ଯେ 2019 ମସିହାରୁ, ବିସିସିଆଇର ନଗଦ ଏବଂ ବ୍ୟାଙ୍କ ବାଲାନ୍ସ 6,059 କୋଟି ଟଙ୍କାରୁ ବୃଦ୍ଧି ପାଇ 20,686 କୋଟି ଟଙ୍କା ହୋଇଛି, ଯାହା ରାଜ୍ୟ କ୍ରିକେଟ ଆସୋସିଏସନଗୁଡ଼ିକୁ ସମସ୍ତ ଦେୟ ଦେବା ପରେ।