spot_img
Home Blog Page 5251

କେନ୍ଦ୍ର ଶକ୍ତିମନ୍ତ୍ରୀଙ୍କ ବାହାଦୂରୀ ସତ୍ତ୍ୱେ କୋଇଲା ସଂକଟ: ୧୭ ପାଓ୍ୱାର ପ୍ଳାଣ୍ଟରେ ଗୋଟିଏ ଦିନ ପାଇଁ ବି କୋଇଲ ଗଚ୍ଛିତ ନାହିଁ

ନୂଆଦିଲ୍ଲୀ: କେନ୍ଦ୍ର ଶକ୍ତିମନ୍ତ୍ରୀଙ୍କ ବାହାଦୂରୀ ସତ୍ତ୍ୱେ ଘନୀଭୂତ କୋଇଲା ସଂକଟ । ଦେଶର ୧୭ଟି ପାଓ୍ୱାର ପ୍ଲାଣ୍ଟରେ ଗୋଟିଏ ଦିନ ଲାଗି କୋଇଲା ଗଚ୍ଛିତ ନଥିବା ବେଳେ ୬୨ଟି ପ୍ଲାଣ୍ଟ ପାଇଁ ଦିନେ ବା ଦୁଇ ଦିନ ଲାଗି କୋଇଲା ରହିଛି । ୧୧୫ଟି ପ୍ଲାଣ୍ଟରେ ମାତ୍ର ୭ ଦିନର କୋଇଲା ଗଚ୍ଛିତ ରହିଛି । ସେପଟେ ତୁରନ୍ତ ବକେୟା ପ୍ରାପ୍ୟ ଦାଖଲ କରିବା ଲାଗି ୪ଟି ରାଜ୍ୟକୁ ନିର୍ଦ୍ଦେଶ ଦେଇଛି କେନ୍ଦ୍ର । କୋଟି କୋଟି ଟଙ୍କା ବକେୟା ରଖିଥିବା ଉତ୍ତରପ୍ରଦେଶ, ତାମିଲନାଡୁ, ମହାରାଷ୍ଟ୍ର ଓ ରାଜସ୍ଥାନ ସରକାରଙ୍କ ନିକଟକୁ ବକେୟା ଅର୍ଥ ଜମା ନେଇ ପତ୍ର ଲେଖାଯାଇଛି ।

ମହାରାଷ୍ଟ୍ର ଉପରେ ୩ ହଜାର ୧୭୬ କୋଟି ଟଙ୍କା ବକେୟା ଥିବା ବେଳେ, ଉତ୍ତରପ୍ରଦେଶ ଉପରେ ୨ ହଜାର ୭୪୩ କୋଟି, ତାମିଲନାଡୁ ଉପରେ ୧ ହଜାର ୨୮୧ କୋଟି ଓ ରାଜସ୍ଥାନ ଉପରେ ୭୭୪ କୋଟି ଟଙ୍କା ଅନାଦେୟ ରହିଛି । କୋଲ ଇଣ୍ଡିଆ ନିକଟରେ ବିଭିନ୍ନ ରାଜ୍ୟର ବିଦ୍ୟୁତ ବୋର୍ଡ ଓ ଶକ୍ତି ଉତ୍ପାଦକ କମ୍ପାନିଙ୍କର ୨୧ ହଜାର ୬୧୯ କୋଟି ଟଙ୍କା ବକେୟା ପଡ଼ରହିଛି । ଏହି ୪ଟି ରାଜ୍ୟରେ ଗୋଟିଏ ଦିନ ଲାଗି ବି କୋଇଲା ଗଚ୍ଛିତ ନାହିଁ । ବ୍ୟାପକ କୋଇଲା ଅଭାବ କାରଣରୁ ଦେଶର ପ୍ରାୟ ସମସ୍ତ ତାପଜ ବିଦ୍ୟୁତ କେନ୍ଦ୍ରରେ ସଂକଟ ତୀବ୍ର ରୂପ ନେଲାଣି । ତେଣେ ସ୍ଥିତିର ମୁକାବିଲା ଲାଗି ଦେଶର ବିଭିନ୍ନ ତାପଜ କେନ୍ଦ୍ରକୁ ୨୪ଘଣ୍ଟିଆ କୋଇଲା ଯୋଗାଣ ଲାଗି ନିଷ୍ପତ୍ତି ନେଇଛି ଭାରତୀୟ ରେଳବାଇ । ଜରୁରୀକାଳୀନ ଭିତ୍ତିରେ କୋଇଲା ଯୋଗାଣ ନେଇ ସମସ୍ତ ଜୋନାଲ ରେଳବାଇକୁ ନିର୍ଦ୍ଦେଶ ଦିଆଯାଇଛି । ବିଭିନ୍ନ ସ୍ଥାନରେ କଣ୍ଟ୍ରୋଲ ରୁମ୍ ପ୍ରତିଷ୍ଠା ସହ ଘଣ୍ଟିକିଆ ବୁଲେଟିନ ବ୍ୟବସ୍ଥା କରାଯାଇଛି ।

ରାଜ୍ୟରେ ଆଉ ୫୨୯ଜଣ କରୋନା ସଂକ୍ରମିତ ଚିହ୍ନଟ: ରାଜଧାନୀରୁ ଦୈନିକ ୨୦୦ରୁ ୩୦୦ ସଂକ୍ରମିତ ଚିହ୍ନଟ ହେଉଛନ୍ତି

ଭୁବନେଶ୍ୱର: ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଆଉ ୫୨୯ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ୦-୧୮ ବର୍ଷ ବୟସର ୬୨ ନୂଆ ରୋଗୀ ଚିହ୍ନଟ ହୋଇଛନ୍ତି। ସଂକ୍ରମିତଙ୍କ ମଧ୍ୟରୁ ୩୦୮ ଜଣ କ୍ଵାରେଣ୍ଟାଇନ୍ ସେଣ୍ଟରରୁ ଓ ୨୨୧ ଜଣ ସ୍ଥାନୀୟ ସଂକ୍ରମିତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୦୩୨୬୭୩ ଜଣକୁ ବୃଦ୍ଧି ପାଇଛି।

ଚିହ୍ନଟ ସଂକ୍ରମିତଙ୍କ ମଧ୍ୟରୁ ଅନୁଗୁଳ ଜିଲ୍ଲାରୁ ୩ଜଣ, ବାଲେଶ୍ୱର ଜିଲ୍ଲାରୁ ୨୦ଜଣ, ବରଗଡ଼ ଜିଲ୍ଲାରୁ ଜଣେ, ଭଦ୍ରକ ଜିଲ୍ଲାରୁ ୩ଜଣ, ବଲାଙ୍ଗୀର ଜିଲ୍ଲାରୁ ଜଣେ, କଟକ ଜିଲ୍ଲାରୁ ୩୭ଜଣ, ଦେଓଗଡ଼ ଜିଲ୍ଲାରୁ ଜଣେ, ଢେଙ୍କାନାଳ ଜିଲ୍ଲାରୁ ଜଣେ, ଗଜପତି ଜିଲ୍ଲାରୁ ୩ଜଣ, ଗଞ୍ଜାମ ଜିଲ୍ଲାରୁ ୬ଜଣ, ଜଗତସିଂହପୁର ଜିଲ୍ଲାରୁ ୮ଜଣ, ଯାଜପୁର ଜିଲ୍ଲାରୁ ୧୫ଜଣ, ଝାରସୁଗୁଡ଼ା ଜିଲ୍ଲାରୁ ୨ଜଣ, କେନ୍ଦ୍ରାପଡ଼ା ଜିଲ୍ଲାରୁ ୧୧ଜଣ, କେନ୍ଦୁଝର ଜିଲ୍ଲାରୁ ୭ଜଣ, ଖୋର୍ଦ୍ଧା ଜିଲ୍ଲାରୁ ୨୭୪ଜଣ, କୋରାପୁଟ ଜିଲ୍ଲାରୁ ୨ଜଣ, ମୟୁରଭଞ୍ଜ ଜିଲ୍ଲାରୁ ୨୩ଜଣ, ନୟାଗଡ଼ ଜିଲ୍ଲାରୁ ୭ଜଣ, ନୂଆପଡ଼ା ଜିଲ୍ଲାରୁ ୬ଜଣ, ପୁରୀ ଜିଲ୍ଲାରୁ ୧୩ଜଣ, ରାୟଗଡ଼ା ଜିଲ୍ଲାରୁ ଜଣେ, ସମ୍ବଲପୁର ଜିଲ୍ଲାରୁ ୧୧ଜଣ, ସୁନ୍ଦରଗଡ଼ ଜିଲ୍ଲାରୁ ୧୦ଜଣ, ଷ୍ଟେଟ ପୁଲ୍‌ରୁ ୬୩ଜଣ ରହିଛନ୍ତି ।

ଅପରପକ୍ଷରେ  ରାଜଧାନୀରେ ପ୍ରତେକ ଦିନ ୨୦୦ ରୁ ୩୦୦ ଭିତରେ ସଂକ୍ରମଣ ରହିଆସୁଛି । ଏମିତି କି କିଛି ମାତ୍ରାରେ ଆର ଭ୍ୟାଲୁ ବଢିଛି। ହେଲେ ହସ୍ପିଟାଲ ଆଡ଼ମିଶନ ଗୁରୁତର ରୋଗୀ ସଂଖ୍ୟା କମିଛି। ଏହାସହ ଭେଣ୍ଟିଲେଟରରେ ଆଡ଼ମିଟ ସଂଖ୍ୟା ୧୦ ପ୍ରତିଶତରୁ କମ୍ ଅଛି । ଆଇସିୟୁରେ ଛୋଟ ପିଲା ଆଡ଼ମିଶନ ସଂଖ୍ୟା ୧ ପ୍ରତିଶତରୁ କମ୍ ଅଛି । ତେଣୁ ଆମେ ଏବେ ଭଲ ସ୍ଥିତିରେ ରହିଛୁ ବୋଲି କହିଛନ୍ତି ସ୍ୱାସ୍ଥ୍ୟ ବିଭାଗ ନିର୍ଦ୍ଦେଶକ ଡ. ବିଜୟ ମହାପାତ୍ର ।

ରାଜ୍ୟରେ ୩ ମାସ ହେଲାଣି ଦେଖା ଯାଉଛି ସଂକ୍ରମଣ ତଳ ଉପର ହେଉଛି। ଏଭଳି ସ୍ଥିତିରେ କିଭଳି ଟ୍ରାନ୍ସମିଶନ କୁ କମାଯାଇ ପାରିବ ତାହା ହିଁ ଗୁରୁତ୍ୱପୂର୍ଣ୍ଣ । ପାର୍ବଣ ପାଇଁ କିଛି ଦିନ ହେଲା ଭିଡ଼ ଲାଗି ରହିଛି ଯାହାକି ବହୁତ ଉଦ୍‌ବେଗଜନକ । ତେବେ ବର୍ତ୍ତମାନ ସମୟରେ ୧୦୦ ରୁ ୮୦ ଜଣ ଲକ୍ଷଣ ବିହୀନ ।

ଶୋପିଆନ୍‌ରେ ଏନ୍‌କାଉଣ୍ଟର: ସୁରକ୍ଷାକର୍ମୀଙ୍କ ଗୁଳିରେ ୩ ଆତଙ୍କବାଦୀ ନିପାତ

ଜମ୍ମୁ-କଶ୍ମୀର: ଟିଳିଲେ ୩ ଆତଙ୍କବାଦୀ । ଶୋପିଆନରେ ସୁରକ୍ଷାକର୍ମୀଙ୍କ ଗୁଳିରେ ୩ ଆତଙ୍କବାଦୀଙ୍କ ମୃତ୍ୟୁ ହୋଇଛି । ଗତକାଲି ପୁଞ୍ଛରେ ହୋଇଥିବା ହମଲାରେ ୫ ଯବାନ ଶହୀଦ ହୋଇଥିଲା । ସେହି ହମଲାର ପ୍ରତିଶୋଧ ନେଇଛନ୍ତି ସୁରକ୍ଷାକର୍ମୀ । ଆଜି ସୁରକ୍ଷାକର୍ମୀଙ୍କ ଏନକାଉଣ୍ଟରେ ୩ ଜଣ କୁଖ୍ୟାତ ଆତଙ୍କୀ ପ୍ରାଣ ହରାଇଛନ୍ତି । ମୃତ ସମସ୍ତ ଆତଙ୍କବାଦୀମାନେ ଲସ୍କର-ଇ-ତୋଏବା ଦ୍ୱାରା ପରିଚାଳିତ ଟିଆରଏଫର ସଦସ୍ୟ ଥିବା ଜଣାପଡ଼ିଛି ।

ବର୍ତ୍ତମାନ ସୁଦ୍ଧା ସଂପୃକ୍ତ ଅଞ୍ଚଳରେ ମଧ୍ୟ ଗୁଳି ବିନିମୟ ଓ ସର୍ଚ୍ଚ ଅପରେସନ ଜାରି ରହିଛି । କଶ୍ମୀର ଆଇଜିପିଙ୍କ କହିବା ଅନୁଯାୟୀ, ଶୋପିଆନର ଇମାମଶାହବ ଅଞ୍ଚଳର ତୁଲରାନ ଗାଁରେ କିଛି ଆତଙ୍କବାଦୀ ଲୁଚି ରହିଥିବା ଖବର ମିଳିଥିଲା । ପରେ ସୁରକ୍ଷାକର୍ମୀଙ୍କ ପକ୍ଷରୁ ମିଳିତ ଅପରେସନ ଆରମ୍ଭ କରାଯାଇଥିଲା । ଏଥିରେ ଆର୍ମି, ସିଆରପିଏଫ ଓ ଜମ୍ମୁ-କଶ୍ମୀର ପୋଲିସ୍ ସାମିଲ ଥିଲେ । ସୁରକ୍ଷା କର୍ମୀମାନେ ସମ୍ପୃକ୍ତ ଗାଁକୁ ଘେରାଉ କରିବା ସହ ସର୍ଚ୍ଚ ଅପରେସନ କରିଥିଲେ । ପରେ ଆତଙ୍କବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଦୀର୍ଘ ସମୟ ଧରି ଗୁଳି ବିନିମୟ ପରେ ସୁରକ୍ଷାକର୍ମୀଙ୍କ ଏନକାଉଣ୍ଟରରେ ୩ଜଣ ଆତଙ୍କଦୀଙ୍କ ମୃତ୍ୟୁ ହୋଇଛି । ସେମାନଙ୍କ ନିକଟରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଓ ବିସ୍ଫୋରକ ଜବତ ହୋଇଛି ।

ଏଥିସହିତ ପଢ଼ନ୍ତୁ: ବୁଷ୍ଟର ଡୋଜ୍‌କୁ ବିଶ୍ୱ ସ୍ୱାସ୍ଥ୍ୟ ସଂଗଠନର ଅନୁମତି: ଜାଣନ୍ତୁ କେଉଁମାନେ ନେଇପାରିବେ ତୃତୀୟ ଡୋଜ୍

ବୁଷ୍ଟର ଡୋଜ୍‌କୁ ବିଶ୍ୱ ସ୍ୱାସ୍ଥ୍ୟ ସଂଗଠନର ଅନୁମତି: ଜାଣନ୍ତୁ କେଉଁମାନେ ନେଇପାରିବେ ତୃତୀୟ ଡୋଜ୍

ନୂଆଦିଲ୍ଲୀ: ଦୁର୍ବଳ ପ୍ରତିରୋଧକ ଶକ୍ତି ସମ୍ପନ୍ନ ବ୍ୟକ୍ତି ନେଇପାରିବେ ଅତିରିକ୍ତ ବୁଷ୍ଟର ଡୋଜ । ବିଶ୍ୱ ସ୍ୱାସ୍ଥ୍ୟ ସଂଗଠନର ବିଶେଷଜ୍ଞ କମିଟି ଏହି ପ୍ରସ୍ତାବକୁ ଅନୁମୋଦନ କରିଛି । WHOର ଟିକାକରଣ ସଂକ୍ରାନ୍ତ କୌଶଳଗତ ପରାମର୍ଶଦାତା କମିଟି ବା ସେଜ୍ କହିଛି, ଯେଉଁମାନଙ୍କ ପ୍ରତିରୋଧକ ଶକ୍ତି କମ୍ ଥିବ ବା ଅତି ନ୍ୟୁନ ଥିବ ସେମାନେ ବୁଷ୍ଟର ଡୋଜ ନେଇପାରିବେ । ଏବଂ କରୋନାର ମୁକାବିଲା କରିପାରିବେ । ତେବେ ସର୍ବସାଧାରଣଙ୍କୁ ଏହି ବୁଷ୍ଟର ଡୋଜ ନଦେବାକୁ ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି । ୬୦ବର୍ଷ ଓ ତା’ଠାରୁ ଅଧିକ ବୟସର ଲୋକ ଯଦି ସିନୋଭାକ ଓ ସିନୋଫାର୍ମ ଟିକା ନେଇଥିବେ, ତେବେ ସେମାନେ ବୁଷ୍ଟର ଡୋଜ ନିଶ୍ଚୟ ନେଇପାରିବେ । ତେବେ ଟିକାର ଉପଲବ୍ଧି ତଥା ଅନ୍ୟାନ୍ୟ ପ୍ରସଙ୍ଗକୁ ବିଚାରକୁ ନେଇ ବୁଷ୍ଟର ଡୋଜ ବିଷୟରେ ବିଭିନ୍ନ ରାଷ୍ଟ୍ର ଚିନ୍ତା କରିବାକୁ ପରାମର୍ଶ ଦିଆଯାଇଛି ।

ସେପଟେ ଆସନ୍ତା କିଛି ଦିନ ମଧ୍ୟରେ ହାଇଦ୍ରାବାଦ ଭିତ୍ତିକ ଭାରତ ବାୟୋଟେକର କୋଭାକ୍ସିନକୁ ଅନୁମୋଦନ କରିବା ଲାଗି ବିଶେଷଜ୍ଞ କମିଟି ଚୂଡାନ୍ତ ନିଷ୍ପତ୍ତି ନେବ ବୋଲି କୁହାଯାଇଛି । ଯଦି କୋଭାକ୍ସିନକୁ ଅନୁମତି ମିଳେ, ତେବେ ଆନ୍ତର୍ଜାତିକ ସ୍ତରରେ କୋଭାକ୍ସିନ ହେବ ଭାରତର ପ୍ରଥମ ସ୍ୱଦେଶୀ ଟିକା । ଦୁର୍ବଳ ପ୍ରତିରୋଧକ ଶକ୍ତି ସମ୍ପନ୍ନ ବ୍ୟକ୍ତି ନେଇପାରିବେ ଅତିରିକ୍ତ ବୁଷ୍ଟର ଡୋଜ । ବିଶ୍ୱ ସ୍ୱାସ୍ଥ୍ୟ ସଂଗଠନର ବିଶେଷଜ୍ଞ କମିଟି ଏହି ପ୍ରସ୍ତାବକୁ ଅନୁମୋଦନ କରିଛି । WHOର ଟିକାକରଣ ସଂକ୍ରାନ୍ତ କୌଶଳଗତ ପରାମର୍ଶଦାତା କମିଟି ବା ସେଜ୍ କହିଛି, ଯେଉଁମାନଙ୍କ ପ୍ରତିରୋଧକ ଶକ୍ତି କମ୍ ଥିବ ବା ଅତି ନ୍ୟୁନ ଥିବ ସେମାନେ ବୁଷ୍ଟର ଡୋଜ ନେଇପାରିବେ । ଏବଂ କରୋନାର ମୁକାବିଲା କରିପାରିବେ । ତେବେ ସର୍ବସାଧାରଣଙ୍କୁ ଏହି ବୁଷ୍ଟର ଡୋଜ ନଦେବାକୁ ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି ।

୬୦ବର୍ଷ ଓ ତାଠାରୁ ଅଧିକ ବୟସର ଲୋକ ଯଦି ସିନୋଭାକ ଓ ସିନୋଫାର୍ମ ଟିକା ନେଇଥିବେ, ତେବେ ସେମାନେ ବୁଷ୍ଟର ଡୋଜ ନିଶ୍ଚୟ ନେଇପାରିବେ । ତେବେ ଟିକାର ଉପଲବ୍ଧି ତଥା ଅନ୍ୟାନ୍ୟ ପ୍ରସଙ୍ଗକୁ ବିଚାରକୁ ନେଇ ବୁଷ୍ଟର ଡୋଜ ବିଷୟରେ ବିଭିନ୍ନ ରାଷ୍ଟ୍ର ଚିନ୍ତା କରିବାକୁ ପରାମର୍ଶ ଦିଆଯାଇଛି । ସେପଟେ ଆସନ୍ତା କିଛି ଦିନ ମଧ୍ୟରେ ହାଇଦ୍ରାବାଦ ଭିତ୍ତିକ ଭାରତ ବାୟୋଟେକର କୋଭାକ୍ସିନକୁ ଅନୁମୋଦନ କରିବା ଲାଗି ବିଶେଷଜ୍ଞ କମିଟି ଚୂଡାନ୍ତ ନିଷ୍ପତ୍ତି ନେବ ବୋଲି କୁହାଯାଇଛି । ଯଦି କୋଭାକ୍ସିନକୁ ଅନୁମତି ମିଳେ, ତେବେ ଆନ୍ତର୍ଜାତିକ ସ୍ତରରେ କୋଭାକ୍ସିନ ହେବ ଭାରତର ପ୍ରଥମ ସ୍ୱଦେଶୀ ଟିକା ।

 

ବାଲୁକାକଳା ମାଧ୍ୟମରେ ଶାରଦୀୟ ଦୁର୍ଗାପୂଜାର ଅଭିନନ୍ଦନ ଜଣାଇଲେ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ

ପୁରୀ: ବାଳୁକାକଳା ମାଧ୍ୟମରେ ଦୂର୍ଗା ପୂଜାର ଅଭିନନ୍ଦନ । ଆଜି ଦେବୀ ପୀଠ ମାନଙ୍କରେ ଅଷ୍ଟମୀ ପୂଜା ଚାଲିଥିବା ବେଳେ ମଣ୍ଡପରେ ସପ୍ତମୀ ପୂଜା କରାଯାଉଛି । ଏହି ଅବସରରେ ପୁରୀ ବେଳାଭୂମିରେ ଦେଖିବାକୁ ମିଳିଛି ବାଲୁକାକଳା । ବାଲୁକା କଳା ଜରିଆରେ ସମଗ୍ର ଦେଶବାସୀଙ୍କୁ ଶାରଦୀୟ ଦୁର୍ଗାପୂଜାର ଅଭିନନ୍ଦନ ଜଣାଇଛନ୍ତି ଆନ୍ତର୍ଜାତୀୟ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ମା’ ଦୁର୍ଗାଙ୍କ ଶ୍ରୀମୁଖ ପ୍ରସ୍ତୁତ କରାଯାଇ ସମୁଦ୍ର ଯାତ ଦ୍ରବ୍ୟ ଶାମୁକା ଆଦିରେ ମା ଦୁର୍ଗାଙ୍କ ଶ୍ରୀମୁଖକୁ ଅତୀବ ସୁନ୍ଦର ଓ ନିଖୁଣ ସ୍ପର୍ଶ ଦେଇଛନ୍ତି ସୁଦର୍ଶନ ପଟ୍ଟନାୟକ ।

Image

ଏଥିସହିତ ପଢ଼ନ୍ତୁ: ଆଜି ମାଆଙ୍କ ସପ୍ତମୀ ଓ ପୀଠରେ ଅଷ୍ଟମୀ ପୂଜା: ରାଜ୍ୟର ବିଭିନ୍ନ ପୂଜା ମଣ୍ଡପରେ ଚାଲିଛି ଆରାଧାନା

ଲଜ୍ଜା:୧୪ ବର୍ଷିୟା ଛାତ୍ରୀ ସହ ଶିକ୍ଷକଙ୍କ ଅସଦାଚରଣ: ଥାନାରେ ମାମଲା ରୁଜୁ

ଭଦ୍ରକ: ସେପ୍ଟେମ୍ବର ୧୧ ତାରିଖ ଭାରତ ସମେତ ସାରା ପୃଥିବୀ ଆନ୍ତର୍ଜାତିକ ଶିଶୁକନ୍ୟା ଦିବସ ପାଳନ କରୁଥିବାବେଳେ, ଭଦ୍ରକ ଜିଲ୍ଲା ଧାମନଗର ଏନଏସି ଅନ୍ତର୍ଗତ ମହାନ୍ତି ସାହି ହିନ୍ଦୁ ପ୍ରାଥମିକ ବିଦ୍ୟାଳୟର କାର୍ଯ୍ୟରତ ଶିକ୍ଷକ ସେକ୍ ଅବଦୁଲ କାଲାମ ଛାତ୍ରୀକୁ ଅସଦାଚରଣ କରି ଜେଲ ଯାଇଛନ୍ତି । ହିନ୍ଦୁ ପ୍ରାଥମିକ ବିଦ୍ୟାଳୟରେ ଛାତ୍ରଛାତ୍ରୀ ମାନଙ୍କୁ ସୋମବାର ପୋଷାକ ବିତରଣ କରାଯାଇଥିବାରୁ ଛାତ୍ରୀଙ୍କ ସହିତ ଏହି ୧୪ ବର୍ଷିୟା ନାବାଳିକା ସ୍କୁଲକୁ ଯାଇଥିଲେ ।

ସେହି ସମୟରେ ଅନ୍ୟ ଏକ କୋଠରୀରେ ଶିକ୍ଷକ ସେକ୍ ଅବଦୁଲ କାଲାମ ତାକୁ ଡାକିଥିଲେ । କୋଠରୀ ଭିତରେ କୁଣ୍ଢାଇ ପକାଇ ଅସଦାଚରଣ କରିଥିଲେ । ଝିଅଟି ଧକ୍କା ଦେଇ ଦୌଡ଼ି ପଳାଇ କାନ୍ଦି କାନ୍ଦି ତା’ର ମା’କୁ ଜଣାଇବା ପରେ ଥାନାରେ ଲିଖିତ ଅଭିଯୋଗ କରିଥିଲେ । ଘଟଣା ସ୍ଥଳରେ ଧାମନଗର ଥାନା ଆଇଆଇସି ପ୍ରଦୀପ ମହନ୍ତ ପହଞ୍ଚି ଅଭିଯୁକ୍ତ ଶିକ୍ଷକ ଅବଦୁଲ କାଲାମକୁ ଗିରଫ କରି କେସ ନଂ ୨୮୧/୨୧ ଦଫା ୩୪୧, ୩୫୪, ୩୫୪(କ), ୮ ପୋସକୋ ଆକ୍ଟରେ ମାମଲା ରୁଜୁ କରିବା ସହ କୋର୍ଟ ଚାଲଣ କରିଥିବା ଜଣାଯାଇଛି ।

ଏଥିସହିତ ପଢ଼ନ୍ତୁ: ଲଘୁଚାପର ରୂପ ନେବ ଉତ୍ତର ଆଣ୍ଡାମାନ ସାଗରରେ ସୃଷ୍ଟ ଘୂର୍ଣ୍ଣିବଳୟ: କାଲିଠୁ ବଢ଼ିବ ବର୍ଷା

 

 

ଲଘୁଚାପର ରୂପ ନେବ ଉତ୍ତର ଆଣ୍ଡାମାନ ସାଗରରେ ସୃଷ୍ଟ ଘୂର୍ଣ୍ଣିବଳୟ: କାଲିଠୁ ବଢ଼ିବ ବର୍ଷା

ଭୁବନେଶ୍ୱର: ଆସନ୍ତାକାଲିଠୁ ରାଜ୍ୟରେ ବଢିବ ବର୍ଷା । ଘନୀଭୂତ ହେଉଛି ଘୂଣ୍ଣିବଳୟ । ଉତ୍ତର ଆଣ୍ଡାମାନ ସାଗରରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ ଆସନ୍ତାକାଲି ଲଘୁଚାପର ରୂପ ନେବାର ସମ୍ଭାବନା ରହିଛି । ୧୫ କିମ୍ବା ୧୬ ତାରିଖ ବେଳକୁ ଏହା ପଶ୍ଚିମ ଉତ୍ତର ପଶ୍ଚିମ ଦିଗରେ ଗତିକରି ଉତ୍ତର ଆନ୍ଧ୍ରପ୍ରଦେଶ ଏବଂ ଦକ୍ଷିଣ ଓଡ଼ିଶା ଉପକୂଳରେ ସ୍ଥଳଭାଗ ଛୁଇଁବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର ।

ଏହା ଘନୀଭୂତ ହୋଇ ଅବପାତ ଏବଂ ଗଭୀର ଅବପାତରେ ପରିଣତ ହେବାର ଅଧିକ ସମ୍ଭାବନା ରହିଛି । ଏହା ପ୍ରଭାବରେ ଆସନ୍ତାକାଲିଠୁ ଉପକୂଳ ଏବଂ ଆଭ୍ୟନ୍ତରୀଣ ଓଡ଼ିଶାରେ ବର୍ଷା ପରିମାଣ ବଢିବ । ୧୭ ତାରିଖ ପର୍ଯ୍ୟନ୍ତ ରାଜ୍ୟରେ ବର୍ଷା ହେବ । ଆଜି ଉପକୂଳ ଓଡ଼ିଶାର କିଛି ଜିଲ୍ଲାରେ ଘଡଘଡି ବିଜୁଳି ସହ ବର୍ଷା ହେବା ନେଇ ସତର୍କ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଅନ୍ୟପଟେ ରାଜ୍ୟର ୮ ଜିଲ୍ଲାରୁ ଫେରିଯାଇଛି ଦକ୍ଷିଣ ପଶ୍ଚିମ ମୌସୁମୀ ବାୟୁ ।

ଏଥିସହିତ ପଢ଼ନ୍ତୁ: ଆଜି ମାଆଙ୍କ ସପ୍ତମୀ ଓ ପୀଠରେ ଅଷ୍ଟମୀ ପୂଜା: ରାଜ୍ୟର ବିଭିନ୍ନ ପୂଜା ମଣ୍ଡପରେ ଚାଲିଛି ଆରାଧାନା

 

ଆଜି ମାଆଙ୍କ ସପ୍ତମୀ ଓ ପୀଠରେ ଅଷ୍ଟମୀ ପୂଜା: ରାଜ୍ୟର ବିଭିନ୍ନ ପୂଜା ମଣ୍ଡପରେ ଚାଲିଛି ଆରାଧାନା

କଟକ: ଧରାବତରଣ କଲେ ମହାମାୟା । ଆଜି ମଣ୍ଡପରେ ମାଆଙ୍କ ସପ୍ତମୀ ଓ ପୀଠରେ ଅଷ୍ଟମୀ ପୂଜା । କଟକ, ଭୁବନେଶ୍ୱର ସମେତ ରାଜ୍ୟର ବିଭିନ୍ନ ପୂଜା ମଣ୍ଡପରେ ଦେବୀ ଦୁର୍ଗାଙ୍କ ସପ୍ତମୀ ପୂଜା ଅନୁଷ୍ଠିତ ହେଉଛି । ଗତକାଲି ଷଷ୍ଠୀରେ ସନ୍ଧ୍ୟାରେ ପୂଜା ମଣ୍ଡପ ପରିସରରେ ଥିବା ବେଲ ଗଛ ମୂଳେ ବିଲ୍ୱବରଣୀ ପାଇଁ ପୂଜାର୍ଚ୍ଚନା କରାଯାଇ ମାଆଙ୍କୁ ଆବାହନ କରାଯାଇଥିଲା ।

ଆଜି ଭୋରୁ ନଦୀରୁ ପବିତ୍ର ଜଳ ଅଣାଯାଇ ମଣ୍ଡପରେ ନବପତ୍ରିକା ପ୍ରବେଶ ଓ ମାଆଙ୍କୁ ଚକ୍ଷୁଦାନ କରାଯାଇଛି । ଏହାସହିତ ଆରମ୍ଭ ହୋଇଛି ସପ୍ତମୀର ବିହିତ ପୂଜା । କରୋନା କଟକଣା ପାଇଁ ଏଥର ମଧ୍ୟ ଆବଦ୍ଧ ପୂଜା ମଣ୍ଡପରେ ମାଆ ପୂଜା ପାଉଛନ୍ତି । ଆସନ୍ତାକାଲି ଅଷ୍ଟମୀ ପୂଜା ସହିତ ବ୍ରତ ପୂଜା କରାଯିବାର ପରମ୍ପରା ରହିଛି । ନବମୀରୁ ସନ୍ଧିପୂଜା ସହିତ ବଙ୍ଗୀୟ ମେଢ ଗୁଡିକରେ ସିନ୍ଦୁର ଖେଳ ହେବ । ଶୁକ୍ରବାର ଦଶମୀରେ ପୂଜା ଅନୁଷ୍ଠିତ ହେବ । ତେବେ କଟକଣା ପାଇଁ ଚଳିତବର୍ଷ ରାବଣ ପୋଡି ଉତ୍ସବ ପାଳନ କରାଯିବ ନାହିଁ । ଶାନ୍ତିଶୃଙ୍ଖଳା ରକ୍ଷା କରିବାକୁ ବ୍ୟପକ ପୋଲିସ ମୁତୟନ କରାଯାଇଛି ।

ଅପରପକ୍ଷରେ ଶ୍ରୀମନ୍ଦିରରେ ମାଆ ବିମଳାଙ୍କ ତ୍ରିଦିବସାତ୍ମକ ପୂଜା ଅବସରରେ ସ୍ୱତନ୍ତ୍ର ପୂଜା ଅନୁଷ୍ଠିତ ହେବ । ଏହି ତ୍ରି ଦିବସାତ୍ମକ ପୂଜାରେ ମା ବିମଳାଙ୍କ ଠାରେ ସ୍ୱତନ୍ତ୍ର ପୂଜା ଅନୁଷ୍ଠିତ ହୋଇଥାଏ । ତେବେ ଏହି ପୂଜା ଅବସରରେ ଶ୍ରୀମନ୍ଦିରରେ ଥିବା ଦେବୀ ବିମଳାଙ୍କ ମନ୍ଦିରରେ ମହିଳାଙ୍କ ପ୍ରବେଶ ନେଇ ବାରଣ ରହିଥାଏ ।

ଆରସିବି ପ୍ରଶଂସକ ନିରାଶ: ୪ ଓ୍ୱିକେଟରେ ମ୍ୟାଚ୍ ଜିତି ଦ୍ୱିତୀୟ କ୍ୱାଲିଫାୟରରେ କୋଲକାତା

ଦୁବାଇ: ଚଳିତ ଆଇପିଏଲ୍‌ ଏଲିମିନେଟରର ରୟାଲ ଚାଲେଞ୍ଜର୍ସ ବାଙ୍ଗାଲୋର ବିପକ୍ଷ ମ୍ୟାଚ୍‌କୁ ୪ ଓ୍ୱିକେଟରେ ବିଜୟୀ ହୋଇଛି କୋଲକାତା ନାଇଟ୍ ରାଇଡର୍ସ । ଏହି ଲୋ -ସ୍କୋରିଂ ମ୍ୟାଚ୍‌ରେ ୨ଟି ବଲ୍ ବାକି ଧାଇ ନିର୍ଦ୍ଧାରିତ ଲକ୍ଷ୍ୟ ହାସଲ କରିନେଇଛି କୋଲାକାତା ନାଇଟ ରାଇଡର୍ସ । ଏଥିସହିତ ଦିଲ୍ଲୀ ବିପକ୍ଷ କ୍ୱାଲିଫାୟର ମ୍ୟାଚ୍‌ ପାଇଁ ସ୍ଥାନ ପକ୍କା କରିଛି କୋଲକାତା । ଏହି କ୍ୱାଲିଫାୟର ମ୍ୟାଚ୍‌ରେ ବିଜୟୀ ଦଳ ଫାଇନାଲରେ ଚେନ୍ନାଇ ବିପକ୍ଷରେ ଖେଳିବ । କୋଲକାତା ପକ୍ଷରୁ ଶୁଭମନ୍ ଗିଲ୍ ୨୯(୧୮),ଭେଙ୍କେଟେଶ୍ ଆୟର ୨୬(୩୦) ରନ୍ କରିଥିବା ବେଳେ ଅଲରାଉଣ୍ଡ ସୁନିଲ ନାରାୟଣ ମାତ୍ର ୧୫ ବଲ୍‌ରେ ଗୁରୁତ୍ୱପୂଣ୍ଣ ୨୬ ରନ୍ କରିବା ସହ ଦଳ ପାଇଁ ବିଜୟ ରାସ୍ତା ସହଜ କରିଥିଲେ ।

ସାର୍‌ଜା କ୍ରିକେଟ୍‌ ଷ୍ଟାଡିୟମ୍‌ରେ ଖେଳାଯାଉଥିବା ଏହି ମ୍ୟାଚ୍‌ରେ ରୟାଲ ଚ୍ୟାଲେଞ୍ଜର୍ସର ଅଧିନାୟକ ବିରାଟ କୋହଲି ଟସ୍‌ ଜିଣି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲେ। କୋଲକାତା ଟିମ୍‌ କୋହଲିଙ୍କ ଟିମ୍‌କୁ ବଡ଼ ସ୍କୋର କରିବାକୁ ସୁଯୋଗ ଦେଇ ନାହିଁ। ବାଙ୍ଗାଲୋର ୨୦ ଓଭରରେ ୭ଟି ଓ୍ଵିକେଟ ହରାଇ ୧୩୮ ରନ୍‌ ସଂଗ୍ରହ କରିଛି। ଫଳରେ କୋଲାକାତା ନାଇଟ ରାଇଡର୍ସକୁ ଏହି ମ୍ୟାଚ୍‌ ଜିତିବା ପାଇଁ ୧୩୯ ରନ୍‌ ବିଜୟ ଲକ୍ଷ୍ୟ ମିଳିଛି।

ବାଙ୍ଗାଲୋରର ପାଳି ଆରମ୍ଭ କରିଥିଲେ ଦେବଦତ୍ତ ପଡ଼ିକଲ ଓ ଅଧିନାୟକ ବିରାଟ କୋହଲି। ଦେବଦତ୍ତ ୧୮ଟି ବଲ ଖେଳି ୨ଟି ଚୌକା ସହାୟତାରେ ୨୧ ରନ୍‌ ସଂଗ୍ରହ କରିଥିଲେ। କୋହଲି ୩୩ଟି ବଲ୍‌ର ସାମ୍ନା କରି ୫ଟି ଚୌକା ସହାୟତାରେ ୩୯ ରନ୍‌ ସଂଗ୍ରହ କରିଥିଲେ। ଉଭୟ ଓପନର ଯୋଡ଼ି ପ୍ରଥମ ଓ୍ଵିକେଟରେ ୪୯ ରନ୍‌ ସଂଗ୍ରହ କରିଥିଲେ।

ତେବେ ଦେବଦତ୍ତ ଆଉଟ୍‌ ହୋଇଯିବା ପରେ ଶ୍ରୀକର ଭରତ ପଡ଼ିଆକୁ ପ୍ରବେଶ କରିଥିଲେ। ସେ ୧୬ଟି ବଲ ଖେଳି ଦଳପାଇଁ ମାତ୍ର ୯ ରନ୍‌ ଯୋଗଦାନ ଦେଇଥିଲେ। ବାଙ୍ଗାଲୋର ୨ୟ ଓ୍ଵିକେଟ୍‌ ଭାବେ ୬୯ ରନ୍‌ରେ ଶ୍ରୀକର ଭରତଙ୍କୁ ହରାଇଥିଲା। କୋଲକାତା ଟିମ୍‌ର ୩ୟ ଶିକାର ହୋଇଥିଲେ କୋହଲି। ବାଙ୍ଗାଲୋର ୮୮ ରନ୍‌ ବେଳକୁ ଦଳର ଆଗଧାଡ଼ିର ୩ ଜଣ ଖେଳାଳିଙ୍କୁ ହରାଇ ସାରିଥିଲା।

ବାଙ୍ଗାଲୋର ଟିମ୍‌ର ମଧ୍ୟକ୍ରମର ଖେଳାଳିମାନଙ୍କ ପ୍ରଦର୍ଶନ ନୈରାଶ୍ୟଜନକ ଥିଲା। ଏହି କ୍ରମରେ କୌଣସି ଖେଳାଳି ୧୫ରୁ ଅଧିକ ରନ୍‌ ସଂଗ୍ରହ କରିପାରି ନଥିଲେ। ଗ୍ଲେନ୍‌ ମ୍ୟାକ୍ସେେଓ୍ଵଲ୍‌ ୧୫ ରନ୍‌, ଏବି ଡିଭିଲିୟର୍ସ ୧୧ ରନ୍‌, ଶାହାବାଜ୍‌ ଅହମଦ ୧୩ ରନ୍‌, ଡାନ୍‌ କ୍ରିଷ୍ଟିଆନ୍‌ ୯ ରନ୍‌ ଓ ହର୍ଷ ପଟେଲ ୮ ରନ୍‌ କରିଥିଲେ। କୋଲକାତା ପକ୍ଷରୁ ସୁନିଲ ନରିନ୍‌ ସର୍ବାଧିକ ୪ଟି ଓ୍ଵିକେଟ୍‌ ନେଇଥିଲେ। ଲୋକି ଫର୍ଗୁସନଙ୍କୁ ୨ଟି ଓ୍ଵିକେଟ ମିଳିଥିଲା।

ଟ୍ୱିନ୍‌ସିଟିରେ ଆଜିଠୁ ଆରମ୍ଭ ହେଲା ନାଇଟକର୍ଫ୍ୟୁ: ଛକ ଛକରେ ପୋଲିସର କଡ଼ା ଚେକଂ

ଭୁବନେଶ୍ୱର/କଟକ: ଦିନକ ପରେ ମଣ୍ଡପରେ ମା’ ଦୁର୍ଗାଙ୍କ ସପ୍ତମୀ ପୂଜା । ଲୋକଙ୍କ ଭିଡ଼ ଜମିପାରେ । ଭିଡ଼ ଜମିଲେ କରୋନା ସଂକ୍ରମଣ ବଢିବା ଆଶଙ୍କା ସୃଷ୍ଟି ହୋଇଛି । ଏହାକୁ ଦୃଷ୍ଟିରେ ରଖି ଆଜିଠାରୁ ଟୁଇନ୍ ସିଟିରେ ଲାଗୁ ହୋଇଛି ନାଇଟ୍ କର୍ଫ୍ୟୁ । ରାତି ୮ଟାରୁ ସକାଳ ୫ଟା ପର୍ଯ୍ୟନ୍ତ କଡ଼ାକଡ଼ି ହୋଇଛି କଟକଣା । ଏ ନେଇ କମିଶନରେଟ ପୋଲିସ ପକ୍ଷରୁ ପେଟ୍ରୋଲିଂ ଭ୍ୟାନ କଢାଯାଇ ସହର ସାରା ପେଟ୍ରାଲିଙ୍ଗ କରାଯାଉଛି । କେବଳ ଜରୁରୀକାଳୀନ ସେବାରେ ନିୟୋଜିତ ଲୋକ ଏବଂ ଗାଡିଗୁଡିକ ଯାତାୟତ କରିବାକୁ ଅନୁମତି ଦିଆଯାଇଛି । ଯେଉଁମାନେ ଅମାନିଆ ହେବେ ସେମାନଙ୍କୁ ପ୍ରଥମେ ସଚେତନ କରାଯିବ । ତାପରେ ବି ଅବୁଝା ହେଲେ ଆବଶ୍ୟକ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୋଲିସ ପକ୍ଷରୁ କୁହାଯାଇଛି । ଆଜିଠାରୁ ଆସନ୍ତା ୨୦ ତାରିଖ ପର୍ଯ୍ୟନ୍ତ ପୂର୍ବଭଳି ନାଇଟ କର୍ଫ୍ୟୁ କଟକଣା କଡାକଡି ପାଳନ କରାଯିବ ବୋଲି କୁହାଯାଇଛି ।