ଭୁବନେଶ୍ୱର: ଦୁର୍ବୃତ୍ତଙ୍କ ଟାର୍ଗେଟରେ ବିଲଡ଼ର। ଭୁବନେଶ୍ୱରରୁ ଅପହରଣ, ବ୍ରହ୍ମପୁରରେ ମରଣାନ୍ତକ ଆକ୍ରମଣ। ଆକ୍ରମଣର ଶିକାର ହୋଇଥିବା ଯୁବକ ହେଲେ ବିଲଡର ରାହୁଲ ସ୍ୱାଇଁ। ଟଙ୍କା କାରବାର ନେଇ ବିଲଡରଙ୍କୁ ଅପହରଣ ହୋଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ସୂଚନା ଅନୁସାରେ, ରାହୁଲଙ୍କୁ ଗତ ରବିବାର ସନ୍ଧ୍ୟାରେ କିଛି ଦୁର୍ବୃତ୍ତ ଭୁବନେଶ୍ୱର ସିଆରପିଏଫ ଛକ ନିକଟରୁ ଅପହରଣ କରି ନେଇଥିଲେ। ଅପହରଣ ହୋଇଥିବା ବିଲଡରଙ୍କ ବାଇକ ସିଆରପିଏଫ ଛକରୁ ନୟାପଲ୍ଲୀ ଫାଣ୍ଡି ପୋଲିସ ଉଦ୍ଧାର କରିଛି। ବ୍ରହ୍ମପୁରର ଏକ ନିଛାଟିଆ ଅଞ୍ଚଳରେ ବିଲଡରଙ୍କୁ ଜୀବନରୁ ମାରିଦେବାକୁ ଉଦ୍ୟମ କରାଯାଇଥିବା ସୂଚନା ମିଳିଛି। ଗୁରୁତର ଆହତ ସତ୍ତ୍ୱେ  ବିଲଡର ଜଣକ କୌଶଳ କ୍ରମେ ସେଠାରୁ ଖସି ଆସି ବ୍ରହ୍ମପୁର ଏମକେସିଜି ମେଡିକାଲରେ ପହଞ୍ଚିଥିଲେ। ଗୁରୁତର ଅବସ୍ଥାରେ ପୋଲିସ ଫାଣ୍ଡି ଅଧିକାରୀ ତାଙ୍କୁ ଉଦ୍ଧାର କରିବା ପରେ ଚିକିତ୍ସା କରାଯାଉଛି। ରାହୁଲଙ୍କର ଭୁବନେଶ୍ୱର ଓ କୋଲକାତାରେ କମ୍ପାନୀ ରହିଛି। ତାଙ୍କ ଜୀବନ ପ୍ରତି ବିପଦ ଥିବାରୁ ମେଡିକାଲରେ ପୋଲିସ ମୁତୟନ କରାଯାଇଛି। ବିଲଡରଙ୍କୁ ଆକ୍ରମଣ କରିଥିବା ଯୁବକ ମାନେ କିଏ ଏବଂ ସେମାନେ କେବଳ ଟଙ୍କା ନା ଆଉ କିଛି କାରଣ ପାଇଁ ବିଲଡରଙ୍କୁ ଅପହରଣ କରିଥିଲେ, ପୋଲିସ ତଦନ୍ତ ପରେ ହିଁ ଜଣାପଡିବ।

ଭୁବନେଶ୍ୱର: ଭୁବନେଶ୍ୱରରେ ପୁଣି ଚାଞ୍ଚଲ୍ୟ। ନୟାପଲ୍ଲୀ ଅଞ୍ଚଳରୁ ଜଣେ ଯୁବକଙ୍କ ସନ୍ଦେହ ଜନକ ମୃତଦେହ ଉଦ୍ଧାର ହୋଇଛି। ସକାଳୁ ସକାଳୁ ବିଜୁ ପଟ୍ଟନାୟକ କଲେଜ ନିକଟ ଏକ ଭଙ୍ଗା ଘରୁ ମୃତଦେହକୁ ଉଦ୍ଧାର କରିଛି ପିସିଆର। ଭଙ୍ଗା ଘରେ ମୃତକ ଜଣକ ହାତକୁ ଟେକି ପଡ଼ିଥିବାର ଲୋକେ ଦେଖିବାକୁ ପାଇଥିଲେ। ଲୋକେ ଏହା ପରେ ପୋଲିସକୁ ଫୋନ୍‌ କରିଥିଲେ।

ଏବେ ପର୍ଯ୍ୟନ୍ତ ମୃତ୍ୟୁ କାରଣ ଅସ୍ପଷ୍ଟ ରହିଛି। ପ୍ରାଥମିକ ତଦନ୍ତରୁ ଯୁବକଙ୍କୁ କେହି ହତ୍ୟା କରିଥିବା ସନ୍ଦେହ କରାଯାଉଛି। ମୃତକ ଜଣକ ହେଲେ ଶାନ୍ତନୁ କୁମାର ପରିଡ଼ା। ମୃତକଙ୍କ ପାଖରୁ ଗୋଟିଏ ହୋଣ୍ଡା ଆକ୍ଟିଭା ଜବତ ହୋଇଛି। ମୃତକଙ୍କ ସ୍ତ୍ରୀ ଘଟଣା ସ୍ଥଳରେ ଉପସ୍ଥିତ ରହିଛନ୍ତି। ମୃତକ ଗତ କାଲି ସକାଳ ୮ ସମୟରେ କାହାକୁ ଟଙ୍କା ଦେବା ପାଇଁ ଘରୁ ବାହାରିଥିଲେ। ଏହାପରେ ତାଙ୍କ ସ୍ତ୍ରୀ ତାଙ୍କୁ ସକାଳ ୧୦ଟା ସମୟରେ ଫୋନ କରିଥିଲେ। ହେଲେ ଶାନ୍ତନୁ ଫୋନ୍‌ ଉଠେଇନଥିଲେ ଏବଂ ପରବର୍ତ୍ତି ସମୟରେ ଫୋନ ଅଫ ହୋଇଯାଇଥିଲା। ଘରଲୋକେ ରତି ପର୍ଯ୍ୟନ୍ତ ଖୋଜାଖୋଜି କଥିଲେ ମଧ୍ୟ ପାଇନଥିଲେ।