ଭୁବନେଶ୍ୱର: ରାଜ୍ୟ କ୍ୟାବିନେଟ୍ ବୈଠକ ଶେଷ ହୋଇଛି । ବୈଠକରେ ୧୬ ପ୍ରସ୍ତାବରେ ବାଜିଲା ମୋହର । ଅର୍ଥ, ଖାଦ୍ୟଯୋଗାଣ ଓ ଖାଉଟି କଲ୍ୟାଣ ବିଭାଗର ପ୍ରସ୍ତାବକୁ ମଞ୍ଜୁରୀ ମିଳିଛି । ସାଧାରଣ ପ୍ରଶାସନ, ଗୃହ ଓ ଅବକାରୀ ବିଭାଗର ପ୍ରସ୍ତାବକୁ ମଞ୍ଜୁରୀ ମିଳିଛି । ପଞ୍ଚାୟତିରାଜ, ଶ୍ରମ ବିଭାଗର ପ୍ରସ୍ତାବକୁ ମଞ୍ଜୁରୀ ମିଳିଥିବା ବେଳେ ଷୋଡ଼ଶ ବିଧାନସଭାର ସତ୍ରାବସାନକୁ ମିଳିଛି ମଞ୍ଜୁରୀ । ମୁଖ୍ୟମନ୍ତ୍ରୀଙ୍କ ଅଦ୍ୟକ୍ଷତାରେ ବସିଥିଲା ବୈଠକ ।
ନନ୍ଦନକାନନ ବୁଲି ଆସିଥିବା ପର୍ଯ୍ୟଟକଙ୍କୁ ୬ ଦିନର ବାସି ଚିକେନ କଷା ଦେଇ ତଣ୍ଡ ଗଣିଲେ ରେଷ୍ଟୁରାଷ୍ଟ ମାଲିକ
ଭୁବନେଶ୍ୱର: ନନ୍ଦନକାନନ ବୁଲିବାକୁ ଆସିଥିବା ପର୍ଯ୍ୟଟକଙ୍କୁ ବାସି ଖାଦ୍ୟ ବିକି ତଣ୍ଡ ଗଣିଲେ ରେଷ୍ଟୁରାଣ୍ଟ ମାଲିକ । ‘ହେରମିଟ ଜିଙ୍ଗ ‘ରେଷ୍ଟୁରାଣ୍ଟରେ ଚଢ଼ାଉ କରିଛି ବିଏମସି ଫୁଡ ଇନକ୍ୱାରୀ ଡିପାର୍ଟମେଣ୍ଟ । ବାସି ଖାଦ୍ୟ ବିକ୍ରି ନେଇ କିଛି ପର୍ଯ୍ୟଟକଙ୍କ ଅଭିଯୋଗକୁ ଭିତ୍ତି କରି ଚଢାଉ କରିଥିଲା ବିଏମସିର ୪ଜଣିଆ ଟିମ ।

ଚଢ଼ାଉ ବେଳେ ୨୦ରୁ ୩୦ କେଜି ୬ଦିନର ବାସି ଚିକେନ କଷା ଜବତ ହୋଇଛି । ଗରାଖ ଖାଇବାକୁ ଆସିଲେ ବାସି ଚିକେନ୍ କଷା ଗରମ କରି ଦେଉଥିଲେ ରେଷ୍ଟୁରାଣ୍ଟ କର୍ମଚାରୀ । ଏହାସହ କିଛି ବାସି ବିରିୟାନୀ ବି ମିଳିଛି । ଫୁଡ ଡିପାର୍ଟମେଣ୍ଟ ଅଧିକାରୀ ୬୯ଧାରାରେ ମୋଟା ଅଙ୍କର ଫାଇନ ଆଦାୟ କରିଛନ୍ତି । ଆଉ ଦୂଷିତ ଖାଦ୍ୟ ବିକ୍ରି କଲେ କଠୋର କାର୍ଯ୍ୟାନୁଷ୍ଠାନ ନିଆଯିବ ବୋଲି ବିଏମ୍ସି ଫୁଡ ଡିପାର୍ଟମେଣ୍ଟ ଅଫିସରେ ସତ୍ୟଜିତ ପଟେଲ କହିଛନ୍ତି ।
ମନୀଷ ଦାସଙ୍କ ମୃତଦେହ ଉଦ୍ଧାର ମାମଲା, ଡାଏଟମ ଟେଷ୍ଟ ପ୍ରକ୍ରିୟା ଆରମ୍ଭ କଲା କମିଶନରେଟ ପୋଲିସ
ଭୁବନେଶ୍ୱର: ଭୁବନେଶ୍ୱର ପାତ୍ରପଡା ମନୀଷ ଦାଶ ହତ୍ୟା ମାମଲା । ଡାଏଟମ ଟେଷ୍ଟ ପାଇଁ ପକ୍ରିୟା ଆରମ୍ଭ କଲା କମିସନରେଟ ପୋଲିସ । ଟେଷ୍ଟ ପାଇଁ ପୋଖରୀ ପାଣିର ସାମ୍ପୁଲ ସଂଗ୍ରହ କଲା ପୋଲିସ । ପୋଖରୀ ଓ ମୃତଦେହ ଭିତରୁ ପାଣିକୁ ଫରେନସିକ ଲାଵକୁ ପଠାଇବ ପୋଲିସ । ଆଜି ଫରେନସିକ ଲ୍ୟାବକୁ ପଠାଯିବ ନମୁନା । ପୋଖରୀ ପାଣିରେ ମନୀଷଙ୍କ ମୃତ୍ୟୁ ହୋଇଛି ନା ଅନ୍ୟ ସ୍ଥାନରେ ହତ୍ୟା କରି ପୋଖରୀରେ ଫିଙ୍ଗି ଦିଆଯାଇଛି । ଜାଣିବା ପାଇଁ ଡାଏଟମ ଟେଷ୍ଟ କରିବ ପୋଲିସ ।
ସେପଟେ ଭିସେରା ଟେଷ୍ଟ ପାଇଁ ନମୁନା ପଠାଇଛି ପୋଲିସ । ଗତକାଲି ପାତ୍ରପଡାର ନମକାନି ପଖୋରୀରୁ ଯୁବକଙ୍କ ମୃତ ଦେହ ଉଦ୍ଧାର ହୋଇଥିଲା । ମନୀଷ ହେଉଛନ୍ତି ବରିଷ୍ଠ ସାମ୍ବାଦିକ ନବୀନ ଦାସଙ୍କ ବଡପୁଅ । ମନୀଷଙ୍କୁ କେହି ହତ୍ୟା କରି ଫିଙ୍ଗି ଦେଇଥିବା ସନ୍ଦେହ କରାଯାଉଛି । ଏବେବି ମୃତ୍ୟୁ କାରଣ ଅସ୍ପଷ୍ଟ ରହିଛି । ମନୀଷଙ୍କ ସାଙ୍ଗରେ ଯାଇଥିବା ୨ଜଣ ଯୁବକଙ୍କୁ ଠାବ କଲା ପରେ ମୃତ୍ୟୁର କାରଣ ଜଣାପଡିବ । ପୋଷ୍ଟମର୍ଟମ ରିପୋର୍ଟ ଆସିଲେ ପ୍ରକୃତ କାରଣ କଣ ଜଣାପଡିବ ।
ଜମ୍ମୁ-କାଶ୍ମୀରରେ ୨ଟି ଏନକାଉଣ୍ଟର୍: ୨ ଆତଙ୍କୀ ନିହତ
ଶ୍ରୀନଗର: ଜମ୍ମୁ-କାଶ୍ମୀରରେ ୨ଟି ଏନକାଉଣ୍ଟର୍। ଅନନ୍ତନାଗରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ହୋଇଥିବା ସଂଘର୍ଷରେ ଜଣେ ଆତଙ୍କବାଦୀ ନିହତ ହେଇଥିବା ସୂଚନା ମିଳିଛି । ଅନ୍ୟପଟରେ ଆତଙ୍କବାଦୀଙ୍କ ଗୁଳିରେ ଜଣେ ପୋଲିସ କର୍ମୀ ମଧ୍ୟ ଆହତ ହୋଇଛନ୍ତି। ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।
ସେହିପରି ବାନ୍ଦିପୋରା ହାଜିନର ଗୁଣ୍ଡଜାହାଙ୍ଗିରରେ ହୋଇଥିବା ଏନ୍କାଉଣ୍ଟରରେ ଆଉ ଜଣେ ଆତଙ୍କୀ ନିହତ ହୋଇଛି । ଜମ୍ମୁ-କଶ୍ମୀର ପୋଲିସ ଓ ସୁରକ୍ଷାକର୍ମୀଙ୍କ ମିଳିତ ସହଯୋଗରେ ଏହି ସର୍ଚ୍ଚ ଅପରେଶନ କରାଯାଇଥିବା ବେଳେ ଏଥିରେ ଆତଙ୍କବାଦୀଙ୍କ ସହ ଗୁଳି ବିନିମୟ ହୋଇଥିଲା । ଜଣେ ଆତଙ୍କବାଦୀ ନିହତ ହେବା ସହ ପୋଲିସ ଓ ସୁରକ୍ଷା କର୍ମୀଙ୍କୁ ଏକ ପିସ୍ତଲ ଓ ଏକ ଗ୍ରେନେଡ ମିଳିଛି । କିଛି ଦିନ ହେବ କାଶ୍ମୀରରେ ସିଲେକ୍ଟିଭ୍ କିଲିଂ କରୁଥିବା ଆତଙ୍କବାଦୀଙ୍କ ଉପରେ କାର୍ଯ୍ୟାନୁଷ୍ଠାନ ନେବାକୁ ଉଦ୍ୟମ ଚଳାଇଛି । ଅନ୍ୟପଟେ କାଶ୍ମୀରରେ ଅନେକ ଆତଙ୍କବାଦୀ ସଂଗଠନ ସକ୍ରିୟ ଥିବା ମଧ୍ୟ କୁହାଯାଉଛି । ତେଣୁ କେନ୍ଦ୍ରୀୟ ଗୃହ ମନ୍ତ୍ରାଳୟ ପକ୍ଷରୁ ଏ ଦିଗରେ ଆଲର୍ଟ ରହିବାକୁ ନିର୍ଦ୍ଦେଶ ଦିଆଯାଇଛି ।
IPL ଫାଇନାଲରେ ଚେନ୍ନାଇର ଦମଦାର ଏଣ୍ଟ୍ରି, ନବମ ଥର ପାଇଁ ଫାଇନାଲ୍ ଗଲା ସୁପରକିଙ୍ଗ୍ସ
ଦୁବାଇ: ନବମ ଥର ପାଇଁ ଆଇପିଏଲର ଫାଇନାଲରେ ପ୍ରବେଶ କଲା ଚେନ୍ନାଇ ସୁପରକିଙ୍ଗ୍ସ । ଗତକାଲି କ୍ବାଲିଫାୟର ମ୍ୟାଚରେ ଦିଲ୍ଲୀ କ୍ୟାପିଟାଲ୍ସକୁ ହରାଇ ଫାଇନାଲ୍ ଟିକେଟ୍ ହାସଲ କରିଛି ଚେନ୍ନାଇ । ପ୍ରଥମେ ବ୍ୟାଟିଂ କରି ଦିଲ୍ଲୀ କରିଥିଲା ୧୭୨ ରନ୍ । ଦଳ ପକ୍ଷରୁ ପୃଥ୍ବୀ ସ ସର୍ବାଧିକ ୬୦ ରନ୍ କରିଥିବାବେଳେ ଅଧିନାୟକ ରିସଭ ପନ୍ଥ କରିଥିଲେ ୫୧ ରନ୍ । ୧୭୩ ରନରୁ ଟାର୍ଗେଟକୁ ଶେଷ ଓଭରରେ ହାସଲ କରିଥିଲା ଚେନ୍ନାଇ । ଅଧିନାୟକ ମହେନ୍ଦ୍ର ସିଂ ଧୋନୀ ୬ ବଲରେ ୧୮ ରନ୍ କରି ଦଳକୁ ବିଜୟୀ କରାଇଥିଲେ । ସେହିଭଳି ଋତୁରାଜ ଗାଏକ୍ବାଡ ୭୦ ରନ୍ ଓ ରବିନ ଉଥପ୍ପା କରିଥିଲେ ୬୩ ରନ୍ । ସେପଟେ ଆଜି ଏଲିମିନେଟରରେ ମୁହାଁମୁହିଁ ହେବେ କୋଲକାତା ଓ ବାଙ୍ଗାଲୋର । ଯେଉଁ ଟିମ୍ ଜିତିବ ସେହି ଟିମ୍ , ଦିଲ୍ଲୀ ସହ ଖେଳିବ କ୍ବାଲିଫାୟର-୨ । ଯେଉଁ ଟିମ୍ ହାରିବ ସେହି ଟିମ୍ ଆଇପିଏଲ ଅଭିଯାନରୁ ବିଦାୟ ନେବ ।
କ୍ରୁଜ୍ ଡ୍ରଗ୍ସ ପାର୍ଟି ମାମଲା: ଆର୍ଯ୍ୟନ ଖାନକୁ ମିଳିବ କି ଜାମିନ, ଆଜି ସେସନ କୋର୍ଟରେ ଜାମିନ ଆବେଦନର ଶୁଣାଣି
ମୁମ୍ବାଇ: କ୍ରୁଜ ଡ୍ରଗ୍ସ ପାର୍ଟି ମାମଲା । ଶାହାରୁଖଙ୍କ ପୁଅ ଆର୍ଯ୍ୟନ ଖାନକୁ ମିଳିବ କି ଜାମିନ । ଆଜି ଆର୍ଯ୍ୟନ ଖାନଙ୍କ ଜାମିନ ଆବେଦନ ଉପରେ ହେବ ଶୁଣାଣି । ସେସନ୍ କୋର୍ଟରେ ମାମଲାର ଶୁଣାଣି ହେବ । ତଳ କୋର୍ଟ ଆର୍ଯ୍ୟନଙ୍କ ଜାମିନ ଖାରଜ କରିବା ପରେ ଏବେ ଆର୍ଥର ରୋଡ ଜେଲରେ ଅଛନ୍ତି ଆର୍ଯ୍ୟନ । ଏବେ ସୁଦ୍ଧା ମାମଲାରେ ୨୦ ଜଣ ଗିରଫ ହୋଇସାରିଲେଣି ।

ଡ୍ରଗ୍ସ ପାର୍ଟି ମାମଲାରେ ବିବାଦରେ ଛନ୍ଦି ହୋଇ ଜେଲରେ ଥିବା ଶାହାରୁଖ ଖାନଙ୍କ ପୁଅ ଆର୍ଯ୍ୟନଙ୍କ ଜାମିନ୍ ଖାରଜ କରିଥିଲେ ମୁମ୍ବାଇ କିଲ୍ଲା କୋର୍ଟ । ମାମଲା ଗମ୍ଭୀର ଥିବାରୁ ତଳ କୋର୍ଟରେ ନୁହେଁ, ସେସନ୍ କୋର୍ଟକୁ ଯିବା ପାଇଁ ଆର୍ଯ୍ୟନଙ୍କ ଓକଲିଙ୍କୁ କହିଥିଲେ କୋର୍ଟ । କୋର୍ଟରେ ଶୁଣାଣି ବେଳେ ଏନସିବି ଓ ଆର୍ଯ୍ୟନଙ୍କ ଓକିଲଙ୍କ ମଧ୍ୟରେ ହୋଇଥିଲା ଜବରଦସ୍ତ ଯୁକ୍ତିତର୍କ ।

ଆର୍ଯ୍ୟନ ହେଉଛନ୍ତି ଲୋକାଲ୍ ବଏ, ସେ ଜଣେ ପ୍ରତିଷ୍ଠିତ ଫିଲ୍ମ ଷ୍ଟାରଙ୍କ ପୁଅ । ୫ ଦିନର ଜେରାରେ କୌଣସି ପ୍ରମାଣ ପାଇନି ଏନସିବି, ଏଣୁ ତାଙ୍କୁ ବେଲ୍ ମିଳିବା ଜରୁରୀ ବୋଲି କହିଥିଲେ ଆର୍ଯ୍ୟନଙ୍କ ଓକିଲ ସତୀଶ ମାନସିନ୍ଧେ । ଗେଷ୍ଟ ହିସାବରେ ସେ ପାର୍ଟିରେ ଯୋଗ ଦେଇଥିବା କହିଥିଲେ ତାଙ୍କ ଓକିଲ । ହେଲେ କୋର୍ଟ ସମସ୍ତ ଯୁକ୍ତିକୁ ଅଗ୍ରାହ୍ୟ କରିବା ସହ ବେଲ୍ ନାମଞ୍ଜୁର କରିଥିଲେ ।










