spot_img
Home Blog Page 5255

ଆଜି ପୀଠେ ମହା ସପ୍ତମୀ, ମଣ୍ଡପରେ ଷଷ୍ଠୀ: ପୂଜା ପାର୍ବଣ ପାଇଁ ଆଜିଠୁ ଟୁଇନ୍ ସିଟିରେ ନାଇଟ କର୍ଫ୍ୟୁ

ଭୁବନେଶ୍ୱର: ପାର୍ବଣ ପାଇଁ ଆଜିଠୁ ଟୁଇନ୍ ସିଟି ଭୁବନେଶ୍ୱର ଓ କଟକରେ ନାଇଟକର୍ଫ୍ୟୁ । ରାତି ୮ରୁ ସକାଳ ୫ଟା ପର୍ଯ୍ୟନ୍ତ ନାଇଟ କର୍ଫ୍ୟୁ ଲାଗୁ । ପୂର୍ବରୁ ଯେଉଁଭଳି ନାଇଟ୍ କର୍ଫ୍ୟୁ ହେଉଥିଲା ସେମତି ସମାନ ଢଙ୍ଗରେ ଆଜିଠୁ ନାଇଟ କର୍ଫ୍ୟୁ ଜାରି ହେବ । କେବଳ ଅନୁମତି ପ୍ରାପ୍ତ ଯାନବାହାନ ରାସ୍ତାରେ ଯାଇପାରିବ । କରୋନା ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟ ସରକାର ଏଭଳି ନିଷ୍ପତ୍ତି ନେଇଥିବାରୁ କମିଶନରେଟ ପୋଲିସ୍ ପକ୍ଷରୁ କଟକଣା ଜାରି କରାଯାଇଛି । ନାଇଟ କର୍ଫ୍ୟୁ ସମୟରେ ଅମାନିଆଙ୍କ ଉପରେ କଡା ନଜର ରହିବ । ଆବଶ୍ୟକ ପଡ଼ିଲେ ଗିରଫ କରାଯିବ ।

ସେପଟେ ଉତ୍ସବମୁଖର ସାରା ରାଜ୍ୟ । ଆଜି ପୀଠେ ମହା ସପ୍ତମୀ, ମଣ୍ଡପରେ ଷଷ୍ଠୀ ପୂଜା । ବେଲଗଛ ମୂଳେ ଷଷ୍ଠୀ ପୂଜା କରାଯିବା ପରେ ମା’ଙ୍କୁ ମଣ୍ଡପକୁ ଆବାହନ କରାଯିବ । ନଦୀରୁ ପବିତ୍ର ଜଳ ଅଣାଯାଇ ମଙ୍ଗଳବାର ମଣ୍ଡପରେ ମା’ଙ୍କୁ ଚକ୍ଷୁଦାନ କରାଯିବ । ଏହାପରେ ଆରମ୍ଭ ହେବ ମହାମାୟାଙ୍କ ପୂଜାନୀତି । ବୁଧବାର ଅଷ୍ଟମୀ ପୂଜା ସହ ବ୍ରତ ପୂଜା କରାଯିବାର ପରମ୍ପରା ରହିଛି । ନବମୀରୁ ସନ୍ଧିପୂଜା ସହିତ ବଙ୍ଗୀୟ ମେଢ ଗୁଡିକରେ ସିନ୍ଦୁର ଖେଳ ହେବ । କିଛି ମଣ୍ଡପରେ ଆମିଷ ଭୋଗ କରାଯାଇ ଶ୍ରଦ୍ଧାଳୁଙ୍କୁ ବଣ୍ଟନ କରାଯାଏ । ତେବେ ଚଳିତ ବର୍ଷ କରୋନା କଟକଣା ଯୋଗୁଁ ଏଥିରୁ ବିରତ ରହିଛନ୍ତି ମଣ୍ଡପ କର୍ମକର୍ତ୍ତା ।

ଶୁକ୍ରବାର ଦଶମୀରେ ପୂଜା ଅନୁଷ୍ଠିତ ହେବ । ତେବେ କଟକଣା ପାଇଁ ଚଳିତବର୍ଷ ରାବଣ ପୋଡି ଉତ୍ସବ ପାଳନ କରାଯିବ ନାହିଁ । ଡିଜିଟାଲରେ ରାବଣ ପୋଡି କରିବାକୁ କିଛି ମଣ୍ଡପ ନିଷ୍ପତ୍ତି ନେଇଛନ୍ତି । ଶାନ୍ତିଶୃଙ୍ଖଳା ରକ୍ଷା କରିବାକୁ ବ୍ୟପକ ପୋଲିସ ମୁତୟନ ରହିବେ । ପୂଜା ସମୟରେ ସଂକ୍ରମଣ ଭୟ ଥିବାରୁ ଆଜିଠାରୁ ଟୁଇନ୍ ସିଟିରେ ଲାଗୁ ହୋଇଛି ନାଇଟ କର୍ଫ୍ୟୁ । ରାତି ୮ଟାରୁ ସକାଳ ୫ ଟା ଯାଏଁ ପୂର୍ବବର୍ଷ ପରି କଟକଣା ଜାରି ରହିବ ।

ଆଜି ରାଜ୍ୟ କ୍ୟାବିନେଟ ବୈଠକ, ପୂର୍ବାହ୍ନ ୧୧ଟା ୩୦ରେ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବସିବ ମିଟିଂ

ଭୁବନେଶ୍ୱର: ଆଜି ରାଜ୍ୟ କ୍ୟାବିନେଟ ବୈଠକ । ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ପୂର୍ବାହ୍ନ ୧୧ଟା ୩୦ରେ ବସିବ ବୈଠକ । ବୈଠକରେ ଠିକା ଓ ଚୁକ୍ତିଭିତ୍ତିକ କର୍ମଚାରୀଙ୍କ ସମ୍ପର୍କରେ ଗୁରୁତ୍ୱପୂର୍ଣ୍ଣ ନିଷ୍ପତି ନିଆଯିବାର ସମ୍ଭାବନା ରହିଛି । ସେହିଭଳି ପଞ୍ଚାୟତିରାଜ ଓ ପାନୀୟ ଜଳ ଅଧିନରେ କେତେକ ପ୍ରକଳ୍ପକୁ ମଞ୍ଜୁରୀ ମିଳିବାର ସମ୍ଭାବନା ରହିଛି । ପୂର୍ତ୍ତ ବିଭାଗ ସମ୍ପର୍କିତ ଏକାଧିକ କାର୍ଯ୍ୟାଦେଶ ଉପରେ ବାଜିପାରେ ମୋହର । ଅର୍ଥ, ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗର ପ୍ରସ୍ତାବ ଗୁଡିକ ଉପରେ ହୋଇପାରେ ଆଲୋଚନା । ବୈଠକରେ ୧୦ରୁ ୧୨ଟି ପ୍ରସଙ୍ଗରେ ଆଲୋଚନା ହେବାର ସମ୍ଭାବନା ରହିଛି ।

ସୋମବାର ପୂର୍ବାହ୍ନରେ କ୍ୟାବିନେଟ, ହୋଇପାରେ ଗୁରୁତ୍ୱପୂର୍ଣ୍ଣ ନିଷ୍ପତି

ଭୁବନେଶ୍ୱର:  ସୋମବାର ବସିବାକୁ ଯାଉଛି ରାଜ୍ୟ କ୍ୟାବିନେଟ ବୈଠକ । ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବସିବ କ୍ୟାବିନେଟ ବୈଠକ । ବୈଠକରେ ଠିକା ଓ ଚୁକ୍ତିଭିତ୍ତିକ କର୍ମଚାରୀଙ୍କ ସମ୍ପର୍କରେ ଗୁରୁତ୍ୱପୂର୍ଣ୍ଣ ନିଷ୍ପତି ନିଆଯିବା ସମ୍ଭାବନା ରହିଛି ।

ସେପଟେ ଆଗକୁ ପଞ୍ଚାୟତ ନିର୍ବାଚନ ଆସୁଥିବାବେଳେ କ୍ୟାବିନେଟ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଉପରେ ମୋହର ଲଗେଇବା ନେଇ ଅନୁମାନ କରାଯାଉଛି  । ସୋମବାର ପୂର୍ବାହ୍ନରେ କ୍ୟାବିନେଟ ବସିବାକୁ ଯାଉଛି  । ମୁଖ୍ୟମନ୍ତ୍ରୀ କ୍ୟାବିନେଟକୁ ଅଧ୍ୟକ୍ଷତା କରିବା ନେଇ ସୂଚନା ରହିଛି  ।

ମନୀଷ ଗୁପ୍ତା ହତ୍ୟା ମାମଲା: ଅଭିଯୁକ୍ତ ପୋଲିସ କର୍ମଚାରୀ ଗିରଫ

ଲକ୍ଷ୍ନୌ: ଉତ୍ତର ପ୍ରଦେଶର ବ୍ୟବସାୟୀ ମନୀଷ ଗୁପ୍ତା ହତ୍ୟା ମାମଲାର ଅଭିଯୁକ୍ତ ଗିରଫ । ଦୁଇ ଅଭିଯୁକ୍ତ ପୋଲିସ କର୍ମଚାରୀଙ୍କୁ ଗିରଫ କରାଯାଇଛି । ଅଭିଯୁକ୍ତ ପୋଲିସ ଇନିସପେକ୍ଟର ଜେ ଏନେ ସିଂହ ଏବଂ ଏସଆଇ ଅକ୍ଷୟ ମିଶ୍ରାକୁ ଗିରଫ କରିଛି ଗୋରଖପୁର ପୋଲିସ । ଗିରଫ ପରେ ଦୁଇ ଅଭିଯୁକ୍ତଙ୍କୁ କାନପୁର SITକୁ ହସ୍ତାନ୍ତର କରାଯାଇଛି ।

ଏହି ଦୁଇ ଅଭିଯୁକ୍ତଙ୍କ ଉପରେ ୧ ଲକ୍ଷ ଲେଖାଏଁ ରାଶି ଘୋଷଣା କରିଥିଲା SIT । ଆଗୁଆ କୋର୍ଟରେ ଜାମିନ୍ ପାଇଁ ଏହି ଦୁଇ ଅଭିଯୁକ୍ତ ପ୍ରୟାସ କରୁଥିବାବେଳେ ଏମାନଙ୍କୁ ଗିରଫ କରାଯାଇଛି । ଅନ୍ୟ ଅଭିଯୁକ୍ତଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଛାନଭିନ୍ କରୁଛି ପୋଲିସ । ଗତ ୨୭ ତାରିଖରେ ହୋଟେଲ୍ କୃଷ୍ଣା ପ୍ୟାଲେସରେ ଚେକିଙ୍ଗ ସମୟରେ ଜେ ଏନ୍ ସିଂହ, ଅକ୍ଷୟ ମିଶ୍ରାଙ୍କ ସହ ୬ ଜଣ ପୋଲିସ କର୍ମଚାରୀ ବ୍ୟବସାୟୀ ମନୀଷ ଗୁପ୍ତାକୁ ପିଟିପିଟି ହତ୍ୟା କରିଥିବା ଅଭିଯୋଗ ହୋଇଥିଲା ।

ପୁଣି ଫାଟିଲା ପାଣି ପାଇପ୍, ବାଦାମବାଡ଼ିରେ କୃତ୍ରିମ ବନ୍ୟା

କଟକ: ପୁଣି ଫାଟିଲା ଭୂତଳ ପାଣି ପାଇପ୍ । ବାଦାମବାଡ଼ି ଟ୍ରାଫିକ ଛକରେ ପାଇପ୍ ଫାଟି ଅଞ୍ଚଳ ଜଳମଗ୍ନ ହୋଇଛି । ହଠାତ୍ ପାଇପ୍ ଫାଟି ମାଟି ତଳୁ ୨୦ ଫୁଟ ଉଚ୍ଚକୁ ଉଠିଥିଲା ପାଣି ଛିଟା । ପାଇପରୁ ପାଣି ନିର୍ଗତ ହୋଇ ପିଚୁ ଫାଟିଯିବାରୁ ଜଣେ ବାଳିକା ସାମାନ୍ୟ ଆହତ ହୋଇଛନ୍ତି । ଅଞ୍ଚଳରେ ପାଣି ମାଡ଼ି ଯିବାରୁ କିଛି ସମୟ ପାଇଁ ଯାତାୟାତ ପ୍ରଭାବିତ ହୋଇଥିଲା ।

ଲାଇନ ଚେକ୍ କରିବା ସମୟରେ ପାଇପ୍ ଲାଇନ୍ ଲିକ୍ ହେବାରୁ ଏପରି ପରିସ୍ଥିତି ସୃଷ୍ଟି ହୋଇଥିବା ଜଣାପଡିଛି । ପାଣି ବନ୍ଦ କରାଯିବା ପରେ ସ୍ଥିତି ନିୟନ୍ତ୍ରଣକୁ ଆସିଛି । କିଛିଦିନ ତଳେ ରାଜାବଗିଚା ଅଞ୍ଚଳରେ ପାଣି ପାଇପ ଫାଟି ଅନୁରୂପ ଅବସ୍ଥା ସୃଷ୍ଟି ହୋଇଥିଲା । ଲିଙ୍କ ରୋଡ ନିକଟରେ ପାଇପ ଫାଟି ପାଣି ନିର୍ଗତ ହେବାପରେ ଅଞ୍ଚଳରେ ଅଭାବନୀୟ ପରିସ୍ଥିତି ସୃଷ୍ଟି ହୋଇଥିଲା ।

ଜେଇଙ୍କୁ କୁକୁର କହିଲେ କେନ୍ଦ୍ରମନ୍ତ୍ରୀ, ମୟୁରଭଞ୍ଜ ଗଲେ ମାଡ଼ ଖାଇବ

କେନ୍ଦୁଝର: କେନ୍ଦ୍ରମନ୍ତ୍ରୀ ହେଉ ହେଉ ଆଚରଣ ଭୁଲିଗଲେ ବିଶେସ୍ୱର ଟୁଡ଼ୁ । ଜୁନିୟର ଯନ୍ତ୍ରୀଙ୍କୁ ଗୋଲାମ କହି ଗାଳିଗୁଲଜ କଲେ । ଏମିତିକି କୁକୁର କହିବାକୁ ମଧ୍ୟ ପଛାଇଲେନି କେନ୍ଦ୍ରମନ୍ତ୍ରୀ ।  ଟପିଗଲେ ଶାଳୀନତାର ସମସ୍ତ ସୀମା । ଏକ ସମୀକ୍ଷା ବୈଠକରେ କେନ୍ଦ୍ର ଆଦିବାସୀ ବ୍ୟାପାର ଓ ଜଳଶକ୍ତି ରାଷ୍ଟ୍ର ମନ୍ତ୍ରୀ ବିଶ୍ବେଶର ଟୁଡୁ ରାଗି ଯାଇ କନିଷ୍ଠ ଯନ୍ତ୍ରୀଙ୍କୁ ଗାଳିଗୁଲଜ କରିଥିଲେ । ଏଭଳିକି ତୁମେ କୁକୁର, କାହାର ଗୋଲାମ ବୋଲି କହିବାକୁ ପଛାଇନଥିଲେ ।

କେନ୍ଦୁଝର ଗସ୍ତରେ ଥିବାବେଳେ ଏଭଳି କେନ୍ଦ୍ରମନ୍ତ୍ରୀ ବିଶ୍ବେଶର ଟୁଡୁ ଏଭଳି କହିଥିବା ଜଣାପଡିଛି। କେନ୍ଦ୍ରମନ୍ତ୍ରୀଙ୍କ ସହ କେନ୍ଦୁଝର ସଦର ବିଧାୟକ ମୋହନ ମାଝୀ ମଧ୍ୟ ଉପସ୍ଥିତ ଥିଲେ । ଚମ୍ପୁଆ ଉପଜିଲ୍ଲାପାଳଙ୍କ କାର୍ଯ୍ୟାଳୟର ସଭାଗୃହରେ ସମୀକ୍ଷା ବୈଠକରେ କନିଷ୍ଠ ଯନ୍ତ୍ରୀଙ୍କୁ ନିର୍ମାଣ ବିଷୟରେ ପଚାରିଥିଲେ ମୋହନ ମାଝୀ । ଏହି ସମୟରେ ଯନ୍ତ୍ରୀଙ୍କ ଉତ୍ତରରେ ଅସନ୍ତୁଷ୍ଟ ହୋଇ ରାଗିଯାଇଥିଲା କେନ୍ଦ୍ରମନ୍ତ୍ରୀ ବିଶ୍ବେଶ୍ବର ଟୁଡୁ ।

ଏମିତିକି କହିଥିଲେ, ମୟୂରଭଞ୍ଜ ଗଲେ କିଭଳି ମାଡ ପଡିବ ଦେଖିବ । ତୁମେ କାହାର ଗୁଲାମ ବୋଲି ପ୍ରଶ୍ନ କରିଥିଲେ କେନ୍ଦ୍ରମନ୍ତ୍ରୀ । ଜେଇଙ୍କୁ କୁକୁର ଏବଂ ଅଭଦ୍ର ବୋଲି ମଧ୍ୟ କହିଥିଲେ । ଜଣେ କେନ୍ଦ୍ରମନ୍ତ୍ରୀଙ୍କ ଏଭଳି ଅଶୋଭନୀୟ ଆଚରଣକୁ ନେଇ ଏବେ ସବୁ ଆଡେ ଚର୍ଚ୍ଚା ଲାଗି ରହିଥିବାବେଳେ ସବୁ ମହଲରେ ଏହାକୁ ଘୋର ନିନ୍ଦା କରାଯାଉଛି ।

ବିଜେଡ଼ିରେ ମିଶିଲେ ୭୦୦ ବିଜେପି ଓ କଂଗ୍ରେସ କର୍ମୀ

ଗଞ୍ଜାମ:  ସାନଖେମୁଣ୍ଡି ନିର୍ବାଚନ ମଣ୍ଡଳୀର ଖଲିଙ୍ଗୀ ଠାରେ ବିଜେଡିର ଜୋନ୍ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଛି  । ବିଜେଡ଼ିର ଏହି କାର୍ଯ୍ୟକ୍ରମରେ ଶତାଧିକ ବିଜେପି ଏବଂ କଂଗ୍ରେସ କର୍ମୀ ନିଜ ଦଳ ପରିତ୍ୟାଗ କରି ବିଜେଡ଼ିରେ ଯୋଗଦାନ କରିଛନ୍ତି  । କଂଗ୍ରେସ ର ପୂର୍ବତନ ବ୍ଲକ ଅଧ୍ୟକ୍ଷ ଜୟରାମ ଦୋର। , କଂଗ୍ରେସ ନେତା ନଗେନ ରଥ , ଡେଙ୍ଗାଓସ୍ତା ମହନ୍ତ ସଚ୍ଚିଦାନନ୍ଦ ଦାସ , ଅଚୁଦା ନନ୍ଦ ପ୍ରଧାନ ସମେତ ବିଜେପିର ଜିଲ୍ଲାପରିଷଦ ପ୍ରାର୍ଥୀ ଗୋପାଳ ମଲ୍ଲିକଙ୍କ ସମେତ ପ୍ରାୟ ୨୦ ଜଣ ୱାର୍ଡ ମେମ୍ବର ସଦସ୍ୟ ଯୋଗଦାନ କରିଥିଲେ  ।

ଏହି କାର୍ଯ୍ୟକ୍ରମରେ ପ୍ରାୟ ୭୦୦ରୁ ଅଧିକ ବିଜେପି ଏବଂ କଂଗ୍ରେସ କାର୍ଯ୍ୟକର୍ତ୍ତା ବିଜୁ ଜନତା ଦଳରେ ବିଧିବଦ୍ଧ ଭାବେ ଯୋଗଦାନ କରିଥିଲେ  । ପୂର୍ବତନ ବିଧାୟିକା ନନ୍ଦିନୀ ଦେବୀ ଙ୍କ ନେତୃତ୍ୱରେ ଭୁବନେଶ୍ୱର ବିଧାୟକ ଅନନ୍ତ ନାରାୟଣ ଜେନା , କବିସୂର୍ଯ୍ୟନଗର ବିଧାୟିକା ଲତିକ। ପ୍ରଧାନ ,ପୋଲସର। ବିଧାୟିକା ଶ୍ରୀକାନ୍ତ ସାହୁ ,ସଂଘମିତ୍ର ଦଳେଇ , ସୁବାସ ମହାରଣା , ଗଞ୍ଜାମ ଜିଲ୍ଲା ସଭାପତି ସମେତ ସାନଖେମୁଣ୍ଡି ବିଜେଡି ର ବହୁ ସଦଦ୍ୟ ଯୋଗ ଦେଇଥିଲେ ।

 

 

ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ମୁଖ୍ୟମନ୍ତ୍ରୀ, ଖରିଫ ଧାନ ସୂଚାରୁ ରୂପେ ଉଠାଣ କରୁ କେନ୍ଦ୍ର

ଭୁବନେଶ୍ୱର: ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ଖରିଫ ଧାନ ସଂଗ୍ରହ ନେଇ ଚିଠି ଲେଖିଛନ୍ତି ମୁଖ୍ୟମନ୍ତ୍ରୀ  । ପୂର୍ବରୁ କେନ୍ଦ୍ର ବଳକା ଚାଉଳ ଉଠାଇନଥିବା ବେଳେ ଏବେ ଖରିଫ ଋତୁ ଧାନକୁ କିପରି ସୂଚାରୁ ରୂପେ କେନ୍ଦ୍ର ନେବ ସେନେଇ ଚିଠିରେ ଉଲ୍ଲେଖ ରହିଛି  । ଖରିଫ ଋତରେ ୫୨ ଲକ୍ଷ ମେଚ୍ରିକ ଟନ୍ ଚାଉଳ ସଂଗ୍ରହ ନେଇ ଆକଳନ କରିଛି ରାଜ୍ୟ  ।

ପ୍ରତି ବର୍ଷ ରାଜ୍ୟକୁ ୨୪ ଲକ୍ଷ ଚାଉଳ ଟନ ଧାନର ଆବଶ୍ୟକତା ରହିଥିବାବେଳେ ଓଡିଶା ଉତ୍ପାଦନ କରୁଛି ୫୨ ଲକ୍ଷ ମେଟ୍ରିକ ଟନ୍  । ତେବେ ବଳକା ଚାଉଳକୁ କେନ୍ଦ୍ର ସଠିକ ସମୟରେ ଓଡ଼ିଶାରୁ ଉଠାଇବା ନେଇ ମୁୁଖ୍ୟମନ୍ତ୍ରୀ ଚିଠିରେ ଅବଗତ  କରିଛନ୍ତି  ।  ପୂର୍ବରୁ କେନ୍ଦ୍ର ଯେଉଁ ପ୍ରସ୍ତାବ ଦେଇଥିଲା ସେହି ଅନୁଯାୟୀ ଚାଫଳ ଉଠାଉ ନାହିଁ  । ଓଡ଼ିଶାର ଅଧିକାଂଶ ଲୋକ ଉଷୁନା ଚାଉଳ ଖାଇଥାନ୍ତି  ।

ତେଣୁ କେନ୍ଦ୍ରସରକାର ବଳକା ଚାଉଳ ଉଠାଣ ପାଇଁ ଆଗ୍ରହ ପ୍ରକାଶ କରନ୍ତୁ  । ଯଦ୍ୱାରା ଓଡ଼ିଶାର ଚାଷୀ କୂଳ ଲାଭଭାନ ହେବେ  । ନଚେତ ଚାଷୀକୂଳ ପୁଣି ଥରେ ଖରିଫ ରତୁ ଧାନ ବିକ୍ରୟରେ ଅସୁବିଧାର ସମ୍ମୁଖୀନ ହେବେ  । କୋଭିଡ ମହାମାରୀ ସମୟରେ ପ୍ରାୟ ୧୦ ଲକ୍ଷ ଚାଷୀ ଏହଦ୍ୱାରା ପ୍ରଭାବୀତ ହୋଇଛନ୍ତି  ।

ଭୁବନେଶ୍ୱରରେ ପୋଖରୀରୁ ମିଳିଲା ବରିଷ୍ଠ ସାମ୍ବାଦିକଙ୍କ ପୁଅର ମୃତଦେହ,ହତ୍ୟା ସନ୍ଦେହ

ଭୁବନେଶ୍ୱର: ପାତ୍ରପଡ଼ାର ଏକ ପୋଖରୀରୁ ଯୁବକଙ୍କ ମୃତଦେହ ଉଦ୍ଧାର  । ପୋଖରୀରେ ଯୁବକଙ୍କ ମୃତଦେହ ଭାସୁଥିବାବେଳେ କିଛି ଲୋକ ଏହାକୁ ଦେଖିଥିଲେ  । ପରେ  ଭାସମାନ ଅବସ୍ଥାରେ ଯୁବକଙ୍କ ମୃତଦେହ ଉଦ୍ଧାର କରାଯାଇଥିବା ସୂଚନା ମିଳିଛି  । ଅଭିଯୋଗ ପରେ ପୋଲିସ ଏବଂ ସାଇଣ୍ଟିଫିକ୍‌ ଟିମ ଘଟଣାସ୍ଥଳରେ ଛାନଭିନ୍‌ ଆରମ୍ଭ କରିଛନ୍ତି  । ମୃତଦେହ ଭାସିବା ଘଟଣାକୁ ନେଇ ବିଭିନ୍ନ ସନ୍ଦେହ ସୃଷ୍ଟି ହୋଇଛି  ।

ମୃତ ଯୁବକ ଜଣଙ୍କ ପରିଚୟ ପୋଲିସ ହାତରେ ଲାଗିଛି  । ମିଳିଥିବା ସୂଚନା ମୁତାବକ ମୃତକ  ହେଲେ ବରିଷ୍ଠ ସାମ୍ବାଦିକ ନବୀନ ଦାସଙ୍କ ପୁଅ ମନିଶ ଦାସ । ତାଙ୍କ ବୟସ ପାଖାପାଖି ୩୦ ବର୍ଷ ହେବ ।  ମିନୀଷଙ୍କୁ କେହି ହତ୍ୟା କରି ଫିଙ୍ଗି ଦେଇଥିବା ସନ୍ଦେହ କରାଯାଉଛି । ଆଜି ଅପରାହ୍ନରେ ପୋଖରୀରରେ ମନୀଷଙ୍କ ମୃତଦେହ ଭାସୁଥିବା ଦେଖିବାକୁ ପାଇଥିଲେ ସ୍ଥାନୀୟ ଲୋକେ ।  ଘଟଣା ସ୍ଥଳରେ ଭୁବନେଶ୍ବର ଡିସିପି, ସ୍ପେଶାଲ ସ୍କାଡ ଓ ତମାଣ୍ଡୋ ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ହତ୍ୟା ହୋଇଛି କି ନା ନାହିଁ, ସେ ନେଇ ସାଇଣ୍ଟଫିକ ଟିମ ପହଞ୍ଚି ଛାନଭିନ କରୁଛି ।

ମନୀଷଙ୍କ ପରିବାର ପକ୍ଷରୁ ଗତକାଲି ରାତିରେ ଇନଫୋସିଟି ଥାନାରେ ଏକ ଅପହରଣ ମାମଲା ରୁଜୁ ହୋଇଥିଲା । ମନୀଷ ଗତକାଲି ସଂଧ୍ୟାରେ ଘରୁ ଦୁଇଜଣ ଯୁବକଙ୍କ ସହିତ କାରରେ ବାହାରକୁ ଯାଇଥିଲେ । କିଛି ଘଣ୍ଟା ପରେ ତାଙ୍କୁ କେହି ଟଙ୍କା ମାଗୁଥିବା ନେଇ ମନୀଷ ବାପାକୁ ଫୋନ କରି କହିଥିଲେ । ସେତେବେଳେ ମନୀଷଙ୍କ କହିବା ଅତ୍ୟନ୍ତ ଅସ୍ପଷ୍ଟ ଥିଲା । ତେବେ ତାପରଠାରୁ ମନୀଷଙ୍କ ସହ ପରିବାରର ଆଉ ଯୋଗାଯୋଗ ହୋଇପାରିନଥିଲା । ଗତ କାଲି ଭୋର ୪ଟାରେ ତାଙ୍କ ମୋବାଇଲ ସୁଇଚଅଫ ମଧ୍ୟ ହୋଇ ଯାଇଥିଲା । ଆଜି ପାତ୍ରପଡାର ଏକ ପୋଖରୀରୁ ମୃତ ଦେହ ଉଦ୍ଧାର ହୋଇଛି । ତେଣୁ ଏହା ଏକ ସୁଚିନ୍ତିତ ହତ୍ୟା ବୋଲି ଅଭିଯୋଗ କରିଛନ୍ତି ପରିବାର ଲୋକେ  ।

ମନୀଷଙ୍କ ଦେହରେ ଏକ ଲାଲ ରଂଗର ସାର୍ଟ ରହିଛି । ମନୀଷ କଳା ରଙ୍ଗର ପ୍ୟାଣ୍ଟ ପିନ୍ଧିଥିବାବେଳେ ମୁହଁରେ ଚଷମାଟି ଲାଗି ରହିଛି । ଦେହରେ କେଉଁଠି କଣ କ୍ଷତ ଚିହ୍ନ ରହିଛି ପୋଲିସ ତାର ଯାଂଚ କରୁଛି । ସ୍ପେଶାଲ ସ୍କାଡ, ତମାଣ୍ଡୋ ଥାନ ଓ ଇନଫୋସିଟି ଥାନା ପୋଲିସକୁ ନେଇ ସ୍ବତନ୍ତ୍ର ଟିମ ଗଠନ ହୋଇଚି । ଉଦ୍ଧାର ପରେ ଶବକୁ ଭୁବନେଶ୍ବର ଏମ୍ସକୁ ପଠାଇଦିଆଯାଇଛି । ପୋଷ୍ଟମର୍ଟମ ରିପୋର୍ଟ ଆସିବା ପରେ ମୃତ୍ୟୁର କାରଣ ସ୍ଫଷ୍ଟ ହେବ । ପାଣିରେ ବୁଡି ମନୀଷଙ୍କ ମୃତ୍ୟୁ ହୋଇଛି କି ନାହିଁ ସେନେଇ ଡାଇଟମ ଟେଷ୍ଟ ମଧ୍ୟ ହେବ ।

 

ଅପରାଜିତାଙ୍କୁ ସମର୍ଥନ କରି ଦଳୀୟ ଦାୟିତ୍ୱରୁ ବିଦା ହେଲେ ବିଜେପି ନେତା

ରାୟଗଡ଼ା: ମହଙ୍ଗା ପଡ଼ିଲା ଅପରାଜିତାଙ୍କୁ ସମର୍ଥନ । ରାୟଗଡ଼ା ଜିଲ୍ଲାର ଦୁଇ ବିଜେପି ପଦାଧିକାରୀ ହେଲେ ପଦଚ୍ୟୁତ । ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀଙ୍କ ରାୟଗଡ଼ା ଜିଲ୍ଲା ଗସ୍ତ ପରେ ରାୟଗଡ଼ା ଜିଲ୍ଲା ବିଜେପିରେ ସୃଷ୍ଟି ହୋଇଛି ଅଭାବନୀୟ ପରସ୍ଥିତି । ଜିଲ୍ଲା ବିଜେପି ଯୁବମୋର୍ଚ୍ଚା ସଭାପତି ଦେବାଶିଷ ପଣ୍ଡା ଓ କୃଷକ ମୋର୍ଚ୍ଚା ସଭାପତି ପ୍ରେମପ୍ରସାଦ ପଣ୍ଡାଙ୍କୁ ଦାୟିତ୍ୱରୁ ହଟାଇବା ପରିସ୍ଥିତିକୁ ଆହୁରି ଜଟିଳ କରିଛି । ଅପରାଜିତାଙ୍କ କାର୍ଯ୍ୟକ୍ରମରେ ଏମାନେ ଯୋଗଦେଇଥିବାରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ଥିବା ଚର୍ଚ୍ଚା ହେଉଛି ।

Two BJP Leader Of Rayagada Remove From Party Responsibility For Supporting To Aparajita

ଅପରାଜିତା ସମାନ୍ତରାଳ ଭାବେ ସଂଗଠନ ଓ ସଭା କରୁଥିବାରୁ ବିଜେପି ରାଜ୍ୟ ନେତୃତ୍ୱ ମଧ୍ୟ ଅଡୁଆରେ ପଡୁଛନ୍ତି । ଏଭଳି କ୍ଷେତ୍ରରେ ଅପରାଜିତା ରାୟଗଡ଼ା ଗସ୍ତରେ ଯାଇଥିବା ବେଳେ କେହି ବିଜେପି କର୍ମୀ ତାଙ୍କ ସଭାରେ ଯୋଗ ନଦେବାପାଇଁ ଅଲିଖିତ ହ୍ୱିପ୍ ମଧ୍ୟ ଜାରି କରାଯାଇଥିଲା । କିନ୍ତୁ ହ୍ବିପକୁ ନମାନି କିଛି କର୍ମୀ ଅପରାଜିତାଙ୍କ କାର୍ଯ୍ୟକ୍ରମରେ ଯୋଗ ଦେଇଥିଲେ । କାର୍ଯ୍ୟକ୍ରମ ପରଦିନ ଅର୍ଥାତ ୮ତାରିଖରେ ରାୟଗଡ଼ା ଜିଲ୍ଲା ବିଜେପି ଯୁବମୋର୍ଚ୍ଚା ସଭାପତି ଦେବାଶିଷ ପଣ୍ଡା ଓ କୃଷକ ମୋର୍ଚ୍ଚା ସଭାପତି ପ୍ରେମପ୍ରସାଦ ପଣ୍ଡାଙ୍କୁ ଦାୟିତ୍ୱରୁ ଅନ୍ତର କରାଯାଇଛି ।

Two BJP Leader Of Rayagada Remove From Party Responsibility For Supporting To Aparajita

ଫଳରେ ଏବେ ରାୟଗଡ଼ା ଜିଲ୍ଲାରେ ବିଜେପି ଭାଗଭାଗ ହେବାରେ ଲାଗିଛି । ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପାଇବା ପରେ ଜିଲ୍ଲା ବିଜେପି ସଭାପତି ଶିବ ପଟ୍ଟନାୟକ ଗତକାଲି ଏକ ପ୍ରେସ୍ ବିଜ୍ଞପ୍ତି ଜାରି କରି କହିଛନ୍ତି ଯେ, ଏହି ଦୁଇ ଜଣଙ୍କୁ ଦଳୀୟ ଶୃଙ୍ଖଳା ଭଙ୍ଗ ପାଇଁ ଦାୟିତ୍ୱରୁ ହଟା ଯାଇଛି । ଅପରାଜିତା ଷଡ଼ଙ୍ଗୀଙ୍କ ଗସ୍ତ ସହିତ ଏହାର କୌଣସି ସମ୍ପର୍କ ନାହିଁ । ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀ ରାୟଗଡ଼ାରେ ପହଞ୍ଚିବା ପରେ ଜିଲ୍ଲା ବିଜେପି ପକ୍ଷରୁ ତାଙ୍କୁ କୌଣସି ସ୍ୱାଗତ ସମ୍ବର୍ଦ୍ଧନା ଦିଆଯାଇନଥିଲା । ଅପରପକ୍ଷେ ବିଶ୍ୱ ହିନ୍ଦୁ ପରିଷଦର ରାୟଗଡ଼ା ଶାଖା ତାଙ୍କୁ ସମ୍ବର୍ଦ୍ଧନା ଦେଇଥିଲା ।