spot_img
Home Blog Page 5257

୨୪ ଜିଲ୍ଲାରୁ ଆଉ ୬୫୨ କୋଭିଡ୍ ପଜିଟିଭ୍ ଚିହ୍ନଟ

ଭୁବନେଶ୍ୱର: ଗତ ୨୪ ଘଣ୍ଟାରେ ରାଜ୍ୟରୁ ଆଉ ୬୫୨ ଜଣ କୋଭିଡ୍ ସଂକ୍ରମିତ ଚିହ୍ନଟ ହୋଇଛନ୍ତି । ସଂକ୍ରମିତଙ୍କ ମଧ୍ୟରେ ୦ରୁ ୧୮ ବର୍ଷ ମଧ୍ୟରେ ୯୨ ଜଣ ଅଛନ୍ତି । ୩୮୦ଟି ମାମଲା କ୍ୱାରେଣ୍ଟାଇନରୁ ଆସିଥିବା ବେଳେ ୨୭୨ଟି ମାମଲା ସ୍ଥାନୀୟ ସଂକ୍ରମଣ । ଏଥିସହ ରାଜ୍ୟରେ ମୋଟ କୋଭିଡ୍ ଆକ୍ରାନ୍ତଙ୍କ ସଂଖ୍ୟା ୧୦ ଲକ୍ଷ ୩୧ ହଜାର ୬୯୬କୁ ବୃଦ୍ଧି ପାଇଛି ।

ୟେଲୋ ଜୋନରେ ଥିବା ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୩୩୧ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ଅନୁଗୁଳରୁ ୧, ବାଲେଶ୍ୱରରୁ ୧୯, ବରଗଡ଼ରୁ ୩, ଭଦ୍ରକରୁ ୭, ବଲାଙ୍ଗିରରୁ ୩, କଟକରୁ ୭୦, ଦେବଗଡ଼ ୧ରୁ, ଢେଙ୍କାନାଳରୁ ୧, ଗଜପତିରୁ ୬, ଗଞ୍ଜାମରୁ ୬, ଜଗତସିଂହପୁରରୁ ୧୫, ଯାଜପୁରରୁ ୧୦, ଝାରସୁଗୁଡ଼ାରୁ ୧, କେନ୍ଦ୍ରାପଡ଼ାରୁ ୨୬, କୋରାପୁଟରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି ।

ସେହିଭଳି ମୟୂରଭଞ୍ଜରୁ ୨୯, ନୟାଗଡ଼ରୁ ୬, ନୂଆପଡ଼ାରୁ ୧, ପୁରୀରୁ ୧୪, ରାୟଗଡ଼ାରୁ ୨, ସମ୍ବଲପୁରରୁ ୧୦, ସୋନପୁରରୁ ୧, ସୁନ୍ଦରଗଡ଼ୁ ୧୫ ଓ ଷ୍ଟେଟପୁଲରୁ ୭୩ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ରାଜ୍ୟରେ ୧୦ ଲକ୍ଷ ୧୮ ହଜାର ୩୧୧ ଆକ୍ରାନ୍ତ କରୋନାରୁ ସୁସ୍ଥ ହୋଇଥିବା ବେଳେ ଏବେ ୫୦୮୩ଟି ସକ୍ରିୟ ସଂକ୍ରମଣ ମାମଲା ରହିଛି ।

ଗୁଇନ୍ଦା ସୂଚନା ପରେ ହାଇ ଆଲର୍ଟରେ ଦିଲ୍ଲୀ, ପାର୍ବଣରେ ଆତଙ୍କବାଦୀ ଆକ୍ରମଣ ଆଶଙ୍କା

ନୂଆଦିଲ୍ଲୀ: ସୁରକ୍ଷାକୁ ନେଇ ଦେଶର ରାଜଧାନୀରେ ହାଇ ଆଲର୍ଟ ଜାରି କରାଯାଇଛି । ପାର୍ବଣ ଋତୁରେ ଦିଲ୍ଲୀରେ ଆତଙ୍କବାଦୀ ଆକ୍ରମଣ ଆଶଙ୍କା ରହିଛି । ଗୁଇନ୍ଦା ସୂଚନା ପରେ ଦିଲ୍ଲୀରେ ସୁରକ୍ଷା ବ୍ୟବସ୍ଥାକୁ ବଢ଼ାଇ ଦିଆଯାଇଛି । ବଜାର ଗୁଡ଼ିକରେ ମଧ୍ୟ ସୁରକ୍ଷା ବୃଦ୍ଧି କରାଯାଇଛି । ହୋଟେଲ ଓ ଗେଷ୍ଟ ହାଉସ୍ ଉପରେ ନଜର ରଖିଛି ପୋଲିସ ।

ଏଥିସହ ପଢ଼ନ୍ତୁ: ଭାରତରେ ଆତଙ୍କୀ ଆକ୍ରମଣ ପାଇଁ ପାକିସ୍ତାନର ଷଡ଼ଯନ୍ତ୍ର, ୬ ଗିରଫ

ଗତ ସେପ୍ଟେମ୍ବର ମାସ ୧୪ ତାରିଖରେ ଦିଲ୍ଲୀ ପୋଲିସର ସ୍ପେଶାଲ ସେଲ୍ ୬ ଜଣ ଆତଙ୍କବାଦୀଙ୍କୁ ଗିରଫ କରିଥିଲା । ଗିରଫ ଆତଙ୍କବାଦୀଙ୍କ ସମ୍ପର୍କ ଆଇଏସ୍ଆଇ ଓ ଅଣ୍ଡରୱର୍ଲ୍ଡ ସହ ଥିବା କୁହାଯାଇଥିଲା । ଗିରଫ ଆତଙ୍କବାଦୀଙ୍କ ମଧ୍ୟରୁ ୨ ଜଣ ପାକିସ୍ତାନରେ ପ୍ରଶିକ୍ଷଣ ନେଇଥିଲେ । ସେମାନଙ୍କ ଠାରୁ ବିପୁଳ ମାତ୍ରାରେ ଅସ୍ତ୍ରଶସ୍ତ୍ର ସହ ବିସ୍ଫୋଟକ ମଧ୍ୟ ଜବତ ହୋଇଥିଲା ।

ଆତଙ୍କବାଦୀ ମାନେ ଦେଶରେ ଅଲଗା ଅଲଗା ସହରରେ ବଡ଼ ଧରଣର ଆକ୍ରମଣ ପାଇଁ ଷଡ଼ଯନ୍ତ୍ର କରୁଥିଲେ । ଏହାଛଡ଼ା ଏମାନଙ୍କ ଟାର୍ଗେଟରେ ଥିଲେ ବହୁ ଜଣାଶୁଣା ବ୍ୟକ୍ତି ବିଶେଷ । ସୂତ୍ର ଅନୁସାରେ, କିଛି ରାଜନେତାଙ୍କ ସହ ସମାଜସେବୀ ଓ ଶିଳ୍ପପତିଙ୍କୁ ଏମାନେ ଟାର୍ଗେଟ୍ କରିଥିଲେ । ପାକିସ୍ତାନ ପ୍ରଶିକ୍ଷିତ ୨ ଆତଙ୍କବାଦୀଙ୍କ ସମ୍ପର୍କ ପାକିସ୍ତାନର ଗୁଇନ୍ଦା ସଂସ୍ଥା ଆଇଏସ୍ଆଇ ସହ ଥିବା ଜଣାପଡ଼ିଛି । ଆଇଏସ୍ଆଇ ସମ୍ପୂର୍ଣ୍ଣ ଯୋଜନା କରି ସେମାନଙ୍କୁ ଭାରତ ପଠାଇଥିଲା । ଏକାଧିକ ସହରରେ ବିସ୍ଫୋରଣ ପାଇଁ ଅସ୍ତ୍ରଶସ୍ତ୍ର ସହ ବିସ୍ଫୋଟକ ଯୋଗାଇଥିଲା ।

ଭିଜିଲାନ୍ସ ଜାଲରେ ପ୍ରଦୂଷଣ ନିୟନ୍ତ୍ରଣ ବୋର୍ଡର ଅଧିକାରୀ, ଭଡ଼ା ଘରୁ ୧୦ ଲକ୍ଷ ଟଙ୍କା ଜବତ

ଭୁବନେଶ୍ୱର: କାର ପରେ ଭଡ଼ା ଘରେ ଭିଜିଲାନ୍ସ ରେଡ୍ । ବାଲେଶ୍ୱର ପ୍ରଦୂଷଣ ନିୟନ୍ତ୍ରଣ ବୋର୍ଡର ଅଧିକାରୀ ନରୋତ୍ତମ ବେହେରାଙ୍କ ଭଡ଼ା ଘରେ ରେଡ୍ କରିଛି ଭିଜିଲାନ୍ସ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଚଢ଼ାଉ କରିଛି । ନରୋତ୍ତମଙ୍କ ଘରୁ ୧୦ ଲକ୍ଷରୁ ଅଧିକ ଟଙ୍କା ମିଳିଛି ।

Balasore Pollution Control Board Employee In Vigilance Net

ଶନିବାର ବାଲେଶ୍ୱରରୁ ଭଡ଼ା କାରରେ ନରୋତ୍ତମ ଭୁବନେଶ୍ୱର ଫେରୁଥିବା ବେଳେ ଭିଜିଲାନ୍ସ ଟାଙ୍ଗୀ ଠାରୁ ପିଛା କରିଥିଲା । ତାଙ୍କ ଠାରୁ କାରରୁ ୮୯ ହଜାର ଟଙ୍କା ଜବତ ହୋଇଥିଲା । ତେବେ, ଜବତ ଟଙ୍କା ନେଇ ଭିଜିଲାନ୍ସକୁ କୌଣସି ସନ୍ତୋଷଜନକ ଉତ୍ତର ଦେଇ ପାରିନଥିଲେ ନରୋତ୍ତମ । ଗତକାଲି ଭିଜିଲାନ୍ସ ୩ଟା ସ୍ଥାନରେ ରେଡ୍ କରିଥିବା ବେଳେ ଆଜି ତାଙ୍କ ଭଡ଼ା ଘରେ ଚଢ଼ାଉ ଜାରି ରହିଛି ।

ମହଙ୍ଗା ମାଡ଼ରୁ ମିଳୁନି ମୁକ୍ତି, ଆଜି ପୁଣି ବଢ଼ିଲା ପେଟ୍ରୋଲ ଓ ଡିଜେଲ୍ ଦାମ

ନୂଆଦିଲ୍ଲୀ: ତେଲଦର ପାଇଁ ମହଙ୍ଗା ହେଉଛି ସବୁକିଛି । ଲଗାତାର ଭାବେ ଆଜି ଷଷ୍ଠ ଦିନରେ ପେଟ୍ରୋଲ ଓ ଡିଜେଲ୍ ଦାମ ବଢ଼ାଇଛନ୍ତି ତୈଳ କମ୍ପାନୀ । ଡିଜେଲ୍ ଦର ଲିଟର ପିଛା ୩୫ ପଇସା ବଢ଼ିଥିବା ବେଳେ ପେଟ୍ରୋଲ ଦର ୩୦ ପଇସା ବୃଦ୍ଧି ପାଇଛି । ଦିଲ୍ଲୀରେ ପେଟ୍ରୋଲ ଲିଟର ପିଛା ୧୦୪.୧୪ ପଇସା ରହିଥିବା ବେଳେ ଡିଜେଲ୍ ଲିଟର ପିଛା ୯୨ ଟଙ୍କା ୮୨ ପଇସାରେ ବିକ୍ରି ହେଉଛି ।

Petrol Diesel Price Increased Today Fuel Rate Record high In City

ପ୍ରତିଦିନ ତୈଳଦର ବଢ଼ୁଥିବା ବେଳେ ଜନତାଙ୍କ ଉପରେ ବଡ଼ ବୋଝ ପଡ଼ୁଛି । ଯାହାକୁ ନେଇ କେନ୍ଦ୍ର ସରକାରଙ୍କ ଉପରେ ଖପ୍ପା ହେଲେଣି ଲୋକେ । ଦେଶର ବାଣିଜ୍ୟିକ ରାଜଧାନୀ ମୁମ୍ବାଇରେ ପେଟ୍ରୋଲ ଲିଟର ପିଛା ଦର ୧୧୦ ଟଙ୍କା ୧୨ ପଇସାକୁ ବୃଦ୍ଧି ପାଇଛି । ସେହିଭଳି ମୁମ୍ବାଇରେ ଡିଜେଲର ଦର ଲିଟର ପିଛା ୧୦୦ ଟଙ୍କା ୬୬ ପଇସା ରହିଛି ।

ସନ୍ଦେହରୁ ସ୍ତ୍ରୀର ତଣ୍ଟି କାଟି ହତ୍ୟା କଲା ସ୍ୱାମୀ

ଖୋର୍ଦ୍ଧା: ଖୋର୍ଦ୍ଧା ଥାନା ଗୁରୁଜଙ୍ଗରେ ହତ୍ୟାକାଣ୍ଡ । ବିଳମ୍ବିତ ରାତିରେ ସ୍ତ୍ରୀର ତଣ୍ଟି କାଟି ହତ୍ୟା କଲା ସ୍ୱାମୀ । ସ୍ତ୍ରୀ ଉପରେ ସ୍ୱାମୀ କାର୍ତ୍ତିକ ପ୍ରଧାନ ଦୀର୍ଘ ଦିନ ଉପରେ ସନ୍ଦେହ କରୁଥିଲା । ଏବେ ତଣ୍ଟି କାଟି ମାରି ଦେଇଥିବା ନେଇ ମୃତକ ଇନ୍ଦିରା ପ୍ରିୟଦର୍ଶିନୀଙ୍କ ମାମୁଁ ଅଭିଯୋଗ କରିଛନ୍ତି ।

Husband Killed Wife In Gurujang

ହତ୍ୟାକାଣ୍ଡ ପରେ ସ୍ୱାମୀ କାର୍ତ୍ତିକ ପ୍ରଧାନ ଫେରାର୍ ହୋଇଯାଇଛି । ଖୋର୍ଦ୍ଧା ଥାନା ପୋଲିସ ମୃତ ଇନ୍ଦିରାଙ୍କ ମୃତଦେହ ବ୍ୟବଚ୍ଛେଦ ପାଇଁ ପଠାଇ ତଦନ୍ତ କରୁଛି । ସ୍ୱାମୀ, ସ୍ତ୍ରୀ ଗୁରୁଜଙ୍ଗରେ ଭଡ଼ା ଘରେ ରହୁଥିବା ବେଳେ ଦୀର୍ଘଦିନ ହେଲା ଉଭୟଙ୍କ ମଧ୍ୟରେ କଳହ ଲାଗି ରହିଥିଲା । ପାରିବାରିକ କଳହରୁ ଏଭଳି ଘଟଣା ଘଟିଥିବା ସନ୍ଦେହ କରାଯାଉଛି ।

ବିଚାର ବିଭାଗୀୟ ହାଜତକୁ ଗଲା ଆଶିଷ ମିଶ୍ରା, ସୋମବାର ଶୁଣାଣି

ଲକ୍ଷ୍ନୌ: ଲଖିମପୁ ଖିରି ହିଂସା ଘଟଣାରେ ଆଶିଷ ମିଶ୍ରା ଓରଫ ମୋନୁକୁ ଶନିବାର ବିଳମ୍ବିତ ରାତିରେ ପ୍ରାୟ ୧୨ ଘଣ୍ଟା ଜେରା ପରେ ଗିରଫ କରାଯାଇଛି । ସୂଚନା ଅନୁସାରେ ଆଶିଷକୁ ହତ୍ୟା, ଦୁର୍ଘଟଣାରେ ମୃତ୍ୟୁ, ଅପରାଧିକ ଷଡ଼ଯନ୍ତ୍ର ଓ ଅବହେଳାର ସହ ଗାଡ଼ି ଚଳାଇବା ଆଦି ଧାରାରେ ଗିରଫ କରାଯାଇଛି । ଆଶିଷ ତଦନ୍ତରେ ସହଯୋଗ ନକରିବାରୁ ଗିରଫ କରାଯାଇଥିବା କହିଛନ୍ତି ଡିଆଇଜି ଉପେନ୍ଦ୍ର ଅଗ୍ରୱାଲ ।

ଆଶିଷ ମିଶ୍ରା ଶନିବାର ରାତି ଲଖିମପୁର ଜେଲରେ କାଟିଛି । ସୋମବାର ମାମଲାର ଶୁଣାଣି ହେବ । ରାତିରେ ହିଁ ଏସାଇଟି ଆଶିଷ ମିଶ୍ରାକୁ ମାଜିଷ୍ଟ୍ରେଟଙ୍କ ଆଗରେ ହାଜର କରିଥିଲା । ତାକୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି ।

Lakhimpur Kheri Violence, Judicial Magistrate Sent Ashish Mishra To Judicial Custody

ତଦନ୍ତକାରୀ ସଂସ୍ଥା ଏସଆଇଟି ଆଶିଷକୁ ପ୍ରାୟ ୧୨ ଘଣ୍ଟାର ଜେରାରେ ୪୦ଟି ପ୍ରଶ୍ନ ପଚାରିଥିଲା । ଆଶିଷ ଗୋଟିଏର ଉତ୍ତର ବି ଦେଇ ନାହିଁ । ୩ ଅକ୍ଟୋବରର ୨ଟା ୩୬ରୁ ୩ଟା ୩୦ ମଧ୍ୟରେ ଆଶିଷ କେଉଁଠି ଥିଲା ? ଏ ପ୍ରଶ୍ନର ବି କୌଣସି ଉତ୍ତର ଦେଇ ନାହିଁ ଆଶିଷ ମିଶ୍ରା ।

Lakhimpur Kheri Violence, Judicial Magistrate Sent Ashish Mishra To Judicial Custody

ସୂଚନାଯୋଗ୍ୟ ଯେ, କେନ୍ଦ୍ରୀୟ ମନ୍ତ୍ରୀ ଅଜୟ ମିଶ୍ରାଙ୍କ ପୁଅ ଆଶିଷ ମିଶ୍ରା ଶନିବାର ସକାଳ ୧୦ଟା ୩୮ରେ କ୍ରାଇମବ୍ରାଞ୍ଚରେ ହାଜର ହୋଇଥିଲା । ରାତି ୧୧ଟା ଯାଏଁ ପଚରାଉଚରା ପରେ ଆଶିଷକୁ ଗିରଫ କରିଛି ଏସଆଇଟି ।

ଲଖିମପୁର ଚାଷୀ ହତ୍ୟା: ଗିରଫ ହେଲେ କେନ୍ଦ୍ରମନ୍ତ୍ରୀଙ୍କ ପୁଅ ଆଶିଷ ମିଶ୍ରା

ଲକ୍ଷ୍ନୌ: କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ଅଜୟ ମିଶ୍ରାଙ୍କ ପୁଅ ଆଶିଷ ମିଶ୍ରା ଗିରଫ  । ଲଖିମପୁର ଖେରିରେ ଚାଷୀଙ୍କୁ ଗାଡ଼ି ଚଢାଇ ହତ୍ୟା କରିବା ଅଭିଯୋଗର ମୁଖ୍ୟ କାର୍ପଟଦାର ଭାବେ ମାମଲା ଋଜୁ ହୋଇଥିବା ବେଳେ ଶନିବାର ଦୀର୍ଘ ସମୟର ପଚରା ଉଚରା ପରେ ଗିରଫ କରିଛି କ୍ରାଇମବ୍ରାଞ୍ଚ  ।  ଶୁକ୍ରବାର କ୍ରାଇମବ୍ରାଞ୍ଚର ନୋଟିସ ପରେ ଶନିବାର ହାଜର ହୋଇଥିଲେ ଆଶିଷ ମିଶ୍ରା  । ଚାଷୀଙ୍କୁ ହତ୍ୟା କରିଥିବାନେଇ ଗୋଟେପଟେ ସମଗ୍ର ଦେଶରେ ଆନ୍ଦୋଳନର ନିଆଁ କୁହୁଳୁଥିବା ବେଳେ ଗିରଫ ନେଇ ବିଭିନ୍ନ ଦିଗରୁ ଚାପ ପଡିଥିଲା  । ଆଶିଷ ମିଶ୍ରା ଗିରଫ ହୋଇଥିବା ନେଇ ସୂଚନା ପ୍ରଦାନ କରିଛନ୍ତି ସାହାରନପୁର ଡିଆଇଜି ଉପେନ୍ଦ୍ର ଅଗ୍ରୱାଲ  ।

ଅନ୍ୟପଟେ ପୋଲିସ କାହିଁକି କେନ୍ଦ୍ରମନ୍ତ୍ରୀଙ୍କୁ ପୁଅକୁ ଗିରଫ କରୁନାହିଁ, ସେନେଇ ମଧ୍ୟ ୟୁପି ପୋଲିସ ପ୍ରଶ୍ନ ଘେରରେ ଠିଆ ହୋଇଥିଲା  । ଏହାରି ଭିତରେ ଶନିବାର ଲକ୍ଷିମପୁର ଖେରି କ୍ରାଇମବ୍ରାଞ୍ଚ କାର୍ଯ୍ୟାଳୟରେ ହାଜର ହେବା ନେଇ ନୋଟିସ ଜାରି କରାଯାଇଥିଲା  । ସମୟସର ମହଲତ ଥିଲା ଦିନ ୧୧ଟା  । ସକାଳୁ ଗଣମାଧ୍ୟମର ଗହଳି  । ଚାରିଆଡେ ଛାଇ ଯାଇଛି କ୍ୟାମେରା  । ସମସ୍ତଙ୍କ ନଜର ଥାଏ କେତେବେଳେ କାର୍ଯ୍ୟାଳୟରେ ହାଜିର ହେବେ କେନ୍ଦ୍ରମନ୍ତ୍ରୀଙ୍କ ପୁଅ ଆଶିଷ ମିଶ୍ରା  । ଆଉ ୧୧ଟା ପୂର୍ବରୁ ଅର୍ଥାତ ୧୦ଟା ୩୮ରେ ପହଁଚିଯାଇଥିଲେ କେନ୍ଦ୍ର ମନ୍ତ୍ରୀଙ୍କ ପୁଅ ଆଶିଷ ମିଶ୍ରା  ।

ସ୍ୱତନ୍ତ୍ର ତଦନ୍ତକାରୀ ଟିମ ଆଶିଷ ମିଶ୍ରାଙ୍କୁ ଦୀର୍ଘ ୧୨ ଘଣ୍ଟା ଧରି ପଚରା ଉଚରା ଜାରି ରଖିଥିଲା  । କିନ୍ତୁ ସାହାରନପୁର ଡିଆଇଜିଙ୍କ କହିବା ମୁତାବକ ଦୀର୍ଘ ୧୨ ଘଣ୍ଟାର ତଦନ୍ତ ବେଳେ କେନ୍ଦ୍ରମନ୍ତ୍ରୀଙ୍କ ପୁଅ ଆଶିଷ ମିଶ୍ରା ତଦନ୍ତକାରୀ ଟିମକୁ ସହଯୋଗ କରିନଥିଲେ  । ଅନେକ ପ୍ରଶ୍ନର ଉଚ୍ଚର ମଧ୍ୟ ଦେଇନଥିଲେ  । ଆଶିଷ ମିଶ୍ରାଙ୍କ ସମ୍ପୃକ୍ତି ରହିଥିବା କ୍ରାଇମବ୍ରାଞ୍ଚର ଏହି ତଦନ୍ତକାରୀ ଟିମ ଜାଣିବାକୁ ପାଇଥିଲା  । ପରେ ଆଇନ ମୁତାବକ ଆଶିଷ ମିଶ୍ରାଙ୍କୁ ଗିରଫ କରାଯାଇଥିବା କହିଛନ୍ତି ସାହାରନପୁର ଡିଆଇଡି ଉପେନ୍ଦ୍ର ଅଗ୍ରୱାଲ  ।

ବଡ଼ ଚୋରକୁ ବାନ୍ଧିଲା ପୋଲିସ, ଏକାଧିକ ସ୍ଥାନରୁ ବୁଲାଉଥିଲା କଳାକନା

ରାୟଗଡା: ଗୁଣପୁର ଉପଖଣ୍ଡର ବିଭିନ୍ନ ଚୋରି ଘଟଣାରେ ଜଡିତ ମାଷ୍ଟର ମାଇଣ୍ଡକୁ ଗିରଫ କରିଛି ପୋଲିସ୍ । ଗିରଫ ଅଭିଯୁକ୍ତ ପଦ୍ମପୁର ଅଞ୍ଚଳରେ ରାଜୁ ସାହୁ । ପୋଲିସ ତାଙ୍କ ନିକଟରୁ ୧୬ହଜାର ନଗଦ ଟଙ୍କା, ଦୁଇଟି ବାଇକ, ୬ଟି ମୋବାଇଲ, ୨ ଟି ଲ୍ୟାପଟପ ସହ ଚୋରି କାର୍ଯ୍ୟରେ ବ୍ୟବହୃତ ୨ଟି ଆଇରନ କଟର ଜବତ କରିଛି ।

ଗୁଣପୁର, ଗୁଡ଼ାରୀ, ପଦ୍ମପୁର, ମୁକୁନ୍ଦପୁର, ଅଂଚଳରେ ବିଭିନ୍ନ ବ୍ୟବସାୟ ଅନୁଷ୍ଠାନ ଓ ଘରେ ପଶି ଲୁଟିଥିବା ଗୁଣପୁର ଏସଡିପିଓ ଦାୟୀତ୍ବରେ ଥିବା ବିଷମକଟକ ଏସଡିପିଓ ଆକାଶ ସାହୁ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ରାଜୁଙ୍କ ବିରୋଧରେ ଗୁଣୁପୁର ଉପଖଣ୍ଡର ବିଭିନ୍ନ ଥାନାରେ ୧୨ରୁ ଅଧିକ ମାମଲା ରହିଛି ।

ଆନ୍ଧ୍ରକୁ ଜବାବ୍, କୋଟିଆରେ ସ୍ଥିତି ଦେଖିଲେ କୋରାପୁଟ ଜିଲ୍ଲାପାଳ

କୋରାପୁଟ: ଆନ୍ଧ୍ରକୁ କୋରାପୁଟ ଜିଲ୍ଲା ପ୍ରଶାସନର କଡ଼ା ଜବାବ । ଶୁକ୍ରବାର ଆନ୍ଧ୍ର ପକ୍ଷରୁ କୋଟିଆର ଗଂଜେଇପଦର ପଞ୍ଚାୟତରେ ଗ୍ରାମସଭା କରିଥିଲାବେଳେ ଶନିବାର କୋରାପୁଟ ଜିଲ୍ଲାପାଳ କୋଟିଆ ଗସ୍ତ କରି ଗ୍ରାମବାସୀଙ୍କ ସହ ଆଲୋଚନା କରିଛନ୍ତି । କୋଟିଆର ମାଡକାର ଡୋଲିଆମ୍ବ, ଫାଟୁସିନେରି, ଫଗୁଣସିନେରି, ବ୍ରିଟିଶ ରୋଡ଼ ଅଞ୍ଚଳ ଗସ୍ତକରି ଉନ୍ନୟନ ମୂଳକ କାର୍ଯ୍ୟର ତଦାରଖ ସହ ବାତ୍ୟା କ୍ଷୟକ୍ଷତି ପୂରଋଦ୍ଧାର କାମର ଅନୁଧ୍ୟାନ କରିଛନ୍ତି ।

ସେପଟେ ତାଡିୱାଲସା ନିକଟରେ ବନ୍ୟା ପାଣିରେ ରାସ୍ତା ଓ ପୋଲ ଧୋଇ ଯାଇଥିଲା । ତେବେ ବର୍ତମାନ ଯୋଗାଯୋଗ ସ୍ବାଭାବିକ କରାଯାଇଛି । ଜିଲ୍ଲାପାଳଙ୍କ ସହ କୋରାପୁଟ ପିଡି ଡିଆରଡିଏ, ପଟାଙ୍ଗି ବିଡ଼ିଓ, କୋରାପୁଟ ଆଇଟିଡିଏ ଓ ଗ୍ରାମ୍ୟ ନିର୍ମାଣ ବିଭାଗ ଯନ୍ତ୍ରୀ ପ୍ରମୁଖ ଗସ୍ତ କରିଥିଲେ ।

ଆଶ୍ୱସ୍ଥ କରୁଛି RMRC ସର୍ଭେ: ଟିକା ନେବା ପରେ ସ୍ୱାସ୍ଥ୍ୟକର୍ମୀଙ୍କ ବଢିଛି ଆଣ୍ଟିବଡି

ଭୁବନେଶ୍ୱର: କରୋନାରେ ସଂକ୍ରମିତ ସ୍ବାସ୍ଥ୍ୟକର୍ମୀ ଟିକା ନେବା ପରେ ବଢିଛି ଆଣ୍ଟିବଡି । ସ୍ବାସ୍ଥ୍ୟ କର୍ମୀଙ୍କ ଠାରେ ଅଧିକ ଆଣ୍ଟିବଡି ବଢିଥିବା RMRC ପକ୍ଷରୁ ହୋଇଥିବା ସର୍ଭେରୁ ଜଣାପଡିଛି । ଜାନୁୟାରୀରୁ ଏପ୍ରିଲ ମଧ୍ୟରେ କରାଯାଇଥିବା ଏହି ସର୍ଭେରୁ ସ୍ପଷ୍ଟ ହୋଇଛି ଯେ, ପୂର୍ବରୁ ସଂକ୍ରମିତ ଥିବା ସ୍ବାସ୍ଥ୍ୟକର୍ମୀଙ୍କ ଠାରେ ପ୍ରଥମ ଡୋଜ୍ ଟିକା ନେବାପରେ ୯୬ ପ୍ରତିଶତ ଆଣ୍ଟିବଡି ସୃଷ୍ଟି ହୋଇଛି । ସଂକ୍ରମିତ ହୋଇ ନଥିବା ସ୍ବାସ୍ଥ୍ୟକର୍ମୀଙ୍କ ଠାରେ ପ୍ରଥମ ଡୋଜ୍ ଟିକା ନେବାପରେ ୬୧.୩ ପ୍ରତିଶତ ଆଣ୍ଟିବଡି ପରିଲକ୍ଷିତ ହୋଇଛି ।

ତେବେ ଆଦୌ ସଂକ୍ରମିତ ହୋଇନଥିବା ସ୍ବାସ୍ଥ୍ୟକର୍ମୀଙ୍କ କ୍ଷେତ୍ରରେ ଦ୍ବିତୀୟ ଡୋଜ ଟିକା ପରେ ୮୨.୭ ପ୍ରତିଶତ ଆଣ୍ଟିବଡି ଥିବା ଦେଖାଯାଇଛି । ୧୩୪ ଜଣ ସ୍ବାସ୍ଥ୍ୟକର୍ମୀଙ୍କୁ ନେଇ RMRC ପକ୍ଷରୁ ସର୍ଭେ କରାଯାଇଥିଲା । ସମସ୍ତ ସ୍ବାସ୍ଥ୍ୟ କର୍ମୀ ଦୁଇଟି ଡୋଜ୍ ଟିକା ନେଇଥିଲେ । ସେମାନଙ୍କ ମଧ୍ୟରୁ ୫୯ ଜଣ ପୂର୍ବରୁ କରୋନା ସଂକ୍ରମିତ ହୋଇଥିଲେ ।