spot_img
Home Blog Page 5264

ଏବେ ଏୟାର ଇଣ୍ଡିଆର ଭାର ସମ୍ଭାଳିବ Tata Sons, ସରକାର ମାରିଲେ ମୋହର

ନୂଆଦିଲ୍ଲୀ: ଭାରତର ସବୁଠାରୁ ବଡ଼ ବିମାନ ସେବା ପ୍ରଦାନକାରୀ ଏୟାର ଇଣ୍ଡିଆ ଘରୋଇକରଣ ପ୍ରକ୍ରିୟା ଶେଷ ହୋଇଛି । ବର୍ଷ ଧରି ଚାଲିଥିବା ନିଲାମରେ ଏବେ ଏୟାର ଇଣ୍ଡିଆକୁ ନୂଆ ମାଲିକ ମଳିଛି । ସରକାର ଏହାର ମାଲିକଙ୍କ ନାମରେ ଆଜି ମୋହର ମାରିଛନ୍ତି । କେନ୍ଦ୍ର ସରକାରଙ୍କ ଡିପାର୍ଟମେଣ୍ଟ ଅଫ୍‌ ଇନ୍‌ଭେଷ୍ଟମେଣ୍ଟ ଏଣ୍ଡ ପବ୍ଲିକ୍‌ ମ୍ୟାନେଜ୍‌ମେଣ୍ଟ (Department of Investment and Public Asset Management- DIPAM)ବା ଦିପମ୍‌ ଏନେଇ ସାମ୍ୱାଦିକ ସମ୍ମିଳନୀ କରି ସୂଚନା ଦେଇଛି ।

କେନ୍ଦ୍ର ସରକାର ଏହି ପ୍ରକ୍ରିୟାରେ ଟାଟା ସହିତ କିଛି ସର୍ତ୍ତ ରଖିଥିବା ଜଣାପଡ଼ିଛି । ଦୀପମ୍‌ର ସଚିବ ତୁହିନକାନ୍ତ ପାଣ୍ଡେ ଏ ନେଇ ଗଣମାଧ୍ୟମକୁ ଜଣାଇଥିବା ବେଳେ କମ୍ପାନୀର ଜମି ଓ ଅଫିସ୍‌ ଗୃହ କେନ୍ଦ୍ର ସରକାର ଅଧିନରେ ରହିବ ବୋଲି ସେ କହିଛନ୍ତି । ଋଣରେ ବୁଡ଼ି ରହିଥିବା ଏୟାର ଇଣ୍ଡିଆ କମ୍ପାନୀରୁ ଭାରତ ସରକାର ନିଜ ଅଂଶଧନ ପ୍ରତ୍ୟାହାର କରିବେ ବୋଲି ନିଷ୍ପତ୍ତି ନେଇଥିଲେ । ଏଥି ପାଇଁ ନିଲାମ ଡକାଯାଇଥିଲା ।  ମୋଟ ୭ଟି ସଂସ୍ଥା ଏହି ପ୍ରକ୍ରିୟାରେ ଭାଗ ନେଇଥିଲେ । ୧୮ ହଜାର କୋଟିର ବିଡ୍‌ ଦାଖଲ କରିଥିଲା ଟାଟା । ସରକାର ଆଜି ଏହି ବିଡ୍‌ରେ ମୋହର ମାରିଛନ୍ତି ।

କରଜରେ ବୁଡ଼ି ରହିଥିବା ଏହି ରାଷ୍ଟ୍ରାୟତ୍ତ କମ୍ପୀନୀ ଏଣିକି ଟାଟା ଗ୍ରୁପ ଅଧୀନରେ ରହିବ । କିଛିଦିନ ତଳେ ଏୟାର ଇଣ୍ଡିଆ ବିକ୍ରୟ ପ୍ରକ୍ରିୟାରେ ସର୍ବାଧିକ ମୂଲ୍ୟରେ ନିଲାମ ଜିତିଥିଲା ଟାଟା ଗ୍ରୁପ୍ । ଟାଟା ଗ୍ରୁପ୍‌ର ଅଜୟ ସିଂ ଏବଂ ସ୍ପାଇସଜେଟ୍‌ ଏୟାର ଇଣ୍ଡିଆ ପାଇଁ ଟେଣ୍ଡର ଡାକିଥିଲେ । ଏହାପୂର୍ବରୁ ୨୦୧୮ରେ ସରକାର କମ୍ପାନୀର ୭୬ ପ୍ରତିଶତ ଅଂଶଧନ ବିକ୍ରୟ କରିବାକୁ ନିଷ୍ପତ୍ତି ନେଇଥିଲେ । ଟାଟା ସନ୍ସ ଏୟାର ଇଣ୍ଡିଆ ବିଡ ଜିତିଥିଲା । ଏହାର ଆନୁଷ୍ଠାନିକ ଘୋଷଣା ପୂର୍ବରୁ ହୋଇନଥିଲା ।

୨୦୦୭ ରେ ଇଣ୍ଡିଆନ୍ ଏୟାରଲାଇନ୍ସ ସହିତ ମିଶ୍ରଣ ହେବା ପରଠାରୁ ଏୟାର ଇଣ୍ଡିଆର ନିଟ୍ ଲାଭ ହୋଇନାହିଁ । ୩୧ମାର୍ଚ୍ଚ ୨୦୧୯ ସୁଦ୍ଧା କମ୍ପାନୀର ମୋଟ ୬୦,୬୭୪ କୋଟି ଟଙ୍କା ଋଣ ଥିଲା । କିନ୍ତୁ ବର୍ତ୍ତମାନ ଟାଟା ସନ୍ସଙ୍କୁ ଏଥିରୁ ୨୩,୨୮୬.୫କୋଟି ଟଙ୍କା ବୋଝ ସହିବାକୁ ପଡିବ ।

କୁଲର ଲଗାଇ ଶୋଇଥିଲେ ପରିବାର ଲୋକ, ଆନାସ୍ଥେସିଆ ସ୍ପ୍ରେ କରି ଘର ଲୁଟିନେଲେ ଚୋର

ଜୟପୁର: ଗତକାଲି ରାତିରେ ରାଜସ୍ଥାନର ଯମୁନାନଗରର ଚୌଧୁରୀ କଲୋନୀରେ ତିନୋଟି ଘରେ ଚୋରି ହୋଇଛି । ଏହି ଘରର ପରିବାର ସଦସ୍ୟମାନେ ରୁମରେ କୁଲର୍ ଲଗାଇ ଶୋଇଥିଲେ । ଚୋର ଅତି ଚତୁରତାର ସହ କୁଲରରେ ନିଶା ମେଡିସିନ ସ୍ପ୍ରେ କରିବା ପରେ ସମସ୍ତେ ତାହା କବଳରେ ଆସିଥିଲେ । ଏହାପରେ ଚୋରଟି ଅତି ସହଜରେ ଘରେ ଚୋରି କରିଥିଲା । ତେବେ କୁଲରେ ନିଶା ମେଡିସିନ ସ୍ପ୍ରେ କରୁଥିବା ସିସିଟିଭି କ୍ୟାମେରାରେ କଏଦ ହୋଇଛି । ପୋଲିସ ଏକ ମାମଲା ରୁଜୁ କରି ଚୋରକୁ ଖୋଜିବା ଆରମ୍ଭ କରିଛି ।

କୁଲର ଲଗାଇ ଶୋଇଥିବା ପରିବାର ଲୋକ କେବେ କଳ୍ପନା ବି କରି ନଥିବେ ଯେ, ଚୋର କୁଲରକୁ ଚୋରିର ସବୁଠାରୁ ବଡ ଅସ୍ତ୍ରରେ ପରିଣତ କରିବେ । ଚୋର ପ୍ରଥମେ କୁଲରରେ ଆନାସ୍ଥେଟିକ୍ ସ୍ପ୍ରେ କଲା, ତାପରେ ଘରର ଭିତରେ ପଶି ଅତି ସହଜରେ ନଗଦ ଟଙ୍କା ଏବଂ ମୂଲ୍ୟବାନ ଜିନିଷ ଚୋରି କଲା । ଚୋର ଗୋଟିଏ ଘରୁ ୧୧ ହଜାର, ଆଉ ଏକ ଘରୁ ୧୭ ହଜାର ଟଙ୍କା ଚୋରି କରିନେଇଗଲେ ।

ଏହି ମାମଲାରେ ପୋଲିସ ଅଧିକାରୀ କହିଛନ୍ତି ଯେ ଚୌଧୁରୀ କଲୋନୀରେ ଚୋରି ଘଟଣା ଘଟିଥିବାର ଅଭିଯୋଗ ଆସିଛି, ସିସିଟିଭି ଫୁଟେଜ ପାଖରେ ଅଛି ଏବଂ ତଦନ୍ତ ଚାଲିଛି। ସମସ୍ତ ଲୋକଙ୍କ କହିବା ଅନୁଯାୟୀ ଯେତେବେଳେ ସେମାନେ ସକାଳୁ ଉଠିଲେ, ସେତେବେଳେ ତାଙ୍କର ମୁଣ୍ଡବିନ୍ଧା ହୋଇଥିଲା, ତେଣୁ ସମସ୍ତଙ୍କର ଚିକିତ୍ସା ମଧ୍ୟ କରାଯିବ ।

ଧର୍ମଶାଳାରେ ବିଜେଡିର ମିଶ୍ରଣ ପର୍ବ, ଦଳରେ ମିଶିଲେ ଶତାଧିକ ବିଜେପି କର୍ମୀ

ଚଣ୍ଡିଖୋଲ: ଯାଜପୁର ଜିଲ୍ଲା ଧର୍ମଶାଳାରେ ବିଜେଡିର ମିଶ୍ରଣ ପର୍ବଷ । ଧର୍ମଶାଳାରେ ବଢୁଛି ବିଜେଡିର ବଳ । ଧର୍ମଶାଳା ନିର୍ବାଚନ ମଣ୍ଡଳିର ଶତାଧିକ ବିଜେପି କର୍ମୀ ବିଜେଡିରେ ସାମିଲ୍ ହୋଇଛନ୍ତି । ଯାଜପୁର ଜିଲ୍ଲା ଜାରକା ସ୍ଥିତ କଳ୍ପତରୁ ଦାସ ଷ୍ଟାଡିଅମ ପରିସରରେ ଏହି ମିଶ୍ରଣ ପର୍ବ ଅନୁଷ୍ଠିତ ହୋଇଛି । ପୂର୍ବରୁ ଧର୍ମଶାଳା ନିର୍ବାଚନ ମଣ୍ଡଳିର ବିଜେପି ବିଧାୟକ ପାର୍ଥୀ ରମେଶ ଚନ୍ଦ୍ର ପରିଡ଼ି ଓ ବହୁ ବିଜେପି କାର୍ଯକର୍ତ୍ତା ବିଜେଡିରେ ମିଶିଥିଲେ ।

 Several BJP Worker Joins BJD At Dharmasala

ଆଜି ରମେଶ ଚନ୍ଦ୍ର ପରିଡ଼ାଙ୍କ ନେତୃତ୍ୱରେ ପାଖାପାଖି ୫ ଶହରୁ ଊର୍ଦ୍ଧ୍ୱ ବିଜେପି କର୍ମୀ ଧର୍ମଶାଳାର ବିଧାୟକ ପ୍ରଣବ ବଳବନ୍ତରାୟଙ୍କ ଉପସ୍ଥିତିରେ ବିଜେଡିରେ ସାମିଲ ହୋଇଛନ୍ତି । ମୁଖ୍ୟମନ୍ତ୍ରୀଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ବିଜେଡିରେ ମିଶିଛନ୍ତି । ଏହି ମିଶ୍ରଣ ଦଳକୁ ଆଗାମୀ ଦିନରେ ଆହୁରି ମଜଭୁତ୍ କରିବା ସହ ଧର୍ମଶାଳାର ବିକାଶର ଧାରାକୁ ଆହୁରି ଆଗକୁ ନେବ ବୋଲି କହିଛନ୍ତି ବିଧାୟକ ପ୍ରଣବ ବଳବନ୍ତରାୟ ।

ଗର୍ଲଫ୍ରେଣ୍ଡକୁ ଭିକ ମାଗିବାକୁ ବାଧ୍ୟ କରି ସେଇ ଟଙ୍କାରେ ଅଏସ କରୁଥିଲା ବୟଫ୍ରେଣ୍ଡ, ପ୍ରତିବାଦ କଲେ ଦେଉଥିଲା ନିର୍ଯାତନା

ନୂଆଦିଲ୍ଲୀ: ପ୍ରେମିକାକୁ ଭିକ ମାଗିବାକୁ ବାଧ୍ୟ କରି ସେହି ଟଙ୍କାଙ୍କୁ ଖୁବ୍ ମନ ଖୁସିରେ ଖର୍ଚ୍ଚ କରୁଥିଲା ପ୍ରେମିକ। କେବଳ ସେତିକି ନୁହେଁ ପର୍ଯ୍ୟାପ୍ତ ଟଙ୍କା ରୋଜଗାର ନକଲେ ସେ ତାଙ୍କ ପ୍ରେମିକାକୁ ଅତି ନିର୍ମମ ଭାବରେ ମାଡ ମାରୁଥିଲେ। ସେତେବେଳେ ତ ସେ ସବୁ ସୀମା ପାର କରିଦେଇଥିଲା, କେତେବେଳେ ପେଚକସ୍ ଦ୍ବାରା ଆଘାତ କରୁଥିଲା ତ ଆଉ କେବେ ନିସ୍ତୁତ ମାଡ ମାରୁଥିଲା। ବର୍ତ୍ତମାନ ଏହି ଘଟଣାରେ ଯୁବତୀଙ୍କ ପ୍ରେମିକକୁ ଗିରଫ କରାଯାଇଛି।

 

 

‘ମିରର ୟୁକେ’ର ରିପୋର୍ଟ ଅନୁସାରେ, କାନାଡାର ୨୨ ବର୍ଷୀୟ ନିକୋଲ କ୍ଲାର୍ଜ ନିଜର ୨୧ ବର୍ଷୀୟ ବୟଫ୍ରେଣ୍ଡ ହେଲମ୍‌ଙ୍କୁ ନେଇ ଆଶ୍ଚର୍ଯ୍ୟ କରିଦେବା ଭଳି କଥା କହିଛନ୍ତି। ନିକୋଲ କହିଛନ୍ତି, କାଇଲ ଆରମ୍ଭରୁ ହିଁ ମୋତେ ମୋର ପରିବାର ଓ ବନ୍ଧୁଙ୍କଠାରୁ ଅଲଗା କରିଦେଇଥିଲା। ଏପରିକି ଏହି ଯୋଡି ଏକ ହଷ୍ଟେଲରେ ରହୁଥିଲେ ଓ କିଛି ସପ୍ତାହରେ ସେ ପରସ୍ପରକୁ ଡେଟ୍ କରୁଥିଲେ। କିନ୍ତୁ ଦିନେ କାଇଲ ନିଶାରେ ନିକୋଲଙ୍କ ମୁହଁକୁ ମୁଥା ମାରିଦେଇଥିଲା। ନିକୋଲ ବିରୋଧ କରିବା ପରେ ସେ ତାକୁ କ୍ଷମା ମାଗିଥିଲା ଓ କଥାକୁ ଟାଳି ଦେଇଥିଲା। କିନ୍ତୁ ଦିନକୁ ଦିନ କାଇଲ ନିଜର ଗର୍ଲଫ୍ରେଣ୍ଡ ନିକୋଲ ଉପରେ ଲଗାମ ଲଗାଇବାର ଚେଷ୍ଟା କରିଥିଲା। ସେ ତାକୁ ବନ୍ଧକ ରଖି ଗୋଲାମଙ୍କ ଭଳି ବ୍ୟବହାର କରିଥିଲା।

ପିଛା ଛଡାଇବା ପାଇଁ ନିକୋଲ ନିଜର ରୁମ୍ ବଦଳାଇ ଦେଇଥିଲେ, ହେଲା କାଇଲ ପୁଣିଥରେ ଖୋଜିଖୋଜି ପହଁଞ୍ଚି ଯାଇଥିଲା। ସେ ପ୍ରତିଦିନ ନିକୋଲଙ୍କ ମୋବାଇଲ୍ ଚେକ୍ କରୁଥିଲା, କାହା ସହିତ କଥା ହେବାକୁ ଦେଉନଥିଲା ଓ ସବୁବେଳେ ମାଡ ମାରୁଥିଲା। କେବଳ ସେତିକି ନୁହେଁ ନିକୋଲଙ୍କ କ୍ରେଡିଟ୍ କାର୍ଡ ମଧ୍ୟ ନିଜ ପାଖରେ ରଖୁଥିଲା। ସବୁ ଟଙ୍କା ମଦ ଉପରେ ଖର୍ଚ୍ଚ କରିଦେଉଥିଲା, କିନ୍ତୁ ଦିନେ ସେ ସବୁ ସୀମା ପାର କରିଦେଇଥିଲା।

ନିକୋଲଙ୍କ କହିବା ଅନୁସାରେ, ୨୦୧୮ ରେ କାଇଲ କୌଣସି ଭିକାରୀ ସହ ମିଶିକି ଆସିଥିଲା ଓ ମୋ​‌ତେ ଭିକ ମାଗିବାକୁ ବାଧ୍ୟ କରିଥିଲା। ଭୟରେ ନିକୋଲ Peterborough  ଟାଉନ୍ ସେଣ୍ଟରରେ ଶୀତରେ ମଧ୍ୟ ରାସ୍ତା ଉପରେ ଅଜଣା ଲୋକଙ୍କୁ ଭିକ ମାଗୁଥିଲେ। କିନ୍ତୁ ଦିନେ ରୋଜଗାର କମ୍ ଥିଲା, ତେଣୁ କାଇଲ ରାଗି ଯାଇଥିଲା। ସେ ପେଚକସ୍‌ରେ ନିକୋଲାଙ୍କ ଆଣ୍ଠୁକୁ ଖୋବିବାରେ ଲାଗିଥିଲା। ଏହାଦ୍ବାରା ନିକୋଲ ଗୁରୁତର ଭାବରେ ଆହତ ହୋଇଥିଲେ। ଭିକ ମାଗି ଆଣୁଥିବା ଟଙ୍କାକୁ କାଇଲ ମଦ ପିଇ ଉଡାଇ ଦେଉଥିଲା। ଦିନେ ମଝି ରାସ୍ତାରେ ନିକୋଲଙ୍କୁ ମାଡ ମାରୁଥିବାର ଦେଖି ଜଣେ ମହିଳା ତାଙ୍କୁ ଘରକୁ ନେଇ ଯାଇଥିଲେ। ଏହାପରେ ସମ୍ପୂର୍ଣ୍ଣ କଥା ପୋଲିସକୁ କହିଥିଲେ। ଏହାପରେ ପୋଲିସ କାଇଲକୁ ଗିରଫ କରିଥିଲା। ଏହି ଘଟଣାରେ ନିକୋଲକୁ ୪ ବର୍ଷ ଜେଲ୍ ଦଣ୍ଡ ଶୁଣାଯାଇଛି।

ନନ୍ଦନକାନନକୁ ଆସିବେ ନୂଆ ଅତିଥି

ଭୁବନେଶ୍ୱର: ଖୁବଶୀଘ୍ର ନନ୍ଦନକାନନକୁ ଆସିବେ ନୂଆ ଅତିଥି । ଜୟପୁର ଚିଡ଼ିଆଖାନାରୁ ଆସୁଛନ୍ତି ୮ଟି ନୂଆ ପ୍ରାଣୀ । ସେଥି ମଧ୍ୟରେ ୨ଟି ଚିତା ବାଘ, ୨ଟି ଘଡ଼ିଆଳ କୁମ୍ଭୀର, ୨ଟି ପେଚ୍ଚା ଓ ୨ଟି ଚିଙ୍କାରା ଜାତୀୟ ହରିଣ ଅଛନ୍ତି । ଜୟପୁର ଚିଡ଼ିଆଖାନାରୁ ନନ୍ଦନକାନନ ଅଭିମୁଖେ ସମସ୍ତ ପ୍ରାଣୀ ବାହାରି ସାରିଥିବା ବେଳେ ଦିନେ କିମ୍ବା ଦୁଇ ଦିନ ମଧ୍ୟରେ ଏଠାରେ ପହଞ୍ଚିବେ । ନନ୍ଦନକାନନରେ ପହଞ୍ଚିବା ପରେ ସମସ୍ତ ପ୍ରାଣୀଙ୍କୁ ୧୪ ଦିନର କ୍ୱାରେଣ୍ଟାଇନରେ ରଖାଯିବ । ତାହାର ଦୁଇ ଦିନ ପରେ ପର୍ଯ୍ୟଟକଙ୍କ ପାଇଁ ଉନ୍ମୁକ୍ତ ରହିବ ବୋଲି ସୂଚନା ଦେଇଛନ୍ତି ନନ୍ଦନକାନନର ଉପ ନିର୍ଦ୍ଦେଶକ ସୁଜିତ କୁମାର ।

New Animal To Brought To Nandankanan Zoo

ଅନ୍ୟପଟେ ନନ୍ଦନକାନନରେ ମାଇ ଜିରାଫ ଥିବା ବେଳେ ଜିରାଫ ବଂଶ ବୃଦ୍ଧି କରିବା ଉଦ୍ଦେଶ୍ୟରେ ପୁରୁଷ ଜିରାଫ ଖୋଜା ଚାଲିଛି । ଗଣ୍ଡା ପାଇଁ ମଧ୍ୟ ଅନୁରୁପ ଭାବେ ପାଟନା ଚିଡ଼ିଆଖାନା କର୍ତ୍ତୃପକ୍ଷଙ୍କ ସହ ଆଲୋଚନା ଚାଲିଥିବା ସେ ସୂଚନା ଦେଇଛନ୍ତି । ଆସନ୍ତା ୧୦ତାରିଖରେ ଚିଡ଼ିଆଖାନା କର୍ତ୍ତୃପକ୍ଷମାନଙ୍କ ସମ୍ମିଳନୀ ଥିବା ବେଳେ ସେଠାରେ କେଉଁ ଚିଡ଼ିଆଖାନାରୁ କେଉଁ ପ୍ରାଣୀ ଯିବେ ସେନେଇ ନିଷ୍ପତ୍ତି ହେବ ବୋଲି ସେ କହିଛନ୍ତି ।

ଓଡ଼ିଶା କୃଷି କନକ୍ଲେଭ-୨୦୨୧ର ଉଦଘାଟନ୍ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ରାଜ୍ୟରେ କୃଷକଙ୍କ ଆୟ ବୃଦ୍ଧିକୁ ଗୁରୁତ୍ୱ । ଓଡ଼ିଶା କୃଷି କନକ୍ଲେଭ-୨୦୨୧ର ଉଦଘାଟନ କରି ମୁଖ୍ୟମନ୍ତ୍ରୀ ଚାଷୀଙ୍କ ଆୟ ବୃଦ୍ଧି ପାଇଁ ଆବଶ୍ୟକ ପଦକ୍ଷେପ ନେବାକୁ ଗୁରୁତ୍ୱ ଦେଇଛନ୍ତି । ଏବେ କୃଷି ଓ ଆନୁସଙ୍ଗିକ କ୍ଷେତ୍ର ପାଇଁ ଜାତୀୟ ଓ ବିଶ୍ୱ ବଜାରକୁ ଉନ୍ମୁକ୍ତ ହୋଇଛି । ଚାଷୀଙ୍କ ପାଇଁ ବଜାର ସୁବିଧା ବୃଦ୍ଧି ସାଙ୍ଗକୁ ମଧ୍ୟସ୍ଥି ବ୍ୟବସ୍ଥାକୁ ଚେକ୍ ଦେବାକୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ । ଓଡ଼ିଶାରେ ପୁଞ୍ଜିନିବେଶ ପାଇଁ ଉପଯୁକ୍ତ ବାତାବରଣ ରହିଥିବାରୁ ଜାତୀୟ ସ୍ତରର କୃଷିଭିତ୍ତିକ କମ୍ପାନୀମାନେ ଏ ଦିଗରେ ଆଗେଇ ଆସିବାକୁ ମୁଖ୍ୟମନ୍ତ୍ରୀ ଆହ୍ୱାନ ଦେଇଛନ୍ତି ।

ଚାଷ ଓ ଚାଷୀଙ୍କ ପାଇଁ ରାଜ୍ୟ ସରକାର ଗ୍ରହଣ କରିଥିବା ଏକାଧିକ କାର୍ଯ୍ୟକ୍ରମର ସୁଫଳ ମିଳୁଛି । ତୃଣମୂଳ ସ୍ତରରେ କୃଷି କ୍ଷେତ୍ରରେ ଉତ୍ପାଦନ ବଢୁଛି । ଏବେ ରାଜ୍ୟର ଚାଷୀମାନେ ଆଧୁନିକ ଯନ୍ତ୍ରପାତି ବ୍ୟବହାର କରିବାର ସମୟ ଆସିଛି । କ୍ରମାଗତ ପ୍ରାକୃତିକ ବିପର୍ଯ୍ୟୟ ସତ୍ତ୍ୱେ ଉତ୍ପାଦନ ଯେଭଳି ପ୍ରଭାବିତ ନହେବ ସେନେଇ ସରକାର ସବୁ ପଦକ୍ଷେପ ଗ୍ରହଣ କରାଯାଉଥିବା ମୁଖ୍ୟମନ୍ତ୍ରୀ କହିଛନ୍ତି ।

ମାରିଆ ରେସା ଓ ଦିମିଟ୍ରି ମୁରାତୋଭାଙ୍କୁ ନୋବେଲ ଶାନ୍ତି ପୁରସ୍କାର

ନୂଆଦିଲ୍ଲୀ: ୨୦୨୧ ପାଇଁ ନୋବେଲ ଶାନ୍ତି ପୁରସ୍କାର ଘୋଷଣା ହୋଇଛି । ନରୱେ ନୋବେଲ କମିଟି ୨୦୨୧ ନୋବେଲ ଶାନ୍ତି ପୁରସ୍କାର ମାରିଆ ରେସା ଏବଂ ଦିମିତ୍ରୀ ମୁରାତୋଭଙ୍କୁ ଏହି ପୁରସ୍କାର ପ୍ରଦାନ କରାଯିବ । ତେବେ ‘ଅଭିବ୍ୟକ୍ତିର ସ୍ୱାଧୀନତା ରକ୍ଷା ତଥା ଗଣତନ୍ତ୍ର ତଥା ଚିରସ୍ଥାୟୀ ଶାନ୍ତି ‘ଉଦ୍ୟମ ପାଇଁ ମାରିଆ ରେସା ଏବଂ ଡିମିଟ୍ରି ମୁରାଟୋଭଙ୍କୁ ୨୦୨୧ ନୋବେଲ ଶାନ୍ତି ପୁରସ୍କାର ପ୍ରଦାନ କରାଯାଇଛି ।

ମାରିଆ ରେସା ଫିଲିପାଇନ୍ସ ଏବଂ ଡିମିଟ୍ରି ମୁରାତୋଭ ଋଷର ବାସିନ୍ଦା ଅଟନ୍ତି । ଉଲ୍ଲେଖଯୋଗ୍ୟ ଯେ ୨୦୨୦ ମସିହାରେ ବିଶ୍ୱ ଖାଦ୍ୟ କାର୍ଯ୍ୟକ୍ରମ (ଡବ୍ଲୁଏଫପି) କୁ ନୋବେଲ ଶାନ୍ତି ପୁରସ୍କାର ପ୍ରଦାନ କରାଯାଇଥିଲା । ଷ୍ଟକହୋମରେ ଥିବା ରୟାଲ୍ ସ୍ୱିଡିଶ୍ ଏକାଡେମୀ ଅଫ୍ ସାଇନ୍ସେସ୍ ପ୍ୟାନେଲ ପକ୍ଷରୁ ନାଁ ଘୋଷଣା କରାଯାଇଛି ।

ହୋଇପାରିଲାନି ବେଲ୍: ଏବେ ଜେଲରେ ସୁପରଷ୍ଟାରଙ୍କ ପୁଅ ଆର୍ୟନ ଖାନ

ମୁମ୍ୱାଇ: ବଲିଉଡର ବାଦଶାହ ଶାହାରୁଖଙ୍କ ପୁଅ ଆର୍ଯ୍ୟନ୍‌ ଖାନଙ୍କୁ ମିଳିଲାନି ବେଲ୍ । ଶେଷରେ ଜେଲ୍‌ ଗଲେ ଷ୍ଟାର ସନ୍‌ । ମୁମ୍ବାଇର ଜିଲ୍ଲା କୋର୍ଟରେ ଜାମିନ୍‌ ଆବେଦନ ନେଇ ଶୁଣାଣି ପରେ ଏହି ନିଷ୍ପତ୍ତି ହୋଇଛି । ମୁମ୍ବାଇର ଆର୍ଥର ରୋଡ ଜେଲ୍‌ ଯାଇଛନ୍ତି ଆର୍ଯ୍ୟନ୍‌ ଖାନ୍ । ହସ୍ପିଟାଲରେ ଆର୍ଯ୍ୟନ୍‌ଙ୍କ କୋଭିଡ଼ ଟେଷ୍ଟ ଓ ସ୍ବାସ୍ଥ୍ୟ ପରୀକ୍ଷା ହୋଇଛି ।

ପରେ ଏନ୍‌ସିବି ହେପାଜତରୁ ବିଚାର ବିଭାଗୀୟ ହାଜତ ଯାଇଛନ୍ତି ଆର୍ଯ୍ୟନ୍‌ ଖାନ୍‌ । ଆର୍ଯ୍ୟନ୍ ଖାନ୍ ଗତ ୭ ଦିନ ଧରି ଏନସିବି ହେପାଜତରେ ଅଛନ୍ତି । ମୁମ୍ବାଇରୁ ଗୋଆ ଯିବାକୁ ଥିବା ଏକ କ୍ରୁଜ୍ ଜାହାଜରେ ଚାଲୁଥିବା ଡ୍ରଗ୍ ପାର୍ଟିର ସାମିଲ ଥିବାରୁ ତାଙ୍କୁ ନାର୍କୋଟିକ୍ସ କଣ୍ଟ୍ରୋଲ୍ ବ୍ୟୁରୋ ଗିରଫ କରିଥିଲା । ଅକ୍ଟୋବର ୨ ଶନିବାର ଦିନ ତାଙ୍କୁ ଏନସିବି ଗିରଫ କରିଥିଲା। ତେବେ ଆର୍ଯ୍ୟନ ଖାନଙ୍କ ପାଖରୁ କୌଣସି ଡ୍ରଗ୍ସ ଜବତ କରାଯାଇ ନାହିଁ ବୋଲି କୁହାଯାଇଥିଲା ।

ସେପଟେ ଆଜି ମାଆ ଗୌରୀ ଖାନଙ୍କ ଜନ୍ମଦିନ ଥିଲା । ଏହି ଅବସରରେ ଶାହାରୁଖ ଏବଂ ଗୌରୀ ନିଜ ପୁଅକୁ ଯଥାଶୀଘ୍ର ନିଜ ଘରେ ଦେଖିବାକୁ ଚାହୁଁଥିଲେ । ଏଥି ସହିତ ବଲିଉଡର ସେଲିବ୍ରେଟମାନେ ଖୋଲାଖୋଲି ଭାବେ ଶାହାରୁଖ ଏବଂ ଆର୍ଯ୍ୟନଙ୍କୁ ସମର୍ଥନ କରୁଥିଲେ। ସମ୍ପ୍ରତି, ହ୍ରିତିକ ଆର୍ଯ୍ୟଙ୍କ ପାଇଁ ଏକ ଲମ୍ବା ପୋଷ୍ଟ ସେୟାର କରିଥିଲେ, ଯେଉଁଥିରେ ସେଲିବ୍ରିଟିମାନେ ପ୍ରତିକ୍ରିୟା ପ୍ରକାଶ କରିଥିଲେ ।

ପଞ୍ଚାୟତ ନିର୍ବାଚନ ନେଇ ପ୍ରସ୍ତୁତି: ସଂରକ୍ଷଣ ନେଇ ଜିଲ୍ଲାସ୍ତରରେ ଚିଠା ବିଜ୍ଞପ୍ତି ପ୍ରକାଶ ପାଇବ

ଭୁବନେଶ୍ୱର: ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଆସନ ସଂରକ୍ଷଣ ବ୍ୟବସ୍ଥା ନେଇ ଆଜି ପ୍ରକାଶ ପାଇବ ଚିଠା ତାଲିକା । କେଉଁ ଆସନ କାହା ପାଇଁ ସଂରକ୍ଷଣ ହେବ ସେ ନେଇ ଜିଲ୍ଲା ସ୍ତରରେ ଚିଠା ବିଜ୍ଞପ୍ତି ପ୍ରକାଶ ପାଇବ  ।  ୱାର୍ଡ ମେମ୍ବର, ସରପଞ୍ଚ, ସମିତି ସଭ୍ୟ, ବ୍ଲକ ଅଧ୍ୟକ୍ଷ, ଜିଲ୍ଲା ପରିଷଦ ସଦସ୍ୟ ଆସନ ସଂରକ୍ଷଣ  ଲାଗି ଏହି ଚିଠା ବିଜ୍ଞପ୍ତି ପ୍ରକାଶ ପାଉଛି । ସଂରକ୍ଷଣରେ କାହାର କିଛି ଆପତ୍ତି ଥିଲେ ୧୬ ତାରିଖ ସୁଦ୍ଧା ଅଭିଯୋଗ କରାଯାଇପାରିବ ।୨୧ ତାରିଖ ସୁଦ୍ଧା ଜିଲାପାଳ ଅଭିଯୋଗର ଶୁଣାଣି କରି ସମାଧାନ କରିବେ ।

୨୬ ତାରିଖରେ ଚୂଡାନ୍ତ ତାଲିକା ପ୍ରକାଶ ପାଇବ । ସେହିପରି କେଉଁ ଜିଲ୍ଲା ପରିଷଦ ସଦସ୍ୟ ଆସନ ସଂରକ୍ଷଣ ପାଇଁ କାହାର କିଛି ଆପତ୍ତି ଥିଲେ ୧୮  ତାରିଖ ସୁଦ୍ଧା ଅଭିଯୋଗ କରିପାରିବେ । ୨୨ ତାରିଖରେ ଶୁଣାଣି କରି ଜିଲ୍ଲାପାଳଙ୍କ ଦ୍ୱାରା ସମାଧାନ କରାଯିବ । ୨୯ ତାରିଖରେ ସରକାରଙ୍କ ଅନୁମୋଦନ ପରେ ୩୦ ତାରିଖରେ ପ୍ରକାଶ ପାଇବ ଚୂଡାନ୍ତ ତାଲିକା । ୩୦ ତାରିଖ ସୁଦ୍ଧା ସମସ୍ତ ପ୍ରକ୍ରିୟା ଶେଷ କରି ରାଜ୍ୟ ନିର୍ବାଚନ କମିଶନଙ୍କୁ ଚୂଡ଼ାନ୍ତ ତାଲିକା ଦିଆଯିବ । ଠିକ ସମୟରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ହେବ ବୋଲି ପଞ୍ଚାୟତିରାଜ ମନ୍ତ୍ରୀ ପ୍ରତାପ ଜେନା କହିଛନ୍ତି । ସେପଟେ ତନ୍ନ ତନ୍ନ କରି ଦେଖିବୁ । ଯଦି କିଛି ଅଭିଯୋଗ ଥିବ, ଜଣାଇବୁ  ବୋଲି କହିଛନ୍ତି କଂଗ୍ରେସ ବିଧାୟକ ମହମ୍ମଦ ମୋକିମ୍  ।

ଏଥିସହିତ ପଢ଼ନ୍ତୁ:ରାଜ୍ୟ ସରକାର ବଢ଼ାଇଲେ ମହଙ୍ଗା ଭତ୍ତା: ଜୁଲାଇରୁ ପିଛଲା ଭାବେ ଲାଗୁ ହେବ

କୂଆରେ ପଡ଼ିଗଲା ହାତୀ: ଘଟଣାସ୍ଥଳରେ ବନ ବିଭାଗ

କୂଅରୁ ଉଦ୍ଧାର ହେଲା ହାତୀ । ଢେଙ୍କାନାଳ ଜିଲ୍ଲା ହିନ୍ଦୋଳ ବନାଞ୍ଚଳ ଅଧୀନ ବିମ୍ବୋରୀ ଗାଁ ପାଖ ଜଙ୍ଗଲରେ ଏକ ପରିତ୍ୟକ୍ତ କୂଅରୁ ହାତୀକୁ ଉଦ୍ଧାର କରାଯାଇଛି । ଆଜି ଭୋର୍ ସମୟରେ ସେହି ବାଟ ଦେଇ ହାତୀପଲ ଯିବା ବେଳେ, ଗୋଟିଏ ଦନ୍ତାହାତୀ କୂଅରେ ପଡ଼ିଯାଇଥିଲା । କୂଅରୁ ବାହାରି ନପାରିବା ଯୋଗୁ ହାତୀଟି ବହୁ ଜୋରରେ ଗର୍ଜନ କରିଥିଲା । ଗାଁ ଲୋକ ହାତୀଟିକୁ ଦେଖିବା ପରେ ବନ ବିଭାଗକୁ ଖବର ଦେଇଥିଲେ । ଦୀର୍ଘ ୩ ଘଣ୍ଟା ଧରି ଜେସିବି ମାଧ୍ୟମରେ କୂଅଟିକୁ ଗୋଟିଏ ପାଖରୁ ତାଡ଼ି ଦନ୍ତାହାତୀକୁ ଉଦ୍ଧାର କରାଯାଇଛି । ଉଦ୍ଧାର ପରେ ହାତୀଟି ଆହତ ଅବସ୍ଥାରେ ଜଙ୍ଗଲ ମଧ୍ୟକୁ ଚାଲିଯାଇଛି ।

ଏଥିସହିତ ପଢ଼ନ୍ତୁ: ବେଆଇନ ବଜ୍ରକାପ୍ତା କାରବାର: ମୂଲଚାଲ ବେଳେ ମାଡ଼ିବସିଲା ଏସ୍‌ଟିଏଫ୍‌