spot_img
Home Blog Page 5263

ଶବ ବ୍ୟବଛେଦ ରିପୋର୍ଟ ଦେବାକୁ ଲାଞ୍ଚ ନେଇ ଡାକ୍ତର ଗିରଫ

ବାରିପଦା: ବନ୍ଧା ହେଲେ ଡାକ୍ତର । ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜର ଡାକ୍ତର ଦେବୀଦତ୍ତ ପାତ୍ରଙ୍କୁ ଗିରଫ କରିଛି ଭିଜିଲାନ୍ସ । ଗିରଫ ଡାକ୍ତର ଦେବୀଦତ୍ତଙ୍କ ଠାରୁ ଭିଜିଲାନ୍ସ ଲାଞ୍ଚ ନେଇଥିବା ୨୦ ହଜାର ଟଙ୍କା ମଧ୍ୟ ଜବତ କରିଛି । ଏନେଇ ବାଲେଶ୍ୱର ଭିଜିଲାନ୍ସରେ ମାମଲା ରୁଜୁ ହୋଇଥିବା ବେଳେ ତଦନ୍ତ ଜାରି ରହିଛି ।

ଏଥିସହ ପଢ଼ନ୍ତୁ: ୨୦ ତାରିଖ ଯାଏଁ ସ୍କୁଲ୍ ଗୁଡ଼ିକର ପୂଜା ଛୁଟି

ଅଭିଯୋଗ ପ୍ରକାରେ, ବାଙ୍ଗିରିପୋଷି ଥାନା ସାତଭାୟାର ରଘୁନାଥ ମାରାଣ୍ଡିଙ୍କ ମୃତ୍ୟୁ ଗତ ମାସ ୨୪ ତାରିଖରେ ସାପ କାମୁଡ଼ାରେ ମୃତ୍ୟୁ ହୋଇଥିଲା । ମୃତଦେହର ପୋଷ୍ଟମର୍ଟମ କରିବାକୁ ଡାକ୍ତର ଦେବୀଦତ୍ତ ୪୦ ହଜାର ଟଙ୍କା ମାଗିଥିଲେ । ଡାକ୍ତର କହିଥିଲେ ସରକାର ତୁମକୁ ୪ ଲକ୍ଷ ଦେବେ । ମୋତେ ୪୦ ହଜାର ନଦେଲେ ଭାଇ ବିଷ ଖାଇ ମୃତ୍ୟୁବରଣ କରିଛି ବୋଲି ଲେଖି ଦେବି ।

ଅଭାବୀ ପରିବାର ଡାକ୍ତରାଖାନାରୁ ଫେରି ଧାର ଉଦ୍ଧାର କରି ୨୦ ହଜାର ଟଙ୍କା ଯୋଗାଡ଼ କରିବା ସହ ଭିଜିଲାନ୍ସକୁ ଜଣାଇଥିଲେ । ପୂର୍ବ ଯୋଜନା ମୁତାବକ ଡାକ୍ତର ଦେବୀଦତ୍ତ ଟଙ୍କା ନେବାବେଳେ ଭିଜିଲାନ୍ସ ହାତରେ ଧରା ପଡ଼ି ଗିରଫ ହୋଇଛନ୍ତି ।

ତାଳଚେର ମେଡିକାଲ କଲେଜ ଏବଂ ହସ୍ପିଟାଲ ଶୀଘ୍ର କାର୍ଯ୍ୟକ୍ଷମ ପାଇଁ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କୁ ଚିଠି

ଭୁବନେଶ୍ୱର: ତାଳଚେର ମେଡିକାଲ କଲେଜ ଏବଂ ହସ୍ପିଟାଲ ଶୀଘ୍ର କାର୍ଯ୍ୟକ୍ଷମ କରିବାକୁ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କୁ ଚିଠି । ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ନବ ଦାସ ଚିଠି ଲେଖିଛନ୍ତି । ସାରା ଦେଶକୁ ଶକ୍ତି ସୁରକ୍ଷା ଯୋଗାଉଥିବା ତାଳଚେର ସହର କୋଇଲାର ହବ୍ ଭାବେ ଜଣାଶୁଣା । ୨୦୧୪ ମସିହାରେ କେନ୍ଦ୍ର ସରକାରଙ୍କ ରାଷ୍ଟ୍ରାୟତ୍ତ ଉଦ୍ୟୋଗ ମହାନଦୀ କୋଲ୍ ଫିଲ୍ଡ ୫୦୦ ଶଯ୍ୟା ବିଶିଷ୍ଟ ହସ୍ପିଟାଲ ଏବଂ ୧୦୦ ସିଟ୍ ବିଶିଷ୍ଟ ମେଡିକାଲ କଲେଜ ସ୍ଥାପନ ପାଇଁ ରାଜ୍ୟ ସରକାରଙ୍କ ସହ ବୁଝାମଣାପତ୍ର ସ୍ୱାକ୍ଷର କରିଥିଲେ । ଏଥିପାଇଁ ରାଜ୍ୟ ସରକାର ମାଗଣାରେ ୨୦ ଏକର ଜମି ଯୋଗାଇଛନ୍ତି ।

ଏଥିସହ ପଢ଼ନ୍ତୁ: ତାଳଚେରରେ ମେଡିକାଲ କଲେଜ ଶୀଘ୍ର କାର୍ଯ୍ୟକ୍ଷମ କରାଇବାକୁ ମୁଖ୍ୟ ଶାସନ ସଚିବଙ୍କ ଅନୁରୋଧ

୨୦୧୬-୧୭ରେ ପାଠ୍ୟକ୍ରମ ଆରମ୍ଭ କରିବାକୁ ନିଷ୍ପତ୍ତି ହୋଇଥିଲେ ମଧ୍ୟ କ୍ୟାମ୍ପସର ନିର୍ମାଣ କାମ ୨୦୧୯-୨୦ରେ ସରିଥିଲା । ହେଲେ ୨ ବର୍ଷ ହେଲାଣି ମେଡିକାଲ କଲେଜ ଏବଂ ହସ୍ପିଟାଲ କାର୍ଯ୍ୟକ୍ଷମ ହୋଇ ପାରିନାହିଁ । ତୁରନ୍ତ ଏହାକୁ କାର୍ଯ୍ୟକ୍ଷମ କରିବା ପାଇଁ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିୟଙ୍କୁ ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ନବ ଦାସ ଚିଠି ଲେଖି ଅନୁରୋଧ କରିଛନ୍ତି । ମେଡିକାଲ କଲେଜ ଓ ହସ୍ପିଟାଲ କାର୍ଯ୍ୟକ୍ଷମ ହେଲେ ରାଜ୍ୟ ସ୍ୱାସ୍ଥ୍ୟ ଭିତ୍ତିଭୂମି ସୁଦୃଢ ହେବା ସହ ରାଜ୍ୟରେ ଡାକ୍ତରଙ୍କ ସଂଖ୍ୟା ବଢିବ ବୋଲି ସ୍ୱାସ୍ଥ୍ୟ ମନ୍ତ୍ରୀ ତାଙ୍କ ଚିଠିରେ ଉଲ୍ଲେଖ କରିଛନ୍ତି ।

୨୦ ତାରିଖ ଯାଏଁ ସ୍କୁଲ୍ ଗୁଡ଼ିକର ପୂଜା ଛୁଟି

ଭୁବନେଶ୍ୱର: ଆସନ୍ତାକାଲି ଠାରୁ ସ୍କୁଲ୍ ଗୁଡ଼ିକରେ ପୂଜା ଛୁଟି ଘୋଷଣା । ଶନିବାର କ୍ଲାସ ଶେଷ ପରେ ଅକ୍ଟୋବର ୨୦ ତାରିଖ ଯାଏଁ ବିଦ୍ୟାଳୟଗୁଡ଼ିକ ବନ୍ଦ ରହିବ । ଦୂର୍ଗାପୂଜା, କୁମାର ପୂର୍ଣ୍ଣିମା ପାଇଁ ସ୍କୁଲ୍ ଛୁଟି ଘୋଷଣା କରାଯାଇଛି ।

Schools Puja Holiday Declared Till 20th October

୨୧ ତାରିଖରେ କୋଭିଡ୍ କଟକଣା ଏସଓପି ଅନୁଯାୟୀ ସ୍କୁଲ୍ ଖୋଲିବ । ପୂର୍ବଭଳି ନବମ, ଦଶମ ଓ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀ ସ୍କୁଲକୁ ଆସିବେ । କୋଭିଡ୍ ସଂକ୍ରମଣ ସ୍ଥିତିକୁ ଦେଖି ପ୍ରଧାନଶିକ୍ଷକ ପଦକ୍ଷେପ ନେବେ । ଏନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।

ଏଥିସହ ପଢ଼ନ୍ତୁ: ACF ସୌମ୍ୟ ମୃତ୍ୟୁ ମାମଲାରେ ନାହିଁ ଡିଏଫଓଙ୍କ ସମ୍ପୃକ୍ତି, ନିଆଁ ଲିଭାଇବା ପାଇଁ ଚେଷ୍ଟା କରିନଥିଲେ ବିଦ୍ୟାଭାରତୀ

ରାଜ୍ୟର ଉପାନ୍ତ ଅଞ୍ଚଳ ଗସ୍ତ କରିବ ଗୃହ କମିଟି, ପରଖିବ ଓଡ଼ିଆ ଭାଷାରେ ପାଠପଢ଼ା ସ୍ଥିତି

ଭୁବନେଶ୍ୱର: ରାଜ୍ୟର ଉପାନ୍ତ ଅଞ୍ଚଳରେ ଓଡ଼ିଆ ଭାଷାରେ ପାଠପଢ଼ା କିପରି ଚାଲିଛି ? ଏହାର ତଦାରଖ କରିବ ବିଧାନସଭା ଗୃହ କମିଟି । ଖୁବଶୀଘ୍ର କମିଟି ଏସବୁ ଅଞ୍ଚଳ ଗସ୍ତ କରି ସ୍ଥିତି ଅନୁଧ୍ୟାନ କରିବ । ସ୍କୁଲ ଗୁଡ଼ିକରେ ଓଡ଼ିଆ ଭାଷାରେ ପାଠପଢ଼ା, ଓଡ଼ିଆ ପୁସ୍ତକ ପହଞ୍ଚିଛି କି ନାହିଁ ? କେତେ ଓଡ଼ିଆ ଶିକ୍ଷକ ଅଛନ୍ତି ? ପ୍ରତି ୩ ମାସରେ ବିଇଓ ଏନେଇ ରିପୋର୍ଟ ଦେବେ । ରାଜ୍ୟ ସ୍ତରରେ ଜଣେ ନୋଡାଲ ଅଫିସର ଏସବୁର ତଦାରଖ କରିବେ । ଆଜି ଗୃହ କମିଟି ବୈଠକରେ ଏନେଇ ବିସ୍ତୃତ ଆଲୋଚନା ହୋଇଛି ।

Assembly House Committee To Visit Border District Odia Language

ଛତିଶଗଡ଼ରେ ଓଡ଼ିଆ ଶିକ୍ଷକ ନିଯୁକ୍ତି ହେଉନାହିଁ । ଶିକ୍ଷକ ନିଯୁକ୍ତି ନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗକୁ ଚିଠି ଲେଖାଯିବ । ସେହିପରି ଝାଡ଼ଖଣ୍ଡରେ ଯେପରି ଓଡ଼ିଆକୁ ଦ୍ୱିତୀୟ ରାଜ୍ୟଭାଷା  ସମ୍ମାନ ନଦେଇ କାଟି ଦିଆଯାଇଛି, ସେ ନେଇ ଅନୁଧ୍ୟାନ ପାଇଁ ଗୃହ କମିଟି ଗସ୍ତ କରିବ । ବାଚସ୍ପତି ନିର୍ଦ୍ଦେଶ ଦେଇଛନ୍ତି ଯେ, କମିଟି ଗସ୍ତ କରି ବୁଝିବ, କାହିଁକି ଝାଡ଼ଖଣ୍ଡରେ ଏପରି ସ୍ଥିତି ଉପୁଜିଲା ।

Assembly House Committee To Visit Border District Odia Language

ଝାଡ଼ଖଣ୍ଡ ଓ ଛତିଶଗଡ଼ ରାଜ୍ୟରେ ଓଡ଼ିଆ ଭାଷାର ପ୍ରଚଳନ ଓ ସ୍କୁଲରେ ଓଡ଼ିଆ ପାଠପଢ଼ାକୁ ଅଣଦେଖା କରାଯାଉଛି । ଏପରିକି କିଛି ରାଜ୍ୟରେ ଓଡ଼ିଆ ଭାଷାକୁ ଦ୍ୱିତୀୟ ଭାଷାରୁ ବାଦ ଦିଆଯାଇଛି । ସେଠାରେ ଓଡ଼ିଆ ଶିକ୍ଷକମାନଙ୍କୁ କମ୍‌ ଦରମା ଦିଆଯାଉଥିବାରୁ ଦରମା ବୃଦ୍ଧି ପାଇଁ ପ୍ରସ୍ତାବ ଦେଇଛି ଗୃହ କମିଟି ।

ମିଳିଲାନି ବେଲ୍‌, ଜେଲ୍‌ ଗଲେ ଚିଲିକା ବିଧାୟକ ପ୍ରଶାନ୍ତ ଜଗଦେବ

ଖୋର୍ଦ୍ଧା: ମିଳିଲାନି ବେଲ୍‌, ଜେଲ୍‌ ଗଲେ ଚିଲିକା ବିଧାୟକ ପ୍ରଶାନ୍ତ ଜଗଦେବ । ପ୍ରଶାନ୍ତଙ୍କ ବେଲ୍‌ ଆବେଦନ ଖାରଜ କରିଛନ୍ତି ଖୋର୍ଦ୍ଧା ଅତିରିକ୍ତ ଜିଲ୍ଲା ଦ୍ୱିତୀୟ ଦୌରା ଜଜ୍ । ପ୍ରଶାନ୍ତ ଜଗଦେବଙ୍କ ଜାମିନ୍ ଆବେଦନ ନାମଞ୍ଜୁର ହେବା ପରେ ତାଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ଖୋର୍ଦ୍ଧା ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଏକ ଗଣ୍ଡଗୋଳ ମାମଲାରେ ପ୍ରଶାନ୍ତଙ୍କ ନାମରେ ମାମଲା ଦାଏର ହୋଇଥିଲା ।

 Chilika MLA Prasanta Jagadev Bail Plea Rejected

ଏହି ମାମଲାରେ ଜାମିନ ପାଇଁ ସେ ହାଇକୋର୍ଟର ଦ୍ୱାରସ୍ଥ ହୋଇଥିଲେ, ହେଲେ ହାଇକୋର୍ଟ ତଳ କୋର୍ଟରେ ଆବେଦନ କରିବାକୁ ନିର୍ଦ୍ଦେଶ ଦେଇଥିଲେ । ଆଜି ଖୋର୍ଦ୍ଧା ଅତିରିକ୍ତ ଜିଲ୍ଲା ଦୌରାଜଜ୍-୨ଙ୍କ କୋର୍ଟରେ ଆତ୍ମସମର୍ପଣ କରିବା ସହ ଜାମିନ୍ ଆବେଦନ କରିଥିଲେ ଚିଲିକା ବିଧାୟକ। କୋର୍ଟ ଜାମିନ ଆବେଦନର ଶୁଣାଣି କରିବା ସହ ଖାରଜ କରି ଦେଇଛନ୍ତି । ବିଶୃଙ୍ଖଳିତ ଆଚରଣ ପାଇଁ ପୂର୍ବରୁ ବିଜେଡି ଦଳରୁ ନିଲମ୍ବିତ କରିଛି ।

OAS ପରୀକ୍ଷାରେ ୧୫୩ ଜଣ କୃତକାର୍ଯ୍ୟ, ଅଶ୍ୱିନୀ କୁମାର ପଣ୍ଡା ଟପ୍ପର

ଭୁବନେଶ୍ୱର: ପ୍ରକାଶ ପାଇଲା ଓଡ଼ିଶା ପ୍ରଶାସନିକ ସେବା ପରୀକ୍ଷା ଫଳ । ୨୦୧୯ OAS ପରୀକ୍ଷାରେ ଟପ୍ପର ହୋଇଛନ୍ତି ଅଶ୍ୱିନୀ କୁମାର ପଣ୍ଡା । ୨୫ ହଜାର ୭୮୦ ଜଣ ପରୀକ୍ଷା ଦେଇଥିବା ବେଳେ ୧୮ ଶହ ୮୦ ଜଣ ଲିଖିତ ପରୀକ୍ଷା ପାଇଁ ଯୋଗ୍ୟ ବିବେଚିତ ହୋଇଥିଲେ । ସେଥିରୁ ୧୬ ଶହ ୧୦ ଜଣ ପରୀକ୍ଷା ଦେଇଥିଲେ ।

ଏଥିସହ ପଢ଼ନ୍ତୁ: ଭିଡିଓ କଲରୁ ସନ୍ଦେହଜନକ ମୃତ୍ୟୁ, ୧୮ ମିନିଟରେ କେମିତି ଶବ ପାଲଟିଗଲା ନିରୁପମା ?

ଯେଉଁଥିରୁ ମୋଟ ୧୫୩ ଜଣ କୃତକାର୍ଯ୍ୟ ହୋଇଛନ୍ତି । ସେମାନଙ୍କ ମଧ୍ୟରୁ ୫୬ ଜଣ ମହିଳା ଅଛନ୍ତି । ପ୍ରଥମ ୧୦ ଜଣଙ୍କ ମଧ୍ୟରେ ୭ଜଣ ପୁରୁଷ ଓ ୩ ଜଣ ମହିଳା ଅଛନ୍ତି । ଦ୍ୱିତୀୟରେ ଅଙ୍କୁର ଅଭିଳାଷ, ତୃତୀୟରେ ରଶ୍ମିରେଖା ପାତ୍ର ଥିବା ବେଳେ ଚତୁର୍ଥ, ପଞ୍ଚମ ସ୍ଥାନରେ ସୌମ୍ୟରଞ୍ଜନ ପ୍ରଧାନ ଓ ସିଦ୍ଧେଶ୍ୱର ନାୟକ ରହିଛନ୍ତି ।

ଓଡ଼ିଶା ପ୍ରଶାସନିକ ସେବା ପରୀକ୍ଷାରେ କୃତକାର୍ଯ୍ୟ ହୋଇଥିବା ସମସ୍ତଙ୍କୁ ମୋର ଶୁଭେଚ୍ଛା ସହ ଅଭିନନ୍ଦନ ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କହିଛନ୍ତି. ଆପଣମାନଙ୍କ ପ୍ରତିଟି ପଦକ୍ଷେପରେ ଲୋକଙ୍କ ସେବା ଓ ଉନ୍ନତି, ସର୍ବଦା ପ୍ରାଥମିକତା ରହୁ । ସମସ୍ତଙ୍କ ଉଜ୍ଜ୍ୱ ଭବିଷ୍ୟତ କାମନା କରୁଛି ।

ଭିଡିଓ କଲରୁ ସନ୍ଦେହଜନକ ମୃତ୍ୟୁ, ୧୮ ମିନିଟରେ କେମିତି ଶବ ପାଲଟିଗଲା ନିରୁପମା ?

ବଲାଙ୍ଗିର: ଭୀମ ଭୋଇ ମେଡିକାଲ କଲେଜର ଦ୍ୱିତୀୟ ବର୍ଷ ଏମବିବିଏସ୍ ଛାତ୍ରୀ ନିରୁପମା ନନ୍ଦଙ୍କ ସନ୍ଦେହଜନକ ମୃତ୍ୟୁକୁ ୩୬ ଘଣ୍ଟାରୁ ଅଧିକ ବିତିଲାଣି । ହେଲେ ରହସ୍ୟଜନକ ମୃତ୍ୟୁ ଉପରୁ ଉଠୁନି ପରଦା । ନିରୁପମା ଆତ୍ମହତ୍ୟା କରିଛନ୍ତା ନା କେହି ତାଙ୍କୁ ମାରି ଆତ୍ମହତ୍ୟାର ରୂପ ଦେଇଛି । ଏହାର ତଦନ୍ତ ପୋଲିସ କରୁଥିବା ବେଳେ ଝିଅକୁ ଯୋଜନାବଦ୍ଧ ଭାବେ ହତ୍ୟା କରାଯାଇଥିବା ଅଭିଯୋଗ କରିଛନ୍ତି ପରିବାର ଲୋକ । ଘଟଣା ପାଇଁ ନିରୁପମାଙ୍କ ପୁରୁଷ ବନ୍ଧୁ ଅନ୍ତରାମ ମିଶ୍ରକୁ ସନ୍ଦେହ କରି ଦାୟୀ କରିଛନ୍ତି ପରିବାର ଲୋକ ।

Last 18 Minutes Of MBBS Student Nirupama Nanda Balangir

ଅନ୍ତରାମ ବିଭିନ୍ନ ସମୟରେ ଫୋନ୍ କରି ମାନସିକ ସ୍ତରରେ ଚାପ ପକାଉଥିବା ନେଇ ପୂର୍ବରୁ ଘରେ ଜଣାଇଥିଲେ ମୃତ ନିରୁପମା । ତେବେ ମେଧାବୀ ଡାକ୍ତରୀ ଛାତ୍ରୀଙ୍କ ନିରୁପମାଙ୍କୁ ଘଟଣା ଦିନ ରାତିରେ ଶେଷ କଲ୍ କିଏ କରିଥିଲା । କିଏ ସେହି ସନ୍ଦିଗ୍ଧ ଯିଏ କି ନିରୂପମା ଆତ୍ମହତ୍ୟା କରୁଥିବା କଥା ଜାଣି ହଷ୍ଟେଲକୁ କଲ୍ କରି ଜଣାଇଥିଲେ । ଏସବୁ ଦିଗକୁ ନେଇ ପୋଲିସ ତଦନ୍ତ କରୁଥିବା ବେଳେ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ଏହା ଆତ୍ମହତ୍ୟା ନା ହତ୍ୟା ସ୍ପଷ୍ଟ ହେବ । ନିରୁପମାଙ୍କ ମୋବାଇଲ୍ ଜବତ କରି ଭଏସ ରେକର୍ଡିଂ ଓ ଚାଟରୁ ପୋଲିସ ଖୋଜୁଛି ଖିଅ ।

Last 18 Minutes Of MBBS Student Nirupama Nanda Balangir

ବଲାଙ୍ଗିର ସିଭିଲ୍ କୋର୍ଟ ପଛ ପଟେ ନିରୁପମାଙ୍କ ଘର । କିନ୍ତୁ ନିରୂପମା ମେଡିକାଲ କଲେଜ ହଷ୍ଟେଲରେ ରହି ପାଠ ପଢୁଥିଲେ । ସପ୍ତାହରେ ଥରେ ଘରକୁ ଆସୁଥିଲେ । ସବୁଦିନ ଭଳି ଘଟଣା ଦିନ ମଧ୍ୟ ବାପା-ମାଆ, ଭାଇ ଭଉଣୀ ମାନଙ୍କ ସହ ଭିଡିଓ କଲରେ ରାତି ୧୧ଟା ୨୭ ମିନିଟ୍ ଯାଏଁ ହସ ଖୁସିରେ କଥା ହୋଇଥିଲେ ନିରୁପମା । ହେଲେ ଠିକ ୧୧ଟା ୪୫ରୁ ୫୦ ମିନିଟ୍ ମଧ୍ୟରେ ମେଡିକାଲ କଲେଜ କର୍ତ୍ତୃପକ୍ଷ ଛାତ୍ରୀନିବାସରେ ନିରୁପମା ଆତ୍ମହତ୍ୟା କରିଥିବା ପରିବାର ଲୋକଙ୍କୁ ଜଣାଇଥିଲେ । ଠିକ୍ ୧୮ରୁ ୨୦ ମିନିଟ୍ ମଧ୍ୟରେ କ’ଣ ଏମିତି ଘଟିଲା ଫଳରେ ନିରୁପମା ଆତ୍ମହତ୍ୟା କଲେ । ଏକଥା ପରିବାର ଲୋକେ ବିଶ୍ୱାସ କରିପାରୁ ନାହାନ୍ତି ।

Last 18 Minutes Of MBBS Student Nirupama Nanda Balangir

ତେବେ ଘଟଣା ଦିନ ଘର ଲୋକଙ୍କ ସହ କଥା ହେବା ପରେ କାହା ସହ କଥା ହୋଇଥିଲେ ନିରୁପମା । ସେହି ସନ୍ଦିଗ୍ଧ ଯୁବକ ଜଣକ କିଏ ଯିଏ ନିରୁପମା ଆତ୍ମହତ୍ୟା କରୁଥିବା କଥା ହଷ୍ଟେଲକୁ ଜଣାଇଥିଲେ ।  ଫୋନ କରିଥିବା ଯୁବକ ଜଣକ ଅନ୍ତରାମ ନା ଆଉ କିଏ ?  ନିରୁପମାଙ୍କ ପରିବାର ଲୋକ ପ୍ରଶ୍ନ କରିବା ସହ ଅନ୍ତରାମଙ୍କ ବିରୋଧରେ ମଧ୍ୟ ଏତଲା ଦେଇଛନ୍ତି ।

ମୃତ ଡାକ୍ତରୀ ଛାତ୍ରୀଙ୍କ ହଷ୍ଟେଲ ରୁମ ଭିତରୁ କେମିକାଲ ଗନ୍ଧ ଆସୁଥିଲା ବୋଲି କଲେଜ ଡିନ ଡ଼ ସବିତା ମହାପାତ୍ର କହିଥିଲେ । ପ୍ରଶ୍ନ ଉଠୁଛି ହଷ୍ଟେଲକୁ କେମିତି ଆସିଲା କେମିକାଲ ? ହଷ୍ଟେଲ ଭିତରକୁ କେମିକାଲ କିଏ ନେଇକି ଗଲା ? କଣ ପାଇଁ କେମିକାଲ ରଖିଥିଲେ ନିରୁପମା ?

 

ACF ସୌମ୍ୟ ମୃତ୍ୟୁ ମାମଲାରେ ନାହିଁ ଡିଏଫଓଙ୍କ ସମ୍ପୃକ୍ତି, ନିଆଁ ଲିଭାଇବା ପାଇଁ ଚେଷ୍ଟା କରିନଥିଲେ ବିଦ୍ୟାଭାରତୀ

ଭୁବନେଶ୍ୱର: ପାରଳାଖେମୁଣ୍ଡି ଏସିଏଫ୍ ସୌମ୍ୟରଞ୍ଜନ ମୃତ୍ୟୁ ମାମଲାରେ କ୍ରାଇମବ୍ରାଞ୍ଚର ବଡ଼ ଖୁଲାସା । ସୌମ୍ୟଙ୍କ ମୃତ୍ୟୁ ସହ ନାହିଁ ଡିଏଫଓ ସଂଗ୍ରାମକେଶରୀ ବେହେରା ଓ ମନ୍ମଥ କୁମ୍ଭଙ୍କ ସମ୍ପୃକ୍ତି । ପତ୍ନୀ ବିଦ୍ୟାଭାରତୀ ଦାୟୀ । କ୍ରାଇମବ୍ରାଞ୍ଚ ତଦନ୍ତ ଶେଷ ପରେ ଏଡିଜି ସଞ୍ଜୀବ ପଣ୍ଡା ପ୍ରେସମିଟରେ ଏହି ସୂଚନା ଦେଇଛନ୍ତି ।

ACF Soumya Death Case Crime Branc Filed Charge Sheet Against Bidya Bharati

ବିଦ୍ୟାଭାରତୀ-ସୌମ୍ୟରଞ୍ଜନଙ୍କ ଦାମ୍ପତ୍ୟ ଜୀବନ ଭଲ ନଥିଲା । ପଲିଗ୍ରାଫ ଟେଷ୍ଟରେ ବିଦ୍ୟା ମିଛ କହିଥିବା ଜଣାପଡ଼ିଛି । ସୌମ୍ୟଙ୍କ ଦେହରେ ନିଆଁ ଲାଗିବା ପରେ ଲିଭାଇବାକୁ ଯଥାସାଧ୍ୟ ଚେଷ୍ଟା କରିନଥିଲେ ବିଦ୍ୟାଭାରତୀ । ବିଦ୍ୟାଭାରତୀ ସାହାଯ୍ୟ ପାଇଁ ସଙ୍ଗେ ସଙ୍ଗେ ଅନ୍ୟ କାହାରିକୁ ଡାକି ନଥିବା କହିଛି କ୍ରାଇମବ୍ରାଞ୍ଚ । ତଦନ୍ତ ସରିବା ପରେ ବିଦ୍ୟାଙ୍କ ବିରୋଧରେ ଆଇପିସି ଧାରା ୨୮୫, ୩୦୪ (ଏ) ଦଫାରେ ଚାର୍ଜସିଟ୍ ଦାଖଲ ହୋଇଛି ।

ଜୁଲାଇ ୧୧ ତାରିଖରେ ସୌମ୍ୟ ନିଆଁରେ ପୋଡ଼ି ହୋଇ ଯାଇଥିଲେ । ଗଜପତି ପୋଲିସ ଦ୍ୱାରା ଘଟଣାସ୍ଥଳରୁ ମିଳିଥିବା ପ୍ରମାଣର ଫରେନ୍ସିକ ଆନାଲିସିସ୍ ରିପୋର୍ଟ କ୍ରାଇମବ୍ରାଞ୍ଚକୁ ମିଳିଥିଲା ।  ସୌମ୍ୟ, ବିଦ୍ୟାଭାରତୀ, ଡିଏଫଓଙ୍କ ଫୋନ୍ ବାର୍ତ୍ତାଳାପ ସିଡିଆର୍ ପାଇବା ପରେ ଅନୁଧ୍ୟାନ କରିଥିଲା କ୍ରାଇମବ୍ରାଞ୍ଚ । ସୌମ୍ୟଙ୍କ ମୃତ୍ୟୁକାଳୀନ ଜମାନ ବନ୍ଦୀ ଭିଡିଓ ଜବତ କରାଯାଇଥିଲା । ଘଟଣାରେ ପ୍ରମୁଖ ୩ ଅଭିଯୁକ୍ତ କୁହାଯାଉଥିବା ସଂଗ୍ରାମ କେଶରୀ ବେହେରା, ମନ୍ମଥ କୁମ୍ଭ, ବିଦ୍ୟାଭାରତୀ ପଣ୍ଡାଙ୍କ ପଲି ଗ୍ରାଫ୍ ଟେଷ୍ଟ କରାଯାଇଥିଲା ।

ACF Soumya Death Case Crime Branch Filed Charge Sheet Against Bidya Bharati

ସାକ୍ଷ୍ୟ ମାନଙ୍କ ଜମାନ ବନ୍ଦୀ, ସାଇଣ୍ଟିଫିକ୍ ଦଳର ସ୍ପଷ୍ଟ ଆନାଲିସିସ୍ ରିପୋର୍ଟ ଓ ତଦନ୍ତ ରିପୋର୍ଟ ଆନାଲିସିସରୁ ଜଣାପଡ଼ୁଛି ସୌମ୍ୟଙ୍କ ବାସଭବନରେ ହିଁ ଘଟଣା ଘଟିଥିବା କହିଛି କ୍ରାଇମବ୍ରାଞ୍ଚ । ସମସ୍ତ ତଥ୍ୟ ଅନୁଧ୍ୟାନ ପରେ ଡିଏଫଓଙ୍କ ସହ ବିଦ୍ୟାଭାରତୀଙ୍କ ସମ୍ପର୍କ ଥିବା ନେଇ କ୍ରାଇମବ୍ରାଞ୍ଚକୁ କୌଣସି ପ୍ରମାଣ ମିଳିନାହିଁ । ପୋଡ଼ି ହେବା ଘଟଣାରେ ଡିଏଫଓଙ୍କ ସମ୍ପୃକ୍ତି ନେଇ କୌଣସି ପ୍ରମାଣ ନାହିଁ । ମନ୍ମଥ କୁମ୍ଭଙ୍କ ମଧ୍ୟ ସମ୍ପୃକ୍ତି ଥିବା ପ୍ରମାଣ ନାହିଁ । ସୌମ୍ୟଙ୍କ ମୃତ୍ୟୁ ଦୁର୍ଘଟଣା ଜନିତ ବୋଲି କହିଛି କ୍ରାଇମବ୍ରାଞ୍ଚ । ମୃତ୍ୟୁକାଳୀନ ଜମାନବନ୍ଦୀରେ ସୌମ୍ୟ ମଧ୍ୟ ସେଭଳି କହିଛନ୍ତି ।

ଜାମିନ ଆବେଦନ ଖାରଜ କଲେ ଏସପ୍ଲାନେଡ କୋର୍ଟ, ଜେଲରେ ରହିବେ ଆର୍ୟନ

ମୁମ୍ବାଇ: ଜେଲରେ ରହିବେ ଆର୍ୟନ ଖାନ। ଆଜି ଶାହାରୁଖ ଖାନଙ୍କ ପୁଅ ଆର୍ୟନ ଖାନଙ୍କ ଜାମିନ ଆବେଦନ ଖାରଜ କରିଛନ୍ତି ମୁମ୍ବାଇର ଏସପ୍ଲାନେଡ କୋର୍ଟ । ଆର୍ୟନଙ୍କ ସହ ଗିରଫ ହୋଇଥିବା ଅନ୍ୟ ଅଭିଯୁକ୍ତ ମଧ୍ୟ ଜେଲରେ ରହିବେ ବୋଲି ଜଣାପଡ଼ିଛି । ଆର୍ୟନ ବର୍ତ୍ତମାନ ମୁମ୍ବାଇର ଆର୍ଥର ରୋଡ ଜେଲରେ ଏନସିବି ହେପାଜତରେ ରହିବେ ।

ଉଲ୍ଲେଖଯୋଗ୍ୟ, ଆଜି ଜାମିନ ଆବେଦନ ଶୁଣାଣି ପ୍ରକ୍ରିୟାର ଅଂଶବିଶେଷ ଭାବେ ଆର୍ୟନ ଖାନ୍‌ ଏବଂ ଅନ୍ୟମାନଙ୍କୁ ଡାକ୍ତରୀ ପରୀକ୍ଷା ପାଇଁ ‘ଜେଜେ ହସ୍ପିଟାଲ୍‌’କୁ ନିଆଯାଇଥିଲା। ଜାମିନ ଆବେଦନ ଶୁଣାଣି ଶେଷ ହେବା ପର୍ଯ୍ୟନ୍ତ ଅପେକ୍ଷା ନ କରି ଡାକ୍ତରୀ ପରୀକ୍ଷା ପରେ ସେମାନଙ୍କୁ ଅର୍ଥର୍‌ ରୋଡ୍‌ ଜେଲ୍‌କୁ  ନେବା ପାଇଁ ‘ଏନ୍‌ସିବି’ ନିଷ୍ପତ୍ତି ନେଇଥିଲା । ଜାମିନ ଆବେଦନ ଶୁଣାଣି ଚାଲିଥିବା ବେଳେ ଅତିରିକ୍ତ ସଲିସଟର୍‌ ଜେନେରାଲ୍‌ ମାଜିଷ୍ଟ୍ରେଟ୍‌ କୋର୍ଟରେ ‘ମେଣ୍ଟେନାବିଲିଟି ଇସ୍ୟୁ’ ଉଠାଇଥିଲେ। ପ୍ରଥମେ ତାହା ସ୍ଥିର କରାଯିବା ପରେ ମାମଲାର ‘ମେରିଟ୍‌’ ଅଛି କି, ନାହିଁ ଦେଖାଯିବା ଉଚିତ ବୋଲି ସେ କହିଥିଲେ।

ତେବେ ଗୋଆ ଅଭିମୁଖେ ଯାତ୍ରାରତ ‘କ୍ରୁଜ୍‌ ପାର୍ଟି’କୁ ବର୍ଣ୍ଣାଢ୍ୟ କରିବା ଲାଗି ଆର୍ୟନ ଖାନ୍‌ଙ୍କୁ ଆମନ୍ତ୍ରଣ କରାଯାଇଥିଲା। ଡ୍ରଗ୍‌ ସହ ତାଙ୍କର କୌଣସି ସମ୍ପର୍କ ନ ଥିବା କଥା ଗୁରୁବାର ଦିନ ତାଙ୍କ ଓକିଲ ଅଦାଲତଙ୍କୁ କହିଥିଲେ। ଅନେକ ତର୍କ ବିତର୍କ ପରେ ବି ଆର୍ୟନଙ୍କ ଓକିଲ ତାଙ୍କୁ ଜାମିନ ଦେବାରେ ବିଫଳ ହୋଇଛନ୍ତି ।

ବଢ଼ୁଛି ଡେଙ୍ଗୁ ଆକ୍ରାନ୍ତଙ୍କ ସଂଖ୍ୟା, କିଟ୍ ନଥିବାରୁ ୪ ଦିନ ହେଲା ଟେଷ୍ଟିଂ ବନ୍ଦ

ରାଉରକେଲା: ରାଉରକେଲା ସହରରେ ବଢ଼ୁଛି ଡେଙ୍ଗୁ ଆକ୍ରାନ୍ତଙ୍କ ସଂଖ୍ୟା । ଏବେ ଡେଙ୍ଗୁ ସଂକ୍ରମିତଙ୍କ ସଂଖ୍ୟା ୪୭୫କୁ ବୃଦ୍ଧି ପାଇଛି । ରାଉରକେଲା ସରକାରୀ ଡାକ୍ତରଖାନାରେ ୧୪ ଜଣ ଡେଙ୍ଗୁ ରୋଗୀ ଚିକିତ୍ସିତ ହେଉଛନ୍ତି । ତେବେ ଦିନକୁ ଦିନ ଡେଙ୍ଗୁ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ୪ ଦିନ ହେଲା ଟେଷ୍ଟିଂ ବନ୍ଦର ରହିଛି ।

Dengue Testing Paused In Rourkela For Non-Availability Of Testing KIT

ଗତ ୪ ଦିନ ହେଲା ଡେଙ୍ଗୁ ଟେଷ୍ଟ ବନ୍ଦ ରହିଥିବା ରାଉରକେଲା ସରକାରୀ ଡାକ୍ତରଖାନାର ନିର୍ଦ୍ଦେଶକ ସୂଚନା ଦେଇଛନ୍ତି । ଡେଙ୍ଗୁ ଚିହ୍ନଟ କରିବା ପାଇଁ ଆବଶ୍ୟକ ଥିବା କିଟ୍ ମହଜୁଦ ନଥିବାରୁ ୪ ଦିନ ହେଲା ଡେଙ୍ଗୁ ଟେଷ୍ଟ ହୋଇ ପାରୁନାହିଁ । ଲକ୍ଷଣ ଦେଖି ରୋଗୀଙ୍କୁ ଡେଙ୍ଗୁ ୱାର୍ଡରେ ଭର୍ତ୍ତି କରାଯାଉଛି । ପ୍ଲେଟଲେଟ୍ ହ୍ରାସ ଦେଖି ଚିକିତ୍ସା କରୁଛନ୍ତି ଡାକ୍ତର ।