spot_img
Home Blog Page 5276

ବୁମ୍ ଦେଖାଇ ମାଗୁଥିଲେ ଦାଦା ବଟି

ଭୁବନେଶ୍ୱର: ରାଜଧାନୀରୁ ପୁଣି ବନ୍ଧା ହେଲେ ୨ ୱେବ ସାମ୍ବାଦିକ । ବୁମ୍ ଦେଖାଇ ମାଗୁଥିଲେ ଦାଦା ବଟି । ଗିରଫ ଦୁଇ ଜଣ ୱେବ ସାମ୍ବାଦିକ ହେଉଛନ୍ତି ପ୍ରଶାନ୍ତ କୁମାର ରାଉତ ଓ ଚନ୍ଦ୍ରକାନ୍ତ ଦଳେଇ । ଦୁଇ ଜଣଙ୍କ ଠାରୁ କମ୍ପ୍ୟୁଟର, ପ୍ରିଣ୍ଟର, ବୁମ୍ ଜବତ କରିଛି ମଞ୍ଚେଶ୍ୱର ଥାନା ପୋଲିସ । ପୋଲିସର ସୂଚନା ଅନୁସାରେ ମଞ୍ଚେଶ୍ୱର ଅଞ୍ଚଳର ଜଣେ ମହିଳା ଚକେଇଶିଆଣିର ଅନ୍ୟ ଜଣେ ମହିଳାଙ୍କ ଠାରୁ ୧ ଲକ୍ଷ ଦଶ ହଜାର ଟଙ୍କା ଧାର ଆଣିଥିଲେ । ଅଭିଯୋଗକାରୀ ମହିଳା ଜଣଙ୍କ ଟଙ୍କା ଦେବା ବିଳମ୍ବର କରିବାରୁ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା ।

Two Web Journalist Arrested For Extortion In Bhubaneswar

ଏ ନେଇ ଟଙ୍କା ଧାର ଦେଇଥିବା ମହିଳାଙ୍କ କଥାରେ ଦୁଇ ୱେବ ସାମ୍ବାଦିକ ସମ୍ପୃକ୍ତ ମହିଳାଙ୍କୁ ଟଙ୍କା ମାଗି ଧମକ ଦେବା ସହ ସୋସିଆଲ୍ ମିଡିଆରେ ଖବର ପ୍ରସାରଣ କରି ବଦନାମ କରିବାକୁ ଭୟ ଦେଖାଇଥିଲେ ।  ଗତ ୩ ତାରିଖରେ ମହିଳା ଜଣଙ୍କ ଦୁଇ ଜଣଙ୍କ ନାମରେ ଥାନାରେ ଅଭିଯୋଗ କରିଥିଲେ । ମଞ୍ଚେଶ୍ୱର ଥାନା ପୋଲିସ ତଦନ୍ତ କରି ଦୁଇ ଜଣଙ୍କୁ ଗିରଫ କରିଛି । ସାମ୍ବାଦିକ ନାମରେ କୌଣସି ଲୋଙ୍କ ଭୟଭୀତ କରି ବଟି ମାଗିଲେ ପୋଲିସ ନିକଟରେ ଅଭିଯୋଗ କରିବାକୁ ଡିସିପି ଅପିଲ୍ କରିଛନ୍ତି ।

କ୍ରୁଜରେ ରେଭ୍ ପାର୍ଟିରେ ଡ୍ରଗ୍ସ ମାମଲା, ୨ ଓଡ଼ିଆଙ୍କୁ ଗିରଫ କଲା NCB

ମୁମ୍ବାଇ: ମୁମ୍ବାଇ ରେଭ୍‌ ପାର୍ଟିରେ ଡ୍ରଗ୍ସ କାରବାର ମାମଲା । ୨ ଓଡ଼ିଆଙ୍କୁ ଗିରଫ କଲା ନାର୍କୋଟିକ୍ କଣ୍ଟ୍ରୋଲ ବ୍ୟୁରୋ । ଅଭିନ ସାହୁ, ମନୀଷ ରାଜଗରିଆକୁ ଏନସିବି ଗିରଫ କରିଛି । ରାଉରକେଲାର ମନୀଷ ରାଜଗରିଆଙ୍କ ସହ ରଘୁନାଥପାଲ୍ଲୀର ଅଭିନ ସାହୁଙ୍କୁ ଗିରଫ କରାଯାଇଛି । ଘଟଣାରେ ପୂର୍ବରୁ ଶାହରୁଖଙ୍କ ପୁଅ ଆର୍ଯ୍ୟନ ଗିରଫଙ୍କୁ କରାଯାଇଥିଲା ।

ଆଜି ୨ ଓଡ଼ିଆଙ୍କ ସହ ୪ ଜଣଙ୍କୁ ଗିରଫ କରିଛି ଏନସିବି । ମାମଲାରେ ଏପର୍ଯ୍ୟନ୍ତ ୧୬ ଜଣ ଗିରଫ ହୋଇଛନ୍ତି । ଆସନ୍ତାକାଲି ଗିରଫ ୪ ଜଣଙ୍କୁ କୋର୍ଟରେ ହାଜର କରାଯିବ । ଗିରଫ ୪ ଜଣ ରେଭ୍ ପାର୍ଟି ଚାଲିଥିବା ବେଳେ କ୍ରୁଜରେ ମହଜୁଦ୍ ଥିବା ଜଣାପଡ଼ିଛି ।

ଆଜି ସକାଳେ ଏନସିବି ଅବ୍ଦୁଲ କ୍ୱାଦିର ଶେଖ୍, ଶ୍ରେୟସ ନାଏର, ମନୀଷ ଡର୍ଯ୍ୟ ଓ ଅଭିନ ସାହୁଙ୍କୁ ଏନସିବି ଗିରଫ କରିଥିଲା । ସେମାନଙ୍କୁ ମୁମ୍ବାଇ ଏସପ୍ଲାନେଡ୍ କୋର୍ଟରେ ହାଜର କରାଯାଇଥିବା ବେଳେ ଅକ୍ଟୋବର ୧୧ ଯାଏଁ ସେମାନଙ୍କୁ ଏନସିବି କଷ୍ଟଡିକୁ ପଠାଇଛନ୍ତି ।

ସାମୁଦ୍ରିକ ଜୀବ ବିଜ୍ଞାନ ଉପରେ ଗବେଷଣା ପାଇଁ ଗୋବର୍ଦ୍ଧନଙ୍କୁ ପୁରସ୍କାର

ଯାଜପୁର: ଦୃଢ ଇଚ୍ଛାଶକ୍ତି ଥିଲେ ଅସମ୍ଭବକୁ ବି ସମ୍ଭବ କରିପାରେ ମଣିଷ । ଅନ୍ତରୀକ୍ଷ ହେଉ କି ଗଭୀର ଜଳ, ଅତି ସୂକ୍ଷ୍ମ ଜୀବର କରିପାରେ ସନ୍ଧାନ । ଏମିତି ଏକ ଗବେଷଣା କରି ରାଜ୍ୟର ନାଁ ରଖିଛନ୍ତି ଯାଜପୁର ଧର୍ମଶାଳା ବ୍ଲକ ମର୍ଜିତାପୁର ପଞ୍ଚାୟତର ଗୋବର୍ଦ୍ଧନ ସାହୁ । ସାମୁଦ୍ରିକ ଜୀବ ବିଜ୍ଞାନରେ ତାଙ୍କର ଏହି ସଫଳତା ପାଇଁ ତାଙ୍କୁ ମିଳିଛି ରାଷ୍ଟ୍ରୀୟ ସମୁଦ୍ର ବିଜ୍ଞାନ ସଂସ୍ଥାର ସର୍ବୋଚ୍ଚତମ ପୁରସ୍କାର । ଏବେ ଦେଶରେ ରହି ସମୁଦ୍ର ଗର୍ଭରେ ଥିବା ଲୁକ୍କାୟିତ ତଥ୍ୟକୁ ଲୋକଲୋଚନକୁ ଆଣିବାକୁ ଲକ୍ଷ୍ୟ ରଖିଛନ୍ତି ।

Odisha Man Received Award From National Institute of Marine Sciences 2020 For Marine Biology

ସମୁଦ୍ରର ଅଥଳ ଗର୍ଭରେ ଲୁଚିଛି ଅନେକ ବିସ୍ମୟ । ମଣିଷ ଆଖିକୁ ଏସବୁ ଦେଖାଯାଉ ନଥିଲେ ସୁଦ୍ଧା ଜଳରେ ଥିବା ଏହି ସୂକ୍ଷ୍ମ ଅଣୁଜୀବଙ୍କ ଭୂମିକା ପରିବେଶ ଓ ଜଳବାୟୁ ଉପରେ ଅନେକ ପ୍ରଭାବ ପକାଇଥାଏ । ଏମିତି ଏକ ତଥ୍ୟକୁ ଉପସ୍ଥାପନ କରି ଦେଶ ପାଇଁ ଗୌରବ ଆଣିଛନ୍ତି ଗୋବର୍ଦ୍ଧନ ସାହୁ । ସାମୁଦ୍ରିକ ଜୀବ ବିଜ୍ଞାନରେ ଉଲ୍ଲେଖନୀୟ ଅବଦାନ ପାଇଁ ତାଙ୍କୁ ଡକ୍ଟରେଟ ଥେସିସ ସଂସ୍ଥାରେ ମନୋନୀତ ହେବା ସହ ୨୦୨୦ ରାଷ୍ଟ୍ରୀୟ ସମୁଦ୍ର ବିଜ୍ଞାନ ସଂସ୍ଥାର ସର୍ବୋଚ୍ଚତମ ପୁରସ୍କାର ପାଇଛନ୍ତି । ଇସ୍ରାଏଲରୁ ଜୀବ ବିଜ୍ଞାନ ଉପରେ ଗବେଷଣା କରି ଏବେ ଗାଁକୁ ଫେରିଛନ୍ତି ଗୋବର୍ଦ୍ଧନ ।

Odisha Man Received Award From National Institute of Marine Sciences 2020 For Marine Biology

ପିଲା ଦିନରୁ ଜୀବ ବିଜ୍ଞାନ ଉପରେ ରୁଚି ରଖିଥିଲେ ଗୋବର୍ଦ୍ଧନ । ରେଭେନ୍ସା କଲେଜରୁ ବିଏସସି ପରେ ପୁଡୁଚେରୀ ବିଶ୍ୱବିଦ୍ୟାଳୟରୁ ସ୍ନାତୋକତ୍ତର ସାରି ୨୦୧୮ରେ ଗୋଆ ସ୍ଥିତ ରାଷ୍ଟ୍ରୀୟ ସମୁଦ୍ର ବିଜ୍ଞାନ ସଂସ୍ଥାନରୁ ଡକ୍ଟରେଟ ଡିଗ୍ରୀ ଲାଭ କରିଥିଲେ । ଇସ୍ରାଏଲ ସରକାରଙ୍କ ଦିଆ ଯାଇଥିବା ପୋଷ୍ଟ ଡକ୍ଟରେଟ ଫିଲୋସଫି ପ୍ରାପ୍ତ କରିବା ପରେ ସମୁଦ୍ର ଭିତରେ ଥିବା ଛୋଟ ଛୋଟ ଅଣୁଜୀବଙ୍କ ଉପରେ କରିଛନ୍ତି ଗବେଷଣା । ତାଙ୍କର ଏହି ଉଦ୍ୟମ ଯୁବଗୋଷ୍ଠୀଙ୍କୁ ପ୍ରେରଣା ଯୋଗାଇଛି ।

https://youtu.be/RaCu5b2iibs

ସୁନ୍ଦରଗଡ଼ରେ ଉନ୍ନୟନମୂଳକ କାର୍ଯ୍ୟର ସମୀକ୍ଷା କଲେ ପଶ୍ଚିମ ଓଡ଼ିଶା ବିକାଶ ପରିଷଦ ଅଧ୍ୟକ୍ଷ

ଭୁବନେଶ୍ୱର: ସୁନ୍ଦରଗଡ଼ ଜିଲ୍ଲା ଗସ୍ତରେ ଯାଇ ବିଭିନ୍ନ ଉନ୍ନୟନମୂଳକ କାର୍ଯ୍ୟର ସମୀକ୍ଷା କରିଛନ୍ତି ପଶ୍ଚିମ ଓଡ଼ିଶା ବିକାଶ ପରିଷଦ ଅଧ୍ୟକ୍ଷ । ବିଶେଷକରି ବିଭିନ୍ନ ଫସଲ ଚାଷ, ସ୍ଥାନୀୟ ଉଦ୍ୟୋଗୀଙ୍କୁ ପ୍ରୋତ୍ସାହନ, ଷ୍ଟିଲ, ଉଦ୍ୟାନ କୃଷି, ଡାଏରୀ ଓ ଅନ୍ୟ ଜୀବିକା ପ୍ରକଳ୍ପର ସମୀକ୍ଷା କରିଛନ୍ତି ପଶ୍ଚିମ ଓଡ଼ିଶା ବିକାଶ ପରିଷଦ ଅଧ୍ୟକ୍ଷ ଅସିତ୍ ତ୍ରିପାଠୀ ।

Chairman WODC reviews field level progress of the developmental projects in Sundargarh district

ମୁଖ୍ୟମନ୍ତ୍ରୀଙ୍କ ପ୍ରମୁଖ ପରାମର୍ଶଦାତା ଥିବା ଅସିତ୍ ତ୍ରିପାଠୀ ସୁନ୍ଦରଗଡ଼ରେ ପହଞ୍ଚି ଜିଲ୍ଲାସ୍ତରୀୟ ଅଧିକାରୀଙ୍କ ସହ ଆଲୋଚନା କରିଥିଲେ । ଜିଲ୍ଲା ଶିଳ୍ପ ପ୍ରୋତ୍ସାହନ ସଂସ୍ଥାକୁ ଜିଲ୍ଲାରେ ସମ୍ଭାବ୍ୟ ଶିଳ୍ପ ନେଇ ଅଧ୍ୟୟନ ପାଇଁ ପରାମର୍ଶ ଦେଇଛନ୍ତି ଅସିତ୍ ତ୍ରିପାଠୀ । ୧୫ ଦିନ ମଧ୍ୟରେ ଡିଆଇପିଏ ରିପୋର୍ଟ ଦେବ । ସେହିଭଳି ଜିଲ୍ଲାରେ କୃଷିଭିତ୍ତିକ ଶିଳ୍ପକୁ ନେଇ ଯୋଜନା ପ୍ରସ୍ତୁତ କରିବେ ଜିଲ୍ଲାପାଳ ।

Chairman WODC reviews field level progress of the developmental projects in Sundargarh district

ଜିଲ୍ଲାରେ ସୋରିଷ ଚାଷକୁ ୩୦ ହଜାର ହେକ୍ଟର୍ସକୁ ବୃଦ୍ଧି କରିବା ପାଇଁ ଲକ୍ଷ୍ୟ ରଖାଯାଇଛି । ଚିନାବାଦାମ ସହ ସୋରିଷ ଚାଷ ଉପରେ ଗୁରୁତ୍ୱ ଦେଇଛନ୍ତି ପଶ୍ଚିମ ଓଡ଼ିଶା ବିକାଶ ପରିଷଦ ଅଧ୍ୟକ୍ଷ । କୁଆଁରମୁଣ୍ଡା ଓ ନୂଆଗାଁ ବ୍ଲକର ଦେଓ ନଦୀ କୂଳରେ ଶିଳ୍ପର ବିକାଶ ପାଇଁ ଜମି ଦେଖିବାକୁ କୁହାଯାଇଛି । ସମୀକ୍ଷା ବୈଠକ ପରେ ଅସିତ୍ ତ୍ରିପାଠୀ ସୁନ୍ଦରଗଡ଼ ଆଉଟଡୋର୍ ଷ୍ଟାଡିୟମ୍ ସହ ମହିଳା ସ୍ୱୟଂ ସହାୟକ ଗୋଷ୍ଠୀର ଚିକି ପ୍ରସ୍ତୁତ ସ୍ଥାନ, ମାଛ ପୋଖରୀ, ଚିଙ୍ଗିରିପାଲିର ମିଶ୍ରିତ କଦଳୀ ଚାଷ ଆଦି ବୁଲି ଦେଖିଥିଲେ । ପଶ୍ଚିମ ଓଡ଼ିଶା ବିକାଶ ପରିଷଦ ଅଧ୍ୟକ୍ଷ ଅସିତ୍ ତ୍ରିପାଠୀ ଆୟକାରୀ ପ୍ରକଳ୍ପକୁ ନେଇ ସନ୍ତୋଷ ବ୍ୟକ୍ତ କରିଥିଲେ ।

କିନ୍ନରଙ୍କୁ ନୂଆ ଅଧିକାର ଦେଲା ଓଡ଼ିଶା

ଭୁବନେଶ୍ୱର: ପ୍ରଥମ ରାଜ୍ୟ ଭାବେ ଓଡ଼ିଶା କିନ୍ନରଙ୍କୁ ପ୍ରଦାନ କଲା ସମାନତା ଅଧିକାର । ଏନେଇ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ପକ୍ଷରୁ ପ୍ରକାଶ ପାଇଛି ବିଜ୍ଞପ୍ତି । ସବୁ ବିଭାଗ ଏହାକୁ କାର୍ଯ୍ୟକାରୀ କରିବାକୁ ନିର୍ଦ୍ଦେଶ ରହିଛି । ପୂର୍ବରୁ ମଧ୍ୟ କିନ୍ନରଙ୍କୁ ବିଭିନ୍ନ ଯୋଜନାରେ ସାମିଲ କରାଇଥିଲେ ରାଜ୍ୟ ସରକାର । ସରକାରଙ୍କ ଏଭଳି ପଦକ୍ଷେପକୁ କିନ୍ନର ସଂଘ ସ୍ୱାଗତ କରିଛି ।

Odisha Gives Equality Rights To Transgender`

ବଦଳିବ ଲୋକଙ୍କ ଦୃଷ୍ଟିଭଙ୍ଗୀ । କିନ୍ନରଙ୍କୁ ମିଳିଲା ସମାନତା ଅଧିକାର । ଗଠନ ହେବ କିନ୍ନର ପରାମର୍ଶଦାତା ପରିଷଦ । ପୂର୍ବରୁ କିନ୍ନରଙ୍କୁ ମଧୁବାବୁ ପେନସନ୍‌ ଯୋଜନାରେ ସାମିଲ କରିବା ସହ ନିଯୁକ୍ତି କ୍ଷେତ୍ରରେ ସୁଯୋଗ ଦେଇଥିଲେ ରାଜ୍ୟ ସରକାର । ଏବେ କିନ୍ନରଙ୍କୁ ସମାନତା ଅଧିକାର ସୁନିଶ୍ଚିତ କରିବା ପାଇଁ ବିଜ୍ଞପ୍ତି ପ୍ରକାଶ ପାଇଛି । ଏହା ସହିତ ରାଜ୍ୟରେ ଖୁବ୍‌ଶୀଘ୍ର ଟ୍ରାନ୍ସଜେଣ୍ଡର ଆଡଭାଇଜରୀ କାଉନ୍‌ସିଲ ଗଠନ କରାଯିବ । ସେହିଭଳି ୩୦ ଜିଲ୍ଲାରେ ୨୫ରୁ ୩୦ ଏକର ଜମିରେ ପ୍ରତିଷ୍ଠା ହେବାକୁ ଥିବା ସମନ୍ୱିତ ଭିତ୍ତିଭୂମି କମ୍ପ୍ଲେକ୍ସରେ ମଧ୍ୟ କିନ୍ନରଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରିବାକୁ ଯୋଜନା ରହିଛି ।

 Odisha Gives Equality Rights To Transgender

୨୦୧୪ରେ ସୁପ୍ରିମକୋର୍ଟ କିନ୍ନରଙ୍କୁ ତୃତୀୟ ଲିଙ୍ଗର ମାନ୍ୟତା ପ୍ରଦାନ କରିବା ପରେ ରାଜ୍ୟ ସରକାର ସେମାନେ ଆତ୍ମନିର୍ଭରଶୀଳ ହେବାର ସମ୍ଭାବନା ସୃଷ୍ଟି କରିଛନ୍ତି । ଏବେ ପୁଣି ସମାନତା ଅଧିକାର ପ୍ରଦାନ କରାଯାଇଥିବାରୁ ମୁଖ୍ୟମନ୍ତ୍ରୀଙ୍କୁ ସାଧୁବାଦ ଜଣାଇଛି କିନ୍ନର ମହାସଂଘ । ରାଜ୍ୟରେ ଟ୍ରାନ୍ସଜେଣ୍ଡର ୱେଲଫର ବୋର୍ଡ ପ୍ରତିଷ୍ଠା କରିବାକୁ ସଂଘ ସରକାରଙ୍କୁ ନିବେଦନ କରିଛି । ଟ୍ରାନ୍ସଜେଣ୍ଡରଙ୍କ ପାଇଁ ସମାନ ସୁଯୋଗ ଟ୍ରାନ୍ସଜେଣ୍ଡର ପର୍ସନ ଅଧିନିୟମ ୨୦୧୯ ଏବଂ କେନ୍ଦ୍ରୀୟ ନିୟମ ୨୦୨୦ ଅନୁଯାୟୀ ଟ୍ରାନ୍ସଜେଣ୍ଡର ଏଣିକି ଭେଦଭାବରୁ ମୁକ୍ତ ହୋଇପାରିବେ ।

ଲକ୍ଷ୍ନୌ ବିମାନବନ୍ଦରରେ ଛତିଶଗଡ଼ ମୁଖ୍ୟମନ୍ତ୍ରୀଙ୍କୁ ଅଟକାଇଲା ପୋଲିସ: ଧାରଣାରେ ବସିଲେ ଭୂପେଶ

ଲକ୍ଷ୍ଣୌ: ଉତ୍ତରପ୍ରଦେଶରେ ଛତିଶଗଡ଼ ମୁଖ୍ୟମନ୍ତ୍ରୀ ଧାରଣା । ଲକ୍ଷ୍ଣୌ ବିମାନବନ୍ଦରରେ ଧାରଣାରେ ବସିଲେ ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବାଘେଲ । ୟୁପି ପୋଲିସ ଦ୍ୱାରା ଅଟକାଯିବା ପ୍ରତିବାଦରେ ଧାରଣାରେ ବସିଛନ୍ତି ଭୂପେଶ ବାଘେଲ । ଲକ୍ଷ୍ମୀପୁର ଜିଲ୍ଲାରେ ପୋଲିସ ଦ୍ୱାରା ଅଟକ ଦଳୀୟ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ ସାକ୍ଷାତ କରିବାକୁ ୟୁପି ଆସିଥିଲେ । ହେଲେ ପୋଲିସ ପକ୍ଷରୁ ତାଙ୍କୁ ଅନୁମତି ଦିଆଯାଇନଥିଲା

ଶ୍ରୀ ବାଘେଲ କହିଛନ୍ତି ଯେ, ପ୍ରିୟଙ୍କା ଗାନ୍ଧୀ ଭଦ୍ରା ଗତକାଲି ଠାରୁ ବେଆଇନ ଭାବେ ଅଟକ ଥିବା ବେଳ ପରେ ତାଙ୍କୁ ଗିରଫ କରାଯଇଛି । ଏବଂ ସେ ତାଙ୍କୁ ସାକ୍ଷାତ କରିବାକୁ ଚାହୁଁଛନ୍ତି ।  କିନ୍ତୁ ପୋଲିସ ମୋତେ ଯିବାକୁ ଦେଉନାହିଁ ବୋଲି ସେ କହିଛନ୍ତି ।

ଏଥିସହିତ ଟ୍ୱିଟରରେ ସେ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ସେ ପୋଲିସକୁ ପ୍ରଶ୍ନ କରୁଥିବା ଦେଖିବାକୁ ମିଳିଛି । ସେ କହୁଛନ୍ତି ୧୪୪ଧାରା ତ ଲକ୍ଷ୍ମୀପୁରରେ ଲାଗୁ କରାଯାଇଛି, ମୁଁ ଲକ୍ଷ୍ମୀପୁର ଯିବିନାହିଁ, ଅସୁବିଧା କ’ଣ?  ଏଥିସହିତ ସେ ଲେଖିଛନ୍ତି ଲକ୍ଷ୍ନୌବାସୀଙ୍କ ଆଦର ସତ୍କାର ନେଇ ବହୁତି ଶୁଣିଥିଲି, କିନ୍ତୁ ଏଠାରେ ଭିନ୍ନ ଚିତ୍ର ଦେଖିବାକୁ ମିଳିଛି । ଆପଣ କ’ଣ କରିଦେଲେ ଯୋଗୀ ଜୀ..ଲକ୍ଷ୍ଣୌବାସୀଙ୍କୁ କେତେ ଖରାପ ଲାଗୁଛି ମୁଁ ବୁଝିପାରୁଛି , ଲୋକେ ବୁଝିପାରୁଥିବେ ସେ କ’ଣ ହରାଇଥିବେ ।

ଗଣଦୁଷ୍କର୍ମ ମାମଲାରେ ପକ୍ସୋ କୋର୍ଟଙ୍କ ରାୟ, ୩ ଅଭିଯୁକ୍ତଙ୍କୁ ୨୫ ବର୍ଷ କାରାଦଣ୍ଡାଦେଶ

ରାଉରକେଲା: ୨୦୧୫ ରଘୁନାଥପାଲି ଥାନା ଅନ୍ତର୍ଗତ ଗାଡିଆଟୋଲି ନିକଟରେ ଜଣେ ନାବାଳିକାକୁ ଗଣଦୁଷ୍କର୍ମ ନେଇ ଅଭିଯୋଗ ହୋଇଥିଲା । ଏହି ମାମଲାର ଶୁଣାଣି କରି ତିନି ଜଣ ଅଭିଯୁକ୍ତଙ୍କୁ ୨୫ ବର୍ଷ କାରାଦଣ୍ଡରେ ଦଣ୍ଡିତ କରାଛନ୍ତି କୋର୍ଟ । ଏଥିସହ ତିନି ଜଣ ଅଭିଯୁକ୍ତଙ୍କୁ ୧୦ ହଜାର ଟଙ୍କା ଆର୍ଥିକ ଦଣ୍ଡରେ ଦଣ୍ଡିତ କରାଯାଇଛି । ଜରିମାନା ଅର୍ଥ ଅନାଦେୟ ହେଲେ ଅଧିକ ଏକ ବର୍ଷ କାରାଦଣ୍ଡରେ ଦଣ୍ଡିତ କରାଯିବ ।

Pocso Court Convicted 3 Culprit 25 Jail In Gang Rape Case

ଦୁଷ୍କର୍ମ ପୀଡ଼ିତା ନାବାଳିକାଙ୍କୁ ସାତ ଲଷ ଟଙ୍କା କ୍ଷତିପୂରଣ ପ୍ରଦାନ ପାଇଁ କୋର୍ଟ ରାୟ ଦେଇଛନ୍ତି । ସୁନ୍ଦରଗଡ଼ ଅତିରିକ୍ତ ଜିଲ୍ଲା ଜଜ୍ ତଥା ପକ୍ସୋ କୋର୍ଟ ଗଣଦୁଷ୍କର୍ମ ମାମଲାର ଶୁଣାଣି କରି ଏହି ଦଣ୍ଡ ବିଧାନ କରିଛନ୍ତି । ଗତ ୨୦୧୫ ମସିହା ମେ ମାସ ୧୦ ତାରିଖ ନାବାଳିକାଙ୍କୁ ଗଣ ଦୁଷ୍କର୍ମ କରାଯାଇଥିବା ନେଇ ରଘୁନାଥପାଲି ଥାନାରେ ଅଭିଯୋଗ ହୋଇଥିଲା ।

ଗଞ୍ଜେଇ ମାଫିଆଙ୍କ ୩ କୋଟି ଟଙ୍କାର ସମ୍ପତ୍ତି ଫ୍ରିଜ୍ କଲା ପୋଲିସ

ଭୁବନେଶ୍ୱର: ନିଶା ବିରୋଧୀ ଅଭିଯାନ ଚଳାଇଛି ଓଡ଼ିଶା ପୋଲିସ । ଦିନକୁ ଦିନ ଗଞ୍ଜେଇ ଓ ଡ୍ରଗ୍ସ ଜବତ ମାତ୍ରା ବଢ଼ି ବଢ଼ି ଚାଲିଛି । ଏହି ଅଭିଯାନରେ ଓଡ଼ିଶା ପୋଲିସକୁ ବଡ଼ ସଫଳତା ମିଳିଛି । ମାଲକାନଗିରି ଜିଲ୍ଲା ଏମଭି-୭୫ ଥାନା ଅଞ୍ଚଳରେ ଗତ ଫେବ୍ରୁଆରୀରେ ବଡ଼ ରେଡ୍ କରିଥିଲା ପୋଲିସ । ବିପୁଳ ମାତ୍ରାରେ ଗଞ୍ଜେଇ ଜବତ ହୋଇଥିଲା । ଏଥିରେ ସମ୍ପୃକ୍ତ ମାଫିଆଙ୍କ ବେଆଇନ୍ ସମ୍ପତ୍ତି ଫ୍ରିଜ୍ ପାଇଁ ପୋଲିସ କୋଲକାତା ସ୍ଥିତ କର୍ତ୍ତୃପକ୍ଷଙ୍କୁ ଅନୁରୋଧ କରିଥିଲା ।

ଏଥିସହ ପଢ଼ନ୍ତୁ: ଅପରେସନ୍ ନୀଳ ଜହର, ଚାଷ ଓ ଅମଳ ରୋକିବାକୁ ସାଟେଲାଇଟ୍ ଓ ଡ୍ରୋନର ନିଆଯିବ ସହାୟତା

ଗଞ୍ଜେଇ ବେପାର ଲିପ୍ତ ମାଫିଆଙ୍କ ୩ କୋଟି ଟଙ୍କାରୁ ଅଧିକ ଟଙ୍କାର ସମ୍ପତ୍ତିକୁ ଫ୍ରିଜ୍ କରାଯାଇଛି । ଅଭିଯୁକ୍ତଙ୍କ ୫ଟି କୋଠା, ୬ଟି ଗାଡ଼ି, ୧୨ଟି ବ୍ୟାଙ୍କ ଆକାଉଣ୍ଟକୁ ଫ୍ରିଜ୍ କରିଛି ପୋଲିସ । ୧୦ ଜଣଙ୍କର ସାଢେ ୩ କୋଟି ଟଙ୍କାର ବେଆଇନ ସମ୍ପତ୍ତିକୁ ଫ୍ରିଜ କରିଛି ପୋଲିସ । ଅଭିଯୁକ୍ତ ମାନେ ହେଲେ କ୍ରିଷ୍ଣା ବଲ୍ଲଭ, ନିର୍ଣ୍ଣାଲ ମଣ୍ଡଳ, ବିବେକାନନ୍ଦ ହାଲଦାର, ଦୀପକ ବାଲା, ରାଜେଶ ମଣ୍ଡଳ, ସୁଧା ମଣ୍ଡଳ । ନିଶା କାରବାର କରି ମାଫିଆ ମାନେ ବେଆଇନ୍ ଭାବରେ ସମ୍ପତ୍ତି ଓ ଘର ତିଆରି କରିଥିବା ପୋଲିସ ତଦନ୍ତ ବେଳେ ଜାଣିବାକୁ ପାଇଥିଲା ।

 Forfeiture of property of more than Rs 3 Crore in NDPS case

ଏହି ସଫଳତା ପାଇଁ ପୋଲିସ ଡିଜି ମାଲକାନଗିରି ପୋଲିସକୁ ଶୁଭେଚ୍ଛା ଜଣାଇଛନ୍ତି । ଗତ ଫେବ୍ରୁଆରୀ ମାସରେ ୧୪ ଶହ କେଜି ଗଞ୍ଜେଇ ଜବତ କରିବା ସହ ୬ ଜଣଙ୍କୁ ଗିରଫ କରିଥିଲା ପୋଲିସ୍ । କେବଳ ଜେଲ୍ ନୁହେଁ ବେଆଇନ୍ ସମ୍ପତ୍ତି ମଧ୍ୟ ଜବତ କରାଯିବ ବୋଲି ନିଶା ମାଫିଆକୁ ଚେତାବନୀ ଦେଇଛନ୍ତି ଡିଜି ଅଭୟ । ଏବେ ନିଶା ମାଫିଆଙ୍କ ଲାଭବାନ ସମ୍ପତ୍ତିକୁ ଜବତ କରିବା ଅଭିଯାନ ଆରମ୍ଭ କରିଛି ପୋଲିସ । ପୂର୍ବରୁ ନବରଙ୍ଗପୁର କୋଷଗୁମୁଡ଼ା ଓ ପାପଡ଼ାହାଣ୍ଡି ଥାନା ଅଞ୍ଚଳରେ ଯଥାକ୍ରମେ ୧.୬୫ କୋଟି ଓ ୪.୭୭ କୋଟି ଟଙ୍କାର ସମ୍ପତ୍ତି ଫ୍ରିଜ୍ କରାଯାଇଥିଲା ।

ଅପରେସନ୍ ନୀଳ ଜହର, ଚାଷ ଓ ଅମଳ ରୋକିବାକୁ ସାଟେଲାଇଟ୍ ଓ ଡ୍ରୋନର ନିଆଯିବ ସହାୟତା

ଭୁବନେଶ୍ୱର: ଗଞ୍ଜେଇ ଚାଷ ଓ କାରବାର ରୋକିବାକୁ ଉଚ୍ଚସ୍ତରୀୟ ବୈଠକ । ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ରଙ୍କ ଅଧ୍ୟକ୍ଷତାରେ ଲୋକସେବା ଭବନରେ ଗୁରୁତ୍ୱପୂର୍ଣ୍ଣ ବୈଠକ ବସିଥିଲା । ଯେଉଁଥିରେ ଅବକାରୀ ସଚିବ ସୁଶୀଲ କୁମାର ଲୋହାନୀ ଯୋଗ ଦେଇ ଗଞ୍ଜେର ଚାଷ ମୂଳୋତ୍ପାଟନ ନେଇ ଆଲୋଚନା କରିଥିଲେ ।

ଜିଲ୍ଲାୱାରୀ ସମୀକ୍ଷା ପରେ ମିଳିତ ଅପରେସନ୍ ପାଇଁ ନିର୍ଦ୍ଦେଶ ଦେଇଛନ୍ତି ମୁଖ୍ୟ ଶାସନ ସଚିବ । ପୋଲିସ, ଅବକାରୀ ଓ ରାଜସ୍ୱ ବିଭାଗ ମିଳିତ ଭାବେ ଅପରେସନରେ ସାମିଲ୍ ହେବେ । ସ୍ଥାନୀୟ ଗୁଇନ୍ଦା ସୂତ୍ର ଆଧାରରେ ଗଞ୍ଜେଇ ଚାଷ ହେଉଥିବା ଅଞ୍ଚଳକୁ ଚିହ୍ନଟ ପାଇଁ ମୁଖ୍ୟ ଶାସନ ସଚିବ ନିର୍ଦ୍ଦେଶ ଦେଇଛନ୍ତି । ଏଥିସହ ଗଞ୍ଜେଇ ଅମଳ ପୂର୍ବରୁ ଚାଷ ନଷ୍ଟ ପାଇଁ ସାଟେଲାଇଟ୍ ଓ ଡ୍ରୋନର ବ୍ୟବହାର କରାଯାଇ ବେଆଇନ୍ ଚାଷ ଚିହ୍ନଟ ନେଇ ନିଷ୍ପତ୍ତି ହୋଇଛି ।

Enforcement against illegal Hemp cultivation Stepped up

ଗଞ୍ଜେଇ ଚାଷ ଉପରେ କଡ଼ା ଆଭିମୁଖ୍ୟ ଗ୍ରହଣ କରିଛନ୍ତି ମୁଖ୍ୟ ଶାସନ ସଚିବ । ଗଞ୍ଜେଇ ଚାଷ ହେଉଥିବା ଜମିର ଲ୍ୟାଣ୍ଡ ରେକର୍ଡ ଯାଞ୍ଚ କରାଯିବ । ଘରୋଇ ଜମିରେ ଗଞ୍ଜେଇ ଚାଷ ହେଉଥିଲେ ଜମି ମାଲିକଙ୍କ ବିରୋଧରେ ଏନଡିପିଏସ୍ ଆକ୍ଟରେ ମାମଲା ରୁଜୁ ପାଇଁ ନିର୍ଦ୍ଦେଶ ଦିଆଯାଇଛି । ଏଥିସହ ଜିଲ୍ଲାସ୍ତରରେ ଆକ୍ସନ୍ ପ୍ଲାନ୍ ପ୍ରସ୍ତୁତ କରିବାକୁ ଜିଲ୍ଲାପାଳଙ୍କୁ ମୁଖ୍ୟ ଶାସନ ସଚିବ ନିର୍ଦ୍ଦେଶ ଦେଇଛନ୍ତି । ଗଞ୍ଜେଇ ଚାଷ କରି ଜୀବିକା ନିର୍ବାହ କରୁଥିବା ଆଦିବାସୀ ପରିବାରକୁ ଚିହ୍ନଟ କରାଯିବ । ସେମାନଙ୍କୁ ଓଡ଼ିଶା ଜୀବିକା ମିଶନ, ଜାତୀୟ ଜୀବିକା ମିଶନ, ମନେରଗା, ଅଧିକ ଅମଳ ଶସ୍ୟ ଭଳି ବିକଳ୍ପ ଜୀବିକା ଯୋଗାଇ ଦେବାକୁ କୁହାଯାଇଛି ।

ଉନ୍ନୟନ କମିଶନର ପ୍ରଦୀପ ଜେନା ସଚେତନତା ଉପରେ ଗୁରୁତ୍ୱ ଦେବା ସହ ଗ୍ରାମବାସୀଙ୍କୁ ସାମିଲ୍ ପାଇଁ କହିଛନ୍ତି । ଗାଁ, ପଞ୍ଚାୟତ ଓ ବ୍ଲକସ୍ତରରେ ଲାଗି କମିଟି ଗଠନ ହେବ । କମିଟି ସଚେତନତା ସହ ତଥ୍ୟ ସଂଗ୍ରହ ଓ ଅନ୍ୟ ଜୀବିକାକୁ ପ୍ରୋତ୍ସାହନ ଲାଗି କାର୍ଯ୍ୟ କରିବ । ଓଡ଼ିଶା ଜୀବିକା ମିଶନ, ଜାତୀୟ ଜୀବିକା ମିଶନ ଓ ଅନ୍ୟ ବିଭାଗର ଜୀବିକା ସ୍କିମ୍ ମାଧ୍ୟମରେ ବ୍ୟୟ ବୃଦ୍ଧି କରାଯିବ ।

ତାଲିବାନ ସରକାରର ନୂଆ ନିୟମ: ୨୦୦୦ରୁ ୨୦୨୦ ଭିତରେ ପାଠ ପଢ଼ିଥିବା ଛାତ୍ରଛାତ୍ରୀଙ୍କ ଡିଗ୍ରୀ ବେକାର

କାବୁଲ ଆଫଗାନିସ୍ତାନ ଉଚ୍ଚ ଶିକ୍ଷା ମନ୍ତ୍ରୀଙ୍କ ନୂଆ ନିୟମ। ୨୦୦୦ରୁ ୨୦୨୦ ମଧ୍ୟରେ ହାଇସ୍କୁଲ ଠାରୁ ସ୍ନାତକ ଡିଗ୍ରୀ ହାସଲ କରିଥିବା ଛାତ୍ରଛାତ୍ରୀ ବେକାର। ଏହି ଡିଗ୍ରୀ କୌଣସି କାମକୁ ନୁହେଁ। ୨୦ବର୍ଷ ମଧ୍ୟରେ ଯେଉଁ ଛାତ୍ରଛାତ୍ରୀ ହାଇସ୍କୁଲରୁ ସ୍ନାତକ କରିଛନ୍ତି ସେମାନଙ୍କ ଡିଗ୍ରୀ ଆଉ କାମ କରିବନି ବୋଲି କହିଛନ୍ତି ଆଫଗାନିସ୍ତାନ ନୂଆ ଉଚ୍ଚ ଶିକ୍ଷା ମନ୍ତ୍ରୀ ଅବଦୁଲ ବାକି ହକ୍କାନି।

କାବୁଲ କବଜା କରିବା ପରେ ତାଲିବାନ ଶିକ୍ଷା କ୍ଷେତ୍ରରେ ନୂଆ ନିୟମ ପ୍ରଣୟନ କରୁଛି। ଏବେ ବିଶ୍ୱବିଦ୍ୟାଳୟରେ ମହିଳାଙ୍କ କ୍ଲାସ ବନ୍ଦ କରି ଦିଆଯାଇଛି। ପ୍ରତ୍ୟେକ ବିଶ୍ୱବିଦ୍ୟାଳୟରେ ନୂଆ କୁଳପତିଙ୍କୁ ନିଯୁକ୍ତି ଦେଇଛି ତାଲିବାନ ସରକାର। ସ୍ନାତକୋତ୍ତର କିମ୍ବା ପିଏଚଡି ହାସଲ କରିଥିବା ଛାତ୍ରଛାତ୍ରୀଙ୍କ ଠାରୁ ମଦରସାରେ ଅଧ୍ୟୟନ କରିଥିବା ଛାତ୍ରଛାତ୍ରୀ ଅଧିକ ଜ୍ଞାନୀ ବୋଲି କହିଛନ୍ତ ହକ୍କାନି। ସୂଚନାଯୋଗ୍ୟ ଯେ ୨୦୦୦ରୁ ୨୦୨୦ ମଧ୍ୟରେ ଆଫଗାନିସ୍ତାନରେ ଅଣ ତାଲିବାନ ସରକାର ଥିଲା। ଏଣୁ ଏବେ ତାଲିବାନ ସରକାର ଆସିବା ପରେ ସେତେବେଳର ଶିକ୍ଷାକୁ ବେକାର ବୋଲି କହୁଛନ୍ତି।