spot_img
Home Blog Page 5285

ପିପିପି ମୋଡରେ ହେବ ବିଶ୍ୱ ସ୍ତରୀୟ ଭୁବନେଶ୍ୱର ଷ୍ଟେସନ

ଭୁବନେଶ୍ୱର: ବିଶ୍ୱସ୍ତରୀୟ ଭୁବନେଶ୍ୱର ରେଲୱେ ଷ୍ଟେସନର ବିକାଶ ପିପିପି ମୋଡରେ ହେବ । ଆଗାମୀ ଦିନରେ ଆଉ ଏକ ପ୍ଲାଟଫର୍ମ ଓ ୨ଟି ରେଳ ଟ୍ରାକ୍ ବଢ଼ିବ । ରେଳ ଜମିରେ ରେଳ ମନ୍ତ୍ରଣାଳୟ ବିକାଶ କରିବ ଓ ତା’ପାଖ ଜମିରେ ବିଡିଏ ଉନ୍ନୟନମୂଳକ କାର୍ଯ୍ୟ କରିବ । ଓଡ଼ିଶାରେ ଥିବା ବିଭିନ୍ନ ରେଳ ପ୍ରକଳ୍ପର ତ୍ୱରାନ୍ୱିତ ବିକାଶ ପାଇଁ ଅର୍ଥର ଅଭାବ ରହିବ ନାହିଁ । ଜମି ଅଧିଗ୍ରହଣ ସମସ୍ୟାର ସମାଧାନ ପାଇଁ ରାଜ୍ଯ ସରକାର ସମ୍ପୂର୍ଣ୍ଣ ସହଯୋଗ କରୁଛନ୍ତି ବୋଲି କହିଛନ୍ତି ରେଲୱେ ବୋର୍ଡର ଅଧ୍ୟକ୍ଷ ସୁନୀତ ଶର୍ମା ।

World Class Bhubaneswar Railway Station Development Will Done In PPP Mode ent

ଖୁବଶୀଘ୍ର ପାରାଦୀପ-ହରିଦାସପୁର ରେଳଲାଇନରେ ଯାତ୍ରୀବାହୀ ଟ୍ରେନ୍ ଚଳାଚଳ କରିବ । ଭୁବନେଶ୍ୱର ଷ୍ଟେସନ ସହିତ ନ୍ୟୁ ଭୂବନେଶ୍ୱର ଷ୍ଟେସନର ବିକାଶ ହେବ । ବିଶ୍ବ ସ୍ତରୀୟ ଷ୍ଟେସନ କରିବା ପ୍ରକ୍ରିୟାକୁ ଜୋରଦାର କରାଯିବ । ସେଥିରେ କେତେ ଟଙ୍କା ଖର୍ଚ୍ଚ କରାଯିବ ତାର ବ୍ୟୟ ଅଟକଳ ଖୁବଶୀଘ୍ର ହେବ । ଦିନିକିଆ ଗସ୍ତରେ ଆସିଥିବା ବେଳେ ଏନେଇ ସୂଚନା ଦେଇଛନ୍ତି ରେଲୱେ ବୋର୍ଡର ଅଧ୍ଯକ୍ଷ ଓ ମୁଖ୍ଯ ନିର୍ବାହୀ ଅଧୀକାରୀ ସୁନୀତ ଶର୍ମା । ପୂରା ଷ୍ଟେସନ ବୁଲି ଦେଖିବା ସହ ଯାତ୍ରୀମାନଙ୍କ ସୁବିଧା ଓ ଅସୁବିଧା ପଚାରି ବୁଝିଛନ୍ତି ରେଲୱେ ବୋର୍ଡର ଅଧ୍ୟକ୍ଷ ।

ବନ୍ଧୁକ ଛାଡ଼ି ବିକାଶର ରାସ୍ତାରେ ସାମିଲ୍ ହେଉଛନ୍ତି ମାଓବାଦୀ, ୨ ମୋଷ୍ଟ ୱାଣ୍ଟେଡ୍ ମାଓବାଦୀଙ୍କ ଆତ୍ମସମର୍ପଣ

ଜୟପୁର: ୨ ମହିଳା ମାଓବାଦୀଙ୍କ ଆତ୍ମସମର୍ପଣ । ପୋଲିସ ଡିଜି ଅଭୟ ଓ ଆଇଜି ଅପରେସନଙ୍କ ନକିଟରେ କୋରାପୁଟ ଏସ୍‌ପି ଅଫିସ୍‌ରେ ଆତ୍ମସମର୍ପଣ କରିଛନ୍ତି ଦୁଇ ମହିଳା ମାଓବାଦୀ । ଦୁଇ ମହିଳା ମାଓବାଦୀ ହେଲେ ଦେବେ ପୋଡ଼ାମି ଓରଫ ଗାଙ୍ଗୀ ଓ ଗୀତା ପୋଡାମୀ ଓରଫ ରଜିତା । ଦେବେ ପୋଡାମୀ ଗୁମ୍ମା ଏରିଆ କମିଟିର ମେମ୍ବର ଥିଲା । ସେହିପରି ଗୀତା ପୋଡାମୀ ଏଓବି ମିଲିଟାରୀ ପ୍ଲାଟୁନର ସଦସ୍ୟ ଥିଲା । ଦୁଇ ଜଣ ପୋଲିସର ମୋଷ୍ଟୱାଣ୍ଟେଡ ଲିଷ୍ଟରେ ରହିଥିଲେ ।

Two Most Wanted Women Mao Cadre Surrender On DGP Koraput

ଦେବେ ପୋଡାମୀର ଘର କାଲିମେଳା କୁରାବରେ । ସେ ୨୦୦୫ ମସିହାରେ ମାଓ ସଂଗଠନର କାଲିମେଳା ଏରିଆ କମିଟିରେ ଯୋଗ ଦେଇଥିଲା । ୭ଟି ମାଓ ହମଲାରେ ଦେବେର ସମ୍ପୃକ୍ତି ରହିଛି । ସେହିଭଳି ଗୀତା ପୋଡାମୀର ଘର ଛତିଶଗଡ଼ ବିଜାପୁରର ମାଙ୍କିରିରେ । ସେ ୨୦୧୮ରେ ଦଣ୍ଡକାରଣ୍ୟ ଜୋନାଲ କମିଟିରେ ଯୋଗ ଦେଇଥିଲା । ୨୦୧୯ରେ ଏଓବି ମିଲିଟାରୀ ପ୍ଳାଟୁନରେ ଯୋଗଦେଇଥିଲା । କଛି ମାସ ହେଲା କୋରାପୁଟ ଜିଲ୍ଲା ବୈପାରୀଗୁଡା ଓ ମାଛକୁଣ୍ଡରେ ସକ୍ରିୟ ଥିଲା ଗୀତା । ସେ ୪ଟି ବଡ଼ ମାଓ ହମଲାରେ ସମ୍ପୃକ୍ତ ଅଛି ।

Two Most Wanted Women Mao Cadre Surrender On DGP Koraput

ମାଓ ଉପଦ୍ରୁତ ଅଞ୍ଚଳରେ ରାଜ୍ୟ ସରକାରଙ୍କ ବିକାଶ ମୂଳକ କାର୍ଯ୍ୟକ୍ରମ ଜାରି ରହିଛି । ତେଣୁ ମାଓବାଦୀମାନେ ବନ୍ଧୁକ ଛାଡ଼ି ବିକାଶର ରାସ୍ତାରେ ସାମିଲ ହେବାକୁ ପୋଲିସ ନିକଟରେ ଆତ୍ମସମର୍ପଣ ହେଉଛନ୍ତି । କୋରାପୁଟ ଓ ମାଲକାନଗିରି ଗସ୍ତରେ ଅଛନ୍ତି ଡିଜିପି ଅଭୟ । ଡିଜିଙ୍କ ସହ ଗୁଇନ୍ଦା ନିର୍ଦ୍ଦେଶକ ଓ ଆଇଜି ଅପରେସନ ବି ଗସ୍ତରେ ସାମିଲ ଅଛନ୍ତି । ମାଓ ସ୍ଥିତି ଓ ଆଇନ୍ ଶୃଙ୍ଖଳା ସ୍ଥିତିର ସମୀକ୍ଷା କରିବେ । ବିଏସଏଫ, ଏସଓଜି ଓ ରାଜ୍ୟ ପୋଲିସଙ୍କ ସହ ଆଲୋଚନା କରିଛନ୍ତି । ସେପଟେ ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳ ଗସ୍ତ କରି ଜୋଡ଼ାମ୍ବ ଥାନା ଉଦଘାଟନ ଓ ମାଓ ଗତିବିଧିର ସମୀକ୍ଷା କରିବାର କାର୍ଯ୍ୟକ୍ରମ ରହିଛି ।

Pipili By-Election: ଦ୍ୱିତୀୟ ରାଉଣ୍ଡ ସୁଦ୍ଧା ୩୩୧୭ ଭୋଟରେ ବିଜେଡି ଆଗୁଆ

ପୁରୀ: ପିପିଲି ଉପନିର୍ବାଚନ ଭୋଟ୍ ଗଣତି ଜାରି ରହିଛି । ପ୍ରଥମ ରାଉଣ୍ଡ ଭଳି ଦ୍ୱିତୀୟ ରାଉଣ୍ଡରେ ଅଧିକ ଭୋଟ୍ ପାଇଛି ବିଜେଡି । ଦ୍ୱିତୀୟ ରାଉଣ୍ଡ ସୁଦ୍ଧା ବିଜେଡି ପ୍ରାର୍ଥୀ ରୁଦ୍ର ପ୍ରତାପ ମହାରଥୀ ମୋଟ ୯ ହଜାର ୩୦ ଭୋଟ୍ ପାଇଥିବା ବେଳେ ବିଜେପି ପ୍ରାର୍ଥୀ ଆଶ୍ରିତ ପଟ୍ଟନାୟକ ୫ ହଜାର ୭୧୩ ଖଣ୍ଡ ଭୋଟ୍ ପାଇଛନ୍ତି । ସେହିଭଳି କଂଗ୍ରେସ ପ୍ରାର୍ଥୀ ବିଶ୍ୱକେଶନ ହରିଚନ୍ଦନ ପାଇଛନ୍ତି ୯୮୧ ଭୋଟ୍ ।

ଏଥିସହ ପଢ଼ନ୍ତୁ: Pipili By-Election: ପ୍ରଥମ ରାଉଣ୍ଡ ସୁଦ୍ଧା ବିଜେଡି ପ୍ରାର୍ଥୀ ରୁଦ୍ର ମହାରଥୀ ଆଗୁଆ

ଦ୍ୱିତୀୟ ରାଉଣ୍ଡ ସୁଦ୍ଧା ବିଜେଡି ପ୍ରାର୍ଥୀ ରୁଦ୍ର ପ୍ରତାପ ମହାରଥୀ ୩ ହଜାର ୩୧୭ ଭୋଟରେ ଆଗୁଆ ରହିଛନ୍ତି । ଦ୍ୱିତୀୟ ରାଉଣ୍ଡରେ ରୁଦ୍ରଙ୍କୁ ୪,୯୭୫ ଭୋଟ୍ ମିଳଥିବା ବେଳେ ଆଶ୍ରିତ ୩,୦୬୪ ଭୋଟ୍ ପାଇଛନ୍ତି । କଂଗ୍ରେସ ଖାତାକୁ ଯାଇଛି ୨୧୫ଟି ଭୋଟ୍ । ସେହିଭଳି ନୋଟାରେ ମୋଟ ୯୦ ଖଣ୍ଡ ଭୋଟ୍ ପଡ଼ିଛି ।

ପୁରୀ ପେଣ୍ଠକଟା ଓ୍ବେୟାର ହାଉସ୍ ଷ୍ଟ୍ରଙ୍ଗ୍‌ ରୁମରେ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ମଧ୍ୟରେ ଚାଲିଛି ଭୋଟ୍ ଗଣତି । ୫ ଓ ୬ ନମ୍ବର ରୁମରେ ଇଭିଏମ ଭୋଟ୍‌ ଗଣତି ହେଉଛି । ଗଣତିରେ ୬୨ ଜଣ ଅଧିକାରୀ ନିୟୋଜିତ ହୋଇଛନ୍ତି । ଗଣତି ପାଇଁ ୧୪ଟି ଟେବୁଲର ବ୍ୟବସ୍ଥା ହୋଇଛି । ମୋଟ ୨୫ ରାଉଣ୍ଡ ଗଣତି ହେବ ।

ମଝି ସମୁଦ୍ରରେ ନିଶା ଆସର, ଡ୍ରଗ୍ସ ପାର୍ଟିରେ ଥିଲେ ଶାହରୁଖ ଖାନଙ୍କ ପୁଅ

ମୁମ୍ବାଇ: ମାୟା ନଗରୀରେ ବଢ଼ୁଛି ନିଶା କାରବାର । କ୍ରୁଜରେ ମଝି ସମୁଦ୍ରରେ ଚାଲିଛି ନିଶା ଆସର । ମୁମ୍ବାଇରୁ ଗୋଆ ଯାଉଥିବା ଲକଜୁରୀ କ୍ରୁଜରେ ଡ୍ରଗ୍ସ ପାର୍ଟି ଚାଲିଥିବା ବେଳେ ରେଡ୍ କରିଛି ଏନସିବି । ପାର୍ଟିରେ ବଲିଉଡ୍ ତାରକା ଶାହରୁଖ ଖାନଙ୍କ ପୁଅ ଆର୍ଯ୍ୟନ ଥିଲେ । ଆର୍ଯ୍ୟନଙ୍କୁ ପଚରାଉଚରା କରୁଛି ନାର୍କୋଟିକ୍ କଣ୍ଟ୍ରୋଲ ବ୍ୟୁରୋ । ମାମଲାରେ ଏନସିବି ୮ ଜଣଙ୍କୁ ଗିରଫ କରିଛି ।

ଜେରା ବେଳେ ଆର୍ଯ୍ୟନ କହିଛି, ତାଙ୍କ ନାମ ନେଇ ଲୋକଙ୍କୁ ପାର୍ଟିକୁ ଡକା ଯାଇଥିଲା । କ୍ରୁଜରେ ଚାଲିଥିବା ପାର୍ଟିର ଭିଡିଓ ମଧ୍ୟ ଏନସିବି ପାଇଛି । ଯେଉଁ ଭିଡିଓରେ ଆର୍ଯ୍ୟନ ରହିଛନ୍ତି । ପାର୍ଟିରେ ଆର୍ଯ୍ୟନ ଧଳା ରଙ୍ଗର ସାର୍ଟ ସହ ବ୍ଲୁ ଜିନ୍ସ ପିନ୍ଧିଛନ୍ତି ଏବଂ ମୁଣ୍ଡରେ ଟୋପି ଲଗାଇଛନ୍ତି । ଏହାବାଦ୍ ଗିରଫ ୮ ଜଣଙ୍କ ଠାରୁ ରୋଲିଂ ପେପର୍ ମିଳିଛି ।

ଶାହରୁଖଙ୍କ ପୁଅ ଆର୍ଯ୍ୟନଙ୍କ ମୋବାଇଲ୍ ଜବତ କରିଛି ଏନସିବି । ତାଙ୍କ ମୋବାଇଲ୍ ଫୋନର ଚାଟର ଯାଞ୍ଚ କରାଯାଉଛି । ଅନ୍ୟ ଗିରଫଙ୍କ ମୋବାଇଲ୍ ଜବତ ପରେ ଛାନଭିନ୍ ଚାଲିଛି । ମାମଲାରେ ତିନିଜଣ ଯୁବତୀଙ୍କୁ ମଧ୍ୟ ଗିରଫ କରି ଜେରା କରୁଛି ଏନସିବି । ଏହି ତିନିଜଣ ଯୁବତୀ ବଡ଼ବଡ଼ ଶିଳ୍ପପତିଙ୍କ ଝିଅ ବୋଲି କୁହାଯାଉଛି ।

କିଛି ମାସ ତଳେ ନାର୍କୋଟିକ୍ କଣ୍ଟ୍ରୋଲ ବ୍ୟୁରୋ ଡ୍ରଗ୍ସ ମାମଲାରେ ରିୟା ଚକ୍ରବର୍ତ୍ତୀଙ୍କ ସହ ତାଙ୍କ ଭାଇ ସୌଭିକକୁ ଗିରଫ କରିଥିଲା । ଏହାପରେ ଅନେକ ବଲିଉଡ୍ ତାରକା ଏନସିବି ସ୍କାନରକୁ ଆସି ଜେରାର ସମ୍ମୁଖୀନ ହୋଇଥିଲେ । ଏବେ ପୁଣି ମାୟା ନଗରୀରେ ଡ୍ରଗ୍ସ କାରବାର ତା’ପୁଣି କ୍ରୁଜରେ । ଏଥିରେ ବି-ଟାଉନ୍ ଲିଙ୍କ୍ ସାମ୍ନାକୁ ଆସିଛି ।

Pipili By-Election: ପ୍ରଥମ ରାଉଣ୍ଡ ସୁଦ୍ଧା ବିଜେଡି ପ୍ରାର୍ଥୀ ରୁଦ୍ର ମହାରଥୀ ଆଗୁଆ

ପୁରୀ: ପିପିଲି ଉପନିର୍ବାଚନ ଭୋଟ୍ ଗଣତିରେ ବିଜେଡି ଆଗୁଆ । ପ୍ରଥମ ରାଉଣ୍ଡ ଗଣତି ସୁଦ୍ଧା ବିଜେଡି ପ୍ରାର୍ଥୀ ରୁଦ୍ର ପ୍ରତାପ ମହାରଥୀ ଆଗୁଆ ରହିଛନ୍ତି । ରୁଦ୍ର ୧୪୦୬ ଭୋଟରେ ଆଗୁଆ ଥିବା ଜଣାପଡ଼ିଛି । ମୋଟ ୨୫ ରାଉଣ୍ଡ ଭୋଟ୍ ଗଣତି ହେବାକୁ ଥିବାବେଳେ ଆରମ୍ଭରୁ ବିଜେଡିର ପଲ୍ଲା ଭାରି ରହିଛି ।

ଏଥିସହ ପଢ଼ନ୍ତୁ: ବଢ଼ୁଛି ଉତ୍କଣ୍ଠା, କିଏ ହାତେଇବ ପିପିଲି ? ଜାଣନ୍ତୁ କ’ଣ କହୁଛି ବିଗତ ନିର୍ବାଚନ ଗଣିତ…

ପ୍ରଥମ ରାଉଣ୍ଡରେ ବିଜେଡି ପ୍ରାର୍ଥୀ ରୁଦ୍ର ପ୍ରତାପ ମହାରଥୀ ୪୦୫୫ ଭୋଟ୍ ପାଇଥିବା ବେଳେ ବିଜେପିର ଆଶ୍ରିତ ପଟ୍ଟନାୟକଙ୍କୁ ମିଳିଛି ୨୬୪୯ ଭୋଟ୍ । ସେହିଭଳି ତୃତୀୟ ସ୍ଥାନରେ ରହିଥିବା କଂଗ୍ରେସ ପ୍ରାର୍ଥୀ ବିଶ୍ୱକେଶନ ହରିଚନ୍ଦନ ୭୬୬ ଭୋଟ୍ ପାଇଛନ୍ତି ।

ଏଥିସହ ପଢ଼ନ୍ତୁ: Pipili By-Election: ପୋଷ୍ଟାଲ୍ ବାଲଟ୍ ପରେ ଇଭିଏମ୍ ଭୋଟ୍ ଗଣତି ଆରମ୍ଭ

Pipili By-Election: ପୋଷ୍ଟାଲ୍ ବାଲଟ୍ ପରେ ଇଭିଏମ୍ ଭୋଟ୍ ଗଣତି ଆରମ୍ଭ

ପିପିଲି: ଘଟିବାକୁ ଯାଉଛି ଉତ୍କଣ୍ଠାର ଅନ୍ତ । ପୋଷ୍ଟାଲ ବାଲଟ୍ ପରେ ଆରମ୍ଭ ହୋଇଛି ଇଭିଏମ୍ ଭୋଟ୍ ଗଣତି । ୭ ନମ୍ବର ରୁମରେ ପୋଷ୍ଟାଲ ବାଲଟ ଗଣତି ହୋଇଥିବା ବେଳେ ୫ ଓ ୬ ନମ୍ବର ରୁମରେ ଇଭିଏମ ଭୋଟ୍‌ ଗଣତି ଚାଲିଛି । ଏଥିପାଇଁ ୬୨ଜଣ ଅଧିକାରୀ ନିୟୋଜିତ ହୋଇଛନ୍ତି । ଗଣତି ପାଇଁ ୧୪ଟି ଟେବୁଲର ବ୍ୟବସ୍ଥା ହୋଇଛି । ମୋଟ ୨୫ ରାଉଣ୍ଡ ଗଣତି ହେବ ।

Pipili By-Election EVM Vote Counting Started

ଏଥିସହ ପଢ଼ନ୍ତୁ: ବଢ଼ୁଛି ଉତ୍କଣ୍ଠା, କିଏ ହାତେଇବ ପିପିଲି ? ଜାଣନ୍ତୁ କ’ଣ କହୁଛି ବିଗତ ନିର୍ବାଚନ ଗଣିତ…

ପ୍ରତ୍ୟେକ ରାଉଣ୍ଡର ଫଳାଫଳ ଲୋକଙ୍କୁ ସ୍କ୍ରିନରେ ଜଣାଇ ଦିଆଯିବ । ପୁରୀ ପେଣ୍ଠକଟା ୱେୟାର ହାଉସ୍ ଷ୍ଟ୍ରଙ୍ଗ୍‌ ରୁମରେ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ମଧ୍ୟରେ ଚାଲିଛି ଭୋଟ ଗଣତି । ମଧ୍ୟାହ୍ନ ସୁଦ୍ଧା ନିର୍ବାଚନ ଫଳାଫଳ ଆସିଯିବ । ଚଳିତ ନିର୍ବାଚନରେ ୭୮.୨୪ ପ୍ରତିଶତ ମତଦାନ ହୋଇଛି ।

ଏଥିସହ ପଢ଼ନ୍ତୁ: Pipili By-Election: କିଛି ସମୟ ପରେ ଖୋଲିବ ଇଭିଏମ୍

ବଢ଼ୁଛି ଉତ୍କଣ୍ଠା, କିଏ ହାତେଇବ ପିପିଲି ? ଜାଣନ୍ତୁ କ’ଣ କହୁଛି ବିଗତ ନିର୍ବାଚନ ଗଣିତ…

ଭୁବନେଶ୍ୱର: ପିପିଲି ଉପନିର୍ବାଚନ ଭୋଟ୍ ଗଣତି ଆରମ୍ଭ ହୋଇଛି । ଆସନ ଦଖଲକୁ ନେଇ ତିନିଦଳ ବିଜେଡି, ବିଜେପି ଓ କଂଗ୍ରେସ ଭରପୂର ପ୍ରୟାସ କରିଥିବା ବେଳେ ଖୋଲୁଛି ଭୋଟ୍ ପେଡ଼ି । ଜିତିବ କିଏ ? କାହାର ହେବ ପିପିଲି ? ପ୍ରଦୀପ ମହାରଥୀଙ୍କ ମୃତ୍ୟୁ ପରେ ବିକଳ୍ପ ଭାବେ କାହାକୁ ବାଛିବେ ଜନତା ? ମଧ୍ୟାହ୍ନ ସୁଦ୍ଧା ସ୍ପଷ୍ଟ ହୋଇଯିବ ଫଳାଫଳ ।

ରାଜ୍ୟର ୧୧୦ ନମ୍ବର ବିଧାନସଭା କ୍ଷେତ୍ର ହେଉଛି ପିପିଲି । ପୁରୀ ଜିଲ୍ଲାର ପିପିଲି, ଡେଲାଙ୍ଗ ବ୍ଲକକୁ ନେଇ ଗଠିତ ଏହି ବିଧାନସଭା ନିର୍ବାଚନ ମଣ୍ଡଳି । ଗଲା ଦୁଇ ଦଶନ୍ଧି ଭିତରେ ଲଗାତାର ୫ଟି ନିର୍ବାଚନରେ ପିପିଲିର ଭୋଟର ବିଜେଡି ପ୍ରାର୍ଥୀଙ୍କୁ ବିଜୟୀ କରି ଆସିଛନ୍ତି। ଦିବଂଗତ ପ୍ରଦୀପ ମହାରଥୀ ଏହି ସମୟରେ ତାଙ୍କ ସାରଥୀ ସାଜିଛନ୍ତି। ବିଜେଡି ଗଢ଼ା ହେବା ଦିନଠାରୁ ଏଠାରେ କେବେ ପରାଜୟ ମୁହଁ ଦେଖି ନାହିଁ। ଅର୍ଥାତ୍ ଗୋଟିଏ ଦଳ ଓ ଗୋଟିଏ ପ୍ରାର୍ଥୀଙ୍କ ଉପରେ ଦୃଢ଼ ଆସ୍ଥା ପ୍ରକଟ କରି ଆସିଛନ୍ତି ପିପିଲିବାସୀ । ୨୦୨୦ ମସିହା ଅକ୍ଟୋବର ୪ରେ ପ୍ରଦୀପ ମହାରଥୀଙ୍କ ବିୟୋଗ ପରେ ଏହି ଆସନ ଖାଲି ପଡ଼ିଥିଲା ।

ଏଥିସହ ପଢ଼ନ୍ତୁ: Pipili By-Election: କିଛି ସମୟ ପରେ ଖୋଲିବ ଇଭିଏମ୍

ସେପ୍ଟେମ୍ବର ୩୦ରେ ପିପିଲିରେ ଭୋଟ୍ ଗ୍ରହଣ ହୋଇଥିଲା । ଚଳିତ ନିର୍ବାଚନରେ ୭୮.୨୪ ପ୍ରତିଶତ ମତଦାନ ହୋଇଛି । ଏହା ପୂର୍ବରୁ ଗତବର୍ଷ ନଭେମ୍ବର ମାସରେ ରାଜ୍ୟର ୨ ଗୋଟି ଆସନରେ ଉପନିର୍ବାଚନ ଅନୁଷ୍ଠିତ ହୋଇଥିଲା । ଆଉ ଉପନିର୍ବାଚନ ହୋଇଥିବା ବାଲେଶ୍ୱର ସଦର ଓ ଜଗତସିଂହପୁର ତିର୍ତ୍ତୋଲ ୨ଟି ଯାକ ଆସନରେ ବିଜୟୀ ହୋଇଥିଲା ବିଜେଡି ।

ବାଲେଶ୍ୱର ସଦର ଆସନରେ ବିଜେପି ବିଧାୟକ ମଦନମୋହନ ଦତ୍ତଙ୍କ ମୃତ୍ୟୁ ପରେ ଗତବର୍ଷ ଉପନିର୍ବାଚନ ହୋଇଥିଲା । ନିର୍ବାଚନରେ ବିଜେପି ମଦନମୋହନ ଦତ୍ତଙ୍କ ପୁଅ ମାନସ ଦତ୍ତଙ୍କୁ ପ୍ରାର୍ଥୀ କରିଥିଲା । ସେଠାରେ ବିଜେଡି ସ୍ୱରୂପ ଦାସଙ୍କୁ ଛିଡ଼ା କରିଥିଲା । ଏଥିରେ ବିଜୟୀ ହୋଇଥିଲେ ବିଜେଡିର ସ୍ୱରୂପ ଦାସ । ସେହିଭଳି ତିର୍ତ୍ତୋଲ ବିଧାୟକ ବିଷ୍ଣୁ ଦାସଙ୍କ ମୃତ୍ୟୁ ପରେ ହୋଇଥିବା ଉପନିର୍ବାଚନରେ ବିଜେଡି ପ୍ରାର୍ଥୀ ବିଜୟ ଶଙ୍କର ଦାସ ବିଜୟୀ ହୋଇଥିଲେ ।

Pipili By Election Know Poll History Pradeep Maharathy

ବାଲେଶ୍ୱର କିମ୍ବା ତିର୍ତ୍ତୋଲ ଉପନିର୍ବାଚନକୁ ବାଦ୍ ଦେଲେ ରାଜ୍ୟର ଅନ୍ୟ ସ୍ଥାନରେ ହୋଇଥିବା ଅଧିକାଂଶ ନିର୍ବାଚନରେ ବିଜେଡି ବିଜୟୀ ହୋଇଛି । ତା’ଛଡ଼ା ଦୀର୍ଘ ଦୁଇ ଦଶନ୍ଧି ଧରି ପିପିଲି ଆସନରେ ବିଜେଡିର ଦବଦବା ରହିଥିବା ବେଳେ ଅନେକ ଉନ୍ନତିମୂଳକ କାର୍ଯ୍ୟ ହୋଇଛି । ବିଜେଡି ଟିକେଟରୁ ଦିବଂଗତ ମହାରଥୀ ୨୦୦୦ ମସିହାରୁ ୨୦୧୯ ଯାଏ ନିର୍ବାଚନ ଲଢ଼ି ବିଜୟୀ ହୋଇଛନ୍ତି । ଏବେ ଦିବଂଗତ ପ୍ରଦୀପ ମହାରଥୀଙ୍କ ପୁଅ ରୁଦ୍ର ପ୍ରତାପ ମହାରଥୀ ବିଜେଡିରୁ ଲଢ଼ିଥିବା ବେଳେ ତାଙ୍କ ବିଜୟକୁ ନେଇ ଆଶାବାଦୀ ବିଜେଡି ।

୨୦୧୯ ନିର୍ବାଚନରେ ପ୍ରଦୀପ ମହାରଥୀ ୧୫ ହଜାର ୭୮୭ ଭୋଟ୍ ବ୍ୟବଧାନରେ ବିଜୟୀ ହୋଇଥିଲେ । ପ୍ରଦୀପ ମହାରଥୀଙ୍କୁ ୮୮ ହଜାର ୫୧୮ ଖଣ୍ଡ ଭୋଟ୍ ମିଳିଥିବା ବେଳେ ବିଜେପିର ଆଶ୍ରିତ ପଟ୍ଟନାୟକ ୭୨ ହଜାର ୭୩୧ ଖଣ୍ଡ ଭୋଟ୍ ପାଇଥିଲେ । ସେହିଭଳି ୨୦୧୪ ନିର୍ବାଚନରେ ପ୍ରଦୀପ ମହାରଥୀ ୩୩ ହଜାର ୪୭୪ ଭୋଟ୍ ବ୍ୟବଧାନରେ ବିଜୟୀ ହୋଇଥିଲେ । ପ୍ରଦୀପ ମହାରଥୀଙ୍କୁ ୮୨ ହଜାର ୫୫୦ ଖଣ୍ଡ ଭୋଟ୍ ମିଳିଥିବା ବେଳେ କଂଗ୍ରେସର ଯୁଧିଷ୍ଠିର ସାମନ୍ତରାୟ ପାଇଥିଲେ ୪୯ ହଜାର ୭୬ ଖଣ୍ଡ ଭୋଟ୍ । ବିଜେପି ପ୍ରାର୍ଥୀ ପ୍ରଫୁଲ୍ଲ ପ୍ରସାଦ ଗଜେନ୍ଦ୍ରଙ୍କୁ ମିଳିଥିଲା ୭ ହଜାର ୬୫୬ ଭୋଟ୍ ମିଳିଥିଲା ।

ବିଗତ ନିର୍ବାଚନ ଫଳାଫଳ ଏବଂ ଭୋଟ୍ ହାରକୁ ଦେଖିଲେ ଲାଗୁଛି ପିପିଲିରେ ବିଜେଡି ଦିନକୁ ଦିନ ସୁଦୃଢ଼ ହୋଇଛି ଏବଂ ବିଜେଡି ଉପରେ ପିପିଲିବାସୀଙ୍କ ପୂର୍ଣ୍ଣ ଆସ୍ଥା ରହିଛି । ଏବେର ଉପନିର୍ବାଚନରେ ମଧ୍ୟ ବିଜେଡି ପୂର୍ବଭଳି ବିପୁଳ ଭୋଟରେ ବିଜୟ ଲାଭ କରିବ ବୋଲି ସମ୍ଭାବନା ସ୍ୱାଭାବିକ ।

ଭବାନୀପୁର ସମେତ ପଶ୍ଚିମବଙ୍ଗର ୩ ବିଧାନସଭା ଆସନର ଆସିବ ରେଜଲ୍ଟ

ପିପିଲି: ଆଜି ପଶ୍ଚିମବଙ୍ଗର ୩ ବିଧାନସଭା ଆସନ ପାଇଁ ଆସିବ ଉପନିର୍ବାଚନ ଫଳାଫଳ । ଭବାନୀପୁର ସମେତ ସମଶେରଗଞ୍ଜ ଓ ଜାଙ୍ଗିପୁର ଉପନିର୍ବାଚନ ରେଜଲ୍ଟ ଆଜି ଆସିବ । ସକାଳୁ ଆରମ୍ଭ ହେବ ଭୋଟ ଗଣତି । ଏ ନେଇ ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି ଶେଷ ହୋଇଛି । ସୁରକ୍ଷା ପାଇଁ ପୋଲିସ ସହ କେନ୍ଦ୍ରୀୟ ବାହିନୀ ନିୟୋଜିତ ହୋଇଛନ୍ତି ।

By Election Bhawanipur Mamata Banerjee Result Update

ଏଥିସହ ପଢ଼ନ୍ତୁ: Pipili By-Election: କିଛି ସମୟ ପରେ ଖୋଲିବ ଇଭିଏମ୍

ସମସ୍ତଙ୍କ ନଜର ରହିଛି ହାଇପ୍ରୋଫାଇଲ ଆସନ ଭବାନୀପୁର ଉପରେ । ଭବାନୀପୁରରୁ ନିଜର ଭାଗ୍ୟ ପରୀକ୍ଷା କରୁଛନ୍ତି ଟିଏମସି ପ୍ରାର୍ଥୀ ତଥା ମୁଖ୍ୟମନ୍ତ୍ରୀ ମମତା ବାନାର୍ଜୀ । ଦିଦିଙ୍କ ବିପକ୍ଷରେ ନିର୍ବାଚନ ଲଢୁଛନ୍ତି ବିଜେପି ପ୍ରାର୍ଥୀ ପ୍ରିୟଙ୍କା ତିବ୍ରେୱାଲ ଓ ସିପିଏମ ପ୍ରାର୍ଥୀ ଶ୍ରୀଜିବ ବିଶ୍ୱାସ । ୨୦୧୧ ଏବଂ ୨୦୧୬ରେ ଭବାନୀପୁର ଆସନରୁ ମମତା ଜିତିଥିଲେ । କିନ୍ତୁ ଗତ ନିର୍ବାଚନରେ ନନ୍ଦିଗ୍ରାମରୁ ଲଢ଼ି ସେଠାରୁ ହାରି ଯାଇଥିଲେ ।

Pipili By-Election: କିଛି ସମୟ ପରେ ଖୋଲିବ ଇଭିଏମ୍

ପିପିଲି: ବଢ଼ିବାରେ ଲାଗିଛି ନେତାଙ୍କ ହୃତସ୍ପନ୍ଦନ ।ଆଉ କିଛି ସମୟ ପରେ ଖୋଲିବ ପିପିଲି ପେଡ଼ି ।  ଆସିବ ପିପିଲି ଉପନିର୍ବାଚନ ଫଳାଫଳ । ଭୋଟ୍‌ଗଣତି ପାଇଁ ପୁରୀ ପେଣ୍ଠକଟା ୱେରହାଉସ୍ ଷ୍ଟ୍ରଙ୍ଗ୍‌ ରୁମରେ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ପ୍ରଥମେ ପୋଷ୍ଟାଲ ବାଲଟ ପରେ ଇଭିଏମ୍ ଭୋଟ୍ ଗଣତି ହେବ । ସକାଳ ୮ରୁ ସାଢ଼େ ୮ ଯାଏ ପୋଷ୍ଟାଲ ବାଲଟ୍‌ ଓ ପରେ ଇଭିଏମ ଭୋଟ୍‌ ଗଣତି କରାଯିବ ।

Pipili By-Election Result Update

୭ ନମ୍ବର ରୁମରେ ପୋଷ୍ଟାଲ ବାଲଟ୍ ଗଣତି ହେବ । ୫ ଓ ୬ ନମ୍ବର ରୁମରେ ହେବ ଇଭିଏମ ଭୋଟ୍‌ ଗଣତି କରାଯିବ । ଏଥିପାଇଁ ୬୨ ଜଣ ଅଧିକାରୀ ନିୟୋଜିତ ହୋଇଛନ୍ତି । ଗଣତି ପାଇଁ ୧୪ଟି ଟେବୁଲର ବ୍ୟବସ୍ଥା ହୋଇଛି । ପ୍ରତ୍ୟେକ ରାଉଣ୍ଡର ଫଳାଫଳ ଲୋକଙ୍କୁ ସ୍କ୍ରିନରେ ଜଣାଇ ଦିଆଯିବ ।

ସେପଟେ ଭୋଟ୍‌ ଗଣତି ପୂର୍ବରୁ ପରାଜୟ ସ୍ୱିକାର କରିଛି କଂଗ୍ରେସ । ବିଜେପି ପରିବର୍ତ୍ତନର ଧାରା ଅବ୍ୟାହତ ଥିବା ଦାବି କରିଥିବାବେଳେ ବିଜେଡି ପୂର୍ବ ଅପେକ୍ଷା ଅଧିକ ଭୋଟ୍‌ ବ୍ୟବଧାନରେ ଜିତିବ ବୋଲି ଦାବି କରିଛି । ତେବେ ଆଜି ସ୍ପଷ୍ଟ ହେବ କିଏ ମାରିବ ପିପିଲି ବାଜି ।

ବଡ଼ଚଣାରେ ବିଜେଡ଼ିରେ ମିଶିଲେ ବିଜେପି ଓ କଂଗ୍ରେସ କର୍ମୀ

ଯାଜପୁର: ଟାଣୁଛି ମୁଖ୍ୟମନ୍ତ୍ରୀଙ୍କ ସ୍ବଚ୍ଛ ଶାସନ ଓ ନୀତି ଆଦର୍ଶ । ବିଜେଡିରେ ସାମିଲ ହେଉଛନ୍ତି ଅନ୍ୟ ଦଳର ନେତା । ଯାଜପୁର ସୁଦୃଢ ହେଉଛି ବିଜୁ ଜନତା ଦଳ । ବଡ଼ଚଣାରେ  ଅନୁଷ୍ଠିତ ହୋଇଛି ବିଜେଡିର ମିଶ୍ରଣ ପର୍ବ । ବଡ଼ଚଣା କଂଗ୍ରେସ ଓ ବିଜେପି ଦଳର ବହୁ କର୍ମୀ ବିଜେଡି ରେ ସାମିଲ ହୋଇଛନ୍ତି । ମାଣ୍ଡୁକା ପଂଚାୟତ ଓ ସୂଂଗୁଡ଼ା ପଂଚାୟତର କିଛି କଂଗ୍ରେସ ଓ ବିଜେପି କର୍ମୀ ବଡ଼ଚଣା ବିଧାୟକ ଅମର ପ୍ରସାଦ ଶତପଥିଙ୍କ ଉପସ୍ଥିତିରେ ବିଜେଡି ରେ ସାମିଲ ହୋଇଛନ୍ତି ।

ଏହି ମିଶ୍ରଣ ପର୍ବ ଦ୍ବାରା ଆଗମୀ ଦିନରେ ବଡ଼ଚଣାରେ ବିକାଶର ଧାରା ଆଗକୁ ଆହୁରି ଯାଇ ପାରିବ ବୋଲି ବିଧାୟକ କହିଛନ୍ତି । ଏହି ମିଶ୍ରଣ ପର୍ବ ରେ ମାଣ୍ଡୁକା ଓ ସୂଂଗୁଡ଼ା ପଂଚାୟତ ର ସରପଞ୍ଚ, ବ୍ଲକ ବିଜେଡ଼ି ସଭାପତି ଓ ବହୁ ବିଜେଡି ର କର୍ମକର୍ତା ଯୋଗ ଦେଇଥିଲେ ।