spot_img
Home Blog Page 5286

ରବିବାର ପିପିଲି ରେଜଲ୍ଟ, ଏବେଠାରୁ ଧଡ୍ ଧଡ୍ ନେତାଙ୍କ ଛାତି…

ଭୁବନେଶ୍ୱର: କେଇଟି ଘଣ୍ଟା ପରେ ପିପିଲି ଉପନିର୍ବାଚନର ଭୋଟ୍‌ଗଣତି  । ପ୍ରକାଶ ପାଇବ ଫଳାଫଳ । ପୁରୀରେ ଭୋଟ୍‌ ଗଣତି ପାଇଁ ବ୍ୟାପକ ବ୍ୟବସ୍ଥା କରାଯାଇଛି । ଅପରାହ୍ନ ସୁଦ୍ଧା ରେଜଲ୍‌ଟ ଟ୍ରେଣ୍ଡ ଆସିଯିବ ।ବିଜେପି ପରିବର୍ତ୍ତନ ନେଇ ଆଶା ବାନ୍ଧିଥିବାବେଳେ ବିଗତ ଦିନର ଫଳାଫଳ ଓ ନବୀନ ପଟ୍ଟନାୟକଙ୍କ ଲୋକାଭିମୁଖୀ ତଥା ଉନ୍ନୟନ କାମ ପୁଣି ଥରେ ବିଜେଡିର ବିପୁଳ ବିଜୟ ସମ୍ଭାବନାକୁ ଅଧିକ ଉଜ୍ବଳ କରିଥିବା ଦଳ ଦାବି କରିଛି । ସେପଟେ ଫଳାଫଳ ପୂର୍ବରୁ ରେସରୁ ଓହରି ସାରିଛି କଂଗ୍ରେସ  ।

ପିପିଲି ପ୍ରତୀକ୍ଷାରେ ରବିବାର ପଡ଼ିବ ପୂର୍ଣ୍ଣଚ୍ଛେଦ ।  ଭୋଟ୍‌ଗଣତି ପାଇଁ ପୁରୀ ପେଣ୍ଠକଟା ଓ୍ବେରହାଉସ୍ ଷ୍ଟ୍ରଙ୍ଗ୍‌ ରୁମରେ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା କରାଯାଇଛି । ୫ ଓ ୬ ନମ୍ବର ରୁମରେ ହେବ ଇଭିଏମ ଭୋଟ୍‌ ଗଣତି । ଏଥିପାଇଁ ୧୪ଟି ଟେବୁଲ ବ୍ୟବସ୍ଥା କରାଯାଇଛି । ସେହିପରି ୭ ନମ୍ବର ରୁମରେ ପୋଷ୍ଟାଲ ବାଲଟ ଗଣତି ହେବ । ସକାଳ ୮ରୁ ସାଢେ ୮ ଯାଏ ପୋଷ୍ଟାଲ ବାଲଟ୍‌ ଓ ପରେ ଇଭିଏମ ଭୋଟ୍‌ ଗଣତି କରାଯିବ । ଏଥିପାଇଁ ୬୨ଜଣ ଅଧିକାରୀ ନିୟୋଜିତ ହୋଇଛନ୍ତି ।

ସେପଟେ ବଢ଼ି ଯାଇଛି ତିନି ରାଜନୈତିକ ଦଳର ଦିଲ୍ଲ୍ ଧଡ୍‌କନ । ସ୍ଥିତି ଦେଖି ଭୋଟ୍‌ ଗଣତି ପୂର୍ବରୁ ପରାଜୟ ସ୍ବୀକର କରିଛି କଂଗ୍ରେସ । ସେପଟେ ଗତ ନିର୍ବାଚନରେ ଭୋଟ ବୃଦ୍ଧି ପାଇଥିବାରୁ ବିଜେପି ପରିବର୍ତ୍ତନର ଧାରା ଅବ୍ୟାହତ ଥିବା ଦାବି କରିଛି । ଅନ୍ୟପଟେ ନବୀନ ପଟ୍ଟନାୟକଙ୍କ ଶାସନ କାଳରେ ପିପିଲି ସବୁବେଳେ ବିଜେଡି ଦଖଲରେ ଅଛି । ଜନତା ଦଳରୁ ବିଜୁ ଜନତା ଦଳ ଯାଏ ୭ ଥର ବିଧାୟକ ଥିଲେ ପ୍ରଦୀପ ମହାରଥୀ । ଏଥର ବିଜେଡି ପୂର୍ବ ଥରଗୁଡ଼ିକ ଅପେକ୍ଷା ଅଧିକ ଭୋଟ୍‌ ବ୍ୟବଧାନରେ ଜିତିବ ବୋଲି ବିଜେଡି ଦାବି କରିଛି ।

ଗତବର୍ଷ ଅକ୍ଟୋବର ୩ ତାରିଖରେ ଦିବଙ୍ଗତ ବିଧାୟକ ପ୍ରଦୀପ ମହାରଥୀଙ୍କ ଦେହାନ୍ତ ଘଟିଥିଲା  । ଏହାପରେ ମୁରବୀଶୂନ୍ୟ ହୋଇପଡିଥିଲା ପିପିଲି ଆସନ  । ସେପଟେ ଉପନିର୍ବାଚନ ନେଇ ସମସ୍ତ ପ୍ରସ୍ତୁତି ସରିଥିବାବେଳେ କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜଙ୍କ ମଧ୍ୟ ଦେହାନ୍ତ ଘଟିଥିଲା  । ତେଣୁ ପୁନର୍ବାର ନିର୍ବାଚନ ତାରିଖ ଘୋଷଣା କରାଯାଇଥିବାବେଳେ କୋବିଡର ଭୟଭହତା କାରଣରୁ ନିର୍ବାଚନକୁ ସ୍ଥଗିତ ରଖିଥିଲେ ରାଜ୍ୟ ସରକାର  । ତେବେ ସମସ୍ତ ଘଟଣାର ପୂର୍ଣ୍ଣଛେଦ ପକାଇ ରବିବାର ରେଜଲ୍ଟ ପ୍ରକାଶ ପାଇବାକୁ ଯାଉଥିବାବେଳେ ଏବେ ଠାରୁ ନେତାଙ୍କ ଆଖିରେ ହଜିବାକୁ ବସିଲାଣି ନିଦ  । ତେବେ ଦେଖିବାକୁ ବାକି ରହିଲା କାହା ସପକ୍ଷରେ ଯାଉଛି ପିପିଲି ଜନାଦେଶ  ।

ଆଶ୍ଚର୍ଯ୍ୟ ଲାଗିଲେ ବି ସତ୍ୟ: ଜଣେ ବ୍ୟକ୍ତିଙ୍କ ପେଟରେ ୪ ଇଞ୍ଚିଆ କଣ୍ଟା, ନଟ, ବୋଲ୍ଟ, ସ୍କ୍ରୁ, ଓ୍ବାସର…

ଲିଥୁଆନିଆ: ମଣିଷ ପେଟରୁ ବାହାରିଲା ପୁଳାପୁଳା କଣ୍ଟା, ନଟ, ବୋଲ୍ଟ, ସ୍କ୍ରୁ, ଛୁରୀ । ଆଶ୍ଚର୍ଯ୍ୟ ହେଲେ ବି ଘଟଣା ସତ୍ୟ । ଲିଥୁଆନିଆର ଜଣେ ବ୍ୟକ୍ତିଙ୍କ ପେଟରୁ ଏସବୁ ବାହାରିବା ପରେ ଡାକ୍ତର ହୋଇଯାଇଛନ୍ତି ଆଶ୍ଚର୍ଯ୍ୟ । ପ୍ରାୟ ୧ କିଲୋଗ୍ରାମ ଲୁହା ବାହାରିବା ଖବର ଚାଞ୍ଚଲ୍ୟ ସୃଷ୍ଟି ହୋଇଛି । ଉକ୍ତ ବ୍ୟକ୍ତି ଜଣକ ଜଣେ ମଦ୍ୟପ ଥିଲେ । ତେବେ ତାଙ୍କୁ କୌଣସି ପ୍ରକାରେ ନିଶାରୁ ବିରତ କରାଯାଇପାରିଥିଲା । ମାତ୍ର ମଦ ଛାଡିବା ପରେ ପରେ ସେ ଏକ ଅଦ୍ଭୁତ କାର୍ଯ୍ୟ ଜାରି ରଖିଥିଲେ ।

ମାସେ ତଳୁ ସେ ଏକ ୪ ଇଞ୍ଚିଆ କଣ୍ଟା ସହ ପୁଳା ପୁଳା କଣ୍ଟା, ନଟ, ବୋଲ୍ଟ, ସ୍କ୍ରୁ, ଓ୍ବାସର, ଛୁରୀ ଆଦି ଖାଇଚାଲିଥିଲେ । ସେ ମାସକ ଭିତରେ ପ୍ରାୟ ୧ କିଲୋଗ୍ରାମ ଓଜନର ଲୁହା ସାମଗ୍ରୀ ଗର୍ଭସ୍ଥ କରିବା ପରେ ତାଙ୍କର ଯନ୍ତ୍ରଣା ଆରମ୍ଭ ହୋଇଥିଲା । ପରେ ସେ ଗୁରୁତର ହୋଇଥିଲେ । ତାଙ୍କୁ ଏକ ଆମ୍ବୁଲାନ୍ସରେ ହସ୍ପିଟାଲ ନିଆଯାଇଥିଲା । ଶେଷରେ କ୍ଲାଇପେଦା ୟୁନିଭର୍ସିଟି ହସ୍ପିଟାଲରେ ତାଙ୍କର ଅପରେସନ କରାଯାଇଥିଲା ।

ରୋଗୀଙ୍କ ପେଟରୁ ଏପରି ଜିନିଷ ପାଇ ଡାକ୍ତରମାନେ ଆଶ୍ଚର୍ଯ୍ୟ ହୋଇଯାଇଥିଲେ । ଏହା ଏକ ବିରଳ ଘଟଣା ବୋଲି କହିଛନ୍ତି ସର୍ଜନ ସାରୁନାସ ଦାଇଲିଦେନାସ । ପେଟରୁ ଏସବୁକୁ ବାହାର କରିବା ଲାଗି ଡାକ୍ତରଙ୍କୁ ପ୍ରାୟ ୩ ଘଣ୍ଟା ଲାଗିଥିଲା । ବର୍ତ୍ତମାନ ସେ ସୁସ୍ଥ ଥିବା ଜଣାଯାଇଛି । କିନ୍ତୁ ଏପରି ଘଟଣା କେବଳ ଉକ୍ତ ଦେଶରେ ନୁହେଁ ସାରା ବିଶ୍ୱରେ ଚର୍ଚ୍ଚା ସୃଷ୍ଟି କରିଛି  ।

ମହାତ୍ମା ଗାନ୍ଧୀଙ୍କ ଓଡ଼ିଶା ଆଗମନ: `ଗାନ୍ଧୀଜୀ ଇନ୍ ଓଡ଼ିଶା’ ପୁସ୍ତକ ଉନ୍ମୋଚନ କଲେ ମୁଖ୍ଯମନ୍ତ୍ରୀ

ଭୁବନେଶ୍ୱର: ମହାତ୍ମା ଗାନ୍ଧୀଙ୍କ ଓଡ଼ିଶା ଆଗମନର କୃତି ଓ କୀର୍ତ୍ତିର ସ୍ମରଣ ନିମନ୍ତେ ଉନ୍ମୋଚିତ ହୋଇଛି ପୁସ୍ତକ `ଗାନ୍ଧୀଜୀ ଇନ୍ ଓଡ଼ିଶା’ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁସ୍ତକକୁ ଉନ୍ମୋଚନ କରିଛନ୍ତି । ଉକ୍ତ ପୁସ୍ତକରେ ଗାନ୍ଧୀଜୀଙ୍କର ଓଡ଼ିଶା ଆଗମନ ଓ ବିଭିନ୍ନ ପ୍ରସଙ୍ଗ ସମ୍ପର୍କରେ ଉଲ୍ଲେଖ ରହିଛି । ସ୍ବାଧୀନତାର ୭୫ବର୍ଷ ପୂର୍ତ୍ତି ଅବସରରେ ଦେଶବ୍ୟାପୀ ଆଜାଦି କା ଅମୃତ ମହୋତ୍ସବ ପାଳନ କରାଯାଉଛି ।

ଏହି ଅବସରରେ ରାଜ୍ୟବ୍ୟାପୀ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହେଉଛି । ଓଡ଼ିଶା ପ୍ରତି ଗାନ୍ଧୀଙ୍କ ହୃଦୟରେ ସ୍ବତନ୍ତ୍ର ଦରଦ ରହିଥିଲା । ଓଡ଼ିଶାକୁ ତାଙ୍କର ଆଗମନକୁ ସେ ନିଜେ ତୀର୍ଥ ଯାତ୍ରା ଶଦୃଶ ବର୍ଣ୍ଣନା କରିଥିଲେ । ଆଗାମୀ ପିଢିକୁ ଗାନ୍ଧୀଙ୍କ ସମ୍ପର୍କରେ ଅବଗତ କରାଇବାକୁ ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ତରଫରୁ ଏହି ପୁସ୍ତକ ଉନ୍ମୋଚନ କରାଯାଇଛି ।

ବିଦ୍ୟୁତ ଆଘାତରୁ ବର୍ତ୍ତିବେ ହାତୀ: ଶକ୍ତି ବିଭାଗର ୪୪୫ କୋଟି ୭୫ ଲକ୍ଷ ଟଙ୍କାର ପ୍ୟାକେଜ୍

ଭୁବନେଶ୍ୱର: ହାତୀ ମୃତ୍ୟୁ ରୋକିବାକୁ ରାଜ୍ୟ ସରକାରଙ୍କ ବଡ଼ ପଦକ୍ଷେପ । ବିଦ୍ୟୁତ ଠାରୁ ହାତୀଙ୍କୁ ବଞ୍ଚାଇ ରଖିବାକୁ ଶକ୍ତି ବିଭାଗର ୪୪୫ କୋଟି ୭୫ ଲକ୍ଷ ଟଙ୍କାର ପ୍ୟାକେଜ୍ । ହାତୀ କରିଡର ଦେଇଯାଇଥିବା ୩୩ କେଭି, ୧୧ କେଭି ଲାଇନ୍ ଗ୍ରାଉଣ୍ଡ କ୍ଲିୟରାନ୍ସ ବଢାଇବାକୁ ନିର୍ଦ୍ଦେଶ ଦିଆଯାଇଛି । ଆବଣ୍ଟନ ହୋଇଥିବା ଟଙ୍କା ବିଦ୍ୟୁତ ବିତରଣ କମ୍ପାନୀ ଖର୍ଚ୍ଚ କରିବେ । ବିଦ୍ୟୁତ ଓ ଜଙ୍ଗଲ ବିଭାଗର ସହଭାଗିତାରେ ଏହି କାର୍ଯ୍ୟକ୍ରମ ହେବ । ସ୍ଥାନୀୟ ଲୋକ ମଧ୍ୟ ଏହି କାର୍ଯ୍ୟକ୍ରମରେ ସମ୍ପୃକ୍ତ ରହିବେ ।

ବେଆଇନ୍ ହୁକିଂ ଏବଂ ଶୀକାର କରୁଥିବା ଲୋକଙ୍କ ଉପରେ ନଜର ରଖାଯିବ । ସେମାନଙ୍କ ବିଷୟରେ କେହି ସୂଚନା ଦେଲେ ସେମାନଙ୍କୁ ପୁରସ୍କାର ରାଶି ପ୍ରଦାନ କରାଯିବ । ବିଦ୍ୟୁତ ଆଘାତରେ ଗୋଟିଏ ବି ହାତୀଙ୍କର ଯେମିତି ମୃତ୍ୟୁ ନହୁଏ ସେଥିପ୍ରତି ନଜର ରଖାଯିବ । ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବୈଠକ ହୋଇଥିବା ବେଳେ ଏନେଇ ଗୁରୁତ୍ବପୂର୍ଣ୍ଣ ନିଷ୍ପତ୍ତି ନିଆଯାଇଛି । ୨୦୦୯ରୁ ୨୦୧୯ ଭିତରେ ରାଜ୍ୟରେ ୭୩୨ଟି ହାତୀଙ୍କର ବିଦ୍ୟୁତ ଆଘାତରେ ମୃତ୍ୟୁ ହୋଇଥିବା ବିଧାନସଭାରେ ଉତ୍ତର ରଖିଥିଲେ ଜଙ୍ଗଲ ଓ ପରିବେଶ ମନ୍ତ୍ରୀ । ସେହିଭଳି ବର୍ଷକୁ ୧୧ଟି ହାତୀଙ୍କର ମୃତ୍ୟୁ ହେଉଥିବା ସେ କହିଥିଲେ ।

ଦୁର୍ଘଟଣାରେ ମହାନଦୀଙ୍କୁ ଖସିପଡିଲେ ମହିଳା, ଘଟଣାସ୍ଥଳରେ ଜୀବନ ହାରିଲେ ସ୍ୱାମୀ

ବୌଦ୍ଧ: କିଆକଟା ମହାନଦୀ ସେତୁ ଉପରେ ଦୁର୍ଘଟଣା। ସେତୁ ଉପରେ ବାଇକ -କାର୍ ମୁହାଁମୁହିଁ ଧକ୍କା । ଘଟଣା ସ୍ଥଳରେ ବାଇକ ଆରୋହୀଙ୍କ ମୃତ୍ୟୁ ହୋଇଛି । ଦୁର୍ଘଟଣା ପରେ ବ୍ରିଜ ତଳକୁ ଖସିପଡ଼ିଛନ୍ତି ମହିଳା। ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବାହିନୀ ତନାଘନା ଜାରି ରଖିଛନ୍ତି । ମହାନଦୀ ସେତୁ ଉପରେ ବାଇକରେ ଦମ୍ପତି ଯାଉଥିବାବେଳେ କାର ସହ ମୁହାଁମୁହିଁ ଧକ୍କା ହୋଇଥିଲା ।

ବାଇକ ଚାଳକଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ବାଇକରେ ବସିଥିବା ମହିଳା ଜଣଙ୍କ ମହାନଦୀ ବ୍ରିଜ ତଳକୁ ଖସି ପଡ଼ିଛନ୍ତି । ମହିଳାଙ୍କୁ ଖୋଜିବା ପାଇଁ ଅଗ୍ନିଶମ ବାହିନୀ ଉଦ୍ୟମ ଆରମ୍ଭ କରିଥିବାବଳେ କାର ଚାଳକ ଘଟଣାସ୍ଥଳରୁ ଖସିଯାଇଛନ୍ତି  । ସେପଟେ ଦୁର୍ଘଟଣା ଏତେ ଭୟଙ୍କର ଥିଲା ଯେ, ଘଟଣା ସ୍ଥଳରେ ହିଁ ବାଇକଆରୋହୀଙ୍କର ମୃତ୍ୟୁ ଘଟିଥିଲା  । ସେପଟେ ବାଇକ ପଛରେ ବସିଥିବା ମହିଳା ଜଣଙ୍କୁ ମହାନଦୀରେ ଖୋଜିବା ଆରମ୍ଭ କରିଛି ଅଗ୍ନିଶମ ବାହିନୀ  ।

 

ଟିକେଟ୍ ନଥିବାରୁ ଲାଠିରେ ଯୁବତୀଙ୍କ ମୁଣ୍ଡ ଫୁଟାଇଲେ RPF କନଷ୍ଟେବଳ

ରାଉରକେଲା: ଆରପିଏଫ୍ କନଷ୍ଟେବଳଙ୍କ ଅମାନୁଷିକ କାମ । ଟିକଟ ନଥିବାରୁ ଯୁବତୀଙ୍କୁ ଲାଠିରେ ପିଟି ମୁଣ୍ଡ ଫଟାଇଦେଲେ ଆରପିଏଫ୍ କନଷ୍ଟେବଳ । ଏନେଇ ରାଉରକେଲା ରେଳବାଇ ଥାନାରେ ଅଭିଯୋଗ କରିଛନ୍ତି ଯୁବତୀ । ଅଭିଯୋଗ ଅନୁସାରେ, ଫଳ ବିକ୍ରି କରୁଥିବା ଜଣେ ଯୁବତୀ ଟ୍ରେନ୍‌ରେ ହାଓଡା ଯାଉଥିଲେ । ଟିକେଟ ଯାଞ୍ଚ କଲାବେଳେ ଯୁବତୀଙ୍କ ନିକଟରେ ଟିକେଟ୍ ନଥିବାରୁ ଆକ୍ରମଣ କରିଥିଲେ ଆରପିଏଫ୍ କନଷ୍ଟେବଳ ।

ଏଭଳି ଘଟଣାକୁ ସାଧାରଣ ଲୋକେ ନାପସନ୍ଦ କରିଛନ୍ତି  । ଯଦି ଜଣେ ଯାତ୍ରୀ ଭୁଲ କରିଛନ୍ତି, ତେବେ ଆଇନ ଅନୁଯାୟୀ ଦଣ୍ଡ ଦେବା ପରିବର୍ତ୍ତେ ଲାଠି ଚାର୍ଜ କରିବା ନିନ୍ଦନୀୟ  ।   ପାନପୋଷ ନିକଟରେ ଆରପିଏଫ କନଷ୍ଟେବଳ ଲାଠିରେ ପିଟି ଯୁବତୀଙ୍କ ମୁଣ୍ତ ଫଟାଇ ଦେଇଥିବା ଅଭିଯୋଗ ହୋଇଛି ।

IPL ଅପଡେଟ୍: ୪ ୱିକେଟରେ ଦିଲ୍ଲୀ ବିଜୟୀ, ମଉଳିଲା ମୁମ୍ବାଇର ପ୍ଲେ ଅଫ ଆଶା

ନନ୍ଦିଘୋଷ ବ୍ୟୁରୋ: ମୁମ୍ବାଇକୁ ମାତ ଦେଲା ଦିଲ୍ଲୀ ଟିମ । ଏହି ମ୍ୟାଚରେ ଡିପେଣ୍ଡିଂ ଚାମ୍ପିୟନ ମୁମ୍ବାଇକୁ ୪ ୱିକେଟରେ ହରାଇଛି ଦିଲ୍ଲୀ କ୍ୟାପିଟାଲ୍ସ । ଏହି ବିଜୟ ସହ ଦିଲ୍ଲୀ କ୍ୟାପିଟାଲ୍ସ ଫ୍ଲେ ଅଫରେ ନିଜ ସ୍ଥାନ ପକ୍କା କରିଛି । ଆଇପିଏଲର ୪୬ ତମ ମ୍ୟାଚରେ ଟସ୍ ଜିତି ପ୍ରଥମେ ବୋଲିଂ କରିବାର ନିଷ୍ପତ୍ତି ନେଇଥିଲା ଦିଲ୍ଲୀ । ମୁମ୍ବାଇ ପ୍ରଥମେ ବ୍ଯାଟିଂ କରିବା ସହ ନିର୍ଦ୍ଧାରିତ ଓଭରରେ ୮ ୱିକେଟ ହରାଇ ୧୨୯ ରନ ସଂଗ୍ରହ କରିଥିଲା  ।

ସେହିପରି ଦ୍ୱିତୀୟ ଇଂନିସରେ ଦିଲ୍ଲୀ ବ୍ୟାଟିଂ କରିବା ସହ ୬ ୱିକେଟ ହରାଇ ୧୩୨ ରନ ସଂଗ୍ରହ କରିବାରେ ସକ୍ଷମ ହୋଇଥିଲା  । ଏଥି ସହିତ ମ୍ୟାଚକୁ ନିଜ ଆଡ଼କୁ ନେବାରେ ସକ୍ଷମ ହୋଇଥିଲା ଦିଲ୍ଲୀ  । ଅଭେସ ଖାନ ଦମଦାର ବୋଲିଂ ପ୍ରଦର୍ଶନ କରି ୪ ଓଭରରେ ମାତ୍ର ୧୫ ରନ୍ ଦେଇ ୩ଟି ମୂଲ୍ୟବାନ୍ ୱିକେଟ୍ ଅକ୍ତିଆର କରିଛନ୍ତି । ସେପଟେ ପ୍ରଥମେ ବ୍ୟାଟିଂ କରିଥିବା ମୁମ୍ବାଇର ବ୍ୟାଟିଂ ପକ୍ରିୟା ଆଜି ବିପର୍ଯ୍ୟସ୍ଥ ହୋଇପଡିଥିବା ଦେଖିବାକୁ ମିଲିଥିଲା  ।

ଓଡ଼ିଶା ସ୍ବାସ୍ଥ୍ୟ ସେବାକୁ ନୀତି ଆୟୋଗର ପ୍ରଶଂସା, ରାଜ୍ୟରେ ମିଳୁଛି ଉନ୍ନତମାନର ଚିକିତ୍ସା ସୁବିଧା

ଭୁବନେଶ୍ୱର: ଓଡ଼ିଶାରେ ମିଳୁଛି ଉନ୍ନତମାନର ଚିକିତ୍ସା ସୁବିଧା । ଡାକ୍ତରଖାନାରେ ରୋଗୀ ଓ ସମ୍ପର୍କୀୟଙ୍କୁ ଚିକିତ୍ସା ସାଙ୍ଗକୁ ଭଲ ବ୍ୟବହାର ମଧ୍ୟ କରାଯାଉଛି । ଏଥିପାଇଁ ରାଜ୍ୟର ସ୍ବାସ୍ଥ୍ୟ ସେବାକୁ ପ୍ରଶଂସା କରିଛି ନୀତି ଆୟୋଗ । ମଧ୍ୟମ ଧରଣର ମେଡିକାଲ ଭାବେ ବଲାଙ୍ଗୀର ଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲକୁ ଦେଶର ଏକ ନମ୍ବର ହସ୍ପିଟାଲର ମାନ୍ୟତା ମିଳିଛି । ଏଠାରେ ରୋଗୀ ସଂଖ୍ୟା ହିସାବରେ ଡାକ୍ତର, ନର୍ସିଂ ଷ୍ଟାଫ, ହେଲଥ ଷ୍ଟାଫ ରହିଛନ୍ତି ।

ଏହା ସହିତ ଉନ୍ନତ ମାନର ଚିକିତ୍ସା ସାଙ୍ଗକୁ ରୋଗୀଙ୍କର ଉଚିତ୍ ଯତ୍ନ ନିଆଯାଉଛି । ରୋଗୀ ସେମାନଙ୍କ ସମ୍ପର୍କୀୟଙ୍କୁ ଡାକ୍ତରଖାନା ତରଫରୁ ଭୟ ବ୍ୟବହାର ମଧ୍ୟ କରାଯାଉଛି । ବିଭିନ୍ନ ମାନଦଣ୍ଡ ଅନୁସାରେ ଭୀମ ଭୋଇ ମେଡିକାଲ କଲେଜ ଦେଶରେ ଅନ୍ୟ ଡାକ୍ତରଖାନା ଠାରୁ ଭଲ ସ୍ଥିତିରେ ରହିଛି । ରାଜ୍ୟରେ ସ୍ବାସ୍ଥ୍ୟ କ୍ଷେତ୍ରକୁ ଉନ୍ନତ କରିବାକୁ ରାଜ୍ୟ ସରକାରଙ୍କ ଅହରହ ପ୍ରଚେଷ୍ଟା କରୁଛନ୍ତି ।

ଜିଲ୍ଲା ପ୍ରଶାସନ, ସ୍ବାସ୍ଥ୍ୟ ବିଭାଗ ଏବଂ ଡାକ୍ତର ଓ ସ୍ବାସ୍ଥ୍ୟ କର୍ମୀଙ୍କ ଉଦ୍ୟମରେ ଭୀମ ଭୋଇ ମେଡିକାଲ କଲେଜକୁ ସଫଳତା ମିଳିଛି ବୋଲି ଜିଲ୍ଲାପାଳ କହିଛନ୍ତି । ବଲାଙ୍ଗୀର ପଛକୁ ମୟୁରଭଞ୍ଜ ମେଡିକାଲକୁ ମଧ୍ୟ ନୀତି ଆୟୋଗ ତରଫରୁ ପ୍ରଶଂସା କରାଯାଇଛି । ଦେଶରେ ରୋଗୀଙ୍କୁ ଭଲ ବ୍ୟବହାର କରୁଥିବା ଆଧାରରେ ୭ଶହରୁ ୮ଶହ ହସ୍ପିଟାଲକୁ ନେଇ ଗ୍ରେଡେସନ କରାଯାଇଥିଲା ।ଏଥିରେ ବଲାଙ୍ଗୀର ଜିଲ୍ଲା ଏକ ନମ୍ବର ସ୍ଥାନରେ ରହି ସଫଳତା ହାସଲ କରିଛି ।

ଓଡ଼ିଆ ବାୟୁସେନା ଅଧିକାରୀଙ୍କୁ ବଡ଼ ଦାୟିତ୍ୱ, କମ୍ପାଣ୍ଡିଂ ଇନ୍‌ ଚିଫ୍‌ ହେଲେ ଦିଲ୍ଲୀପ କୁମାର

ନୂଆଦିଲ୍ଲୀ: ଓଡ଼ିଆ ବାୟୁସେନା ଅଧିକାରୀ ଦିଲ୍ଲୀପ କୁମାର ପଟ୍ଟନାୟକଙ୍କୁ ମିଳିଲା ବଡ଼ ଦାୟିତ୍ବ । ଇଷ୍ଟର୍ଣ୍ଣ ଏୟାର କମାଣ୍ଡରେ ଏୟାର ଅଫିସର କମ୍ପାଣ୍ଡିଂ ଇନ୍‌ ଚିଫ୍‌ ଭାବେ ମିଳିଲା ନିଯୁକ୍ତି । ପ୍ରଥମ ଓଡ଼ିଆ ଭାବେ ଏୟାର ମାର୍ଶାଲ ଦିଲ୍ଲୀପଙ୍କୁ ଏହି ଦାୟିତ୍ବ ମିଳିଛି । କାରଗିଲ୍‌ ଯୁଦ୍ଧରେ ଅପୂର୍ବ ସାହାସିକତା ଦେଖାଇଥିବାରୁ ତାଙ୍କୁ ବାୟୁସେନା ମେଡାଲ ମିଳିଥିଲା ।

ଦିଲ୍ଲୀପଙ୍କୁ ଏହି ଦାୟିତ୍ବ ମିଳିବା ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହାର ଓଡ଼ିଶାର ଯୁବଗୋଷ୍ଠୀଙ୍କୁ ପ୍ରେରଣା ଯୋଗାଇବ । ଦେଶସେବା ପାଇଁ ସେନାରେ ଯୋଗ ଦେବାକୁ ସେମାନଙ୍କୁ ପ୍ରୋତ୍ସାହନ ଯୋଗାଇବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ଓଡ଼ିଆ ପୁଅର ଏଭଳି କୃତିତ୍ୱ ପାଇଁ ଶୁଭେଛାର ବାର୍ତ୍ତା ଛୁଟିଛି  ।

ଜଗତସିଂହପୁରରେ ବିଜେଡିରେ ମିଶିଲେ ୩୦ରୁ ଅଧିକ ବିଜେପି କର୍ମୀ

ଜଗତସିଂହପୁର: ଉପକୂଳରେ ଶସକ୍ତ ହେଉଛି ବିଜେଡି । ମୁଖ୍ୟମନ୍ତ୍ରୀଙ୍କ ଲୋକାଭିମୁଖୀ କାର୍ଯ୍ୟରେ ଅନୁ ପ୍ରାଣୀତ ହୋଇ ବିଜୁ ଜନତା ଦଳରେ ସାମିଲ ହେଉଛନ୍ତି ଅନ୍ୟ ଦଳର କର୍ମୀ । ଜଗତସିଂହପୁର ବ୍ଲକ ପାଟେଣୀ ଗାଁ ପଞ୍ଚାୟତ ଧୁଳେଶ୍ବର ମହାଦେବ ମନ୍ଦିର ପ୍ରାଙ୍ଗଣରେ ବିଜେଡିର ଏକ ବନ୍ଧୁ ମିଳନ ସହ ମିଶ୍ରଣ ପର୍ଵ ଅନୁଷ୍ଠିତ ହୋଇଯାଇଛି।

ଓଡିଶା ରାଜ୍ୟ କାଜୁ ନିଗମର ଅଧକ୍ଷ ଅମରେନ୍ଦ୍ର ଦାଶଙ୍କ ସହ ଶତାଧିକ ବିଜୁ ଜନତାଦଳର କର୍ମୀଙ୍କ ଉପସ୍ଥିରେ 23 ରୁ 30 ଜଣ ବିଜେପି ଓ କଂଗ୍ରେସ କର୍ମୀ ବିଜେଡିରେ ଆନୁଷ୍ଠାନିକ ଭାବେ ଯୋଗ ଦାନ କରିଛନ୍ତି। ଦୀର୍ଘ ଦିନ ଧରି ନିରବ ପରେ ଆଜି ବିଜେଡି ଦଳରେ ସାମିଲ ହେବାକୁ ନିଷ୍ପତି ନେଇଥିଲେ କର୍ମୀ ।