spot_img
Home Blog Page 5292

ପୁଣି ବଢିଲା ପେଟ୍ରୋଲ ଓ ଡିଜେଲ ଦର, ପେଟ୍ରୋଲ ଲିଟର ପିଛା ୨୫ ଓ ଡିଜେଲ ୩୦ ପଇସା ବୃଦ୍ଧି

ନୂଆଦିଲ୍ଲୀ: ପୁଣି ଥରେ ବଢିଲା ଗ୍ୟାସ ଦର । ବ୍ୟାବସାୟିକ ଗ୍ୟାସ ଦର ସିଲିଣ୍ଡର ପିଛା ବଢିଛି ୪୩ ଟଙ୍କା । ଦରବୃଦ୍ଧି ଫଳରେ ଏଣିକି ୧୯ କେଜି ସିଲିଣ୍ଡର ଦର ହୋଇଛି ୧୭୩୬ ଟଙ୍କା ୫୦ ପଇସା । ପୂର୍ବରୁ ସେପ୍ଟେମ୍ବର ୧ରେ ଏଲପିଜି ଦର ବଢିଥିଲା ୭୫ଟଙ୍କା । ସେପଟେ ପୁଣି ବଢିଛି ପେଟ୍ରୋଲ ଓ ଡିଜେଲ ଦର । ପେଟ୍ରୋଲ ଲିଟର ପିଛା ୨୫ ପଇସା ଓ ଡିଜେଲ ଲିଟର ପିଛା ୩୦ ପଇସା ବଢିଛି । ବାରମ୍ବାର ଦରବୃଦ୍ଧି ଯୋଗୁ ଗ୍ରାହକଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଇଛି । ଏହି ଦରବୃଦ୍ଧି ଯୋଗୁ ଦିଲ୍ଲୀରେ ପେଟ୍ରୋଲ ଲିଟର ପିଛା ୧୦୧ଟଙ୍କା ୮୯ ପଇସା ହୋଇଥିବାବେଳେ ମୁମ୍ବାଇରେ ୧୦୭ଟଙ୍କା ୯୫ ପଇସା, ଚେନ୍ନାଇରେ ୯୯ ଟଙ୍କା ୫୮ ପଇସା,, କୋଲକାତାରେ ୧୦୨ଟଙ୍କା ୪୭ ପଇସା ହୋଇଛି । ସେହିପରି ଦିଲ୍ଲୀରେ ଡିଜେଲ ଦର ଲିଟର ପିଛା ୯୦ ଟଙ୍କା ୧୭ ପଇସା, ମୁମ୍ବାଇରେ ୯୭ଟଙ୍କା ୮୪ ପଇସା, ଚେନ୍ନାଇରେ ୯୪ଟଙ୍କା ୭୪ ପଇସା, କୋଲକାତାରେ ୯୩ଟଙ୍କା ୨୭ ପଇସା ହୋଇଛି ।

Parle G Rumours: ‘ସବୁ ପୁଅ ମାନଙ୍କୁ ଖାଇବାକୁ ପଡ଼ିବ…’, ନଚେତ ହେବ ଏମିତି ଅଘଟଣ !

ପାଟଣା: ବିହାରର ସୀତାମଢ଼ୀରେ ପାର୍ଲେ ଜି ବିସ୍କୁଟ ସହ ଜଡିତ ଏକ ଗୁଜବ ଏତେ ଦ୍ରୁତ ଗତିରେ ବ୍ୟାପିଗଲା ଯେ ସେଠାରେ ଉପସ୍ଥିତ ଥିବା ତେଜରାତି ଦୋକାନରେ ପାର୍ଲେ ଜି ବିସ୍କୁଟ କିଣିବାପାଇଁ ଭିଡ଼ ଜମିଗଲା । ବାସ୍ତବରେ ପାର୍ଲେ ଜୀ ବିସ୍କୁଟକୁ ଜିତିଆ ପର୍ବ ସହିତ ସଂଯୋଗ କରି ସୀତାମଢ଼ୀରେ ଏକ ଗୁଜବ ପ୍ରଚାରିତ ହୋଇଥିଲା । କୁହାଯାଇଥିଲା ଯେ ଘରର ସମସ୍ତ ପୁଅଙ୍କୁ ପାର୍ଲେ ଜି ବିସ୍କୁଟ ଖାଇବାକୁ ପଡିବ, ନଚେତ୍ ସେମାନଙ୍କ ସହ କିଛି ଅଘଟଣା ହୋଇପାରେ । ସୂଚନା ଅନୁଯାୟୀ, ପୁଅର ଦୀର୍ଘ ଆୟୁ, ସୁସ୍ଥ ଏବଂ ସୁଖମୟ ଜୀବନ ପାଇଁ ମାଆମାନେ ଏହି ଦିନ ଉପବାସ ରଖନ୍ତି ।

ତେବେ ଏମିତି କଣ ହେଲା ଯାହା ପାଇଁ ପାର୍ଲେ ଜି ବିସ୍କୁଟ କିଣିବା ପାଇଁ ଦୋକାନରେ ଭିଡ଼ ହେବାରେ ଲାଗିଲା

ଗୁଜବର ଭୟ ଏତେ ଭୟଙ୍କର ଥିଲା ଯେ ପାର୍ଲେ ଜି ବିସ୍କୁଟର ଷ୍ଟକ୍ ସେଠାକାର ଦୋକାନରୁ ଶେଷ ହୋଇଯାଇଥିଲା । ସୂଚନା ଅନୁଯାୟୀ, ଲୋକମାନେ ଏହି ଗୁଜବକୁ ବିଶ୍ୱାସ କରୁଛନ୍ତି । ଏହି ଗୁଜବ ସୀତାମଢ଼ୀ ଜିଲ୍ଲାର ବାଇରଗାନିଆ, ଡେଙ୍ଗ, ନାନପୁର, ଡୁମରା, ବାଜପାଟ୍ଟି, ମେଜରଗଞ୍ଜ ସମେତ ଅନେକ ବ୍ଲକରେ ବ୍ୟାପିଛି ।

ଏହି ଗୁଜବ କେବେ ଓ କେଉଁଠାରୁ ବ୍ୟାପିଛି ତାହା ଏପର୍ଯ୍ୟନ୍ତ ଜଣା ପଡିନାହିଁ। କିନ୍ତୁ ଏହି ଗୁଜବ ଯୋଗୁଁ ବିସ୍କୁଟ ବିକ୍ରିରେ ହଠାତ୍ ବୃଦ୍ଧି ଘଟିଥିଲା। ଗୁରୁବାର ବିଳମ୍ବିତ ରାତି ପର୍ଯ୍ୟନ୍ତ ଲୋକମାନେ ପାର୍ଲେ ଜି ବିସ୍କୁଟ କିଣୁଥିବାର ନଜର ଆସିଥିଲେ। ଯେତେବେଳେ ଲୋକଙ୍କୁ ପଚରାଗଲା ସେମାନେ କାହିଁକି କିଣୁଛନ୍ତି ? ସେମାନେ କହିଥିଲେ ଯେ, ପାର୍ଲେ ଜି ବିସ୍କୁଟ ନ ଖାଇବା ଦ୍ୱାରା ଅଘଟଣ ଘଟିପାରେ । ଦୋକାନୀ ଏହା ମଧ୍ୟ କହିଛନ୍ତି ଯେ ସମସ୍ତେ କେବଳ ପାର୍ଲ ଜି ବିସ୍କୁଟ ମାଗୁଛନ୍ତି ।

ଏୟାର ଇଣ୍ଡିଆର ନୂଆ ‘ମହାରାଜା’ ହେଲା ଟାଟା ଗ୍ରୁପ, ସବୁଠୁ ଅଧିକ ଦାମରେ ନିଲାମୀ

ନୂଆଦିଲ୍ଲୀ: ରାଷ୍ଟ୍ରାୟତ୍ତ ଏୟାର ଇଣ୍ଡିଆ ଏଣିକି ଟାଟା ଗ୍ରୁପ ଅଧୀନରେ ରହିବ । ଏୟାର ଇଣ୍ଡିଆ ବିକ୍ରୟ ପ୍ରକ୍ରିୟାରେ ସର୍ବାଧିକ ମୂଲ୍ୟରେ ନିଲାମ ଜିତିଛି ରଖି ଟାଟା ଗ୍ରୁପ୍ । ଟାଟା ଗ୍ରୁପ୍‌ର ଅଜୟ ସିଂ ଏବଂ ସ୍ପାଇସଜେଟ୍‌ ଏୟାର ଇଣ୍ଡିଆ ପାଇଁ ଟେଣ୍ଡର ଡାକିଥିଲେ । ସରକାର ଦ୍ୱିତୀୟ ଥର ଏୟାର ଇଣ୍ଡିଆରେ ନିଜର ଅଂଶଧନ ବିକ୍ରୟ କରିବାକୁ ଚେଷ୍ଟା କରୁଛନ୍ତି ।

ଏହାପୂର୍ବରୁ ୨୦୧୮ରେ ସରକାର କମ୍ପାନୀର ୭୬ ପ୍ରତିଶତ ଅଂଶଧନ ବିକ୍ରୟ କରିବାକୁ ନିଷ୍ପତ୍ତି ନେଇଥିଲେ । ଟାଟା ସନ୍ସ ଏୟାର ଇଣ୍ଡିଆ ବିଡ ଜିତିଛି । ଏହାର ଆନୁଷ୍ଠାନିକ ଘୋଷଣା ଏପର୍ଯ୍ୟନ୍ତ ହୋଇନାହିଁ । ବେସାମରିକ ବିମାନ ଚଳାଚଳ ମନ୍ତ୍ରଣାଳୟର ସରକାରୀ ସୂତ୍ର ଅନୁଯାୟୀ, ଏୟାର ଇଣ୍ଡିଆର ବିକ୍ରୟ ପାଇଁ କରାଯାଇଥିବା ଦୁଇଟି ବିଡ ମଧ୍ୟରୁ ସରକାର ଟାଟା ଗ୍ରୁପକୁ ଚୟନ କରିଛନ୍ତି । ଏୟାର ଇଣ୍ଡିଆ କିଣିବା ପାଇଁ ଟାଟା ଗ୍ରୁପ୍ ଏବଂ ସ୍ପାଇସଜେଟର ଚେୟାରମ୍ୟାନ୍ ଅଜୟ ସିଂ ଶେଷ ପ୍ରସ୍ତାବ ଦେଇଥିଲେ ।

୨୦୦୭ ରେ ଇଣ୍ଡିଆନ୍ ଏୟାରଲାଇନ୍ସ ସହିତ ମିଶ୍ରଣ ହେବା ପରଠାରୁ ଏୟାର ଇଣ୍ଡିଆ ନିଟ୍ ଲାଭରେ ଆସିନାହିଁ । ମାର୍ଚ୍ଚ ୨୦୨୧ ଶେଷ ହେବାକୁ ଥିବା ତ୍ରୈମାସରେ ଏୟାର ଇଣ୍ଡିଆର ପ୍ରାୟ ୧୦,୦୦୦ କୋଟି ଟଙ୍କା କ୍ଷତି ହେବ ବୋଲି ଆଶା କରାଯାଉଛି । ୩୧ମାର୍ଚ୍ଚ ୨୦୧୯ ସୁଦ୍ଧା କମ୍ପାନୀର ମୋଟ ୬୦,୬୭୪ କୋଟି ଟଙ୍କା ଋଣ ଥିଲା । କିନ୍ତୁ ବର୍ତ୍ତମାନ ଟାଟା ସନ୍ସଙ୍କୁ ଏଥିରୁ ୨୩,୨୮୬.୫କୋଟି ଟଙ୍କା ବୋଝ ସହିବାକୁ ପଡିବ ।

ସୁପରିଟେଣ୍ଡେଣ୍ଟଙ୍କ ମାନବିକତା; ବିକ୍ରି ହୋଇଥିବା କଏଦୀଙ୍କ ପୁଅକୁ ଫେରାଇ ଆଣିଲେ

ଭୁବନେଶ୍ୱର: ମାନବିକତା ଦେଖାଇଲେ ଭୁବନେଶ୍ୱର ଝାରପଡ଼ା ଜେଲ ସୁପରିଣ୍ଟେଣ୍ଡେଣ୍ଟ । ବିକ୍ରି ହୋଇଥିବା କଏଦୀଙ୍କ ପୁଅକୁ ଫେରାଇଆଣିଲେ ସୁପରିଟେଣ୍ଡେଣ୍ଟ୍ ସରୋଜ କୁମାର ବିଶ୍ୱାଳ । ସୂଚନା ଅନୁଯାୟୀ, ଜେଲର ଜଣେ ବିଚାରାଧୀନ କଏଦୀଙ୍କ ସ୍ତ୍ରୀ ଓ ନାବାଳକ ପୁତ୍ର ବାହାରେ ରହୁଥିଲେ । ପିଲାଟିକୁ ତାର ମା’ ୧୦ ହଜାର ଟଙ୍କାରେ ବିକ୍ରି କରିଦେଇଥିଲେ ।

ଏକଥା କଏଦୀ ଜଣକ ଜାଣିବାକୁ ପାଇ ଜେଲ୍ ଅଧିକ୍ଷକ ସରୋଜ ବିଶ୍ୱାଳଙ୍କୁ ଅବଗତ କରିବା ସହ ନିଜ ପୁଅକୁ କିଭଳି ଫେରି ପାଇବେ ସେ ନେଇ ଅନୁରୋଧ କରିଥିଲେ । ଯାହାକୁ ଗୁରୁତର ସହ ନେଇ ତତ୍ପରତା ପ୍ରକାଶ କରିଥିଲେ ଜେଲ୍ ସୁପରିଟେଣ୍ଡେଣ୍ଟ୍ । କୋଲକାତାରୁ ପିଲାଟିକୁ ଠାବ କରିବା ପରେ ଶେଷରେ ପିଲାଟିକୁ ଭୁବନେଶ୍ୱର ଫେରାଇ ଆଣିବାରେ ସଫଳ ହୋଇଥିଲେ । ଶେଷ ଖବର ସୁଦ୍ଧା, ନାବାଳକ ପିଲାଟିର ଭବିଷ୍ୟତ ଲାଳନପାଳନ ପାଇଁ ତାକୁ ଚାଇଲଡ୍ ଲାଇନକୁ ହସ୍ତାନ୍ତର କରିବାକୁ ବିଚାରାଧୀନ ବନ୍ଦୀ ଜଣକ ଲିଖିତ ଅନୁରୋଧ କରିବା ପରେ ଆବଶ୍ୟକ ପଦକ୍ଷେପ ନିଆଯାଇଛି ବୋଲି ସୂଚନା ଦେଇଛନ୍ତି ଅଧୀକ୍ଷକ । ଜେଲ୍ ଅଧୀକ୍ଷକଙ୍କ ଏଭଳି କାର୍ଯ୍ୟକୁ ବିଭିନ୍ନ ମହଲରେ ପ୍ରଶଂସା କରାଯାଇଛି ।

ଯୁବକଙ୍କ ମୃତଦେହ ଉଦ୍ଧାର: ହତ୍ୟାକାଣ୍ଡକୁ ଦୁର୍ଘଟଣାର ରୂପ ଦେଉଥିବା ସନ୍ଦେହ

ଟାଙ୍ଗୀ: ଜଙ୍କିଆ ଖେଳପଡ଼ିଆ ନିକଟସ୍ଥ ରାଜପଥରୁ ଯୁବକଙ୍କ ମୃତଦେହ ଉଦ୍ଧାର । ମୃତ ଯୁବକଙ୍କ ନାଁ ରଞ୍ଜନ ହୋଇଥିବା ବେଳେ, ତାଙ୍କ ଘର ରଣପୁର ଥାନା ଅଧିନସ୍ଥ ଭେରୁପଡା ଗାଁ ବୋଲି ଜଣାପଡ଼ିଛି । ସୂଚନା ଅନୁଯାୟୀ, ରଣପୁରର ରାଜେଶ କୁମାର ପରିଡା ଓ ରଞ୍ଜନ ଏକ ପଲସର ବାଇକ ଯୋଗେ ଗୋଳବାଇ ଆଡକୁ ଯାଉଥିଲେ । ଯିବା ସମୟରେ ରାଜେଶ ରଞ୍ଜନଙ୍କ ଉପରକୁ ମରଣାନ୍ତକ ଆକ୍ରମଣ କରିବା ସହ ତାଙ୍କୁ ରାସ୍ତାରେ ପକାଇଦେଇଥିଲେ । ପରେ ଦୁର୍ଘଟଣା ହୋଇଥିବା ନେଇ ଅଭିନୟ କରିଥିବା ଅଭିଯୋଗ ହୋଇଛି । ଘଟଣାସ୍ଥଳରେ ଲେକେ ଏସବୁକୁ ଦେଖିବା ପରେ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚିବା ସହ ରଞ୍ଜନଙ୍କ ମୃତଦେହ ଉଦ୍ଧାର କରି ଶବବ୍ୟବଚ୍ଛେଦ ପାଇଁ ପଠାଇଛି । ଏଥି ସହ ଅଭିଯୁକ୍ତ ରାଜେଶକୁ ଅଟକ ରଖି ଅଧିକ ପଚରାଉଚରା କରୁଛି ।

https://www.youtube.com/watch?v=TtMEfiNrVRA

 

 

ରାଜଧାନୀରେ ଲୁଟେରାଙ୍କ ଟାର୍ଗେଟରେ ସାମ୍ୱାଦିକ: ମୋବାଇଲ ମାଗିଲେ, ନ ଦେବାରୁ ଲୁହାଛଡ଼ରେ ପିଟିଲେ

ଭୁବନେଶ୍ୱର: ପୁଣି ରାଜଧାନୀରେ ମାତିଲେ ଲୁଟେରା । ଲୁଟେରାଙ୍କ ଆକ୍ରମଣର ଶିକାର ହୋଇଛନ୍ତି ଜଣେ ସାମ୍ବାଦିକ । ଗୁରୁତର ସାମ୍ବାଦିକ ହେଲେ ସତ୍ୟ ସୁନ୍ଦର ଭଞ୍ଜ । ଡେଲଟାରେ ରହୁଥିବା ସତ୍ୟସୁନ୍ଦର ଆଜି ଭୋର ୫ଟା ବେଳେ, ପ୍ରାତଃଭ୍ରମଣ କରୁଥିବା ବେଳେ, ଦୁଇ ଜଣ ଯୁବକ ସ୍କୁଟିରେ ଆସି ସତ୍ୟଙ୍କୁ ମୋବାଇଲ ମାଗିଥିଲେ । ସତ୍ୟ ମନା କରିବା ପରେ ଲୁହା ରଡ଼ରେ ମୁଣ୍ଡକୁ ଆକ୍ରମଣ କରିଥିଲେ। ସତ୍ୟ ପାଲଟା ଆକ୍ରମଣ ମଧ୍ୟ କରିଥିଲେ । ତେବେ ପରେ ଅନ୍ୟ ଉପାୟ ନପାଇ ନିଜ ମୋବାଇଲ ଦେଇଦେବାକୁ ବାଧ୍ୟ ହୋଇଥିଲେ। ମୋବାଇଲ ନେଇ ଘଟଣାସ୍ଥଳରୁ ଦୁଇ ଲୁଟେରା ଫେରାର ହୋଇଯାଇଥିଲେ। ଗୁରୁତର ଅବସ୍ଥାରେ ସାମ୍ବାଦିକ ସତ୍ୟ ଭଞ୍ଜଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି ।

ଏଥିସହିତ ପଢ଼ନ୍ତୁ: ଜଳେଶ୍ୱର ୫୪ଲକ୍ଷ ଟଙ୍କାର ବ୍ରାଉନ ସୁଗାର ଜବତ: ୪ ଗିରଫ

 

 

ଆଜି ଅଫ୍‌ଲାଇନ୍‌ରେ ପରୀକ୍ଷା ଦେବେ ଅସନ୍ତୁଷ୍ଟ ଯୁକ୍ତ ୨ ଛାତ୍ରଛାତ୍ରୀ

ଭୁବନେଶ୍ୱର; ଆଜିଠୁ ଆରମ୍ଭ ହେଉଛି ଯୁକ୍ତ ଦୁଇ ଅଫଲାଇନ୍ ପରୀକ୍ଷା । ରାଜ୍ୟର ମୋଟ ୧୩ ହଜାର ୪୩ ଜଣ ଛାତ୍ରଛାତ୍ରୀ ପରୀକ୍ଷା ଦେବେ । ସକାଳ ୧୦ ଟାରୁ ଦିନ ଗୋଟାଏ ପର୍ଯ୍ୟନ୍ତ ପରୀକ୍ଷା ଦେବେ ଛାତ୍ରଛାତ୍ରୀ । ୯ଟା ୧୫ ରେ ପରୀକ୍ଷା ହଲ ଭିତରକୁ ଯାଞ୍ଚ ପରେ ପ୍ରବେଶ କରିବେ । ମାସ୍କ ସାନିଟାଇଜେସନକୁ ବାଧ୍ୟତାମୂଳକ କରାଯାଇଛି । ପିଇବା ପାଣି ନିଜ ସାଙ୍ଗରେ ପରୀକ୍ଷା ହଲକୁ ନେଇ ପାରିବେ ଛାତ୍ରଛାତ୍ରୀ । କଳାରେ ୯ ହଜାର ୧୪୪ ଜଣ, ବିଜ୍ଞାନରେ ୨ ହଜାର ୩୧୧, ବାଣିଜ୍ୟରେ ୬୨୨ ସହ ଧନ୍ଦାମୂଳକ ଶିକ୍ଷାରେ ୪୪୦ ଏବଂ କରେସପଣ୍ଡେଣ୍ଟ କୋର୍ସରେ ୫୨୬ ଜଣ ଛାତ୍ରଛାତ୍ରୀ ପରୀକ୍ଷା ଦେବେ ।

ଆଏଥିପାଇଁ ୧୮୫ଟି ପରୀକ୍ଷା କେନ୍ଦ୍ର କରାଯାଇଛି । ଗଞ୍ଜାମରେ ସର୍ବାଧିକ ୧୪ଟି ସେଣ୍ଟର, କଟକରେ ୧୨ଟି, ବାଲେଶ୍ୱର ୧୦ଟି ଏବଂ ଭୁବନେଶ୍ୱରରେ ୩ଟି ସେଣ୍ଟର ହୋଇଛି । କଣ୍ଟାବାଞ୍ଝିରେ ଗୋଟିଏ ସ୍କୁଲରେ ସର୍ବାଧିକ ୨୧୫ ଜଣ ଛାତ୍ରଛାତ୍ରୀ ପରୀକ୍ଷା ଦେଉଥିବା ବେଳେ ସୁନ୍ଦରଗଡ କୋଇଡାରେ ମାତ୍ର ୫ ଜଣ ଛାତ୍ରଛାତ୍ରୀଙ୍କ ପାଇଁ ଗୋଟିଏ ପରୀକ୍ଷା କେନ୍ଦ୍ର କରାଯାଇଇଛି ।

 

ଦୁର୍ବଳ ହେଉଛି ଓ୍ୱେଲମାର୍କ ଲୋ ପ୍ରେସର, ସକ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ

ଭୁବନେଶ୍ୱର: ରାଜ୍ୟରେ କମିବ ବର୍ଷାର ପରିମାଣ । ଦୁର୍ବଳ ହେଉଛି ଓ୍ୱେଲମାର୍କ ଲୋ ପ୍ରେସର । ଉତ୍ତର ପଶ୍ଚିମ ବଙ୍ଗୋପସାଗର ଏବଂ ପଶ୍ଚିମବଙ୍ଗ ଉପକୂଳରେ ସୃଷ୍ଟି ହୋଇଥିବା ଲଘୁଚାପ ଏବେ ଝାଡଖଣ୍ଡ ଉପରେ ଓ୍ୱେଲମାର୍କ ଲୋ ପ୍ରେସର ହୋଇରହିଛି । ଏହାର ପ୍ରଭାବ ଓଡ଼ିଶା ଉପକୂଳରେ ପଡ଼ିବ ନାହିଁ । କିନ୍ତୁ ରାଜ୍ୟରେ ଦକ୍ଷିଣ ପଶ୍ଚିମ ମୌସୁମୀ ବାୟୁ ସକ୍ରିୟ ରହିଥିବାରୁ ୧୨ ଘଣ୍ଟା ପର୍ଯ୍ୟନ୍ତ ରାଜ୍ୟର କିଛି ଜିଲ୍ଲାରେ ଘଡ଼ଘଡ଼ି ବିଜୁଳି ସହ ବର୍ଷା ହେବାର ସମ୍ଭାବନା ରହିଛି । ସୁନ୍ଦରଗଡ଼, କେନ୍ଦୁଝର, ମୟୂରଭଞ୍ଜ,ଝାରସୁଗୁଡ଼ା,ବରଗଡ଼, ସମ୍ବଲପୁର, ଦେବଗଡ ଓ ଅନୁଗୁଳରେ ବର୍ଷା ହେବାର ସମ୍ଭାବନା ରହିଛି ।

ଏଥପାଇଁ ୮ ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ସେପେଟେ ଲଘୁଚାପ ବର୍ଷା ଫଳରେ ଜଳକାରେ ବନ୍ୟା ସ୍ଥିତି ଦେଖାଦେଇଛି । ବସ୍ତା ବ୍ଲକ ମଥାନୀରେ ନଦୀର ବିପଦ ସଙ୍କେତ ୫.୫ ମିଟର ଥିବା ବେଳେ ଏବେ ଏହା ୫.୯୮ ମିଟରରେ ପ୍ରବାହିତ ହେଉଛି । ନଦୀର ଉପରମୁଣ୍ଡରେ ବର୍ଷା ଯୋଗୁଁ ମୟୂରଭଞ୍ଜର ସୁଳିଆପଦା, ମୋରଡ଼ା, ଚିତ୍ରଡ଼ା, ରାସଗୋବିନ୍ଦପୁର ଅଞ୍ଚଳରେ ବନ୍ୟା ସ୍ଥିତି ଦେଖାଦେଇଛି ।

ଜଳେଶ୍ୱର ୫୪ଲକ୍ଷ ଟଙ୍କାର ବ୍ରାଉନ ସୁଗାର ଜବତ: ୪ ଗିରଫ

ଜଳେଶ୍ୱର: ପୋଲିସ ଓ ଅବକାରୀ ବିଭାଗର ପୃଥକ ପୃଥକ ଚଢ଼ାଉ । ୫୪୦ ଗ୍ରାମର ବ୍ରାଉନ ସୁଗାର ଜବତ । ଚାରି ଜଣ ଗିରଫ । ବିଶ୍ୱସ୍ତ ସୂତ୍ରରୁ ଖବର ପାଇବା ପରେ ଜଳେଶ୍ୱର ଅବକାରୀ ବିଭାଗ ଦ୍ୱାରା ଗତକାଲି ବିଳମ୍ବିତ ରାତିରେ ଝାଡ଼େଶ୍ୱରପୁର ସ୍କୁଲ ସମ୍ନାରୁ ବାଲେଶ୍ୱର ଅଭିମୁଖେ ଯାଉଥିବା ଏକ ବାଇକକୁ ଅଟକାଇଥିଲା । ସେମାନଙ୍କ ଠାରୁ ପ୍ରାୟ ୨୪୦ ଗ୍ରାମର ବ୍ରାଉନ ସୁଗାର ଜବତ କରାଯାଇଛି । ସେପଟେ  ପୋଲିସ ରାଜପୁର ବସ୍ତିରେ ଚଢ଼ାଉ କରି ୩ ଜଣଙ୍କୁ ଗିରଫ କରିଥିବା ସହ ପ୍ରାୟ ୩୦୦ଗ୍ରାମର ବ୍ରାଉନ ସୁଗାର ଜବତ କରିଛି । ଉଭୟ ଅବକାରୀ ବିଭାଗ ଓ ପୋଲିସ ଦ୍ୱାରା ମୋଟ ୫୪୦ ଗ୍ରାମ ବ୍ରାଉନ ସୁଗାର ଜବତ କରାଯାଇଛି । ଯାହାର ଅନୁମାନିକ ମୂଲ୍ୟ ପ୍ରାୟ ୫୪ ଲକ୍ଷ ଟଙ୍କା ହେବ  ।

 

ଏଥିସହିତ ପଢ଼ନ୍ତୁ: ଦୁର୍ବଳ ହେଉଛି ଓ୍ୱେଲମାର୍କ ଲୋ ପ୍ରେସର, ସକ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ

ପ୍ରଧାନମନ୍ତ୍ରୀ ମୋଦିଙ୍କୁ ଭେଟିଲେ ପଞ୍ଜାବ ମୁଖ୍ୟମନ୍ତ୍ରୀ, ଉଠାଇଲେ ଏହି ପ୍ରସଙ୍ଗ

ନୂଆଦିଲ୍ଲୀ: ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ ସିଂହ ଚନ୍ନି ଶୁକ୍ରବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଛନ୍ତି। ମୁଖ୍ୟମନ୍ତ୍ରୀ ହେବା ପରେ ସେ ପ୍ରଥମଥର ପାଇଁ ସାକ୍ଷାତ କରିଛନ୍ତି । ଏହି ଅବସରରେ ବହୁ ପ୍ରସଙ୍ଗରେ ଆଲୋଚନା ହୋଇଥିବା ବେଳେ କୃଷି କ୍ଷେତ୍ରକୁ ଅଧିକ ଫୋକସ୍ କରାଯାଇଥିବା ଜଣାପଡିଛି।

କୃଷକଙ୍କ ସହ ପୁଣି ଥରେ ଆଲୋଚନା କରିବା ଲାଗି ସେ ପ୍ରଧାନମନ୍ତ୍ରୀଙ୍କ ନିକଟରେ ଅପିଲ୍ କରିଛନ୍ତି । ପଞ୍ଜାବ ଏକ କୃଷି ପ୍ରାଧାନ୍ୟ ରାଜ୍ୟ । ଖାଲି ଏତିକି ନୁହେଁ ପଞ୍ଜାବର ଅର୍ଥବ୍ୟବସ୍ଥା ଏକପ୍ରକାର କୃଷି ଉପରେ ନିର୍ଭରଶୀଳ । ଏଭଳି ସ୍ଥଳେ ୩ କୃଷି ଆଇନକୁ ପ୍ରତ୍ୟାହାର କରିନେବା ଉଚିତ୍।