spot_img
Home Blog Page 5291

ବିକ୍ରି ହୋଇନି ଏୟାର ଇଣ୍ଡିଆ, ସ୍ପଷ୍ଟ କଲେ କେନ୍ଦ୍ର ସରକାର

ନୂଆଦିଲ୍ଲୀ: ଏୟାର ଇଣ୍ଡିଆର ମାଲିକାନା ଟାଟା ଗ୍ରୁପ ହାତକୁ ଯିବା ନେଇ ବିଭିନ୍ନ ଗଣମାଧ୍ୟମରେ ପ୍ରସାରିତ ହେଉଥିବା ଖବରକୁ ଖଣ୍ଡନ କରିଛନ୍ତି କେନ୍ଦ୍ର ସରକାର।

ସୂଚନା ଅନୁଯାୟୀ, ସରକାରୀ ଏୟାର ଲାଇନ୍ସ ‘ଏୟାର ଇଣ୍ଡିଆ’ର ନିଲାମ ଜିତି ଟାଟା ସନ୍ସ ଏହାର ମାଲିକାନା ନିଜ ହାତକୁ ନେଇଥିବା ଖବର ପ୍ରସାରିତ ହୋଇଥିଲା । ହେଲେ କେନ୍ଦ୍ର ସରକାର ଏହି ମିଡିଆ ରିପୋର୍ଟକୁ ଖଣ୍ଡନ କରିଛନ୍ତି। ସରକାରଙ୍କ ପକ୍ଷରୁ କୁହାଯାଇଛି, ଏୟାର ଇଣ୍ଡିଆର ନିଲାମ ପ୍ରକ୍ରିୟା ଏବେ ବି ଜାରି ରହିଛି । ହେଲେ ଏ ପର୍ଯ୍ୟନ୍ତ କୌଣସି ନିଷ୍ପତ୍ତି ନିଆଯାଇନାହିଁ ବୋଲି ଟ୍ବିଟରରେ ସୂଚନା ଦେଇଛନ୍ତି DIPAMର ସେକ୍ରେଟେରୀ ।

ସୂଚନା ଅନୁଯାୟୀ, ଟାଟା ଗ୍ରୁପର ଅଜୟ ସିଂ ଏବଂ ସ୍ପାଇସଜେଟ୍‌ ଏୟାର ଇଣ୍ଡିଆ ପାଇଁ ଟେଣ୍ଡର ଡାକିଥିଲେ। ଆଉ ଯାହା ପରେ ଟାଟା ଗ୍ରୁପ ନିଲାମ ଜିତିଥିବା ନେଇ ଚର୍ଚ୍ଚା ହୋଇଥିଲା । ଯାହାକୁ ଖଣ୍ଡନ କରିବା ସହ କେନ୍ଦ୍ର ସରକାର କହିଛନ୍ତି ଯେ କିଛି ନିଷ୍ପତ୍ତି ନେଲେ ଗଣମାଧ୍ୟମକୁ ସୂଚନା ଦିଆଯିବ । ତେବେ ୨୦୦୭ ରେ ଇଣ୍ଡିଆନ୍ ଏୟାରଲାଇନ୍ସ ସହିତ ମିଶ୍ରଣ ହେବା ପରଠାରୁ ଏୟାର ଇଣ୍ଡିଆ ନିଟ୍ ଲାଭରେ ଆସିନାହିଁ । ମାର୍ଚ୍ଚ ୨୦୨୧ ଶେଷ ହେବାକୁ ଥିବା ତ୍ରୈମାସରେ ଏୟାର ଇଣ୍ଡିଆର ପ୍ରାୟ ୧୦,୦୦୦ କୋଟି ଟଙ୍କା କ୍ଷତି ହେବ ବୋଲି ଆଶା କରାଯାଉଛି । ୩୧ମାର୍ଚ୍ଚ ୨୦୧୯ ସୁଦ୍ଧା କମ୍ପାନୀର ମୋଟ ୬୦,୬୭୪ କୋଟି ଟଙ୍କା ଋଣ ଥିଲା ।

ଜଙ୍ଗଲରୁ ଗଛ କାଟିବା ବେଳେ ବନ କର୍ମଚାରୀଙ୍କୁ ଧରି ଆଣ୍ଠେଇଲେ ଗ୍ରାମବାସୀ

ଚିଲିକା: ବାଡ଼ ଖାଉଛି ଫସଲ । ଜଙ୍ଗଲ ଧ୍ୱଂସ କରୁଛନ୍ତି ବନ ବିଭାଗ କର୍ମଚାରୀ । ଜଙ୍ଗଲ ସୁରକ୍ଷା ଦାୟିତ୍ୱରେ ଥିବା ବନ ବିଭାଗ କର୍ମଚାରୀ ଗଛ କାଟିବା ବେଳେ ଗ୍ରାମବାସୀଙ୍କ ହାତରେ ପଡ଼ି ହଟହଟା ହୋଇଛନ୍ତି । ଏସିଆ ମହାଦେଶର ବୃହତ ଶାଗୁଆନ୍ ଜଙ୍ଗଲ ଦାମିଆ ବରବରା ଉପରେ ଏବେ କାଠ ମାଫିଆଙ୍କ ସହ ବନ କର୍ମଚାରୀ ଲୋଲୁପ ଦୃଷ୍ଟି ପକାଇଛନ୍ତି ।

Forester Along Two Employee Caught By Villagers During Tree Cut

ଆଜି ଧୂଆଁନଳୀ ସେକ୍ସନର ୬ ନମ୍ବର ସେକ୍ସନ ଅରାଙ୍ଗ କିଆ ଗୋରଡ଼ା ଜଙ୍ଗଲରେ ଶାଗୁଆନ୍ ଗଛ କାଟୁଥିବା ବେଳେ ବନ କର୍ମଚାରୀଙ୍କୁ ଧରିଛନ୍ତି ଗ୍ରାମବାସୀ । କେତେଜଣ ବନ କର୍ମଚାରୀ ଏବଂ କାଠ କଟାଳି ଏକ ୧୦ ଫୁଟ୍ ଗୋଲେଇ ଶାଗୁଆନ୍ ଗଛକୁ କାଟି ସାରିଥିବା ବେଳେ ଜଙ୍ଗଲ ଜଗିବା ଦାୟିତ୍ୱରେ ଥିବା ଗ୍ରାମବାସୀଙ୍କ ହାବୁଡ଼ରେ ପଡ଼ିଛନ୍ତି । କଟାଳି ଏବଂ ଅନ୍ୟ କିଛି କର୍ମଚାରୀ ଖସି ପଳାଇଥିବା ବେଳେ ଜଙ୍ଗଲ ବିଭାଗର ତିନିଜଣ କର୍ମଚାରୀଙ୍କୁ ଗ୍ରାମବାସୀ ଧରି ଆଣ୍ଠେଇ ଦେଇଛନ୍ତି ।

Forester Along Two Employee Caught By Villagers During Tree Cut

ଫରେଷ୍ଟର ଧୁଶାସନ ନାୟକଙ୍କ ସହ ଅନ୍ୟ ଦୁଇଜଣ ବନ ରକ୍ଷକଙ୍କୁ ଗ୍ରାମବାସୀ ଅଟକ ରଖିଛନ୍ତି । ଖବର ପାଇ ବାଣପୁର ଥାନା ପୋଲିସ ଘଟଣାସ୍ଥଳରେ ପହଞ୍ଚିଛି । ଆଦିବାସୀ ଅଞ୍ଚଳରେ ଥିବା ଏହି ଜଙ୍ଗଲ ପୂର୍ବରୁ ସିଆରପି ହାତରେ ନ୍ୟସ୍ତ ଥିଲା । ସିଆରପି ଅପସାରଣ ପରେ ଜଙ୍ଗଲରୁ ନିୟମିତ ଅବାଧ ଭାବେ ଗଛ କଟା ଚାଲିଥିବା ଅଭିଯୋଗ ହେଉଛି ।

କତାର କାହିଁକି କହିଲା- ଆମେ ମଧ୍ୟ ମୁସଲିମ୍ ଦେଶ, ଆମଠୁ କିଛି ଶିଖ

କାବୁଲ: ଦିନେ ତାଲିବାନକୁ ସମର୍ଥନ କରିଥିବା ଦେଶ ମଧ୍ୟରେ କତାର ଥିଲା । କିନ୍ତୁ ଏବେ ଏହି ସଙ୍ଗଠନ ଉପରେ ଅସନ୍ତୋଷ ପ୍ରକାଶ କରିଛି କତାର । କତାରର ଜଣେ କୁଟନୀତିଜ୍ଞଙ୍କ କହିବାନୁଯାୟୀ ମହିଳାଙ୍କ ଶିକ୍ଷାକୁ ନେଇ ତାଲିବାନର ଚିନ୍ତାଧାରା ଖୁବ୍ ନୖେରାଶ୍ୟଜନକ । ଯଦି ତାଲିବାନ ଦେଶରେ ଇସଲାମିକ୍ ସିଷ୍ଟମ୍ ଚଲାଇବାକୁ ଚାହୁଁଛି ତାହେଲେ ଆମଠାରୁ କିଛି ଶୁଖୁ ।

କତାରର ବିଦେଶ ମନ୍ତ୍ରୀ ଶେଖ ମହମ୍ମଦ ବିନ୍ ଅବଦୁଲ୍ ଅଲ ଥାନି ଏକ ସାମ୍ବାଦିକ ସମ୍ମିଳନୀରେ ୟୁରୋପିଅନ୍ ଫରେନ୍ ପଲିସି ଚିଫ୍ ଜୋସେଫ୍ ବୋରେଲଙ୍କ ସହ ଆଲୋଚନା କରିଥିଲେ । ଏହି ସମୟରେ ଆଫଗାନିସ୍ତାନରେ ଝିଅଙ୍କ ଶିକ୍ଷା ଉପରେ ରୋକ୍ କୁ ନିରାଶାଜନକ କହିଥିଲେ । ନିକଟରେ ଆଫଗାନିସ୍ତାନରେ ଯେଉଁ ପ୍ରକାର ପଦକ୍ଷେପ ନିଆଯାଉଛି ତାହା ଦୁର୍ଭାଗ୍ୟପୂର୍ଣ୍ଣ । ଆଉ କିଛି ଏଭଳି ନିଷ୍ପତ୍ତି ନିଆଯାଉଛି ଯାହା ଆଫଗାନିସ୍ତାନର ବିକାଶକୁ ବହୁ ପଛକୁ ଟାଣି ନେଉଛି ।

ଦିନିକିଆ ଟେଷ୍ଟରେ ଶତକ ହାସଲ କରିଥିବା ପ୍ରଥମ ଭାରତୀୟ ମହିଳା କ୍ରିକେଟର ହେଲେ ସ୍ମୃତି ମନ୍ଧାନା, ବିରାଟଙ୍କ କ୍ଲବରେ ହେଲେ ସାମିଲ

ନୂଆଦିଲ୍ଲୀ: ଅଷ୍ଟ୍ରେଲିଆ ମହିଳା କ୍ରିକେଟ୍ ଦଳ ବିପକ୍ଷରେ ଖେଳାଯାଉଥିବା ଦିବା-ରାତ୍ରି ଟେଷ୍ଟ ମ୍ୟାଚ୍ ରେ ଭାରତର ସ୍ମୃତି ମଂଧାନା ସୃଷ୍ଟି କରିଛନ୍ତି ନୂଆ ଇତିହାସ । ଦିନିକିଆ ଟେଷ୍ଟରେ ଶତକ ହାସଲ କରିଥିବା ସ୍ମୃତି ପ୍ରଥମ ଭାରତୀୟ ମହିଳା କ୍ରିକେଟର ହୋଇଛନ୍ତି । କେବଳ ଏତିକି ନୁହେଁ, ସ୍ମୃତି ମନ୍ଧାନାଙ୍କ ଶତକ ବଳରେ ଭାରତୀୟ ଦଳ ବହୁତ ଭଲ ସ୍ଥିତିରେ ଅଛି ।

ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ଏକମାତ୍ର ଟେଷ୍ଟ ଗତକାଲି ଠାରୁ ଆରମ୍ଭ ହୋଇଛି । ଅଷ୍ଟ୍ରେଲିଆ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ଭାରତକୁ ଆମନ୍ତ୍ରଣ କରିଥିଲା । ତେବେ ଅଷ୍ଟ୍ରେଲୀୟ ଅଧିନାୟକଙ୍କ ଏହି ନିଷ୍ପତ୍ତିକୁ ଭାରତର ଓପନର୍ ସ୍ମୃତି ମଂଧାନା ଏବଂ ଶେଫାଲୀ ବର୍ମା ଭୁଲ ପ୍ରମାଣିତ କରିଥିଲେ । ସ୍ମୃତି ମଂଧାନା ୧୭୦ ଟି ବଲ ଖେଳି ୧୯ ଟି ଚୌକା ଓ ଗୋଟିଏ ଛକା ସହାୟତାରେ ଶତକ ପୂରଣ କରିଥିଲେ । ଟେଷ୍ଟ କ୍ରିକେଟରେ ଏହା ସ୍ମୃତି ମନ୍ଧାନାଙ୍କର ଏହା ପ୍ରଥମ ଶତକ ।

ଆଣ୍ଟି ଏୟାରକ୍ରାଫ୍ଟ ମିସାଇଲର ପରୀକ୍ଷଣ କଲା ଉତ୍ତର କୋରିଆ

ପୋଙ୍ଗୟାଙ୍ଗ: ନୂତନ ହାଇପରସୋନିକ୍ କ୍ଷେପଣାସ୍ତ୍ର ଉତକ୍ଷେପଣ କରିବାର କିଛି ଦିନ ପରେ ଆଣ୍ଟି ଏୟାରକ୍ରାଫ୍ଟ ମିସାଇଲର ପରୀକ୍ଷଣ କରିଛି ଉତ୍ତର କୋରିଆ। ଏହି କ୍ଷେପଣାସ୍ତ୍ର ପରମାଣୁ କ୍ଷମତା ବିଶିଷ୍ଟ ହୋଇଥିବା ବେଳେ ସାରାବିଶ୍ବ, ବିଶେଷକରି ଆମେରିକାକୁ ନିଜର ଶକ୍ତି ଦେଖାଇବା ପାଇଁ ଉତ୍ତର କୋରିଆ ଏହି ପରୀକ୍ଷଣ କରିଛି।

ଆମେରିକା ସହ ଆଣବିକୀକରଣ ନେଇ ସଦ୍ୟତମ କଥାବାର୍ତ୍ତା ପରେ ଉତ୍ତରକୋରିଆ କ୍ଷେପଣାସ୍ତ୍ର ପରୀକ୍ଷଣକୁ ଅଧିକ ତ୍ବରାନ୍ବିତ କରିଛି ବୋଲି ଉତ୍ତରକୋରିଆର ସ୍ଥାନୀୟ ଗଣମାଧ୍ୟମ ରିପୋର୍ଟ ଦେଇଛି । ଚଳିତ ସପ୍ତାହରେ ଉତ୍ତରକୋରିଆର ଏହା ଦ୍ବିତୀୟ କ୍ଷେପଣାସ୍ତ୍ର ପରୀକ୍ଷା । ଆତ୍ମରକ୍ଷା ପାଇଁ ଏହି ପରୀକ୍ଷଣ ଆବଶ୍ୟକ ବୋଲି ଷ୍ଟେଟ ସେକ୍ରେଟାରୀ ଆନ୍ଥୋନୀ ବ୍ଲିକେନ କହିଛନ୍ତି । ଆମେରିକାର କଟକଣା ଓ ବିଭିନ୍ନ ଚାପ ନେଇ ଉତ୍ତରକୋରିଆ ସର୍ବଦା ନିଜର ପ୍ରତିରକ୍ଷାକୁ ଅଧିକ ଶକ୍ତିଶାଳୀ କରିବା ଲାଗି ଚେଷ୍ଟା ଜାରି ରଖିଛି।

ତେବେ ଚଳିତ ମାସରେ ଏହା ଉତ୍ତରକୋରିଆର ୪ର୍ଥ କ୍ଷେପଣାସ୍ତ୍ର ପରୀକ୍ଷଣ ବୋଲି କୁହାଯାଉଛି। ଆମେରିକାର ବୖେଦେଶିକ ସଚିବ ଆନ୍ଥୋନୀ ବ୍ଲିଙ୍କେନ୍ କହିଛନ୍ତି ଯେ ଉତ୍ତର କୋରିଆର ପରୀକ୍ଷଣ ଏହି ଅଞ୍ଚଳରେ ଅସ୍ଥିରତା ସୃଷ୍ଟି କରିଛି। ଏନେଇ ପୋଙ୍ଗୟାଙ୍ଗ ପକ୍ଷରୁ କୁହାଯାଇଛି ଯେ ନିଜର ସୁରକ୍ଷା ପାଇଁ ଏହିସବୁ ଅସ୍ତ୍ରଶସ୍ତ୍ର ରହିଛି ।

SBM-U ୨.୦ ଓ ଅମୃତ ୨.୦ ଯୋଜନାର ଶୁଭାରମ୍ଭ: ୩ବର୍ଷ ହେଲା ଶୀର୍ଷରେ ରହିଛି ଓଡ଼ିଶା

ନୂଆଦିଲ୍ଲୀ: ସହରାଞ୍ଚଳକୁ ସ୍ୱଚ୍ଛ ପାନୀୟ ଜଳ ଯୋଗାଣ ଓ ଆବର୍ଜନାମୁକ୍ତ କରିବା ପାଇଁ ରାଜ୍ୟ ସରକାର ପ୍ରାଥମିକତା ଦେଉଛନ୍ତି । ପ୍ରତ୍ୟେକ ଘରକୁ ପାଇପ୍‌ ଯୋଗେ ବିଶୁଦ୍ଧ ପାନୀୟ ଜଳ ଯୋଗାଣ ରାଜ୍ୟ ସରକାରଙ୍କ ଲକ୍ଷ୍ୟ । ଏହି ଟାର୍ଗେଟ୍‌ ହାସଲ କରିବା ପାଇଁ ୨୦୧୫ରୁ ଓଡ଼ିଶାରେ ଅମୃତ ମିଶନ୍ କାର୍ଯ୍ୟକାରୀ ହେଉଛି। ରାଜ୍ୟର ୯ଟି ସହରରେ ଏହି ଯୋଜନାରେ ପାନୀୟ ଜଳ ବ୍ୟବସ୍ଥାର ଉନ୍ନତି କରାଯାଉଛି । ଏଥିସହ ରାଜ୍ୟ ସରକାର ସହରାଞ୍ଚଳ ପାନୀୟ ଜଳ ଯୋଗାଣ ପାଇଁ ୧୬ଶହ କୋଟି ଟଙ୍କାର ବ୍ୟୟ ବରାଦ କରିଛନ୍ତି । ଅମୃତ ମିଶନ୍ କାର୍ଯ୍ୟକାରିତାରେ ଓଡ଼ିଶା କ୍ରମାଗତ ଭାବେ ଗତ ୩ ବର୍ଷ ହେଲା ପ୍ରଥମ ସ୍ଥାନ ଅଧିକାର କରୁଛି । ରାଜ୍ୟର ସମସ୍ତ ୧୧୪ଟି ସହରାଞ୍ଚଳରେ ବିଶୁଦ୍ଧ ପାନୀୟ ଜଳ ଯୋଗାଣ ପାଇଁ ନିଜସ୍ୱ ବସୁଧା ଯୋଜନା ଆରମ୍ଭ ହୋଇଛି । ବର୍ତ୍ତମାନ ସୁଦ୍ଧା ଏହି ଯୋଜନାରେ ୨୭ଟି ସହରରେ ଶତ ପ୍ରତିଶତ ଘରକୁ ପାଇପ୍‌ ପାଣି ଯୋଗାଇ ଦିଆଯାଇଛି । ପାଇପ୍ ପାଣି ସହ ଆବର୍ଜନାମୁକ୍ତ ସହରାଞ୍ଚଳ ପାଇଁ ମଧ୍ୟ ରାଜ୍ୟ ସରକାର ଗୁରୁତ୍ୱ ଦେଉଛନ୍ତି ।

୨୦୨୨ ଡିସେମ୍ବର ସୁଦ୍ଧା ରାଜ୍ୟର ସବୁ ଘରକୁ ବିଶୁଦ୍ଧ ପାଣି ଯୋଗାଇ ଦିଆଯିବ । ଏଥିରେ ତୃଣମୂଳସ୍ତରରେ ଜଳସାଥୀମାନେ ସହଯୋଗ କରିଛନ୍ତି । 5-T କାର୍ଯ୍ୟକ୍ରମରେ ଡ୍ରିଙ୍କ ଫ୍ରମ୍‌ ଟ୍ୟାପ୍ ମିଶନ୍ ଆରମ୍ଭ ହୋଇଛି । ସାରା ଦେଶରେ ପୁରୀ ପ୍ରଥମ ସହର ଭାବେ ପ୍ଲାଷ୍ଟିକମୁକ୍ତ ଓ ଡ୍ରିଙ୍କ ଫ୍ରମ ଟ୍ୟାପ ମିଶନ୍‌ କାର୍ଯ୍ୟକାରୀ କରି ଲଣ୍ଡନ, ଟୋକିଓ ଓ ୟୁକେ ସହ ସମାନ ହୋଇପାରିଛି । କଟକ, ଭୁବନେଶ୍ୱର ଓ ରାଉରକେଲା ସମେତ ୧୭ଟି ସହରରେ ଡ୍ରିଙ୍କ ଫ୍ରମ୍ ଟ୍ୟାପ୍ ମିଶନ କାର୍ଯ୍ୟକାରୀ ହେଉଛି । ଆବର୍ଜନାମୁକ୍ତ ପାଇଁ ୫୫ଟି ଟ୍ରିଟମେଣ୍ଟ ପ୍ଲାଣ୍ଟ ହୋଇଛି । ଏଥିରେ ମହିଳା ସ୍ୱୟଂ ସହାୟିକା ଗୋଷ୍ଠୀମାନେ ସହଭାଗୀ ହୋଇଛନ୍ତି। ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଏସବିଏମ୍‌ୟୁ-୨.୦ ଓ ଅମୃତ ୨.୦ ଯୋଜନାର ଶୁଭାରମ୍ଭ କରାଯାଇଛି । ଏହି ଅବସରରେ ଓଡ଼ିଶାରେ ଏସବୁ ଯୋଜନାର ସଫଳ କାର୍ଯ୍ୟକାରିତା ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୂଚନା ଦେଇଛନ୍ତି ।

କୃଷକ ମହାପଞ୍ଚାୟତକୁ ସୁପ୍ରିମକୋର୍ଟଙ୍କ ତାଗିଦ, କହିଲେ ‘ଆପଣମାନେ ସହରର ତଣ୍ଟି ଚିପୁଛନ୍ତି’

ନୂଆଦିଲ୍ଲୀ : ତିନି କୃଷି ଆଇନ ପ୍ରତ୍ୟାହାର ଦାବିରେ ଦିଲ୍ଲୀ ସୀମାରେ ଚାଷୀମାନେ ପାଖାପାଖି ବର୍ଷେ ହେଲା ଆନ୍ଦୋଳନ ଚଳାଇଛନ୍ତି। ଏଥିଯୋଗୁ ରାସ୍ତା ବନ୍ଦ ରହିଛି। ଦୀର୍ଘଦିନ ରହି ରାସ୍ତା ବନ୍ଦ ଥିବାରୁ ଏହି ସମସ୍ୟାର ସମାଧାନ ପାଇଁ ସୁପ୍ରିମ କୋର୍ଟ କହିଛନ୍ତି। ନ୍ୟାୟିକ ଫୋରମ୍ କିମ୍ବା ସଂସଦୀୟ ବିତର୍କ ମାଧ୍ୟମରେ ଏଭଳି ପ୍ରସଙ୍ଗର ସମାଧାନ କରାଯାଇ ପାରିବ। ରାଜପଥକୁ କିଭଳି ଦୀର୍ଘ ଦିନ ଧରି ବନ୍ଦ କରାଯାଇ ପାରିବ ଏବଂ ଏହାର ଅନ୍ତ କେଉଁଠି ବୋଲି ସର୍ବୋଚ୍ଚ ଅଦାଲତ ପ୍ରଶ୍ନ କରିଛନ୍ତି।

ଦିଲ୍ଲୀ ସୀମାରୁ ରାସ୍ତା ଅବରୋଧ ହଟାଇବା ପାଇଁ କରାଯାଇଥିବା ଆବେଦନର ଶୁଣାଣି ସୁପ୍ରିମ କୋର୍ଟର ବିଚାରପତି ସଞ୍ଜୟ କିଷାନ କୌଲ୍ ଏବଂ ଏମ ଏମ ସୁନ୍ଦରେଶଙ୍କ ଖଣ୍ଡପୀଠ କରିଛନ୍ତି। ଶୁଣାଣି ବେଳେ ଖଣ୍ଡପୀଠ କହିଛନ୍ତି, ଅଦାଲତଙ୍କ ଦ୍ବାରା ପ୍ରସ୍ତୁତ ହେଉଥିବା ଆଇନକୁ କାର୍ଯ୍ୟକାରୀ କରିବା ଦାୟିତ୍ବ କାର୍ଯ୍ୟପାଳିକାର। ଏଥିସହିତ ଉତ୍ତର ପ୍ରଦେଶ ଗେଟ୍ ନିକଟରେ ଆନ୍ଦୋଳନ ଯୋଗୁ ବନ୍ଦ ଥିବା ରାସ୍ତାକୁ ଖୋଲିବା ଲାଗି ଉକ୍ତ ମାମଲାରେ କେତେକ କୃଷକ ସଂଗଠନକୁ ପକ୍ଷଭୁକ୍ତ କରିବା ନିମନ୍ତେ ଔପଚାରିକ ଭାବେ ଆବେଦନ ପାଇଁ ମଧ୍ୟ ସୁପ୍ରିମ କୋର୍ଟ କେନ୍ଦ୍ର ସରକାରଙ୍କୁ ଅନୁମତି ପ୍ରଦାନ କରିଛନ୍ତି। ଆବେଦନ ଦାଖଲ ପରେ ଏହି ମାମଲାର ପରବର୍ତ୍ତୀ ଶୁଣାଣି ଆସନ୍ତା ସୋମବାର ହେବ।

 

ମୋନିକା ଅଗ୍ରୱାଲ ନାମ୍ନୀ ଜଣେ ନଏଡା ବାସିନ୍ଦା ରାସ୍ତା ଅବରୋଧ ହଟାଇବା ପାଇଁ ପ୍ରାର୍ଥନା କରି ଏକ ପିଟିସନ ଦାଖଲ କରିଛନ୍ତି। ସେ ଦର୍ଶାଇଛନ୍ତି ଆନ୍ଦୋଳନ ପୂର୍ବରୁ ତାଙ୍କୁ ତାଙ୍କ ଅଞ୍ଚଳରୁ ଦିଲ୍ଲୀରେ ପହଞ୍ଚିବା ଲାଗି ୨୦ ମିନିଟ ସମୟ ଲାଗୁଥିଲା। କିନ୍ତୁ ରାସ୍ତା ବନ୍ଦ ଯୋଗୁ ଏବେ ତାଙ୍କୁ ୨ ଘଣ୍ଟା ସମୟ ଲାଗୁଛି। ଏହି ପ୍ରସଙ୍ଗରେ ସରକାର କ’ଣ କରୁଛନ୍ତି ବୋଲି ସୁପ୍ରିମ କୋର୍ଟ ଅତିରିକ୍ତ ସଲିସିଟର ଜେନେରାଲ କେ ଏମ ନଟରାଜଙ୍କୁ ପଚାରିଥିଲେ। ‌ ନଟରାଜ କହିଥିଲେ, ଆନ୍ଦୋଳନରତ କୃଷକଙ୍କ ସହିତ ବୈଠକ ଡକାଯାଇଥିଲା। ଏ ସଂପର୍କିତ ବିସ୍ତୃତ ରିପୋର୍ଟ ସତ୍ୟପାଠରେ ଉଲ୍ଲେଖ ରହିଛି। ଖଣ୍ଡପୀଠ କହିଥିଲେ ଯେ ଆମେ ଏକ ନିର୍ଦ୍ଦେଶନାମା ଦେଇପାରୁ। କିନ୍ତୁ ତାହାକୁ ଅଦାଲତ କାର୍ଯ୍ୟକାରୀ କରିପାରିବ ନାହିଁ। ଆଇନକୁ କାର୍ଯ୍ୟକାରୀ କରିବା କାମ କାର୍ଯ୍ୟପାଳିକାର। ସଲିସିଟର ଜେନେରାଲ ତୁଷାର ମେହେଟ୍ଟା ମଧ୍ୟ ଆଇନକୁ କାର୍ଯ୍ୟକାରୀ କରିବା ଦାୟିତ୍ବ କାର୍ଯ୍ୟପାଳିକାର ବୋଲି ଖଣ୍ଡପୀଠ ସହ ଏକମତ ହୋଇଥିଲେ।

ଖଣ୍ଡପୀଠ ଏହା ମଧ୍ୟ କହିଥିଲେ ଯେ ଆମେ ନିର୍ଦ୍ଦେଶ ଦେଲେ ତୁମେ କହିବ କାର୍ଯ୍ୟପାଳିକାର କାମ ଭିତରକୁ ନ୍ୟାୟପାଳିକା ଅନୁପ୍ରବେଶ କରୁଛି। ଏହାର ଅନ୍ୟାନ୍ୟ ପରିଣାମ ମଧ୍ୟ ରହିଛି। କିନ୍ତୁ ଅଭିଯୋଗର ସମାଧାନ ହେବା ମଧ୍ୟ ଆବଶ୍ୟକ ବୋଲି ଖଣ୍ଡପୀଠ କହିଛନ୍ତି। ମେହେଟ୍ଟା କହିଥିଲେ ଯେ କୃଷକମାନଙ୍କ ସମସ୍ୟା ସମାଧାନ ପାଇଁ ୩ ଜଣିଆ କମିଟି ଗଠନ ହୋଇଛି। କିନ୍ତୁ କୃଷକ ସଂଘଗୁଡ଼ିକ ଆଲୋଚନାରେ ଯୋଗଦେବାକୁ ମନା କରୁଛନ୍ତି। କୃଷକ ସଂଘକୁ ପକ୍ଷଭୁକ୍ତ କରିବା ଲାଗି କୋର୍ଟ ଆବେଦନକାରୀଙ୍କୁ ଉକ୍ତ ଆବେଦନରେ ଅନୁମତି ଦିଅନ୍ତୁ। ଏହାହେଲେ ପରେ ସେମାନେ କହିପାରିବେ ନାହିଁ ଯେ ସେମାନଙ୍କୁ ପକ୍ଷ କରାଯାଇ ନଥିଲା। ଏହାପରେ ଖଣ୍ଡପୀଠ ମେହେଟ୍ଟାଙ୍କୁ କହିଥିଲେ କୃଷକ ପ୍ରତିନିଧିମାନଙ୍କୁ ପକ୍ଷ କରିବା ପାଇଁ ତାଙ୍କୁ ହିଁ ଆବେଦନ କରିବାକୁ ହେବ। କାରଣ ଜଣେ ସାଧାରଣ ବ୍ୟକ୍ତି କୃଷକ ସଂଗଠନର ନେତା କିଏ ତାହା ଜାଣିପାରିବେ ନାହିଁ। କୃଷକମାନଙ୍କୁ ପକ୍ଷଭୁକ୍ତ କରିଲେ ସମସ୍ୟାର କିଭଳି ସମାଧାନ ହୋଇପାରିବ ତାହା ଜଣାଇବା ପାଇଁ କହିବା ସହିତ ମାମଲାର ପରବର୍ତ୍ତୀ ଶୁଣାଣି ଆସନ୍ତା ୪ ତାରିଖରେ କରିବାକୁ ଧାର୍ଯ୍ୟ କରିଛନ୍ତି। ଶୁକ୍ରବାର କୃଷକ ମାନଙ୍କୁ ପକ୍ଷଭୁକ୍ତ କରିବା ପାଇଁ ଆବଦେନ କରାଯିବ ବୋଲି ମେହେଟ୍ଟା କହିଛନ୍ତି। ଉଲ୍ଲେଖଯୋଗ୍ୟ ଯେ କେନ୍ଦ୍ର ସରକାର ଦିଲ୍ଲୀର ପଡ଼ୋଶୀ ରାଜ୍ୟ ସରକାରଙ୍କ ସହ ମିଶି ରାସ୍ତା ବନ୍ଦ ସମସ୍ୟାର ସମାଧାନ ବାହାର କରିବାକୁ ସୁପ୍ରିମ କୋର୍ଟ ଗତ ଅଗଷ୍ଟ ୨୩ ତାରିଖରେ କହିଥିଲେ।

ବସ୍‌-ଡମ୍ପର ମୁହାଁମୁହିଁ ଧକ୍କା; ୭ ମୃତ ଓ ୧୩ ଆହତ

ଭିଣ୍ଡ: ମଧ୍ୟପ୍ରଦେଶର ଭିଣ୍ଡ-ଗ୍ୱାଲିଅର ହାଇୱେରେ ଭୟଙ୍କର ଦୁର୍ଘଟଣା ଘଟିଛି। ବସ୍‌ ଓ ଡମ୍ପର ମୁହାଁମୁହିଁ ଧକ୍କା ହେବା ଯୋଗୁଁ ଜଣେ ମହିଳାଙ୍କ ସମେତ ୭ଜଣଙ୍କର ମୃତ୍ୟୁ ହୋଇଛି । ଏହାବ୍ୟତୀତ ୧୩ ଜଣ ଯାତ୍ରୀ ଗୁରୁତର ଆହତ ହୋଇଛନ୍ତି।

ସୂଚନା ଅନୁଯାୟୀ, ଗୋହଦା ଥାନା ଅଞ୍ଚଳରେ ଘଟିଥିବା ଏହି ଦୁର୍ଘଟଣାରେ ଗୁରୁତର ମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି। ଏହି ମର୍ମନ୍ତୁଦ ସଡ଼କ ଦୁର୍ଘଟଣା ନେଇ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଦୁଃଖ ପ୍ରକାଶ କରିଛନ୍ତି । ଦିବଂଗତ ଆତ୍ମାର ସଦଗତି କାମନା କରିବା ସହ ଆହତଙ୍କ ପରିବାରକୁ ୫ହଜାର ଲେଖାଏଁ ଚିକିତ୍ସା ସହାୟତା ଯୋଗାଇ ଦେବାକୁ ଘୋଷଣା କରିଛନ୍ତି।

ତେବେ ଦୁର୍ଘଟଣା ସ୍ଥଳରେ ପୋଲିସ ଓ ସ୍ଥାନୀୟ ପ୍ରଶାସନ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି।.

ଗୋରଖପୁର କାଣ୍ଡ: ପୋଲିସର ନୃଶଂସତାକୁ ନେଇ ମୁହଁ ଖୋଲିଲେ ମନୀଷଙ୍କ ଦୁଇ ସାଙ୍ଗ, ବଖାଣିଲେ ପୂରା ଘଟଣା

କାନପୁର: କାନପୁର ବ୍ୟବସାୟୀ ମୃତ୍ୟୁ ଘଟଣା । ଜାତୀୟ ଗଣମାଧ୍ୟମ ଆଗରେ ଚଢ଼ାଉ ସମୟର ଘଟଣା ବଖାଣିଛନ୍ତି ମୃତ ମନିଷ ଗୁପ୍ତାଙ୍କ ଦୁଇ ବନ୍ଧୁ ତଥା ପ୍ରତ୍ୟେକ୍ଷଦର୍ଶୀ । ଚଢ଼ାଉ ବେଳେ ପୋଲିସ ମନିଷଙ୍କ ମୁଣ୍ଡକୁ ଜୋରରେ ପିଟିଥିଲା । ଫଳରେ ମନିଷ ତଳେ ପଡ଼ିଯିବା ସହ ତାଙ୍କର ମୁଣ୍ଡରେ ଖୁବ୍ ଜୋରରେ ରକ୍ତ ବାହାରିଥିଲା । ଏହାପରେ ତାଙ୍କର ମୃତ୍ୟୁ ହୋଇଥିବା ମନିଷଙ୍କ ଦୁଇ ବନ୍ଧୁ ଏକ ଜାତୀୟ ଗଣମାଧ୍ୟମକୁ କହିଛନ୍ତି ।

ସେପଟେ ମନିଷଙ୍କ ପତ୍ନୀ ପୋଲିସର ତଦନ୍ତକୁ ନେଇ ପ୍ରଶ୍ନ ଉଠାଇଛନ୍ତି । ୬ପୋଲିସ ଅଧିକାରୀଙ୍କ ନାଁରେ ଅଭିଯୋଗ କରିଥିଲେ ବି ୩ପୋଲିସ ଅଧିକାରୀଙ୍କ ନାଁରେ ହତ୍ୟା ମାମଲା ରୁଜୁ ହୋଇଛି । ହେଲେ ଏ ଯାଏଁ ଜଣଙ୍କୁ ବି ଗିରଫ କରାଯାଇନାହିଁ । ପୋଲିସ ଏ ପର୍ଯ୍ୟନ୍ତ ଦୋଷୀଙ୍କୁ ଗିରଫ କରି ନଥିବା ବେଳେ ଅଯଥା ବୟାନବାଜୀ କରୁଛି ବୋଲି ମିନାକ୍ଷୀ କହିଛନ୍ତି । ଏହାଛଡ଼ା ୟୁପି ସରକାରଙ୍କ ପକ୍ଷରୁ ବିଭିନ୍ନ ପ୍ରତିଶ୍ରୁତି ଦିଆଯାଇଥିଲେ ବି ଲିଖିତ ଭାବେ କିଛି ଦିଆଯାଇନାହିଁ ।

ପୁରା ମାମଲାର ସିବିଆଇ ଯାଞ୍ଚ କରିବାକୁ ମୃତ ବ୍ୟବସାୟୀଙ୍କ ପତ୍ନୀ ଦାବି କରିଛନ୍ତି । ମନିଷଙ୍କ ପୋଷ୍ଟମର୍ଟମ ରିପୋର୍ଟରେ ତାଙ୍କ ଶରୀରରେ ଗଭୀର କ୍ଷତ ଚିହ୍ନ ଥିବା ଉଲ୍ଲେଖ ଥିଲେ ବି ପୋଲିସ ମାଡ଼ ମାରିବା ଅଭିଯୋଗକୁ ଖଣ୍ଡନ କରିଛି । ଯେଉଁଥିପାଇଁ ମାମଲାର ସିବିଆଇ ତଦନ୍ତ କରିବାକୁ ମିନାକ୍ଷୀ ଦାବି କରିଛନ୍ତି । ସେପଟେ ରେଡ୍‌ ବେଳେ ମନିଷଙ୍କ ସହ ହୋଟେଲରେ ଥିବା ଦୁଇ ବନ୍ଧୁ ବା ପ୍ରତ୍ୟେକ୍ଷଦର୍ଶୀଙ୍କ ବୟାନ ସାମ୍ନାକୁ ଆସିଛି । ଯାହାପରେ ଯୋଗୀ ରାଜ୍‌ରେ ପୋଲିସ ଅଧିକାରୀ ଆଇନକୁ ହାତକୁ ନେଇ ଘଟାଉଥିବା ନୃଶଂସ କାଣ୍ଡକୁ ଚାରିଆଡୁ ନିନ୍ଦା କରାଯାଉଛି ।

ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ଅମରିନ୍ଦର ସିଂ ଆସନ୍ତା ୧୫ ଦିନ ମଧ୍ୟରେ ଗଢିବେ ନୂଆ ଦଳ

ଚଣ୍ଡିଗଡ଼: ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ଗଢିବେ ନୂଆ ଦଳ । ଆସନ୍ତା ୧୫ ଦିନ ମଧ୍ୟରେ ସେ ନୂଆ ଦଳ ଗଢିବେ ବୋଲି ସୂଚନା ମିଳିଛି । ଅମରିନ୍ଦରଙ୍କ ମହଲରୁ ପ୍ରକାଶ ଯେ, କ୍ୟାପଟେନ ଖୁବ୍ ଶୀଘ୍ର ଏକ ନୂଆ ଦଳ ଗଠନ କରିବେ । ସେପଟେ ନବଜୋତ ସିଂ ସିଦ୍ଧୁ ପୁଣି ଥରେ ପିସିସି ସଭାପତି ରହିପାରନ୍ତି ବୋଲି ଚର୍ଚ୍ଚା ଚାଲିଛି । ମନ୍ତ୍ରିମଣ୍ଡଳରେ ବିଭିନ୍ନ ଦୁର୍ନୀତିଗ୍ରସ୍ତଙ୍କୁ ସାମିଲ କରିବା, ଆଡଭୋକେଟ ଜେନରାଲ ଭାବେ ଏପିଏସ ଦେଓଲଙ୍କୁ ନିଯୁକ୍ତି ଦେବା ଓ ଇକବଲ ପ୍ରୀତ ସିଂହ ସାହୋତାଙ୍କୁ ଅତିରିକ୍ତ ଡିଜିପି ଦାୟିତ୍ବ ଦେବା ପ୍ରତିବାଦରେ ସିଦ୍ଧୁ ପିସିସି ସଭାପତି ପଦରୁ ଇସ୍ତଫା ଦେଇଥିଲେ ।

ସିଦ୍ଧୁଙ୍କ ସହ ମୁଖ୍ୟମନ୍ତ୍ରୀ ଚରଣଜିତ ସିଂ ଚନ୍ନୀ ବିଭିନ୍ନ ପ୍ରସଙ୍ଗରେ ଆଲୋଚନା କରିଛନ୍ତି । ହାଇକମାଣ୍ଡଙ୍କ ସହ ଆଲୋଚନା କରିବା ଲାଗି ଚନ୍ନୀ ଦିଲ୍ଲୀ ଯାଇଛନ୍ତି । ସେଠାରେ ସେ ବିଭିନ୍ନ ପ୍ରସଙ୍ଗରେ ଆଲୋଚନା କରିବା ସହ ସମସ୍ୟାର ସମାଧାନ ଲାଗି ପଦକ୍ଷେପ ନେବା ଆଶା ରହିଛି । ତେଣେ ରାଜ୍ୟରେ କଂଗ୍ରେସର ଏହି ଦୁରବସ୍ଥା ନେଇ ରାଦୁଲ ଗାନ୍ଧିଙ୍କ ଉପରେ ବର୍ଷିଛନ୍ତି ପୂର୍ବତନ ବୈଦେଶିକ ମନ୍ତ୍ରୀ ନଟବର ସିଂ । ସେ କହିଛନ୍ତି- ମୁଖ୍ୟମନ୍ତ୍ରୀ ପଦରୁ ଅମରିନ୍ଦରଙ୍କ ଇସ୍ତଫା ଘଟଣା ଦେଶକୁ ଚମକାଇ ଦେଇଥିଲା । ବିଜେପିରୁ ଆସି କଂଗ୍ରେସରେ ସାମିଲ ହୋଇଥିବା ନବଜୋତ ସିଂ ସିଦ୍ଧୁ ଦଳ ଲାଗି ଅଧିକ ସଙ୍କଟ ସୃଷ୍ଟି କରିଥିଲେ । ଏପରିକି ସରକାରରେ ବ୍ୟାପକ ଅସ୍ଥିରତା ସୃଷ୍ଟି କରିଥିଲେ ।