spot_img
Home Blog Page 5303

ପୋଲିସ୍‌ କବଜାରେ ମାଓ କମାଣ୍ଡର ହିଡ଼ମା

ମାଲକାନାଗିରି: ମାଓ କମାଣ୍ଡର ହିଡମା ଗିରଫ। ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ ଦନ୍ତେୱାଡା ପୋଲିସ ଦ୍ବାରା ମିଲିସିଆ କମାଣ୍ଡର ହିଡମା ଗିରଫ ହୋଇଛି। ହିଡମା ନାଁରେ ଏକ ଲକ୍ଷ ଟଙ୍କାର ପୁରସ୍କାର ରାଶି ରହିଥିଲା। ଅନେକ ମାଓ ହିଂସାରେ ହିଡମାର ସଂପୃକ୍ତି ଥିଲା । ଏନେଇ ସୂଚନା ଦେଇଛନ୍ତି ଦାନ୍ତେୱାଡା ଏସପି  । ଏହି ଦାଗୀ ନକ୍ସଲର ସୁରକ୍ଷାରେ ଥିଲେ ୮ଶହ ନକ୍ସଲ କ୍ୟାଡର । ଆନ୍ଧ୍ରପ୍ରଦେଶ, ଛତିଶଗଡ଼ ଓ ତେଲେଙ୍ଗାନାରେ ହିଡମାର ଆଡ୍ଡା ରହିଥିଲା।

ସୀମାନ୍ତରେ ସିଆରପିଏଫ-ନକ୍ସଲ ମୁହାମୁହିଁ। ଛତିଶଗଡ଼ ବିଜାପୁର ଜିଲ୍ଲା ଧର୍ମାରାମ ସିଆରପିଏଫ କ୍ୟାମ୍ପ ଉପରେ ଗୁଳି ମାଡ କରିଛି ଲାଲବାହିନୀ । ଜବାବରେ ପାଲଟା ଗୁଳିଚାଳନା କରିଛନ୍ତି ଯବାନ । ପ୍ରାୟ ୩ ଘଣ୍ଟାରୁ ଅଧିକ ସମୟ ଧରି ଗୁଳି ବିନିମୟ ହୋଇଥିଲା । ସିଆରଏଫର ୧୯୬ ବାଟାଲିୟନ କ୍ୟାମ୍ପରେ ରହୁଥିବା ବେଳେ, ହଠାତ ଆକ୍ରମଣ କରିଥିଲା ଲାଲବାହିନୀ । ଏନେଇ ଏଏସପି ପଙ୍କଜ ଶୁକ୍ଳା ସୂଚନା ଦେଇଛନ୍ତି  ।

ପିପିଲି ବଳଙ୍ଗା ଥାନାରେ ଭୟଙ୍କର ବିସ୍ଫୋରଣ, ଭୟରେ ସ୍ଥାନୀୟ ଲୋକେ

ପିପିଲି: ପିପିଲି ବଳଙ୍ଗା ଥାନାରେ ବିସ୍ଫୋରଣ। ଭୁଶୁଡ଼ିଲା ଥାନାର ଛାତ, ଫାଟିଗଲା କାନ୍ଥ। ବିଳମ୍ବିତ ରାତିରେ ଅଚାନକ ପୁରୀ ଜିଲ୍ଲା ବଳଙ୍ଗା ଥାନାରେ ବିସ୍ଫୋରଣ ହୋଇଥିବା ବେଳେ କାରଣ ଅସ୍ପଷ୍ଟ ରହିଛି। କୌଣସି ଜବତ ବିସ୍ଫୋରକ ସାମଗ୍ରୀ ବିସ୍ଫୋରଣ ହୋଇଥିବା ଅନୁମାନ କରାଯାଉଛି। ବିସ୍ଫୋରଣରେ ଥାନା ଭିତରର ନକ୍ସା ବଦଳି ଯାଇଛି।

ଥାନା ଭିତରର ସବୁ ଆସବାବପତ୍ର ଛିନଛତ୍ର ହୋଇପଡିଛି। ଅନେକ ଗୁରୁତ୍ବପୂର୍ଣ୍ଣ କାଗଜପତ୍ର ସମେତ, କମ୍ପ୍ୟୁଟର, ଟେବୁଲ, ଚେୟାର ସବୁ ନଷ୍ଟ ହୋଇଛି। ସବୁଠାରୁ ବଡ଼ କଥା ହେଉଛି ବିସ୍ଫୋରଣରେ କାହାରି ଜୀବନ ପ୍ରତି ଆଞ୍ଚ ଆସିନାହିଁ। ବିସ୍ଫୋରଣରେ କୌଣସି କ୍ଷୟକ୍ଷତି ହୋଇନଥିବା ବେଳେ ଘଟଣାସ୍ଥଳରେ ପିପିଲି ଏସଡିପିଓଙ୍କ ସମେତ ପୁରୀ ଏସପି ପହଞ୍ଚିଛନ୍ତି। ବିସ୍ଫୋରଣକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି। ଅଚାନକ ଏଭଳି ବିସ୍ଫୋରଣକୁ ନେଇ ସହଜରେ ଗ୍ରହଣ କରିପାରୁ ନାହାଁନ୍ତି ସ୍ଥାନୀୟ ଲୋକେ।

ସ୍ଥାନୀୟ ଲୋକଙ୍କ କହିବା ଅନୁଯାୟୀ, ରାତି ଅଧରେ ଅଚାନକ ଶୁଭିଥିଲା ପ୍ରଚଣ୍ଡ ଶବ୍ଦ। ଭୟରେ ଘର ଛାଡ଼ି ବାହାରକୁ ଚାଲି ଆସିଲେ ସ୍ଥାନୀୟ ଲୋକେ। ପୁରା ଅଞ୍ଚଳ ଧୂଆଁମୟ ହୋଇଯାଇଥିଲା। କେବଳ ଜଣେ କନଷ୍ଟେବଳ ହିଁ ବାହାରେ ଛିଡ଼ା ହୋଇଥିଲେ। ଏଭଳି ବିସ୍ଫୋରଣକୁ ନେଇ ଦୃଢ଼ ତଦନ୍ତର ଆବସ୍ୟକତା ରହିଛି ବୋଲି କହିଛନ୍ତି ସ୍ଥାନୀୟ ଲୋକେ। ଏହି ବଳଙ୍ଗା ଥାନା ୩ଟି ନିର୍ବାଚନ ମଣ୍ଡଳିକୁ ନେଇ ହୋଇଛି। ସେଥିପାଇଁ ଥାନାର ସୁରକ୍ଷା ଏବଂ ଯଥାଶୀଘ୍ର ମରାମତି କରିବା ପାଇଁ ସ୍ଥାନୀୟ ଲୋକେ ପ୍ରଶାସନକୁ ଅନୁରୋଧ କରିଛନ୍ତି।

ଆକାଶ ମିଶାଇଲର ନୂଆ ଭରସନର ସଫଳ ପରୀକ୍ଷଣ, ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ

ବାଲେଶ୍ୱର: ଆକାଶ ମିଶାଇଲର ନୂଆ ଭରସନର ପରୀକ୍ଷଣ। ଚାନ୍ଦିପୁରରୁ ‘ଆକାଶ ପ୍ରାଇମ’ର ସଫଳ ପରୀକ୍ଷଣ ହୋଇଛି। ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷାଗାରରୁ ହେଲା ପରୀକ୍ଷା। ଟାର୍ଗେଟକୁ ଲକ୍ଷଭେଦ କରିବାରେ ସଫଳ ହୋଇଛି ଆକାଶ ପ୍ରାଇମ। ସ୍ଥଳଭାଗରୁ ଆକାଶମାର୍ଗକୁ ଟାର୍ଗେଟ କରିବାକୁ ଆକାଶ ପ୍ରାଇମ ଭବିଷ୍ୟତରେ ସଫଳ ହେବ ବୋଲି କୁହାଯାଉଛି।

ବର୍ତ୍ତମାନ ଥିବା ଆକାଶ ମିସାଇଲ ଠାରୁ ଆକାଶ ପ୍ରାଇମ ମିସାଇଲ ଅଧିକ ଶକ୍ତିଶାଳୀ। ଏଥିରେ ଅତ୍ୟାଧୁନିକ ଜ୍ଞାନ କୌଶଳ ବ୍ୟବହାର କରାଯାଇଛି। ଏହାର ଲକ୍ଷ୍ୟଭେଦ କ୍ଷମତା ଯଥେଷ୍ଟ ଅଧିକ ରହିଛି। ଏହା ଯେକୌଣସି ପରିସ୍ଥିତିରେ ମଧ୍ୟ କାର୍ଯ୍ୟକ୍ଷମ ହୋଇପାରିବ। ଏଥିରେ ଇଲେକ୍ଟ୍ରୋ ଅପଟିକାଲ ଟ୍ରାକିଂ ସିଷ୍ଟମର ବ୍ୟବହାର କରାଯାଇଛି। ଡିଆରଡିଓର ଏହି ସଫଳତା ଭାରତୀୟ ମିସାଇଲକୁ ବିଶ୍ବସ୍ତରକୁ ନେଇଛି। ଡିଆରଡିଓର ଏହି ସଫଳତା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭେଚ୍ଛା ଜଣାଇଛନ୍ତି।

ପିପିଲି ଉପନିର୍ବାଚନରେ ମତଦାନ ପୂର୍ବରୁ ଏକଜିଟ୍‌ ପୋଲ ଉପରେ କଟକଣା

ଭୁବନେଶ୍ୱର: ଆଉ ମାତ୍ର ୨ଦିନ ପରେ ପିପିଲି ଉପ ନିର୍ବାଚନ। ନିର୍ବାଚନ ପୂର୍ବରୁ ପିପିଲି ଉପନିର୍ବାଚନ ଏକଜିଟ୍ ପୋଲ ଉପରେ କଟକଣା ଲାଗିଛି। କଟକଣା ଜାରି କରିଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ। ଭୋଟ ପୂର୍ବରୁ ଫଳାଫଳ ପୂର୍ବାନୁମାନ କରିବାକୁ ସମ୍ବାଦ ପତ୍ର, ଟେଲିଭିଜନ ଓ ରେଡିଓ ଚ୍ୟାନେଲକୁ ମନା କରାଯାଇଛି। ନିର୍ବାଚନ କମିଶନଙ୍କ ନିର୍ଦ୍ଦେଶ ଅନୁସାରେ ଓଡ଼ିଶା ଗେଜେଟରେ ଏହି ନିଷେଧାଦେଶ ସଂପର୍କିତ ବିଜ୍ଞପ୍ତି ପ୍ରକାଶ କରାଯାଇଛି।

ତେବେ ସେପଟେ ଆଜି ପିପିଳି ମହାସମର ପାଇଁ ସରିଲା ପ୍ରଚାର। ଭୋଟ୍‌ ପାଇଁ କାଉଣ୍ଟଡାଉନ୍‌ ଆରମ୍ଭ ହୋଇଛି। ଦୁଇ ଦିନ ପରେ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା। ଆଜି ଶେଷ ଦିନରେ ଜୋରଦାର କ୍ୟାମ୍ପେନିଂରେ କମ୍ପିଛି ପିପିଲି। ବିଜୟ ପାଇଁ ପ୍ରମୁଖ ରାଜନୈତିକ ଦଳ କରିଛନ୍ତି ଶେଷ କସରତ। କ୍ୟାମ୍ପେନିଂରେ ଫାଇନାଲ୍‌ ଟଚ୍‌ ଦେଇଛନ୍ତି ହେଭିଓ୍ବେଟ୍‌ ନେତା। ଭୋଟରଙ୍କ ସମର୍ଥନ ସାଉଁଟିବାକୁ ଶେଷ ଉଦ୍ୟମ କରିଛନ୍ତି ପ୍ରାର୍ଥୀ ଓ ନେତା।

କଂଗ୍ରେସ ଦଳରୁ ଇସ୍ତଫା ଦେଲେ ଗୋଆର ବର୍ଷିୟାନ୍‌ କଂଗ୍ରେସ ନେତା ଲୁଇଜିହ୍ନୋ ଫଲେରିଓ

କୋଲକାତା: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଜଣେ ଷ୍ଟ୍ରିଟ୍‌ଫାଇଟର୍‌। ସେ ବିଜେପିକୁ କଡ଼ା ପ୍ରତିଦ୍ବନ୍ଦ୍ବିତାର ସମ୍ମୁଖୀନ କରାଇପାରିବେ। ଏଭଳି କହିବା ପରେ ଗୋଆର ବର୍ଷିୟାନ୍‌ କଂଗ୍ରେସ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ଲୁଇଜିହ୍ନୋ ଫଲେରିଓ ଦଳରୁ ଇସ୍ତଫା ଦେଇଛନ୍ତି। କଂଗ୍ରେସ‌ରେ ୪୦ ବର୍ଷ ଧରି ସଦସ୍ୟ ଥିବା ଫଲେରିଓ ତୃଣମୂଳ କଂଗ୍ରେସରେ ଯୋଗ ଦେବେ ଜଣାପଡିଛି।

ଗୋଆରେ ମମତାଙ୍କ ଭଳି ଶାସକଙ୍କର ଆବଶ୍ୟକତା ଅଛି ଲୁଇଜିହ୍ନୋ କହିଛନ୍ତି। ବିଜେପି ସହ ଲଢ଼ିବା ପାଇଁ ଉପଯୁକ୍ତ ଥିବା ତୃଣମୂଳ କଂଗ୍ରେସକୁ ସେ କଂଗ୍ରେସରୁ ବାହାରିଥିବା ଶାଖା ବୋଲି କହିଛନ୍ତି। ଫଲେରିଓଙ୍କ ସହ ଆଲୋଚନା ପାଇଁ ବରିଷ୍ଠ ତୃଣମୂଳ କଂଗ୍ରେସ ନେତା ଡେରେକ୍‌ ଓବ୍ରାଇନ୍‌ ଏବଂ ପ୍ରସୂନ ବାନାର୍ଜୀ ଏବେ ଗୋଆରେ ଅଛନ୍ତି। ନିକଟରେ ଟିଏମସି ସାଂସଦ ଅଭିଷେକ ବାନାର୍ଜୀ ମଧ୍ୟ ଗୋଆରେ ଟିଏମସି ନିଜ ପାଦ ଥାପିବାକୁ ଯାଉଛି ବୋଲି କହିଥିଲେ। ଆସନ୍ତାବର୍ଷ ଗୋଆରେ ବିଧାନସଭା ନିର୍ବାଚନ ହେବାକୁ ଥିବା ବେଳେ ଏହି ମିଶ୍ରଣ ଗୁରୁତ୍ବବହନ କରୁଛି।

ସୀମାନ୍ତରେ ଅନ୍ଧାରରେ ଫୁଟିଲା ଗୁଳି, ସିଆରପିଏଫ-ନକ୍ସଲ ମୁହାମୁହିଁ

ମାଲକାନାଗିରି: ସୀମାନ୍ତରେ ସିଆରପିଏଫ-ନକ୍ସଲ ମୁହାମୁହିଁ। ଛତିଶଗଡ଼ ବିଜାପୁର ଜିଲ୍ଲା ଧର୍ମାରାମ ସିଆରପିଏଫ କ୍ୟାମ୍ପ ଉପରେ ଫାଇରିଙ୍ଗ କରିଛି ଲାଲବାହିନୀ। ଜବାବରେ ପାଲଟା ଗୁଳିଚାଳନା କରୁଛନ୍ତି ଯବାନ। ପ୍ରାୟ ୨ ଘଣ୍ଟା ଧରି ଗୁଳି ବିନିମୟ ଜାରି ରହିଛି। ସିଆରପିଏଫର ୧୯୬ ବାଟାଲିୟନ କ୍ୟାମ୍ପରେ ରହୁଥିବା ବେଳେ, ଆଜି ସଂଧ୍ୟାରେ ହଠାତ ଆକ୍ରମଣ କରିଥିଲା ଲାଲବାହିନୀ। ଏନେଇ ଏଏସପି ପଙ୍କଜ ଶୁକ୍ଲା ସୂଚନା ଦେଇଛନ୍ତି।

ମୋ ସ୍କୁଲ୍ ଅଭିଯାନରେ ୧୨୩୮ ସ୍କୁଲ୍‌ରେ ୧୬ କୋଟି ୩୧ ଲକ୍ଷ ଟଙ୍କାର ପ୍ରକଳ୍ପକୁ ଅନୁମୋଦନ

ଭୁବନେଶ୍ୱର: ‘ମୋ ସ୍କୁଲ୍ ଅଭିଯାନ’ ର ୨୮ତମ କାର୍ଯ୍ୟନିର୍ବାହୀ ପରିଷଦ ବୈଠକ ସୋମବାର ଦିନ ବିଦ୍ୟାଳୟ ଓ ଗଣଶିକ୍ଷା ବିଭାଗର ପ୍ରମୁଖ ଶାସନ ସଚିବ ସତ୍ୟବ୍ରତ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଭର୍ଚୁଆଲ୍ ମୋଡ୍‌ରେ ଅନୁଷ୍ଠିତ ହୋଇଥିବା ଏହି ବୈଠକରେ ଓଡ଼ିଶାର ୨୫ଟି ଜିଲ୍ଲାର ୧୨୩୮ ବିଦ୍ୟାଳୟରେ ମୋଟ ୧୬ କୋଟି ୩୧ ଲକ୍ଷ ଟଙ୍କାର ପ୍ରକଳ୍ପକୁ ଅନୁମୋଦନ ମିଳିଛି। ଗତ ୧ ମାସ ମଧ୍ୟରେ ୧୬ ହଜାର ପୁରାତନ ଛାତ୍ରଛାତ୍ରୀ ‘ମୋ ସ୍କୁଲ୍ ଅଭିଯାନ’ସହ ଯୋଡ଼ି ହୋଇଥିବା ବେଳେ ସେମାନେ ନିଜ ନିଜ ବିଦ୍ୟାଳୟର ବିକାଶ ପାଇଁ ୫ କୋଟି ୪୩ ଲକ୍ଷ ଟଙ୍କା ପ୍ରଦାନ କରିଛନ୍ତି।

ବାଲେଶ୍ୱରରେ ସର୍ବାଧିକ ୧ କୋଟି ୬୧ ଲକ୍ଷ, ଯାଜପୁରରେ ୫୦ ଲକ୍ଷ ୧୦ ହଜାର, କଟକରେ ୨୭ ଲକ୍ଷ ୩୯ ହଜାର, ଭଦ୍ରକରେ ୨୫ ଲକ୍ଷ ୮୭ ହଜାର ଏବଂ ବଲାଙ୍ଗୀରରେ ୨୪ ଲକ୍ଷ ୯୨ ହଜାର ଟଙ୍କା ପୁରାତନ ଛାତ୍ରଛାତ୍ରୀମାନେ ପ୍ରଦାନ କରିଛନ୍ତି। ଚଳିତ ମାସରେ ବାଲେଶ୍ୱର ଜିଲ୍ଲାରେ ପୁଣିଥରେ ରେକର୍ଡ ସଂଖ୍ୟାରେ ପୁରାତନ ଛାତ୍ରଛାତ୍ରୀମାନେ ‘ମୋ ସ୍କୁଲ୍ ଅଭିଯାନ’ସହ ଯୋଡ଼ି ହୋଇଥିବା ବେଳେ କ୍ରମାଗତ ୯ମ ଥର ପାଇଁ ରାଜ୍ୟସ୍ତରରେ ସର୍ବାଧିକ ଆର୍ଥିକ ସହାୟତା ପ୍ରଦାନ କରିଛନ୍ତି। ସେହିଭଳି ଯାଜପୁର ଜିଲ୍ଲା ଏଥର ପ୍ରଥମଥର ପାଇଁ ୫୦ ଲକ୍ଷ ଟଙ୍କାର ଆର୍ଥିକ ସହାୟତା ସହ ଦ୍ୱିତୀୟ ସ୍ଥାନରେ ରହିଛି। ଚଳିତ ମାସରେ ଜିଲ୍ଲାରେ ରେକର୍ଡ ସଂଖ୍ୟକ ପୁରାତନ ଛାତ୍ରଛାତ୍ରୀ ନିଜ ନିଜ ବିଦ୍ୟାଳୟ ସହ ଯୋଡ଼ିହୋଇ ବିଦ୍ୟାଳୟର ସର୍ବାଙ୍ଗୀନ ବିକାଶ ପାଇଁ ସହାୟତାର ହାତ ବଢାଇଛନ୍ତି ।

ପ୍ରଥମଥର ପାଇଁ ‘ମୋ ସ୍କୁଲ୍ ଅଭିଯାନ’ରେ ଉଚ୍ଚ ମାଧ୍ୟମିକ ବିଦ୍ୟାଳୟକୁ ସାମିଲ କରାଯାଇଥିବା ବେଳେ ରାଜ୍ୟରେ ଥିବା ସମସ୍ତ ଷ୍ଟାଣ୍ଡ୍‌ଆଲୋନ୍ ଉଚ୍ଚ ମାଧ୍ୟମିକ ବିଦ୍ୟାଳୟରେ ‘ମୋ ସ୍କୁଲ୍‌’ କାର୍ଯ୍ୟକ୍ରମକୁ ତ୍ୱରାନ୍ୱିତ କରାଯିବାକୁ ନିଷ୍ପତ୍ତି ହୋଇଛି । ନିକଟରେ ଭୁବନେଶ୍ୱରସ୍ଥିତ ବିଜେବି ଉଚ୍ଚ ମାଧ୍ୟମିକ ବିଦ୍ୟାଳୟରେ ପୁରାତନ ଛାତ୍ରଛାତ୍ରୀଙ୍କୁ ନେଇ ଏକ ଆଲୋଚନା କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଏଥିରେ ବିଦ୍ୟାଳୟ ଓ ଗଣଶିକ୍ଷା ବିଭାଗ ପ୍ରମୁଖ ସଚିବ ଶ୍ରୀ ସତ୍ୟବ୍ରତ ସାହୁ ଯୋଗଦେଇ ପ୍ରାଥମିକ, ଉଚ୍ଚ ପ୍ରାଥମିକ ଏବଂ ଉଚ୍ଚ ବିଦ୍ୟାଳୟ ଭଳି ଉଚ୍ଚ ମାଧ୍ୟମିକ ବିଦ୍ୟାଳୟରେ ‘ମୋ ସ୍କୁଲ୍‌’କୁ ଏକ ସଫଳ ଅଭିଯାନରେ ପରିଣତ କରିବାକୁ ଆହ୍ୱାନ ଦେଇଥିଲେ ।

‘୫ଟି- ହାଇସ୍କୁଲ୍ ଟ୍ରାନ୍ସଫର୍‌ମେଶନ କାର୍ଯ୍ୟକ୍ରମ’ରେ ଅନ୍ତର୍ଭୁକ୍ତ ହୋଇଥିବା ହାଇସ୍କୁଲ୍‌ଗୁଡ଼ିକରେ ଶୈକ୍ଷିକ ବ୍ୟବସ୍ଥାକୁ ସୁଦୃଢ କରିବାକୁ ‘ମୋ ସ୍କୁଲ୍‌’ ସମସ୍ତ ପ୍ରକାର ସହଯୋଗ ଯୋଗାଇଦେବାକୁ ବୈଠକରେ ଆଲୋଚନା ହୋଇଥିଲା । ରାଜ୍ୟ ସରକାରଙ୍କ ‘୫ଟି- ହାଇସ୍କୁଲ୍ ଟ୍ରାନ୍ସଫର୍‌ମେଶନ କାର୍ଯ୍ୟକ୍ରମ’ର ଦ୍ୱିତୀୟ ପର୍ଯ୍ୟାୟ ବିଦ୍ୟାଳୟ ରୂପାନ୍ତରଣ କାର୍ଯ୍ୟ ଆରମ୍ଭ ହେବାକୁ ଯାଉଥିବା ବେଳେ ଏହାପୂର୍ବରୁ ଅତିରିକ୍ତ ବଜେଟରେ ‘ମୋ ସ୍କୁଲ୍‌’କୁ ୮୮୭ କୋଟି ଟଙ୍କା ପ୍ରଦାନ କରିବାକୁ କାର୍ଯ୍ୟନିର୍ବାହୀ ପରିଷଦ ରାଜ୍ୟ ସରକାରଙ୍କ ନିକଟରେ ପ୍ରସ୍ତାବ ଆଗତ କରିଛି ।

ଆବା ଜାନ ବିବାଦ: ଚାରମୀନାରକୁ ନିଜ ବାପାଙ୍କର କହି ମୋଦି, ଯୋଗୀ ଓ ରାହୁଲଙ୍କୁ ଚ୍ୟାଲେଞ୍ଜ କଲେ ଓୱେସୀ

0

ହାଇଦ୍ରାବାଦ: ପ୍ରାୟ ୫ ମାସ ପରେ ହେବାକୁ ଥିବା ୟୁପି ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଏଆଇଏମ୍ଆଇଏମ୍ ରାଷ୍ଟ୍ରୀୟ ସଭାପତି ଅସଦୁଦ୍ଦିନ ଓୱେସୀ ବାରମ୍ବାର ରାଲି ଏବଂ ବୈଠକ କରି ମୁସଲମାନମାନଙ୍କୁ ଉସୁକାଉଛନ୍ତି । ସୋମବାର ସଭାରେ ଯୋଗ ଦେବାପାଇଁ କାନପୁରରେ ପହଞ୍ଚିଥିବା ଓୱେସୀ ପୁଣି ଥରେ ବିବାଦୀୟ ବିବୃତ୍ତି ଦେଇ ଚର୍ଚ୍ଚାରେ । ତାଙ୍କ ଅଭିଭାଷଣରେ ସେ ହାଇଦ୍ରାବାଦର ପ୍ରସିଦ୍ଧ ଚାରମିନାରଙ୍କୁ ତାଙ୍କ ବାପାଙ୍କ କୋଠା ବୋଲି କହିଥିଲେ । ସେ ଏହା ମଧ୍ୟ କହିଛନ୍ତି ଯେ ମୁସଲମାନମାନଙ୍କ ଅବସ୍ଥା ବାଜା ବଜାଳିଙ୍କ ଭଳି ଯେଉଁମାନଙ୍କୁ ବିବାହ ସମୟରେ ବାହାରେ ହିଁ ଅଟକାଇଦିଆଯାଏ ।

ହାଇଦ୍ରାବାଦରେ ନିଜ ସମ୍ବୋଧନରେ କହିଛନ୍ତି ଯେ, ଲୋକସଭା ନିର୍ବାଚନରେ ପାଇଁ ହାଇଦ୍ରାବଦର ଲୋକମାନଙ୍କୁ କୋଟି କୋଟି ସଲାମ । ଆମେ ମାନେ ବିଜେପିକୁ ପୁଣି ଥରେ ହରାଇଛୁ । ନରେନ୍ଦ୍ର ମୋଦି ନିଜେ ଆସି ମୋ ବିରୋଧରେ ଅଭିଯୋଗ କଲେ, ମୁଖ୍ୟମନ୍ତ୍ରୀ ବାବା (ଯୋଗୀ ଆଦିତ୍ୟନାଥ) ମଧ୍ୟ ନିର୍ବାଚନ ପ୍ରଚାର କରିବା ପାଇଁ ଆସିଥିଲେ । ପୁଣି ରାହୁଲ ଗାନ୍ଧି ମଧ୍ୟ ଆସିଥିଲେ । ଚାରମିନାର ସାମ୍ନାରେ ଉତ୍ସବ ମନାଇଥିଲେ । ସେତେବେଳେ ମୁଁ କହିଥିଲୁ ଯେ, ଚାରମିନାର ମୋ ବାପାଙ୍କର, ବାପାଙ୍କ ସାମ୍ନାକୁ ଆସ ।

ଜାଜମଉର ଆକୀଲ କମ୍ପାଉଣ୍ଡରେ ଆୟୋଜିତ ଏକ ସାଧାରଣ ସଭାରେ ଓୱାଇସି କହିଛନ୍ତି ଯେ ମୁସଲମାନମାନେ ସେହି ବରଯାତ୍ରୀର ବ୍ୟାଣ୍ଡ ପାର୍ଟି ଭଳି ହୋଇଯାଇଛନ୍ତି, ଯେଉଁମାନଙ୍କୁ ପ୍ରଥମେ ବାଜା ବଜାଇବାକୁ କୁହାଯାଏ, କିନ୍ତୁ ବର ଗନ୍ତବ୍ୟ ସ୍ଥଳରେ ପହଞ୍ଚିବା ପରେ ସେମାନଙ୍କୁ ବାହାରେ ହିଁ ଅଟକାଇ ଦିଆଯାଏ । କିନ୍ତୁ ଏବେ ମୁସଲମାନମାନେ ବ୍ୟାଣ୍ଡ ବଜାଇବେ ନାହିଁ, ଆମେ ଡେମୋକ୍ରେସୀର ବାଜା ବଜାଇବୁ । ଏମିତିକି ସବୁ ଜାତିର ନେତା ଅଛନ୍ତି କିନ୍ତୁ ମୁସଲମାନ ଜାତିର କେହି ବି ନେତା ନାହାନ୍ତି । ମୋର ଆଶା ଅଛି କି ମରିବା ପୂର୍ବରୁ ୟୁପିରେ ୧୦୦ ମୁସଲମାନ ନେତା ହୁଅନ୍ତୁ ।

ବାବା ନରେନ୍ଦ୍ର ଗିରିଙ୍କ ମୃତ୍ୟୁ ମାମଲାରେ ୭ ଦିନିଆ ରିମାଣ୍ଡରେ ଯିବେ ୩ ଅଭିଯୁକ୍ତ

ନୂଆଦିଲ୍ଲୀ: ବାବା ନରେନ୍ଦ୍ର ଗିରିଙ୍କ ମୃତ୍ୟୁ ମାମଲା। ରିମାଣ୍ଡରେ ଯିବେ ୩ ଅଭିଯୁକ୍ତ। ଅଭିଯୁକ୍ତମାନଙ୍କୁ ୭ ଦିନିଆ ରିମାଣ୍ଡରେ ନେବାକୁ ମଞ୍ଜୁରି ମିଳିଛି। ନରେନ୍ଦ୍ର ଗିରିଙ୍କ ଶିଷ୍ୟ ଆନନ୍ଦ ଗିରି, ଆଧ୍ୟା ଓ ସନ୍ଦୀପ ତିଓ୍ବାରିଙ୍କୁ ୭ ଦିନିଆ ରିମାଣ୍ଡରେ ନେବାକୁ ଅନୁମତି ଦିଆଯାଇଛି। ଆସନ୍ତାକାଲି ସକାଳ ୯ଟାରୁ ସିବିଆଇ ତିନି ଅଭିଯୁକ୍ତଙ୍କୁ ନିଜ ହେପାଜତକୁ ନେବ। ବାବାଙ୍କ ମୃତ୍ୟୁ ନେଇ ଅକ୍ଟୋବର ୪ ତାରିଖ ଯାଏ ୩ ଅଭିଯୁକ୍ତଙ୍କୁ ଝାଳବୁହା ପ୍ରଶ୍ନ କରିବ ସିବିଆଇ। ଏହା ପୂର୍ବରୁ ମଠରେ ସିବିଆଇ ପହଞ୍ଚିବା ସହ ମୃତ୍ୟୁକୁ ନେଇ ସିନ୍ ରିକ୍ରିଏସନ୍ କରିଥିଲା।

ମହନ୍ତଙ୍କ ଶିଷ୍ୟ ବଲବର ଗିରିଙ୍କୁ ମଧ୍ୟ ପ୍ରଶ୍ନ କରିଥିଲା ସିବିଆଇ। ପ୍ରାୟ ୬ଘଣ୍ଟା ଧରି ସିବିଆଇ ମଠରେ ରହିବା ସହ ବିଭିନ୍ନ ସ୍ଥାନରେ ଯାଞ୍ଚ କରିଥିଲା। ବାବାଙ୍କ ମୃତ୍ୟୁ ହୋଇଥିବା କୋଠରିରେ ମଧ୍ୟ ତନ୍ନତନ୍ନ ଯାଞ୍ଚ କରିଥିଲା ସିବିଆଇ। ଘଟଣାସ୍ଥଳରୁ କିଛି ସନ୍ଦେହଜନକ ତଥ୍ୟ ମିଳିବା ସହ କିଛି ଜିନିଷ ମଧ୍ୟ ଜବତ କରିଥିଲା।  ପୋଲିସ ପହଞ୍ଚିବା ପୂର୍ବରୁ ମଠରୁ ବାବାଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଥିଲା। ହେଲେ ବାବା ନରେନ୍ଦ୍ରଗିରିଙ୍କ ମୃତଦେହ ଯେଉଁ ଫ୍ୟାନରେ ଝୁଲୁଥିବା କୁହାଯାଇଥିଲା ତାହା ଘୂରୁଥିବା ଦେଖିବାକୁ ମିଳିଥିଲା।

ତାଗିଦ୍‌ ପରେ ମଧ୍ୟ ସୁଧୁରୁନି ଆନ୍ଧ୍ର, ଓଡ଼ିଆ ସାଇନବୋର୍ଡକୁ ହଟାଇ ଲଗାଉଛି ତେଲଗୁ ସାଇନବୋର୍ଡ

କୋରାପୁଟ: ସୁଧୁରୁନି ଆନ୍ଧ୍ର, କୋଟିଆରେ ବାରମ୍ବାର ପ୍ରବେଶ କରି ଜାରି ରଖିଛି ହୀନ ଉଦ୍ୟମ। ପୂର୍ବରୁ ଅଙ୍ଗନବାଡି କେନ୍ଦ୍ର ସ୍ଥାପନ, ବିଭିନ୍ନ ଉନ୍ନତିମୂଳକ କାର୍ଯ୍ୟ ପାଇଁ ଭିତ୍ତିପ୍ରସ୍ତର ସ୍ଥାପନ ଓ ମହିଳା ସମାବେଶ କରି ଲୋକଙ୍କୁ ଆକୃଷ୍ଟ କରିବାରେ ବିଫଳ ହେବା ପରେ, ଏବେ ଭାଷା ଭିତ୍ତିକ ରାଜନୀତି ଆରମ୍ଭ କରିଛି ଆନ୍ଧ୍ର।

କୋରପୁଟ ଜିଲ୍ଲା ପ୍ରଶାସନ ଓଡ଼ିଆ ସାଇନବୋର୍ଡ ଲଗାଇଥିବା ବେଳେ, ଏବେ ଜୋରଜବରଦସ୍ତ ତେଲଗୁ ଭାଷାରେ ଲିଖିତ ନାମଫଳକ ମାରିଛି ଆନ୍ଧ୍ର। ସୀମାନ୍ତରେ ସ୍ଥିତାବସ୍ଥା ବଜାୟ ରଖିବାକୁ ଆନ୍ଧ୍ରକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଥିବା ବେଳେ ବାରମ୍ବାର ଅନୁପ୍ରବେଶ କରି ଆସୁଛି। ଏପରକି ବିବାଦୀୟ ଅଞ୍ଚଳରେ ପଞ୍ଚାୟତ ନିର୍ବାଚନ ମଧ୍ୟ କରାଇଥିଲା ଆନ୍ଧ୍ରପ୍ରଦେଶ।