ନନ୍ଦିଘୋଷ ବ୍ୟୁରୋ ; ଉତ୍ତର ପ୍ରଦେଶ ମହାରାଜଗଞ୍ଜରୁ ଏକ ଆଶ୍ଚର୍ଯ୍ୟ କଲା ଭଳି ଘଟଣା ଦେଖିବାକୁ ମିଳିଛି । ଏହାରେ ଜଣେ ପତି ନିଘୋଡ଼ ନିତରେ ଶୋଇଥିବା ବେଳେ ତାଙ୍କୁ ହାଣି ଫେରାର ହୋଇଯାଇଛି ପତ୍ନୀ । ଏହି ଘଟଣା ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି । ପତିଙ୍କ ଚିକିତ୍ସା ଲାଗି ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଏହି ଘଟଣାକୁ ନେଇ ଶ୍ୱଶୁର ବୋହୂଙ୍କ ବିରୋଧରେ ଥାନା ଏତଲା ଦେଇଛନ୍ତି । ମହାରାଜଗଞ୍ଜର ସିନ୍ଦୁରିଆ ଥାନା ଅଞ୍ଚଳରେ ଏହି ଘଟଣା ଘଟିଛି । ପୋଲିସ ଅଭିଯୁକ୍ତ ପତ୍ନୀଙ୍କୁ ଖୋଜୁଛି । ଆକ୍ରମଣର ଶିକାର ହୋଇଥିବା ପତ୍ନୀ ରାଜେନ୍ଦରଙ୍କ ବାପା ଭୋଳା ଯାଦବ ଥାନରେ ଏତଲା ଦେଇଛନ୍ତି ।
ରାଜେନ୍ଦରଙ୍କ ବାହାଘର ହମୁମାନଗଞ୍ଜ ଥାନା ବୋଧିଛାପରର ସୀତାଙ୍କ ସହିତ ହୋଇଥିଲା । ରୀତା ପ୍ରତିଦିନ ତାଙ୍କ ସ୍ୱାମୀ ରାଜେନ୍ଦରଙ୍କ ସହ ଝଗଡ଼ା କରନ୍ତି। ଜୁଲାଇ ୧୬ ତାରିଖରେ ସେ ତାଙ୍କ ସ୍ୱାମୀଙ୍କ ବିରୋଧରେ ସିନ୍ଦୁରିଆ ଥାନାରେ ଅଭିଯୋଗ କରିଥିଲେ। ଜୁଲାଇ ୧୭ ତାରିଖରେ ବୋହୂଙ୍କ ଭାଇ କମଲେଶ ସାକ୍ଷୀ ଭାବରେ ସମାଧାନ କରାଇଥିଲେ।
ଅଭିଯୋଗ ହୋଇଛି ଯେ ଶୁକ୍ରବାର ମଧ୍ୟରାତ୍ରିରେ ରୀତା ତାଙ୍କ ଶୋଇଥିବା ସ୍ୱାମୀ ରାଜେନ୍ଦରଙ୍କୁ ଏକ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ, ଯାହା ଫଳରେ ସେ ଗୁରୁତର ଆହତ ହୋଇଥିଲେ। ଆଖପାଖର ଲୋକମାନେ ଏବଂ ସମ୍ପର୍କୀୟମାନେ ଆହତ ରାଜେନ୍ଦରଙ୍କୁ ଚିକିତ୍ସା ପାଇଁ ମହାରାଜଗଞ୍ଜକୁ ନେଇଯାଇଥିଲେ, ଯେଉଁଠାରେ ତାଙ୍କର ଚିକିତ୍ସା ଚାଲିଛି।
ଶ୍ୱଶୁର ଅଭିଯୋଗ କରିଛନ୍ତି ଯେ ତାଙ୍କ ବୋହୂ ରୀତା ତାଙ୍କ ଭାଇ ଏବଂ ବାପାଙ୍କ ପ୍ରରୋଚନାରେ ଯୋଜନାବଦ୍ଧ ଭାବରେ ଏହି ଘଟଣା ଘଟାଇଛନ୍ତି। ଘଟଣା ପରେ ଅଭିଯୁକ୍ତ ବୋହୂ ଫେରାର୍ ଅଛି। ପୋଲିସ ଅଭିଯୁକ୍ତକୁ ଖୋଜୁଛି ।
