spot_img
Home Blog Page 5440

ଅଫ୍‌ଲାଇନ୍ ମାଟ୍ରିକ ପରୀକ୍ଷାରେ କୃତକାର୍ଯ୍ୟ ହେଲେ ବିଧାୟକ

ଭଞ୍ଜନଗର: ମାଟ୍ରିକ ପରୀକ୍ଷାରେ କୃତକାର୍ଯ୍ୟ ହେଲେ ବିଧାୟକ । ଅଫଲାଇନ୍ ମାଟ୍ରିକ ପରୀକ୍ଷାରେ ମୋଟ ୫ଶହ ମାର୍କରୁ ୩୪୦ ମାର୍କ ରଖି ପାସ୍ କରିଛନ୍ତି ସୋରଡ଼ା ବିଧାୟକ ପୂର୍ଣ୍ଣ ଚନ୍ଦ୍ର ସ୍ୱାଇଁ । ଗତ ଜୁଲାଇ ୩୦ ତାରିଖରେ ଅଫ୍‌ଲାଇନ୍ ପରୀକ୍ଷା ଦେଇଥିଲେ ବିଧାୟକ ପୂର୍ଣ୍ଣ ଚନ୍ଦ୍ର ସ୍ୱାଇଁ । ସେ ସୋରଡ଼ା ସରକାରୀ ବାଳିକା ଉଚ୍ଚ ବିଦ୍ୟାଳୟରେ ପରୀକ୍ଷା ଦେଇଥିଲେ ।

ସେ ପୂର୍ବରୁ ବହୁ ଥର ମାଟ୍ରିକ ପରୀକ୍ଷା ଦେବା ନେଇ ଚେଷ୍ଟା କରିଥିଲେ ସୁଦ୍ଧା ପାରିବାରିକ, ରାଜେନୖତିକ ଓ ସମାଜସେବା ଭିତରେ ରହି ସୁଯୋଗ ପାଇପାରୁନଥିବା କହିଥିଲେ । ତେବେ ତାଙ୍କର ସ୍ୱାସ୍ଥ୍ୟଗତ ସମସ୍ୟା ଥିବାରୁ ଯୋଗୁଁ ସେ ଆଇସୋଲେସନ୍‌ ଓ୍ୱାର୍ଡରେ ରହି ପରୀକ୍ଷା ଦେଇଥିଲେ ।

ଏଥିସହିତ ପଢ଼ନ୍ତୁ: ଅଫ୍‌ଲାଇନ୍ ମାଟ୍ରିକ ପରୀକ୍ଷା ଫଳ ପ୍ରକାଶ: ୮୦.୮୩ ପ୍ରତିଶତ ଛାତ୍ରଛାତ୍ରୀ ପାସ୍

ଏଥିସହିତ ପଢ଼ନ୍ତୁ: ମାଟ୍ରିକ ପରୀକ୍ଷା ଦେଉଛନ୍ତି ସୋରଡ଼ା ବିଧାୟକ

ବଦଳୁଛି ଜଳବାୟୁ, ପ୍ରଥମଥର ଗ୍ରୀନ ଲ୍ୟାଣ୍ଡରେ ବର୍ଷା

ଗ୍ରୀନଲ୍ୟାଣ୍ଡ: ପ୍ରଥମ ଥର ଲାଗି ଗ୍ରୀନଲ୍ୟାଣ୍ଡର ଶୀର୍ଷ ସ୍ଥାନରେ ବର୍ଷା ହୋଇଛି । ସମ୍ଭବତଃ ବିଶ୍ବ ତାପାୟନ ଓ ଜଳବାୟୁ ପରିବର୍ତ୍ତନ ଯୋଗୁ ଏହା ଘଟିଛି ବୋଲି କୁହାଯାଇଛି । ବରଫାଚ୍ଛିଦତ ଅଞ୍ଚଳର ୯ହଜାର ୮୦୦ ଫୁଟ ଉଚ୍ଚରେ ଗତ ଅଗଷ୍ଟ ୧୪ ତାରିଖରେ ଏହି ବର୍ଷା ହୋଇଛି ବୋଲି ଆମେରିକା ବରଫ ଓ ତୁଷାର ତଥ୍ୟ କେନ୍ଦ୍ର ପକ୍ଷରୁ କୁହାଯାଉଛି ।

ବର୍ଷା ହେବା ଯୋଗୁ ଏଠାକାର ତାପମାତ୍ରା ଶୂନ୍ୟ ଡିଗ୍ରୀ ବା ତା ତଳକୁ ଖସିବା ଆଶା କରାଯାଉଛି । ଆଣ୍ଟାର୍କଟିକା ପରେ ଏହି ଅଞ୍ଚଳ ହେଉଛି ବିଶ୍ବର ଦ୍ବିତୀୟ ସର୍ବବୃହତ ତୁଷାର ଆଚ୍ଛାଦିତ ଅଞ୍ଚଳ । ପୂର୍ବରୁ ଏହି ଅଞ୍ଚଳରେ ଏପରି ବର୍ଷା ହୋଇ ନଥିଲା । ବୋଲି କହିଛି ଡାନିସ ପରିବେଶ ପ୍ରତିଷ୍ଠାନ । ଗତ ୨ ହଜାର ବର୍ଷ ମଧ୍ୟରେ ଏହି ଅଞ୍ଚଳରେ ମାତ୍ର ୯ ଥର ତାପମାତ୍ରା ବୃଦ୍ଧି ପାଇଛି ।

ପୁଣି ଫେରୁଛି Joker Virus ! ପୋଲିସର ଚେତାବନୀ, ଫୋନରୁ ତୁରନ୍ତ ହଟାନ୍ତୁ ଏହି ୮ଟି ଆପ୍

ନୂଆଦିଲ୍ଲୀ: ନିକଟରେ ‘ଜୋକର’ ଭାଇରସ ଫେରିବା ବିଷୟରେ ବେଲଜିୟମ ପୋଲିସ ଆଣ୍ଡ୍ରଏଡ ଆପ୍ ବ୍ୟବହାରକାରୀଙ୍କୁ ଚେତାବନୀ ଦେଇଥିଲା। ସବୁଠାରୁ ସ୍ଥାୟୀ ଭାଇରସ୍ ମଧ୍ୟରୁ ଜୋକର୍ ଆଣ୍ଡ୍ରଏଡ୍ ଡିଭାଇସ୍ ଉପରେ ଆକ୍ରମଣ କରେ ଏବଂ ଗୁଗୁଲ୍ ପ୍ଲେ ଷ୍ଟୋର୍‌ରେ ଥିବା ବିଭିନ୍ନ ଆପ ମଧ୍ୟରେ ନିଜକୁ ଲୁଚାଇ ରଖେ । ଏହି ଭାଇରସ୍ ଉପଭୋକ୍ତାଙ୍କ ବିନା ଅନୁମତିରେ ଦେୟଯୁକ୍ତ ସେବାରେ ସବସ୍କ୍ରାଇବ କରିବାକୁ ସକ୍ଷମ ଥିବା କୁହାଯାଉଛି। ଆଠଟି ପ୍ଲେ ଷ୍ଟୋର ଆପରେ ଏହି ପ୍ରୋଗ୍ରାମ ଚିହ୍ନଟ ହୋଇଛି ବୋଲି ବେଲଜିୟମ ପୋଲିସ ଏହାର ୱେବସାଇଟରେ ପ୍ରକାଶିତ ବିବୃତ୍ତିରେ କହିଛି।

ଫୋନରୁ ତୁରନ୍ତ ହଟାନ୍ତୁ ଏହ୍ ୮ଟି ଆପ୍

ସୂଚନା ଅନୁଯାୟୀ, ଏହି ୮ ଟି ଆପ୍ ହେଉଛି ସେହି ଆପ୍ ଯାହାକୁ କ୍ୱିକ୍ ହିଲ୍ ସିକ୍ୟୁରିଟି ଲ୍ୟାବ୍ ଅନୁସନ୍ଧାନକାରୀମାନେ ଚଳିତ ବର୍ଷ ଜୁନରେ ଆବିଷ୍କାର କରିଥିଲେ । ମାଲୱେର୍ ରିପୋର୍ଟ ହେବା ପରେ ଗୁଗଲ୍ ଏହି ଆପ୍ଗୁଡ଼ିକୁ ପ୍ଲେ ଷ୍ଟୋରରୁ ହଟାଇ ଦେଇଛି । ତଥାପି, ଆଣ୍ଡ୍ରଏଡ୍ ବ୍ୟବହାରକାରୀଙ୍କୁ ଏହି ଆପ୍ଗୁଡ଼ିକୁ ସ୍ମାର୍ଟଫୋନରୁ ହଟାଇବାକୁ ପଡିବ । ବେଲଜିୟମ କର୍ତ୍ତୃପକ୍ଷଙ୍କ ନିକଟରେ ହୋଇଥିବା ଏକ ଚେତାବନୀ ଅନୁଯାୟୀ, ଏପରି କିଛି ଉପଭୋକ୍ତା ଅଛନ୍ତି, ଯେଉଁମାନେ ଏପର୍ଯ୍ୟନ୍ତ ସେମାନଙ୍କ ଡିଭାଇସରେ ଏହି ଆପ୍ ରଖିଛନ୍ତି ଏବଂ ଜୋକର ମାଲୱେୟାରର ଶିକାର ହେଉଛନ୍ତି।

ଜୋକର ଭାଇରସ ଦ୍ୱାରା ପ୍ରଭାବିତ ଆଣ୍ଡରଏଡ ଆପ୍ସର ତାଲିକା:

 

  1. Auxiliary Message
  2. Element Scanner
  3. Fast Magic SMS
  4. Free CamScanner
  5. Go Messages
  6. Super Message
  7. Super SMS
  8. Travel Wallpapers

‘ଜୋକର୍’ ହେଉଛି ଅନ୍ୟତମ ମାଲୱେର୍ ଯାହା କ୍ରମାଗତ ଭାବରେ ଆଣ୍ଡ୍ରଏଡ୍ ଡିଭାଇସ୍ କୁ ଟାର୍ଗେଟ୍ କରେ । ଏହା ପ୍ରଥମେ ୨୦୧୭ ରେ ଚିହ୍ନଟ ହୋଇଥିଲା । କୁଇକ୍ ହିଲ୍ ର ଅନୁସନ୍ଧାନକାରୀଙ୍କ ଅନୁଯାୟୀ, ଜୋକର୍ SMS, କଣ୍ଟାକ୍ଟ ଲିଷ୍ଟ, ଡିଭାଇସର ସୂଚନା, OTP ସହିତ ଅନେକ ସମ୍ବେଦନଶୀଳ ସୂଚନା ଚୋରି କରେ । ଏହା ଆପଣଙ୍କ ବ୍ୟାଙ୍କ ଆକାଉଣ୍ଟରେ କିମ୍ବା ମାସ ଶେଷରେ ଆପଣଙ୍କ କ୍ରେଡିଟ କାର୍ଡରେ ଏକ ବଡ଼ ଧରଣର ପରିବର୍ତ୍ତନର କାରଣ ହୋଇପାରେ ବୋଲି ସେ କହିଛନ୍ତି। ଏହି ଆପ ବିଷୟରେ ବେଲଜିୟମ ପୋଲିସ ଚେତାବନୀ ଦେଇ କହିଛି ଯେ, ଏହି ଭାଇରସ୍ ପେଡ୍ ସେବା, ବିଶେଷକରି ପ୍ରିମିୟମ୍ ସେବାରେ ସବସ୍କ୍ରାଇବ କରେ, ଯାହା ଉପଭୋକ୍ତା ଜାଣିପାରନ୍ତିନାହିଁ ।

ସିମେଣ୍ଟ ବସ୍ତାରୁ ପ୍ରସ୍ତୁତ କରୁଛନ୍ତି ଜରି ବ୍ୟାଗ୍‌: ରୋଜଗାରକ୍ଷମ ହୋଇପାରିଛନ୍ତି ଏସ୍ଏଚ୍‌ଜି ମହିଳା

ବାଲିପାଟଣା:  ସିମେଣ୍ଟ ବସ୍ତାରୁ ଜରି ବ୍ୟାଗ୍‌ ପ୍ରସ୍ତୁତ କରି ସ୍ୱାବଲମ୍ୱୀ ହେଉଛନ୍ତି ମହିଳା । ନିଜସ୍ୱ ମେସିନ୍ ବସାଇ ଭଳିକି ଭଳି ବ୍ୟାଗ୍ ତିଆରି କରୁଛନ୍ତି ଭୁବନେଶ୍ୱର ଉପକଣ୍ଠ ବାଲିଅନ୍ତାର ଏସଏଚଜି ମହିଳା । ପ୍ରତି ବ୍ୟାଗ୍‌କୁ ୧୦ରୁ ୫୦ ଟଙ୍କାରେ ବିକ୍ରି କରି ନିଜେ ଆତ୍ମନିର୍ଭରଶୀଳ ହେବା ସହିତ ଅନ୍ୟମାନଙ୍କୁ ରୋଜଗାର ଦେଉଛନ୍ତି ।

ବ୍ୟାଗ୍‌ରେ ରୂପାନ୍ତର ହେଉଛି ଅଦରକାରୀ ଜରି ବସ୍ତା । ବ୍ୟାଗ୍ ପ୍ରସ୍ତୁତ କରୁଛନ୍ତି ସ୍ୱଂୟ ସହାୟକ ମହିଳା । ନିତ୍ୟ ବ୍ୟବହାର୍ଯ୍ୟ କାର୍ଯ୍ୟରେ ଲାଗୁଛି ବ୍ୟାଗ୍ । ପରିବେଶ ପ୍ରଦୂଷଣ ମଧ୍ୟ ଦୂର ହେଉଛି । ଭୁବନେଶ୍ୱର ଉପକଣ୍ଠ ବାଲିଅନ୍ତା ବ୍ଲକ୍ ହୀରାପୁର ଗାଁରେ ପ୍ରସ୍ତୁତ ହେଉଛି ଏହି ବ୍ୟାଗ୍ । ଅଦରକାରୀ ସିମେଣ୍ଟ ଜରିକୁ ସଂଗ୍ରହ କରି ସଂୟ ସହାୟକ ଗୋଷ୍ଠୀ ମହିଳାମାନେ ଭଳିକି ଭଳି ଘରକରଣା ବ୍ୟାଗ୍ ପ୍ରସ୍ତୁତ କରୁଛନ୍ତି । ଆଉ ଏହାକୁ ବିକ୍ରି ସ୍ୱାବଲମ୍ୱୀ ହେଉଛନ୍ତି ।

ହୀରାପୁର ଗାଁର ଅଧିକାଂଶ ଏସଏଚଜି ମହିଳା ଏହି ବ୍ୟାଗ୍ ପ୍ରସ୍ତୁତ କରୁଛନ୍ତି । ଦିନକୁ ଦେଢ ଶହରୁ ଅଧିକ ଏହି ବ୍ୟାଗ୍ ତିଆରି କରିବା ସହ ଏହାକୁ ୧୦ଟଙ୍କାରୁ ୫୦ ଟଙ୍କାରେ ବିକ୍ରି କରୁଛନ୍ତି । ହାତ ତିଆରି ବ୍ୟାଗ୍ ଚାହିଦା ସ୍ଥାନୀୟ ଅଞ୍ଚଳରେ ବେଶ ରହିଥିବା ବେଳେ ମହିଳାମାନେ ଦୁଇ ପଇସା ଭଲ ରୋଜଗାର କରୁଛନ୍ତି । ଘର କାମ କରିବା ସାଙ୍ଗକୁ ଫୁରସତ୍ ମିଳିଲେ ମହିଳାମାନେ ଜରି ବ୍ୟାଗ୍ ପ୍ରସ୍ତୁତ କରୁଛନ୍ତି । ନିଜେ ରୋଜଗାରକ୍ଷମ ହେବା ସହିତ ଅନ୍ୟମାନଙ୍କୁ ରୋଜଗାର ଦେଉଛନ୍ତି ।

ଏଥିସହିତ ପଢ଼ନ୍ତୁ: ଅଫ୍‌ଲାଇନ୍ ମାଟ୍ରିକ ପରୀକ୍ଷା ଫଳ ପ୍ରକାଶ: ୮୦.୮୩ ପ୍ରତିଶତ ଛାତ୍ରଛାତ୍ରୀ ପାସ୍

ଗୋମାଂସ ଚାଲାଣକାରୀଙ୍କୁ କାବୁ କରି ଥାନାରେ ଜିମା ଦେଲେ ଗ୍ରାମବାସୀ

ସୋର: ଗୋମାଂସ ଚାଲାଣକାରୀଙ୍କୁ କାବୁ କଲେ ଗ୍ରାମବାସୀ । ବାଲେଶ୍ଵର ଜିଲ୍ଲା ସିମୁଳିଆ ଥାନା ବରି ଠାରେ ଜଣେ ଯୁବକ ଗୋମାଂସ ନେଇ ଯାଉଥିବା ବେଳେ ଗ୍ରାମବାସୀ ତାଙ୍କୁ ଧରିଛନ୍ତି । ବରି ଗ୍ରାମର ସେକ କାଦରିକ ୨୫କେଜି ଗୋମାଂସ ଏକ ବ୍ୟାଗରେ ଭର୍ତ୍ତି କରି ଅଡ଼ାକୁ ନେଇ ଯାଉଥିବା ବେଳେ ବରି ଠାରେ ଗ୍ରାମବାସୀମାନେ ଅଟକାଇ ପୋଲିସକୁ ଖବର ଦେଇଥିଲେ। ଖବର ପାଇ ସିମୁଳିଆ ପୋଲିସ ଶେଖ୍ କାଦରିକକୁ ଥାନାକୁ ଆଣି ଅଟକ ରଖିଥିବା ଜଣାପଡିଛି ।

ଏଥିସହିତ ପଢ଼ନ୍ତୁ: ପୁଅ ନାଁରେ କଳଙ୍କ, ନିରୀହ ମାଆକୁ ନର୍କ ଯନ୍ତ୍ରଣା ଦେଉଥିବା ପୁଅକୁ ଗିରଫ କଲା ପୋଲିସ୍‌

ପୁରୁଷଙ୍କ ଏକୁଟିଆ ବୁଲିବା ଉପରେ ପ୍ରତିବନ୍ଧକ ଲାଗାଇବା ପାଇଁ ଦାବି କଲେ ଏହି ପ୍ରଧାନମନ୍ତ୍ରୀଙ୍କ ଝିଅ

ଇସଲାମାବାଦ: ଯଦି ପୁରୁଷମାନେ ସର୍ବସାଧାରଣ ସ୍ଥାନରେ ଏକୁଟିଆ ଯାଆନ୍ତି ତେବେ ପାକିସ୍ତାନର ମହିଳାମାନେ ବିପଦରେ ପଡ଼ିପାରନ୍ତି । ଏଭଳି କହିଛନ୍ତି ପାକିସ୍ତାନର ପୂର୍ବତନ ରାଷ୍ଟ୍ରପତି ଆସିଫ ଅଲି ଜାରଦାରୀଙ୍କ ଝିଅ ବଖତାୱର ଭୁଟ୍ଟୋ ଜାରଦାରୀ। ସେ କହିଛନ୍ତି ଯେ ପୁରୁଷମାନଙ୍କୁ ଏକୁଟିଆ ଜନଗହଳି ସ୍ଥାନକୁ ଯିବାକୁ ଦେବା ଉଚିତ ନୁହେଁ । ତାଙ୍କ ସହିତ ତାଙ୍କ ଭଉଣୀ, ମାଆ, ପତ୍ନୀ କିମ୍ବା ଝିଅ ଥିବା ଜରୁରୀ । ମହିଲାଙ୍କ ସୁରକ୍ଷାକୁ ଦୃଷ୍ଟିରେ ରଖି ସେ ଏଭଳି ମନ୍ତବ୍ୟ ଦେଇଛନ୍ତି ।

ମହିଳାଙ୍କ ସହ ରହିଲେ ହେବନାହିଁ ଅଘଟଣ:

ଏହି ମନ୍ତବ୍ୟକୁ ସ୍ପଷ୍ଟ କରି ବଖତାୱର ଟ୍ୱିଟରରେ କହିଛନ୍ତି ଯେ, ଦିନକୁ ଦିନ ବଢ଼ୁଥିବା ହିଂସା ତଥା ମହିଳାଙ୍କ ପ୍ରତି ଅସଦାଚରଣ ହେତୁ ଏହାଠାରୁ ଭଲ ଉପାୟ ଆଉ କିଛି ହୋଇପାରିବ ନାହିଁ। ସେ କହିଛନ୍ତି ଯେ, ଯେତେବେଳେ ଜଣେ ମହିଳା ପୁରୁଷଙ୍କ ସହ ଥାଆନ୍ତି, ସେତେବେଳେ ସେ ଜଣେ ମହିଳାଙ୍କୁ ଅସଦାଚରଣ କରିବା ପୂର୍ବରୁ “ଦୁଇଥର ଚିନ୍ତା କରିବେ”। ସର୍ବସାଧାରଣ ସ୍ଥାନରେ ପୁରୁଷଙ୍କ ଉପରେ ପ୍ରତିବନ୍ଧକ ଲଗାଇବାକୁ ବଖତାୱର ଦାବି କରିଛନ୍ତି। କିଛି ଦିନ ପୂର୍ବରୁ ମହିଳା ସାମ୍ବାଦିକ ସାବିନା ଆଗା ଟ୍ୱିଟରରେ ସେୟାର କରିଥିଲେ ଯେ ସେ କିପରି କିଛି ବର୍ଷ ପୂର୍ବେ କରାଚିର ମଜାର-ଏ-କୁଏଡରେ ମିନାର-ଏ-ପାକିସ୍ତାନ ଭଳି ଘଟଣାର ସମ୍ମୁଖୀନ ହୋଇଥିଲେ।

ମହିଳା ମାନେ ମହିଳାଙ୍କ ସୁରକ୍ଷା କରନ୍ତୁ

ମିନାର-ଏ-ପାକିସ୍ତାନ ଘଟଣାକୁ ନେଇ ବଖତାୱର କହିଛନ୍ତି ଯେ ସର୍ବସାଧାରଣ ସ୍ଥାନରେ ପୁରୁଷମାନଙ୍କୁ ବାରଣ କରାଯିବା ଉଚିତ୍। ସେ ଲେଖିଛନ୍ତି, ‘ପୋଲିସ ଆଗରେ ଆଉ ଏକ ଭୟଙ୍କର ଘଟଣା ଘଟିଥିଲା ​​କିନ୍ତୁ ପୋଲିସ ସାହାଯ୍ୟ କରିବାକୁ ମନା କରିଦେଇଥିଲା । ପୋଲିସ ବ୍ୟାକଅପ୍ ଡାକିପାରିଥାନ୍ତା କିମ୍ବା ଭିଡ଼କୁ ସମ୍ଭାଳିବା ପାଇଁ ଅସ୍ତ୍ରଶସ୍ତ୍ରର ବ୍ୟବହାର କରିପାରିଥାଆନ୍ତା । ମହିଳାମାନଙ୍କୁ ସୁରକ୍ଷା ଦେବା ପାଇଁ ଅଧିକ ମହିଳା ସମ୍ନାକୁ ଆସିବା ଉଚିତ ବୋଲି କହିଛନ୍ତି ବଖତାୱର ।

ମହିଳାଙ୍କ ଉପରେ ଆକ୍ରମଣ

ଅଗଷ୍ଟ ୧୪ ତାରିଖ, ପାକିସ୍ତାନର ସ୍ୱାଧୀନତା ଦିବସ । ସହରର ଗ୍ରେଟର ଇକବାଲ ପାର୍କରେ ଜଣେ ମହିଳା ଟିକଟକର ଏବଂ ତାଙ୍କ ସହଯୋଗୀଙ୍କୁ ଆକ୍ରମଣ ଏବଂ ଚୋରି ଅଭିଯୋଗରେ ଲାହୋର ପୋଲିସ ଏକ ମାମଲା ରୁଜୁ କରିଥିଲା। ପାକିସ୍ତାନୀ ଖବରକାଗଜ ଡନ୍ ଏଫ୍ଆଇଆର୍ କୁ ଉଦ୍ଧୃତ କରିଛି ଯେ, ଅଭିଯୋଗକାରୀ ତାଙ୍କ ଛଅ ଜଣ ସହଯୋଗୀଙ୍କ ସହ ସ୍ୱାଧୀନତା ଦିବସରେ ମିନାର-ଏ-ପାକିସ୍ଥାନ ନିକଟରେ ଏକ ଭିଡିଓ ପ୍ରସ୍ତୁତ କରୁଥିଲେ । ଠିକ ସେତିକି ବେଳେ ପ୍ରାୟ ୩୦୦-୪୦୦ ଲୋକ ତାଙ୍କୁ ଆକ୍ରମଣ କରିଥିଲେ।

ମୋଦି- ପୁଟିନଙ୍କ ଆଲୋଚନା, ଆଫଗାନିସ୍ତାନ ସଙ୍କଟକୁ ନେଇ ୪୫ ମିନିଟ୍ ବାର୍ତ୍ତାଳପ

ନୂଆଦିଲ୍ଲୀ: ଆଫଗାନିସ୍ତାନରେ ତାଲିବାନୀ ଆତଙ୍କ ବେଳେ ଦୁଇ ବିଶ୍ୱ ନେତାଙ୍କ ଆଲୋଚନା  । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଆଲୋଚନା ହୋଇଛି  । ଦୀର୍ଘ ସମୟ ଧରି ଆଫଗାନିସ୍ତାନ ଘଟଣାକୁ ନେଇ ଫୋନ ଯୋଗେ ବାର୍ତ୍ତାଳାପ କରିଛନ୍ତି ମୋଦି- ପୁଟିନ  । ମିଳିଥିବା ସୂଚନା ମୁତାବକ  ଦୁଇ ନେତାଙ୍କ ମଧ୍ୟରେ ପ୍ରାୟ ୪୫ ମିନଟ ଧରି ଆଲୋଚନା ହୋଇଥିଲା । ଆଫଗାନିସ୍ତାନରେ ଫସିଥିବା ଲୋକଙ୍କୁ ଉଦ୍ଧାର କରାଯିବ ତାହା ହିଁ ଆଲୋଚନାର ମୁଖ୍ୟ ଉଦେଶ୍ୟ ଥିବା ଜଣାପଡିଛି   ।

ଏପଟେ ଏଭଳି ସମୟରେ ଦୁଇ ନେତାଙ୍କ ଆଲୋଚନା, ଯେଉଁ ସମୟରେ ଆଫଗାନିସ୍ତାନରେ ତାଲିବାନୀଙ୍କ ଦୌରାତ୍ମ୍ୟ ବଢିବାରେ ଲାଗିଛି  । ଅନ୍ୟପେଟେ ଜି ୭ ଦେଶର ବୈଠକ ବସିବାକୁି ଯାଉଥିବାବେଳେ ଋଷ ଏବଂ ଭାରତ ନେତାଙ୍କ ଆଲୋଚନା ଆହୁରି ଘଟଣାକୁ ଖୋରାକ ଯୋଗାଉଛି  । ସେହପିର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜର୍ମାନୀ ଚାନ୍ସେଲର ଏଞ୍ଜେଲା ମାର୍କେଲାଙ୍କ ସହ ମଧ୍ୟ ସୋମବାର କତା ହୋଇଥିଲେ  ।

ଆଫଗାନିସ୍ତାନରେ ଫସିଥିବା ନାଗରିକ ମାନଙ୍କୁ ସୁରକ୍ଷିତ ଉଦ୍ଧାର କରିବା ସହ ସେଠାରେ ଶାନ୍ତି ଫେରାଇବା ଦିଗରେ ପ୍ରଦାନମନ୍ତ୍ରୀ ନରେନ୍ଦ୍ର ମୋଦି ଆଲୋଚନା କରିଥିବା ଜଣାପଡିଛି  । ନିଜେ ପ୍ରଧାନମନ୍ତ୍ରୀ ଟ୍ୱିଟ କରି ଏବିଷୟରେ ସୂଚନା ଦେଇଥିଲେ  । ଏଞ୍ଜେଲା ମାର୍କେଲଙ୍କ ସହ କଥା ହେବା ସହ ପଡୋଶୀ ଆଫଗାନିସ୍ତାନର ସ୍ଥିତି, ସେଠାକାର ବାତାବରଣ, ନିର୍ଯାତନା ଏବଂ ସର୍ବୋପରି ଅନେକ ରାଷ୍ଟ୍ରର ଲୋକଙ୍କୁ ସୁରକ୍ଷିତ ପ୍ରତ୍ୟାବର୍ତ୍ତନ କରିବା ନେଇ ସୂଚନା ମିଳିଛି  ।

ଗୋଟେପଟେ ଅରାଜକତା ଭାବେ ଆଫଗାନିସ୍ତାନକୁ ତାଲିବାନ ନିଜ କବ୍ଜାକୁ ନେଇସାରିଛି  । ଦେଶର କାଷ୍ଟ୍ରପତି ପ୍ରାଣ ଭୟରେ ଅନ୍ୟ ରାଷ୍ଟ୍ରରେ ସହବସ୍ଥାନ କରୁଛନ୍ତି  । ସେପଟେ ସାଧାରଣ ଲୋକଙ୍କୁ ଯେପରି ତାଲିବାନୀ ମାନେ କ୍ରୁର ଶାସନ କରୁଛନ୍ତି ତାହା ସାଧାରଣରେ ପ୍ରକାଶ ପାଉଛି  । ଏପରି ସ୍ଥିତିରେ ଜି ୭ ନେତାଙ୍କ ବୈଠକ ବସିବାକୁ ଯାଉଛି  । ପ୍ରମୁଖତଃ ଆଫଗାନିସ୍ତାନରେ ତାଲିବାନୀ ଶାସନକୁ ରୋକ ଲଗାଇବା ନେଇ ଜି ୭ ନେତା ମାନେ ମତ ପ୍ରକାଶ କରିବେ ବୋଲି ସୂଚନା ମିଳୁଛି  । ତେବେ ଏପରି ସ୍ଥିତିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଆଲୋଚନା ଗୁରୁତ୍ୱ ବହନ କରେ  ।

ଅଫ୍‌ଲାଇନ୍ ମାଟ୍ରିକ ପରୀକ୍ଷା ଫଳ ପ୍ରକାଶ: ୮୦.୮୩ ପ୍ରତିଶତ ଛାତ୍ରଛାତ୍ରୀ ପାସ୍

କଟକ: ମାଟ୍ରିକ ଅଫଲାଇନ୍ ପରୀକ୍ଷା ଫଳ ପ୍ରକାଶିତ । କରୋନା କାରଣରୁ ପରୀକ୍ଷା ହୋଇପାରନଥିବା ବେଳେ ବିକଳ୍ପ ପଦ୍ଧତିରେ ମୂଲ୍ୟାଙ୍କନ କରାଯାଇଥିଲା । ତେବେ ଏଥିରେ ଅସନ୍ତୁଷ୍ଟ ପରୀକ୍ଷାର୍ଥୀ ଅଫ୍‌ଲାଇନ୍ ମାଧ୍ୟମରେ ପୁଣି ପରୀକ୍ଷା ଦେଇଥିଲେ । ପାଖାପାଖି ୧୫ ହଜାରରୁ ଊର୍ଦ୍ଧ୍ୱ ପିଲା ପରୀକ୍ଷା ଦେଇଥିବା ବେଳେ ୫ହଜାର ୨୩୩ ଜଣ ପିଲା ପାସ୍ କରିଛନ୍ତି । ମୋଟ ପାସ୍ ହାର ୮୦.୮୩ ପ୍ରତିଶତ ପାସ୍ । ୧୪୬ ଜଣଙ୍କ ଫର୍ମ ନାକଚ ହୋଥିଲା । ୧୦୮୬ ଜଣ ଅନୁପସ୍ଥିତ ରହିଥିବା ବେଳେ  ୧୪ଜଣ ମାଲ୍ ପ୍ରାକ୍ଟିସ୍ ବେଳେ ଧରାପଡ଼ିଛନ୍ତି । ତେବେ ମୋଟ ୩ହଜାର ୧୦୦ ପାସ୍ ଛାତ୍ର ଓ ୨୧୩୩ ଜଣ ଛାତ୍ରୀ ପାସ୍ କରିଛନ୍ତି । ଏ-୧ରେ ୪୨,ଏ- ୨ ୨୫୫ଜଣ, ବି-୧ରେ ୩୪୮ ଜଣ, ବି- ୨ରେ ୪୫୮, ସି’ରେ ୫୯୯ ଜଣ, ଡି ଗ୍ରେଡ୍‌ରେ ୮୪୬ଜଣ,  ଇ ଗ୍ରେଡ୍‌ରେ ୨୬୮୫ ଜଣ ପାସ୍ କରିଛନ୍ତି ତେବେ ୧୪୮ ଜଣ ଫେଲ୍ ହୋଇଛନ୍ତି ।

ସେହିଭଳି ଷ୍ଟେଟ ଓପନ ସ୍କୁଲ ପରୀକ୍ଷାରେ ମୋଟ ୭୪.୩ ଜଣ ପାସ୍ କରିଥିବା ବେଳେ ମଧ୍ୟମା ପରୀକ୍ଷାରେ ଶତ ପ୍ରତିଶତ ରେଜଲ୍ଟ ରହିଛି । ଷ୍ଟେଟ୍‌ ଓପ୍‌ନ ସ୍କୁଲ୍‌ ଅଫ୍‌ଲାଇନ୍‌ ପରୀକ୍ଷା ୮୪୯୧ ଜଣ ଛାତ୍ରଛାତ୍ରୀ ଦେଇଥିଲେ। ସେମାନଙ୍କ ଭିତରୁ ୧୩୩୮୧ ଅନୁପସ୍ଥିତ ରହିଥିଲେ। କପି କରି ୧୯ ଜଣ ଧରା ପଡ଼ିଥିଲେ। ୬୩୦୯ ଜଣ ପାସ୍‌ କରିଛନ୍ତି। ପାସ୍‌ ହାର ୭୪.୩ % ରହିଛି। ଏ-୧ରେ କୌଣସି ପିଲା ପାସ୍‌ କରିନାହାନ୍ତି।ଏ ୨ରେ ୧୭, ବି-୧ରେ ୧୯୪, ବି-୨ରେ ୩୪୭, ସି-୮୧୬, ଡି-୧୪୨୫, ଇ-୩୫୧୦ ଜଣ ପାସ୍‌ କରିଛନ୍ତି। ଫେଲ୍‌ ହୋଇଛନ୍ତି ୩୨୮ ଛାତ୍ରଛାତ୍ରୀ । ୫୨ ଜଣ ପିଲା ୫ଟି ବିଷୟରେ ପରୀକ୍ଷା ଦେଇନଥିବାରୁ ସେମାନଙ୍କ ପରୀକ୍ଷା ଫଳ ପ୍ରକାଶ କରାଯାଇନାହିଁ ବୋଲି ବୋର୍ଡ ଉପସଭାପତି ନିହାର ମହାନ୍ତି କହିଛନ୍ତି ।  ତେବେ ବିକଳ୍ପ ପଦ୍ଧତିରେ ମୂଲ୍ୟାଙ୍କନକୁ ନେଇ ଅସନ୍ତୁଷ୍ଟ ଛାତ୍ରଛାତ୍ରୀ ପରୀକ୍ଷା ଦେଇଥିବା ବେଳେ ପୂର୍ବାପେକ୍ଷା ୪୫୯ ଜଣ ଛାତ୍ରଛାତ୍ରୀ କମ୍ ନମ୍ୱର ରଖିଛନ୍ତି । ସେହିଭଳି ୨୭୧ ଜଣ ଛାତ୍ରଛାତ୍ରୀ ପୂୂର୍ବାପେକ୍ଷା ଅଧିକ ନମ୍ୱର ରଖିଛନ୍ତି ।

ଏଥିସହିତ ପଢ଼ନ୍ତୁ: ଭିଜିଲାନ୍ସ ଜାଲରେ ଫସିଲେ ସିଡିପିଓ କାର୍ଯ୍ୟାଳୟର ସୁପରଭାଇଜର

କେନ୍ଦ୍ର ମନ୍ତ୍ରୀ ନାରାୟଣ ରାଣେ ଗିରଫ, ମହଙ୍ଗା ପଡ଼ିଲା ଉଦ୍ଧବଙ୍କ ନାଁରେ ଆପତ୍ତିଜନକ ମନ୍ତବ୍ୟ

ମୁମ୍ବାଇ: କେନ୍ଦ୍ର ମନ୍ତ୍ରୀ ନାରାୟଣ ରାଣେ ଗିରଫ। ମହାରାଷ୍ଟ୍ର ମୁଖ୍ୟମନ୍ତ୍ରୀଙ୍କ ନାଁରେ ଆପତ୍ତିଜନକ ମନ୍ତବ୍ୟ ଦେଇଥିବାରୁ ରାଣେଙ୍କ ନାଁରେ ଶିବସେନା ପକ୍ଷରୁ ୪ଟି ଏତଲା ଦିଆଯାଇଥିଲା । ଏତଲା ଆଧାରରେ ନାରାୟଣ ରାଣେଙ୍କୁ ଗିରଫ କରିଛି  । ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଚାପୁଡା ମାରିବାକୁ କହି ଚର୍ଚ୍ଚାରେ ଅଛନ୍ତି ରାଣେ । କୋଙ୍କଣର ଚିପୁଲୁନଠାରେ ଥିବା ରାଣେଙ୍କୁ  ନାସିକ ପୋଲିସ ଗିରଫ କରିଥିବା ନେଇ ସୂଚନା ମିଳିଛି ।

ସେପଟେ ରାଣେଙ୍କ ଆଗୁଆ ଜାମିନ ଖାରଜ ହୋଇଛି । କୋଙ୍କଣ ଅଞ୍ଚଳରେ ଜନୌଷଧି ରାଲିରେ ଯୋଗ ଦେବା ଅବସରରେ ରାଣେ ଏହା କହିବା ପରେ ଆରମ୍ଭ ହୋଇଛି ବିବାଦ । ରାଣେ କହିଥିଲେ- ମୁଖ୍ୟମନ୍ତ୍ରୀ ଉଦ୍ଧବ ଠାକରେ ସ୍ବାଧୀନତାର ବର୍ଷ ଜାଣନ୍ତି ନାହିଁ । ଠାକରେ ଭାଷଣ ଦେବା ବେଳେ ଏହି ବିଷୟ ଜାଣିବା ଉଚିତ । ଯଦି ଏହି ଅବସରରେ ସେଠାରେ ନିଜେ ଉପସ୍ଥିତ ଥାନ୍ତେ ତେବେ ଠାକରେଙ୍କୁ ସେ ଚାପୁଡା ମାରିଥାନ୍ତେ ବୋଲି କହିଛନ୍ତି ରାଣେ । ରାଣେ ଏହା କହିବା ପରେ ଶିବସେନା କର୍ମୀ ଉତକ୍ଷିପ୍ତ ହୋଇଛନ୍ତି ।

ସେପଟେ ରାଣେଙ୍କ ବିରୋଧରେ ବିଭିନ୍ନ ଥାନାରେ ୪ଟି ମାମଲା ରୁଜୁ ହୋଇଛି । ପୁଣେ, ନାସିକ, ମହାଦ ଓ ରାଇଗଡ ଜିଲ୍ଲାରେ ଏସବୁ ମାମଲା ରୁଜୁ ହୋଇଛି । ପ୍ରତିବାଦରେ ନାସିକ ସ୍ଥିତ ବିଜେପି କାର୍ଯ୍ୟାଳୟ ଉପରକୁ ଶିବସେନା କର୍ମୀ ଟେକାପଥରମାଡ କରିଛନ୍ତି । ସ୍ଥିତି ପ୍ରତି ସଜାଗ ଦୃଷ୍ଟି ଦେବା ଲାଗି ନାସିକ ପୋଲିସ କମିଶନର ଦୀପକ ପାଣ୍ଡେ ପୋଲିସକୁ ନିର୍ଦ୍ଦେଶ ଦେଇଛନ୍ତି । ଏହି ପ୍ରସଙ୍ଗକୁ ନେଇ ମୁମ୍ବାଇରେ ବିଜେପି- ଶିବସେନା କର୍ମୀଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଛି ।

କଥାଶିଳ୍ପୀ ଯଶୋଧାରା ପାଇବେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର

ଭୁବନେଶ୍ୱର: ବିଶିଷ୍ଟ କଥାଶିଳ୍ପୀ ଯଶୋଧାରାଙ୍କୁ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ।  ୨୦୨୦ ମସିହା ପାଇଁ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପାଇବାକୁ ଯାଉଛନ୍ତି କଥାଶିଲ୍ପୀ ଯଶୋଧାରା । ତାଙ୍କର ଗଳ୍ପ ସଂକଳନ ସମୁଦ୍ର କୂଳ ଘର ପାଇଁ ସେ ଏହି ପୁରସ୍କାର ପାଇଛନ୍ତି ।

୨୦୧୬ ମସିହାରେ ପ୍ରକାଶିତ ଏହି ସଂକଳନକୁ ଇଙ୍କ ଓଡ଼ିଶା ପ୍ରକାଶନ ସଂସ୍ଥା ପ୍ରକାଶ କରିଥିଲା । ସାହିତ୍ୟ ଏକାଡେମୀ ପୁରସ୍କାର ଚୟନ କମିଟିରେ କବି ରମାକାନ୍ତ ରଥ, ବୀଣାପାଣି ମହାନ୍ତି ଏବଂ ପ୍ରତିଭା ଶତପଥୀ ରହିଥିବା ସୂଚନା ରହିଛି ।