ଭୁବନେଶ୍ୱର: ରାଜ୍ୟରେ ନିୟନ୍ତ୍ରଣକୁ ଆସୁଛି ମହାମାରୀ କରୋନା । ଗୋଟିଏ ଦିନରେ ରାଜ୍ୟରୁ ଚିହ୍ନଟ ହୋଇଛନ୍ତି ଆଉ ୯୮୬ ପଜିଟିଭ୍ । କ୍ୱାରେଣ୍ଟଶଇନ୍ରୁ ୫୭୪ ଜଣ ଥିବା ବେଳେ, ଲୋକାଲ କେସ୍ ରହିଛି ୪୧୨ । ସେମାନଙ୍କ ମଧ୍ୟରୁ ଶୂନରୁ ୧୮ ବର୍ଷ ମଧ୍ୟରେ ରହିଛନ୍ତି ୧୨୮ ଜଣ ଆକ୍ରାନ୍ତ । ସେହିପରି କରୋନାରେ ଆଉ ୬୯ ଜଣଙ୍କ ମୃତ୍ୟୁ ହୋଇଛି । ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଖୋର୍ଦ୍ଧାରୁ ସର୍ବାଧିକ ୩୭୩ ଜଣ ଥିବା ବେଳେ, କଟକରୁ ୧୩୯ ଓ ଷ୍ଟେଟ୍ ପୁଲରୁ ୮୫ ଜଣ ସଂକ୍ରମିତ ଚିହ୍ନଟ ହୋଇଚନ୍ତି । ସେହିପରି ଯାଜପୁରରୁ ୪୯, ଜଗତସିଂହପୁରରୁ ୪୫, ମୟୂରଭଞ୍ଜରୁ ୩୨, ପୁରୀରୁ ୩୨, ବାଲେଶ୍ୱରରୁ ୨୫, ଅନୁଗୁଳରୁ ୨୪, କେନ୍ଦ୍ରାପଡ଼ାରୁ ୨୩, ନୟାଗଡ଼ରୁ ୨୦, ବଲାଙ୍ଗୀରରୁ ୧୭, ଢେଙ୍କାନାଳରୁ ୧୫, ସମ୍ବଲପୁରରୁ ୧୫, ଭଦ୍ରକରୁ ୧୪, ସୁନ୍ଦରଗଡ଼ରୁ ୧୩, କେନ୍ଦୁଝରରୁ ୧୩, କନ୍ଧମାଳ ୧୨, ଦେବଗଡ଼ରୁ ୯, ଗଞ୍ଜାମରୁ ୮, କଳାହାଣ୍ଡି ଓ ନବରଙ୍ଗପୁରରୁ ୬ ଜଣ ଲେଖାଏଁ, ରାୟଗଡ଼ାରୁ ୪, କୋରାପୁଟରୁ ୩, ମାଲକାନଗିରି, ସୋନପୁର, ବରଗଡ଼ ଓ ଗଜପତିରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି । ଗତ ୨୪ ଘଣ୍ଟାରେ ରାଜ୍ୟରୁ ହଜାରେ ୩ ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ମୋଟ୍ ଆକ୍ଟିଭ କେସ ରହିଛି ୯ ହଜାର ୫୭୮ ।
ଆହତଙ୍କୁ ଭେଟିଲେ ଓଡ଼ିଶା-ମୋ ପରିବାର ଆବାହକ ଓ ଚିଲିକା ବିଧାୟକ
ଭୁବନେଶ୍ୱର: ବାଣପୁର ଗ୍ୟାସ୍ ସିଲିଣ୍ଡର ବିସ୍ଫୋରଣ ଆହତଙ୍କୁ ଭେଟି ସ୍ୱାସ୍ଥ୍ୟାବସ୍ଥା ବୁଝିଲେ ଓଡ଼ିଶା-ମୋ ପରିବାର ଆବାହକ ଓ ଚିଲିକା ବିଧାୟକ । ଭୁବନେଶ୍ବର ଏମ୍ସରେ ଚିକତ୍ସିତ ହେଉଥିବା ସମସ୍ତ ଆହତଙ୍କ ନିକଟରେ ପହଞ୍ଚି ସ୍ବାସ୍ଥ୍ୟବସ୍ଥା ପଚାରି ବୁଝିଛନ୍ତି ଅରୂପ ପଟ୍ଟନାୟକ ଏବଂ ଚିଲିକା ବିଧାୟକ ପ୍ରଶାନ୍ତ ଜଗଦେବ । ଗୁରୁବାର ସାଢେ ୭ଟା ବେଳେ ଖୋର୍ଦ୍ଧା ବାଣପୁର ସ୍ଥିତ ଗମ୍ଭାରିମୁଣ୍ଡା ଗାଁରେ ଘଟିଥିଲା ଅଘଟଣ । କୌଣସି କାରଣରୁ ଗ୍ୟାସ ଟାଙ୍କିରେ ନିଆଁ ଲାଗି ବିସ୍ଫୋରଣ ଘଟିବାରୁ ୬ ଜଣ ଗୁରୁତ୍ତର ଭାବେ ଆହତ ହୋଇଥିଲେ ।
୪ଜଣ ବ୍ୟକ୍ତିଙ୍କ ୯୦ ଭାଗ ଓ ୨ ଜଣଙ୍କର ୭୦ ଭାଗ ଶରୀର ପୋଡ଼ି ହୋଇଯାଇଛି । ସେମାନଙ୍କ ମଧ୍ୟରୁ ୫ଜଣ ଭୁବନେଶ୍ୱର ଏମସ୍ ରେ ଚିକିତ୍ସିତ ହେଉଥିବାବେଳେ ଜଣେ କଟକ ବଡ଼ ମେଡ଼ିକାଲର ଭର୍ତ୍ତି ହୋଇଛନ୍ତି । ଏମସ୍ ଏବଂ କଟକ ମେଡ଼ିକାଲରେ ଓଡ଼ିଶା-ମୋ ପରିବାର ହେଲ୍ପଡେସ୍କ ସଂଚାଳକମାନେ ଆହତଙ୍କ ଆଡମିସନ ପ୍ରକ୍ରିୟାରେ ସମସ୍ତ ପ୍ରକାର ସାହାଯ୍ୟ କରିଥିଲେ। ଏହି ଦୁଃଖଦ ଦୁର୍ଘଟଣା ଖବର ଶୁଣି ଓଡ଼ିଶା-ମୋ ପରିବାର ଆବାହକ ଅରୂପ ପଟନାୟକ ଏବଂ ବିଧାୟକ ପ୍ରଶାନ୍ତ ଜଗଦେବ ଏମସ୍ ଯାଇ ଡାକ୍ତରଙ୍କୁ ଭେଟି ଆହତଙ୍କ ସ୍ୱାସ୍ଥ୍ୟ ବିଷୟରେ ପଚାରି ବୁଝିଥିଲେ । ସେମାନଙ୍କର କିପରି ଉତ୍ତମ ଚିକିତ୍ସା କରାଯାଇପାରିବ ସେ ବିଷୟରେ ଆଲୋଚନା କରିଥିଲେ ।
ଆସିଲା ତୁଷାର ପୋଷ୍ଟମର୍ଟମ ରିପୋର୍ଟ, ପାଣିରେ ଶ୍ୱାସରୁଦ୍ଧ ହେବାରୁ ଘଟିଛି ମୃତ୍ୟୁ
କଟକ: ଖ୍ରୀଷ୍ଟ କଲେଜ ଛାତ୍ର ତୁଷାର କାନ୍ତଙ୍କ ଆସିଲା ଵ୍ୟଵଛେଦ ରିପୋର୍ଟ। ପାଣିକୁ ଡେଇଁ ପଡିବାରୁ ଶ୍ୱାସରୁଦ୍ଧ ହୋଇ ତୁଷାରଙ୍କ ମୃତ୍ୟୁ ଘଟିଥିବା ରିପୋର୍ଟରେ ଉଲ୍ଲେଖ । ଏନେଇ ପରିବାର କୁ ଜଣାଇଛି ପୋଲିସ । ହେଲେ ଏପର୍ଯ୍ୟନ୍ତ ରିପୋର୍ଟର କପି ପରିବାର ଲୋକଙ୍କୁ ଦେଇନାହିଁ ପୋଲିସ । ଏହାକୁ ନେଇ ତୁଷାର ବାପା ଗଣମାଧ୍ୟମକୁ ପତିକ୍ରିୟା ଦେଇଛନ୍ତି । ପୋଲିସ ଆରମ୍ଭରୁ ଘଟଣାକୁ ହାଲ୍କା ଭାବରେ ନେଇଛି ।
ତୁଷାରକୁ ମାନସିକ ଯନ୍ତ୍ରଣା ଦେଉଥିବା ବ୍ୟକ୍ତିଙ୍କ ବିରୁଦ୍ଧରେ ଲିଖିତ ଏତଲାକୁ ଏପର୍ଯ୍ୟନ୍ତ ପୋଲିସ ରୁଜ୍ଜୁ କରିନାହିଁ । ତେଣୁ ବାଧ୍ୟ ହୋଇ ନ୍ୟାୟ ପାଇଁ କୋର୍ଟଙ୍କ ଦ୍ଵାରସ୍ତ ହେବେ ବୋଲି କହିଛନ୍ତି ତୁଷାର ବାପା । ସେପଟେ ତୁଷାରଙ୍କ ପାଇଁ ଶ୍ରଦ୍ଧାଞ୍ଜଳି ସଭା କରିବାକୁ ଅନୁମତି ମାଗିବାକୁ ଯାଇଥିବା ସମ୍ପର୍କୀୟଙ୍କୁ ଏହି ମାମଲାରେ ମୁଣ୍ଡ ନପୁରାଇବାକୁ ପରୋକ୍ଷରେ କ୍ୟାଣ୍ଟନମେଣ୍ଟ ଥାନା ଅଧିକାରି କହିବା ଓ ପୁରା ମାମଲାକୁ ଖାମଖିଆଲି ଭାବରେ ଗ୍ରହଣ ନେଇ କାରଣ କଣ ଥାଇପାରେ ବୋଲି ପ୍ରଶ୍ନ କରିଛନ୍ତି ତୁଷାରଙ୍କ ପରିବାର ।
ଚାଇନା ଟ୍ୟାଙ୍କ ଓ ଆମେରିକାର ବନ୍ଧୁକ ଦମରେ ଯୁଦ୍ଧ ଜିତିଲା ତାଲିବାନ
କାବୁଲ: ଆଫଗାନିସ୍ତାନରେ ଚାଲିଛି ତାଲିବାନ ଶାସନ। ନିଜ ହତିଆର ଦମରେ ପୂରା ଦେଶରେ ଆତଙ୍କ ଖେଳାଇଛି ତାଲିବାନ। ସାଧାରଣ ଲୋକଙ୍କୁ ମାରୁଥିବା ବେଳେ ଆଫଗାନ ସେନାଙ୍କ ଠାରୁ ଲୁଟି ନେଉଛନ୍ତି ଅସ୍ତ୍ରଶସ୍ତ୍ର। ଜାଣନ୍ତୁ ଆଫଗାନିସ୍ତାନରେ କିଭଳି ରହିଛି ସ୍ଥିତି ଓ ତାଲିବାନ ପାଖରେ କେଉଁସବୁ ଅସ୍ତ୍ରଶସ୍ତ୍ର ରହିଛି। କେଉଁଠୁ ଆସିଲା ଏସବୁ ହତିଆର ଓ କେତେ ଭୟାନକ ଏହା…
ୟୁଏନର ଏକ ରିପୋର୍ଟ ଅନୁଯାୟୀ, ଚଳିତ ବର୍ଷ ଆଫଗାନିସ୍ତାନରେ ତାଲିବାନୀ ସଂଘର୍ଷ ଯୋଗୁଁ ପାଖାପାଖି ୧୭ଶହ ନାଗରିକଙ୍କ ମୃତ୍ୟୁ ଘଟିଛି । ଏହାବ୍ୟତୀତ ୩୫୦୦ରୁ ଅଧିକ ଜଣ ଆହତ ହୋଇଛନ୍ତି । ତାଲିବାନ ପାଖରେ ଯୁଦ୍ଧ କରିବା ଲାଗି ଅନେକ ପ୍ରକାରର ଅସ୍ତ୍ରଶସ୍ତ୍ର ରହିଛି । ତାଲିବାନ ଆତଙ୍କବାଦୀଙ୍କ ପାଖରେ ରହିଛି ଏକେ-୪୭, ଏକେ-୫୬, ରକେଟ୍ ପ୍ରୋପେଲ୍ଡ ଗ୍ରେନେଡ୍, ଆଣ୍ଟି ଏୟାରକ୍ରାଫ୍ଟ ଗନ୍, ଲାଇଟ୍ ମେସିନ୍ ଗନ୍, ପିସ୍ତଲ୍, ହେଣ୍ଡଗ୍ରେନେଡ୍, ଟ୍ୟାଙ୍କ୍ ଓ ମୋର୍ଟାର ଆଦି ।

ଷ୍ଟେଟିଷ୍ଟା ନାମକ ୱେବସାଇଟ୍ ଅନୁଯାୟୀ, ତାଲିବାନ ୧୪ ଅଗଷ୍ଟ ସୁଦ୍ଧା ଆଫଗାନିସ୍ତାନର ୩୦୩ HMMWV ଉପରେ କବଜା କରିନେଇଥିଲେ । ଏବଂ ପ୍ରାୟ ୪୧ଟିକୁ ବର୍ବାଦ କରିଦେଇଛନ୍ତି । ୨୫୬ ଫୋର୍ଡ ରେଞ୍ଜର ନାମକ ସୈନ୍ୟ ବାହିନୀକୁ କବଜା କରିବା ସହ ୨୧କୁ ନଷ୍ଟ କରିଦେଇଥିଲେ । ୧୩୩ ନେବିଷ୍ଟାର ଇଣ୍ଟରନ୍ୟାସନାଲ୍ ୭୦୦୦ ସିରିଜ ଟ୍ରକ୍ ଉପରେ କବଜା କରିଛନ୍ତି । ୩୩ ଟ୍ୟାଙ୍କ ଓ ମୋର୍ଟାସ ଏବଂ ୨୩ M117 ଆର୍ମର୍ଡ ସିକ୍ୟୁରିଟି ଭେହିକିଲ୍ ଉପରେ କବଜା କରିଛନ୍ତି । ତାଲିବାନୀର ୪ ଆଫଗାନୀ ହେଲିକାପ୍ଟର୍ସକୁ ରକେଟ୍ ପ୍ରାେପେଲ୍ଡ ଗ୍ରେନେଡକୁ ଖସାଇ ଦେଇଥିଲେ । ଏହା ବ୍ୟତୀତ ୩ ଆଣ୍ଟି-ଏୟରକ୍ରାଫ୍ଟ୍ ବନ୍ଧୁକ ଉପରେ କବଜା କରିବା ସହ 2ଟି-55 ଓ ଟି-62 ଟ୍ୟାଙ୍କକୁ ମଧ୍ୟ କବଜା କରାଯାଇଛି।
ଆମେରିକା ମଧ୍ୟ ଆଫଗାନିସ୍ତାନକୁ ଏପ୍ରିଲରୁ ଜୁଲାଇ ୨୦୨୧ ମଧ୍ୟରେ ଅନେକ ହତିଆର ଓ ଯାନବାହାନ ଦେଇଛି । ଯେଉଁଥିରେ ୬ଟି A-29 ଲାଇଟ୍ ଆଟାକ୍ ହେଲିକାପ୍ଟର୍ସ, ୧୭୪ ହାଇ ମୋବିଲିଟି ମଲ୍ଟିପର୍ପଜ୍ ହ୍ୱିଲ୍ଡ୍ ଭେହିକିଲ୍ (Humvees), ୨.୭୫ ମିମି. ର ୧୦ ହଜାର ହାଇ ଏକ୍ସପ୍ଲୋସିଭ୍ ରକେଟ୍ସ, ୪୦ ମିମି.ର ୬୧ ହଜାର ହାଇ ଏକ୍ସପ୍ଲୋସିଭ୍ ରାଉଣ୍ଡସ୍, ୦.୫୦ କେଲିବରର ୯ ଲକ୍ଷ ରାଉଣ୍ଡସ୍ ଓ ୭.୬୨ ମିମି.ର ୨୦.୧୫ ଲକ୍ଷ ଗୁଳି ଦେଇଥିଲା । ଯେଉଁଥିରୁ ଅଧିକାଂଶକୁ ତାଲିବାନୀ ମାନେ କବଜା କରିନେଇଛନ୍ତି ।
ଆଫଗାନ୍ ସେନା ପାଖରେ ୮ଟି ଆଣ୍ଟି-ଏୟାରକ୍ରାଫ୍ଟ ଗନ୍ ରହିଛି । ଯାହା ଚୀନ୍ ଦ୍ୱାରା ନିର୍ମିତ । ଏହି ୮ ଆଣ୍ଟି-ଏୟାରକ୍ରାଫ୍ଟ ବନ୍ଧୁକ ବର୍ତ୍ତମାନ ସମୟରେ ତାଲିବାନ ପାଖରେ ରହିଛି । ଏହାବ୍ୟତୀତ ତାଲିବାନୀ ମାନେ ଆଫଗାନ ସେନା ପାଖରେ ଥିବା ୨୩ ଏୟାରକ୍ରାଫ୍ଟ ଓ ୭ ହେଲିକାପ୍ଟରକୁ ନଷ୍ଟ କରିବା ସହ ୧୬କୁ ନଷ୍ଟ କରିଦେଇଛନ୍ତି। ଯେଉଁଥିରେ ରୁଷ ଦ୍ୱାରା ନିର୍ମିତ 13Mi-17 ହେଲିକାପ୍ଟର, ଚୀନ ଦ୍ୱାରା ନିର୍ମିତ 1 Mi-35 ହେଲିକାପ୍ଟର, ଆମେରିକାର UH-60A ବ୍ଲେକହକ୍ ଓ 2MD 530F ଏୟାରକ୍ରାଫ୍ଟ ସାମିଲ ରହିଛି ।
ତାଲିବାନୀ ଏତେ ଶକ୍ତିଶାଳୀ ହୋଇପଡିଛି ଯେ ଡୋନ୍ ବି ସେମାନଙ୍କ ଆଗରେ କିଛି ନୁହେଁ । ଆଫଗାନ ସେନା ପାଖରେ ଥିବା ୭ଟି ଡୋନରୁ ଗୋଟିଏ ଡ୍ରୋନକୁ ମାରି ଖସାଇ ଦିଆଯାଇଥିଲା। ଆଉ ବାକି ୬ଟି ଆମେରିକା ଡୋନ୍ ଏବେ ତାଲିବାନ କବଜାରେ ରହିଛି । ଏସବୁ ବୋଇଂ କମ୍ପାନୀ ଦ୍ୱାରା ନିର୍ମିତ ଇନସୁଟ୍ ସ୍କେନଇଗଲ୍ ଡ୍ରୋନ୍ ଅଟେ ।



