spot_img
Home Blog Page 5734

କମୁଛି କରୋନାର ପ୍ରକୋପ, ୧୨.୫୯ ପ୍ରତିଶତକୁ ଖସିଛି କେରାନା ପଜିଟିଭିଟି ହାର

ଭୁବନେଶ୍ୱର: ରାଜ୍ୟରେ ଦ୍ରୁତ ହାରରେ କମୁଛି କରୋନା ସଂକ୍ରମଣ। ଆଜି ୧୨.୫୯ପ୍ରତିଶତକୁ ଖସିଛି କେରାନା ପଜିଟିଭିଟି । ୬୬ହଜାର ୬୮୩ ଟେଷ୍ଟିଂ ହୋଇଥିବା ବେଳେ ରାଜ୍ୟରେ ଆଉ ୮ହଜାର ୩୯୯ ସଂକ୍ରମିତ ଚିହ୍ନଟ ହୋଇଛନ୍ତି। ଅନ୍ୟପଟେ ଗୋଟିଏ ଦିନରେ ୪୦ ସଂକ୍ରମିତଙ୍କ ଜୀବନ ନେଇଛି କିଲର ଭାଇରସ୍। ଅନ୍ୟପଟେ ୨୪ ଘଣ୍ଟାରେ ସୁସ୍ଥ ହୋଇଛନ୍ତି ୧୧ହଜାର ୯୫ ଜଣ ସଂକ୍ରମିତ।

ଅନୁଗୁଳ, କଟକ, କଳାହାଣ୍ଡି, ଖୋର୍ଦ୍ଧାରୁ ୫ଜଣ ଲେଖାଏଁ ମୃତ୍ୟୁ ହୋଇଥିବା ବେଳେ ଝାରସୁଗୁଡାରୁ ୪, ରାୟଗଡା ଓ ବୌଦ୍ଧରୁ ୩ଜଣ ଲେଖାଏଁ ମୃତ। ସେହିପରି ନବରଙ୍ଗପୁର, ସମ୍ବଲପୁର, ଦେବଗଡ଼ରୁ ୨ଜଣ ଲେଖାଏଁ ମୃତ। ଯାଜପୁର ବାଲେଶ୍ୱର, ଢେଙ୍କାନାଳ, ମାଲକାନଗିରିରୁ ଜଣେ ଲେଖାଏଁଙ୍କ ଜୀବନ ନେଇଛି କିଲର କରୋନା ।

ଚିହ୍ନଟ ହୋଇଥିବା ୮ହଜାର ୩୯୯ ସଂକ୍ରମିତଙ୍କ ମଧ୍ୟରେ କ୍ୱାରେଣ୍ଟାଇନରୁ ୪ହଜାର ୭୪୧, ଲୋକାଲ କେସ୍ ୩ହଜାର ୬୫୮ ରହିଛି । ଖୋର୍ଦ୍ଧାରୁ ସର୍ବାଧିକ ୧୧ଶହ ୨ ସଂକ୍ରମିତ ଚିହ୍ନଟ ହୋଇଥିବା ବେଳେ କଟକରୁ ୭୬୬, ଯାଜପୁରରୁ ୫୧୪ସଂକ୍ରମିତ ଚିହ୍ନଟ ହୋଇଛନ୍ତି । ମୟୂରଭଞ୍ଜରୁ ୪୮୫, ଅନୁଗୁଳରୁ ୪୬୮, ସୁନ୍ଦରଗଡ଼ରୁ ୪୭୭, ପୁରୀରୁ ୪୭୫, ଢେଙ୍କାନାଳରୁ ୪୫୧, ରାୟଗଡ଼ାରୁ ୨୯୨, ଜଗତସିଂହପୁରରୁ ୨୬୯, ନୟାଗଡ଼ରୁ ୨୨୩, ବାଲେଶ୍ୱରରୁ ୨୪୦, କେନ୍ଦ୍ରାପଡାରୁ ୨୧୦, ନବରଙ୍ଗପୁରରୁ ୨୦୦ସଂକ୍ରମିତ ଚିହ୍ନଟ ହୋଇଛନ୍ତି। ସମ୍ବଲପୁରରୁ ୧୯୧, କଳାହାଣ୍ଡିରୁ ୧୯୦, ବରଗଡ଼ରୁ ୧୮୯, କେନ୍ଦୁଝରରୁ ୧୮୬, ଷ୍ଟେଟପୁଲରୁ ୧୮୫,କୋରାପୁଟରୁ ୧୭୮, ବୌଦ୍ଧରୁ ୧୬୬, ଭଦ୍ରକରୁ ୧୪୭, ସୋନପୁରରୁ ୧୪୩, ମାଲକାନଗିରିରୁ ୧୨୮, ବଲାଙ୍ଗୀରରୁ ୧୧୪ ସଂକ୍ରମିତ ଚିହ୍ନଟ ହୋଇଛନ୍ତି । କନ୍ଧମାଳରୁ ୯୫, ଦେଓଗଡ଼ରୁ ୮୧,ଗଜପତିରୁ ୮୦, ଗଞ୍ଜାମରୁ ୬୫, ଝାରସୁଗୁଡାରୁ ୫୩, ନୂଆପଡାରୁ ୩୪ ସଂକ୍ରମିତ ଚିହ୍ନଟ ହୋଇଛନ୍ତି। ରାଜ୍ୟରେ ମୋଟ୍ କରୋନା ପଜିଟିଭ ସଂଖ୍ୟା ୭ଲକ୍ଷ ୮୨ହଜାର ୧୩୧ ଥିବା ବେଳେ ସୁସ୍ଥ ହେଲେଣି ୬ଲକ୍ଷ ୯୨ହଜାର ୨୭।

ସ୍ତ୍ରୀ ଶବ ନେଇ ଫେରିବାବେଳେ ଆମ୍ବୁଲାନ୍ସ ଦୁର୍ଘଟଣାରେ ସ୍ୱାମୀ ମୃତ

ବଲାଙ୍ଗୀର: ବୁର୍ଲାରୁ ଶବ ନେଇ ଫେରୁଥିବା ବେଳେ ଆମ୍ବୁଲାନ୍ସ ଦୁର୍ଘଟଣା। ଦୁର୍ଘଟଣାରେ ମୃତ ମହିଳାଙ୍କ ସ୍ୱାମୀଙ୍କ ମୃତ୍ୟୁ। ବଲାଙ୍ଗୀର ଜିଲ୍ଲା ପାଟଣାଗଡ ଥାନା ଅନ୍ତର୍ଗତ ପାଟଣାଗଡ-ପଦ୍ମପୁର ରାସ୍ତାର ଝୁଲେନବର ଓ ପାଢେଲ ଗ୍ରାମ ନିକଟରେ ବୁର୍ଲାରୁ ଜଣେ ମହିଳାଙ୍କ ମୃତଦେହ ଧରି ଫେରୁଥିବା ଆମ୍ବୁଲାନ୍ସ ଦୁର୍ଘଟଣା ଗ୍ରସ୍ତ ହୋଇଛି । ଦୁର୍ଘଟଣା ଗ୍ରସ୍ତ ଆମ୍ବୁଲାନ୍ସରୁ ୨ଟି ମୃତ ଦେହ ଉଦ୍ଧାର ହୋଇଛି।

ତେବେ ଆଜି ସକାଳୁ ଭାରସାମ୍ୟ ହରାଇ ଆମ୍ବୁଲାନ୍ସଟି ଦୁର୍ଘଟଣା ଘଟିଥିବା ଜଣାପଡିଛି। ମୃତକ ୨ ଜଣ ହେଲେ ତୁରେକେଲା ବ୍ଲକ ଅନ୍ତର୍ଗତ ଲର୍କି ଗ୍ରାମର ବିପିନ ସେଠ ଏବଂ ତାଙ୍କ ପତ୍ନୀ ସାଏବାନୀ ସେଠ।  ସାଏବାନୀ ପାରାଲିସିସ ରୋଗରେ ପୀଡିତ ଥିଲେ ଏବଂ ଗତ କିଛି ଦିନ ହେବ ବୁର୍ଲା ଡାକ୍ତରଖାନାରେ ଚିକିତ୍ସତ ହେଉଥିଲେ। ଗତକାଲି ଚିକିତ୍ସତ ଅବସ୍ଥାରେ ବୁର୍ଲା ମେଡିକାଲରେ ତାଙ୍କର ମୃତ୍ୟୁ ହୋଇଥିଲା। ସ୍ତ୍ରୀ ସାଏବାନୀଙ୍କ ମୃତଦେହକୁ ନେଇ ତାଙ୍କ ସ୍ୱାମୀ ବିପିନ ଏକ ଆମ୍ବୁଲାନ୍ସ ଯୋଗେ ନିଜ ଗାଁକୁ ଫେରୁୁଥିବା ସମୟରେ ଆମ୍ବୁଲାନ୍ସ ଏକ ଗଛରେ ପିଟି ହୋଇ ଦୁର୍ଘଟଣା ଘଟିଥିଲା।

ଦୁର୍ଘଟଣା ଫଳରେ ଆମ୍ବୁଲାନ୍ସ ଆଗ ପଟେ ବସିଥିବା ବିପିନଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ଆମ୍ବୁଲାନ୍ସ ଡ୍ରାଇଭର ଘଟଣା ସ୍ଥଳରୁ ଫେରାର ହୋଇଯାଇଛି। ଖବର ପାଇ ପାଟଣାଗଡ ପୋଲିସ ଏବଂ ଦମକଳ ବାହିନୀ ଖବର ପାଇ ଘଟଣାସ୍ଥଳରେ ପହଞ୍ଚି ସ୍ୱାମୀ ସ୍ତ୍ରୀଙ୍କ ମୃତଦେହ ଉଦ୍ଧାର କରି ତଦନ୍ତ ଆରମ୍ଭ ହୋଇଛି।

କବର ଦେବାକୁ ମିଳୁନି ଜାଗା, ଶବ ଉପରେ ପୋତା ଯାଉଛି ଶବ

ଭୁବନେଶ୍ୱର: କବର ଦେବାକୁ କବର ସ୍ଥାନରେ ଆଉ ଜାଗା ନାହିଁ। ଶବ ଉପରେ ପୋତା ହେଉଛି ଶବ। କବର ଦେବାକୁ ମାଟି ଖୋଳିଲେ ବାହାରୁଛି କଙ୍କାଳ। ଏହି ସମସ୍ୟା ଏବେ ଭୁବନେଶ୍ୱର ସତ୍ୟନଗର କବର ସ୍ଥାନରେ ଦେଖିବାକୁ ମିଳିଛି।

ଏ ନେଇ ଆଜି ସତ୍ୟନଗର ମସଜିଦ କମିଟି ଆଉ ଏକ ସ୍ଥାନ ଦେବାପାଇଁ ବିଏମସି କମିଶନର ଓ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଛନ୍ତି। ଭୁବନେଶ୍ୱର ବିଏମସି ଅଧୀନରେ ଯେ କୌଣସି ଜାଗାରେ ୫ ଏକର ଜାଗା ଦେବାକୁ ସରକାରଙ୍କୁ ଅନୁରୋଧ କରିଛି ମସଜିଦ କମିଟି। ପ୍ରତିଦିନ ୭ ରୁ ୮ ଜଣଙ୍କ ମୃତଦେହ କବର ଦିଆଯାଉଛି। ତେଣୁ ୫୦ ବର୍ଷ ରୁ ଉର୍ଦ୍ଧ୍ୱ ଏହି କବର ସ୍ଥାନ ପାଇଁ ଏବେ କବର ଦେବାକୁ ବହୁ ସମସ୍ୟା ସୃଷ୍ଟି ହୋଇଛି।

ଏ ନେଇ ସତ୍ୟନଗର କବରସ୍ଥାନ ଦାୟିତ୍ଵରେ ଥିବା ମୁଖ୍ୟ ଫଜାଲ ଇଲାହି, ୟୁନିଟ ୩ ସ୍ଥିତ ମସଜିଦର ମୁଖ୍ୟ ପରାମର୍ଶ ଦାତା ମୁଷରଫ ଖାଁ, ବରିଷ୍ଠ ଆଇନଜୀବୀ ହାସମ୍ ଖାଁ, ସତ୍ୟନଗର ମସଜିଦର ସଭାପତି ମିର୍ଜା ଜିଆ ଉଲ ବେଗ, ସାମାଜିକ କର୍ମୀ ମହମ୍ମଦ ଅଲ୍ଲୀ ନୂଆ କବର ସ୍ଥାନ ଜାଗା ଦେବାକୁ ଅନୁରୋଧ କରିଛନ୍ତି ।

ଲକଡାଉନ ଖୋଲିଲେ ବି ଚାଲି ପାରିବନି ଘରୋଇ ବସ୍‌

ଭୁବନେଶ୍ୱର: ରାଜ୍ୟରେ ବର୍ତ୍ତମାନ ଲକଡାଉନ ଚାଲିଥିବାରୁ ବସ ଚାଳାଚଳ ବନ୍ଦ ରହିଛି। ତେବେ ଲକଡାଉନ ଖୋଲିବା ପରେ ମଧ୍ୟ ଘରୋଇ ବସ୍‌ ଚାଲିପାରିବ ନାହିଁ। କାରଣ ଡିସେମ୍ବର ଶେଷ ଯାଏଁ ୧୦ ହଜାରରୁ ଅଧିକ ବସ୍ ଅଫ୍‌ରୋଡ ହୋଇଛି। ତେବେ ବସ୍‌ ଚାଲିବା ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ସହଯୋଗ ବସ୍‌ ମାଲିକ ସଂଘ ଲୋଡ଼ିଛନ୍ତି। ୩ ଦଫା ଦାବି ସହ ମୁଖ୍ୟମନ୍ତ୍ରୀଙ୍କ ସମେତ କେନ୍ଦ୍ର ଅର୍ଥମନ୍ତ୍ରୀ ଓ ପ୍ରଧାନମନ୍ତ୍ରୀଙ୍କୁ ଦାବି ଜଣାଇଲାଛି ସଂଘ।

ଅଫ୍‌ରୋଡ ହୋଇଥିବା ବସ୍‌ ଗୁଡିକୁ ଚଳାଚଳ ପାଇଁ ସରକାର ଅନୁମତି ପ୍ରଦାନ କରିବା ସହ ବସ୍‌ କର୍ମଚାରୀ ଓ ମାଲିକମାନଙ୍କୁ ଆର୍ଥିକ ସହାୟତା ପ୍ରଦାନ ପାଇଁ ସଂଘ ଦାବି କରିଛି। ଏପ୍ରେଲ ଓ ମେ ମାସ ପାଇଁ ସରକାର ଟିକସ ଛାଡ଼ କରିଥିଲେ ମଧ୍ୟ, ଲକ୍‌ଡାଉନ ଲାଗୁ ଥିବା ଯାଏଁ ଟିକସ ଛାଡିବାକୁ ସଂଘ ଦାବି କରିଛି। ଏହାସହ ଦୀର୍ଘଦିନ ଧରି ବସ୍‌ ଗୁଡିକ ପଡ଼ି ରହିବା ଫଳରେ ଟାୟାର, ବ୍ୟାଟେରି ପ୍ରଭୁତି ଆନୁସଙ୍ଗିକ ସାମଗ୍ରୀ ନଷ୍ଟ ହୋଇଥିବାରୁ ଗାଡ଼ି ଚାଲିବା ପାଇଁ ସରକାର ଆର୍ଥିକ ସହାୟତା ପ୍ରଦାନ କରିବାକୁ ସଂଘ ଦାବି କରିଛି।

ବାତ୍ୟା ବିପନ୍ନଙ୍କୁ ଭେଟିଲେ ମନ୍ତ୍ରୀ ଅରୁଣ ସାହୁ

ଭଦ୍ରକ: ବାଲେଶ୍ୱର ଜିଲ୍ଲା ବାତ୍ୟା ପ୍ରଭାବିତଙ୍କୁ ଭେଟିଛନ୍ତି କୃଷି, ମତ୍ସ୍ୟ ଓ ପଶୁ ପାଳନ ବିଭାଗ ମନ୍ତ୍ରୀ ଅରୁଣ ସାହୁ। ଜିଲ୍ଲାର ହଳଦୀପଦା, ପରିଖି, ସାର୍ଥା ଅଞ୍ଚଳ ଗସ୍ତକରି ଚାଷଜମି ଓ ମାଛଚାଷ ପୋଖରୀ ବୁଲି ଦେଖିଛନ୍ତି । ଏହାସହ ସମୁଦ୍ରରୁ ମାଛ ମାରୁଥିବା ମତ୍ସ୍ୟଜୀବୀଙ୍କ ଡ଼ଙ୍ଗା ଭାଙ୍ଗି ଯାଇଥିବାରୁ ତାର ସଠିକ ଆକଳନ କରିବାକୁ ବିଭାଗୀୟ ଅଧିକାରୀଙ୍କୁ କହିଛନ୍ତି । ଜିଲ୍ଲାରେ ମୋଟ ୫୫୪ ହେକ୍ଟର ଚିଙ୍ଗୁଡ଼ି ପୋଖରୀ ବୁଡ଼ି ଯାଇଥିବା ବିଭାଗୀୟ ଅଧିକାରୀ ସୂଚନା ଦେଇଥିଲେ। ବାତ୍ୟାଞ୍ଚଳରୁ ଫେରି ଜିଲ୍ଲା ସ୍ତରୀୟ ଅଧିକାରୀଙ୍କ ଉପସ୍ଥିତିରେ ସମୀକ୍ଷା କରିଥିଲେ।

ଏଥିସହ ଭଦ୍ରକ ଜିଲ୍ଲାରେ ମଧ୍ୟ ବିଭିନ୍ନ ବାତ୍ୟା ଅଞ୍ଚଳ ବୁଲି ଦେଖିଛନ୍ତି ମନ୍ତ୍ରୀ ଅରୁଣ ସାହୁ ଓ ମନ୍ତ୍ରୀ ଦିବ୍ୟ ଶଙ୍କର ମିଶ୍ର । ଧାମରା ଓ ଚାନ୍ଦବାଲି ଓ ବାସୁଦେବପୁର ପ୍ରଭାବିତ ଅଞ୍ଚଳରେ ବିପନ୍ନଙ୍କ ସହ ଆଲୋଚନା କରିବା ସହିତ କ୍ଷୟକ୍ଷତି ଆକଳନ କରିଛନ୍ତି।

ସେପଟେ ଜିଲ୍ଲାର ବାତ୍ୟା ପିପନ୍ନ ଦୁଇ ମନ୍ତ୍ରୀଙ୍କୁ ବିଭିନ୍ନ ସମସ୍ୟା କଥା କହିଛନ୍ତି । ଧାମରାରେ କୃଷି ମନ୍ତ୍ରୀଙ୍କ ଅଧକ୍ଷତାରେ ଏକ ସମୀକ୍ଷା ବୈଠକ ହୋଇଥିଲା । ଏହାପରେ ବାସୁଦେବପୁରରେ ସମୀକ୍ଷା ବୈଠକ କରି ସମସ୍ୟାର ସମାଧାନ ପାଇଁ ନିର୍ଦ୍ଦେଶ ଦେଇଛନ୍ତି ମନ୍ତ୍ରୀ । ବୈଠକରେ ଚାନ୍ଦବାଲି ବିଧାୟକ ବ୍ୟୋମକେଶ ରାଏ, ଭଦ୍ରକ ବିଧାୟକ ସଂଜୀବ ମଲ୍ଲିକଙ୍କ ସହିତ କୃଷି ବୈଜ୍ଞାନିକ, ଉଦ୍ୟାନ ବିଭାଗ, ମତ୍ସ୍ୟ ବିଭାଗ, ମୃତ୍ତିକା ସଂରକ୍ଷଣ ବିଭାଗର ଅଧିକାରୀ ମାନେ ଯୋଗ ଦେଇଥିଲେ।

 

ବାତିଲ୍ ହେଇପାରେ CHSE ଦ୍ୱାଦଶ ପରୀକ୍ଷା

ଭୁବନେଶ୍ୱର: CBSE ଦ୍ୱାଦଶ ପରୀକ୍ଷା ବାତିଲ ପରେ ତତ୍ପର ହୋଇଛନ୍ତି ରାଜ୍ୟ ସରକାର। ଆଜି ସ୍କୁଲ ଓ ଗଣଶିକ୍ଷା ବିଭାଗର ଗୁରୁତ୍ୱପୂର୍ଣ୍ଣ ବୈଠକ ବସିବ। ଉଚ୍ଚ ମାଧ୍ୟମିକ ଶିକ୍ଷା ପରିଷଦ ବା CHSE ଦ୍ୱାରା ପରିଚାଳିତ ଯୁକ୍ତ ଦୁଇ ପରୀକ୍ଷା ହେବ କି ନାହିଁ, ସେ ନେଇ ବୈଠକରେ ଆଲୋଚନା ହେବ।

ଏହି ବୈଠକରେ ମନ୍ତ୍ରୀ ଓ ସଚିବଙ୍କ ସହ ଆଲୋଚନା ହୋଇପାରେ। ଯୁକ୍ତ ଦୁଇ ପରୀକ୍ଷା ନେଇ ଆଜିର ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇପାରେ। ପୂର୍ବରୁ ଦଶମ ଶ୍ରେଣୀ ପରୀକ୍ଷା ବାତିଲ କରିଛନ୍ତି ସରକାର।

ଗତକାଲି ସିବିଏସଇ ଦ୍ୱାଦଶ ପରୀକ୍ଷା ବାତିଲ କରାଯାଇଛି। ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ଏହି ଗୁରୁତ୍ୱପୂର୍ଣ୍ଣ ନିଷ୍ପପତ୍ତି ନିଆହୋଇଥିଲା। ବୈଠକରେ ପ୍ରଧାନମନ୍ତ୍ରୀଙ୍କ ସହ ସିବିଏସଇର ଅଧ୍ୟକ୍ଷଙ୍କ କେନ୍ଦ୍ରମନ୍ତ୍ରୀ ରାଜନାଥ ସିଂ, ପ୍ରକାଶ ଜାବଡେକର ପ୍ରମୁଖ ଉପସ୍ଥିତ ଥିଲେ।

ଏହି ସମୀକ୍ଷା ବୈଠକରେ ମୋଦୀ କହିଛନ୍ତି ଯେ ଦେଶ ଛାତ୍ରଛାତ୍ରୀମାନଙ୍କ ସ୍ୱାସ୍ଥ୍ୟର ନିରାପତ୍ତାକୁ ସରକାର ସର୍ବୋଚ୍ଚ ପ୍ରାଥମିକତା ଦେଉଛନ୍ତି ଓ ଏହାକୁ ନେଇ କୌଣସି ସାଲିସ କରାଯ଼ିବ ନାହିଁ। ପିଲାମାନଙ୍କ ସ୍ୱାର୍ଥରେ ହିଁ ଏହି ନିଷ୍ପତ୍ତି ନିଆଯ଼ାଇଛି । କରୋନା ମହାମାରୀ ପରି ଏକ ଚାପଯ଼ୁକ୍ତ ପରିବେଶରେ ପରୀକ୍ଷା ଦେବାକୁ ପିଲାମାନଙ୍କୁ ବାଧ୍ୟ କରାଯ଼ିବା ଉଚିତ ନୁହେଁ ।

 

ଆମେରିକାର ନ୍ୟୁୟର୍କ ସିଟି ଅପେକ୍ଷା ମାୟାନଗରୀରେ ପେଟ୍ରୋଲ ଦର ଦୁଇଗୁଣା

ଭୁବନେଶ୍ୱର: ମାୟାନଗରୀରେ ମହଙ୍ଗା ପେଟ୍ରୋଲ । ମୁମ୍ବାଇ ତୁଳନାରେ ଆମେରିକାର ନ୍ୟୁୟର୍କ ସିଟିରେ ଶସ୍ତା ରହିଛି ପେଟ୍ରୋଲ ଦାମ୍। ନ୍ୟୁୟର୍କରେ ପେଟ୍ରୋଲ ଲିଟର ପିଛା ୦.୭୯ ଡଲାର ଅର୍ଥାତ୍ ୫୭ଟଙ୍କା ୫୮ ପଇସା ରହିଥିବା ବେଳେ ମୁମ୍ବାଇରେ ଶହେ ଉପରେ ରହିଛି ଦର । କରୋନା ମହାମାରୀ ସାଙ୍ଗକୁ ତୈଳ ଦରର ମହଙ୍ଗା ମାଡ଼ରେ ଆଣ୍ଠେଇ ପଡ଼ିଛି ଦେଶର ଅର୍ଥନୈତିକ ରାଜଧାନୀ । ଦେଶର ଅନ୍ୟ ସହର ତୁଳନାରେ ମୁମ୍ବାଇରେ ପେଟ୍ରୋଲ ଦର ସବୁଠୁ ଅଧିକ । ମେ ୪ ତାରିଖରୁ ଲଗାତାର ପେଟ୍ରୋଲ, ଡିଜେଲ ଦର ବଢୁଥିବା ବେଳେ ମୁମ୍ବାଇରେ ମେ ୨୯ ତାରିଖରୁ ଶହେ ଟଙ୍କା ଟପିଛି ପେଟ୍ରୋଲ ଦାମ୍ । ଆଜି ୨୫ ପଇସା ବୃଦ୍ଧି ଘଟି ପେଟ୍ରୋଲ ଦାମ୍ ୧୦୦ଟଙ୍କା ୭୨ ପଇସା ରହିଛି । ସବୁଠୁ ଗୁରୁତ୍ବପୂର୍ଣ୍ଣ କଥା ହେଲା ମୁମ୍ବାଇ ତୁଳନାରେ ଆମେରିକାରେ ପେଟ୍ରୋଲ ଦାମ୍ଶସ୍ତା ବୋଲି ରିପୋର୍ଟ ଦେଇଛି ବ୍ଲୁମବର୍ଗ  ।

ମୁମ୍ବାଇରେ ଚଳିତବର୍ଷ ପେଟ୍ରୋଲ ଦାମ୍ ପାଖାପାଖି ୧୧ ପ୍ରତିଶତ ବଢ଼ିଛି । କେନ୍ଦ୍ର ସରକାର ବିକ୍ରି କର ଲଗାତାର ବୃଦ୍ଧି କରୁଥିବାରୁ ଏହାର ସିଧା ପ୍ରଭାବ ପଡୁଛି ଗ୍ରାହକଙ୍କ ପକେଟରେ । ୨୦୧୩ ପରେ କେନ୍ଦ୍ର ସରକାର ତୈଳ ଦରରେ ୬ଗୁଣା ଟିକସ ବୃଦ୍ଧି କରିଛନ୍ତି । କେନ୍ଦ୍ର ସରକାର ପେଟ୍ରୋଲ ଉପରେ ପାଖାପାଖି ୬୦ ପ୍ରତିଶତ ଟିକସ ଆଦାୟ କରୁଛନ୍ତି । ଯାହାଫଳରେ ଲଗାତାର ପେଟ୍ରୋଲ, ଡିଜେଲ ଦର ବଢ଼ିବାରେ ଲାଗିଛି।

ବିଏମସି ଡେଥ୍ ସାର୍ଟିଫିକେଟ ଅଫିସରେ ଦଲାଲଙ୍କ ରାଜୁତି

ଭୁବନେଶ୍ୱର: ବିଏମସି ଡେଥ୍ ସାର୍ଟିଫିକେଟ ଅଫିସରେ ଦଲାଲଙ୍କ ରାଜୁତି । ଜଣେ ସୁଇପରଙ୍କ ନାମରେ ଆସିଛି ଗୁରୁତର ଅଭିଯୋଗ । କୋଭିଡରେ ମୃତ୍ୟୁ ହୋଇଥିବା ବ୍ୟକ୍ତିଙ୍କ ଡେଥ୍ ସାର୍ଟିଫିକେଟ ପାଇବା ପାଇଁ ଦଲାଲମାନେ ତାଙ୍କ ଆତ୍ମୀୟଙ୍କ ଠାରୁ ପଇସା ହଡପ କରି ସାର୍ଟିଫିକେଟ କରିଦେବେ କହି ଠକୁଥିବାର ଅଭିଯୋଗ ହୋଇଛି ।

ଏଭଳି ଅଭିଯୋଗ କରିଛନ୍ତି ଶିବ ସୁନ୍ଦର ସାହୁ ନାମକ ଜଣେ ସମାଜସେବୀ । ଅଫିସ ବାହାରେ କିଛି ଦଲାଲ ଷ୍ଟାଫ କହି ସାର୍ଟିଫିକେଟ କରିବାକୁ ପ୍ରତିଶ୍ରୁତି ଦେଉଛନ୍ତି । ତେବେ ସେମାନେ ଷ୍ଟାଫ୍ ନୁହନ୍ତି ବୋଲି ସେ ଜାଣିବାକୁ ପାଇଥିଲେ । ହେଲେ ସେମାନେ ଲୋକଙ୍କ ନିକଟରୁ ଟଙ୍କା ନେଉଥିବା ଦେଖିବାକୁ ମିଳିଥିଲା । ଟଙ୍କା ନେଉଥିବା ଲୋକ ଜଣକ ବିଏମସିରେ ସୁଇପର ଥିବା ସେ କହିଛନ୍ତି । ତେବେ ଏନେଇ ସଫେଇ ଦେଇଛନ୍ତି ବିଏମସିର କାର୍ଯ୍ୟରତ ସୁଇପର । ସେ ଜଣେ ଲୋକଙ୍କୁ ସାହାଯ୍ୟ କରିବା ପାଇଁ ଆସିଥିଲେ । କିନ୍ତୁ ଟଙ୍କା ନେଇ ନଥିବା ସଫେଇ ଦେଇଛନ୍ତି । ଏହି ଅଭିଯୋଗ ପରେ ଘଟଣାର ତଦନ୍ତ କରିବାକୁ ଦାବି କରିଛନ୍ତି ଲୋକେ ।

ବାପାମାଆଙ୍କ ନିଶ୍ୱାର୍ଥ ପ୍ରେମ: ପୁଅର ଔଷଧ ପାଇଁ ୩୦୦ କିଲୋମିଟର…

ବାଙ୍ଗାଲୋର: ଗତବର୍ଷର ଲକଡାଉନ ସମୟର ସେହି କରୋନା ଚିତ୍ର ସତରେ ଭୁଲିବା ଅସମ୍ଭବ । ଲକଡାଉନ ସମୟରେ ପ୍ରବାସୀଙ୍କ ଦୁଃଖର କାହାଣୀ ସମସ୍ତଙ୍କୁ ମର୍ମାହତ କରିଥିଲା । ଘରକୁ ଫେରୁଥିବା ସେହି ପ୍ରବାସୀଙ୍କ କାହାଣୀ ଲୋକଙ୍କ ଆଖି ଓଦା କରିଦେଇଥିଲା ।  ଯଦିଓ ଚଳିତ ବର୍ଷ ଲକଡାଉନ ପାଇଁ ଏତେଟା କିଛି ପ୍ରଭାବ ପଡ଼ିନାହିଁ ।  ତଥାପି ଚଳିତ ବର୍ଷ ଲକଡାଉନରେ ଏମିତି ଏକ ହୃଦୟ ବିଦାରକ ଚିତ୍ର ସାମ୍ନାକୁ ଆସିଛି । ଯେଉଁଠି ଲକଡାଉନ ସମୟରେ ଜଣେ ବାପା ତାର ରୋଗାଗ୍ରସ୍ତ ପୁଅର ଔଷଧ ପାଇଁ ୩୦୦ କିଲୋମିଟର ସାଇକେଲରେ ଯାଇଛନ୍ତି ।

ଘଟଣାଟି ହେଉଛି କର୍ଣ୍ଣାଟକର ଏକ ଗାଁର । ଗାଁର ୪୫ ବର୍ଷିୟ ଆନନ୍ଦ ବୃତ୍ତିରେ ଜଣେ ଶ୍ରମିକ। ତାଙ୍କ ପୁଅ ଅସୁସ୍ଥ ହୋଇଥିବା ବେଳେ ତାର ଚିକିତ୍ସା ବାଙ୍ଗାଲୋରର ନିମହନ୍ସ ହସ୍ପିଟାଲରେ ଚାଲିଛି । ସେଠାରେ ପିଲାଟିର ଚିକିତ୍ସା କରୁଥିବା ଡାକ୍ତମାନେ କହିଛନ୍ତି ଯେ, ତାଙ୍କ ପୁଅକୁ ୧୮ ବର୍ଷ ପର୍ଯ୍ୟନ୍ତ ଏକ ଔଷଧ ଖାଇବାକୁ ପଡ଼ିବ । ଏହା ପରେ ସେ ସୁସ୍ଥ ହେବାର ସମ୍ଭାବନା ରହିଛି । ତେଣୁ ପିଲାଟିର ବାପାଙ୍କ ପାଖରେ ଗାଡ଼ି ଭଡ଼ା କରିବାକୁ ଟଙ୍କା ନଥିବାରୁ ସେ ଔଷଧ ଆଣିବାକୁ ସାଇକେଲ ଯୋଗେ ବାଙ୍ଗାଲୋର ଯାଇଥିଲେ । ସତରେ ତାଙ୍କ ପାଇଁ ଏହି ଯାତ୍ରା ସହଜ ନଥିଲା । ଜଣେ ଦିନ ମଜୁରୀଆ ଖଟିଲେ ସେ ଦୁଇ ଓଳି ଦୁଇମୁଠା ଖାଇବ ଏଭଳି ପରିସ୍ଥିତିରେ ଗାଡ଼ି ଭଡ଼ା କରି ଯିବା ତା ପାଇଁ ବହୁ କଷ୍ଟସାଧ୍ୟ ଥିଲା ।

ଖାଇବାକୁ ପାଖରେ ଟଙ୍କା ନଥାଉ ପଛେ କିନ୍ତୁ ପୁଅର ଚିକିତ୍ସାରେ ସେ କୌଣସି ଅବହେଳା କରନ୍ତି ନାହିଁ । ଏ ହେଉଛି ବାପାମାଆଙ୍କ ସେହି ନିଶ୍ୱାର୍ଥ ପ୍ରେମ । ଯାହାକୁ ଆଜିକା ପିଢି ଭୁଲି ବସିଛି । ତେବେ ପୁଅ କୁ ନେଇ ଆନନ୍ଦ କୁହନ୍ତି ଯେ, ତାଙ୍କ ପୁଅ ୬ବର୍ଷ ବୟସରୁ ଏହି ରୋଗ ସହ ସଂଘର୍ଷ କରିଆସୁଛି । ଆମେ ତାକୁ ଔଷଧ ଦେବାରେ କେବେ ହେଲେ ଅବହେଳା କରିନାହୁଁ । ତେବେ ବାଙ୍ଗାଲୋରର ନିମହନ୍ସ ହସ୍ପିଟାଲରୁ ଏହି ଔଷଧ ମାଗଣାରେ ଉପଲବ୍ଧ ହୋଇଥାଏ । ତେଣୁ ପ୍ରତି ଦୁଇ ମାସରେ ସେ ପୁଅର ଔଷଧ ପାଇଁ ବାଙ୍ଗାଲୋର ଯାଇଥାନ୍ତି । କିନ୍ତୁ ଏଥର ଅଚାନକ ଲକଡାଉନ ହୋଇଥିବାରୁ ବାଙ୍ଗାଲୋରୁ ଔଷଧ ଆଣିବା ସମ୍ଭବ ନଥିଲା ।

ପୁଅର ଔଷଧ ସରିଯାଇଥିବାରୁ ସେ ରବିବାର ଦିନ ସକାଳୁ ଆନନ୍ଦ ଔଷଧ ଆଣିବାକୁ ବାହାରିଥିଲେ । ଏବଂ ରାତିରେ ସେଠାରେ ପହଞ୍ଚିଥିଲେ । ରାତିରେ ଏକ ମନ୍ଦିର ନିକଟରେ ସେ ରାତି ବିତାଇବା ଥିଲେ । ଏବଂ ସେ ପର ଦିନ ଔଷଧ ଆଣି ମଙ୍ଗଳବାର ଦିନ ଘରକୁ ଫେରିଥିଲେ। ତେବେ କେବଳ ଜଣେ ପିତା ନିଜ ପିଲାମାନଙ୍କ ପାଇଁ ଏପରି କଠିନ କାର୍ଯ୍ୟ କରିପାରିବ ।

କରୋନା କାଳରେ ୧୦ ବର୍ଷ ତଳକୁ ଗଲା ଅର୍ଥନୀତି: ୧୧ ଲକ୍ଷ ଚାକିରି ଗୋଲ୍‌, ୨୩ କୋଟି ଲୋକ ପୁଣି ହେଲେ ଗରିବ

ନୂଆଦିଲ୍ଲୀ: କରୋନା କାଳରେ ବଢ଼ିଲା ଦାରିଦ୍ର୍ୟ । ମାଇନସ୍‌ ୭.୬ ପ୍ରତିଶତକୁ ଅଭିବୃଦ୍ଧି ହାର ହ୍ରାସ । କେନ୍ଦ୍ରର ତ୍ରୁଟିପୂର୍ଣ୍ଣ ଅର୍ଥନୀତିକୁ ଦାୟୀ କଲା କଂଗ୍ରେସ । ବେକାରୀ ବଢ଼ିବା ଆଶଙ୍କା କଲା ବିଜେଡି । କରୋନା କାଳରେ ୧୦ ବର୍ଷ ତଳକୁ ଖସିଛି ଅର୍ଥନୀତି । ତେବେ କରୋନାକୁ ବାହାନା କରିବା କଥାକୁ କଟାକ୍ଷ କରିଛି କଂଗ୍ରେସ। ଦଳ କହିଛି, ବିମୁଦ୍ରୀକରଣ ଯୋଗୁ ୪ ବର୍ଷ ତଳୁ ଅର୍ଥନୀତି ନିମ୍ନଗାମୀ ହୋଇଚାଲିଛି । ୨୦୧୯-୨୦୨୦ରେ ମହାମାରୀ ନଥିଲା। ସେ ସମୟରେ ଅଭିବୃଦ୍ଧି ହାର ଥିଲା ୪ ପ୍ରତିଶତ । ୨୦୧୪ରେ ଆର୍ଥିକ ସ୍ଥିତି ଖରାପ ହେବାରୁ ତତ୍କାଳୀନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ପ୍ରଚେଷ୍ଟା ଯୋଗୁ ୨୦୧୪-୧୫ରେ ଅଭିବୃଦ୍ଧି ହାର ୪ଦଶମିକ ୧ ପ୍ରତିଶତ ଥିଲା। ଯଦି କରୋନା ପାଇଁ ଆର୍ଥିକ ସ୍ଥିତି ବିଗିଡ଼ିଥାନ୍ତା, ତେବେ ୧ଲକ୍ଷ ୩୧ ହଜାର କୋଟି ଟଙ୍କା ଜିଏସ୍‌ଟି କେମିତି ଏପ୍ରିଲରେ ସଂଗ୍ରହ ହେଲା ବୋଲି କଂଗ୍ରେସ ପ୍ରଶ୍ନ କରିଛି ।

କେନ୍ଦ୍ର ସରକାରଙ୍କ ତ୍ରୁଟିପୂର୍ଣ୍ଣ ଅର୍ଥନୀତି ଯୋଗୁ ୧୧ ଲକ୍ଷ ଲୋକ ଚାକିରି ହରାଇଲେଣି। ୨୩ କୋଟି ଲୋକ ପୁଣି ଗରିବୀ ସୀମାରେଖା ତଳକୁ ଗଲେଣି। ଏଭଳି ସ୍ଥିତିରେ ଗରିବ ଆହୁରି ଗରିବ ହେବେ ବୋଲି ଆକଳନ କରିଛି ବିଜେଡି । ଅନ୍ୟପଟେ କରୋନା ଯୋଗୁ ଉତ୍ପାଦନ ଓ ବ୍ୟବହାର କମିଥିବାରୁ ଅଭିବୃଦ୍ଧି ହାର କମିଥିବା ଅନୁମାନ କରିଛି ବିଜେପି । ଭାରତୀୟ ଅର୍ଥନୀତି ପ୍ରଗତିଶୀଳ ହୋଇଥିବାରୁ ଧୀରେ ଧୀରେ ଅଭିବୃଦ୍ଧି ହାର ବଢ଼ିବ ବୋଲି ବିଜେପି ହିସାବ କରିଛି ।

ତେବେ ଜୁନ ଶେଷ ଯାଏ ମାଗଣା ରାସନ ବଣ୍ଟନ, ମନରେଗାରେ ଦିନ ଓ ବଜେଟ ବୃଦ୍ଧି ସହ କେନ୍ଦ୍ର ସରକାର ରୋଜଗାର ନିୟମ ଲାଗୁ କରିବାକୁ ବିଶେଷଜ୍ଞ ମତ ଦେଇଛନ୍ତି । ନୂଆ ଉଦ୍ୟୋଗ ପ୍ରତିଷ୍ଠା ପାଇଁ ଋଣ ଦେବାକୁ ବ୍ୟାଙ୍କଗୁଡ଼ିକ ପାଇଁ ରିଜର୍ଭ ବ୍ୟାଙ୍କ ମଧ୍ୟ ନୂଆ ଗାଇଡ୍‌ଲାଇନ୍‌ ଆଣିବା ଆବଶ୍ୟକ। ଗତବର୍ଷ ପରି ରାଜ୍ୟ ସରକାର ମହାମାରୀ ପ୍ୟାକେଜ ଆଣିଲେ ରାଜ୍ୟ ଅର୍ଥନୀତି ସୁଧୁରିବ ବୋଲି ବିଶେଷଜ୍ଞ କହିଛନ୍ତି।

ଅର୍ଥନୀତିର ବିକାଶ ଉପରେ ଆଗାମୀ ପିଢ଼ିର ଜୀବନଜୀବିକା ନିର୍ଭର କରୁଛି। କରୋନା ଯୋଗୁ ଶିକ୍ଷା ପ୍ରଭାବିତ ହୋଇଥିବାରୁ ଦକ୍ଷତାଭିତ୍ତିକ ଜୀବିକା ନିର୍ବାହ କରିବାକୁ ପଡ଼ିବ । ଏଥିପାଇଁ କେନ୍ଦ୍ର ସରକାରଙ୍କ ଆର୍ଥିକ ପ୍ରୋତ୍ସାହନ ଗୁରୁତ୍ୱ ବହନ କରୁଛି।