spot_img
Home Blog Page 5781

‘ଦ ଫ୍ୟାମିଲି ମ୍ୟାନ୍ ୨’ର ଟ୍ରେଲରରେ ନଜର ଆସିଥିବା ଏହି ଅଭିନେତା ୬ ମାସ ତଳେ କରିଥିଲେ ଆତ୍ମହତ୍ୟା

ମୁମ୍ବାଇ: ବଲିଉଡ୍ ଅଭିନେତା ମନୋଜ ବାଜପେୟୀଙ୍କ ୱେବ ସିରିଜ ‘ଦ ଫ୍ୟାମିଲି ମ୍ୟାନ୍ ୨’ର ଟ୍ରେଲର ରିଲିଜ ହୋଇଛି। ଏଥିରେ ଭରପୂର ରହିଛି ଆକ୍ସନ ଓ ହ୍ୟୁମର । ଏହାର ଟ୍ରେଲରକୁ ଖୁବ୍ ପସନ୍ଦ କରୁଛନ୍ତି ଦର୍ଶକ। ମାତ୍ର ୭ ଘଣ୍ଟା ଭିତରେ ଟ୍ରେଲରକୁ ଦେଖିସାରିଲେନି ୫ ମିଲିୟନରୁ ଅଧିକ ଦର୍ଶକ । ସିରିଜରେ ମନୋଜ ବାଜପେୟୀ, ସାମନ୍ଥା ଅକିନେନି, ପ୍ରିୟାମଣୀଙ୍କ ସହ ଦିବଙ୍ଗତ ଆକ୍ଟର ଆସିଫ୍ ବସ୍ରା ମଧ୍ୟ ନଜର ଆସିଛନ୍ତି।

ଦିବଙ୍ଗତ ଆସିଫ୍ ବସ୍ରା ନିଜର ଦମଦାର ଅଭିନୟ ପାଇଁ ଖୁବ୍ ପରିଚିତ। ଜବ ଉଇ ମେଟ୍, ୱାନ୍ସ ଓପନ ଏ ଟାଇମ ଇନ୍ ମୁମ୍ବାଇ ଓ କାଇ ପୋ ଚେରେ ସେ ନିଜର ଅଭିନୟର ଯାଦୁ ଦେଖାଇଥିଲେ। ଦୁର୍ଭାଗ୍ୟବଶତଃ ଗତ ବର୍ଷ ନଭେମ୍ବରରେ ସେ ଆତ୍ମହତ୍ୟା କରିଥିଲେ। ଧର୍ମଶାଳାର ଏକ ଭଡ଼ା ଘରୁ ତାଙ୍କର ମୃତଦେହ ଉଦ୍ଧାର କରାଯାଇଥିଲା। ତାଙ୍କର ମୃତ୍ୟୁ ବଲିଉଡ ଜଗତର ଅନେକଙ୍କୁ ଆଶ୍ଚର୍ଯ୍ୟ କରିଦେଇଥିଲା। ତାଙ୍କ ମୃତ୍ୟୁକୁ ନେଇ କେହି କିଛି ବୁଝି ପାରିନଥିଲେ ଯେ ସେ ଏଭଳି କାହିଁକି କଲେ।

ତାଙ୍କ ମୃତ୍ୟୁକୁ ନେଇ ପୋଲିସ ଛାନଭିନ୍ ବି ଆରମ୍ଭ କରିଥିଲା । ରିପୋର୍ଟ ମୁତାବକ ଆସିଫ୍ କିଛି ବର୍ଷ ହେବ ମେକ୍ଲୋଡ ଙ୍ଗଜରେ ଭଡ଼ାରେ ରହୁଥିଲେ । ସୂଚନା ଅନୁଯାୟୀ ତାଙ୍କ ଗର୍ଲଫ୍ରେଣ୍ଡ ବି ତାଙ୍କ ସହ ରହୁଥିଲେ । ଆତ୍ମହତ୍ୟାର ଦିନକ ପୂର୍ବରୁ ସେ ନିଜ ପୋଷା କୁକୁରକୁ ବୁଲାଉଥିବା ପ୍ରତ୍ୟକ୍ଷଦର୍ଶୀ ଜଣାଇଥିଲେ। ଘରକୁ ଫେରି ସେ ପୋଷା କୁକୁରର ବେଲ୍ଟରେ ଫାଶୀ ଲଗାଇଥିଲେ । ହେଲେ ପ୍ରାଥମିକ ତଦନ୍ତରୁ ସେ ଡିପ୍ରେସନରେ ଥିବା ପୋଲିସ ଅନୁମାନ କରିଥିଲା ।

ଆସିଫ୍ ବଲିଉଡ଼ର ଅନେକ ଫିଲ୍ମରେ କାମ କରିଛନ୍ତି ।  ହିଚକି, କ୍ରିଷ ୩, କଲାକାଣ୍ଡି, ପାତାଲ ଲୋକ, ହୋଷ୍ଟେଜ୍ ଭଳି ଅନେକ ପ୍ରୋଜେକ୍ଟରେ ନିଜର ଅଭିନୟ ଯାଦୁ ଦେଖାଇଛନ୍ତି। ଏବେ ‘ଦ ଫ୍ୟାମିଲି ମ୍ୟାନ୍ ୨’ରେ ଆସିଫଙ୍କୁ ଦେଖି ଫ୍ୟାନ୍ସ ତାଙ୍କୁ ଖୁବ୍ ମନେ ପକାଇଛନ୍ତି।

ମାସେ ଯାଏଁ ଫ୍ରିଜରେ ଷ୍ଟୋର ହୋଇ ରହିପାରିବ ଫାଇଜର ଟିକା

ନୂଆଦିଲ୍ଲୀ: କରୋନା କାଳରେ ଭ୍ୟାକ୍ସିନ ଭରସା । କିନ୍ତୁ ଭ୍ୟାକ୍ସିନକୁ ନେଇ ରହିଛି ଅନେକ ସର୍ତ୍ତ । ଟିକାର ଟ୍ରାନସପୋର୍ଟେସନ ଠାରୁ ପ୍ରିଜର୍ଭେସନ ଆରମ୍ଭରୁ ମୁଣ୍ଡବିନ୍ଧାର କାରଣ ହୋଇଛି । କୋଉ ଭ୍ୟାକ୍ସିନ୍ ମାଇନସ ୧୮ ଡିଗ୍ରୀ ତାପମାତ୍ରାରେ ତ’ କାହାକୁ ମାଇନସ ୪ ଡିଗ୍ରୀରେ ରଖିବାକୁ ପଡୁଛି । ବିକଶିତ ରାଷ୍ଟ୍ରଙ୍କ ପାଖରେ କୋଲ୍ଡ ଷ୍ଟୋରେଜ ଚେନ୍ ଥିବାରୁ ସେମାନଙ୍କ ପାଇଁ ଏହା ବଡ ସମସ୍ୟା ନୁହେଁ କିନ୍ତୁ ତୃତୀୟ ବିଶ୍ୱର ଦେଶ ଯେମିତି ଭାରତ କିମ୍ବା ଆଫ୍ରିକାର ଗରିବ ଦେଶଙ୍କ ପାଇଁ ଭ୍ୟାକ୍ସିନକୁ ଠିକ୍ ତାପମାତ୍ରାରେ ସଂରକ୍ଷିତ ରଖିବା ବଡ ଚ୍ୟାଲେଂଜ୍ । କିନ୍ତୁ ଏହା ଭିତରେ ଗୋଟିଏ ଭଲ ଖବର ଆସିଛି । ଆଗକୁ ଭାରତ ଆସୁଥିବା ଫାଇଜର ଟିକାକୁ ନେଇ ଏହି ଖବର । ଫାଇଜର ଟିକାକୁ ସୁରକ୍ଷିତ ରଖିବା ପାଇଁ କୋଲ୍ଡ ଚେନରେ ଅଧିକ ଖର୍ଚ୍ଚ କରିବାକୁ ପଡିବ ନାହିଁ ।

ଫାଇଜର ଟିକାକୁ ସୁରକ୍ଷିତ ଭାବେ ଆପଣଙ୍କ ଘରେ ଥିବା ସାଧାରଣ ଫ୍ରିଜରେ ମଧ୍ୟ ରଖି ହେବ । ତା’ ପୁଣି ଦିନେ ଦୁଇ ଦିନ ପାଇଁ ନୁହେଁ ଗୋଟିଏ ମାସ ପର୍ଯ୍ୟନ୍ତ। ଏଭଳି ସୂଚନା ଦେଇଛି ୟୁରୋପୀୟ ସଂଘର ଡ୍ରଗ ରେଗୁଲେଟର ବୋର୍ଡ । ପୂର୍ବରୁ ଏହି ସମୟ ସୀମା କେବଳ ୫ ଦିନ ଥିବାବେଳେ ଏବେ ଏହାକୁ ବୃଦ୍ଧି କରାଯାଇ ଏକ ମାସ କରାଯାଇଛି । ବନ୍ଦ ଭାୱେଲ ଟିକାରେ ଏହି ପରିବର୍ତ୍ତନ କରାଯାଇଛି । ବନ୍ଦ ଭାୱେଲ ଭିତରେ ଥିବା ଭ୍ୟକସିନ ୨ରୁ ୮ ଡିଗ୍ରୀ ସେଲସିୟସ ତାପାମାତ୍ରା ମଧ୍ୟରେ ଫ୍ରିଜ୍ ଭିତରେ ୫ ଦିନରୁ ଏକ ମାସ ପର୍ଯ୍ୟନ୍ତ ଷ୍ଟୋର କରି ରଖାଯାଇପାରିବ। ପୂର୍ବରୁ ଏହାକୁ ୭୦ରୁ ୮୦ ଡିଗ୍ରୀ ସେଲସିୟସ ମଧ୍ୟରେ ସଂରକ୍ଷିତ ରଖା ଯାଉଥିଲା । ହେଲେ ବର୍ତ୍ତମାନ ଏହି ନିୟମରେ ପରିବର୍ତ୍ତନ କରାଯାଇଛି । ପୂର୍ବ ଭଳି ଭ୍ୟାକସିନର ପ୍ରଭାବ କରୋନା ଭାଇରସ ଉପରେ ବଳବତ୍ତର ରହିବ ଏଥିରେ କୌଣସି ପରିବର୍ତ୍ତନ ହେବ ନାହିଁ । ପୂର୍ବ ନିର୍ଦ୍ଧାରିତ ଷ୍ଟୋରେଜ ନିୟମରେ ପରିବର୍ତ୍ତନ କରା ଯାଇଥିବା ନେଇ ସୁଚନା ଦେଇଛି ୟୁରୋପୀୟାନ ମେଡିକାଲ ଏଜେନ୍ସି ।

କରୋନା ଭୂତାଣୁ ବିପକ୍ଷରେ ବେଶ ପ୍ରଭାବୀ ଫାଇଜର ଟିକା । ଟ୍ରାନ୍ସପୋର୍ଟ ଓ ଷ୍ଟୋରେଜକୁ ନେଇ ସମସ୍ୟା ଥିବା ଫଳରେ ଏହି ଟିକାର ବିତରଣକୁ ପ୍ରଭାବିତ କରୁଥିଲା । ବର୍ତ୍ତମାନ ଫାଇଜର ଟିକାକୁ ନେଇ ଥିବା ଟ୍ରାନ୍ସପୋର୍ଟ ଓ ଷ୍ଟୋରେଜ ସମସ୍ୟାକୁ ଏହା ଦ୍ବାରା ଦୂର କରାଯାଇ ପାରିବ । ଫାଇଜର ଭ୍ୟାକସିନ ଷ୍ଟୋରେଜ ଲାଗି ଉଚ୍ଚତାପମାନର ଆବଶ୍ୟକତା ଥାଏ । ଏଭଳି କିଛି କାରଣ ପାଇଁ ବିଭିନ୍ନ ଦେଶରେ ଫାଇଜର ଟିକାର ବିତରଣ ସେତେ ମାତ୍ରାରେ ହୋଇ ପାରୁ ନଥିଲା । ଆଷ୍ଟ୍ରାଜେନେକା ଟିକାକୁ ଅନେକ ଦେଶରୁ ଆସୁଛି ବ୍ଲଡ କ୍ଲଟ ଭଳି ସମସ୍ୟା । ଏହାକୁ ଦୃଷ୍ଟିରେ ରଖି ୟୁରୋପୀୟ ମେଡିକା ଏଜେନସି ବା EMA ନେଇ ଆସୁଥିବା ଆଷ୍ଟ୍ରାଜେନେକା ଟିକା ଉପରେ ଅସ୍ଥାୟୀ ରୂପେ ରୋକ ଲଗାଇଛି । ଏଥିସହ ଫାଇଜରର ଉତ୍ପାଦନ ବଢାଇବା ପାଇଁ ମଧ୍ୟ କହିଛି ବୋର୍ଡ ।

Big Decision Can Be Taken On First Day Of The New Year Regarding The Corona Vaccine

୧୨ରୁ ୧୫ ବର୍ଷ ବୟସର ପିଲାଙ୍କ ପାଇଁ ଫାଇଜର ଟିକା ଦେବା ପାଇଁ ଅନୁମତି ଦେଇଛି କାନାଡାରେ । ସାରା ବିଶ୍ବରେ ପ୍ରଥମ ଦେଶ ବାବେ କାନାଡା ଏହି ନିଷ୍ପତ୍ତି ନେଇଛି । ନିକଟରେ ଆମେରିକା ଫାଇଜର ଟିକାର ଟ୍ରାନ୍ସପୋର୍ଟ ନିୟମରେ କିଛିଟା ପରିବର୍ତ୍ତନ କରିଛି । ୧୫ରୁ ୨୫ ଡିଗ୍ରୀ ସେଲସିୟସ ଫାଇଜର ଟିକାକୁ ୨ ସପ୍ତାହ ଷ୍ଟୋର ଓ ଟ୍ରାନ୍ସପୋର୍ଟ କରିବାକୁ ଅନୁମତି ଦେଇଛି । ଫାଇଜର ଟିକାକୁ ବ୍ରିଟେନ, ଆମେରିକା, ୟୁକ୍ରେନ, ଇସ୍ରାଏଲ ସମେତ ୮୪ ଦେଶ ଅନୁମତି ଦେଇଛନ୍ତି । ୧୨ ସପ୍ତାହରେ ବ୍ୟବଧାନରେ ଏହି ଟିକାର ଦ୍ବିତୀୟ ଡୋଜ ଦିଆଯାଉଛି । ଫାଇଜର ଟିକା କରୋନା ବିଦ୍ଧରେ ୯୫ ପ୍ରତିଶତ ପ୍ରଭାବୀ ବୋଲି ଦାବି କରୁଛି କମ୍ପାନୀ ।

ପ୍ରଶାନ୍ତ ମହାପାତ୍ରଙ୍କ ଦେହାନ୍ତରେ କ୍ରିକେଟର ସୁରେଶ ରୈନାଙ୍କ ଶୋକପ୍ରକାଶ

ଭୁବନେଶ୍ୱର: ପୂର୍ବତନ ଓଡ଼ିଆ ରଣଜୀ ଖେଳାଳି ପ୍ରଶାନ୍ତ ମହାପାତ୍ରଙ୍କ ଦେହାନ୍ତରେ ଗଭୀର ଶୋକ ପ୍ରକାଶ କରିଛନ୍ତି ପୂର୍ବତନ ଭାରତୀୟ କ୍ରିକେଟର ସୁରେଶ ରୈନା।

ସେ ଟ୍ୱିଟରେ ଉଲ୍ଲେଖ କରିଛନ୍ତି ଯେ, ‘‘ପ୍ରଶାନ୍ତ ମହାପାତ୍ର ସାରଙ୍କ ଦେହାନ୍ତରେ ମୁଁ ଖୁବ୍ ମର୍ମାହତ । ତାଙ୍କ ଆତ୍ମାକୁ ସଦଗତି ମିଳୁ । ଏଭଳି ଦୁଃଖଦ ସମୟରେ ଶୋକ ସନ୍ତପ୍ତ ପରିବାର ବର୍ଗଙ୍କୁ ସମବେଦନା ଜଣାଉଛି । ଓମ୍ ଶାନ୍ତି’’ ।

ସୂଚନାଯୋଗ୍ୟ, ଭୁବନେଶ୍ୱର ଏମ୍ସରେ ଚିକିତ୍ସାଧୀନ ଅବସ୍ଥାରେ ବୁଧବାର ଦିନ ପୂର୍ବତନ ଓଡ଼ିଆ ରଣଜୀ ଖେଳାଳି ପ୍ରଶାନ୍ତଙ୍କର ମୃତ୍ୟୁ ହୋଇଥିଲା ।ଦିବଙ୍ଗତ ସାଂସଦ ତଥା  ବିଶିଷ୍ଟ ସ୍ଥପତି ରଘୁନାଥ ମହାପାତ୍ରଙ୍କ ପୁତ୍ର ହେଉଛନ୍ତି ପ୍ରଶାନ୍ତ। ଗତ କିଛି ଦିନ ତଳେ ରଘୁନାଥ ମହାପାତ୍ରଙ୍କ ଦେହାନ୍ତ ହୋଇଥିବା ବେଳେ ଆଜି ସକାଳେ ପ୍ରଶାନ୍ତଙ୍କର ଦେହାନ୍ତ ହୋଇଛି। ସେ ବିସିସିଆଇ ରେଫେରୀ ଟିମ୍‌ର ମଧ୍ୟ ସଦସ୍ୟ ଥିଲେ।

ଅଧିକ ପଢନ୍ତୁ- ରାଷ୍ଟ୍ରୀୟ ମର୍ଯ୍ୟାଦାରେ ହେବ ରଘୁନାଥ ମହାପାତ୍ରଙ୍କ ଶେଷକୃତ୍ୟ, ଘୋଷଣା କଲେ ମୁଖ୍ୟମନ୍ତ୍ରୀ

ସମ୍ଭାବ୍ୟ ବାତ୍ୟା ନେଇ ଏସଆରସିଙ୍କ ବୈଠକ, ଉପକୂଳବର୍ତ୍ତୀ ୧୦ ଜିଲ୍ଲା ସହ ଆଲୋଚନା

ଭୁବନେଶ୍ୱର: ଉତ୍ତର ଆଣ୍ଡାମାନ ସାଗର ଓ ସଂଲଗ୍ନ ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ଆସନ୍ତା ୨୨ ତାରିଖରେ ସୃଷ୍ଟି ହେବାର ଆଶଙ୍କା ରହିଛି । ପରବର୍ତ୍ତୀ ୭୨ ଘଣ୍ଟାରେ ଅର୍ଥାତ୍ ୨୫ ତାରିଖ ସୁଦ୍ଧା ଏହା ବାତ୍ୟାରେ ପରିଣତ ହେବାର ସମ୍ଭାବନା ରହିଛି । ଏଯାଏ ଏହାର ସ୍ଥିତି, ରୂପ, ବାତ୍ୟା ହେବ କି ନାହିଁ ସେନେଇ କୌଣସି ଅନୁମାନ କରାଯାଇ ନାହିଁ । ପ୍ରାକ୍ ଆକଳନ ଅନୁସାରେ, ଲଘୁଚାପ ଘନୀଭୂତ ହୋଇ ବାତ୍ୟାରେ ପରିଣତ ହେଲେ ଏହା ପଶ୍ଚିମବଙ୍ଗ ଓ ଓଡ଼ିଶା ଉପକୂଳରେ ମେ ୨୬ ସନ୍ଧ୍ୟା ସମୟରେ ପହଞ୍ଚିପାରେ ।

ସମ୍ଭାବ୍ୟ ବାତ୍ୟା ଆଶଙ୍କା କରି ଏସଆରସି ଉପକୂଳବର୍ତ୍ତୀ ଜିଲ୍ଲାର ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦେଇଛନ୍ତି । ପାଣିପାଗ ବିଭାଗ, ଏନଡିଆରଏଫ୍, ଓଡ୍ରାଫ, ଅଗ୍ନିଶମ ବାହିନୀ ସହ ଏସଆରସି ଆଲୋଚନା କରିଛନ୍ତି । ଉପକୂଳବର୍ତ୍ତୀ ୧୦ ଜିଲ୍ଲାର ଜିଲ୍ଲାପାଳ ଓ ଏସପିଙ୍କ ସହ ଏସଆରସି ପ୍ରଦୀପ ଜେନା କଥା ହୋଇ ପଦକ୍ଷେପ ନେବାକୁ କହିଛନ୍ତି ।

SRC Review Meeting Over Probable Cyclone In Bay Of Bengal

ସମୁଦ୍ରକୁ ଯାଇଥିବା ମତ୍ସ୍ୟଜୀବୀ ୨୩ ତାରିଖ ସକାଳ ପୂର୍ବରୁ କୂଳକୁ ଫେରି ଆସିବାକୁ ଏସଆରସି ଆହ୍ୱାନ ଦେଇଛନ୍ତି । ବାତ୍ୟା ନେଇ ବିବ୍ରତ ନହେବାକୁ ଏସଆରସି ଜନସାଧାରଣଙ୍କୁ କହିଛନ୍ତି । ସମ୍ଭାବ୍ୟ ବାତ୍ୟା ମୁକାବିଲା ନେଇ ଜିଲ୍ଲା ସ୍ତରରେ ସମସ୍ତ ପ୍ରସ୍ତୁତି ହୋଇଥିବା ସୂଚନା ଦେଇଛନ୍ତି ଏସଆରସି ।

କରୋନା ମୁକାବିଲା ପାଇଁ ଆଶାକର୍ମୀଙ୍କୁ ସହାୟତା

ଭୁବନେଶ୍ୱର: ଆଶା କର୍ମୀଙ୍କୁ ମିଳିବ ସହାୟତା । ପ୍ରଭାବୀ କରୋନା ପରିଚାଳନା ଏବଂ ଅଣ-କୋଭିଡ୍ ଜରୁରୀ ସ୍ୱାସ୍ଥ୍ୟସେବା ପାଇଁ ଆଶାକର୍ମୀଙ୍କୁ ୧୦ ହଜାର ଟଙ୍କା ଲେଖାଏଁ ସହାୟତା ଦିଆଯିବ । ଗ୍ରାମାଞ୍ଚଳ ସହ ସହରାଞ୍ଚଳର ବସ୍ତିରେ ସେବା ଯୋଗାଉ ଥିବା ଆଶାକର୍ମୀ ଏହି ସହାୟତା ପାଇବେ । ଏନେଇ ଅତିରିକ୍ତ ମୁଖ୍ୟ ଶାସନ ସଚିବ ସ୍ୱାସ୍ଥ୍ୟ ବିଭାଗ ସମସ୍ତ ଜିଲ୍ଲାପାଳ ଓ ମହାନଗର ନିଗମ କମିଶନରଙ୍କୁ ଚିଠି ଲେଖିଛନ୍ତି ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଘୋଷଣା ଅନୁସାରେ, ପ୍ରତ୍ୟେକ ଆଶାକର୍ମୀଙ୍କୁ ଗୋଟିଏ ଥର ପାଇଁ ୧୦ ହଜାର ଟଙ୍କା ‘ସ୍ୱାସ୍ଥ୍ୟ ସହାୟ’ (ରାଜ୍ୟ ବଜେଟ୍)ରୁ ମିଳିବ । ଏହାଦ୍ୱାରା ଉତ୍ତମ କରୋନା ପରିଚାଳନା ସହ ଅଣ-କୋଭିଡ୍ ଚିକିତ୍ସା ସେବା ଭଲ ଭାବେ ଯୋଗାଯାଇ ପାରିବ । ଆଶାକର୍ମୀ ଏହି ଅର୍ଥକୁ ନିମ୍ନଲିଖିତ ଭାବେ ଖର୍ଚ୍ଚ କରି ପାରିବେ ।

ବାଇ-ସାଇକେଲ୍ କିଣିବା

ଛତା, ଟର୍ଚ୍ଚ, ଚପଲ, ପାଣି ବୋତଲ, ବ୍ୟାଗ

ମାସ୍କ, ସାନିଟାଇଜର, ସାବୁନ୍, ଗ୍ଲୋଭସ୍, ଫେସ୍ ସିଲ୍ଡ, ଥର୍ମାଲ୍ ସ୍କାନର, ହେଲମେଟ୍

କ୍ଷୁଦ୍ର ବ୍ୟାଟେରୀ ଚାଳିତ ମାଇକ୍

ଯାତାୟତ ଖର୍ଚ୍ଚ

ଏହି ସହାୟତା ସମସ୍ତ ଆଶାକର୍ମୀଙ୍କୁ ମିଳିବ । ଅନ୍ୟପଟେ ମେ ୨୪ରୁ ଅଗଷ୍ଟ ୨୩ ଯାଏଁ ୩ ମାସ ଧରି ରାଜ୍ୟରେ ଘରକୁ ଘର ବୁଲି ସର୍ଭେ କରିବେ ଆଶାକର୍ମୀ ଓ ଅଙ୍ଗନୱାଡ଼ି କର୍ମୀ । କୋଭିଡ୍ ଲକ୍ଷଣ ସହ ଗମ୍ଭୀର ରୋଗରେ ଆକ୍ରାନ୍ତ ନେଇ ତଥ୍ୟ ସଂଗ୍ରହ କରାଯିବ । ଆଶାକର୍ମୀ  ପ୍ରତିଦିନ ୨୦ଟି ଘର ବୁଲିବେ । ମାସକରେ ଅତିକମରେ ପ୍ରତି ପରିବାରକୁ ଦୁଇଥର ଯିବେ । ଏଥିପାଇଁ ଆଶାକର୍ମୀଙ୍କୁ ମାସିକ ୧ ହଜାର ଟଙ୍କା ଅତିରିକ୍ତ ମିଳିବ । ଏନସିଡି ସ୍କ୍ରିନିଂ ପାଇଁ ୫ ଶହ ଟଙ୍କା, ସକ୍ରିୟ ଯକ୍ଷ୍ମା ମାମଲା ଚିହ୍ନଟ ପାଇଁ ଶହେ ଟଙ୍କା, ମାଲେରିଆ ରୋଗ ଚିହ୍ନଟ ଓ ଚିକିତ୍ସା ପାଇଁ ପ୍ରଥମ ୧୦ଟି ମାମଲା ପାଇଁ ମାସିକ ୧୫୦ ଟଙ୍କା ଓ ୧୦ରୁ ଅଧିକ ମାମଲା ପାଇଁ ୭୫ ଟଙ୍କା ମିଳିବ ।

‘ରାଜ୍ୟ ପାଇଁ ଗୁରୁତ୍ୱପୂର୍ଣ୍ଣ ଆଗାମୀ ୭ରୁ ୧୦ ଦିନ’

ଭୁବନେଶ୍ୱର: ରାଜ୍ୟରେ ସଂକ୍ରମଣ ପିକ୍‌ ଆଡ଼କୁ ମୁହାଁଉଛି । ଆଗାମୀ ୭ରୁ ୧୦ ଦିନ ଆମ ପାଇଁ ବେଶ ଗୁରୁତ୍ୱପୂର୍ଣ୍ଣ । ରାଜ୍ୟରେ ବର୍ତ୍ତମାନ ଲକଡାଉନ୍ ସ୍ଥିତି ରହିଛି ସଂକ୍ରମଣ ସମାନ୍ତରାଳ ସ୍ଥିତିରେ ରହିଛି । ଆଗାମୀ ୭ରୁ ୧୦ ଦିନ ପରେ କୋଭିଡ୍ ପରିସଂଖ୍ୟାନ ଶୀର୍ଷକୁ ଛୁଇଁ କ୍ରମାନ୍ଵୟରେ ହ୍ରାସ ପାଇବ ବୋଲି କହିଛନ୍ତି ସ୍ୱାସ୍ଥ୍ୟ ବିଶେଷଜ୍ଞ ନିରୋଜ ମିଶ୍ର । ଜୁନ ମାସ ପ୍ରଥମ ସପ୍ତାହ ବେଳକୁ ରାଜ୍ୟରେ ସଂକ୍ରମଣ ହାର କମି ଯାଇଥିବ ।

ବର୍ତ୍ତମାନ ଆମ ପାଇଁ ବଡ଼ ଉପଲବ୍ଧି ଆମର ସଂକ୍ରମଣ ହାର ୨୦ ପ୍ରତିଶତ ତଳକୁ ଆସିଛି । ପ୍ରଥମ ଲକଡାଉନ ପାଇଁ ରାଜ୍ୟରେ ସଂକ୍ରମଣ ପ୍ଲାଟ୍ୟୁ ସ୍ଥିତିରେ ଅଛି ନଚେତ ଏହା ୨୦ରୁ ୨୫ ହଜାରରେ ରହିଥାନ୍ତା । ଭୁବନେଶ୍ୱରରେ ପଜିଟିଭ ହାର ପାଖାପାଖି ୩୫ ପ୍ରତିଶତ ରହୁଛି । ବର୍ତ୍ତମାନ ସ୍ଥିତିରେ ଆମକୁ ଆଇସିୟୁ ବେଡ୍ ବଢ଼ାଇବାର ଆବଶ୍ୟକତା ରହିଛି । ଅତିକମରେ ୧୫ ଦିନ ପାଇଁ ସ୍ୱାସ୍ଥ୍ୟ ଭିତ୍ତିଭୂମିକୁ ସମ୍ପୂର୍ଣ୍ଣ ପ୍ରସ୍ତୁତ ରଖିବାକୁ ପଡ଼ିବ ।

ବର୍ତ୍ତମାନ ଗ୍ରାମାଞ୍ଚଳକୁ ଫୋକସ୍ କରିବା ପାଇଁ ସରକାର ଯେଉଁ ନିଷ୍ପତ୍ତି ନେଇଛନ୍ତି ତାହା ବହୁତ ଭଲ ପଦକ୍ଷେପ ନେଇଛନ୍ତି । ମାକ୍ସ ବାଣ୍ଟିବା ଦ୍ୱାରା ଲୋକେ ସଚେତନ ହେବେ ସଂକ୍ରମଣଠୁ ଦୂରେଇ ରହିବେ ବୋଲି କହିଛନ୍ତି ସ୍ବାସ୍ଥ୍ୟ ବିଶେଷଜ୍ଞ ନିରୋଜ ମିଶ୍ର ।

ରାଜ୍ୟରେ କରୋନାକୁ ମାତ୍ ଦେଲେ ଆଉ ୧୦ ହଜାର ୩୬ ଜଣ

ଭୁବନେଶ୍ୱର: କରୋନା ସହ ଲଢ଼ୁଛି ଓଡ଼ିଶା । ୨୪ ଘଣ୍ଟାରେ ରାଜ୍ୟରେ ଆଉ ୧୦ ହଜାର ୩୬ ଜଣ କରୋନାକୁ ହରାଇଛନ୍ତି । ଏଥିସହଲ ରାଜ୍ୟରେ ମୋଟ ସୁସ୍ଥତା ୫ ଲକ୍ଷ ୪୬ ହଜାର ୬୩୧କୁ ବୃଦ୍ଧି ପାଇଛି । ଏନେଇ ସୂଚନା ଦେଇଛି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ।

ଖୋର୍ଦ୍ଧାରୁ ସର୍ବାଧିକ ୧୪୭୧ ଜଣ କରୋନାରୁ ସୁସ୍ଥ ହୋଇଥିବା ବେଳେ ସୁନ୍ଦରଗଡ଼ରୁ ୮୧୪, କଟକରୁ ୭୧୮, ଅନୁଗୁଳରୁ ୫୧୦, ବରଗଡ଼ରୁ ୪୫୫, କଳାହାଣ୍ଡିରୁ ୪୩୭, ଯାଜପୁରରୁ ୪୦୭, ଗଞ୍ଜାମରୁ ୩୬୬, ନବରଙ୍ଗପୁରରୁ ୩୫୬, ପୁରୀରୁ ୩୫୧, ବଲାଙ୍ଗିରରୁ ୩୪୨, ଝାରସୁଗୁ଼ଡ଼ାରୁ ୩୩୪, ସମ୍ବଲପୁରରୁ ୩୦୦, ଭଦ୍ରକରୁ ୨୫୦, ନୟାଗଡ଼ରୁ ୨୪୫, ଢେଙ୍କାନାଳରୁ ୨୩୬ ଜଣ ସୁସ୍ଥ ହୋଇଛନ୍ତି ।

ସେହିଭଳି ବାଲେଶ୍ୱରରୁ ୨୩୦, ବୌଦ୍ଧରୁ ୨୧୮, ନୂଆପଡ଼ାରୁ ୨୦୨, ରାୟଗଡ଼ାରୁ ୧୯୯, କେନ୍ଦୁଝରରୁ ୧୮୬, ମୟୂରଭଞ୍ଜରୁ ୧୬୫, ଜଗତସିଂହପୁରରୁ ୧୫୫, ସୋନପୁରରୁ ୧୪୮, କେନ୍ଦ୍ରାପଡ଼ାରୁ ୧୪୧, ଦେବଗଡ଼ରୁ ୧୩୮, କୋରାପୁଟରୁ ୧୧୧, ଗଜପତିରୁ ୧୦୨, କନ୍ଧମାଳରୁ ୯୫, ମାଲକାନଗିରିରୁ ୮୩ ଓ ଷ୍ଟେଟ ପୁଲରୁ ୨୭୧ ଜଣ ସୁସ୍ଥ ହୋଇଛନ୍ତି ।

ଡ୍ରାଇଭ-ଇନ୍ ଓ ଡୋର-ଷ୍ଟେପ ଟିକାକରଣ ମନା

ଭୁବନେଶ୍ୱର: ବନ୍ଦ ହେବ ଡ୍ରାଇଭ୍-ଇନ୍ ଡୋର୍-ଷ୍ଟେପ ଟିକାକରଣ । ବିଏମସି, ସିଏମସି ସହ ଅନ୍ୟ କିଛି ଜିଲ୍ଲା ବରିଷ୍ଠ ନାଗରିକଙ୍କ ପାଇଁ ଏଭଳି ପଦକ୍ଷେପ ନେଇଥିବା ବେଳେ ଏଥିରେ ରୋକ୍ ଲଗାଇଛି ସ୍ୱାସ୍ଥ୍ୟ ବିଭାଗ । ଏନେଇ ଅତିରିକ୍ତ ମୁଖ୍ୟ ଶାସନ ସ୍ୱାସ୍ଥ୍ୟ ସଚିବ ପ୍ରଦୀପ୍ତ ମହାପାତ୍ର ସମସ୍ତ ଜିଲ୍ଲାପାଳ ଓ ମହାନଗର ନିଗମ କମିଶନରଙ୍କୁ ଚିଠି ଲେଖିଛନ୍ତି ।

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଜାରି ଗାଇଡଲାଇନ୍ ଅନୁସାରେ, ଡ୍ରାଇଭ-ଇନ୍ ଓ ଡୋର-ଷ୍ଟେପ୍ ଟିକାକରଣକୁ ଅନୁମତି ନାହିଁ । ଗାଇଡଲାଇନ୍ ସ୍ପଷ୍ଟ ଭାବେ କହୁଛି, ଟିକାକରଣ ସ୍ଥାନରେ ପ୍ରତୀକ୍ଷା ସ୍ଥଳ ସହ ଟିକାକରଣ କକ୍ଷ, ପର୍ଯ୍ୟବେକ୍ଷଣ କକ୍ଷ ଥିବ । ଏଥିସହ ଟିକା ନେବା ପରେ କୌଣସି ପାର୍ଶ୍ୱ ପ୍ରତିକ୍ରିୟା ଦେଖାଗଲେ ଚିକିତ୍ସା ହୋଇପାରିବ । ଟିକାକରଣ ପରେ ୩୦ ମିନିଟ୍ ଅବଜରଭେସନରେ ରଖାଯାଇ ଥାଏ ।

ତେବେ ଡ୍ରାଇଭ-ଇନ୍ ଓ ଡୋର-ଷ୍ଟେପ୍ ଟିକାକରଣ ଦ୍ୱାରା ପାର୍ଶ୍ୱ ପ୍ରତିକ୍ରିୟା ଦେଖାଗଲେ ସମ୍ଭାଳିବା କଷ୍ଟକର । ଏପରିକି ଟିକା ମଧ୍ୟ ନଷ୍ଟ ହେବ । ଏସବୁ ଦୃଷ୍ଟିରୁ ଡ୍ରାଇଭ-ଇନ୍ ଓ ଡୋର-ଷ୍ଟେପ୍ ଟିକାକରଣରୁ ନିବୃତ୍ତ ରହିବା ଲାଗି ସ୍ୱାସ୍ଥ୍ୟ ବିଭାଗ ନିର୍ଦ୍ଦେଶ ଦେଇଛି ।

କୋଭିଡ୍ ଟିକା ନେଇପାରିବେ ଛୁଆଙ୍କୁ ସ୍ତନ୍ୟପାନ କରାଉଥିବା ମହିଳା

ନୂଆଦିଲ୍ଲୀ: NEGVACର ସୁପାରିସକୁ କେନ୍ଦ୍ର ସରକାର ଗ୍ରହଣ କରିଛନ୍ତି । ବିଶ୍ୱରେ କରୋନା ସ୍ଥିତି, ଟିକାକରଣ ଆଦିରେ ହୋଇଥିବା ଅଧ୍ୟୟନ ଓ ଅଭିଜ୍ଞତା ଭିତ୍ତି କରି NEGVAC ସରକାରଙ୍କୁ କିଛି ସୁପାରିସ୍ କରିଥିଲା । ଯାହାକୁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଗ୍ରହଣ କରିଛି ।

ନୂଆ ନିୟମ ଅନୁଯାୟୀ, କୋଭିଡରୁ ସୁସ୍ଥ ହେବାର ୩ ମାସ ପରେ କୋଭିଡ୍ ଟିକା ନେଇ ପାରିବେ । ଯେଉଁମାନେ କୋଭିଡ୍ ଚିକିତ୍ସା ବେଳେ ପ୍ଲାଜମା ନେଇଥିବା ସେମାନେ ମଧ୍ୟ ହସ୍ପିଟାଲରୁ ଡିସଚାର୍ଜ ହେବାର ୩ ମାସ ପରେ ଟିକା ନେବେ । ପ୍ରଥମ ଡୋଜ୍ ଟିକା ନେବା ପରେ କୋଭିଡ୍ ସଂକ୍ରମିତ ହୋଇଥିଲେ ନିର୍ଦ୍ଧାରିତ ସମୟରେ ଦ୍ୱିତୀୟ ଡୋଜ୍ ଟିକା ନେବେ ନାହିଁ । କୋଭିଡରୁ ସୁସ୍ଥ ହେବାର ୩ ମାସ ପରେ ଟିକା ନେଇପାରିବେ ।

କେହି ବ୍ୟକ୍ତି କୌଣସି ଗମ୍ଭୀର ରୋଗରେ ଆକ୍ରାନ୍ତ ହୋଇ ହସ୍ପିଟାଲ କିମ୍ବା ଆଇସିୟୁରେ ଭର୍ତ୍ତି ହୋଇଥିଲେ । ୪ରୁ ୮ ସପ୍ତାହ ପରେ କୋଭିଡ୍ ଟିକା ନେବେ । ଜଣେ ବ୍ୟକ୍ତି ଟିକା ନେବାର ୧୪ ଦିନ ପରେ ରକ୍ତଦାନ କରିପାରିବେ । ଛୁଆଙ୍କୁ ସ୍ତନ୍ୟପାନ କରାଉଥିବା ସମସ୍ତ ମହିଳା କୋଭିଡ୍ ଟିକା ନେଇପାରିବେ । କୋଭିଡ୍ ଟିକା ନେବା ପୂର୍ବରୁ ଆଣ୍ଟିଜେନ୍ ଟେଷ୍ଟର ଆବଶ୍ୟକତା ନାହିଁ । ତେବେ ଗର୍ଭବତୀ ମହିଳା ଟିକା ନେବେ କି ନାହିଁ ସେନେଇ କୌଣସି ନିଷ୍ପତ୍ତି ନିଆଯାଇ ନାହିଁ ।

କେଉଁମାନଙ୍କୁ ବ୍ଲାକ୍ ଫଙ୍ଗସ୍ ହେବାର ସମ୍ଭାବନା ଅଧିକ

ଭୁବନେଶ୍ୱର: ବାୟୁ ମଣ୍ଡଳରେ ରହିଛି ବ୍ଲାକ୍ ଫଙ୍ଗସ୍ । ପୂର୍ବରୁ ମଧ୍ୟ ଲୋକେ ବ୍ଲାକ ଫଙ୍ଗସରେ ଆକ୍ରାନ୍ତ ହେଉଥିଲେ । ଦୀର୍ଘ ଦିନ ଧରି କୌଣସି ଏକ ଗୁରୁତର ରୋଗରେ ସଂକ୍ରମିତ ହୋଇ ଷ୍ଟେରଏଡ୍ କିମ୍ବା ରୋଗ ପ୍ରତିରୋଧକ ଶକ୍ତି ହ୍ରାସ ହେଲେ ବ୍ଲାକ ଫଙ୍ଗସରେ ଆକ୍ରାନ୍ତ ହୋଇଥାନ୍ତି । ଏନେଇ ଏସସିବି ମେଡିକାଲ କଲେଜ ଭେଷଜ ବିଭାଗ ମୁଖ୍ୟ ପ୍ରଫେସର ଜୟନ୍ତ ପଣ୍ଡା ପ୍ରେସମିଟରେ ସୂଚନା ଦେଇଛନ୍ତି ।

ମୁଣ୍ଡ ବନ୍ଧା ହେବା, ଆଖି ଲାଲ ହେବା, ଆଖିରେ ଦୁଇଟି ଦେଖାଯିବା, ରକ୍ତ ବାନ୍ତି ହେବା, ଛାତି ବ୍ୟଥା ହେବା, ଧଇଁସଇଁ ହେବା ଭଳି ଲକ୍ଷଣ ଦେଖା ଯାଏ । ମଧୁମେହ ରୋଗରେ ପୀଡ଼ିତ ହୋଇଥିଲେ ଏହି ଫଙ୍ଗସରେ ଆକ୍ରାନ୍ତ ହୋଇଥାନ୍ତି । କୋଭିଡ୍ ଚିକିତ୍ସା ସମୟରେ ମଧ୍ୟ ଲୋକଙ୍କ କ୍ଷେତ୍ରରେ ରକ୍ତ ସର୍କରା ବୃଦ୍ଧି ପାଇଥାଏ । ପୂର୍ବରୁ ରକ୍ତ ସର୍କରା ନଥାଇ ପ୍ରଥମେ ବେଶି ରକ୍ତ ସର୍କରା ହୋଇଥିଲେ ବ୍ଲାକ ଫଙ୍ଗସରେ ଆକ୍ରାନ୍ତ ହେବାର ସମ୍ଭାବନା ଅଧିକ । କୋଭିଡ ସଂକ୍ରମିତ ହୋଇ ନଥିବା ବ୍ୟକ୍ତି ପୂର୍ବରୁ ଏହି ରୋଗରେ ଆକ୍ରାନ୍ତ ହୋଇଥାନ୍ତି । ଏପରିକି ଅର୍ଗାନ ଟ୍ରାନସପ୍ଲାଣ୍ଟ ଏବଂ କ୍ୟାନସର ଚିକିତ୍ସାଧିନ ଲୋକେ ମଧ୍ୟ ଏଥିରେ ଆକ୍ରାନ୍ତ ହୋଇଥାନ୍ତି ।

Dr Jayant Panda On Black Fungus Symptoms

କୋଭିଡ ରୋଗୀଙ୍କ ଠାରେ ରକ୍ତ ସର୍କରା ନିୟନ୍ତ୍ରିତ ନହେବା କିମ୍ବା ଦୀର୍ଘ ଦିନ ଧରି ଷ୍ଟେରଏଡ ଥେରାପି ନେଉଥିଲେ ବ୍ଲାକ ଫଙ୍ଗସରେ ଆକ୍ରାନ୍ତ ହେବାର ସମ୍ଭାବନା ଅଧିକ । କିଛି ବ୍ୟକ୍ତି ବିନା ଡାକ୍ତରୀ ପରାମର୍ଶରେ ଷ୍ଟେରଏଡ ଥେରାପି ନେଉଛନ୍ତି । ତେଣୁ କୋଭିଡ୍ ରୋଗୀ ହୋମ୍ ଆଇସୋଲେସନରେ ଥିବା ସମୟରେ ୧୦୪ ସହ ସମ୍ପର୍କରେ ରହି ଔଷଧ ଖାଇବା ଉଚିତ ବୋଲି ସେ କହିଛନ୍ତି । ତେଣୁ କୋଭିଡ ଚିକିତ୍ସା ସମୟରେ ରକ୍ତ ସର୍କରାକୁ ନିୟନ୍ତ୍ରଣ କରାଯିବା ସହ ସୁସ୍ଥ ହେବା ପରେ ଷ୍ଟେରଏଡର ପ୍ରଭାବକୁ ହ୍ରାସ କରାଯାଇଥାଏ ।

ବ୍ଲାକ ଫଙ୍ଗସର ଚିକିତ୍ସା ପାଇଁ ୪ରୁ ୬ ସପ୍ତାହ ଲାଗିଥାଏ । ଚିକିତ୍ସା ପରେ ସୁସ୍ଥ ହେବା ପରେ ମଧ୍ୟ ଘରେ ଆବଶ୍ୟକ ସତର୍କତା ଅବଲମ୍ବନ କରିବାକୁ ପଡ଼ିଥାଏ । ଚିକିତ୍ସା ଉଚିତ୍ ସମୟରେ ଆରମ୍ଭ ହେଲେ ରୋଗମୁକ୍ତ ହୋଇପାରିବେ । ବଗିଚାରେ କାମ କରୁଥିବା, ଶିଉଳି ସଫା କରୁଥିବା, ନିର୍ମାଣ କ୍ଷେତ୍ରରେ କାମ କରୁଥିବା ବ୍ୟକ୍ତି କିମ୍ବା ସାର କାମ କରୁଥିବା ବ୍ୟକ୍ତି ସୁରକ୍ଷିତ ମାସ୍କ ପିନ୍ଧିବା ଉଚିତ୍ ବୋଲି ସେ କହିଛନ୍ତି । ଆବଶ୍ୟକ ପଡିଲେ ଦୁଇଟି ମାସ୍କ ପିନ୍ଧିବା ସହ ଦେହକୁ ସମ୍ପୂର୍ଣ୍ଣ ଘୋଡେଇ ରଖନ୍ତୁ । ମାସ୍କ ସହ, ଗ୍ଲୋଭସ, ଫେସ ସିଲ୍ଡ, ଜୋତା ଆଦି ପିନ୍ଧିଲେ ହିଁ ବ୍ଲାକ ଫଙ୍ଗସ ସଂକ୍ରମଣକୁ ଏଡ଼ାଇ ଦିଆଯାଇପାରିବ ।