ନୂଆଦିଲ୍ଲୀ: ବିବାହ ବନ୍ଧନରେ ବାନ୍ଧି ହେଲେ ଟିମ୍ ଇଣ୍ଡିଆର ଦ୍ରୁତ ବୋଲର ଯଶପ୍ରୀତ ବୁମରାହ। ୨୦୧୪ ମିସ୍ ଇଣ୍ଡିଆ ଫାଇନାଲିଷ୍ଟ ତଥା ସ୍ପୋର୍ଟସ ଆଙ୍କର ସଞ୍ଜନା ଗାଣେସନଙ୍କୁ ସେ ବିବାହ କରିଛନ୍ତି। ଦୁହିଁଙ୍କ ବିବାହର ଫଟୋ ଏବେ ସୋଶାଲ ମିଡିଆରେ ଭାଇରାଲ ହେଉଛି। ବର କନ୍ୟା ବେଶରେ ଦୁହେଁ ବେଶ୍ ଚମତ୍କାର ଦେଖାଯାଉଛନ୍ତି। ତେବେ ଏହାରି ମଧ୍ୟରେ ସମସ୍ତେ ଜାଣିବାକୁ ଚାହୁଁଛନ୍ତି ଯେ ସଞ୍ଜନା ଗଣେଶନ କିଏ ଓ ସେ କେମିତି ବୁମରାହଙ୍କ ହୃଦୟ ଚୋରେଇନେଲେ।
View this post on Instagram
ବାସ୍ତବରେ, ସଞ୍ଜନା ଗଣେସନ ଜଣେ ଭାରତୀୟ ମଡେଲ ଏବଂ ସ୍ପୋର୍ଟସ ଆଙ୍କର। ସେ ସବୁବେଳେ ଷ୍ଟାର ସ୍ପୋର୍ଟସ ଚ୍ୟାନେଲରେ ଭାଷ୍ୟକାର ସାଜନ୍ତି। ମଡେଲରୁ ଆଙ୍କର ବନିଥିବା ସଞ୍ଜନା ଆଇପିଏଲ ସହ ଏକାଧିକ କ୍ରୀଡ଼ାଭିତ୍ତିକ କାର୍ଯ୍ୟକ୍ରମ କରିଛନ୍ତି। କ୍ରିକେଟ ବ୍ୟତୀତ ସେ ବେଳେବେଳେ ବ୍ୟାଡମିଣ୍ଟନ ଓ ଫୁଟବଲ ଇଭେଣ୍ଟ ବି ହୋଷ୍ଟ କରନ୍ତି। ନିକଟରେ ଆଇପିଏଲ୍ ୨୦୨୧ର ଅକଶନ ବି ସଞ୍ଜନା ହିଁ ହୋଷ୍ଟ କରୁଥିଲେ। ସଞ୍ଜନା ଜଣାଶୁଣା ମ୍ୟାନେଜମେଣ୍ଟ ଗୁରୁ ଗଣେଶ ରାମସ୍ୱାମୀଙ୍କ ଝିଅ। ରାମସ୍ୱାମୀ ପୁଣେର ‘ଆଲାନା ଇନଷ୍ଟିଚ୍ୟୁଟ୍ ଅଫ୍ ମ୍ୟାନେଜମେଣ୍ଟ ସାଇନ୍ସ’ର ନିର୍ଦ୍ଦେଶକ। ସଞ୍ଜନା ପୁଣେର ସିମ୍ବାୟାସିସ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିରୁ ଏକ ସଫ୍ଟୱେୟାର ଇଞ୍ଜିନିୟରିଂ ଡିଗ୍ରୀ ହସଲ କରିଛନ୍ତି। ଏହା ପରେ ସେ ମଡେଲିଂରେ କ୍ୟାରିୟର ଆରମ୍ଭ କରିଥିଲେ । ସଞ୍ଜନା ଫେମିନା ମିସ୍ ଇଣ୍ଡିଆ ୨୦୧୩ ରେ ଭାଗନେଇଥିଲେ । ଏହି ପ୍ରତିଯୋଗିତାରେ ସେ ଫେମିନା ଅଫିସିଆଲି ଗର୍ଜିୟସ୍ ଟାଇଟଲ୍ ଜିତିଥିଲେ । ଏମଟିଭିର ଲୋକପ୍ରିୟ ରିଆଲିଟି ସୋ ସ୍ପ୍ଲିଟ୍ସଭିଲା ସିଜନ୍ ୭ ରେ ବି ନଜର ଆସିଥିଲେ ସଞ୍ଜନା।
View this post on Instagram
ସଞ୍ଜନା ଏବଂ ବୁମରାଙ୍କ ଲଭ ଷ୍ଟୋରୀ କ୍ରିକେଟ୍ ମଇଦାନରୁ ହିଁ ଆରମ୍ଭ ହୋଇଥିଲା । ସୂଚନା ଅନୁଯାୟୀ, ଇଣ୍ଡିଆନ୍ ପ୍ରିମିୟର ଲିଗ୍ ସମୟରେ ଦୁହିଁଙ୍କର ପ୍ରଥମ ଭେଟ ହୋଇଥିଲା। ଏବଂ ପରେ ଉଭୟ ପରସ୍ପର ସହ କଥାବାର୍ତ୍ତା ହୋଇଥିଲେ ଏବଂ ଘନିଷ୍ଠ ବନ୍ଧୁ ମଧ୍ୟ ହୋଇଗଲେ। ଆଉ ଏହି ବନ୍ଧୁତା ଧୀରେ ଧୀରେ ପ୍ରେମରେ ବଦଳିଗଲା। ଆଉ ଉଭୟ ପରସ୍ପରର ଜୀବନସାଥୀ ହେବାକୁ ନିଷ୍ପତ୍ତିନେଲେ।
View this post on Instagram
ବୁମରାହ ଓ ସଞ୍ଜନା ଗତକାଲି ଗୋଆରେ ବିବାହ କରିଛନ୍ତି। ସମ୍ପୁର୍ଣ୍ଣ ପଞ୍ଜାବୀ ରିତିନୀତିରେ ଏହି ବିବାହ ସମ୍ପନ୍ନ ହୋଇଛି। ବିବାହ କାର୍ଯ୍ୟକ୍ରମରେ କେବଳ ଦୁଇ ପରିବାରର ସଦସ୍ୟ ଓ କିଛି ନିକଟତର ବନ୍ଧୁ ସାମିଲ ହୋଇଥିଲେ। କରୋନା କଟକଣା ଯୋଗୁ ବୁମ୍ରା ବେଶୀ ଲୋକଙ୍କୁ ବିବାହକୁ ନିମନ୍ତ୍ରଣ କରିନାହାନ୍ତି।
