କେନ୍ଦୁଝର: ସାମାଜିକ ବାସନ୍ଦର କରୁଣ ଚିତ୍ର। ମୃତ୍ୟୁ ପରେ ମଧ୍ୟ ମିଳିଲାନି ଉପଯୁକ୍ତ ସମ୍ମାନ। ଜୋରିମାନା ଦେଲେନି ବୋଲି ପଡ଼ିରହିଲା ଶବ। ଦିନ ଦ୍ୱିପ୍ରହରରୁ ରାତି ପର୍ଯ୍ୟନ୍ତ ଅବହେଳିତ ହୋଇ ପଡ଼ିରହିଲା ମୃତଦେହ। ଶବ ପୋଡ଼ିବାକୁ ହେଲେ ଜୋରିମାନା ଆକାରରେ ଦେବାକୁ ପଡ଼ିବ ଦେଢ଼ ଲକ୍ଷ ଟଙ୍କା। ଏଭଳି ଏକ ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା କେନ୍ଦୁଝରଗଡ ମ୍ୟୁନିସିପାଳିଟି ର ୧୧ ନମ୍ବର ଓ୍ୱାର୍ଡରେ। ଧୋବଡିହା ଗାଁର ଜଣେ ବ୍ୟକ୍ତି ସାମାଜିକ ବାସନ୍ଦ ହୋଇଥିବାରୁ ତାଙ୍କ ବାପାଙ୍କ ବିୟୋଗ ପରେ ଘରେ ପଡ଼ିରହିଛି ଶବ।

ମୃତକ ଜଣକ ହେଉଛନ୍ତି କେନ୍ଦୁଝର ସହର ଧୋବାଡିହା ଗାଁ’ର ୮୨ ବର୍ଷୀୟ ଯଦୁମଣୀ ମୁର୍ମୁ। ଜମିଜମା ବିବାଦ ପାଇଁ ୨୦୧୨ ମସିହାରୁ ତାଙ୍କ ପରିବାରକୁ ଗାଁ ଲୋକେ ବାସନ୍ଦ କରିଥିଲେ। ଯେଉଁକାରଣରୁ କୌଣସି ପୂଜା ପର୍ବରେ ବି ତାଙ୍କ ଘରକୁ କେହି ଆସନ୍ତି ନାହିଁ କି ତାଙ୍କୁ କେହି ଡାକନ୍ତି ନାହିଁ। ତେବେ ବୃଦ୍ଧାବସ୍ଥା କାରଣରୁ ଯଦୁମଣୀଙ୍କର ଆଜି ମଧ୍ୟାହ୍ନ ୧୨ଟାରେ ମୃତ୍ୟୁ ହୋଇ ଯାଇଥିଲା। ହେଲେ ଗାଁ ଲୋକେ ମୃତଦେହ ଉଠାଇବାକୁ ଦେଇ ନଥିଲେ। ତେବେ ସ୍ଥାନୀୟ ପ୍ରଶାସନର ହସ୍ତକ୍ଷେପ ପରେ ଶବକୁ ମଶାଣିକୁ ନିଆଯାଇଥିଲା।

ଭୁବନେଶ୍ୱର: ରିଲ ଲାଇଫରେ ପ୍ରେମର ରଙ୍ଗ ଲଗାଉଥିବା ଲଭ ବାର୍ଡ ଏବେ ରିୟଲ ଲାଇଫରେ ଯୋଡ଼ି ହୋଇଛନ୍ତି। ଫିଲ୍ମରେ ନୁହେଁ ପ୍ରକୃତ ଜୀବନେ ହୋଇଛନ୍ତି ଦୁହେଁ ଦୁହିଁଙ୍କର ଜୀବନର ସାଥୀ। କାରଣ ବିବାହ ବନ୍ଧନରେ ବାନ୍ଧି ହେଲେ ଚର୍ଚ୍ଚିତ ଅଭିନେତା ଓ ଅଭିନେତ୍ରୀ ସବ୍ୟସାଚୀ ମିଶ୍ର ଓ ଅର୍ଚ୍ଚିତା ସାହୁ। ରାଜସ୍ଥାନର ଏକ ବିଳାସପୂର୍ଣ୍ଣ ସ୍ଥାନରେ ଉଭୟଙ୍କ ବିବାହ ସମ୍ପନ୍ନ ହୋଇଛି। ଅର୍ଚ୍ଚିତାଙ୍କ ମଥାରେ ସିନ୍ଦୂର ପିନ୍ଧାଇ ସାତ ଜନ୍ମର ସାଥୀ କରିଛନ୍ତି ସବ୍ୟସାଚୀ ମିଶ୍ର। ପରିବାର ସଦସ୍ୟ ଓ ହାତଗଣତି ଘନିଷ୍ଠ ବନ୍ଧୁଙ୍କ ଗହଣରେ ଉଭୟଙ୍କ ବିବାହ ସମ୍ପନ୍ନ ହୋଇଛି। ଦୀର୍ଘଦିନ ଧରି ଉଭୟଙ୍କ ଭିତରେ ଭଲପାଇବାକୁ ନେଇ ଚର୍ଚ୍ଚା ହେଉଥିଲା। ଶେଷରେ ଚର୍ଚ୍ଚାରେ ପୂର୍ଣ୍ଣଚ୍ଛେଦ ପକାଇ ସାତ ଜନମର ସାଥୀ ହୋଇଛନ୍ତି ଉଭୟ। ଓଲିଉଡ କଳାକାରଙ୍କଠାରୁ ଆରମ୍ଭ କରି ପ୍ରିୟ ପ୍ରଶଂସକଙ୍କ ନିକଟରୁ ଉଭୟଙ୍କ ବିବାହକୁ ନେଇ ଛୁଟିଛି ଶୁଭେଚ୍ଛାର ସୁଅ। ୨୦୦୫ ମସିହାରେ ‘ଓ ମାଇଁ ଲଭ’ ଫିଲ୍ମରେ ଓଲିଉଡରେ ପାଦ ଦେଇଥିଲେ ଅର୍ଚ୍ଚିତା। ପରେ ପରେ ୨୦୦୭ରେ ପାଗଳ ପ୍ରେମୀ ସିନେମାରେ ଓଲିଉଡ ଦୁନିଆରେ ପାଦ ଥାପିଥିଲେ ସବ୍ୟସାଚୀ ମିଶ୍ର। ତେବେ ଦୁହିଁଙ୍କ ବିବାହକୁ ନେଇ ସିନେ ପ୍ରେମୀଙ୍କ ମଧ୍ୟରେ ଦେଖିବାକୁ ମିଳିଛି ବେଶ ଉତ୍ସାହ।